
ՍՊԸ կազմակերպում է նաև ուղևորափոխադրումներ
Էդուարդ․
Բարև ձեզ, հարգելի մասնագետներ։ ՍՊԸ-ն աշխատում է միկրոձեռնարկատիրության հարկային դաշտում, բայց զբաղվում է նաև ոչ կանոնավոր ուղևորափոխադրմամբ Հայաստանի սահմաններում, անհատույց տրամադրված ավտոմոբիլներով՝ կազմակերպում ենք էքսկուրսիաներ, շրջագայություններ, պատվերով ուղևորափոխադրումներ։ Հիմա ունեմ մի քանի հարց․
1․ արդյո՞ք պետք է տեղափոխվել շրջհարկի դաշտ, թե՞ կարելի է նաև միկրոյով ստանալ 19,7 հոդվածով սահմանաված արտոնագիրը։
2․ հաշվետվություններում արտոնագրի մեջ նշված է "մարդատար տաքսի ավտոմոբիլով ուղևորափոխադրում", եթե արտոնագիրը ստանանք, հնարավո՞ր է հետագայում տաքսի ծառայություն մատուցելու հետ կապված հարկային պարտավորություններ, լիցենզիայի պահանջ և այլն առաջանան։

Ե՞րբ է զբոսաշրջության ծառայությունը համարվում ԱԱՀ-ից ազատված
Իրինա․
Հարգելի գործընկերներ, հարցս վերաբերում է Զբոսաշրջության ոլորտին։ Հարկային օրենսգրքի 64-րդ հոդվածի 2-րդ մասի 48-րդ կետի համաձայն ԱԱՀ-ից ազատված գործարք է համարվում օտարերկրյա զբոսաշրջիկին մատուցվող զբոսաշրջության ոլորտի ծառայությունները, իսկ Զբոսաշրջության մասին օրենքում հստակ թվարկում է զբոսաշրջային ծառայությունները որոնք են։
Հիմա հարց․ ինչու՞ է մեկնաբանվում, որ պարտադիր պետք է մեկից ավելի ծառայություն լինի, այսինքն տուր փաթեթ լինի, որ համարվի ազատված։ Օրինակ, եթե օտարերկրյա զբեսաշրջիկին միայն մատուցվել է ՀՀ-ի սահմանում ուղևորափոխադրման, կամ գիդի , կամ միայն հյուրանոցի ծառայություն, էդ դեպքում վերջը համարվու՞մ է ազատված ԱԱՀ-ից, թե՞ ոչ։

Կանոնավոր ուղևորափոխադրումների իրականացում
Աննա․
Հարգելի հաշվապահներ, կասե՞ք խնդրեմ՝ ՍՊԸ, որն աշխատում է ԱԱՀ-ով, իրականացնում է կանոնավոր ուղևորափոխադրում ոչ ներքաղաքային, հասույթը մուտքի օրդերով մուծվում է դրամարկղ, այս գործունեության համար չկա ՀԴՄ կտրոն, մինչև սեպտեմբերի մեկը գործունեությունը հարկվում է պետ տուրքով ամսական, այս դեպքում ԱԱՀ հաշվարկի ո՞ր տողում պետք է լրացվի հասույթը ու գանձվի ԱԱՀ: Կանխավ շնորհակալ եմ։

Ուղևորափոխադրումների էլեկտրոնային հարթակ
Աննա․
Հարգելի հաշվապահներ, կասե՞ք խնդրեմ, այս պարագայում էլեկտրոնային հարթակը ինչ է նշանակում, ուզում եմ հասկանալ սա որ դեպքում է:
Ուղևորափոխադրումները էլեկտրոնային հարթակով ուղևորափոխադրման ծառայության միջոցով ստացված պատվերով իրականացվելու դեպքում յուրաքանչյուր ուղևորափոխադրման համար սույն հոդվածի 2-րդ մասում նշված չափով պետական տուրքը գանձում և պետական բյուջե է վճարում էլեկտրոնային հարթակով ուղևորափոխադրման ծառայություն մատուցող կազմակերպությունը կամ անհատ ձեռնարկատերը:
3. Սույն հոդվածի կիրառության իմաստով` 1) ավտոբուս է համարվում այն ավտոմոբիլը, որի նստատեղերի քանակը, բացառությամբ վարորդի նստատեղի, գերազանցում է տասնյոթը. 2) միկրոավտոբուս է համարվում իննից մինչև տասնյոթ նստատեղ ունեցող (առանց վարորդի նստատեղի) ավտոմոբիլը։

ԱՁ-ն համագործակցում է Yandex-ի հետ
Արփինե․
Հարգելի խմբակիցներ, ԱՁ-ն համագործակցում է Yandex-ի հետ և բացել է տաքսոպարկ։ Մի շարք հարցեր կան, խնդրում եմ չանտեսել․☺️
1․ Արդյո՞ք պարտավորություն ունի վճարել տարեկան 100,000 դրամ պետական տուրք մարդատար-տաքսի ավտոմոբիլներով ուղևորափոխադրումներ կազմակերպելու համար։
2․ Արտոնագիր տրամադրելու համար պետական տուրքի վճարման պարտավորությունը իր վրա է, թե՞ Yandex-ի (1.5 %-անկանխիկի և 2 % կանխիկ վճարումների դեպքում)։ Այս դեպքում այդ հաշվարկը ինչպե՞ս է կատարվում, եթե գումարի 7 %-ը տաքսոպարկինն է, 5 %-ը Yandex-ինը։ Հավանաբար մեզ հասանելի 7 %-ի համա՞ր ենք հաշվարկելու պետական տուրք։
3․ Որքանով տեղյակ ենք, կարող է գործունեությունը համարվել միկրոձեռնարկատիրության սուբյեկտ՝ այդ գործունեության մասով վճարելով պետական տուրք և շրջանառությունը ներկայացնելով միկրոյի տարեկանի մեջ։
4․ Վարորդներին քաղաքացիաիրավական պայմանագրերով է պետք գրանցել, թե՞ ոչ։
5․ Էլեկտրոնային ՀԴՄ կարծես թե հարկավոր չէ։

Ուղևորափոխադրումներ դեպի ՌԴ
Ռուզաննա․
Հարգելի հաշվապահներ, ԱՁ-ն իրականացնելու է դեպի ՌԴ ուղևորափոխադրում իրականացնող այլ ընկերության տոմսերի վաճառքը, այսինքն` տոմսերի գնին որոշակի վերադիր է ավելացնելու և վաճառելու: Խնդրում եմ պատասխանեք՝ ինչպիսի՞ գործունեություն է դա համարվում` միջնորդակա՞ն, և ո՞ր դասակարգիչը պետք է նշել: Նախապես շնորհակալություն:

Արդյո՞ք ԱԱՀ գումարները հաշվանցման ենթակա են
Աննա․
Հարգելի հաշվապահներ, ՍՊԸ աշխատում է ԱԱՀ-ով , գործունեության տեսակը՝ ուղևորափոխադրումներ ավտոբուսով, մինչև սեպտեմբերի 1-ը աշխատում է պետ․ տուրք վճար ամսական որպես հարկ, սեպտեմբերի 1-ից պետք է վճարի շրջանառությունից ԱԱՀ, կասե՞ք խնդրեմ՝ իսկ ձեռքբերումների մասով կարո՞ղ է բոլոր հարկային հաշիվներում արտացոլված ԱԱՀ գումարները հաշվանցել: Կանխավ շնորհակալ եմ։

Ոչ կանոնավոր ուղևորափոխադրումներ
Աննա․
Բարև ձեզ։ Հարգելի հաշվապահներ, շտապ հարց ունեմ. ոչ կանոնավոր ուղևորափոխադրում իրականացնելուց արդյո՞ք ամսական պետ տուրքի վճար այլևս չի վճարում, այլ հարկվում է իր շրջանառությունից: Կանխավ շնորհակալ եմ:

Այլ գործունեության ավելացում
Աննա․
Հարգելի հաշվապահներ, եթե շրջանառության հարկով աշխատող ՍՊԸ, որի գործունեթյան տեսակն է կանոնավոր ուղևորափոխադրում, ունի նաև այլ գործունեություն՝ տեխզննման կայան, որն իր մեքենաների համար կատարում է տեխզննումներ , այս դեպքում ի՞նչ լրացուցիչ հաշվետվություններ հանձնելու և հարկային պարտավորություններ են առաջանում։

ՍՊԸ-ն շահել է գնումների մրցույթ
Աննա․
Բարև ձեզ, հարգելի հաշվապահներ։ Կասե՞ք խնդրեմ՝ շրջ․ հարկով աշխատող ՍՊԸ գնումներով շահել է մրցույթ ուղևորափոխադրում կատարելու համար, ՍՊԸ կարո՞ղ է ուղևորափոխադրումն իրականացնել, այսինքն պայամանագիր կապել մեկ այլ ԱՁ հետ, որն իր անձնական մեքենաներով կկատարի պատվեր։ Եթե այո, ինչպիսի՞ հարկային պարտավորություններ կառաջանան ՍՊԸ մոտ։ Կանխավ շնորհակալ եմ։

Օդային ուղևորափոխադրումներ
Մանե․
Բարի օր, որևէ մեկը կարո՞ղ է տեղեկատվություն տրամադրել օդային ուղևորափոխադրումներ իրականացնող ընկերությունների պարտադիր վճարների, հարկային օրենսդրության դրույթների վերաբերյալ կամ հղումներ փոխանցել։

Կանոնավոր ուղևորափոխադրումներ
Աննա․
Հարգելի հաշվապահներ, ՍՊԸ աշխատում է հարկման ընդհանուր համակարգում և ունի գործունեության տեսակ՝ կանոնավոր ուղևորափոխադրում, որի հանար մինչ գործունեությունը սկսելը վճարում է պետ․ տուրք, ստանում արտոնագիր յուրաքանչյուր ամիս և իրականացնում գործունեությունը։ Կասե՞ք՝ գործունեության այս տեսակի մասով ինչպե՞ս կատարել ձևակերպումներ: Կանխավ շնորհակալ եմ:

ԱԱՀ-ից ազատված գործարք
Աննա.
Հարգելի հաշվապահներ, կանոնավոր ուղևորափոխադրում իրականացնող կազմակերպությունը, որն աշխատում է շրջհարկով, ցանկանում է ներմուծել ավտոբուս՝ 23 նստատեղ ունեցող՝ Վրաստանից։ Կասեք՝ ԱԱՀ -ից ազատվա՞ծ է։ Կանխավ շնորհակալ եմ։

Կանխիկ վճարում կատարելու վերաբերյալ

Միջնորդային գործունեություն

Ա/Ձ զբաղվելու է ուղևորափոխադրությամբ

Կազմակերպությունը լիզինգով ձեռք է բերել ավտոբուսներ

Ուղևորափոխադրումների գործունեությունը կարո՞ղ է հարկվել շրջ. հարկով

Ի՞նչ դասակարգիչ կիրառել

ԱՁ-ն ցանկանում է մարել հին պարտքերը

Կազմակերպությունը չի աշխատում կորոնավիրուսի պատճառով

Աշխատավարձի հաշվարկ

Արտոնագիր ստանալու համար

Աշխատանքի կազմակերպում ուղևորափոխադրումներով զբաղվող ընկերության համար

Արդյո՞ք ընկերությունը կարող է համարվել միկրոձեռնարկատիրության սուբյեկտ

Կազմակերպությունը լուծարվում է

Ուղևորափոխադրումներ իրականացնելու համար

Վերջին մեկնաբանություններ