Tag: օգտակար ժամկետ

Կօգնե՞ք տալ ձևակերպումները։ Ձևակերպել հաստոցի վերադասակարգման և վաճառքի գործառնությունները։ Հաստոցի սկզբնական արժեքը 600 000 դրամ է, օգտակար ծառայության սահմանված ժամկետը՝ 5 տարի: Մաշվածության հաշվարկման համար կիրառվել է գծային եղանակ։ Երեք տարի անց հաստոցը վերադասակարգվել է որպես վաճառքի համար պահվող և դրանցից մեկ ամիս անց՝ վաճառվել 336 000 դրամով, ներառյալ՝ ՍՍՀ-ն: Վաճառքի գումարը ստացվելու է առաջիկա ամսվա ընթացքում: Հաշվետու անձըվճարել է միջնորդավճար հաստոցի վաճառքի համար` 15 000 դրամ՝ գումարած ԱԱՀ-ն։

Այլ հաշվապահական խնդիրներ

Նաիրա․

Բարև ձեզ։ Կազմակերպությունը 2018 թվականի փետրվարի 1-ին կանոնադրական խնդիրների լուծման պայմանով այլ կազմակերպությունից պայմանով ստացել է սարքավորում, որի իրական արժեքը ստացման պահին գնահատվել է 6․000․000 դրամ։ Որքա՞ն կկազմի կազմակերպության հետաձգված հասույթի մնացորդը 2018 թվականի դեկտեմբերի 31-ին, եթե սարքավորման օգտակար ծառայության ժամկետը 5 տարի է։

Գայանե․

Բարև Ձեզ։ Խնդրում եմ պատասխանել՝ կազմակերպությունը 2023թ ապրիլի 1-ն ձեռք է բերել 1 500 000 դրամով սարքավորում, որը տեղակայվել է 2023թ մայիսի 1-ն՝ դառնալով մատչելի օգտագործման համար: Սակայն սարքավորման շահագործումը սկսվել է 2023թ հուլիսի մեկից: Որքա՞ն կկազմի սարքավորման մաշվածության ծախսը 2023թ դեկտեմբերի 31-ին, եթե սարքավորման օգտակար ծառայության ժամկետը 8 տարի է։

Արեգա․

Բարև Ձեզ։ Խնդրում եմ պատասխանեք հետևյալ հարցիս. 20.12.2022թ․ լիզինգով ձեռք եմ բերել արևային պանելներ՝ 26 920 000 դրամ արժողությամբ։

Հարց 1. 2023թ համար ինչպե՞ս հաշվարկեմ ամորտիզացիան

Հարց 2. օգտակար ծառայության ժամկետը քանի՞ տարի է

Հարց 3. Հաշվապահական ձևակերպումները

Կանխավ շնորհակալություն։

Քրիստինե․

Բարև բոլորին, մի հարց տամ․ եթե գնել ենք օգտագործված ավտոմեքենա, մաշվածք հաշվարկվու՞մ է, թե՞ ոչ։ Կազմակերպությունը աշխատում է ԱԱՀ-ի դաշտում։ Եթե հաշվարկվում է, օգտակար ծառայության ժամկետը քանի՞ տարի է, բեռնատար ֆորդ է։ Նախապես շնորհակալ եմ։

Արմինե․

Բարև Ձեզ, ինձ կասե՞ք՝ արևային պանելների օգտակար ծառայության ժամկետը քանի՞ տարի է։

Արինա․

Խնդրում եմ օգնեք տալ համապատասխան ձևակերպումները։ Կազմակերպությունը ձեռք է բերել անավարտ շինություն 1 000 000 դրամով, որի վրա կատարել է կառուցման աշխատանքներ՝ հանձնարարելով կապալառուական ընկերությանը և վճարելով 500 000 դրամ։ 01.07.2012թ կառուցումն ավարտվել է և հանձնվել է շահագործման։ 01.01.2014թ հաշվեկշռային արժեքից տարբերվող արժեքով` 850 000 դրամով, օտարվել է այլ կազմակերպության։ Օգտակար ծառայության ժամկետը 10 տարի, մաշվածության հաշվարկման մեթոդը՝ գծային հավասարաչափ, մնացորդային արժեքը` 0 դրամ:

Նախապես շնորհակալություն։

Դիտել այլ հաշվապահական խնդիրներ

Կիմա․

Բարև Ձեզ։ Շատ շնորհակալ կլինեմ, եթե օգնեք։ Ընկերությունը ձեռք է բերել մեքենա $14.000 արժեքով։ Մեքենայի օգտարար ծառայությունը գնահատվում է 5 տարի, իսկ մնացորդային աժեքը $2.000։ Ենթադրվում է, որ 5 տարվա տարվա ընթացքում մեքենան կանցնի 80.000կմ ճանապարհ։ Ենթադրենք՝

1-ին տարում անցնում է 10.000 կմ
2-րդ տարում անցնում է 15.000 կմ
3-րդ տարում անցնում է 18.000 կմ
4-րդ տարում անցնում է 20.000 կմ
5-րդ տարում անցնում է 17.000 կմ
Ընդամենը - 80.000 կմ ճանապարհ

Պահանջվում է՝ հաշվարկել մեքենայի մաշվածությունը 4 մեթոդներով՝ գծային, արտադրական, նվազող մնացորդի և ըստ տարիների հանրագումարի։

Մելինե․

Բարև, հարգելի հաշվապահներ: Մի քանի հարց ունեմ, կարո՞ղ եք ինձ օգնել

1) ՍՊԸ-ն ստացել է հաշիվ համայնքապետարանից 2021թ համար, սա ինչպե՞ս պետք է ծախսագրեմ, ո՞ր տարվա մեջ, երբ արդեն ֆինանսական արդյունքը որոշված է:

2) ՍՊԸ-ի տնօրենը ՍՊԸ-ի հաշվից վճարել է գրասենյակի էլեկտրաէներգիայի գումարը, սակայն գրասենյակը ֆիզ անձի բնակարանի հասցեով է, առանձին աբոնենտ չի , և հաշիվ չենք ստանում էլ ցանցից, ինչպե՞ս վարվել այդ գումարի հետ, ինչպե՞ս ծախսագրել, ստացվում է ֆիզ անձին վճարված եկամուտ է դա:

3) ՍՊԸ-ն գնել է ավտոմեքենա 1990 թվականի արտադրության, օգտակար ծառայության ժամկետը ինչքա՞ն պետք է նշել մուտք անելիս

4) Գրասենյակի համար գնել են գույք հիմնադիրները, առանց որևէ փաստաթղթի, որևէ տարբերակ կա՞ հիմնական միջոց ճանաչելու դրանք

Անի․

Ողջույն, խնդրում եմ օգնեք։ 2019թ-ին սեպտեմբերին ձեռք բերված ՀՄ։ Օգտակար ծառայության ժամկետը 4 տարի։ Հարց՝ եթե 2019-ին հաշվարկվում է մաշվածություն 3 ամսվա համար, արդյո՞ք 2023-ին պիտի հաշվարկվի 9 ամսվա մաշվածություն, որ դառնա 4 լիարժեք տարի։ Շնորհակալ եմ։

Ռուբեն․

Բարև, հարգելի հաշվապահներ: Կազմակերպությունը ձեռք է բերում ոչ նյութական ակտիվ արտերկրից:

Հարց 1․ ինչպե՞ս հիմնավորել ոչ նյութական ակտիվի օգտագար ծառայության ժամկետը

Հարց 2․ հաշիվ ապրանքագրի մեջ նշված է ոչ նյութական ակտիվի գինը և առանձին տողով տվյալ ակտիվի սպասարկման գումար։ Այդ սպասարկման գումարը կարելի՞ է գումարել ոչ նյութական ակտիվի արժեքին և տվյալ թվով հաշվարկել ամորտիզացիա

Արինա․

Բարև ձեզ։ Խնդրում եմ օգնեք տալ ձևակերպումները։ Կազմակերպությունը 01.08. 2011թ. ձեռք է բերել տեղակայում պահանջող հաստոց 4 600 000 դրամով, օգտակար ծառայության ժամկետը 5 տարի, մնացորդային արժեքը` 200 000 դրամ: Տեղակայման համար ծախսվել է նյութեր 400 000, աշխատավարձ 200 000 դրամի։

01.11.2013թ հիմնական միջոցների լուծարող հանձնաժողովը դուրսգրման ակտով լուծարել է հաստոցը։ Հաստոցի ապատեղակայման համար բանվորին հաշվարկվել է աշխատավարձ 50 000 դրամ։ Հաստոցի լուծարքից ստացված 200 000 դրամ ջարդոնը մուտքագրվել է պահեստ։

Նախապես շնորհակալություն։

Դիտել այլ հաշվապահական խնդիրներ