Գեղամ.

Կանխիկի սահմանափակումների դեպքում, ինչպե՞ս են կատարվելու ՀԴՄ-ով վճարները, որոնք անհնար է կատարել անկանխիկ և, եթե առհաշիվ անձը կատարել 15 գնում ՀԴՄ -ով՝ յուրաքանչյուրը 35-50 հազ դրամով, կամ շուրջ 700 հազ. դրամ, կարելի՞ է դրամարկղից միանգամից վճարել 700 հազարը։

Սուսաննա.

Միկրոձեռնարկությունը /ավտոմեքենաների տեխ․ սպասարկում /գրանցված է և գործում է Կոտայքի մարզում։ Արդյո՞ք պարտադիր է 1.07.22թ.-ից անցնել անկանխիկ վճարման։

Նինել.

Բարև Ձեզ։ Կարո՞ ղ է արդյոք կազմակերպությունը վարձակալության վճարը վճարել կանխիկ, եթե վարձատուն հանդիսանում է ֆիզ. անձ։ Վարձավճարը ամեն ամիս կազմում է 50 000 ՀՀ դրամ, տարեկան 600 000 ՀՀ դրամ։ Եթե այո, ապա ամբողջ տարվա վճարման 600 000 դրամով չի՞ խախտվում անկանխիկի 300 000 ՀՀ դրամի սահմանաչափը։

Մարիամ.

Բարև ձեզ։ Խնդրում եմ ասեք՝ եթե երկու ֆիզ. անձերի միջև կատարվել է մեքենայի առքուվաճառք՝ 2021թ, սակայն անվանափոխություն և պետական գրանցում չի կատարվել մինչ օրս /19.07.22թ/, այժմ գրանցելիս արդյո՞ք անկանխիկ վճարման նոր փոփոխությունները պիտի գործեն, քանի որ վճարվել է 2021թ-ին, և ի՞նչ հարկ է առաջանում նման գործարքի ժամանակ։

Վեներա.

Խնդրում եմ՝ 2022թ. հունվարի 18-ին անկանխիկ գործառնությունների մասին ըդունված ՀՀ օրենքի հոդված 4-ի ավելի մանրամասն մեկնաբանություն, երբ համագործակցում են կազմակերպությունը և ֆիզիկական անձը, երբ ֆիզիկական անձը վճարը ստացողի դերում է:

Մելինե.

Բարև ձեզ։ Ունենք Ա/Ձ մթերային խանութ, համաձայն հուլիսի մեկից մտած օրենքի, մատակարարներից ստացված բոլոր ապրանքների դիմաց վճարումը պետք է կատարեմ փոխանցումով չէ։ Այդ դեպքում ինչու՞ են բոլոր առաքիչ-մենեջերները զարմանում և ասում, որ առաջինն եմ, ումից նման բան են լսում: Հիմա ո՞րն է ճիշտը։

Ռուբ.

Բարև ձեզ, հարգելի հաշվապահներ։ Ընկերությունը 2021-ին աշխատել է ԱԱՀ-ով և իր գործունեության համար երկկողմանի գնման ակտով ձեռք է բերել նյութեր, ապրանքներ։ Օրինակ՝ մեկ գործարքի գինը ներառյալ 10% եկամտայինը գնման ակտով կազմել է 300 000: Վճարումը կատարվել է դրամարկղից, վճարելով 270 000 դրամ։ Հարցս վերաբերվում է 3 000 000 սահմանափակմանը։ Այս դեպքում գումարը հաշվարկվում է առա՞նց եկամտային հարկի ելքագրված գումարներով, թե՞ եկամտային հարկը ներառյալ ելքագրումների արժեքը չպետք է գերազանցի 3 000 000-ը։

ՌՈՒԶԱՆ.

Ատամնաբուժարանի տարածքի վարձը 180 000դր. է, կարո՞ղ է կանխիկ վճարել ֆիզ. անձին։

Հայկ․

Բարև Ձեզ։ Հարցս կանխիկի սահմանափակումներին է վերաբերում։ Կազմակերպությունը “Լվա ինքդ” ավտոլցացման կետից հասույթ է ստանում և 5 օրվա կտրվածքով մուտք է անում դրամարկղ։ Հուլիսի 1-ից հետո ինչպե՞ս պետք է վարվել։ Արդյո՞ք պարտադիր է բանկի հաշվին մուտք անել դրամարկղի գումարը, ախր այդպես հարմար չի լինի այդքան հաճախ բանկ գնալ, ծախսեր կատարել և այլն։ Ի՞նչ խորհուրդ կտաք։

Հայկ.

Բարև Ձեզ: Հուլիսի 1-ից կանխիկի սահմանափակումների հետ կապված է հարցս: Կարելի՞ է արդյոք հուլիսի 1-ից հետո ընկերության հաշվից ՍՊԸ հիմնադրի անձնական հաշվին յուրաքանչյուր ամիս գումար փոխանցել, որպես անտոկոս փոխառություն, որի հաշվին հետագայում մարել շահաբաժինների գծով հիմնադրի պարտքը: Որևէ խախտում կլինի՞: Նախկինում դրամարկղից ենք վճարել շահաբաժինը: Շնորհակալություն։

Աստղիկ.

Բարև Ձեզ։ Հարգելի հաշվապահներ, խնդրում եմ հուշեք` ՀԿ-ն կարո՞ղ է արդյոք կանխիկ գումարով գնում կատարել` 1 միլիոնից ավել գումարի շրջանակներում, կա՞ արդյոք սահմանափակում կանխիկ գնումների մասով ՀԿ-ին։ Կանխավ շնորհակալություն:

Նառա.

Բարև Ձեզ, հարգելի գործընկերներ։ Խնդրում եմ ուղղորդեք` գտնեմ կանխիկ գնումների սահմանափակումներին վերաբերվող վերջին փոփոխությունները։ Շնորհակալ եմ:

Գեղամ.

Կանխիկ, անկանխիկ գործարքների մասին նոր սահմանափակումերի մասին օրենքը ընդունվե՞լ է և ո՞նց կարող ենք այն գտնել:

Թամարա․

Հարգելի հաշվապահներ, ասացեք խնդրեմ՝ աշխատավարձի անկանխիկ վճարումները 2022թ․ հունվարի 1-ի՞ց, թե՞ հուլիսի 1-ից պետք է կիրառվեն։ Շնորհակալություն։

Նարեկ․

Հարգելի գործընկերներ, արդյո՞ք կանխիկ գործարքների սահմանափակումների վերաբերյալ օրենքն արդեն ուժի մեջ է մտել։ Որտե՞ղ կարող եմ ծանոթանալ մանրամասներին։ Շնորհակալություն։