Նարե.

Բարև Ձեզ, հարգելի հաշվապահններ։ Վարձու աշխատողը ընդունվել է աշխատանքի 03.05.2022թ. 5-օրյա աշխատանքային գրաֆիկով: Ամսական հաշվարկային աշխատավարձն է 138 255 դրամ: Ազատման դիմում է գրել 06.09.2022թ.: Կխնդրեի օգնեիք ինձ՝ ի՞նչ ունեմ այս դեպքում հաշվարկելու սեպտեմբեր ամսվա աշխատավարձից բացի՝ արձակուրդի չօգտագործած օրերի գումար, վերջնահաշվարկ: Կխնդրեի նաև օգնել կատարել անհրաժեշտ հաշվարկները: Կանխավ շնորհակալություն:

Էմանուել.

Բարև Ձեզ։ Եթե ես աշխատել եմ 10 ամիս և գործատուն վճարել է ընդամենը 10 օրվա արձակուրդայինի գումար, ես աշխատում եմ 6/1գրաֆիկով։ Հիմա ես ուզում եմ աշխատանքից դուրս գալ և գործատուն հրաժարվում է վերջնահաշվարկ կատարելուց, պատճառաբանելով, որ արդեն իսկ վճարել է արձակուրդային գումար մի քանի ամիս առաջ։ Եվ ասում է, որ դա է վերջնահաշվարկը և չի վճարելու այլ գումար։ Հիմա ես ուզում եմ իմանալ՝ գործատուն պետք է առանձին վերջնահաշվարկ կատարի, թե՞ ոչ։

Արմինե.

Բարև ձեզ, հարգելիներս։ Մի հարց ունեմ. եթե աշխատողի հաստիքը կրճատվել է և նա օգոստոսի 1-ից չի աշխատում, նրան արձակման նպաստ և վերջնահաշվարկ հասնու՞մ է՝ 2֊ը միասին։
2. Կասե՞ք՝ 0,625 և 0,75 դրույքի աշխատաժամանակը 9 ժամային աշխատանքի դեպքում, աշխատանքը քանիսի՞ն է ավարտվում։
Նախապես շնորհակալություն։

Լիլիթ.

Բարև Ձեզ։ Հարցս հետևյալն է. եթե աշխատողը դիմում է գրում և աշխատանքից դուրս գալիս երկրից մեկնելու պատճառով, սակայն հետ գալու ակնկալիքով, այդ դեպքում՝ գործատուն ինչքա՞ն ժամանակ կարող է աշխատողին պահել։ Եվ այդ դեպքում վերջնահաշվարկ արվու՞մ է, թե՞ ոչ։

Անի.

Եթե աշխատողը նույն գործատուի կամ օրենքով սահմանված կարգով իրավահաջորդ ճանաչված գործատուի մոտ փոխադրվում (տեղափոխվում) է այլ աշխատանքի, գործատուն աշխատողի հետ վերջնահաշվարկ չի կատարում: Աշխատակիցս ուսուցիչ է և մեր մոտից ազատվում է և անմիջապես մեկ այլ դպրոցում ընդունվում է գործի։ Վերջնահաշվարկ անու՞մ ենք։

Էմանուել.

Բարև ձեզ։ Խնդրեմ կասեք՝ նվազագույնը քանի՞ ամսվա աշխատող պիտի լինեմ, որպեսզի իմ հետ վերջնահաշվարկ կատարեն։

Ալլա.

Բարև Ձեզ, հարգելի հաշվապահներ։ Եթե աշխատողը աշխատել է երկու ամիս և ազատվել է աշխատանքից՝ վերջնահաշվարկ կատարվու՞մ է, թե՞ ոչ։ Նշեմ նաև ,որ պայմանագրով գործատուն ընդունել է երկու ամիս ժամկետով։

Արմինե.

Բարև ձեզ։ Մի հարց ունեմ. եթե հաշվապահը թոշակառու է և ազատվելու դիմում է գրել, նա իրեն վերջնահաշվարկ է հաշվել և արձակուրդային։ Սեպտեմբերի 1֊ից չի աշխատելու, բայց ասաց՝ այս սեպտեմբերի 1-ից մինչև օգոստոսի 2023 թիվ իրեն արձակուրդային է հաշվել։ Ասացեք խնդրեմ՝ արդյո՞ք կարելի է նման բան անել։ Նախապես շնորհակալություն։

Ռուզաննա.

Բարձ ձեզ։ Համաձայն աշխ.օրենսգրքի 130 հոդվածի՝ աշխատողի հետ վերջնահաշվարկ կատարելիս վճարվում է աշխատավարձը և դրան հավասարեցված վճարումները: Խնդրում եմ ասեք՝ արդյո՞ք վերջնահաշվարկի ժամանակ հաշվարկվում է վերջին 5 տարվա աշխատանքային տարիների ընթացքում աշխատողին կազմակերպության կողմից կուտակված պարտքը։

Հայկ.

Բարև Ձեզ: Եթե աշխատողն ընդունվել է աշխատանքի 04.12.2019թ, իսկ 19.05.2020թ գնացել է հղիության և ծննդաբերության արձակուրդ, որից հետո էլ երեխայի խնամքի արձակուրդ: Հիմա դիմում է գրել աշխատանքից ազատման: Քանի՞ օրվա վերջնահաշվարկ ունի ստանալու: Շնորհակալություն։

Լուսինե.

Բարև Ձեզ։ Եթե հնարավո՞ր է՝ օգնեք հասկանամ. աշխատողը 02.05.2022-ից ընդունվել է աշխատանքի 93 300 դրամ աշխատավարձով, հուլիսի 21-29 ընկած ժամանակահատվածում ունի անաշխատունակության թերթիկ ու օգոստոսի 1-ին ազատման դիմում է գրել։ Խնդրում եմ օգնեք հասկանամ վճարման կարգը ու ինչպե՞ս պետք է կատարեմ հաշվարկը։

Արմինե.

Բարև Ձեզ։ Ինձ կարո՞ղ եք ասել՝ ինչպե՞ս է տրամադրվում վերջնահաշվարկ, եթե ես հանդիսանում եմ տվյալ կազմակերպության աշխատակից 2011թ.-ից՝ փաստացի գրանցված աշխատող։ Կխնդեմ օգնել ինձ այս հարցում՝ արդյո՞ք ինձ հասնում է վերջնահաշվարկ ասվածը, և եթե այո, ապա ինչպե՞ս է հաշվվում այն, ի դեպ ես տարիների ընթացքում հաստիքներ եմ փոխել։ Եվ ևս մեկ հարց. վերջնահաշվարկ կատարվու՞մ է սպասարկման ոլորտի աշխատակազմին, եթե օրենքով գրանցված աշխատող ենք և մասնակցում ենք և՛ թոշակային ֆոնդին, և՛ եկամտային հարկին։ Նախապես շնորակալություն։

Անի.

Բարև ձեզ: Կօգնե՞ք վերջնահաշվարկի հարցում: Աշխատակիցը բանակ է գնալու և ազատվում է աշխատանքից: Ընդունվել է 03.06.2022թ-ին, ազատվել է 18.07.2022թ.: Այդ աշխատած 1 ամսվա համար 1.67 օրն ինչքա՞ն հաշվել՝ 1, թե՞ 2:

Հայկ.

Բարև Ձեզ: Եթե հնգօրյա աշխատողը աշխատանքի է ընդունվել 01.05.2022թ և հուլիսի 15-ին ազատվում է աշխատանքից, ապա քանի՞ օրվա համար պետք է հաշվել վերջնահաշվարկը: Շնորհակալություն։

Մխիթար.

Բարև Ձեզ։ Ինձ առանց ծանուցման ցանկանում են աշխատանքից ազատել՝ կապված հաստիքի կրճատման հետ։ Ըստ Աշխատանքային Օրենսգրքի 129-րդի սահմանվում է արձակման նպաստ մեկ ամսվա միջին աշխատավարձի չափով, և 115-րդ հոդվածի 2-րդ մասով տուժանք՝ ծանուցման յուրաքանչյուր ժամկետանց օրվա համար միջին օրական աշխատավարձի չափով /2 ամիս առաջ պետք է ծանուցեին/։ Իմ ամսական աշխատավարձը հարկերով 370 000 դրամ էր, մաքուր՝ 270 0000, ունեմ նաև 103 չօգտագործված արձակուրդային օր։ Խնդրում եմ կասեք՝ իմ վերջնահաշվարկը ինչքա՞ն պետք է լինի: Աշխատում եմ հինգ օրյա գրաֆիկով։ Շնորհակալություն

Արսեն.

Բարև Ձեզ, հարգելի հաշվապահներ։ Աշխատողի հետ կնքվել է աշխատանքային պայմանագիր` գործավարձային աշխատավարձով։ Ենթադրենք ընդունվել է մարտի 5-ին, ազատվել է 17 մայիսի։ Վճարվել է 50 000 մարտ, 400 000 ապրիլ, 60 000 մայիս։ Վերջնահաշվարկը կատարելիս պետք է արձակուրդային օրերի դիմաց վճարե՞լ (50 000+400 000+60 000)/3/21*(1.67/22*18+1.67+1.67/21*10), թե՞ վերցվում է միայն ապրիլի աշխատավարձը՝ 400 000/21*1,67։ Կանխավ շնորհակալություն։

Մարիամ.

Բարև ձեզ։ Խնդրում եմ ասեք՝ վերջնահաշվարկը ո՞վ պետք է վճարի աշխատակցին՝ պետք է նվազեցվի եկամտային հարկից, թե՞ գործատուն պետք է վճարի իր միջոցներից։ Կանխավ շնորհակալություն։

Սվետլանա.

Բարև Ձեզ։ Եթե աշխատանքից դուրս ես գալիս 5 ամիս աշխատելուց հետո, գործատուն պարտավորվու՞մ է կատարել վերջնահաշվարկ։

Շողեր.

Բարև ձեզ: Խնդրում եմ պատասխանել այս հարցին. գրեթե 5 ամիս աշխատելուց հետո գնացել եմ ֆիզ. արձակուրդ ու հիմա, երբ դեռ երեխայի խնամքի արձակուրդում եմ, կազմակերպությունը լուծարվում է: Վճարվու՞մ է արդյոք արձակման նպաստ, ի՞նչ չափով: Ու եթե ես սպասեմ մինչև երեխայի 1 տարեկանը լրանալը, ապա կողմերի համաձայնությամբ լուծենք պայմանագիրը, այդ դեպքում նույնպե՞ս կվճարվի արձակման նպաստ և կկատարվի վերջնահաշվարկ: Նախապես շնորհակալ եմ:

Ռոբերտ.

Բարև բոլորին: Արդյո՞ք կարող եմ ամենամյա արձակուրդի ընթացքում այլ աշխատանքի անցնելու կապակցությամբ ազատման դիմում ներկայացնել, և ինչպե՞ս է վերջնահաշվարկ կատարվելու։

Լիլիթ.

Բարև Ձեզ։ Կներեք՝ վերջնահաշվարկից ԴԱՀԿ պահվու՞մ է: Եթե այո, ապա աշխատավարձ ու վերջնահաշվարկ միասին ենք փոխանցում, յուրաքանչյուրից առանձին-առանձին է պահվու՞մ ԴԱՀԿ, թե՞ երկուսը միասին վճարվող գումարից: Կանխավ շնորհակալություն

Բարև ձեզ։ Հարցս հետևյալն է․ աշխատողին վերջնահաշվարկը կատարելու դեպքում, եթե նա ունեցել է պարգևավճար, այդ դեպքում այդ գումարը հաշվի է առնվու՞մ, թե՞ ոչ։

Զարինե․

Ընդունել ենք աշխատանքի 17.09.2019թ.-ին, 16.05.2022թ․ ազատվել է աշխատանքից, վերջին արձակուրդը եղել է01.03.2022թ.։ Վերջնահաշվարկ հասնու՞մ է։

Անյա.

Բարև Ձեզ։ Այսպիսի հարց ունեմ. վերջնահաշվարկը պարտադիր աշխատանքային պայմանագրի լուծման օրը պետք է կատարվի, թե՞ կողմերի համաձայնությամբ հնարավոր է օր որոշել, կամ գործատուն կոնկրետ սահմանված ժամկետ ունենա փոխանցելու համար։

Արաքսյա.

Աշխատողի հետ ժամանակավոր կնքված պայմանագիրը ավարտվում է հունիսի 1-ին, ե՞րբ պետք է վճարեմ վերջնահաշվարկը՝ մայիսի 31-ի՞ն։

Հայկ.

Բարև Ձեզ: Աշխատողն ընդունվել է աշխատանքի 01.11.2021թ., աշխատել է մինչև մայիսի 19-ը, մայիսի 20-ից գնացել է արձակուրդ 20 աշխ. օր: Հիմա դիմում է գրել արձակուրդից անմիջապես հետո ազատվելու համար, որը լրանում է հունիսի 15-ին: Հիմա նա վերջնահաշվարկ ունի՞ ստանալու, երբ ստացել է ամբողջ արձակուրդային գումարը: Նախապես շնորհակալություն։

Քնարիկ.

Բարև բոլորին։ Մի բան խնդրեմ ասեք՝ աշխատողի գրանցման հայտում աշխատանքային պայմանագիրը ավարտ են գրում ու նույն հայտում սարքում քաղիրավ։ Էս դեպքում վերջնահաշվարկի կարիք կլինի, թե՞ չէ։

Մարինե.

Բարև Ձեզ, հարգելի հաշվապահներ:
Եթե մարդ ընդունվել է աշխատանքի 2021 թվականի մարտի 25-ին: Աշխատանքից ազատվում է 2022թվականի մայիսի 16-ից: 25.03.2021-25.03.2022թթ. ընկած ժամանակահատվածի համար չի գնացել ամենամյա արձակուրդի: Աշխատանքից ազատվելիս՝հրամանի ձևակերպումը ո՞նց ճիշտ գրեմ՝ կատարել վերջնահաշվարկ 25.03.2021-25.03.2022թթ. ժամանակահատվածի համար՝ չօգտագործված ամենամյա արձակուրդի համար 20(քսան) աշխատանքային օրով և 25.03.2022թ.-ի ժամանակահատվածից մինչև 2022թվականի մայիսի 16-ն ընկած ժամանակահատվածի համար: Հրամաննի ձևակերպումը ճի՞շտ է, եթե սենց ձևակերպեմ: Կանխավ շնորհակալություն:

Ռիտա․

Բարև Ձեզ։ Աշխատակիցը մահացել է։ Աշխատակցի աշխատավարձի և վերջնահաշվարկի վճարումը ինչպե՞ս պետք է արվի։

Մանե.

Բարև Ձեզ։ Օգնեք հաշվել վերջնահաշվարկ։ Աշխատողն ընդունվել է աշխատանքի 21․12․2021թ-ին 0,625 դրույքով՝ դաստիարակ, աշխատավարձը կազմում է 60 172 դրամ։ Ազատվել է աշխատանքից 25․04․2022թ-ին, տարվա համար հասանելիք արձակուրդային օրերը 25 է, 5-օրյա աշխատանքային շաբաթ։

Հայկ.

Բարև Ձեզ։ Այսպիսի իրավիճակ է առաջացել, կօգնե՞ք հասկանամ: Աշխատակիցը որոշել էր ազատվել աշխատանքից, դիմում էր ներկայացրել, որի հիման վրա նրան փոխանցել եմ վերջնահաշվարկ, սակայն չեմ տվել հարկայինին ազատման հայտը, քանի որ 3 օր ժամանակ կա: Հիմա փոշմանել է, ուզում է շարունակել աշխատելը: Խնդիրներ կունենա՞նք, եթե չազատեմ, իսկ վերջնահաշվարկի գումարը ձևակերպեմ որպես աշխատավարձի կանխավճար: Այսինքն՝ բանկի քաղվածքում վերջնահաշվարկ բառը ինչ-որ խնդիր կառաջացնի՞: Շնորհակալություն։

Գայանե.

Բարև Ձեզ։ Ուսուցիչը դպրոցում աշխատել է 20.01.1985թ.-ից։ Բոլոր արձակուրդայինները վճարվել է: Վերջին 6 ամիսը գտնվել է հիվանդության բյուլետենում: Հիմա չգիտեմ նրան վերջնահաշվակ հասնու՞մ է, թե՞ ոչ: Արդյո՞ք բյուլետենի ամիսները հաշվում են: Խնդրում եմ պատասխանեք, եթե հնարավոր է նաև հղումը ուղարկեք։

Քնարիկ․

Եթե աշխատակիցը աշխատել է ոչ լրիվ աշխատաժամանակով՝ շաբաթական 20 ժամ, ինչպե՞ս վերջնահաշվարկ կատարել։

Լորաննա Առաքելյան․

Բարև Ձեզ։ Ընդունվել եմ աշխատանքի 2018թ․ հունվարի 23-ին, օգտվել եմ բոլոր ամենամյա արձակուրդներից, ստացել եմ նվազագույն աշխատավարձ մինչև 2019թ․։ Դրանից հետո վարձատրվել եմ 0,75 դրույքաչափով առ այսօր։ Նախավերջին արձակուրդս եղել է 2021-ի օգոստոսի 23-ին։ Անհրաժեշտությունից ելնելով 2022-ի ամենամյա արձակուրդս վերցրել եմ ապրիլի 1-ից և ստացել արձակուրդային։ Մայիսի 2-ով ուզում եմ աշխատանքից ազատման դիմում գրել։ Ինչպե՞ս է հաշվարկվելու վերջնահաշվարկը։

Նունե․

Բարև Ձեզ։ Վերջնահաշվարկի կատարման կարգը ի՞նչ հրամանով կամ որոշումով է կարգավորում։ Գիտենք, որ չօգտագործված արձակուրդ*միջին աշխատավարձ է, բայց որտե՞ղ է այդ մասին ասվում։

Գայանե․

Բարև ձեզ։ Եթե աշխատողը համատեղությամբ է աշխատում, աշխատանքից ազատվելու ժամանակ տվյալ աշխատակցին վերջնահաշվարկ հասնու՞մ է, թե՞ ոչ։

Արթուր․

Բարև ձեզ: Խնդրում եմ ինձ մանրամասնեք, թե ինչպե՞ս են հաշվում չօգտագործած արձակուրդայինի օրերի քանակը: Օրինակ՝ աշխատողը ընդունվել է 22/05/2021թ., ազատվում է 09/04/2022թ.: Շնորհակալ եմ:

Ելենա․

Բարև Ձեզ։ Վերջնահաշվարկը կազմում է 35 000դրամ, դրոշմանիշը գործատուի հաշվին պահեմ, թե՞ աշխատողի։

Սոնա․

Բարև ձեզ։ Ես 4 ամսվա աշխատող եմ ու աշխատել եմ գիշեր։ Հիմա չի լինելու գիշերային հերթափոխ ու ինձ ազատում են աշխատանքից …. Արդյո՞ք ես կստանամ վերջնահաշվարկ։

Հասմիկ․

Բարև ձեզ։ Սեզոնային աշխատողին աշխատանքից ազատելու դեպքում և՞ս վճարվում է վերջնահաշվարկ։

Գոհար․

Աշխատակիցը 15 տարի արձակուրդ չի գնացել, հիմա ազատվում է, ինչքա՞ն կարելի է վճարել։

Լուսինե․

Բարև Ձեզ: Հարցս հետևյալն է․ աշխատողը 01.09.2016թ-ից մինչև 08.02.2022թ. աշխատում էր մանկապարտեզում: 01.05.2021թ-31.05.2021թ գտնվում էր արձակուրդում: Այս դեպքում՝ ինչպե՞ս պետք է կատարել վերջնահաշվարկ:

Հայկուշ․

Եթե փոխարինող ուսուցիչը աշխատել է ժամավարձով՝ 14.03.22թ․-ից մինչև 28.03.22թ․-ը, ինչպե՞ս հաշվարկել վերջնահաշվարկը և այդքան օրվա աշխատավարձը։

Գայանե․

Ողջույն բոլորին։ Ինձ կասեք՝ եթե աշխատողը դուրս է գալիս աշխատանքից, վերջնահաշվարկը ինչքա՞ն ժամանակում պետք վճարեմ։ Եվ հաջորդ հարցս․ եթե չվճարեմ՝ ի՞նչ պատասխանատվություն է առաջ գալիս։ Շնորհակալություն։

Անյա․

Տնօրենս 16.03.22թ-ին ազատվել է տնօրենի պաշտոնից, բայց ինքը պարապում էր նաև 7 ժամ հայոց լեզու, որը այժմ էլ շարունակում է պարապել։ Արդյո՞ք պետք է հաշվարկել վերջնահաշվարկ, եթե այո, ինչպե՞ս։

Բարև Ձեզ։ Ընկերներ, կասե՞ք՝ վերջնահաշվարկի ժամանակ այս օրենքի հղումը․ 1․ Այն դեպքում, երբ միջին ամսական աշխատավարձի հաշվարկման պահանջ առաջանալու ամսվան նախորդող տասներկու ամիսներում աշխատողը չի ունեցել փաստացի հաշվարկված աշխատավարձ, կամ տասներկու ամիսներում առկա են սույն մասի երկրորդ պարբերությունում թվարկված դեպքերը, միջին աշխատավարձի փոխարեն հաշվարկման համար հիմք է ընդունվում աշխատողի համար օրենսդրությամբ սահմանված պաշտոնային դրույքաչափը կամ աշխատանքային պայմանագրով կամ աշխատանքի ընդունման մասին իրավական ակտով սահմանված ամսական աշխատավարձը: Եթե սահմանված է ժամային դրույքաչափ, ապա հաշվարկների համար հիմք է ընդունվում ժամային դրույքաչափը: Հարց․ այսինքն՝ վերջնահաշվարկի ժամանակ, եթե աշխատավարձը ըստ պայմանագրի 13 000դր է կազմում, պիտի հաշվե՞նք հետևյալ կերպ՝ 05․10․2021 ընդունվել է բուժաշխատող, 19․03․2022 ազատվել, աշխատավարձը 13 000դր, շաբաթը 2 օր է աշխատում, ընդհանուր 4 ժամ։ Հաշվարկ 13․000/21= 619, 22/12=1,83 (6*1.83)*619։ Ճի՞շտ եմ հաշվել։

Բարև Ձեզ։ Հարգելի գործընկերներ, հարկադիր պարապուրդում գտնվող աշխատողին ազատելուց վերջնահաշվարկ տալի՞ս ենք։

Նարեկ.

Ողջույն, հարգելի հաշվապահներ: Հարցս հետևյալն է. 24 ժամյա հերթապահություն իրականացնող աշխատակիցների համար ինչքա՞ն կկազմի նվազագույն աշխատավարձը: Նշեմ, որ հերթապահությունը 3 հերթափոխով է` 2 օր հանգիստ, 1 օր աշխատանքի:
Եվ մեկ հարց ևս. վերջնահաշվարկ կատարելիս միջին օրական աշխատավարձ հաշվարկելու համար հիմք պետք է վերցնել նախորդ ամիսներին վճարված աշխատավարձի միջի՞նը 25-ի:

Հասմիկ.

Բարև ձեզ։ Ուսուցիչներին ինչպե՞ս է տրվում արձակուրդ, և ինչպե՞ս հաշվարկել, եթե ուսուցիչը աշխատել է մարտից։ Իսկ վերջնահաշվարկ ինչպե՞ս կատարել, եթե աշխատանքից դուրս է եկել հունվարին:

Հասմիկ.

Բարև ձեզ։ Հարցս էսպիսինն է: Ուսուցիչը ընդունվել է աշխատանքի 01/11/2011-ին և ազատվել է աշխատանքից 01/10/2021-ին։ Այդ ժամանակահատվածում եղել է դեկրետում 24/03/2017-ից մինչև 26/12/2019-ը։ Այժմ հարցը. տվյալ ուսուցչին ի՞նչ կարգով պետք է կատարվեր վերջնահաշվարկը և արդյո՞ք պետք է հետ պահվեր գումար: