Դիանա․

Բարև ձեզ։ Խնդրում եմ ասել․ ԱՁ, ով աշխատում է շրջհարկով, ինչ հաշվետվություններ է անհրաժեշտ հանձնել սարքավորում ներմուծելու համար։ Պարտադի՞ր է, որ հարկման ռեժիմը փոխվի ընդհանուր հարկման դաշտ, որ կարողանանք ներմուծել։ Եվ ներմուծման հայտարարագիր և հայտարարություն է՞լ պիտի հանձնենք։ Արտադրության համար է անհրաժեշտ սարքավորումը, ոչ թե վաճառքի: Կանխավ շնորհակալություն:

Կօգնե՞ք տալ ձևակերպումները։ Ձևակերպել հաստոցի վերադասակարգման և վաճառքի գործառնությունները։ Հաստոցի սկզբնական արժեքը 600 000 դրամ է, օգտակար ծառայության սահմանված ժամկետը՝ 5 տարի: Մաշվածության հաշվարկման համար կիրառվել է գծային եղանակ։ Երեք տարի անց հաստոցը վերադասակարգվել է որպես վաճառքի համար պահվող և դրանցից մեկ ամիս անց՝ վաճառվել 336 000 դրամով, ներառյալ՝ ՍՍՀ-ն: Վաճառքի գումարը ստացվելու է առաջիկա ամսվա ընթացքում: Հաշվետու անձըվճարել է միջնորդավճար հաստոցի վաճառքի համար` 15 000 դրամ՝ գումարած ԱԱՀ-ն։

Այլ հաշվապահական խնդիրներ

Մարիաննա․

Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։

Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ՝ ԱԱՀ-ն։ Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ ԱԱՀ-ն։ Տեղափոխման վճարումն իրականացվել է հաշվարկային հաշվից: Սարքավորման տեղակայման համար օգտագործվել են նյութեր՝ 12 500, բանվորներին հաշվարկվել է աշխատավարձ` 58 000 դրամի չափով։ Տեղակայված սարքավորումը հանձնվել է շահագործման։

Այլ հաշվապահական խնդիրներ

Խնդրում եմ օգնեք լուծել խնդիրը։ Պահանջվում է որոշել ձեռք բերված սարքավորման սկզբնական արժեքը և ձևակերպել գործառնությունները։ Տվյալներ. կազմակերպությունը ձեռք է բերել սարքավորում, որի դիմաց հաշվարկային հաշվից վճարել է 489 600 դրամ, ներառյալ՝ ԱԱՀ-ն։ Սարքավորումը տեղափոխել է տրանսպորտային կազմակերպությունը։ Տեղափոխման արժեքն է 48 000 դրամ, ներառյալ՝ ԱԱՀ-ն։ Տեղափոխման վճարումն իրականացվել է հաշվարկային հաշվից։ Սարքավորման տեղակայման համար օգտագործվել են նյութեր` 12 500, բանվորներին հաշվարկվել է աշխատավարձ` 58 000 դրամի չափով։

Այլ հաշվապահական խնդիրներ

Ալլա․

Բարև Ձեզ։ ԱԱՀ-ով աշխատող կազմակերպությունը ներմուծել է սարքավորում, որի համար ԱԱՀ չի վճարել։ Եթե այդ սարքավորումը վաճառենք, ԱԱՀ պե՞տք է վճարենք։

Նաիրա․

Բարև ձեզ։ Կազմակերպությունը 2018 թվականի փետրվարի 1-ին կանոնադրական խնդիրների լուծման պայմանով այլ կազմակերպությունից պայմանով ստացել է սարքավորում, որի իրական արժեքը ստացման պահին գնահատվել է 6․000․000 դրամ։ Որքա՞ն կկազմի կազմակերպության հետաձգված հասույթի մնացորդը 2018 թվականի դեկտեմբերի 31-ին, եթե սարքավորման օգտակար ծառայության ժամկետը 5 տարի է։

Գայանե․

Բարև Ձեզ, հարգելի հաշվապահներ։ Եթե կազմակերպությունը ձեռք է բերել տեղակայում պահանջող սարքավորում, ապա տեղակայման ժամանակ օգտագործված այլ հիմնական միջոցների մաշվածությունը և սարքավորման շահագործման վերջում ապատեղակայման գնահատված ներկա արժեքը մտցվու՞մ է սարքավորման սկզբնական արժեքի մեջ, թե՞ ոչ:

Ժաննա․

Բարև ձեզ։ Կազմակերպությունը ձեռք է բերել 6 000 000 դրամ և 1 550 000 դրամ արժեքով լամպեր բժշկական սարքավորման համար։ Այն ընդունել ենք որպես ՀՄ, և սկսել եմ հաշվարկել ամորտիզացիա 5 տարի ժամկետով։ Սակայն ընկերության Կառավարչական ընկերությունը առաջակում է 6 000 000 արժեքով լամպի համար ամորտիզացիան 5 տարվա փոխարեն հաշվել 1 տարում , իսկ 1 550 000 արժողությամբը՝ 3 տարում։ Հարգելի հաշվապահներ, խնդրում եմ օգնեք՝ եթե վարվեմ նրանց պահանջով, արդո՞ք ճիշտ կլինի, և օրենք չե՞մ խախտի։

Վահագն․

Բարև Ձեզ։ ԱՁ-ն զբաղվում է ավտոպահեստամասերի վաճառքով և աշխատում է շրջ. հարկով։ Մի տարի առաջ ամբարձիչ սարքավորում ներմուծեցինք ՌԴ-ից, ավտոտեխսպասարկման կետ բացելու համար, բայց սպասարկման կետը չբացվեց, և հիմա այդ հիմնական միջոցը այս տարի վաճառեցինք։

Հիմա հարց․ այդ գույքի վաճառքի գումարը պետք է գրեմ շրջ. հարկի հաշվետվության առևտրի տողում, թե՞ 16 տողում (Այլ գործունեությունից կամ այլ ակտիվների օտարումից ստացվող եկամուտներ)։ Եվ ամենակարևորը՝ ի՞նչ դասակարգիչ նշեմ հաշվետվության մեջ։ Նույն դասակարգիչն, ինչ որ ավտոպահեստամասերի վաճառքի դեպքում։

Գայանե․

Բարև Ձեզ։ Խնդրում եմ պատասխանել՝ կազմակերպությունը 2023թ ապրիլի 1-ն ձեռք է բերել 1 500 000 դրամով սարքավորում, որը տեղակայվել է 2023թ մայիսի 1-ն՝ դառնալով մատչելի օգտագործման համար: Սակայն սարքավորման շահագործումը սկսվել է 2023թ հուլիսի մեկից: Որքա՞ն կկազմի սարքավորման մաշվածության ծախսը 2023թ դեկտեմբերի 31-ին, եթե սարքավորման օգտակար ծառայության ժամկետը 8 տարի է։

Գայանե․

Բարև Ձեզ, հարգելի հաշվապահներ։ ԱՁ-ն գովազդային վահանակներ է պատրաստում, գործում է շրջհարկով, ունի մեկ աշխատող, որպես գրաֆիկ դիզայներ։ Հարցս հետևյալն է․ նաև ունի սուրճի ապարատ, հունվարից է տեղադրել սուրճի ապարատը։ Ես ամեն ամիս սուրճի ապարատի հետ կապված հաշվետվություն ունեմ ներկայացնելու, թե՞ ոչ։ Ամեն ամիս աշխատողի համար 189 ձևը ներկայացնում եմ, ուղղակի սուրճի ապարատի հետ կապված չգիտեմ՝ ինչ պետք է անեմ։ Եռամսյակային և տարեկան հաշվետվության մեջ ինչպե՞ս եմ ցույց տալու։ Կանխավ շնորհակալություն։

Դերենիկ․

Բարև ձեզ։ Անհատ ձեռներեց եմ և ցանկանում եմ Չինաստանից ձեռք բերել խառատային cnc հաստոց արտադրությունը զարգացնելու համար։ Հաստոցի գինը մոտ 4 000 000 դրամ է, քաշը 2500կգ։ Կասե՞ք՝ ինչքան կկազմի մաքսազերծումը մոտավոր։

Կարեն․

Բարև Ձեզ։ Շրջ․ հարկով աշխատող ԱՁ-ն ֆիզ․ անձից ձեռք է բերել սարքավորում, որը հետո արտահանել է։ Որպես հարկային գործակալ ֆիզ․ անձի փոխարեն վճարել է եկամտային հարկ։ Շրջանառության հարկի հաշվարկի ժամանակ կարո՞ղ եմ նվազեցնել ձեռքբերման գնի 4%-ը, և ո՞ր հոդվածով է դա հիմնավորվելու։

Արինա.

Բարև ձեզ։ Խնդրում եմ օգնել։ 31.12. 2013թ դրությամբ ընկերության ոչ ընթացիկ ակտիվների վերաբերյալ առկա է հետևյալ տեղեկատվությունը ` հիմնական միջոցներ սկզբնական արժեք՝ 860 000$, կուտակված մաշվածություն՝ 397 000$, 2014թ ընթացքում վաճառվել է սարքավորում, որի հաշվեկշռային արժեքը 37 000$ էր, սկզբնական արժեքը՝ 80 000$, և վաճառվել էր 49 000$-ով։ Տարվա ընթացքում ձեռք է բերվել նոր սարքավորում՝ 180 000$ սկզբնական արժեքով։ Ընկերության մաշվածության հաշվառման քաղաքականությամբ հիմնական միջոցի ձեռք բերման տարում մաշվածությունը հաշվառվում է ամբողջ տարվա համար, իսկ օտարման տարում մաշվածություն չի հաշվարկվում։ Մաշվածությունը հաշվարկվում է գծային մեթոդով 10% դրույքաչափով։ Հիմնական միջոցները ի՞նչ գումարով կարտացոլվեն 31.12.2014թ ֆինանսական վիճակի հաշվետվությունում։

2.

2018թ հունվարի 1-ին ձեռք է բերվել հիմնական միջոց 50 000 դրամ արժեքով, մաշվածությունը հաշվարկվել է նվազող մնացորդի մեթոդով՝ 30% դրույքաչափով։ Որքա՞ն կկազմի հիմնական միջոցի հաշվեկշռային արժեքը 2020թ տարվա վերջում։

Նախապես շնորհակալություն։

Դիտել այլ հաշվապահական խնդիրներ

Անի.

Բարև Ձեզ, հարգելի կոլեգաներ։ Բժշկական սարքավորումների ներմուծմամբ և արտահանմամբ զբաղվող ՍՊԸ-ն կարո՞ղ է արդյոք աշխատել շրջանառության հարկի դաշտում, եթե իհարկե շրջանառությունը չի գերազանցում սահմանված 115.մլն.

Նարե.

Բարև, հարգելի հաշվապահներ։ Սարքավորում ենք ներմուծելու, հետո մի քանի ամիս անց վաճառենք։ Ո՞վ կարող է օգնել, որ հնարավորինս քիչ հարկվենք, ԱԱՀ չվճարենք: Խնդրում եմ հեռախոսահամար թողնել:

Տաթև.

Բարև ձեզ, հարգելի հաշվապահներ։ Կատարել ենք սարքավորումների ներմուծում Իտալիայից, որի ժամանակ ԱԱՀ չենք վճարել։ Հիմա պատրաստվում ենք արտահանել Ռուսաստան, արտահանման ժամանակ ԱԱՀ-ի 0 տոկոս դրույքաչափ է։ Խնդրում եմ մանրամասնել ԱԱՀ-ի հետ կապված, գումար պետք է վճարենք, հետ ստանանք, թե՞ ընդհանրապես չի վճարվում։ Կանխավ շնորհակալ եմ

Լաուրա.

Բարև ձեզ։ Հարցս հետևյալն է. ֆիրման իրականացնում է առքուվաճառք՝ գնում է սարքավորումներ Եվրոպայից և վաճառում Բելառուսում։ Ի՞նչ ընթացակարգով, ի՞նչ օրենքի հիման վրա է հնարավոր իրականացնել այդ սարքավորումների առքուվաճառքը, եթե սարքավորումները ՀՀ սահմանը չեն հատելու, այլ միանգամից այն երկրից, որտեղից գնվել է, ուղարկվելու է նշանակման երկիր։ Ի՞նչ խնդիր կարող է առաջանալ հարկային տեսանկյունից, ինչպե՞ս պետք է կատարվի նման դեպքում հաշվառումը, կամ առհասարակ՝ կա՞ մեկը, ով առնչվել է նման գործի հետ։ Ու՞մ կարող ենք դիմել, անհրաժեշտ է կոնսուլտացիա։ Նախապես շնորհակալություն։

Արմեն.

Բարև Ձեզ։ Կազմակերպությունը ստացել է լիզինգով սարքավորում՝ 3 000 000 ՀՀ դրամով, և յուրաքանչյուր ամիս լիզինգը դուրս է գրում հաշիվ՝ վարձավճար – 110 000, տոկոսագումար – 22000։ Խնդրում եմ օգնեք ձևակերպել ձեռք բերելուց սկսած։ Շնորհակալություն։

Էմիլյա.

Կազմել գործառնությունների ձևակերպումները.
1. Հաշվարկվել է ֆինանսական վարձակալությամբ ստացված հիմնական միջոցների մաշվածությունը, որոնք օգտագործվում են վարչական նպատակով՝ 45 000 դրամ:
2. Մուտքագրվել է կազմակերպությունում ներստեղծված ոչ նյութական ակտիվը 450 000 դրամ:
3. Կատարել վարժության պահանջները, Կազմակերպությունը 2013թ. օգոստոսի սկզբին ձեռք է բերել տեղակայում պահանջող սարքավորում, վճարելով հաշվարկային հաշվից 550 000 դրամ, գումարած ԱԱՀ-ն: Տրանսպորտային կազմակերպության կողմից կատարվել է այդ սարքավորման տեղափոխման աշխատանքը, որի համար կազմակերպությունը պարտավորվել է վճարել 60 000 դրամ, ներառյալ՝ ԱԱՀ: Սարքավորման տեղակայումը կատարվել է տնտեսվարական եղանակով և տևել է 2 ամիս: Տեղակայման համար ծախսվել են նյութեր` 30 000 դրամի, հաշվարկվել է աշխատավարձ` 40 000 դրամի չափով: Սարքավորման օգտակար ծառայությունը սահմանվել է 5 տարի, իսկ մնացորդային արժեքը` 37 000 դրամ: Պահանջվում է ձևակերպել սարքավորման ձեռքբերման, տեղակայման և շահագործման հանձնման գործառնությունները, հաշվարկել դրա մաշվածությունը շահագործման առաջին տարվա համար՝ գծային եղանակով, և որոշել հաշվեկշռային արժեքը այդ տարվա վերջի դրությամբ:

Աննա․

Կազմակերպությունը 2013թ․ օգոստոսի սկզբին ձեռք է բերել տեղակայում պահանջող սարքավորում, վճարելով հաշվարկային հաշվից 550 000դրամ, գումարած ԱԱՀ։ Տրանսպորտային կազմակերպության կողմից կատարվել է այդ սարքավորման տեղափոխման աշխատանքը, որի համար կազմակերպությունը պարտավորվել է վճարել 60 000դրամ, ներառյալ՝ ԱԱՀ։ Սարքավորման տեղակայումը կատարվել է տնտեսավարման եղանակով և տևել է երկու ամիս։ Տեղակայման համար ծախսվել են նյութեր՝ 30 000դրամ, հաշվարկվել է աշխատավարձ 40 000 դրամի չափով։ Սարքավորման օգտակար ծառայությունը սահմանվել է հինգ տարի, իսկ մնացորդային արժեքը՝ 37 000դրամ։ Պահանջվում է ձևակերպել սարքավորման ձեռքբերման, տեղակայման և շահագործման հանձնման գործառնությունները, հաշվարկել դրա մաշվածությունը շահագործման առաջին տարվա համար գծային եղանակով, որոշել հաշվեկշռային արժեքը այդ տարվա վերջի դրությամբ։

Գոռ․

01.01.2013թ. ընկերությունը ձեռք է բերել նոր սարքավորում $40,000-ով: Սարքավորման օգտակար ծառայության ժամկետը գնահատվել է 10 տարի, իսկ մնացորդային արժեքը $1000, մաշվածությունը հաշվարկվում է գծային եղանակով: 31.12.2013թ. վերանայվել է ակտիվի օգտագործման ժամկետը և գնահատվել է այդ ամսաթվից սկսած 5 տարի, առանց մնացորդային արժեքի:
Որքան կկազմի 2014թ. մաշվածության ծախսը։

Նադյա․

Հայաստանյան Իրավաբանական անձը սարքավորումներ է ներմուծելու Եվրոպական երկրներից և, ապա արտահանելու է ՌԴ։ Խնդրում եմ լուսաբանել՝ թե ե՞րբ և ի՞նչ պայմաններում կարող է իրավաբանական անձը ետ ստանալ ներմուծելիս մաքսազերծման շրջանակներում վճարված ԱԱՀ-ն։ Կանխավ շնորհակալ եմ պատասխանի համար։

ԳՈՌ.

31.12.2013թ. դրությամբ ընկերության ոչ ընթացիկ ակտիվների վերաբերյալ առկա է հետևյալ տեղեկատվությունը՝
hիմնական միջոցներ սկզբնական արժեք $860 000, կուտակված մաշվածություն $397 000, 2014թ. ընթացքում վաճառվել է սարքավորում, որի հաշվեկշռային արժեքը $37 000 էր, սկզբնական արժեքը $80 000, և վաճառվել էր $49 000-ով: Տարվա ընթացքում ձեռք է բերվել նոր սարքավորում՝ $180 000 սկզբնական արժեքով: Ընկերության մաշվածության հաշվառման քաղաքականությամբ հիմնական միջոցի ձեռք բերման տարում մաշվածությունը հաշվառվում է ամբողջ տարվա համար, իսկ օտարման տարում մաշվածություն չի հաշվարկվում: Մաշվածությունը հաշվարկվում է գծային մեթոդով՝ 10% դրույքաչափով:
Հիմնական միջոցները ի՞նչ գումարով կարտացոլվեն 31.12.2014թ. ֆինանսական վիճակի հաշվետվությունում։

Անի.

Հարգելի՛ հաշվապահներ, ԱԱՀ-ով աշխատող կազմակերպությունը ձեռք է բերել սարքավորում ֆիզ. անձից առ ու վաճառքի պայմանագրով: Հարց 1․ արդյո՞ք գնման ակտ պետք է: Հարց 2․ ՀԾ հիմնական միջոցներում մուտք անելիս հաշվառման բաժնում քանի՞ ամսով է ձևակերպվում և գումարը գրվում է ամբո՞ղջը, թե՞ եկամտայինը արդեն հանած: Շնորհակալ եմ:

Լիլիթ.

Ողջույն բոլորին: Խնդրում եմ օգնել ձևակերպել հետևյալ գործառնությունները.
1. Առաքվել է արտադրանք գնորդին 1800դրամ: Գնորդը պարտավորվել է վճարել 30 օրվա ընթացքում 2700.0 դրամ:
2. Պատրաստի արտադրանքը բեռնաթափող բանվորներին հաշվարկվել է աշխատավարձ:
3. Որոշել իրացումից ստացված շահույթը կամ վնասը:
4. Հաշվարկային հաշվում ստացվել է գնորդներից 250.0 դրամ:
5. Հաշվարկված աշխատավարձից պահվել է պակասորդի դիմաց 50.0 դրամ:
6. Լուծարվել է մաշված տնտեսական գույքը: Գույքի սկզբնական արժեքը 200.0 դրամ է, կուտակված մաշվածությունը 180.0 դրամ:
7. Պահեստ է մուտքգրվել գույքի լուծարքից ստացված վառելանյութը:
Եվս մի քանիսը.
1. Հիմնական արտադրությունից ստացված պատրաստի արտադրանքը մուտքագրվել է պահեստ փաստացի ինքնարժեքով:
2. Հաշվարկային հաշվից վճարվել է վարձատուին վարձավճարը գործառնական վարձակալությամբ ստացված շենքի համար:
3. Չօգտագործվող սարքավորումը հանվել է շահագործումից և վերադասակարգվում է որպես վաճառքի համար պահվող: Սարքավորման սկզբնական արժեքը 220.0 դրամ է, կուտակված մաշվածությունը 160.0 դրամ:

Անի.

Հարգելի հաշվապահներ, կատարվել է հիմնական միջոցի ներմուծում, սարքավորումը ազատված է եղել ԱԱՀ-ից, բայց սարքավորման փաթեթավորման արկղի համար վճարվել է ԱԱՀ, այդ սարքավորման համար ստացել ենք պահեստավորման ծախսերի ԱԱՀ-ով հաշիվ: Չե՞նք կարող ստացված հաշվի ԱԱՀ-ն հաշվանցել:

Արթուր.

Բարև ձեզ: Ես Չինաստանից մեկ ստանոկի համար գնել եմ 2 կոմպլեկտ շարժիչներ, այսինքն` մեկ ստանոկի մասեր, ընդհանուր արժեքը 390դոլար: Այս դեպքում` ինչպե՞ս պետք է հաշվարկվի մաքսային վճարը:

Գուրգեն.

Անհատ ձեռնարկատերը՝ տնտեսական գործունեության դասակարգիչ 95.11.0, Համակարգիչների և ծայրամասային սարքվածքների նորոգում, միկրոյով կարո՞ղ եմ աշխատել տվյալ դեպքում:

Աննա.

Բարև Ձեզ: Հարցս հետևյալն է՝ մեկ օրով վարորդ ենք վարձել, որպեսզի տեղափոխի մեր կազմակերպության սարքավորումը՝ վերանորոգելու նպատակով: Արդյո՞ք պետք է կնքել քաղաքացիաիրավական պայմանագիր մեկ օրվա համար և վճարել եկամտային հարկ ե այլ վճարումներ:

Անի․

Բարև ձեզ: Հարգելի՛ հաշվապահներ, հիմնական միջոց ենք գնել հարկային հաշվով: Սարքավորման արժեքը 240 000 դր․ է, ներառյալ՝ ԱԱՀ: ՀԾ համակարգ մուտք անելիս հիմնական միջոցներ բաժնում ֆինանսական և հարկային հաշվառման դաշտերում ո՞ր թիվը պետք է մուտք անել՝ ԱԱՀ-ով, թե՞ առանց ԱԱՀ: Ասեմ, որ taxservice համակարգից ներբեռնել եմ հաշիվը ՀԾ, ստացված հաշիվների մեջ ձևակերպել եմ պահեստի մուտք, տվել եմ ձևակերպումներ 1114-5215, 2261-5216: Կանխավ շնորհակալ եմ:

Աստղիկ.

Բարև Ձեզ։ Խնդրում եմ օգնել ձևակերպումների և փաստաթղթերի կազմման հարցում։ Ընկերությունը ձեռք է բերել ՀՄ/սարքավորում/ ֆիզիկական անձից առանց որևէ փաստաթղթի։ Արժեքը կազմում է 3000$: Ինչպե՞ս ցույց տամ ՀՄ-ի ձեռքբերումը։

Անի.

Բարև ձեզ: Խնդրում եմ օգնեք մի հարցով: Կազմակերպությունը, որն աշխատում է ԱԱՀ-ով, ձեռք է բերում սարքավորում՝ որպես հիմնական միջոց ֆիզ. անձից: Այս դեպքում հարկվու՞մ է միայն կազմակերպությունը՝ եկամտային հարկով 10%, թե՞ ֆիզ. անձն էլ: Եվ եթե սարքը փաստաթուղթ չունի, ինչպե՞ս վարվել: Շնորհակալ եմ:

Հարություն․

Բարև ձեզ։ Արտադրություն սկսելու համար հաստոցներ եմ ցանկանում ներմուծել Չինաստանից։ ԱՁ նոր պետք է բացեմ։ Ինչպե՞ս իմանամ՝ հաստոցներին պետք է մաքսազերծում, թե՞ զրոյական են մաքսերը։ Հաստոցները տոպրակներ արտադրելու համար են նախատեսված։

Mariam.

Բարև Ձեզ։ Խնդրում եմ պատասխանել. ՌԴ-ից ՀՀ կոսմետիկ միջոցներ այդ թվում մատնահարդարման պարագաներ և սարքավորումներ ներկրելու և վաճառք իրականացնելու դեպքում՝ իմ քայլերի հերթականությունը։ Որպես ԱՁ ի՞նչ վճարումներ են լինելու սկսած մաքսատնից մինչև վաճառքի փուլը։
Շնորհակալ եմ:

Սոնա․

Բարև Ձեզ: Հարգելիներս, խնդրում եմ օգնել լուծելու հետևյալ խնդիրը: Կանխավ՝ շնորհակալ եմ:

“Ա” ՀԿ-ն հիմնադրվել է 2019թ.-ին: 2019թ.-ի շրջանառությունը կազմել է 62 մլն դրամ: Կազմակերպությունը 2020թ. ԱԱՀ վճարող համարվելու վերաբերյալ հայտարարություն չի ներկայացրել: Հաշվետու ժամանակաշրջանում իրականացրել է հետևյալ գործարքները՝

Եկամուտներ՝ հ/հ Գործարք գումար/հազ. դրամ/

1.Անհատույց ստացված արտ. սարքավորում 15 000
2.Ծառայությունների մատուցումից եկամուտ 48 000
3.Ապրանքների իրացումից եկամուտ 58 000
4.Վարձակալությունից եկամուտ 18 000

Ծախսեր՝ հ/հ Գործարք գումար /հազ. դրամ/

1. Հիմնական միջոցների մաշվածություն 12 000
   2.Ծառայությունների մատուցման հետ կապված ծախսեր 32 000
   3.Ապրանքների ինքնարժեք 62 000
   4.Աշխատավարձ 6 600

Լրացուցիչ ինֆորմացիա՝ 1.Սարքավորումը ստացել 01.04.2020թ.-ին:
2.Արտադրական սարքավորումը շահագործման է հանձնվել 01.05.2020թ., սակայն տեղակայման և գործարկման նշանակալի աշխատանքներ չի պահանջվել։
3.Եկամուտները հաշվեգրվել են վերը նշված հաջորդականությամբ:
4.Բոլոր ծախսերի մասով եղել են ծախսերը հիմնավորող փաստաթղթեր:

Որոշել 2020թ. -ի հարկվող շահույթը և շահութահարկի գումարը:

Հովհաննես.

Խնդրում եմ ձեզ, օգնեք լուծելու հետևյալ խնդիրը՝
1. որոշել՝ տրված տնտեսական գործառնությունները հաշվեկշռում ինչպիսի փոփոխություններ են առաջացնում,
2. ձևակերպել տնտեսական գործառնությունները:

Գործառնություների բովանդակությունը՝
1. հաշվարկվել է արտադրական սարքավորումների մաշվածությունը՝ 350 000 դրամ,
2. շենքը կառուցողների համար հաշվարկվել է աշխատավարձ՝ 185 000 դրամ,
3. ձևակերպված է գրասենյակի շենքի նորոգման ծախսումների կապիտալացումը՝ 720 000 դրամ,
4. հիմնական միջոցը ժամանակավորապես հանվել է շահագործումից սկզբնական արժեքով՝ 2 550 000 դրամ,
5. հաշվետու ժամանակաշրջանի վերջում անավարտ շենքի կառուցման ծախսումների փակում՝ 230 000 դրամ:

Նախօրոք շնորհակալություն:

Արմեն.

Բարև ձեզ։ ՍՊԸ (էլեկտրոմոնտաժման ծառայություններ մատուցող, էլեկտրական սարքավորումների սպասարկում) բացելու համար ի՞նչ է անհրաժեշտ՝
1. ի՞նչ փաստաթղթեր են անհրաժեշտ,
2. ի՞նչ հարկով է հարկվելու,
3. արդյո՞ք սկզբում աշխատողներ պետք է գրանցել,
4. տվյալ գործունեության համար լիցենզիա հարկավո՞ր է։

Անահիտ.

Բարև ձեզ: Կօգնեք լուծել հետևյալ խնդիրը՝ կազմակերպությունը 2015թ. հունվարին ձեռք է բերել 900 000 դրամի սարքավորում՝ արտադրական նպատակով օգտագործելու համար, որի օգտակար ծառայության ժամկետը սահմանել է 5 տարի, իսկ մնացորդային արժեքը՝ 200 դրամ: 2016թ. հունվարի 1-ին վերանայվել է սարքավորման մնացորդային օգտակար ծառայության ժամկետը, որը, համաձայն նոր գնահատման, 3 տարի է: Համաձայն ՀՀՄՍ 8 ձևակերպել գնահատումներում կատարված փոփոխության հետևանքները:

Աննա.

Հարգելի կոլեգաներ, կազմակերպությունը վաճառում և տեղադրում է սարքավորումներ պատվիրատուի մոտ, ինչպես նաև բացի այդ սարքավորումները ծախսվում են տարբեր նյութեր մոնտաժային աշխատանքների ժամանակ: Ինչպիսի՞ հաշիվ պետք է գրել պատվիրատուին՝ ծառայությա՞ն հաշիվ՝ նշելով «Մոնտաժային աշխատանքներ» այդ հաշվում, թե՞ ապրանքների հաշիվ՝ նշելով «Սարքավորում», «Նյութեր» և առանձին տողով նույն հաշվում՝ «Մոնտաժային աշխատանքներ»: Ինչպե՞ս եք Դուք վարվում նման դեպքերում:

Էլիզա.

Բարև բոլորին:
X կազմակերպությունը մեր կազմակերպության սարքավորումների վերանորոգումն է իրականացնում: Իր կողմից սարքավորումները տեղափոխելու դեպքում ինչպիսի՞ ուղեկցող փաստաթուղթ է անհրաժեշտ: Նախապես շնորհակալություն կարծիքների համար:

Հայկ.

Ողջո՛ւյն: Ես գործարար եմ, ցանկանում եմ գործածման նպատակով սարքավորում ներմուծել ՌԴ-ից: ՀՀ եմ բերելու օդային սահմանով՝ անձնական ուղեբեռումս: Ի՞նչ գործընթաց է հետևում սրան՝ ինչպե՞ս գրանցել ներմուծումը հարկայինում և վճարել ԱԱՀ: Ռուսական գործարանը վստահեցնում է, որ ԵՏՄ շրջանակներում մաքսատուրքի բացակայության պարագայում ԱԱՀ վճարել պարտավոր եմ. իրենք գինը հաշվարկում են առանց ԱԱՀ, սակայն վճարում են ԱԱՀ բայց այն ետստանալու համար ինձնից կսպասեն ՀՀ-ում վճարած ԱԱՀ-ի տեղեկանք (մի այլ գործարան մեկնաբանում է, թե չեն վճարելու ԱԱՀ բայց X ժամանակվա մեջ կամ պետք է իմ վճարման հավաստումով այդ զրոյացնեն, կամ այլապես վճարեն)… Չեմ հասկանում՝ սա իրոք այսպես է, թե գին են ուռճացնում, թե… Ամեն դեպքում՝ խորհուրդ տվե՛ք խնդրեմ. եթե մեր օդանավակայանում մաքսավորն ինձ դիմելու գործ չունի, հարկայինում էլ գրանցելու իմաստ չեմ գտնում (բալանսում պետք էլ չէ հաշվառել), ի՞նչ կլինի ռուսներին իրականում:

Արմինե.

Հարգելի հաշվապահներ, խնդրում եմ օգնել ինձ հետևյալ հարցում:

Կազմակերպությունը պայմանագիր է կնքել ծառայություն մատուցող ընկերության հետ, համաձայն որի այդ ընկերությունը վերանորոգելու է կազմակերպության հաստոցները:

Հիմա տվյալ ընկերությունը մեզ դուրս է գրել` օրինակ Հ/Ա 150 000 դրամի չափով (հաստոցի համար անհրաժեշտ էլեկտրական սարքավորումների գինը): Սակայն հաստոցի օգտակար ծառայության ժամկետը ավարտվել է, և տարվա սկզբի դրությամբ հաշվեկշռում գրանցված մնացորդային արժեքը կազմում է 2 000 դրամ:

Հարց. հաստոցի վերանորոգման համար անհրաժեշտ էլեկտրական սարքավորումների գումարը ինչպե՞ս ձևակերպեմ:

Andranik.

Հարգելի հաշվապահներ,
եթե բժշկական սարքավորումների ներմուծման համար սահմանված է 0 % մաքսատուրք, արդյո՞ք Ebay.com կայքի միջոցով պատվիրելու դեպքում ՀՀ սահմանին անհրաժեշտ է կատարել որևէ վճարում (սարքավորումը արժե 300 000 ՀՀ դրամ):
Շնորհակալություն:

astxik.

Բարև ձեզ, հարգելի հաշվապահներ: Եթե կարող եք, օգնեք: Աշխատում ենք ԱԱՀ-ի դաշտում, ունենք լիզինգի պայմանագիր սարքավորման ձեռք բերման համար: Սարքը տրված է մեզ հարկային հաշվով որպես վարձալալություն: Հարցս` հարկային հաշվի ԱԱՀ-ը կարո՞ղ եմ հաշվանցել: Կանխավ շնորհակալություն:

Վլադիմիր.

Բարև Ձեզ: Ինչպե՞ս ձևակերպել շահագործման մեջ գտնվող հիմնական միջոցի վերանորոգում: Արդյո՞ք այն պետք է հանել շահագործումից: Ձեռնարկությունը կատարել է պերֆորատորի վերնորոգում: Դրա համար գնվել է համալրող սարք, որը փոխարինում է շարքից դուրս եկածին, և վճարել է այդ աշխատանքները կատարելու համար: Արդյո՞ք ճիշտ է այդ սարքի արժեքը 118-ից միանգամից տեղափոխել 111: Եվ ի՞նչ անել վերանորոգման համար վճարած գումարը: Շնորհակալություն:

lusine.

Խնդրում եմ օգնել լուծել հետևյալ խնդիրը.

Կազմակերպությունը ձեռք է բերել սարքավորում, որը ենթակա է տեղակայման, գնման գինը 1 200 000 դր, կատարվել են տեղակայման հետևյալ ծախսումները`
նյութեր – 120 000
արագամաշ առարկաներ – 15 000
դրամարկղ – 100 000
աշխատավարձ – 100 000
սոց. վճար – 19 000

Տալ բոլոր հաշվապահական ձևակերպումները և սարքավորումները հանձնել շահագործման: