Աշխատանքային գրքույկների թվայնացում
Ինեսսա․
Բարև Ձեզ, խնդրեմ կտեղեկացնե՞ք՝ աշխատանքային գրքույկների ներկայացման ժամանակահատվածը մինչև ե՞րբ է երկարացվել։
Աշխատանքային գրքույկի վերականգնում
Աշխեն․
2002-2015թթ համար աշխատանքային գրքույկը կորել է։ Խնդրեմ նշեք՝ որտե՞ղ դիմել վերականգնելու համար։
Էլեկտրոնային աշխատանքային գրքույկ
Անի Մելիքսեթյան․
Ողջույն, ինչպե՞ս կարող եմ տեսնել իմ էլեկտրոնային աշխատանքային գրքույկը:
Աշխատանքային գրքույկը սխալ է թվայնացվել
Սաթենիկ․
Ի՞նչ պետք է անել, եթե աշխատանքային գրքույկի թվայնացման ժամանակ սխալ են մուտքագրվել տվյալները։
Աշխատանքային գրքույկի էլեկտրոնային տարբերակ
Եվա․
Ինչպե՞ս կարող եմ ձեռք բերել աշխատանքային գրքույկի էլեկտրոնային տարբերակը:
Աշխատանքային գրքույկ
Բարև Ձեզ։
Ես ունեմ 14 տարվա աշխատանքային փորձ, որից 11 տարի աշխատել եմ Թերթ․am-ում որպես ռւսերեն էջի խմբագիր։ Այս պահին լինելով նաև Ռուսաստանի քաղաքացի, պատրաստվում եմ Մոսկվայում աշխատել։ Գործատուն ինձանից ուզում է իմ աշխատանքային գրքույկը, որը Հայաստանի իմ գործատուն ինձ չի տրամադրել։
Ինչպե՞ս կարող են ձեռք բերել իմ աշխատանքային գրքույկը, թեկուզ էլէկտրոնային տարբերակը։
Նախապես շնորհակալ եմ։
Աշխատանքային գրքույկի լրացման հետ կապված
Մարինե.
Հարգելի հաշվապահներ, եթե բաժնի պետը գնում է երեխայի խնամքի արձակուրդ, նրա պարտականությունները վերապահվում է գլխավոր մասնագետին՝ աշխատանքային գրքույկում լրացվու՞մ է այդ պարտականությունների վերաբերյալ գրառում: Այսինքն՝ գլխավոր մասնագետի վրա վերապահված պարտականությունների մասին գրառումը լրացվու՞մ է աշխատանքային գրքույկում։ Հաշվի առնելով, որ բաժնի պետի պարտականությունները վերապահում են մասնագետի վրա, այլ ոչ թե մասնագետին տեղափոխում բաժնի պետի պաշտոնին: Եթե գրառումը կատարվում է՝ խնդրում եմ օգնեք հասկանամ աշխատանքային ո՞ր հոդվածի համաձայն է կատարվում։
Թվայնացված աշխատանքային գրքույկ
Քրիստինե.
Ինչպե՞ս ստուգեմ էլեկտրոնային աշխատանքային գրքույկս:
Տառասխալ աշխատանքային գրքույկում
Անահիտ Սահրատյան.
Բարև Ձեզ։ Աշխատանքային գրքույկում ազգանվանս մեջ տ֊ի փոխարեն դ է գրվել։ Թոշակի անցնելու համար պետք է փաստաթղթերս հանձնեմ ՌԴ֊ում։ Ու՞մ դիմել սխալն ուղղելու համար։
Աշխատանքային գրքույկի վերականգնում
Լիանա.
Բարև Ձեզ։
Ես ունեմ 8 տարվա աշխատանքային փորձ, այս պահին լինելով նաև Ռուսաստանի քաղաքացի, պատրաստվում եմ Մոսկվայում աշխատել։ Գործատուն ինձանից ուզում է իմ աշխատանքային գրքույկը, որը Հայաստանի իմ գործատուն կորցրել է։
Ինչպե՞ս կարող են ձեռք բերել իմ աշխատանքային գրքույկի ինֆորմացիան, թեկուզ էլէկտրոնային տարբերակով։
Էլեկտրոնային աշխատանքային գրքույկ
Մարիամ Վարդանյան.
Ինչպե՞ս ստուգեմ էլեկտրոնային աշխատանքային գրքույկս:
Աշխատանքային գրքույկի գրառում
Արմեն․
Աշխատանքային գրքույկում թվայնացված գրառում է կատարված։ Ինչպե՞ս և ո՞ր կայքում դա կարող եմ կարդալ։
Գրքույկների թվայնացում
Արփինե.
Բարև Ձեզ: Եթե գործատուն մինչև հիմա չի ներկայացրել աշխատակիցների աշխատանքային գրքույկները թվայնացման, իսկ հիմա այդ գործառույթը դադարեցված է, սոցիալականում չեն ընդունում ասեցին, եթե երկարացնեն գործընթացը ձեզ կտեղեկացնեն։ Ի՞նչ խնդիրների առաջ կարող է կանգնել աշխատակիցը թոշակավորման ժամանակ, եթե գործընթացը չերկարացնեն։
Աշխատանքային գրքույկը կորել է
Գագիկ.
Բարև ձեզ: Գործատուն կորցրել է իմ աշխատանքային գրքույկը, ևկա նաև թվային տարբերակը: Ունեմ մոտ 30 տարվա ստաժ: Ո՞նց կարող եմ ես կամ գործատուն վերականգնել այդ:
Կորել է աշխատանքային գրքույկը
Անահիտ․
Կորել է աշխատանքային գրքույկս, ինչպե՞ս կարող եմ վերականգնել տվյալներս և ձեռք բերել՝ Դեսպանատուն ներկայացնելու նպատակով։
Աշխատանքային գրքույկ
Գագիկ.
Ի՞նչ անել, եթե գործատուն չի վերադարձնում աշխատանքային գրքույկը:
Աշխատանքային գրքույկները մնացել են Շուշիում
Գայանե.
Բարև ձեզ։ Պատերազմի պատճառով աշխատանքային գրքույկները մնացել են Շուշիում։ Հիմա ոչ հրաման կա, ոչ գրքույկ։ Աշխատակիցը 1995 թվականից աշխատում է հիմնարկում, բայց հիմնարկի անվանումը 2018թ-ին փոխվել է ու կնիքի վրա գրված է ներկայիս անվանումը։ Հիմա ես ո՞նց պետք է աշխատանքային գրքույկը լրացնեմ, եթե ոչինչ չի պահպանվել։
Աշխատանքային գրքույկների թվայնացում
Հայկ.
Բարև Ձեզ: Հարցս աշխատանքային գրքույկների մասին է: Եթե աշխատողին ընդունել եմ 2018 թվականին, ապա մինչ այդ ունեցած նրա աշխատանքային ստաժը թվայնացնելու համար հենց աշխատողը պե՞տք է դիմի սոցապ բաժին, թե՞ գործատուն:
Թվայնացված գրառում աշխատանքային գրքույկում
Նարինե․
Աշխատանքային գրքույկում թվայնացված գրառում է կատարված։ Ինչպե՞ս և ո՞ր կայքում դա կարող եմ կարդալ։
Աշխատանքային գրքույկի վարման կարգ
Ռուզաննա.
Բարև Ձեզ։ Խնդրում եմ ասեք՝ աշխատանքային գրքույկի ձեռք բերման և վարման սխեման ըստ ՀՀ օրենքի։ Կանխավ շնորհակալ եմ։
Աշխատանքային գրքույկի թվայնացման կարգը
Անի.
1. Խնդրում եմ հուշել՝ աշխատանքային գրքույկների հանձնման կարգը սոցապ բաժին։ 2. Աշխատանքային գրքույկում նշված է աշխ. հարաբերությունների սկիզբ 2016, ազատվել է աշխատանքից 2018-ին։ Արդյո՞ք պարտադիր է աշխատանքային գրքույկում աշխ. հարաբերությունների ավարտը ևս լրացնել։ 3. Եվ երբ աշխատակիցը ընդունվել է աշխատանքի՝ 2017թ.-ից հետո, աշխ. գրքույկը լրացնելը արդյո՞ք պարտադիր է։
Թվայնացված աշխատանքային գրքույկ
Հայկ.
Բարև ձեզ: Ինչպե՞ս կարող եմ գտնել իմ օնլայն աշխատանքային գրքույկը:
Արդյո՞ք բարձրագույն կրթության տարիները համարվում են որպես ստաժ
Անահիտ.
Բարձրագույն կրթության տարիները հաշվվու՞մ են աշխատանքային ստաժի մեջ, գրառումը պարտադի՞ր է աշխատանքային գրքույկում:
Եթե ստաժի մասին տվյալները արխիվում բացակայում են
Սարո Առաքելյան.
Բարև ձեզ: Եթե աշխատանքային գրքույկի ստաժի մասին տվյալը արխիվում բացակայում է, ի՞նչ ընթացակարգ է գործելու:
Վերջնահաշվարկ
Քրիստինե.
Բարև Ձեզ: Կխնդրեի օգնել ստորև ներկայացված հարցում.
ՍՊԸ-ն 19/09/19-ին աշխատանքի է ընդունել տնօրենի, ով աշխատել է մինչ 12/12/20-ը: 20թ.-ի հոկտեմբեր ամսին 24 օրով արձակուրդ է գնացել
ՍՊԸ-ն 19/09/19-ին աշխատանքի է ընդունել տնօրենի, ով աշխատել է մինչ 12/12/20-ը: 20թ.-ի հոկտեմբեր ամսին 24 օրով արձակուրդ է գնացել
վճարովի, հետո նոյեմբերին հարգելի պատճառներով, բայց չվճարվող արձակուրդ է ձևակերպվել մինչ 27/11/20-ը: Այժմ նրան աշխատանքից ազատելով ի՞նչ է պետք անել՝ գրել միայն 3 օրվա աշխատավարձ, թե՞ վերջնահաշվարկ կատարել: Եթե վերջնահաշվարկ է անհրաժեշտ` խնդրում եմ ասեք՝ ինչպե՞ս պետք է հաշվարկվի:
Որ խնդրեմ՝ կասե՞ք, աշխատանքային գրքույքները սոցապ ներկայացնելու համար ի՞նչ-որ փաստաթուղթ անհրաժեշտ է:
Աշխատանքային գրքույկի մեջ ծննդյան օրը սխալ է գրված
Անուշ.
Բարև Ձեզ: Աշխատանքային գրքույկի մեջ ծննդյան օրը սխալ է գրված։ Մեկ տարի հետո թոշակի պետք է անցնեմ։ Ու՞մ դիմեմ սխալն ուղղելու համար։ Շնորհակալություն:
Որքա՞ն ժամանակ է տևում աշխատանքային գրքույկի թվայնացումը
Նարինե.
Բարև Ձեզ: Ո՞ր կայքի միջոցով կարելի է ստուգել թվայնացված է աշխատանքային գրքույկը, թե՞ ոչ: Որքա՞ն ժամանակ է տևում աշխատանքային գրքույկի թվայնացումը:
Արդյո՞ք անհրաժեշտ է նոր պայմանագիր կնքել
Բարև Ձեզ: Այսպիսի մի հարց ունեմ: Եթե աշխատակից է ընդունվել աշխատանքի՝ ամուսնացած, և կրել է ամուսնու ազգանունը, 2 ամիս անց ամուսնալուծվել է և իր նախկին ազգանունը վերականգնել է, բայց աշխատանքային պայմանագրում և աշխ. գրքույկում իր ամուսնու ազգանունն է նշված: Պե՞տք է նոր պայմանագիր կնքել, թե՞ կարելի է համաձայնագիր կազմել և կցել իր գործերին: Եվ կարո՞ղ է նախկին ազգանունի պատճառով ստաժ չգրանցվել:
Ինչպե՞ս ստուգել թվայնացված աշխատանքային գրքույկը
Ալվարդ.
Բարև Ձեզ, ինչպե՞ս կարող եմ ստուգել թվայնացված աշխատանքային գրքույկը:
Աշխատանքային գրքույկի թվայնացման հետ կապված
Լիանա.
Բարև Ձեզ։ Անունս Լիանա է, աշխատանքային գրքույկում անվանս մեջ սխալ է արվել և գրվել է 2 ն-ով /Լիաննա/։ Գործատուն աշխ. գրքույկը ներկայացրել է թվայնացման առանց ուղղում կատարելու։ Հնարավո՞ր է արդյոք թվայնացված աշխատանքային գրքույկում փոփոխություն անել։ Եթե այո, ապա ինչպե՞ս և ո՞ւմ պետք է դիմել։ Կանխավ շնորհակալություն։
Որտեղի՞ց կարելի է ստանալ աշխատանքային գրքույկը
Gor.
Առաջին աշխատանքից դուրս գալուց, որտեղի՞ց ստանամ աշխատանքային գրքույկ։ Գործատուն պնդում է, որ այդ ամենը օնլայն է արվում և պարտադիր չի գրքույկը, բայց ինձ գրքույկնել է պետք։ Ի՞նչ կարող եմ անել այդ դեպքում։
Որքա՞ն է տևում աշխատանքային գրքույկի թվայնացման գործընթացը
Կարո Պետրոսի Գավուկչյան.
Ես աշխատում եմ «Սեմուր ընդ Կո» ընկերությունում։ Դեկտեմբերին աշխատանքային գրքույկը տվել եմ, որ տան թվայնացման։ Մինչև հիմա պատասխան չկա։ Մի՞թե թվայնացման պրոցեսը այդքան երկար է տևում։
Հարգանքներով՝ Կարո
Որտեղի՞ց ստանալ թվայնացված աշխատանքային գրքույկի քաղվածք
Ռոզա.
Բարև ձեզ: Որտեղի՞ց կարող եմ ստանալ թվայնացված աշխատանքային գրքույկի քաղվածք։
Աշխատանքային գրքույկների թվայնացման աշխատանքները նախատեսվում է երկարաձգել
Աշխատանքի և սոցիալական հարցերի նախարարությունը «Հայաստանի Հանրապետության աշխատանքային օրենսգրքում լրացումներ և փոփոխություններ կատարելու մասին» ՀՀ օրենքում փոփոխություն կատարելու մասին» օրենքի նախագիծ է ներկայացրել, որով նախատեսվում է երակացնել աշխատանքային գրքույկների թվայնացման աշխատանքները:
Նախագծի հիմնավորման մեջ նշվում է, որ «ՀՀ աշխատանքային օրենսգրքում փոփոխություն կատարելու մասին» 2015 թվականի հունիսի 22-ի ՀՕ-96-Ն օրենքի 57-րդ հոդվածի 2-րդ մասի համաձայն` հիմնական աշխատավայրի գործատուն պարտավոր է Հայաստանի Հանրապետության կառավարության սահմանած կարգով 2017 թվականի հունվարի 1-ից հետո՝ երեք տարվա ընթացքում, իր մոտ վարվող աշխատանքային գրքույկները ներկայացնել ՀՀ կառավարության լիազորած պետական կառավարման մարմին՝ Աշխատանքի և սոցիալական հարցերի նախարարության սոցիալական ապահովության ծառայություն` աշխատանքային գրքույկում առկա տեղեկատվությունը պետական կենսաթոշակային համակարգի տվյալների շտեմարան ներառելու նպատակով:
Ընդ որում, հաշվի առնելով 2017, 2018 թթ. գործատուների կողմից թվայնացման ներկայացված աշխատանքային գրքույկների քանակը, Մանրամասն
Աշխատանքային գրքույկը լրացնելու վերաբերյալ
Անուշ.
Եթե առաջին գործատուն չի լրացրել աշխատանքային գրքույկում ո՛չ միջին ուսումնական հաստատությունում սովորելու ստաժը, ո՛չ անհատ ձեռնարկատեր լինելու փաստը, ի՞նչ անել, և ինչպե՞ս ու ո՞վ պետք է լրացնի:
Աշխատանքային գրքույկի լրացման վերաբերյալ
Լուսինե.
Հարգելի գործընկերներ, արդյո՞ք աշխատանքային գրքույկում լրացվում է (էր) քաղաքացիաիրավական պայմանագրերով կատարված աշխատանքների վերաբերյալ տեղեկություն:
Աշխատանքային ստաժի վերաբերյալ
Անի.
Բարև ձեզ, հարգելի հաշվապահներ:
Հարցս վերաբերում է աշխատանքային ստաժին:
1. Քանի՞ տարվա ստաժ են հաշվարկվում բակալավրն ու մագիստրատուրան, եթե ուսումն ավարտելուց 3 ամիս անց անցել եմ աշխատանքի: Դրա համար պե՞տք է բուհի կողմից լրացվեր գրքույկը:
2. Երեխայի խնամքի արձակուրդի շրջանը և՞ս ստաժ է համարվում և որքա՞ն է հաշվարկվում:
3. Ա/Ձ-ով եմ գործունեություն ծավալել նախքան երեխայի խնամքի արձակուրդի մեջ գտնվելը, այժմ Ա/Ձ-ն դադարեցված է: Ե՞րբ կարող եմ լուծարել:
Աշխատանքային գրքույկների թվայնացման հանձնման գործընթացը սկսվել է
Լուսինե․
Հարգելի հաշվապահներ, աշխատանքային գրքույկների թվայնացման հանձնման գործընթացը սկսվել է։ Ինչպե՞ս պետք է իրականացվի տվյալ գործընթացը։
Ուսման ժամանակաշրջանը հաշվառվու՞մ է աշխատանքային ստաժում
Հասմիկ.
Բարև ձեզ։ Ուսանողական տարիների առկա ուսուցումը համարվո՞ւմ է ստաժ, և ավարտելուց հետո կարո՞ղ եմ համալսարան ներկայանալ, որպեսզի աշխատանքային գրքույկում գրանցվի։
Կանխավ շնորակալություն:
Աշխատանքային գրքույկ լրացնելը պարտադի՞ր է
Շողեր.
Աշխատանքային գրքույկ լրացնելը պարտադի՞ր է:
Աշխատանքային պայմանագրի լուծում
Սոֆյա.
Բարև ձեզ: Եթե աշխատանքից հեռացնում են, ինչպե՞ս է տեղի ունենում պայմանագրի խզումը, և ով ի՞նչ է պարտավորվում, գործատուն և աշխատողը։ Նաև կասե՞ք, աշխատանքային գրքույկում ինչպե՞ս է գրվում:
Աշխատանքային գրքույկը հանձնվել է թվայնացման
Աստղիկ.
Բարև ձեզ:
Աշխատանքային գրքույկս օրենքով սահմանված կարգով Գործատուի կողմից ներկայացվել է թվայնացման: Խնդրում եմ պատասխանեք. գործատուն այն ինձ կհանձնի անմիջապես թվայնացումից հետ ստանալուց հետո, թե կպահի մինչև իմ աշխատանքից ազատվելը: Եվ կկատարվի արդյոք գրառում իմ ազատման մասին: Կանխավ շնորհակալություն:
Աշխատանքային ստաժի դիտում
Աշխեն.
Ողջույն,
Ինչպե՞ս և որտե՞ղ կարող եմ ստուգել գրանցված իմ նախորդ աշխատանքային ստաժերը, ընկերությունները, հաստիքները և այլն, հակիրճ` թվայնացված աշխատանքային գրքույկը: Որևէ կայք կա՞:
Շնորհակալություն:
Արդյո՞ք աշխատողի աշխատանքային գրքույկը արխիվացվել է
Արթուր.
Ես աշխատանքից դուրս եմ եկել 2018 թվականի մայիս ամսին, իմ աշխատանքային գրքույկն ինձ չեն տալիս, ինչպե՞ս կարող եմ ստուգել` արխիվացրել են, թե ոչ:
Աշխատանքային գրքույկի գրառման հետ կապված
Լուսինե.
Հարգելի գործընկերներ,
արդյո՞ք աշխատանքային գրքույկում գրվում է "հեռացվել է աշխատանքից" և հիմքը, և արդյո՞ք որևէ ազդեցություն կունենա հետագա աշխատանքի ընդունվելիս։ Հեռացման պատճառը երեք օրվա բացակայությունն է հիվանդության պատճառով։
Կանխավ շնորհակալություն։
Ինչպե՞ս կհաշվարկվի աշխատանքային ստաժը
Alvard.
Բարև ձեզ, ես ավարտել եմ հեռակա ֆակուլտետի Մանկավարժության բաժինը, 1 տարվա ընթացքում ընդունվել եմ աշխատանքի: Արդյո՞ք իմ սովորած տարիները կգրվեն աշխատանքային գրքույկի մեջ: Շնորհակալություն:
Աշխատողը կորցրել է աշխատանքային գրքույկը
Մարիամ.
Բարև ձեզ, ես դուրս եմ եկել աշխանքից: Ինչպե՞ս կարող եմ իմանալ` քանի տարվա ստաժ ունեմ օնլայն տարբերակով, ես կորցրել եմ աշխատանքային գրքույկս:
Արդյո՞ք աշխատանքային գրքույկում պետք է նշվի անձի ֆիզ արձակուրդ գնալը
Naira.
Հարգելի հաշվապահներ,
Խնդրում եմ տեղեկություն տվեք ինձ ներքոնշյալ հարցի վերաբերյալ։
Արդյո՞ք աշխատանքային գրքույկում պետք է նշվի անձի ֆիզ արձակուրդ գնալը, եթե իր փոխարեն (իր պաշտոնին) մեկ այլ անձ է ընդունվել աշխատանքի տվյալ ժամանակաշրջանի համար (ժամանակավոր)։ Կանխավ շնորհակալ եմ։
Ազատված աշխատողին չեն հանձնում իր աշխատանքային գրքույկը
Լիլու.
Բարև ձեզ: Ես ունեմ մի այսպիսի խնդիր: Ես ազատվել եմ աշխատանքից ինքնակամ և ուզում եմ իմ գրքույկը հետ վերցնեմ, սակայն չեն տալիս, մեղադրում են նրանում, ինչն ես չեմ արել, շանտաժի են ենթարկում ու չեն տալիս, մինչև չկատարեմ իրենց պահանջները: Խնդրում եմ օգնեք ինձ` ինչպե՞ս կարող եմ վերցնել ես իմ գրքույկը:
Վերջին մեկնաբանություններ