Տիգրան․

Ողջույն: Ինչպե՞ս է ճիշտ ձևը` փոխհատուցելու աշխատողին, եթե իր անձնական միջոցներով ինչ-որ գնում է կատարել ընկերության համար: Ի՞նչ սահմանափակումներ կան (օրինակ՝ գումարի չափ, գնման տեսակ, …)

Շուշանիկ․

Բարև ձեզ։ Խնդրում եմ պարզաբանել՝ կազմակերպության տնօրենի կատարած ծախսերը՝ կապված կազմակերպության հաշվեկշռում հաշվառված մեքենայի տրանսպորտային և պետական վճարումների հետ, հնարավո՞ր է փոխհատուցել՝ գումարը փոխանցելով նրա բանկային հաշվին։

Աննա․

Հարգելի հաշվապահներ, շրջհարկով աշխատող ՍՊԸ -ն շուկայից ապրանք է գնել (մինչև 300 000), գնման ակտով դրամարկղից ելքագրելու թղթակցող հաշիվը 2282 ճի՞շտ է։

Աննա․

Տնօրենին առհաշիվ տրվել է դրամ, որը ինքը կանխիկացրել է և վերածել արտարժույթի ու բանկում մուտք արել, որպեսզի վճարում կատարի մատակարարին (բանկերը տարբեր են)։ Ինչ որ խախտում կա՞ կանխիկի սահմանափակումների մասով։

Թինա․

Բարև Ձեզ, հարգելի հաշվապահներ։ Կազմակերպության աշխատակիցն իր անձնական բանկային քարտի միջոցով վճարում է կատարել խանութում, և ՀԴՄ-ի վրա նշվել է կազմակերպության ՀՎՀՀ-ն։ Այս դեպքում առհաշիվ անձին փոխանցում կատարելը անկանխիկի օրենքի խախտում չի՞ համարվի։

Նարե․

Բարև Ձեզ։ Հարգելի հաշվապահներ, եթե կազմակերպության աշխատողին փոխանցվել է գումար կազմակերպության մեքենայի նորոգման համար, ինչպե՞ս պետք է կազմել առհաշիվի հաշվետվություն, եթե բոլոր ծառայություններն ու ապրանքները ձեռք են բերվել շուկայից առանց ՀԴՄ կտրոնների։

Անի․

Հարգելի՛ հաշվապահներ, կազմակերպության տնօրենը դրամարկղից պարբերաբար գումար է վերցրել առհաշիվ: Հարցս հետևյալն է՝ առհաշիվ գումարների դեպքում պայմանագիր պե՞տք է կազմվի տնօրենի հետ: Խոսքը մեծ գումարի մասին է:

Լիլիթ․

Բարև ձեզ։ Եթե ՍՊԸ տնօրենին ամսվա մեջ մեկ անգամ դրամարկղից տրվում է առհաշիվ գումար գնումներ կատարելու համար, և տնօրենը առհաշիվ տրված գումարի համար հաշվետվություն է ներկայացնում, հարցս այն է՝ արդյո՞ք ոչ կանխիկ՝ ՍՊԸ-ի հաշվից տնօրենի հաշվեհամար փոխանցվող գումարի համար էլ պետք է տնօրենի ներկայացնի նույն հաշվետվությունը։ Նշեմ, որ տնօրենի հաշվին փոխանցվում է շուկայից գնում կատարելու նպատակով, ՍՊԸ-ն աշխատում է շրջհարկի դաշտում։

Նարեկ․

Հարգելի հաշվապահներ, հարցս հետևյալն է՝ կազմակերպության աշխատակիցը կազմակերպությանը պատկանող մեքենայով գործուղվել է ՌԴ, ճանապարհի և մնացած բոլոր ծախսերը կատարել է իր գրպանից, վերադառնալուց ներակայացրել է սնունդի և վառելիքի ծախսերը հիմնավորող ՀԴՄ կտրոններ։

2335-Ն որոշումը ուսումնասիրել եմ, կխնդրեմ ուղղորդել՝ ինչպե՞ս կատարեմ ծախսերի փոխհատուցումը, ի՞նչ փաստաթղթեր են անհրաժեշտ պատրաստել բացի գործուղման հրամանից։

Նշեմ նաև, որ ծախսերը կատարվել են ռուբլով, իսկ հյուրանոցի գիշերավարձը հիմնավորող փաստաթղթեր առկա չեն։

Գրիգոր․

Բարև Ձեզ: Արտասահման գործուղվող աշխատակցին ինքնաթիռի տոմս ձեռք բերելու համար կարո՞ղ ենք արդյոք վճարել առհաշիվ, քանի որ ինքնաթիռի տոմսը ցանկանում է ձեռք բերել ONLINE, չի՞ հակասում արդյոք անկանխիկ գործառնությունների մասին օրենքին, եթե այո՝ շահութահարկի հարկման նպատակով ծախս կարո՞ղ ենք համարել:

Մելինե․

Հարգելի հաշվապահներ, եթե ՍՊԸ-ի տնօրենը ամիսներ շարունակ իր անձնական հաշվից կատարել է ծախսեր ՍՊԸ-ի համար (օրինակ՝ գրասենյակի կոմունալները), հիմա ինչպե՞ս ձևակերպել այդ պարտքը ու փոխհատուցել գունարները։ Շնորհակալություն։

Gegham Bagrazyan.

Առհաշիվ տրված գումարով հաշվետու անձը կազմակերպության համար ՀԴՄ-ով ամսվա ընթացքում ձեռք է բերել նյութեր և կանխիկ վճարել ամեն ՀԴՄ-ի համար տարբեր օրերին 15-ից 50 հազար դրամ՝ ընդամենը 500 հազար դրամ, որը դրամարկղից կանխիկ վճարվել է 2 տարբեր օրերին՝ 230 և 270 հազար դրամ։ Կանխիկի սահմանափակումներ հաշվի առած՝ կարո՞ղ եք ասել՝ ինչպե՞ս պետք է կատարվի վճարումը առհաշիվ անձին և մատակարարին, եթե չի գերազանցվել 300 հազար դրամը 2022թ-ի հուլիսից: Նույնը վերաբերվում է շուկայից գնումներին, որոնք նույնպես կատարվել են կանխիկ և չեն գերազանցել 300 հազար դրամը։

Գրիգոր․

Բարև Ձեզ: Բուհը ունի դրամաշնորհներ, որտեղ օտարերկրյա գործուղման ծախսերը ծրագիրը նախատեսում է հաստատուն օրապահիկի արժեք։ Կա, որ ավելի բարձր է, քան 2335-Ն որոշմամբ նախատեսված է, և կա, որ ավելի ցածր է: Նույնը նախատեսված է նաև ճանապարհածախսի համար: Ի՞նչ թղթակցություններ պետք է տրվի ավել կամ պակաս տրված առհաշիվ գումարի ծախսագրման համար, և արդյո՞ք կարել է ավելի պակաս կամ ավել վճարել, քան նախատեսում է 2335-Ն որոշումը:

Աննա․

Բարև Ձեզ, ընկերությունը դրամային հաշվից գումար է առհաշիվ անձին փոխանցել: Հաշվետու անձը կանխիկացրել և տարադրամի փոխանակման կետում կոնվերտացիա է արել, դարձրել է ռուբլի և մուտք է արել ընկերության ռուբլու հաշվին (առհաշիվ գումարի վերադարձ՝ ռուբլով): Խնդրում եմ ասեք՝ խնդիրներ կա՞ն անկանխիկ գործառնությունների մասով։ Ըստ անկանխիկ գործառնությունների մասին օրենքի 3-րդ հոդվածի՝ 1) անկանխիկ ձևով գործառնություն (վճարում)` կանխիկ կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) բանկային հաշվին, կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) էլեկտրոնային փողի հաշվին: Ընդ որում, անկանխիկ եղանակով նախաձեռնած վճարում է համարվում նախաձեռնողի բանկային կամ էլեկտրոնային փողի հաշվից կատարված վճարումը (փոխանցումը). 2) 4) կանխիկ ձևով գործառնություն (վճարում)` սույն օրենքով սահմանված` անկանխիկ չհանդիսացող վճարում. Սա վերաբերու՞մ է արդյոք վերոնշյալ գործարքին։ Կանխավ շնորհակալություն:

Աննա․

Բարև Ձեզ, հարգելի հաշվապահներ։ Եթե ՍՊԸ իր ընկերությն պատկանող տրանսպորտային միջոցներ ԱՊՊԱ անում էր օնլայն եղանակով, աշխատակցի քարտին դրամարկղից մուտքագրվում էր գումար, և քարտի միջոցով արվում ԱՊՊԱ, նշեմ, որ օնլայն ԱՊՊԱ ՍՊԸ հաշվեհամարից չի լինում, հիմա այս կանխիկ գործառույթների հետ կապված նման ձևով ԱՊՊԱ-ն խնդիր չի՞ առաջացնի: Կանխավ շնորհակալ եմ:

Արթուր.

Բարև Ձեզ։ Իդրամով վճարումները ընդունելիս ի՞նչ ՀԴՄ կտրոն տրամադրել։ Ընկերության տնօրենին կարելի՞ է տալ կանխիկ գումար՝ առհաշիվ, մինչև 300 000 դրամ մեքենայի բենզին լցնելու համար, թե՞ ոչ։

Արտակ․

Բարև Ձեզ։ Հուլիսի 01-ից կատարվող փոփոխություններով առհաշիվ գումարների տրամադրումը նույնպե՞ս պետք է կատարվեն անկանխիկ։

Արթուր.

ՀՀ ռեզիդենտ կազմակերպությունը ձեռք է բերում ֆիլմի ցուցադրման իրավունք ոչ ռեզիդենտ կազմակերպությունից։ Տվյալ պարագայում ծառայության մատուցման վայրը ո՞րն է համարվում, և արդյո՞ք առաջանում է ԱԱՀ և ոչ ռեզիդենտի շահութահարկ։ Եվ արդյոք ինքնահաշիվ գրելու խնդիր կա, թե՞ ոչ։
Եվս մեկ հարց. Արդյո՞ք շուկայից միակողմանի գնման ակտով ձեռքբերումները այլևս չենք կարող առհաշիվ անձի միջոցով կատարել:

Լանա․

Արդյո՞ք պետք է ունենալ դրամարկղային գիրք, եթե ՍՊԸ-ն կանխիկ գործարքներ չի իրականացնում՝ աշխատավարձի, առհաշիվ գումարների տրամադրումը կատարվում է անկանխիկ եղանակով:

Հայկ.

Բարև Ձեզ հարգելի մասնագետներ: Կարո՞ղ եք օգնել` հասկանալ 2022թ.-ից ուժի մեջ մտնող կանխիկի սահմանափակումների հետ կապված.
1. արդյո՞ք այլևս չենք կարող ՍՊԸ հիմնադրին կանխիկ վճարել շահաբաժին:
Եվ 2-րդ հարցս. արդյո՞ք շուկայից միակողմանի գնման ակտով ձեռքբերումները այլևս չենք կարող առհաշիվ անձի միջոցով կատարել:
Շնորհակալություն:

Նունե.

Ողջույն: Խնդրում եմ օգնել հասկանալ, առհաշիվ հաշվետվությամբ ձեռքբերված ապրանքները, որոնք ձեռքբերման պահին են օգտագործվել և սպառվել, հարկավո՞ր է հաշվառելիս պահեստի մուտք անել հետո ծախսագրել:

Անահիտ.

Բարև Ձեզ։ Եթե կազմակերպությանը առհաշիվ անձը ամսվա վերջում ներկայացնում է առհաշիվ հաշվետվություն, որի գումարը չի գերազանցում 3 միլիոնը, մեկ դրամարկղի ելքի օրդերով վճարվում է առհաշվի գումարը (ելքի օրդերով միանվագ գումարը գերազանցում է 300 000֊ը, բայց ոչ մի ՀԴՄ֊ի գումար չի գերազանցում 300 000֊ը)։ Այստեղ որևէ սխալ կա՞:

Աննա.

Բարև Ձեզ: Մի քանի հարց ունեմ, կխնդրեմ որքան հնարավոր է մանրամասն ասել: Կանխավ շնորհակալություն:
1. Շրջհարկով աշխատող ՍՊԸ-ն, որը մատուցում է ծառայություններ կատարել է գնումներ թե՛ առհաշվով, և թե՛ հաշվով, մուտք է արվել պահեստ, և ունի մեկ աշխատող՝ տնօրենը, գնված ապրանքները հիմնականում թուղթ, գրասենյակային պարագաներ, տնտեսական պարահգաներ օֆիսի համար: Կխնդրեմ ասել՝ պահեստի շարժը ինչպե՞ս կազմակերպել, թղթային դուրս գրումներ և այլն, թե՞ պահեստի մուտքի կարիք չկա, և ինչպե՞ս ցույց տալ, որ այդ ապրանքներն օգտագործվել է ծառայությունների մատուցման համար։
2. ՍՊԸ-ն գրանցվել է անցյալ տարի դեկտեբեր ամսին, ե՞րբ կարող եմ հայտարարել շահաբաժին և ի՞նչ փաստաթղեր են ահրաժեշտ բացի հիմնադիրների որոշումից, հարկը որքա՞ն է կազմում, կարո՞ղ եմ հետ վերադարձնել եկամտային հարկը, և եթե ունենք 1 միլիոն դրամի շահույթ՝ կարող՞ ենք շահաբաժին հայտարարել 200 000 դրամ, իսկ մնացած գումարը հաշվարկել հաջորդ ամիսների ծախսերի գումար, կասե՞ք ձևակերպումները։

Ռուբ.

1) Եթե ֆիզիկական անձանցից կատարվում են գնումներ, հիմնական գործունեության իրականացման համար և այդ ֆիզիկական անձանց հետ կնքվում է ապրանքների ձեռքբերման պայմանագրեր ու միարժամանակ երկկողմանի գնման ակտեր, որոնց մեջ նշվում է անձի բնակության հասցեն, անձնագրային տվյալները և այլ օրենքնով սահմանված տվյալներ, ապա այդ կատարված ծախսեը ենթակա՞ են շահութահարկից նվազեցման և եկամտային հարկի մասով էլ ինչպիսի պարտավորություն է առաջանում: Վճարելու եմ 10%, թե՞ չեմ վճարելու, խոսքս վերաբերվում է հոդված 150-ի 13-րդ կետին, նշեմ նաև, որ ձեռքբերված ապրանքները գյուղատնտեսական նշանակության չեն։
2) Քաղ. իրավական պայմանագրի կողմ հանդիսացող անձին արդյո՞ք կարող են տրվել առհաշիվ գումարներ նյութեր ձեռքբերելու համար, թե՞ ոչ, եթե այո, ապա այդ պարագայում վերջինս պե՞տք է ներկայացնի հաշվետվություն:

Արթուր․

Բարև Ձեզ: Կազմակերպությունը ստացել է հաշիվ՝ 4 000 000 դրամ: Գումարը դրամարկղից տրվել է առհաշվին, առհաշիվը տարել է բանկ և փոխանցել է գործընկերոջ հաշվին: Սա կանխի՞կ, թե՞ անկանխիկ գործարք է, և կա՞ արդյոք խախտում։

Արամ.

Բարև Ձեզ, հարգելի հաշվապահներ: Հարցս վերաբերվում է առհաշիվ տրված գումարների ձևակերպմանը: Եթե կազմակերպության տնօրենին գումար է տրվում դրամարկղից կազմակերպության բանկային հաշվի մուտքագրման համար: Եթե ձևակերպվի առանց 228 հաշվի՝ դա կդիտվի՞ խախտում:

Անի․

Բարև Ձեզ, հարգելի հաշվապահներ։ Կազմակերպությունը կնիք է ձեռք բերել ԱՁ-ից, ԱՁ-ն հաշիվ է դուրս գրել, սակայն կնիքի գումարը չի փոխանցվել բանկային հաշիվ, այլ առձեռն է տրվել։ Այդ դեպքում ինչպե՞ս փաստաթղթավորել, որպես առհաշիվ տրված գումա՞ր, և կնիքը արդյո՞ք կարելի է հաշվառել որպես հիմնական միջոց։

Արամ.

Բարև Ձեզ: Կազմակերպությունը ստացել է հաշիվ՝ 400 000 դրամ: Գումարը դրամարկղից տրվել է առհաշվին, առհաշիվը տարել է բանկ և փոխանցել է գործընկերոջ հաշվին: Սա կանխիկ, թե՞ անկանխիկ գործարք է:

Syuzanna.

Բարև Ձեզ:
Խնդրում օգնեք հաշվապահորեն ձևակերպել.
1. Անավարտ արտադրության սկզբնական մնացորդը տեղափոխվել է հիմնական արտադրության հաշվին՝ 495 դրամ։
2. Հիմնական արտադրության համար կատարվել են հետևյալ ծախսերը՝
ա) նյութեր՝ 700 դրամ
բ) հաշվարկային հաշվից փոխանցվել է տեխնոլոգիական նպատակներով ծախսված էլեկտրաէներգիայի արժեքը՝ 70 դրամ (ներառյալ ԱԱՀ)
գ) hաշվարկվել է մաշվածություն արտադրական նշանակության հիմնական միջոցների համար՝ 185 դրամ:
3. Հաշվարկել աշխատավարձ
ա) տնօրենին 120 դրամ
բ) հաշվապահին 100 դրամ
գ) արտադրամասի վարպետին 90 դրամ
դ) 10 բանվորից յուրաքանչյուրին 55 դրամ
ե) արտադրանքի առաքման բաժնի աշխատակցին 60 դրամ:
4. Հաշվարկված աշխատավարձից կատարվել են համապատասխան օրենսդրական ակտերով պահանջվող պարտադիր պահումներ:
5. Հաշվարկային հաշվում ստացվել է աշխատավարձի վճարման համար անհրաժեշտ գումարը:
6. Դրամարկղից վճարվել է աշխատավարձ, բայց մեկ բանվոր հիվանդության պատճառով չի ստացել:
7. Անհատույց ստացել է 100 դրամի բանվորական արտահագուստ, որը բաժանվել է բանվորներին, 6 ամիս անց այն դուրս է գրվել շահագործումից:
8. Հաշվետու ժամանակաշրջանի վերջում գույքագրմամբ որոշել և անավարտ արտադրանքին է վերագրվել հիմնական արտադրությունում կուտակած ծախսումների 20%-ը, 10% դիտվել է խոտան և դուրս է գրվել համապատասխան ձևով:
9. Արտադրությունից ստացվել և պահեստ է մուտքագրվել 130 հատ պատրաստի արտադրանք, փաստացի արտադրական ինքնարժեքով (որոշել ինքնարժեքը):
10. Գնորդին առաքվել է 75 հատ պատրաստի արտադրանք։ Վաճառքի գինը սահմանելիս նախատեսվել է 60% շահույթ (առանց ԱԱՀ-ի):
11. Հաշվարկային հաշվում գնորդներից ստացվել է ապառիկ վաճառքից հասույթը։
12. Կազմակերպությունը հաշվետու ժամանակաշրջանում հաշվարկային հաշվում ստացել է բանկի կարճաժամկետ վարկ, 1 տարի ժամկետով 1 000 դրամ: Տարեկան 18% տոկոսադրույքով։
13. Գործառնական վարձակալության պայմանագրով 5-րդ տարում 500 դրամով տրվել է վարձակալության շենք, որի սկզբնական արժեքը 2 000 դրամ է, պ/ժ 10 տարի, կադաստրային արժեքը 3 000 դրամ:
14. Գույքագրման ժամանակ հայտնաբերվել է 100 դրամի նյութերի պակասորդը, որը վերագրվել է նյութական պատասխանատու անձին: Նյութերի շուկայական արժեքը 115 դրամ է:
15. Հաշվարկային հաշվից վճարվել է առհաշիվ անձին գործուղման նպատակով 170 դրամ։ Գործուղումից վերադառնալով անձը ներկայացրել է կանխավճարային հաշվետվություն, որի համաձայն հիմնավորված ծախսերը կազմել են 210 դրամ։
16. Ձեռք է բերվել ապառիկ համակարգիչ 310 դրամ ներառյալ ԱԱՀ-ն, որի գումարը վճարվել է հաշվարկային հաշվից։ Այն օգտագործվել է վարչական նպատակներով։
17. Հարկային հաշվով վաճառել է մնացորդային արտադրանքը 60% շահույթով։

Գայանե.

Բարև Ձեզ: Խնդրում եմ օգնեք. բիզնեսի քարտից ինչպե՞ս օգտագործեմ անձնական՝ միայն աշխատավարձ վճարելո՞վ: Կարո՞ղ եմ շահույթ ցույց տալ և շահութահարկ վճարել, և քանի՞ տոկոսն է շահույթից: Իսկ առհաշիվը ինչպե՞ս է ձևակերպվում: Խնդրում եմ մանրամասն գրեք: Շատ շնորհակալ եմ

Արամ.

Բարև Ձեզ, հարգելի կոլեգաներ: Կազմակերպությանը դրամարկղից կանխիկ գումար է տրվել առաշիվ անձին գործընկերոջ կրեդիտորական պարտքը մարելու համար: Առհաշիվ անձը գումարը փոխանցել է գործընկերոջ բանկային հաշվին: Հարցս հետևյալն է՝ արդյոք դա կարո՞ղ է դիտվել որպես կանխիկ գործարք: Նշեմ, որ փոխանցման հիմք հարկային հաշվի գումարը ներառյալ ԱԱՀ-ն կազմում է 480 000 ՀՀ դրամ և արդյո՞ք կարող է դիտվել որպես կանխիկ դրամով վճարման խախտում:

Hayk.

Բարև Ձեզ, հարգելի հաշվապահներ:
Կասեք խնդրեմ, եթե ՍՊԸ-ն տնօրենին առհաշիվ գումար է տալիս, բայց ոչ թե կանխիկ, այլ ընկերությանը պատկանող բանկային քարտից` տնօրենի կողմից կանխիկացնելու տարբերակով, ապա այդ գումարների ծախսման կամ չծախսման համար պե՞տք է լրացնել առհաշիվի հաշվետվություն:
Նախապես շնորհակալություն:

Արայիկ.

Բարև ձեզ, հարգելի կոլեգաներ: Կազմակերպության առհաշիվ անձը բանկով գումար է փոխանցել (ոչ կազմակերպության բանկային հաշվից) մատակարարի բանկային հաշվին: Արդյո՞ք դա դիտվում է կանխիկ: Եվ հաջորդ հարցս. եթե առհաշիվ հաշվետվություն չկազմվի ի՞նչ տուգանքներ կարող են առաջանալ:

Զարուհի.

Բարև ձեզ: Կարո՞ղ է տնօրենը կամ հիմնադիրը իր ՍՊԸ-ին առհաշիվ գումար տրամադրել` հոգալու ընթացիկ ծախսերը, վճարելու աշխատավարձները, քանի որ ՍՊԸ-ի բանկային հաշիվների վրա արգելանք է դրված:

KHLUSINE.

Բարև ձեզ:
Կասե՞ք խնդրեմ.
1. Որտեղի՞ց կարող եմ բեռնել գյուղացու հետ կնքվող պայմանագրի օրինակելի ձև
2. Կարո՞ղ եմ արդյոք գյուղացուց ձեռք բերված մթերքի դիմաց վճարվող գումարը ձևակերպել նախ որպես առհաշիվ գումար, հետո նոր առհաշվից գյուղացուն վճարում առանց սահմանափակումների
Կանխավ շնորհակալություն:

Սաթեն.

Հարգելի հաշվապահներ, խնդրում եմ պատասխանեք. ամսվա սկզբին տրված առհաշիվ գումարի մնացորդը ե՞րբ պետք է վերադարձնել, կա՞ կոնկրետ ժամկետ, թե՞ կարող ենք հաշվետվություն կազմել, բայց գումարը մնացորդ թողնել:

Աննա.

Բարև ձեզ: Կազմակերպությունը իրավունք ունի՞ արտարժույթի դրամարկղից 2 000 դոլար առհաշիվ տրամադրի աշխատակցին, որ փոխանակման կետում դարձնի դրամ ու ստացված դրամը մուտքագրել դրամարկղ: Ես կարո՞ղ եմ այդ գործարքը առանց առհաշիվ ձևակերպել, այսինքն՝ արտարժութային դրամարկղից 2512 – դրամային դրամարկղ մուտքագրեմ 2511: Շնորհակալություն:

Աննա.

Բարև ձեզ: Արտարժութային դրամարկղը թու՞յլ է տալիս միանվագ 6 000 դոլարը փոխանակման կետում դարձնել դրամ և մուտքագրել դրամարկղ: Այսինքն` առհաշիվ անձին դրամարկղից գումար ելքագրեմ 6 000 դոլար, կազմեմ հաշվետվություն և դրամարկղի ելքի օրդերի հետ միասին կարեմ արտարժույթի առք ու վաճառքի անդորրագիրը, իսկ ստացված դրամը մուտքագրեմ դրամարկղ: «Դրամարկղային գործառնությունների մասին» օրենքը թու՞յլ է տալիս դա անել, թե՞ դա օրենքի խախտում է և դիտվում է որպես կանխիկ գործարք և սահմանափակվում է 300 000 դրամով: Այդ սահմանափակումը վերաբերու՞մ է նաև կանխիկ արտարժութային գործարքներին: Խնդրում եմ, շտապ պատասխանեք:

Mary.

Բարև ձեզ: Կարո՞ղ է արդյոք կազմակերպության տնօրենը իր սեփական միջոցներով կազմակերպության համար գնել ապրանքներ առևտրական գործունեության նպատակով, իսկ կազմակերպությունը հետագայում այդ գումարը փոխանցի տնօրենի անձնական հաշվեհամարին:

Հակոբ.

Բարև ձեզ: Խնդրում եմ ասեք, եթե ՍՊԸ-ն առհաշիվ անձի միջոցով բանկում կատարել է վճարումներ գազի և լույսի համար (3 000 000 դրամից ավել գումար մեկ ամսվա ընթացքում), արդյո՞ք համարվում է կանխիկ գործարք: Կանխավ շնորհակալություն:

Հարգելի հաշվապահներ,

Խնդրում եմ հուշել, թե ինչ ձևակերպում պետք է տալ, երբ կազմակերպության աշխատակիցը իր միջոցներով ձեռք է բերում ապրանք, և պետք է փոխհատուցել նրան այդ գումարը:
Ճի՞շտ են արդյոք հետևյալ ձևակերպումները
Դ216 Կ228
Դ228 Կ 528

Դ528 Կ228
Դ228 Կ 251
Կանխավ շնորհակալություն:

Արմեն.

Դրամարկղից առհաշիվ անձին միանվագ գումար տրամադրելիս որքա՞ն պետք է կազմի դրա առավելագույն չափը:

Վարդան.

Հարգելի հաշվապահներ,
մեր կազմակերպության մարքեթինգի բաժնի աշխատակիցը մեկնել է գործուղման և այդ նպատակով դրամարկղից ստացել 500 000 դրամ: Գործուղումից վերադառնալուց հետո Պետրոսյանը հաշվապահություն է ներկայացրել հաշվետվություն կատարած 400 000 փաստացի ծախսերի վերաբերյալ, որին կցվել են տրանսպորտային տոմսերը, հյուրանոցային վճարների անդորրագրերը, ներկայացուցչական ծախսերն ապացուցող կտրոնները: Գործուղման նպատակով չծախսված 100 000 դրամ գումարի մնացորդը նա հետ է վերադարձրել դրամարկղ: Խնդրում եմ պարզաբանել, թե ինչպես ձևակերպեմ դա փաստաթղթերով:
Հարգանքով` Վարդան
vxanumyan շնիկ mail.ru

Կարեն.

Բարև ձեզ։
Խնդրում եմ պատասխանել, թե բանկային փոխանցումով գումարը համարվու՞մ է առհաշիվ գումար:

Շնորհակալություն:

Armin.

Խնդրում եմ պատասխանել. դեկտեմբերի 5-ին առհաշիվ գումար է տրամադրվել հաշվետու անձին և կատարվել են համապատասխան գործընթացները: Հարցս հետևյալն է. դրամարկղի գրքի վերևում նշելում եմ 1-31-ը, թե 5-31-ը, այսինքն երբ կատարվել է առաջին գործարքը: Ոչ մի տեղ չեմ կարող գտնել դրա պատասխանը:

Լիպարիտ.

Կազմակերպությունը մեկ ամսվա ընթացքում ձեռք է բերել ՀԴՄ-ով մինչև 3 000 000 դրամի ապրանք և ծառայություն: Որևիցէ ՀԴՄ կտրոնի գումարը չի գերազանցում 300 000 դրամը, յուրաքանչյուր օրվա ՀԴՄ կտրոնների գրանցումը իրականացրել եմ ԴՏ 711; 712 կամ 713 ԿՏ 528:

Որից հետո ամսվա վերջին տվել եմ մեկ ելքի օրդերով ԴՏ 528 ԿՏ 251 գործարք 528 հաշվի կրեդիտում կուտակված գումարի չափով, որը չէր գերազանցում 3 000 000 դրամը:

Կա՞ որևիցէ օրենք կամ օրենքի հոդված, որը կհակասի տվյալ գործարքի իրավական հիմքերին:

Ինչ վերաբերվում է «ԴՐԱՄԱՐԿՂԱՅԻՆ ԳՈՐԾԱՌՆՈՒԹՅՈՒՆՆԵՐԻ ՄԱՍԻՆ» օրենքի`

Հոդված 6. Կանխիկ դրամով վճարումների նկատմամբ սահմանափակումները
1. Կանխիկ դրամով վճարումների նկատմամբ սահմանվում են հետևյալ սահմանափակումները՝
ա) ապրանքների, ծառայությունների, աշխատանքների միանվագ գնման դեպքում դրանց դիմաց կանխիկ դրամով վճարման գումարի առավելագույն չափը՝ 01.01.2005թ-ից չգերազանցի 300 000, դա վերաբերվում է մեկ ՀԴՄ կտրոնի դիմաց վճարումին, թե՞ այլ բան է նկատի առնվում:

Arsine.

Հարգելի գործընկերներ,
թույլատրվու՞մ է արդյոք ՍՊԸ տնօրենին ամսվա ընթացքում միանվագ մինչև 3 000 000 ՀՀ դրամ որպես առհաշիվ գումար դուրս գրել: Կանխավ շնորհակալություն:

Arsine.

Եթե ՍՊԸ տնօրենը իր անձնական միջոցներով ձեռք է բերել հումք և նյութ, հետագայում կազմակերպության դրամարկղից կատարվել է վճարում ձեռք բերված հումք և նյութի ձևակերպում, ապա
1. արդյո՞ք նման բան թույլատրվում է
2. եթե թույլատրվում է, ապա ի՞նչ ձևակերպում է տրվում դտ 2111 կտ 5281, ապա դտ 5281 կտ 2511
3. դրամարկղի գրքում որպես թղթակցող հաշիվ գրվում է 5281
Կանխավ շնորհակալություն:

Հարութ.

Հարգելի գործընկերներ, որո՞նք են առհաշիվ հաշվետվության ներկայացման ժամկետները: Կարո՞ղ է արդյոք աշխատակիցը առհաշիվ հաշվետվություն ներկայացնել ամսվա վերջում` ամսվա ընթացքում կատարված ծախսերի վերաբերյալ: Նախապես շնորհակալություն:

Ավետ.

Ողջույն: Խնդրում եմ, կարո՞ղ եք ինձ բացատրել հաշվային պլանում առկա 2241` տրված կանխավճարներ նյութեր ձեռք բերելու համար, և 2281` առհաշիվ տրված գումարներ նյութեր ձեռք բերելու համար, հոդվածների տարբերությունը: Նախապես շնորհակալ եմ: