Ակտիվի արժեքը չի գերազանցում 50 000 դրամը
Սերգեյ․
Բարև Ձեզ: Հարգելի հաշվապահներ, անվտանգության տեսախցիկները ինչպե՞ս ձևակերպել ՀԾ-ով, եթե չի գերազանցում 50 000 դրամը: Իսկ եթե գերազանցում է, որպես ի՞նչ ակտիվ եմ դիտարկելու և որքա՞ն մաշվածության ժամկետով։
Անհատույց ստացված ակտիվի՝ որպես եկամուտ ճանաչում
Ալինա․
Արդյո՞ք հարկման հատուկ համակարգում (շրջանառության հարկ) աշխատող իրավաբանական անձի անհատույց ստացած ակտիվների մասով որևէ պահի պետք է եկամուտ ճանաչվի և/կամ հարկվի։
Հաշվապահական հաշվեկշռի կազմում
Քնարիկ․
Բարև ձեզ, կխնդրեմ օգնեք՝ առաջին անգամ հաշվապահական հաշվեկշիռ եմ պատրաստում, ու ակտիվներն ու պասիվները տարբերություն են տալիս։ Ինչպե՞ս գտնեմ, ինչո՞վ ուղղորդվեմ, եթե մեկը արել է՝ փորձով կիսվեք։ Նշեմ, որ հաշվառումը վարել է ուրիշը, ես միայն հաշվեկշիռն եմ ցանկանում կազմել։
Ոչ նյութական ակտիվի մշակման ծախսումներ
Էլինա․
Հարգելի հաշվապահներ, արդյո՞ք ոչ նյութական ակտիվի մշակման ծախսումներում ներառվում է մշակման գործընթացում ներգրավված աշխատողի արձակուրդային գումարը կամ վերջնահաշվարկը։ Կանխավ շնորհակալ եմ։
ԱՁ ակտիվների և պարտավորությունների հաշվառում
Կարեն․
Բարև Ձեզ։ Հարկային օրենսգրքի 15-րդ հոդվածի 9-րդ մասի համաձայն անհատ ձեռնարկատերերը պարտավոր են վարել ակտիվների և պարտավորությունների հաշվառում` Կառավարության սահմանած կարգով, իսկ 10-րդ մասի համաձայն հարկ վճարողները պարտավոր են վարել անալիտիկ հաշվառում:
Հարց 1․ Կնշե՞ք Կառավարության սահմանած կարգը։
Հարց 2․ Գոյություն ունի փոքր խանութ, որի ամսական շրջանառությունը մոտ 1 մլն դրամ է։ Օրեկան ստանում է մոտ 100 տեսակի ապրանք, մոտ այդքան վաճառք է անում մանրածախ։ Այս օրենքի համաձայն, եթե ճիշտ եմ հասկացել, պետք է ամեն ստացված ապրանքը օրական մուտք անել հաշվապահական ծրագիր և վաճառքը ցույց տալ։ Այս դեպքում հաշվապահի աշխատանքի ծավալը մեծանում է և պետք է ծառայության դիմաց համարժեք գումար ուզել։ Արդյո՞ք կա տարբերակ այլ ձևով հաշվառումը անել, ավելի քիչ աշխատանք կատարել, որպեսզի այդ փոքրիկ խանութից շատ գումար չուզենք, բայց օրենքի խախտում էլ չլինի։
Ոչ նյութական ակտիվի մաշվածություն
Վազգեն․
Բարև ձեզ, հարգելի հաշվսպահներ։ Եթե կազմակերպությունը ձեռք բերել ոչ նյութական ակտիվ 1 000 000 դրամ, որի ժամկետը սահմանված է մեկ տարի, նախքան 1 տարին լրանալը 7 ամիս անց կազմակերպությունը դադարեցնում է գործունեությունը։ Հարց՝ տվյալ տարվա համար կարո՞ղ է հարկ վճարողը ծախսագրել ոչ նյութական ակտիվի 1 000 000 դրամը ամբողջությամբ։
Ինքնահաշիվ ոչ նյութական ակտիվի ձեռքբերման դեպքում
Վազգեն․
Բարև ձեզ, հարգելի հաշվապահներ։ Խնդրում եմ օգնել հետևյալ հարցում։ Եթե ՀՀ կազմակերպությունը ՀՀ-ում մշտական հաստատություն չունեցող ոչ ռեզիդենտ կազմակերպությունից ձեռք է բերել ծրագրի օգտագործման իրավունք, 1 տարի ժամկետով եւ վճարել այդ գործարքի ամբողջ գումարը ստացված վճարային հաշվի հիման վրա 10 000 $։ Տվյալ գործարքը հանդիսանու՞մ է ոչ նյութական ակտիվի ձեռքբերում։
Եթե ոչ նյութական ակտիվ է, ինքնահաշիվ պե՞տք է գրվի, թե՞ ոչ։ Եթե այո, ապա ե՞րբ գրել ինքնահաշիվը։ Օրենսգրքի համաձայն ծառայության մատուցման պահ է հանդիսանում ծառայություն մատուցողի կողմից ոչ նյութական ակտիվի սեփականության իրավունք փոխանցումը ծառայություն ստացողին, արդյո՞ք կարող եմ ստանալուց մեկ տարի անց գրել ինքնահաշիվ։ ԱԱՀ տույժեր կառաջանա՞ն, թե՞ ոչ։
Ըստ հարկային օրենսգրքի՝ եթե հնարավոր չէ դուրս գրել ինքնահաշիվ, ապա հարկ վճարողը ինքնահաշիվը կարող է գրել հաշվարկային կամ վճարային փաստաթուղթը փաստացի ստանալու օրը, տվյալ դրույթը ո՞ր դեպքերի համար է, և եթե փաստացի փոխանցվել է 10 000$ գործարքի գումարի մասով ոչ ռեզիդենտ կազմակերպությանը, արդյունքում 20 տոկոս պակաս պետք է փոխանցվի որպես հարկային գործակալ, տվյալ դեպքում ոչ ռեզիդնետը պարտավո՞ր է հաշիվ ուղարկել 10 000+20%, որի հիման վրա գրվի ինքնահաշիվը, թե՞ ոչ։ Եվ տվյալ նկարագրված դեպքում կարո՞ղ եմ ոչ նյութական ակտիվի մաշվածք հաշվարկել և ծախսագրել ստացման օրվանից, թե՞ ոչ։ Շնորհակալություն։
Ոչ նյութական ակտիվի մաշվածք
Ռուբեն․
Բարև ձեզ, հարգելի հաշվապահներ: Կազմակերպությունը աշխատում է ընդհանուր հարկման դաշտում: 2022 թ. Հուլիս ամսին պետության կողմից ստացել է լիցենզիա գործունեության իրականացման համար 1 տարի ժամկետով 500 000 դրամ: 2022 թվականի նոյեմբեր ամսին դադարեցրել է գործունեությունը: Հարց՝ ոչ նյութական ակտիվի մաշվածքը 2022 թվականի համար ամբողջությամբ ծախսագրելու դեպքում կլինի՞ որևէ խնդիր։
Անհատույց ստացված ակտիվներ
Սերգեյ․
Կազմակերպությունը աշխատում է ընդհանուր հարկման դաշտում: Մեկ այլ կազմակերպությունից անհատույց ստացվել է հիմնական միջոցներ և նյութեր: Արդյո՞ք և ՀՄ-ն, և նյութերը կհամարվեն եկամուտ, և ինչպիսի՞ ձևակերպում տալ դրան: Շնորհակալություն պատասխանի համար:
Ակտիվի սկզբնական արժեք
Արինա․
Բարև ձեզ, հարգելիներս։ Խնդրում եմ օգնեք տալ համապատասխան ձևակերպումները և որոշել ակտիվի սկզբնական արժեքը։ Ընկերությունը ձեռք է բերում հիմնական միջոց 1 000 000 դրամ արժեքով` տեղափոխման համար ծախսելով 500 000 դրամ։ Տեղակայման համար ծախսել է նյութեր 300 000 դրամի, հաշվարկել է աշխատավարձ 100 000: Նախապես շնորհակալություն։
Ակտիվի վերագնահատում
Լիլիթ․
Բարև Ձեզ, հարգելի հաշվապահներ, ո՞վ կօգնի այս խնդրի լուծման հարցում, խնդրի պահանջն է.
Կազմակերպությունը վերագնահատում է շենքը և որոշում է վերագնահատումը ներառել իր ֆինանսական հաշվետվություններում:
Սկզբնական արժեք՝ 1.150.000
Կուտակված մաշվածություն՝ 94.000
Կազմակերպությունը որոշել է 2018թ.-ից հիմնական միջոցների սկզբնական հաշվառման մոդելից անցնել վերագնահատման մոդելի: Վերագնահատված արժեքը 01.01.2018թ.-ին կազմում է 1.400.000, շենքի օգտակար ծառայության ժամկետը տվյալ պահին 40 տարի է: Պահանջվում է ներկայացնել ՀՀՄՍ 16-ի համաձայն պահանջվող բացահայտումները առ 31.12.2017-31.12.2018թթ.:
Որոշել հասույթի մակարդակը
Արինա.
Անհատ ձեռնարկատերը չի վարում իր ընթացիկ գործառնությունների կանոնավոր հաշվառումը։ 2018թ-ի դեկտեմբերի 31-ին ավարտվող տարվա համար հայտնի է հետևյալ տեղեկատվությունը։ Պետք է հաշվել, թե որքան է եղել անհատ ձեռնարկատիրոջ 2018թ-ի շահույթը։ Զուտ ակտիվներ տարվա սկզբում 8 430 000 դրամ, ներդրումներ տարվա ընթացքում 4 220 000 դրամ, հանումներ տարվա ընթացքում 5 680 000 դրամ, զուտ ակտիվներ 31. 12. 2013թ-ին 9 210 000 դրամ։
Ընկերությունում առկա է հետևյալ տեղեկատվությունը
Ապրանքների սկզբնական մնացորդ 10մլն, ձեռքբերումներ (գնումներ) 5մլն, շահույթ 7մլն, ապրանքների վերջնական մնացորդ 2մլն։ Որոշել հասույթի մակարդակը և տալ համապատասխան ձևակերպումներ։
Հաշվել եկամուտն ու ծախսերը
Եկամուտներ և ծախսեր
Ենթավարձակալությամբ վերցրած տարածք
Որոշել ակտիվի սկզբնական արժեքը
Տալ ֆինանսական ակտիվների վերագնահատման ձևակերպումները
Ոչ ընթացիկ ակտիվներ
240 ձև հաշվետվության լրացման հետ կապված
Որո՞նք են հանրային սննդի ոլորտում խոհարարական արտադրանք չհանդիսացող ակտիվները
ՍՊԸ-ն ստացել է անհատույց ակտիվ
Տալ հաշվապահական ձևակերպումներ
Արդյո՞ք վերակազմակերպման դեպքում պետք է դուրս գրել հաշվարկային փաստաթուղթ
Արդյո՞ք ենթակա են հարկման ակտիվներին վերաբերող շնորհներից եկամուտները
Շահութահարկի հաշվարկի 8-րդ աղյուսակի լրացման հետ կապված
Ինչպե՞ս կատարել մաշվածության հաշվարկ
«Ակտիվ» հասկացության մասին
Ակտիվները համարվում են ընթացի՞կ, թե՞ ոչ ընթացիկ
Ակտիվների և պարտավորությունների գույքագրում
Եկամուտ, շահույթ, հասույթ և շրջանառություն տերմիներ
Արդյո՞ք ակտիվների վերագնահատում իրականացվում է միայն ֆինանսական հաշվառման համար
Որո՞նք են հիմնադրամի ակտիվները
Հիմնադրամի ակտիվների վերաբերյալ
Անհատույց ստացվել են նյութեր
Ակտիվների դասակարգումը առևտրային բանկերում
Անհատույց ստացված ակտիվներ
ֆինանսական ակտիվների և պասիվների գնահատման և կառավարման մասին
Ֆինանսական ակտիվների կառավարումը և գնահատումը
Վերջին մեկնաբանություններ