Ինչպե՞ս կարող ենք ստուգել` ունե՞նք տույժ կամ տուգանք
Շուշանիկ.
Բարև ձեզ: Իսկ ինչպե՞ս կարող ենք ստուգել` ունե՞նք տույժ կամ տուգանք, թե ոչ: Ուշացրել ենք եկամտային հարկի վճարումը, պետք է յուրաքանչյուր օրվա համար վճարենք 0.15 տոկոս տույժ: Հնարավո՞ր է որևէ տեղ տեսնել` որքան է կազմում այս պահի դրությամբ կուտակված գումարը: Շնորհակալություն:
ԱՁ մեկ միլիոն դրամից ավել կուտակված պարտք ունի
Edgar.
ԱՁ մեկ միլիոն դրամից ավել կուտակված պարտք ունի, գործող բիզնես է, սակայն ամիս ամիս քիչ է մարվում և շատ է ավելանում: Հաշվապահը հավատացնում է, որ ելք չկա տոկոսներ չավելանալու: Պետք է մայր գումարը մարել, որ տոկոսներ չգա: Հարցս կայանում է հետևյալում` չկա օրենքով մի կետ, որ դադարեցվի տոկոսների այդ անիրական թվերի ավելացումը, որպեսզի հնարավոր լինի, օրինակ, վեց ամսում մարել ամբողջ գումարը:
ԱՁ նամակ է ստացել չկատարված հարկային պարտավորությունների վերաբերյալ
Թամարա.
2002 թվականին ես գրանցվել եմ որպես ԱՁ: 7 ամիս աշխատելուց հետո դիմումի համաձայն դադարեցրել եմ գործունեությունը: 2 օր առաջ նամակ եմ ստացել, ըստ որի ես ունեմ չկատարած հարկային պարտավորություններ, շուրջ 400 000 դրամի չափով, որից տույժեր, սոց. վճարի ապառք, հաստատագրված վճարի ապառք և այլն: Խնդրում եմ պարզաբանեք` արդյո՞ք չէր կարող հարկայաին տեսչությունը մեկ անգամ գոնե այսքան տարվա մեջ ծանուցեր ինձ, որպեսզի այսքան պարտքեր չկուտակվեին:
Եկամտային հարկի գումարը սխալմամբ փոխանցվել է եկամտահարկի հաշվին
Աննա.
Հարգելի հաշվապահներ, խնդրում եմ պատասխանեք. եկամտային հարկի գումարը սխալմամբ փոխանցվել է եկամտահարկի հաշվին: Հաշվանցումը ի՞նչ կարգով պետք է կատարվի, եթե եկամտային հարկը ցույց է տալիս ապառք, իսկ եկամտահարկը գերավճար, և այս դեպքում տույժ տրվու՞մ է, թե՞ ոչ:
Խնդրում եմ տալ պարզաբանում, և եթե կա օրենք, ո՞ր օրենքի հիման վրա:
Ապառքի և պարքտի տարբերություն
Անահիտ.
Բարև Ձեզ: Ուզում եմ պարզել, թե ապառքն ու պարտքը նու՞յնն են:
Վերջին մեկնաբանություններ