Վազգեն․

Բարև Ձեզ, կցանկանյի իմանալ՝ արդյոք կա՞ վերջնական օրինական որոշում, թե ովքեր պետք է մյուս տարի եկամուտների հայտարարագիր ներկայացնեն։ Տարբեր կայքերով տարբեր ինֆորմացիաներ եմ տեսնում, բայց որոշում չեմ գտնում։

Լևոն․

Բարև ձեզ, ցանկանում եմ էլեկտրական կիթառ պատվիրեմ Գերմանիայից, արժեքը մոտ 960€, ուզում են իմանալ՝ բացի 200 000 դրամի շեմը անցնելու վճարից ուրիշ վճարի կարիք կա՞, թե՞ ոչ, (քաշը մոտ 6 կգ, չափսերը 80,50,15 սմ.), մերսի։

Նելլի․

Բարև Ձեզ, խնդրում եմ կասե՞ք՝ եթե ֆիզ․ անձը ԵԱՏՄ-ից մեքենա է ներմուծել մեկ տարվա ընթացքում 2-րդ անգամ, ինչ որ հաշվետվություն պե՞տք է ներկայացնի ԱԱՀ-ն վճարելու համար, նշեմ նաև, որ ֆիզ անձը նայև անհատ ձեռնարկատեր է։

Եվա․

Բարև Ձեզ, խնդրում եմ կասե՞ք՝ եթե կազմակերպությունը ֆիզ․ անձին փոխառություն EUR -ով է տվել, դրանից ի՞նչ հետևանքներ են առաջանում, տուգանքը ինչքա՞ն է, Արտարժույթի օրենքի խախտում է ստացվու՞մ է։

ԱՁ-ն իր արտարժույթի հաշվին նստած ռուբլին, որը ստացել է ծառայությունների մատուցումից, կարո՞ղ է ելք անել իր ֆիզանձի արտարժույթի հաշվին, և հաշվապահորեն ի՞նչ ձևակերպում տալ:

Հասմիկ․

Բարի օր, բոլորին։ ՀԿ-ն ֆիզ անձին գումար նվիրատվություն անելիս որպես հարկային գործակալ հանդիսանու՞մ է, թե՞ ոչ ։

Արսեն․

Ժող ջան, սենց խնդիր ա. ապրանք եմ պատվիրել մեծաքանակ, բայց մոռացել եմ ԱՁ-ի անունով պատվիրեմ ու ֆիզ անձի անունով եմ պատվիրել, ֆիզ անձի բանկային քարտով: Էս քանի օրը կհասնի մաքսային, հնարավո՞ր ա ինչ որ ձև փոխեմ ԱՁ-իս վրա։

Անի․

Բարև ձեզ, խնդրում եմ օգնել. կարո՞ղ է արդյոք կազմակերպությունը ֆիզ. անձի հետ կնքած քաղաքացիաիրավական պայմանագրով մատուցված 20 000 դրամ ծառայության վճարը վճարել կանխիկ եղանակով:

Աննա․

Բարև ձեզ, հարգելի հաշվապահներ։ Կազմակերպությունը աշխատում է շրջանառության հարկով։ Ռուսաստանից ֆիզ․ անձից ձեռք է բերում տրանսպորտային միջոց, որի համար պետք է վճարի կանխիկ գումար, կասե՞ք՝ սա ինչքանո՞վ է հակասում մեր կանխիկ գործարքների սահմանափակմանը։

Աննա․

Բարև ձեզ, հարգելի հաշվապահներ։ ՍՊԸ աշխատում է շրջանառության հարկով, ֆիզ․ անձից վարձակալել է տրանսպորտային միջոց, այս դեպքում․

1․ ՍՊԸ հանդիսանու՞մ է հարկային գործակալ

2․ Որպես հարկային գործակալ պե՞տք է ֆիզ․ անձից պահի գումարի 10% և վճարի բյուջե

Ֆելիքս․

Բարև Ձեզ։ Aliexpress -ից ցանկանում եմ կանացի պայուսակներ պատվիրել: Կասե՞ք խնդրեմ՝ ինչպե՞ս պատվիրեմ առանց հարկվելու, կա՞ արդյոք քանակի կամ արժեքի շեմ, որը չգերազանցելով չեմ հարկվի: Եվ իհարկե եթե կան արժեքային կամ քանակային շեմեր, արդյո՞ք դրանք վերաբերվում են կոնկրետ ժամանակահատվածի, թե՞ օրինակ կարող եմ տարվա կտրվածքով պատվիրել որքան ցանկանամ՝ ուղղակի չգերազանցելով հարկվելու շեմը: Նախապես շնորհակալ եմ:

Անահիտ․

Բարև Ձեզ:

Սպանդանոցը աշխատում է շրջ. հարկով, կատարում է սպանդանոցային ծառայություն, որի համար տպում է ՀԴՄ և հասույթի 5% վճարում է որպես հարկ, բացի սպանդանոցային ծառայությունից զբաղվում է նաև մսի առք ու վաճառքով՝ գյուղացիներից գնման ակտով, Ձև1 բժշկական փաստաթղթով և համայնքապետարանի տեղեկանքով գնում է կենդանի անասուններ, գումարն էլ անկանխիկ ձևով փոխանցում է գյուղացիների բանկային քարտերին, սպանդանոցում մորթում է, որից հետո ամբողջական մսամթերքը հաշվարկային փաստաթղթով ուղարկում է հանրային սննդի կետեր։

Խնդրում եմ ինձ ասեք՝ այս դեպքում ապրանքների ձեռք բերման գումարը ծախս համարվու՞մ է, և կարո՞ղ է սպանդանոցը այս վաճառքներից հարկվի 1.5%-ով, կանխավ շնորհակալություն:

ՋՈՒԼԻԱ.

Բարի երեկո, հարգելի հաշվապահներ։ Շրջհարկի դաշտում աշխատող Ա/Ձ-ն առք ու վաճառքի պայամանագրով ապրանք է գնել ֆիզ. անձից, տվյալ գործարքը հարկվում է 10% եկամտային հարկով, և արդյոք ֆիզ. անձին վճարված եկամուտների մասով համարվում եմ հարկային գործակալ։ Ի՞նչ անել, որպեսզի հետագայում խնդիր չառաջանա նաև ֆիզ. անձի համար։

Աշիկ․

Բարև ձեզ։

Ասացեք խնդրեմ, եթե անհատը թարգմանչական ծառայություն է մատուցում ռուսական “ИП” – ին, և գումարը փոխանցվում է բանկի միջոցով,արդյո՞ք պետք է հարկվի ստացված գումարը։ Ինչպե՞ս դա կարող ենք ճշտել։ Նախապես շնորհակալություն։

Մելինե․

Բարև, հարգելի հաշվապահներ: Մի քանի հարց ունեմ, կարո՞ղ եք ինձ օգնել

1) ՍՊԸ-ն ստացել է հաշիվ համայնքապետարանից 2021թ համար, սա ինչպե՞ս պետք է ծախսագրեմ, ո՞ր տարվա մեջ, երբ արդեն ֆինանսական արդյունքը որոշված է:

2) ՍՊԸ-ի տնօրենը ՍՊԸ-ի հաշվից վճարել է գրասենյակի էլեկտրաէներգիայի գումարը, սակայն գրասենյակը ֆիզ անձի բնակարանի հասցեով է, առանձին աբոնենտ չի , և հաշիվ չենք ստանում էլ ցանցից, ինչպե՞ս վարվել այդ գումարի հետ, ինչպե՞ս ծախսագրել, ստացվում է ֆիզ անձին վճարված եկամուտ է դա:

3) ՍՊԸ-ն գնել է ավտոմեքենա 1990 թվականի արտադրության, օգտակար ծառայության ժամկետը ինչքա՞ն պետք է նշել մուտք անելիս

4) Գրասենյակի համար գնել են գույք հիմնադիրները, առանց որևէ փաստաթղթի, որևէ տարբերակ կա՞ հիմնական միջոց ճանաչելու դրանք

Վահագն․

Բարև Ձեզ։ Քաղաքացին ավտոմեքենան վաճառում է այլ քաղաքացու, գումարը կարո՞ղ է կանխիկ ստանալ, թե՞ պարտադիր պետք է վճարումը կատարվի անկանխիկ եղանակով։

Աննա․

Բարև Ձեզ։ Եթե կազմակերպությունը ծրագրավորման ծառայություն է ստանում ՌԴ ռեզիդենտ ֆիզիկական անձից, պե՞տք է գրել ինքնահաշիվ, և արդյո՞ք եկամտային հարկի վճարման պարտականություն առաջանում է `որպես հարկային գործակալ։

Սոֆյա․

Հարգելի հաշվապահներ,

Հարց 1. Շրջանառության հարկով հարկվող ՍՊԸ-ն զբաղվում է փայտե իրերի արտադրությամբ և վաճառքով, կարո՞ղ է դրան զուգահեռ զբաղվել ակռիլային քարով (կորիան) իրերի արտադրությամբ և վաճառքով, և եթե այո, ո՞րն է գործունեության տեսակի կոդը:

Հարց 2. Կարո՞ղ է արդյոք ՍՊԸ-ն ներգրավել երրորդ կողմին երկաթի մոնտաժման աշխատանքներ կատարելու համար, և ինչպե՞ս պետք է կազմակերպել վճարումը երրորդ կողմին (երրորդ կողմը ֆիզիկական անձիք են):

Նառա․

Կազմակերպությունը աշխատում է շրջանառության հարկով և կատարում է շինաշխատանքներ։ Մատուցել է ծառայություն ֆիզ անձի համար, ֆիզ անձը կատարել է փոխանցում կազմակերպության հաշվին։ Ինչպե՞ս պետք է դուրս գրվի հաշիվ վավերագիրը ծառայության մատուցման գծով, որպեսզի հնարավոր լինի նաև ներկայացնել համապատասխան շրջհարկի հաշվետվությունը։

Արեն․

Բարև ձեզ: Կազմակերպությունը, որն աշխատում է շրջանառության հարկով, ֆիզիկական անձից ձեռք է բերել մարկտկոցներ՝ թվով 3 հատ: Օրենքի խախտում կա՞ տվյալ գործարքի մասով հարկ չհաշվարկել և չվճարելը։ Օրենսգրքի ո՞ր կետով առաջնորդվել։

Ջուլիա․

Բարև ձեզ, հարգելի հաշվապահներ։ ԱԱՀ դաշտում աշխատող ընկերությունը արտադրության համար հումքը գնում է ֆիզ․ անձից, լինում է առք ու վաճառքի պայմանագիր, երկկողմանի գնաման ակտ։ Եկամտային հաշվետվության մեջ 2-րդ տողում պե՞տք է ցույց տալ, և 10՞ % է հարկվում այդ դեպքում։

Սոֆյա․

Հարգելի հաշվապահներ, անձը ցանկանում է ՌԴ-ից կատարել ալյուրի ներկրում ՀՀ-ում մեծաքանակ վաճառք իրականացնելու նպատակով: Ի՞նչ քայլեր է անհրաժեշտ կատարել հարկային դաշտ մտնելու և օրինական գործունեություն ծավալելու համար: Արդյո՞ք անհրաժեշտ է ԱՁ բացել, թե որպես ֆիզ անձ էլ հնարավոր է կազմակերպել (գործունեությունը շարունակական է լինելու), և ո՞ր տարբերակն է ավելի շահավետ: Կանխավ շնորհակալություն:

Գարիկ․

Բարև ձեզ, հարգելի հաշվապահներ։ Խնդրում եմ օգնեք՝ որպես միկրոձեռնարկատիրություն գրանցված ֆիզ․ անձը ի՞նչ վճարներ պետք է կատարի ու ինչպե՞ս։ Ասեմ, որ ՊԵԿ զանգահարել եմ, և ինձ ասել են, որ ոչ մի հարկ չեմ վճարելու։

Ժաննա․

Բարև Ձեզ, հարգելի հաշվահներ, խնդրում եմ օգնել․ ՍՊԸ-ն վճարում է ոչ ռեզիդենտ ֆիզ․ անձի ZOOM հարթակի օգտագործման համար, այն ամերիկյան է և ՀՀ ԱՄՆ-ի հետ կրկնակի հարկումը բացառելու մասին պայմանագիր չունի։ Խնդրում եմ ասեք, թե ի՞նչ հաշվետվություններ պետք է հանձնել, և ի՞նչ հարկեր պիտի վճարենք։ Ինվոյսի վրա երևում է, որ ԱԱՀ արդեն ներառված է։

Մանե․

Բարև ձեզ: ԱՁ-ն աշխատում է միկրոյով: Վարձակալել է տարածք ֆիզ. անձից: Եկամտայինի հաշվետվության մեջ համակարգը թույլ չի տալիս որպես այլ եկամուտ լրացնեմ: Արդյո՞ք տեխնիկական խնդիր է, թե՞ միկրոն իրավունք չունի այլ եկամուտ ցույց տալու։

Էդիտ․

Բարև ձեզ, հարգելի հաշվապահներ։ Կխնդրեմ օգնել այսպիսի մի հարցում: Ֆիզ անձը, ով ներմուծել է էլեկտրոնային սիգարետներ ԵՏՄ-ից, կարո՞ղ է ՍՊԸ-ի վրա այդ քանակը վաճառել գնման ակտով: Եվ արդյո՞ք ՍՊԸ -ն այդ ակտը կարող է ծախսագրել որպես ապրանքների ինքնարժեք: Կանխավ շնորհակալություն։

Ջուլիա․

Բարև ձեզ, հարգելի հաշվապահներ։ Հարցս հետևյալն է՝ ԱԱՀ դաշտում աշխատող ընկերությունը ֆիզ անձից հիմնական միջոց է ձեռքբերում 1 000 000 դրամ արժեքով, ինչպիսի՞ հարկային պարտավորություններ կառաջանան։

Թինա․

Բարև Ձեզ, ԱԱՀ-ով աշխատող կազմակերպությունը ֆիզ անձից կարո՞ղ է տարածք վարձակալել և պայմանագիրն ու վճարումը արտարժույթով կատարել։

Գայանե․

Բարև Ձեզ, հարգելի հաշվապահներ։ ՀԿ-ն միջոցառում է կազմակերպել և խաղավար է հրավիրել։ Խաղավարը հարկային դաշտ մտած չի, ի՞նչ խորհուրդ կտաք՝ խաղավարը գրանցվի որպես ֆիզ անձ, հաշվեհամար բացի, փոխանցենք իր հաշվեհամարի՞ն, և այդ խաղավարը ինչքա՞ն եկամտային հարկ պետք է վճարի։ Շնորհակալություն։

Սյուզաննա․

Բարև ձեզ, խնդրում եմ օգնել ճիշտ հասկանալ՝ կա՞ արդյոք խախտում, թե՞ ոչ։ Ֆիզ․ անձին տրամադրել ենք ՀԴՄ կտրոն (ոչ անկանխիկ), իսկ նա վճարումը կատարել է քարտով, և ոչ թե առձեռն։ Արդյո՞ք կարող ենք վճարումն ընդունել՝ հիմք ընդունելով նրան տրամադրված կտրոնը, թե՞ սխալ կլինի։

Լիանա․

Բարև ձեզ։ ԱՄՆ-ից Գլոբբինգ-ով 1 200 դոլար արժողությամբ նոթբուք եմ պատվիրելու որպես ֆիզ․ անձ։ Կասե՞ք՝ ի՞նչ վճարներ կառաջանան։

Կարեն․

Բարև Ձեզ։ Ֆիզ անձը երկու ամիս առաջ Ռուսաստանից մեքենա է ներմուծել, մաքսայինից ասել են, որ պետք է հարկ վճարի։ Ճի՞շտ եմ հասկանում, որ պետք է ԵՏՄ ներմուծման հայտարագիր ներկայացնի, և ինվոյսի արժեքի 20 տոկոսի համար ԱԱՀ վճարի։

Լուսինե․

Շնորհակալ կլինեմ, որ պատասխանեք մի հարցի. Հարկային հաշվետվության 165-րդ ձև ֆիզիկական անձի եկամուտը գրվում է կեղտոտ գումարը , այսինքն ՍՊԸ-ն ֆիզ անձից վարձակալել է տարածք 200 000, հարկը վճարում է ՍՊԸ-ն, լրացման կարգով՝ գրում ենք 200 000, թե՞ միայն ֆիզ անձի եկամուտը 180 000, 20 000 առանձին, և շահաբաժինը էլի ընդհանու՞ր, թե՞ հարկերը պահած:

Ջուլիա․

Բարև ձեզ, հարցս հետևյալն է․ ՍՊԸ-ն պետք է հաշիվ դուրս գրի ֆիզ անձի, կապալի ծառայություններ է մատուցել, պետք է կնքել պայմանագիր, և ի՞նչ հարկային պարտավորություններ կառաջանան 2 կողմերի համար։

Էդուարդ․

Բարև Ձեզ։ Եթե ՌԴ-ից կազմակերպության անունից գումար ուղարկեն Հայաստանում ֆիզիկական անձի բանկային հաշվեհամարին, ստացող ֆիզիկական անձից եկամտային հարկ գանձվու՞մ է, թե՞ ոչ։

Անի.

Բարև ձեզ, հարգելի հաշվապահներ։ Խնդրում եմ օգնել հետևյալ հարցում. ՍՊԸ-ն ունի վարձակալության պայմանագիր ֆիզ. անձի հետ, պայմանագիրը պետական գրանցում չունի: Կարո՞ղ է արդյոք ՍՊԸ-ն նշված տարածքում ՀԴՄ տեղադրել : Նախապես շնորհակալ եմ։

Ռուզաննա․

Բարև ձեզ։ ՍՊԸ-ն գույք է ցանկանում ձեռք բերել (բեռնատար) ֆիզ. անձից։ Խնդրում եմ ասել՝ ինչպե՞ս պետք է գրանցումներն անել, և ի՞նչ վճարներ կան։

Գալինա․

Բարև Ձեզ: Հարգելի ընկերներ, խնդրում եմ պատասխանել՝ եթե անձը զբաղվում է տնայնագործությամբ, այսինքն գործում է տիկնիկներ և վաճառում, ունի ՀՎՀՀ, հարկ վճարելու՞ է, թե ոչ, եթե այո, ապա ի՞նչ հարկատեսակի գծով: Կանխավ շնորհակալություն:

Աննա․

Բարև Ձեզ, հարգելի հաշվապահներ։ Եթե կազմակերպությունն ունի մարդատար մեքենա հիմնական միջոց, վարչական ակտ գալու դեպքում կարո՞ղ է այլ ֆիզիկական անձը վճարել տվյալ ակտը, թե՞ պարտադիր պետք է կազմակերպության բանկային հաշվից կատարել:

Աննա․

Հարգելի հաշվապահներ, ՍՊԸ-ի շահաբաժինը 2022 թվականի կազմում է 2 000 000 մլն դրամ, բաժնետերերից մեկը, ով հանդիսանում է ֆիզ․ անձ, ունի 5%, բաժնեմաս, կարո՞ղ է այդ գումարը, որը հարկը ներառյալ անում է 100 000 ՀՀ դրամ, ստանա կանխիկ, ոչ թե փոխանցումով: Կանխավ շնորհակալ եմ։

Ռուզաննա․

Հարգելի հաշվապահներ, ֆիզ. անձը մատուցում է հետևյալ ծառայությունները՝ բանալիների պատրաստում, կոշիկների վերանորոգում և հագուստի վերանորոգում։

1. Այս դեպքում կարո՞ղ է գործունեությունն իրականացնել որպես ֆիզ անձ՝ առանց ԱՁ գրանցելու 2. Արդյո՞ք պարտադիր է ՀԴՄ ունենալ

3. Արդյո՞ք ֆիզ անձը վճարում է տարեկան դրոշմանիշային վճար

Նաև կասե՞ք, թե որն է բանալիների պատրաստման տնտեսական գործունեության դասակարգիչը, և արդյո՞ք այդ գործունեությունը հնարավոր է իրականացնել որպես ֆիզ անձ (առանց ԱՁ բացելու) միկրոհամակարգով։

Լևոն․

Բարի օր: Եթե ընկերությունը գործակալության պայմանագրով վճարում է մասնավոր անձին, ընկերությունը պե՞տք է եկամտային հարկ պահի, թե՞ մասնավոր անձը վճարում է ինքնուրույն:

Satik.

ԱԱՀ վճարող ՍՊԸ-ն գնել է անշարժ գույք և հողամաս ֆիզ անձից։

Հարց․ Ձևակերպումները ինչպե՞ս պետք է տալ՝ առանձին անշարժ գույքի համար և հաշվել մաշվածությունը, և առանձին հողամասի՞ համար։ Հողամասի ձեռք բերումը միանգամից կարո՞ղ եմ ծախսագրել և ի՞նչ գումարով՝ կադաստրային արժեքո՞վ, թե՞ ձեռք բերման արժեքով։

Գարիկ․

Բարև ձեզ։ Յութուբյան ալիքից գումար ստանալու համար Google Adsense-ը պահանջում է հարկային կոդ։ Պարտադի՞ր է որպես ԱՁ գրանցվել։

Եվա․

Խնդրում եմ կասե՞ք՝ եթե ԱՁ-ն իր անձնական հաշվին գումար է փոխանցում, ինչպե՞ս պետք է ձևակերպել, ի՞նչ պարտավորություն կառաջանա։ ԱՁ-ն ծառայություն է մատուցում, շրջ․ հարկի դաշտում է աշխատում։

Կարեն․

Բարև Ձեզ։ Շրջանառության հարկով աշխատող ԱՁ-ն գնել է 5 000 000 դրամի սարքավորում ֆիզ․ անձից, որից հետո այդ սարքավորումը արտահանել է։ 10 տոկոսը որպես գույքից եկամուտ ֆիզ․ անձի փոխարեն եկամտային հարկ ԱՁ-ն վճարել է։ Կարո՞ղ է այդ 5 000 000 դրամի 4 տոկոսը շրջհարկից ծախս ճանաչել։

Արման․

Բարև ձեզ: Եթե ընհանուր հարկման դաշտում աշխատող կազմակերպությունը ֆիզիկական անձից վարձակալությամբ վերցրել է տարածք ամսական 200 000 դրամով, առանց նոտարական վավերացման, արդյո՞ք կազմակերպությունը ամբողջ 200 000 դրամ գումարը կարող է ծախսագրել շահութահարկը հաշվարկելիս։

Anjelika.

Բարև Ձեզ։ Amazon-ից ցանկանում եմ ականջակալներ պատվիրել, Globbing-ի միջոցով, կցանկանայի իմանալ՝ մաքսավճար կգոյանա՞ այդ դեպքում, թե՞ միայն առաքման գումարն է ենթակա վճարման:

Գայանե․

Բարև Ձեզ, կասե՞ք խնդրեմ. Եթե կազմակերպությունը աշխատում է շրջ. հարկով, ունի ֆիզ.անձից վարձակալություն, այս դեպքում, որպես հարկային գործակալ 10% պե՞տք է վճարել, և նույն հարցը՝ ֆիզ. անձից գնում կատարելիս եկամտային հարկ վճարվելու՞ է, թե՞ ոչ:

Վահագն․

Բարև Ձեզ։ Եթե ԱՁ-ն ֆիզիկական անձին տրամադրում է փոխառություն անկանխիկ եղանակով, քանի որ գումարը գերազանցում է 300 000 դրամը, ապա ֆիզիկական անձը կարո՞ղ է փոխառության գումարը վերադարձնել ԱՁ-ին մաս-մաս կանխիկ եղանակով, եթե յուրաքանչյուր վերադարձված գումարը չի գերազանցելու 300.000 դրամը ամեն ամիս՝ օրինակ ամեն ամիս վերադարձնելու է 250 000 դրամ։