Tag: շահութահարկ

Սամվել. Իմ սեփական արտադրանքի ինքնարժեքը ինձ վրա նստել է 480 դրամ, բայց վաճառել եմ 520 դրամ, ենթադրենք, առանց ԱԱՀ: Կա՞ ինչ-որ սահմանափակում գնի նվազագույնի համար, պարտադի՞ր է 20 և ավելի տոկոս ավել գումար դնելը: Ես էլ աշխատում եմ ԱԱՀ-ով: Կամ ապրանք եմ գնել 50 դրամ, վաճառել 55 դրամ, պե՞տք է արդյոք անպայման 20 տոկոսից բարձր գումարել, որպեսզի շահութահարկի խնդիր չառաջանա: Խնդրում եմ շտապ ձեր օգնությունը:

Rip. Բարև Ձեզ, հարգելի հաշվապահներ: Հարցս հետևյալն է. ընկերությունը 2012թ. համար ե՞րբ կարող է հայտարարել շահաբաժինները, մինչև՞ շահութահարկի հաշվարկը հանձնելը, թե՞ դրանից հետո: Եթե 2012թ. համար շահաբաժինները հայտարարի 2013թ.-ին մինչև շահութահարկի հաշվարկը հանձնելը, ապա այդ գումարը պետք է 2012թ. ֆին. հաշվետվություններում ֆիքսվի, թե՞ 2013թ.-ի: Մեկ հարցս ևս` ինչպե՞ս է որոշվում շահաբաժինների կանխավճարների մեծությունը: Եվ եթե այդ կանխավճարներն ավելի մեծ են, քան իրականում տվյալ տարվա արդյունքներով շահույթը, ապա ի՞նչ կարող է լինել այդ դեպքում:

Hayk. Հարգելի հաշվապահներ, խնդրում եմ պատասխանեք` նորաբաց կազմակերպության համար 1-ին եռամսյակում ո՞րն է նվազագույն շահութահարկի բազան, եթե օրենքում ասվում է, որ եռամսյակի վերջին ամսվա 15-ին պետք է վճարել նախորդ եռամսյակի հասույթի 1 տոկոսը, բայց կազմակերպությունը նախորդ եռամսյակում գործունեություն չի ծավալել: Կանխավ շնորհակալ եմ:

Էդգար. Հարգելի գործընկերներ, խնդրում եմ ասել, արդյո՞ք ԱԱՀ վճարող իրավաբանական անձը կարող է ծախս ցույց տալ որպես հարկային գործակալ բյուջե փոխանցված այլ անձանց հարկային պարտավորությունները և եթե այո, ապա ո՞ր օրենքի և ո՞ր հոդվածով է դա կարգավորվում: Կանխավ շնորհակալություն:

Մարի. Հարգելի հաշվապահներ, չե՞ք օգնի այս հարցերի հետ կապված` 1. ոչ ռեզիդենտների շահութահարկի հաշվարկի ներկայացման ժամկետը 2. հաստատագրված վճարների հաշվարկի ներկայացման ժամկետները: Նախապես շնորհակալություն:

Նանա. Հարգելի հաշվապահներ, 2011թ. ընկերությունում իրականացված ստուգման արդյունքում գրվել է ակտ շահութահարկի գծով: Այդ գումարը արդյո՞ք պետք էր ներառել շահութահարկի հաշվարկում:

Արմեն Թորոսյան. Միջազգային մրցույթի մասնակցելու համար անհրաժեշտ է ներկայացնել շահութահարկի պարզեցված հաշվարկի անգլերեն թարգմանությունը: Որտեղի՞ց է հնարավոր այն գտնել:

Անդրանիկ. Շահութահարկի տարեկան հաշվետվությունը ժամկետրց ուշ ներկայացնելու դեպքում ի՞նչ տույժ է հաշվարկվում: Նախապես շնորհակալություն:

Anna. Բարև ձեզ: Խնդրում եմ, դա շատ շտապ է: Նախորդ տարվա նկատմամբ ընթացիկ տարվա հարկվող շահույթը պակաս նախատեսելու դեպքում հարկատուն եռամսյակային կանխավճարի մեծությունը որոշում է ինքնուրույն` այսինքն ես դա ինչպե՞ս հաշվարկեմ: Նաև շահութահարկի հաշվարկում 1500 տողում հաջորդ տարվա կանխավճարների եռամսյակային գումարը ես ի՞նչ գումար պետք է նշեմ, եթե 2011թ. շահութահարկի գումարը կազմել է 2.500.000 դրամ: Այդ դեպքում ի՞նչ կարգի հայտարարություն են տալիս: Շնորհակալություն:

Anna. Բարև ձեզ: Խնդրում եմ ինձ օգնեք. 1. 2011թ. շահութահարկի հաշվարկում 1500 տողը (հաջորդ տարվա կանխավճարների եռամսյակային գումարը) գտնելու համար, 1501 տողի (շահութահարկի կանխավճարների եռամսյակային գումարի հաշվարկման բազա) գումարը պետք է բաժանել 6-ի, թե՞ բազմապատկել 18.75% 2. Հաշվետու տարվա հաշվարկված նվազագույն շահութահարկի գումարները` ըստ եռամսյակների. 1-ին եռամսյակում ես պետք է հաշվարկեմ 2010թ. հոկտեմբեր + 2010թ. նոյեմբեր + 2010թ. դեկտեմբեր ամիսների եկամուտի 1%: Եթե այո, ապա ես ինչպե՞ս նշեմ 2010թ. հոկտեմբեր + նոյեմբեր 1%, եթե ես այդ երկու ամսվա 1% նշել եմ 2010թ. շահութահարկի հաշվարկում: Ես կարո՞ղ եմ 1 եռամսյակի համար նշեմ միայն 2010թ. դեկտեմբեր ամսվա 1%: Խնդրում եմ, եթե կարող եք, շտապ պատասխանեք: Շնորհակալություն:

Aram. Բարև ձեզ: Խնդրում եմ ինձ շտապ օգնեք. 2010թ. զուտ շահույթը կազմել էր 5.000.000 դրամ, բայց ես այդ գումարը 2011թ. չեմ կարողացել վճարել հիմնադիրներին որպես շահաբաժին, որովհետև բանկում գումար չեմ ունեցել: Ապա այս դեպքում շահութահարկի հաշվարկի մեջ դա պե՞տք է երևա որպես կրեդիտորական պարտք շահաբաժինների մասով, թե՞ ես կարող եմ դա չնշել: Եվ նաև այդ գումարը ես պարտադի՞ր պետք է վճարեմ հիմնադիրներին, թե՞ կարող եմ դա մաս մաս վճարեմ հետագա տարիներում: Շնորհակալություն:

Գայանե. Խնդրում եմ, կարող եք պատասխանել` գործատուի կողմից կատարվող սոցիալական վճարը համարվու՞մ է որպես ծախս շահութահարկը հաշվարկելիս: Շնորհակալություն:

Astxik. Ինչքանո՞վ է ճիշտ շահութահարկի հաշվարկում տարվա վերջում անավարտ արտադրություն ցույց տալը: Ինչպե՞ս կարելի է ճիշտ լուծում տալ այս ամենին: Ընդհանրապես ի՞նչ մեկնաբանություններ ունեք այս պահով: Հետաքրքիր է յուրաքանչյուր կարծիք:

Արմինե. Հարգելի հաշվապահներ, եթե ՀԿ-ն չի ծավալել գործունեություն, սակայն պետք է հանձնի զրոյական շահութահարկի հաշվարկ, արդյո՞ք պետք է բոլոր դաշտերում գրել 0 և հանձնել, թե՞ որոշակի տողերում, որոնք կարող են բնորոշ լինել ՀԿ-ին: Նախապես շնորհակալություն: