Աստղիկ․

Օգնեք իմանալ խնդրում եմ՝ արդյո՞ք տոնական ոչ աշխատանքային օրերի համար աշխատողը վարձատրվում է, թե՞ ոչ։ Նախապես շնորհակալություն։

Արմեն․

Բարև ձեզ։ Աշխատողին պետք է աշխատանքից ազատել Աշխատանքային օրենսգրքի 113 հոդվածի 1-ին մասի 2-րդ կետի հիմքով։ Աշխատողին պետք է տրամադրել ծանուցում, հետո ազատել աշխատանքից հրամանի համաձայն։ Խնդիրը կայանում է նրանում, որ աշխատողը գտնվում է արտերկրում, և պետք է նրան ծանուցել տեսազանգի և մեյլի միջոցով։ Ինչպե՞ս ստեղծել իրավական ճիշտ հիմքեր։ Արդյո՞ք խնդիր կառաջանա, եթե աշխատողը հրաժարվի ստորագրել աշխատանքից ազատման հրամանը։

Հայկ․

Բարև ձեզ: Կխնդրեմ օգնեք հետևյալ հարցում: Ըստ աշխատանքային օրենսգրքի՝ 6-օրյա աշխատողների միջինը հաշվելիս համապատասխան թիվը բաժանում ենք 25-ի, իսկ 5-օրյաներինը՝ 21-ի: Իսկ եթե աշխատողը ոչ ստանդարտ գրաֆիկով է աշխատում, օրինակ՝ շաբաթական 2 օր, այս դեպքում ո՞ր հոդվածով ենք առաջնորդվում: Շնորհակալություն։

Էմմա․

Բարև ձեզ, հարգելի խմբակիցներ։ Մի էսպիսի հարց ունեմ. եթե Գործատուն որոշում է փոփոխել աշխատանքի էական պայմանները՝ նորմալ աշխատաժամանակից տեղափոխել ոչ լրիվ և, համապատասխանաբար, նվազեցնել աշխատավարձը: Պարտադի՞ր է ծանուցման մեջ նշել պատճառների մասին, թե՞ կարող ենք ուղղակի հղում տալ ՀՀ ԱՕ-ի 105-րդ և 115-րդ հոդվածի համապատասխան կետերը և վերջ: Կանխավ շնորհակալություն:

Հայկ․

Բարև Ձեզ: Վերջերս ինչ-որ հարթակում լսել եմ, որ միևնույն կազմակերպությունում չեն կարող աշխատել ընտանիքի անդամներ, հարազատներ, երբ ի պաշտոնե մեկը մյուսի ենթական է: Աշխատանքային օրենսգրքում չգտա համապատասխան հոդվածը: Խնդրում եմ ուղղորդել՝ արդյո՞ք դա այդպես է, և ո՞ր հոդվածն է:

Աննա․

Բարև Ձեզ: Հարցս հետևյալն է՝ ունենք աշխատակիցներ, որոնք չեն օգտագործել 2019-2020թթ. ամենամյա արձակուրդը: Արդյո՞ք ճիշտ է, որ 2023թ.դեկտեմբերի 01-ից օրենքը թույլ է տալիս չօգտագործված արձակուրդները միացնել այս տարվա հերթական արձակուրդին, և ո՞ր հոդվածի հղումով պետք է ձևակերպվի հրամանը: Կանխավ շնորհակալություն:

Արմեն․

Հարգելի հաշվապահներ, ասացեք խնդրեմ՝ որքա՞ն կկազմի 24 ժամյա աշխատողի աշխատավարձը, եթե նա կատարում է 24 ժամյա հերթապահություն ամեն 4-րդ օրը, բայց պայմանագրով նշված է 6-օրյա աշխատանքային շաբաթ, և աշխատելու է ըստ հերթափոխի ու նշված չէ 24 ժամյա հերթապահություն աշխատավարձը նվազագույն աշխատավարձը և ֆիքսված է ժամավճար ու չի ներառվում ԱՕ ի 139 հոդվածով։ Գիտեմ՝ չի թույլատրվում նման գրաֆիկով աշխատանք, բայց որքա՞ն է կազմում տվյալ դեպքում արտաժամյա աշխատանքի շաբաթական 40 ժամից ավել աշխատանքը, թե՞ հերթափոխը ութ ժամից աշխատած ժամանակահատվածը (հերթապահությունը) և եթե կարելի է աշխատավարձի հաշվարկի ձևը կուզենայի նաև իմանալ հանգստյան օրերի աշխատանքը տվյալ դեպքում կիրակի օրերը, եթե ըստ գրաֆիկի է, վճարվում է կրկնակի, թե՞ ոչ։

Հասմիկ․

Բարև Ձեզ, հարգելի հաշվապահներ, խնդրում եմ օգնել մի հարցում: Գործատուն ցանկանում է աշխատակցի հետ կնքել նոր համաձայնագիր, որով աշխատաողը պետք է անցնի կես դրույք աշխատանքի։ Ծանուցումը եղել է գործատուի կողմից 3 օր առաջ։ Եթե աշխատողը հրաժարվում է ստորագրել այդ համաձայնագիրը, գործատուն ինչպե՞ս պետք է լուծի գործող պայմանագիրը։ Ի՞նչ հետևանքներ կունենա դա։ Նախապես շնորհակալություն։

Նինա․

Բարև Ձեզ, ես ունեմ ԱՁ և ցանկանում եմ կազմել Ներքին կանոնակարգ աշխատակիցների համար: Արդյոք կա՞ ստանդարտ որևէ ձև 96.02.0 գործունեության տեսակի համար: Կխնդրեմ ուղղորդել, եթե անգամ չկա:

Տաթևիկ․

Բարև Ձեզ: Ըստ ՀՀ ԱՕ 129-րդ հոդվածի 1-Ին մասի՝ «1. Սույն օրենսգրքի 113-րդ հոդվածի 1-ին մասի 1-ին, 2-րդ և 4-րդ կետերով նախատեսված հիմքերով աշխատանքային պայմանագիրը լուծվելու դեպքում գործատուն աշխատողին վճարում է արձակման նպաստ նրա մեկ ամսվա միջին աշխատավարձի չափով, իսկ 113-րդ հոդվածի 1-ին մասի 3-րդ և 7-րդ կետերով, ինչպես նաև 109-րդ հոդվածի 1-ին մասի 9-րդ կետով և 124-րդ հոդվածով նախատեսված դեպքերում աշխատանքային պայմանագիրը լուծելու դեպքում գործատուն, հաշվի առնելով տվյալ գործատուի մոտ աշխատողի անընդմեջ աշխատանքային ստաժը, աշխատողին վճարում է արձակման նպաստ`…….»:

Հարցս հետևյալն է․ եթե պետական ՀՈԱԿ-ի աշխատակիցների հաստիքը 1 դրույքից փոփոխվել է 0.75-ի, 0.25-ի, արդյո՞ք դա համարվում է հաստիքի կրճատում և/կամ աշխատանքի էական պայմանների փոփոխում, ըստ վերը նշված հոդվածների հիմքերի (113-րդ հոդվածի 1-ին մասի 2-րդ կետ, 109-րդ հոդվածի 1-ին մասի 9-րդ կետ ), և արդյո՞ք արձակման նպաստ տրամադրվում է աշխատակիցներին, թե՞ ոչ: ՇՆՈՐՀԱԿԱԼ ԵՄ։

Էմմա․

Բարև ձեզ։ Հարցս վերաբերվում է ՀՀ ԱՕ 176-րդ հոդվածին: Կարո՞ղ եմ աշխատողին տրամադրել չվճարվող արձակուրդ՝ առանց 176-րդ հոդվածի 1-ին մասում նշված հիմքերի: Կանխավ շնորհակալություն:

Էմմա․

Բարև բոլորին։ Մի էսպիսի հարց ունեմ․ եթե Աշխատողը դիմում է ներկայացրել 26.02-ին, որ 01.03-ից ցանկանում է ազատվել աշխատանքից, և Գործատուն չի առարկում: Կարող եմ չէ՞ իրեն ազատել ՀՀ աշխատանքային օրենսգրքի 112-րդ հոդվածի 2.1. մասով: Կանխավ շնորհակալություն:

Մայիս․

Բարև Ձեզ:

1․ Ընկերությունն ունի աշխատակից, ով այս պահին ծնողական արձակուրդում է (2 տարի), ով նախատեսում է վերականգնվել սեպտեմբերի 1-ին: Նրա վերջին պայմանագրով ամբողջ դրույքի համար իր աշխատավարձը եղել է 250 000 ՀՀ դրամ: Վերջին տարվա ընթացքում Ընկերության աշխատավարձերի սանդղակը փոփոխվել է, և իր դիպլոմի և փորձի պայմաններում աշխատավարձը նոր հաշվարկով պետք է նվազի: Արդյո՞ք կարող է աշխատակցին առաջարկվել ավելի վատ աշխատանքային պայմաններ, ծնողական արձակուրդից վերադառնալու պարագայում, եթե աշխատանքային օրենսգրքով պահանջվում է պահպանել հաստիքը և նույն պայմանները:

2․ Ո՞ր դեպքերում Գործատուն կարող Աշխատողին ազատել աշխատանքից Աշխատանքային օրենսգրքի 111-րդ հոդվածի հիմքով։

Հայկ․

Բարև Ձեզ: Գործատուն ցանկանում է աշխատողին ազատել ԱՕ 113-րդ հոդվածի 1-ին մասի 5-րդ կետի հիմքով, այսինքն աշխատանքային պարտականությունները թերի կատարելու համար:

Հարց 1. Ծանուցումը քանի՞ օր առաջ պետք է ուղարկել:

Հարց 2. եթե աշխատողը հրաժարվում է առձեռն ստորագրել ծանուցումը, ապա փոստային առաքումով ուղարկելը բավարար հի՞մք է ազատելու համար:

Հարց 3. եթե աշխատողը այլևս չի ներկայանում աշխատանքի, ապա այդ օրերի համար աշխատավարձի հաշվարկ չի՞ կատարվում:

Հայկ․

Բարև Ձեզ: Աշխատանքային օրենսգրքով պահանջվում է աշխատանքային պայմանագրում նշել աշխատավարձը որոշելու ձևը: Կարելի՞ է օրինակ սահմանել ամսական դրույքաչափ 80 000 դրամ (պահումներից հետո 60 000 ) այն դեպքում, երբ շաբաթական աշխատաժամանակի տևողությունը 12 ժամ է: Խախտում կդիտվի՞: Ժամավճար չեմ ուզում սահմանել, քանի որ ամեն ամիս տարբեր մեծություններ կստացվի: Կխնդրեմ ուղղորդել: Շնորհակալություն։

Նաիրա.

Բարև Ձեզ: ՀՀ Աշխատանքային օրենսգրքի ո՞ր հոդվածով կարելի է աշխատողին տեղափոխել (փոխադրել) նույն գործատուի մոտ այլ աշխատանքի։

Սուսաննա․

Բարև ձեզ, հարգելի գործընկերներ։ Կարո՞ղ եք նշել, թե որ դեպքերում է պետք ծանուցել աշխատակցին, բացի աշխատանքային պայմանագրի ժամկետը լրանալը։ Օրինակ, եթե աշխատողը ժամանակավորապես փոխարինել է բացակայող աշխատողին, ապա հիմնական աշխատողի հետ վերադառնալուց առաջ պե՞տք է ծանուցել փոխարինող աշխատողին։ Շնորհակալություն։

Մերի․

Բարև Ձեզ, խնդրում եմ օգնեք, հարցս հետևյալն է. Ինչպե՞ս կարող եմ չեղարկել հրամանը և ԱՕ-ի ո՞ր հոդվածը կարող եմ դնել հրամանի մեջ որպես հիմք:

Գևորգ․

Բարև Ձեզ, հարգելի մասնագետներ։ ՀՀ աշխատանքային օրենսգրքի հետ կապված հարց ունեմ։ ՀՀ ԱՕ 84-րդ հոդվածի 14 կետ՝ աշխատանքային հարաբերությունների հետ կապված` գործատուի և աշխատողի կողմից միմյանց ծանուցելու եղանակները պետք է պարտադիր ներառվեն աշխատանքային պայմանագրում։ Ասացեք խնդրեմ՝ կոնկրետ ո՞րը պետք է ներառվի, յուրաքանչյուր հոդված իր ծանուցման եղանակներն ունի, հնարավո՞ր է արդյոք այդքանը ներառել։

Դավիթ․

Բարև Ձեզ։ Այսօր՝ հունիսի 13-ին, ծանուցում եմ ստացել, որ հաստիքի կրճատման հետևանքով հունիսի 22-ից լուծվում է աշխատանքային պայմանագիրս։ Նշված է, որ ըստ Աշխատանքային Օրենսգրքի 129-րդ հոդվածի կվճարեն արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուգանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով (2 ամիս առաջ պետք է ծանուցեին)։ Իմ ամսական աշխատավարձը հարկերով 192 000 դրամ էր, մաքուր՝ 140 800, (միջին օրական աշխատավարձի հաշվարկման ձևը չգիտեմ մաքուր աշխատավարձով են հաշվում թե կողտոտ, եթե մաքուր ապա 7 400 դրամ, եթե կողտոտ ապա 10 900 դրամ), ունեմ նաև 38 չօգտագործված արձակուրդային օր։ Աշխատում եմ հնգօրյա գրաֆիկով։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Շնորհակալություն:

Հարգելի գործընկերներ,
Էդուքս ուսումական կենտրոնում անցկացվում են ամենամսյա դասընթացներ բոլոր հարկատեսակների մասով, ներառյալ փոփոխությունները։

Մանրամասների համար զանգահարել՝ 374-33-77-66-40
Հասցե՝ Պարոնյան 50/3

Աստղիկ․

Բարև Ձեզ։
irtek.am կայքում ցույց է տալիս 01․07 2022 թվականի աշխատանքային օրենսդրության փոփոխություն։ Կհուշե՞ք խնդրում եմ՝ ինչ փոփոխություն է։
Կանխավ շնորհակալություն։

Կարինե.

Աշխատողը աշխատանքային պայմանագիրը լուծելու դիմում է ներկայացրել՝ ուրբաթ օրը՝ առանց պայմանագրի լուծման օրը նշելու։ Բանավոր տեղեկացմամբ հաջորդ երկուշաբթի աշխատողը չի ներկայանալու աշխատանքի, քանի որ նույն երկուշաբթի օրը աշխատանքային պայմանագիր է կնքել այլ գործատուի հետ։ Նախկին գործատուի կողմից դիմումին ընթացք չի տրվել, փոխարենը բացակայություններ են ամրագրվում։ Դիմումի առկայության պարագայում գործատուն որքա՞ն բացակա իրավունք ունի դնելու և որո՞նք են աշխատողի իրավունքներն այս դեպքում։

Արփի․

Բարև ձեզ։ Խնդրում եմ նշել՝ կարո՞ղ ենք և չի՞ հակասում ԱՕ-ին Աշխատանքային պայմանագրում սահմանել 24-ժամյա հերթափոխով գրաֆիկ՝ հաջորդող 48 ժամ հանգիստ, եթե աշխատակիցը չի ներառվում ԱՕ 139 հոդվածի 4-րդ կետում ներառված առանձին կատեգորիայի աշխատողների ցանկում, որը սահմանում է ՀՀ կառավարությունը: Եթե այո, կարգավորող դրույթը կխնդրեի նշել:

Մարինա․

Ողջույն։
Հարցս հետևյալն է. ԱՕ 265 հոդվածի հետագա համատեղ աշխատանքի անհնարինության դեպքում 12 ամսյա հատուցման դեպքում վճարված գումարից ինչպե՞ս է իրականացվում հարկի և վճարի գանձումը։

Մարինե․

ՀՀ աշխատանքային օրենսգրքի 109 հոդվածի 1-ին մասի 9 – րդ կետով՝ 9) աշխատանքի էական պայմանները փոփոխվելու դեպքում, եթե աշխատողի հետ անմիջապես կնքվում է նոր պայմանագիր՝ այլ պաշտոնով, աշխատավարձով և գրաֆիկով, այս դեպքում արձակման նպաստ պե՞տք է վճարի գործատուն, թե ոչ։

Գոհար.

Առաջադրանք.
Երկրում ստեղծված պատերազմական և համաճարակային իրավիճակից ելնելով՝ ձեր կազմակերպությունը պետք է կատարի ծախսերի կրճատում: Որոշում է կայացվել կրճատել որոշ հաստիքներ:
Ներկայացրեք՝
1. ձեր կազմակերպության անվանումը և գործունեության բնույթը,
2. աշխատակիցների թիվը,
3. քանի՞ աշխատակցի եք պլանավորում ազատել աշխատանքից,
4. ի՞նչ սկզբունքով եք կատարել կրճատվող աշխատակիցների ընտրությունը,
5. ո՞ր հոդվածով եք ձևակերպելու ազատումը,
6. կազմեք աշխատանքից ազատման ծանուցում:

Սարիբեկ․

Բարև ձեզ, շնորհավոր Ամանոր։ Խնդրում եմ պատասխանել հետևյալ հարցին` ՀՀ աշխատանքային օրենսգրքի 178-րդ հոդվածի 3-րդ մասով նախատեսված աշխատավարձին ավելացվող գումարները ընկերության ո՞ր աշխատակիցները չեն կարող ստանալ։ Արդյո՞ք ընկերությունում աշխատելու ժամանակահատվածը կապ ունի։ Կանխավ շնորհակալություն։

Ռուզաննա.

Բարև ձեզ։ Խնդրում եմ պատասխանել. իր հաշվին արձակուրդը օրացուցայի՞ն օրով է, թե՞ աշխատանքային օրով է նշվում։ ՀՀ աշխատանքային օրենսգրքում գրված է, որ տարվա կտրվածքով հասնում է մինչև 60 օր։ Այսինքն՝ օրացուցայի՞ն օրով պետք է հաշվել։ Կանխավ շնորհակալ եմ։

Գայանե.

Բարև ձեզ: Հարգելիներս մի հարց. եթե աշխատողը չի ուզում իր դիմումի համաձայն դուրս գալ աշխատանքից` ինչպե՞ս ազատել համաձայն օրենսգրքի:

Կարինե.

Բարեվ Ձեզ: Խնդրում եմ օգնել գտնել՝ կնքված ծառայությունների մատուցման պայմանագրերը գործող օրենսդրությանը համապատասխանության փորձաքննություն իրականացնող իրավաբանական կազմակերպություն։ Եթե ունենք կասկածներ, որ այդ պայմանագիրը հակասում է աշխատանքային օրենսգրքին և այլ իրավական ակտերին։ Կանխավ շնորհակալություն։

Սերոժ․

Հարգելիներս, խնդրում եմ փորձի փոխանակում իրականացնել հետևյալ հարցի վերաբերյալ՝ Եթե հղի աշխատակիցը աշխատանքային պարտականությունները լավ չի կատարում՝ աշխատանքի հաճախում է ուշացումներով, հանձնարարությունները չի կատարում և բացահայտ անհարգալից վերաբերմունք է ցուցաբերում՝ ի՞նչ կարելի է անել, ո՞րն է առավել գործուն միջոցը։

Բաբկեն.

Հարգելի գործընկերներ,
Հարցս հետևյալն է. արդյո՞ք Աշխատանքային Օրենսգրքով նախատեսված են հատուկ դրույթներ ոստիկանության աշխատակիցների (շարքային և/կամ սպայական անձնակազմ) վերաբերյալ: Մասնավորպես` ամենամյա վճարովի արձակուրդի և ժամանակավոր անաշխատունակության մասով: Զրուցակիցս պատմում է՝ իբր նրանց հերթական արձակուրդը չի վճարվում, իսկ բյուլետենը վճարվում է ինչոր այլ այլ աղբյուրից (ոչ բյուջեից) անհասկանալի կամայական սկզբունքով: Ակնկալում եմ գրագետ հիմնավորված պատասխան՝ գործող օրենսդրական ակտին համատասխանող հղումներով:

Մարիետա.

Բարև Ձեզ, հարգելի հաշվապահներ: Խնդրում եմ տալ աշխատանքային օրենսգրքի հղումը այն մասին, որ մինչև երեխայի 3 տարին լրանալը ժամկետից շուտ (4ամիս) աշխատանքի վերադառնալու վերաբերյալ նախօրոք 2 ամիս առաջ պետք է տեղյակ պահել: Նշեմ՝ խոսքը վերաբերվում է մանկավարժին, ով դեկտեմբերի փոխարեն ցանկանում է աշխատանքի դուրս գալ սեպտեմբերի 1-ից, տնօրենը ասում է՝ պետք է դիմումը գրվեր 2 ամիս առաջ:

Աստղիկ․

Բարև Ձեզ: Ստացվել է այնպիսի իրավիճակ, որ Աշխատողը (հերթափոխով աշխատող պահակը) 60 օր չվճարվող արձակուրդ է խնդրել Գործատուից և մեկնել ՌԴ: Հեռախոսազանգի միջոցով Գործատուին տեղեկացրել է, որ այլևս չի վերադառնալու: Խնդրում եմ ասեք՝ ՀՀ Աշխատանքային Օրենսգրքի ո՞ր հոդվածի հիմքով իրավունք ունի Գործատուն ազատել Աշխատողին աշխատանքից։
Կանխավ շնորհակալություն

Անյա.

Բարև ձեզ: Այսպիսի հարց ունեմ. ԱՕ 153-րդ հոդվածի համաձայն՝ աշխատողներին տրամադրվում է հատուկ ընդմիջում, եթե աշխատանքը կատարվում է +40°C բարձր կամ -10°C ցածր օդի ջերմաստիճանային պայմաններում։ Բայց օրենսգիրքը չի հստակեցնում պայմանները, որոնք պետք է տրամադրի գործատուն։ Լրացուցիչ ընդմիջման դեպքում նշվում է, օրինակ, մինչև 18 տարեկան աշխատողներին տրամադրվում է նվազագույնը 30 րոպե տևողությամբ լրացուցիչ ընդմիջում։ Բայց հատուկ ընդմիջման դեպքում կոնկրետ օրինակ չկա։

Վարդան.

Հարգելի կոլեգաներ, եթե աշխատողները պարբերաբար ուշանում են, Աշխատանքային օրենսգրքի ո՞ր հոդվածով կարող ենք աշխատավարձից պահումներ անել:

Նոնա.

Խնդրում եմ մեկնաբանել Աշխատանքային օրենսգրքի 141 հոդվածի 3-րդ կետը։ Համաձայն այս կետի հղի կինը, ով չունի մինչև 1 տարեկան խնամքի տակ գտնվող երեխա, կարող է իր պահանջով նոր աշխատաժամանակ սահմանել։ Ենթադրենք 8 ժամի փոխարեն աշխատել 6 ժամ՝ պահպանելով աշխատավարձը և ստաժը:

Արմինե.

Բարև Ձեզ։ Այսօր՝ դեկտեմբերի 2-ին, ծանուցում եմ ստացել, որ հաստիքի կրճատման հետևանքով դեկտեմբերի 3-ից լուծվում է աշխատանքային պայմանագիրս։ Նշված է, որ ըստ Աշխատանքային Օրենսգրքի 129-րդ հոդվածի կվճարեն արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուգանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով /2 ամիս առաջ պետք է ծանուցեին/։ Իմ ամսական աշխատավարձը հարկերով 160 000 դրամ էր, մաքուր՝ 118 200, ունեմ նաև 35 չօգտագործված արձակուրդային օր։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Շնորհակալություն:

Էմիլի.

Բարև Ձեզ: Ըստ օրենքի ո՞ր կետով է սահմանվում աշխատողին օգնություն տրամադրելու կարգը, և ի՞նչ թղթեր են հարկավոր:

Էմիլի.

Բարև Ձեզ, հարգելի հաշվապահներ: Քաղիրավական հիմունքներով ընդունված աշխատողին ժամկետը լրանալուց տրվում է միա՞յն աշխատավարձ, թե՞ նաև պետք է վերջնահաշվարկ կատարել: Եվ խնդրանք՝ աշխատանքային օրենսգրքում, եթե կա հստակ սահմանում կամ կետ՝ կասեք ո՞րն է: Նախախապես շնորհակալ եմ:

Բարև Ձեզ:
Եթե անձը երկու տարբեր կազմակերպություններում աշխատանքային պայանագիր ունի, ընդհանուր օրական 10 ժամ զբաղվածությամբ, ապա.
– արդյո՞ք կարող է Ա/Ձ բացել,
– արդյո՞ք ՀՀ աշխատանքային օրենսգրքում սահմանված օրվա մեջ առավելագույնը 12 ժամ աշխատաժամանակը վերաբերում է նաև ֆրիլանս և ծառայության մատուցման պայմանագրով աշխատանքներին: Այսինքն, եթե խոսքը աշխատանքային պայմանագրով աշխատանքի մասին չէ, ժամային սահմանափակում կա՞:

Կանխավ շնորհակալ եմ:

Բարև Ձեզ: Խնդրում եմ օգնել հասկանալ, եթե աշխատողի աշխատանքը դառնում է ծանրաբեռնված, այդ դեպքում ճի՞շտ է վճարել պարգևավճար, թե՞ հավելավճար:
Եվ երկուսի դեպքում էլ կարո՞ղ է վճարվել աշխատավարձից կրկնակի անգամ շատ գումար: Եվ խնդրում եմ ասել ԱՕ-ի ո՞ր մասով է կարգավորվում:

Ani.

Բարև Ձեզ: Եթե աշխատողին ՀՀ ԱՕ-ի 172-րդ հոդվածի 1-ին մասի համաձայն տրամադրվել է հղիության և ծննդաբերության արձակուրդ, դրա համար գրվել է հրաման, արձակուրդի վճարման համար ի՞նչ հրաման պետք է գրել, և ե՞րբ: