Լիլիթ.

Բարև Ձեզ, ես նոր եմ սկսում հաշվապահություն սովորել, չեի՞ք ասի` ամենակարևորը, որից պետք է սկսեմ, դա ո՞րն է հաշվապահության մեջ: Շնորհակալություն:

Աննա.

Ես ցանկանում եմ սովորել հաշվապահություն, խնդրում եմ ինձ օգնել: Որտե՞ղ դիմեմ, որ ստանամ ճիշտ գիտելիքներ, սկսնակ եմ, ապագա տնտեսագետ:

Գայանե.

Հարգելի հաշվապահներ, խնդրում եմ օգնեք ինձ գտնել 1C ծրագրի ուսուցողական գրականություն: Նախապես շնորհակալություն:

Bestart.

Բարև ձեզ: Ես ուսանող եմ և “Հաշվապահական հաշվառում” առարկայից պետք է գրեմ անհատական աշխատանք “Բանկային հաշիվներով իրականացվող գործառնությունների հաշվառումը” թեմայով: Խնդրում եմ ինձ օգնեք այդ թեմային վերաբերվող օգտակար նյութերով: Թեման բաղկացած է երկու ենթահարցերից.
1. Հաշվարկային հաշվով իրականացվող գործառնությունների փաստաթղթային ձևակերպումը և սինթետիկ հաշվառումը:
2. Արտարժույթային հաշվով իրականացվող գործառնությունների փաստաթղթային ձևակերպումը և սինթետիկ հաշվառումը: Կանխավ շնորհակալ եմ 🙂

Ani.

Կարո՞ղ եք ինձ օգնել գտնել հայերեն ձեռնարկներ հաշվապահության մասին: Կանխավ շնորհակալություն:

Arpi.

Բարև ձեզ: Կասե՞ք` որտեղ կարելի է սովորել կադրային գործ:

Ռուզան.

Հարգելի հաշվապահներ, խնդրում եմ մոտավորապես ասեք, թե որքան կկազմի ուսուցչի մաքուր աշխատավարձը, եթե ունի 22 դասաժամ, դասղեկություն, մեթոդմիավորում, 16 տարվա ստաժ, լեզվի և գրականության դասավանդում 6-րդ, 7-րդ և 11 ժամ 12-րդ դասարանում, նաև ասեմ, որ բարձր լեռնային համայնք է: Շնորհակալություն:

Robert Babayan.

Հարգելի հաշվապահ մասնագետներ, շնորհավոր Ձեր Սուրբ Ծնունդն ու Ամանորը: Խնդրում եմ Ձեր ճշգրիտ ցուցումը: Ես պատրաստվում եմ բացել ուսումնական կենտրոն, որը կազմակերպելու է լեզուների և տնտեսագիտական դասընթացներ: Ի՞նչ հարկատեսակներով է հարկվելու իմ ՍՊԸ-ն: Կանխավ շնորհակալություն:

Համեստ.

Բարև բոլորին: Շնորհավորում եմ Նոր Տարի և Սուրբ Ծնունդ: Եթե չունեմ հաշվապահի կրթություն, սակայն արդեն 5 տարի է աշխատում եմ հաշվապահ և նույնիսկ տիրապետում եմ ՀԾ-ի համակարգին, ես կարո՞ղ եմ մասնակցել հաշվապահի որակավորման քննություններին: Եթե այո, ապա որտեղի՞ց կարող եմ տեղեկանալ` երբ են անցկացվում քննությունները և ինչ հարցեր են:

Liana.

Բարև Ձեզ: Խնդրում եմ պատասխանել իմ հարցին: Ուզում եմ մասնակցել հաշվապահական հաշվառման դասընթացներին: Նման դասընթացներ կազմակերպող ՍՊԸ-ներ կան, բայց ես չգիտեմ` այդ դասընթացներն ավարտելուց հետո իրավունք կունենամ աշխատել որպես հաշվապահ: Ի՞նչ թույլտվություն կամ մի գուցե լիցենզիա պետք է ունենա տվյալ ՍՊԸ-ն: Խնդրում եմ հարցս անպատասխան չթողնեք: Շատ շնորհակալ եմ:

Armine.

Ո՞վ կարող է մասնակցել ACCA դասընթացներին:

E.

Եթե ինչ որ մեկը ուսումնական կենտրոնի հաշվապահություն է անում, եթե ունեք պայմանագրի ձև ուսուցում ստացող մարդու հետ, խնդրում եմ ուղարկել կամ օգնել պատրաստել նման պայմանագիր:

ԱՐՄԻՆԱ.

Բարև ձեզ: Խնդրում եմ ինձ պատասխանել հետևյալ հարցիս: Մասնագիտությամբ հաշվապահ եմ, սակայն մասնագիտական ստաժ չունեմ: Ցանկանում եմ ձեռք բերել հաշվապահական լիցենզիա: Այդ լիցենզիան ունենալու համար արդյո՞ք անհրաժեշտ է ունենալ հաշվապահական ստաժ, և սկսնակ հաշվապահների համար կա՞ն արդյոք որևէ դասընթացներ` հետագայում հաշվապահական լիցենզիա ձեռք բերելու համար: Եթե հնարավոր է, տվեք ստույգ ինֆորմացիա: Կանխավ շնորհակալ եմ:

Eva.

Բարև բոլորին: Կուզենայի իմանալ` ինչով են տարբերվում Հայաստանի և Ռուսաստանի հաշվապահական հաշվառումները: Եվ կարո՞ղ եմ արդյոք ավարտելով այստեղ հաշվապահական դասընթացներ` այդ իսկ գիտելիքներով աշխատել ՌԴ-ում: Կանխավ շնորհակալություն:

Shushan.

Հե՞շտ է արդյոք հաշվապահությամբ զբաղվել, և ինչքա՞ն ժամանակ դա կպահանջի: Նախօրոք շնորհակալություն:

EvA.

Հարգելի կոլեգաներ, խնդրում եմ հնարավորինս շուտ արձագանքել: Մեր ՍՊԸ տնօրենը ուզում է աշխատակցի ուսման վարձը (մագիստրատուրա է շարունակում) փոխանցի ՍՊԸ-ի միջոցներից և ծախս ձևակերպվի: Ես դեմ եմ, նա ասում է` հիմնավորի ՕՐԵՆՔՈՎ, ինչ-որ հոդվածով: Տնօրենն ասւմ է, որ այդ ուսումը նպատակային է, մասնագիտական, գործունեության հետ կապ ունի: Ես կարծում եմ, եթե դա լիներ վերապատրաստման դասընթաց կամ սեմինար, հնարավոր կլիներ, իսկ որպես ուսման վարձ` ոչ: Խնդրում եմ օգնեք, կարո՞ղ ենք վարձը փոխանցել, թե՞ ոչ: Խնդրում եմ օրենքի որևէ հոդվածով (միայն նման հիմնավորում է ընդունում):

Ռուզան.

Խնդրում եմ պատասխանեք. ինչպիսի՞ն է հաշվապահների լիցենզավորման գործընթացը: Ի՞նչ փուլերով պետք է անցնել և ինչպե՞ս նախապատրաստվել: Ի՞նչ խորհուրդ կտաք սովորել, կրկնել, անգիր անել…

Արթուր.

Ողջունում եմ Ձեզ, հարգելի հաշվապահներ:
Բանն այն է, որ մի քանի տարի առաջ համալսարանում հաշվապահական հաշվառում առարկային ուշադրություն չեմ դարձրել, իսկ այժմ, երբ գրեթե ամեն ինչ մոռացված է, առաջացել է մեծ ցանկություն տիրապետել այդ գիտությանը: Ի՞նչ նյութերից կամ ի՞նչ գրքերից խորհուրդ կտաք սկսել սովորել հաշվապահական հաշվառումը (ինքնուսուցման տարբերկով): Նախապես շնորհակալություն:

Արմինե.

Խնդրում եմ օգնեք հասկանալ կամ տվեք համապատասխան գրականության ցանկ` կարդալու ֆինանսական ակտիվների և պասիվների գնահատման և կառավարման մասին կամ բացատրեք, թե ինչ են իրենից ներկայացնում “ֆինանսական ակտիվ” կամ “պասիվ” տերմինները:

Արմինե.

Խնդրում եմ օգնեք գտնել տվյալ թեմայի մասին տեղեկություններ` “Ֆինանսական ակտիվների կառավարումը և գնահատումը”:

Ժաննա.

Հարգելի գործընկերներ, ցանկանում են խորացված ուսումնասիրել կադրային գործը: Ի՞նչ լավ, բարձր մակարդակի ուսումնական կենտրոններ գիտեք, խնդրում եմ գրեք անուններն ու հեռախոսահամարները: Անչափ շնորհակալ կլինեմ:

Անդրանիկ.

Բարև ձեզ, խնդրում եմ, եթե հնարավոր է, ինձ օգնել մի հարցում: Ես պետք է կուրսային աշխատանք հանձնեմ (Դրամական միջոցների մասին հաշվետվությունը և լրացման կարգը) թեմայով: Եթե տնտեսագետների մոտ կգտնվի այս թեման, խնդրում եմ օգնել: Նախապես շնորհակալություն:

Rimma.

Բարև ձեզ, ես ունեմ հումանիտար կրթություն, բայց ցանկություն ունեմ հաճախելու հաշվապահական դասընթացների: Արդյո՞ք հնարավոր է հաշվապահական դասընթացների հաճախելով դառնալ հաշվապահ, և որտե՞ղ խորհուրդ կտաք հաճախել:

Գոհար.

Բարև:
Ուզում եմ հաճախել 1C ուսուցման դասընթացների, որտե՞ղ խորհուրդ կտաք:

Meline.

Բարև ձեզ հարգելի հաշվապահեր, ես ծանոթ եմ հաշվապահական ծրագրերին, որոշ մասով նաև օրենսդրությանը: Ինչպե՞ս կարող եմ կարճ ժամկետում լրացնել կարևոր պակաս գիտելիքները:

Տաթևիկ.

Բարև ձեզ:
Ինչ-որ մեկը կարո՞ ղ է ինձ օգնել Էյ-Սի-Սի-Էյ-ի գրքերով, թեկուզ էլեկտրոնային տարբերակով կամ պատճեով:
Շատ շնորհակալ կլինեմ:

Էլմիրա Հովհաննիսյան.

Բարև Ձեզ,
Որտեղի՞ց կարող եմ ձեռք բերել հաշվապահական թեստեր և խնդիրներ:
Ես սկսնակ հաշվապահ եմ և ավարտել եմ IATC-ի հաշվապահական կուրսերը:
Նախապես շնորհակալ եմ:

Հարգանքներով,
Էլմիրա Հովհաննիսյան

Էդգար.

Կազմակերպությունը ցանկանում է զբաղվել դիզայնի դասընթացների կազմակերպմամբ: Կխնդրեի ներկայացնել, ինչպես պետք է իրականացնել ուսանողների հաշվառումը, արդյոք անհրաժեշտ է մատյան վարել նրանց հաշվառման համար, ինչպե՞ս է այդ հարցը կարգավորվում: Ի՞նչ որոշմամբ, ո՞ր օրենքով: Ինչպե՞ս է հարկվում, որպես ծառայությա՞ն մատուցում: Արդյոք տրվում է ՀԴՄ կտրոն (տվյալ հասցեում արդեն կա ՀԴՄ), թե վարձը գանձվում է մուտքի օրդերով: Անհրաժե՞շտ է ուսանողների հետ կնքել պայմանագիր: Կխնդրեի մանրամասն պատասխանել: Կանխավ շնորհակալ եմ:

Մարիա.

Բարև ձեզ: Ես ավարտել եմ, մասնագիտությամբ հաշվապահ եմ: Խնդրում եմ թվեք գրքերի անուններ, որոնք կկարողանամ կարդալ, որ ավելի լավացնեմ իմ գիտելիքները:

Տիգրան.

Որոշ չափով ունեմ գիտելիքներ հաշվապահությունից, ցանկանում եմ գիտելիքներս խորացնել, դառնալ լիարժեք հաշվապահ: Ի՞նչ գրքեր, նյութեր, օրենքներ խորհուրդ կտաք կարդալ:

Satenik.

Խնդրում եմ պատասխանեք. ուսման ժամանակ ինձ հասնու՞մ է վճարովի արձակուրդ: Ես աշխատում եմ: Խնդրում եմ նշեքˋ օրենքի ո՞ր հոդվածն է կիրառվում:

Anna.

Բարև Ձեզ: Ես 2007 – ին անցել եմ “Էկոնոմիկա և Իրավունք” կենտրոնի հաշվապահական կուրս: Հիմա ինձ պետք է լրացուցիչ պատրաստվել միջազգային հաշվապահական ստանդարտներով: Որտե՞ղ կարող եմ 15-20 օրում, թերևս անհատական ուսուցմամբ ստանալ համապատասխան գիտելիքներ:
Կանխավ շնորհակալ եմ:

Ժաննա.

Ես ուզում եմ հաշվապահական կուրսերի գնալ, դրանք շատ-շատ են, կարո՞ղ եք ասել, ես ո՞ր մեկին դիմեմ: Ես հիմա հաշվապահություն անում եմ մի ֆիրմայում ծանոթ հաշվապահից հարցնելով, որը ոնց պետք է արվի, բայց կարծում եմ, լավ կլինի միաժամանակ նաև կուրսերի գնալ, ի՞նչ խորհուրդ կտաք:

Ադելինա.

Ես գործող հաշվապահ եմ, սակայն գիտելիքների խորացման համար ինձ անհրաժեշտ են հաշվապահական խնդիրներ:

Մարինե.

Որտե՞ղ կարող եմ հաշվապահական դասընթացների գնալ և կարճ ժամանակում տիրապետել մասնագիտությանը:

Ելենա.

Ասացեք խնդրեմ արդյոք կան հաշվապահական կուրսեր արդեն իսկ գործող հաշվապանների համար և եթե դժվար չէ թողեք տվյալները:

Կանխավ շնորհակալություն

Արծրուն.

Բարև բոլորին…կարող եք օգնել որակավորման քնություններին պատրաստվելու համար հարցաշարի և խնդիրներ գտնելու հարցում..կանխավ շնորհակալ եմ…

Արմեն.

Բարև ձեզ , ինձ պետք է հաշվապահական խնդիրներ:

Համեստ.

Բարև ձեզ ես կատարում եմ հաշվապահության հետ կապված ցանկացած աշխատանքներ, գերազանց տիրապետում եմ համակարգչին, սակայն չունեմ հաշվապահության համապատասխան սերտիֆիկատ կամ դիպլոմ այդ պատճառով չեմ կարողանում օրենքով գրանցված աշխատել որպես հաշվապահ: Եթե կան կարճ ժամանակով համատասխան դասընթացներ, որտեղ կտրվեն սերտիֆիկատներ կցանկանայի մասնակցել եւ ձեռք բերել համապատասխան փաստաթուղթ:

Ս.Ս.

Բարև ձեզ,ես սկսնակ հաշվապահ եմ,պրոֆեսիոնալ զարգացման համար ուզում եմ սեմինարների մասնակցել:Խնդրում եմ ինձ օգնել,թե որտեղ կարելի է հաճախել:

Արփինե.

Բարև ձեզ հարգելիներս, ցանկանում եմ տորթերի ուսուցում կազմակերպել,Խնդրում եմ գրեք ուսումնական կենտրոնի առանձնահատկությունների մասին Նախապես շնորհակալություն

Կայքում ավելացվել է նոր ենթաբաժին` “Ուսուցում”:

Ուսման կենտրոնները, ինչպես նաև անհատ մասնագետները կարող են հայտարարություններ տեղադրել իրենց կողմից կազմակերպվող հաշվապահական հաշվառման դասընթացների վերաբերյալ: