Բարև Ձեզ:

Եթե անձը գտնվում է ֆիզարձակուրդում և նորից պետք է ֆիզ. գնա, այդ ընթացքում չի աշխատել, ֆիզարձակուրդի գումարը նորից նու՞յնն է կազմելու, ինչը որ նախորդ ֆիզի դեպքում:
Կանխավ շնորհակալություն:

Անի.

Բարև ձեզ: Կներեք մի հարց ունեմ. ֆիզարձակուրդի հաշվարկի մեջ ներառվու՞մ են արդյոք պարգևավճարները, նոր տարվա պրեմիան և այլ վճարները: Եթե այո, ո՞նց է տեղի ունենում հաշվարկը 1/12-ի, ի՞նչ է դա նշանակում:

Շողիկ.

Բարև Ձեզ: Ինչպե՞ս հաշվարկել դեկրետային գումարը 2-րդ երեխայի դեպքում, եթե դեռ առաջինի դեկրետային արձակուրդում լինելու ընթացքում կա 2-րդ հղիություն: Բացի այդ հղիության 10-րդ շաբաթից անցել եմ աշխատանքի՝ 148 000 ամսական կեղտոտ աշխատավարձով: Շնորհակալ եմ արձագանքի համար:

Լևոն.

ՀԿ-ն աշխատակցի դեկրետայինը եկամտային հարկերից նվազեցրել է, սակայն չի բավարարել ամբողջական վճարելու համար։ Մնացած մասը կատարվել է սեփական միջոցներով, սակայն հաշվարկային օրը օգոստոսի 20-ն էր, բայց կատարվել է օգոստոսի 30-ին։ ՊԵԿ-ը կարո՞ղ է մերժել տեղեկանքը և նշել, որ ՍԱՊԾ-ի կողմից փոխհատուցման գումար առկա չէ՞։

Հայկ.

Բարև Ձեզ: Հարցս հետևյալն է. աշխատակիցը գնում է հղիության արձակուրդ, պետք է վճարեմ մայրության նպաստ: Կարո՞ղ եմ կանխիկ վճարել, եթե ընկերության աշխատակիցների թիվը 9-ն է: Եթե այո, ապա միայն դրամարկղի ելքի օրդերը բավարա՞ր է: Շնորհակալություն:

Մարինե.

Բարև Ձեզ։ Ես Մարինեն եմ։ Գտնվում եմ հղիության 27-րդ շաբաթում։ 30-րդ շաբաթից գնալու եմ ֆիզ. արձակուրդ։ Գրանցված աշխատող եմ հղիությանս 16-րդ շաբաթից։ Ստանում եմ ամսական 100 000 դրամ աշխ.վարձ։ Կցանկանայի իմանալ՝ ինչքա՞ն գումար կստանամ ես։ Նախապես շնորհակալություն։

Անի.

Հարգելի՛ հաշվապահներ, աշխատակիցն աշխատում է 2 կազմակերպությունում` մեկում հիմնական, մյուսում՝ համատեղությամբ: Պատրաստվում է գնալ ֆիզ. սեպտեմբերի 20-ից: Հարցս հետևյալն է. հիմնական աշխատանքի վայրը մի քանի ամիս հետո փակվելու է: Հնարավո՞ր է հիմա համատեղությամբ աշխատանքը տեղափոխել հիմնականի, իսկ հիմնականը՝ համատեղության, որ հետագայում ամսԱկան նպաստից չզրկեն: Եթե այո, ապա ֆիզի գումարը որտեղի՞ց կստանա: Շնորհակալ եմ:

Մելինե.

Բարև Ձեզ: Եթե ՍՊԸ հիմնադիրը ինքը և տնօրենն է կազմակերպության, և պետք է գնա դեկրետ: Ինչպե՞ս պետք է հաշվարկվի անաշխատունակության թերթիկը, և պահանջվող թղթերը տնօրենն է ստորագրելու, թե՞ այլ թղթեր են ներկայացնում։

Գայանե․

Բարև Ձեզ։ Ժամանակավոր անաշխատունակության նպաստը և Մայրության նպաստը դրանք տարբեր նպաստներ են, թե՞ խոսքը նույն գումարի մասին է։

Սյուզի.

Կասեք խնդրեմ՝ միկրոյի աշխատողի մայրության նպաստը ինչպե՞ս է հարշվարկվում, օրենքի հղում կտաք:

Էլլադա.

Բարև ձեզ: Աշխատակիցը 09.03.2021թ.-ից եղել է բյուլետենում, բայց 140 օրը լրացել է, և Taxservice-ում փոփոխություն չի կատարվել, 26.07-ին աշխատակցի համար պետք է լրացվեր «մինչև 3 տարեկան երեխայի խնամքի արձակուրդ» բաժինը: Տվյալ գործողությունը հնարավո՞ր է ուշացմամբ անել, և ի՞նչ հետևանքներ հնարավոր է լինի:

Տաթև.

Բարև ձեզ: Շնորհակալ եմ նման հարթակ ունենալու համար: Հարցս հետևյալն է. ի՞նչ մեխանիզմով է հաշվարկվում ֆիզ արձակուրդը, և եթե աշխատավարձը օրինակ՝ 105 000 է, ինչքա՞ն գումար կարող եմ ստանալ ֆիզ արձակուրդից:

Անի.

Բարև ձեզ: Հարգելի՛ հաշվապահներ, աշխատակիցը օգոստոս ամսվա 23-ից գնում է ֆիզ արձակուրդ: Ասացե՛ք խնդրեմ, եթե կազմակերպության ղեկավարը որոշել է վճարել օգոստոս ամսվա ամբողջ աշխատավարձը, մայրության նպաստի հաշվարկի ժամանակ օգոստոս ամիսը ամբողջությամբ ներառվու՞մ է: Հաշվարկի ժամանակ 12 ամիս հետ հաշվարկ անել, այսինքն՝ կլինի 2020թ. սեպտեմբերից մինչև 21թ. օգոստո՞ս: Միջին օրականը հաշվել 30.4-ով, բազմապատկել 140 օրո՞վ: Ստացված թվից հանել եկամտայինի 22% և վե՞րջ: Կանխավ շնորհակալ եմ օգնության համար:

Լուսինե․

Բարև Ձեզ,երբ եկամտային հարկի գումարը փոքր է մայրության նպաստի չափից, փոխհատուցման համար ՊԵԿ կոնկրետ ի՞նչ փաստաթղթեր են անհրաժեշտ ներկայացնել։ Եվ եթե օրինակներ կան, կխնդրեմ ուղարկել։ Շնորհակալ եմ։

Լիլի.

Բարև ձեզ: Կասե՞ք՝ ֆիզ. արձակուրդի հաշվարկ կատարելիս միայն եկամտային հա՞րկ է պահվում։

Մարիետա Բադալյան.

Բարև Ձեզ: Ես դեկրետից դեկրետ եմ գնալու, մինչև ֆիզ գնալս գրանցված եմ եղել երկու դպրոցում, երկու դպրոցների վերջին ամսվա համար սահմանված աշխատավարձերն էլ հաշվու՞մ են ֆիզարձակուրդայինը վճարելուց, թե՞ միայն մեկը: Ասեմ, որ մի տեղը 104 000 է՝ մաքուր, մյուսում՝ 16 000՝ մաքուր:

Լիա.

Բարև Ձեզ։ Եթե կազմակերպությունը չի ներկայացրել աշխատողի համար երեխայի խնամքի արձակուրդի գրանցման հայտը՝
1. Ի՞նչ տուգանք է սպասվում կազմակերպությանը։
2. Արդյո՞ք հիմա ներկայացնելու դեպքում աշխատողը կստանա բաց թողնված ամիսների երեխայի խնամքի նպաստը։
3. Հնարավո՞ր է առանց գրանցման հայտ ներկայացնելու ստանալ նպաստը։
4. Հետին թվով կարո՞ղ ենք հայտը ներկայացնել։ Կարդալ ավելին “Երեխայի խնամքի արձակուրդ տրամադրելու համար գրանցման հայտը չի ներկայացվել” →

Սիրուշ.

Բարև Ձեզ: Եթե աշխատողը գտնվում է ֆիզ. արձակուրդի մեջ, իսկ ԱՁ անվանափոխություն է կատարում՝ աղջկանից անցնում մայրիկի անունով: Արդյո՞ք ամեն ամսվա երեխայի գումար այլևս չի ստանալու աշխատողը:

Ամալյա.

Բարև Ձեզ: Ժամանակավոր անաշխատունակության նպաստում առաջին օրերի վճարման վերաբերյալ օրենքում փոփոխություն եղե՞լ է:

Անուշ.

Բարև ձեզ, սիրելի հաշվապահներ: Եթե ուսուցիչը ֆիզից ֆիզ է գնում և նրա պայմանագրով սահմանված աշխատավարձը կազմում է 59 643 ՀՀ դրամ, հաշվարկը ինչպե՞ս է կատարվելու՝ նվազագույն ամսական աշխատավարձի 50 տոկոսից, թե՞ 59643*12 / 12/30,4*140: Շնորհակալություն:

Անի.

Հարգելի՛ հաշվապահներ, աշխատակիցը սեպտեմբեր ամսվա վերջ գնալու է ֆիզ.արձակուրդ: 20թ. արձակուրդում է եղել հոկտեմբեր ամսին: Նպաստը հաշվարկելիս պետք է արձակուրդայի՞ն էլ հաշվել 21թ. աշխատած ամիսների համար, թե՞ ճիշտ կլինի օգոտոսին ուղարկել արձակուրդ և նոր սեպտեմբերին հաշվարկել նպաստը: Շնորհակալ եմ:

Լիլիթ.

Բարև ձեզ: Խնդրում եմ ասեք՝ հնարավո՞ր է արդյոք 29 շաբաթական հղիությունից ֆիզ գնալ, և ստանում եմ 93 890 աշխատավարձ, խնդրում եմ հաշվել ֆիզիս գումարը:

Դիանա.

Բարև ձեզ: Խնդրում եմ ասել, եթե աշխատողը պետք է գնա ֆիզարձակուրդ հղիության 7-րդ ամսից, բայց ուզում է աշխատել մինչև ծննդաբերությունը, այս դեպքում չի՞ ստանալու հղիության և ծննդաբերության նպաստը: Երեխայի ծնվելուց հետո 70 օրը լրանալուց հետո պե՞տք է ուղարկել խնամքի արձակուրդ: Եվ մի հարց էլ. եթե արդեն խնամքի արձակուրդում է՝ պե՞տք է եկամտային հաշվարկ ներկայացնել իր համար արձակուրդի ընթացքում, թե՞ պետք չի: Շնորհակալ եմ:

Մերի.

Բարև ձեզ, հարգելի հաշվապահներ: Ո՞վ է տեղյակ, եթե համայնքապետարանի աշխատակիցը գտնվում է ֆիզ. արձակուրդում, և նրա արձակուրդի ընթացքում համայնքը խոշորանում է (միացել է այլ համայնքի), ապա այս դեպքում այդ աշխատակիցը երեխայի խնամքի նպաստի 26 500 դրամը կարո՞ղ է ստանալ:

Անի.

Բարև ձեզ: Ես վարձու աշխատող եմ, կցանկանայի իմանալ՝ որքա՞ն ժամանակ գրանցված աշխատող պետք է լինեմ, որ երեխայի նպաստ ստանամ: Եվ ո՞վ է վճարում՝ գործատու՞ն, թե՞ պետությունը:

Արթուր.

Բարև ձեզ: Քաղիրավական պայմանագրով աշխատողին դեկրետ գնալուց գործատուն վճարու՞մ է, թե՞ ոչ:

Արգենտինա․

Բարև ձեզ, պատրաստում եմ կոսմետիկ օճառ և շուգարինգ, կցանկանայի խանութներին էլ տալ, որ խնդրեմ՝ կմանրամասնե՞ք, թե ինչ պետք է բացել, ի՞նչ հարկեր կան սահմանված, նաև նշեմ, որ այս պահին վաճառքը իրականացնում եմ համացանցի միջոցով, մի բան էլ նշեմ, որ նպաստառու եմ, ուզում եմ բոլոր մանրամասներն իմանալ, նաև նպաստը կմնա՞, թե՞ կկտրվի։

Մելինե.

Բարև ձեզ։ Եթե աշխատողը գտնվել է մինչև 3 տարեկան երեխայի խնամքի արձակուրդում, որի ավարտից հետո ազատվել է աշխատանքից՝ 2021թ.-ի մարտին, 2021-ի հունիս ամսին պետք է գնա ֆիզ., այդ դեպքում ինչպե՞ս է հաշվարկվում ֆիզ.-ը։

Լուսինե.

Բարև ձեզ: Կասե՞ք, եթե որպես գրանցված աշխատող եղել եմ 4 ամիս՝ կստանա՞մ արդյոք դեկրետային: Ես դիմահարդար եմ և ֆիզ. արձակուրդում եմ գտնվում հունիսի 11-ից: Կասեք նաև, թե ե՞րբ կստանամ:

Գայանե․

Բարև Ձեզ։ Կասե՞ք՝ անաշխատունակության նպաստից դրոշմանիշային վճար հաշվարկվու՞մ է, թե՞ ոչ։

Անուշ.
Բարև ձեզ, սիրելի հաշվապահներ: Եթե աշխատակիցը գտնվում է երեք տարեկան երեխայի խնամքի արձակուրդում և ներկայացնում է անաշխատունակության թերթիկ նորից ֆիզ. գնալու համար.
1. Ինչպե՞ս է վճարվելու ֆիզի գումարը:
2. Հրամանը ի՞նչ բովանդակությամբ պետք է տալ:

Արմինե.

Բարև Ձեզ: Ինչքա՞ն կկազմի իմ ֆիզարձակուրդի գումարը: Ուսուցչուհի եմ, մաքուր աշխատավարձը կազմում է 69 000 դրամ։

Հարգելի հաշվապահներ, եթե աշխատողը հունիսի 29-ից ֆիզ. արձակուրդ է գնում, ապա հաշվարկի մեջ հունիսին աշխատած օրերն էլ ե՞ն մտնում, թե՞ հետհաշվարկը կատարվում է մայիսից:

Դիանա.

Բարև ձեզ: Խնդրում եմ նշել՝ երբվանի՞ց է հաշվարկվում մայրության նպաստը, և երբվանի՞ց է աշխատողը ուղարկվում ֆիզ. արձակուրդ: Եկամտային հաշվարկի մեջ նշվելու՞ է ավարտ, ֆիզ. գնալու ամսաթիվը, թե՞ մինչև 3 տարեկան երեխայի խնամքի արձակուրդ գնալու ամսաթիվը: Կանխավ շնորհակալ եմ:

Սոֆյա.

Բարև Ձեզ: Որպես մայրության նպաստ ստանում եմ 26 500 դրամ, գյուղում եմ ապրում և գյուղում էլ հաշվառված եմ: Հունիսի 11-ից երեխայի 4 ամսականը լրացել է և հունիսի սկզբից գրանցված աշխատող եմ։ Հարցս հետևյալն է՝ կարո՞ղ եմ ստանալ 53 000, քանի որ արդեն գրանցված եմ, թե՞ ընդհանրապես կկտրեն նպաստը։ Զանգել եմ Սոցապ, ասացին՝ կկտրենք:

Կարինե.

Բարև ձեզ: Անաշխատունակության նպաստ հաշվարկելիս՝ 12 ամիս հետ հաշվարկելիս արդյո՞ք այդ 12 ամիսների ընթացքում արձակուրդայինը և պարգևատրումը հաշվարկվում է, թե՞ ոչ:

Մանե.

Բարև ձեզ: Ինչպե՞ս են հաշվարկում ֆիզը:

Մանյա.

Բարև ձեզ: Կասե՞ք՝ փարոսը ազդու՞մ է մինչև 2 տարեկան երեխայի խնամքի նպաստի գումարի վրա: Չեմ աշխատում, բայց գյուղի գրանցում ունեմ:

Աննա.

Բարև ձեզ: Ու՞մ կարող ենք դիմել, եթե 5 ամիս է արդեն ֆիզ. արձակուրդի մեջ եմ, բայց գումարը գործատուն չի վճարել:

Արմինե.

Բարև ձեզ: Խնդրում եմ, օգնեք:
Աշխատողն ընդունվել է հունիսի 1-ից, աշխատավարձը 73 900 դրամ, հուլիսի 10-ից հղ. և մայրության արձակուրդ պետք է գնա։ Այս դեպքում ինչպե՞ս պետք է հաշվել, եթե ընդամենը 1 ամիս է աշխատում և մի քանի օր մյուս ամիս։ Ե՞րբ վճարել, և որքա՞ն կկազմի գումարը։ Նպաստն առանձին վճարե՞լ, հուլիսի աշխատավարձն առանձի՞ն։ Նշեմ, որ հունիսի աշխատավարձը մինչև ամսի ավարտն է վճարվում աշխատողներին։
Խնդրում եմ մանրակրկիտ գրել՝ ինչպես վարվել, երբ վճարել, որքան և հաշվետվությունը որ ամսով։
Շնորհակալություն:

Մելինե.

Բարև ձեզ: Ինչպե՞ս է հաշվարկվում Ա/Ձ-ի մայրության նպաստը, եթե Ա/Ձ-ն բացվել է 2021թ.-ի մարտ ամսին և աշխատում է միկրոձեռնարկատիրության հարկման դաշտում: Ֆիզ. արձակուրդի սկիզբը՝ 2021թ. մայիսի 30:

Երազիկ.

Իրավունք ունե՞մ 7 շաբաթական հղի կնոջն ընդունել աշխատանքի և հետո հաշվարկել հղիության և ծննադաբերության արձակուրդ:

Ռոման.

Բարև ձեզ: Միկրոսուբյեկտ հանդիսացող Ա/Ձ-ի վարձու աշխատողի մայրության նպաստից առաջացող եկամտային հարկը 5 000 է, թե՞ սանդղակով է:

Լիլի․

Բարև ձեզ։ Խնդրում եմ, ասեք՝ որքա՞ն կկազմի իմ դեկրետային գումարը։ Ստանում եմ 97 000 (մաքուր) աշխատավարձ, աշխատում եմ 6-օրյա գրաֆիկով։ Նախապես շնորհակալ եմ։

Անուշ.

Բարև ձեզ: Եթե աշխատակիցն աշխատել է մինչև ամսվա կեսը և այնուհետև գնացել է հղ. և ծննդ. արձակուրդ, վերադառնալուց հետո գնում է ամենամյա արձակուրդ, կուտակված արձակուրդայինի օրերի վրա գումարվու՞մ է կես ամսվա աշխատած ամիսը:

Ելենա.

Բարև ձեզ։ Ես ուսուցիչ եմ և ժամաքանակով եմ վարձատրվում, դրույքաչափ չունեմ: Առաջին կիսամյակում ստացել եմ 16 000, իսկ երկրորդում՝ 33 000 դրամ։ Կարո՞ղ եք ասել՝ ինչպե՞ս հաշվեմ իմ դեկրետի գումարը, և եթե այն քիչ լինի 156 000-ից, կարո՞ղ եմ օգտվել այդ գումարից։ Նախապես շնորհակալություն:

Sona Asatryan.

Բարև Ձեզ: Ես գտնվում եմ ֆիզարձակուրդում և պատրաստվում եմ գնալ 2-րդ ֆիզարձակուրդ: Կարո՞ղ եմ իմանալ, որքա՞ն գումար եմ ստանալու 140 օրվա համար: Մաքուր աշխատավարձիս չափը 130 000 դրամ է:

Մելինե.

Բարև ձեզ: Մայրության նպաստի համար անհրաժեշտ փաստաթղթերը մինչև ե՞րբ կարող ենք ներկայացնել սոցապ, ի՞նչ ժամկետում: Եվ սոցապից հետո տարվու՞մ է հարկային որ փոխանցեն գումարը:

Նարինե.

Խմդրում եմ, օգնեք. կինը ծննդաբերել է կեսարյանով՝ ժամանակից շուտ: Ինչպե՞ս հաշվեմ մայրության նպաստը:

Լուսինե.

1. Ինչպե՞ս լրացնել անաշխատունակության նպաստի տվյալները եկամտային հարկի հաշվարկում։
2. Ինչպե՞ս հաշվարկել անաշխատունակության նպաստը, եթե աշխատողն աշխատում է հերթափոխով: