Աննա.

Բարև ձեզ: Ես հիմա գտնվում եմ ֆիզ. արձակուրդի մեջ, բալիկս շուտով մեկ տարեկան կլինի, բայց հիմա նորից բալիկի եմ սպասում: Խնդրում եմ ասեք, թե ինչպե՞ս է հաշվարկվելու իմ դեկրետային գումարը, աշխատավարձը հաշվի՞ է առնվելու, թե՞ ոչ: Մեկ էլ երեխայի ամսական 18 000 դրամ գումարը ստանալու՞ եմ, թե՞ ոչ:

Նինա.

Աշխատանքային օրենսգրքի 99 հոդվածի համաձայն համատեղությամբ աշխատողի աշխատանքային պայմանագիրը լուծվելու դեպքում համատեղությամբ աշխատողին արձակման նպաստ չի վճարվում: Սակայն ըստ նույն օրենքի վերջնահաշվարկ կատարվում է: Ո՞րն է տարբերությունը, որ համատեղությամբ աշխատողին արձակման նպաստ չի տրվում, սակայն վերջնահաշվարկ կատարվում է:

Նարինե.

2 տարի ֆիզ. արձակուրդում էի: 9-10 տարվա աշխատանքային ստաժ ունեմ նույն հիմնարկությունում: Ֆիզ. արձակուրդ գնացել եմ 48000 դրամ աշխատավարձով, այժմ էլ նույնն է: 4 օրվա համար անաշխատունակության թերթիկ ներկայացրի: Չհասկացա` ինչպես են հաշվել: Միայն հասկացա, որ 1 օրը չեն վճարում, 3 օրն էլ գործատուի հայեցողությամբ է` կուզի կվճարի, կուզի չէ: Խնդրում եմ անպայման պատասխանեք, թե որն է ճիշտ, և ինչպես պետք է հաշվել:

Գայանե.

Բարև Ձեզ: Ես կազմակերպությունում աշխատում եմ 2008թ.-ի մարտից: Այժմ հղի եմ և պատրաստվում եմ փոքրիկ ունենալ 2012թ.-ի հունիսին: Ստանում եմ 39.000 դրամ ամսական աշխատավարձ: Ուզում եմ իմանալ` մինչև որ ժամկետը պետք է աշխատեմ ֆիզարձակուրդ գնալու համար: Արդյո՞ք աշխատելու ժամկետը որևէ կապ ունի ստացվող ֆիզարձակուրդի գումարի հետ: Եվ որքա՞ն կկազմի իմ ստանալիք գումարը: Ֆիզարձակուրդից օգտվելու համար ի՞նչ ժամկետ է նախատեսված օրենքով: Եթե դժվար չէ, խնդրում եմ նշել նաև օրենքի հղումը: Նախապես շնորհակալություն:

Մարինե.

Բարև ձեզ, խնդրում եմ պարզաբանել իմ հարցը: 2010թ. հոկտեմբերից գտնվում եմ երեխայի խնամքի արձակուրդում, 2011թ. օգոստոս-սեպտեմբեր-հոկտեմբեր ամիսներին չեմ ներկայացել ստանալու 18 000-ական գումարները: Նոյեմբերին ներկայացա ստանալու, մերժեցին, ասելով, որ 3 ամիս չստանալու դեպքում գումարը ետ է գնում: Դիմեցի տարածքային սոց. ծառայությանը, պարզաբանեցին, որ չստացած գումարը ետ չի վերադարձվում, սակայն հունվարից կարող եմ նոր թղթեր ներկայացնել շարունակությունը ստանալու համար: Արդյունքում չստացա 5 ամսվա գումարը և չհասկացա` ուր գնաց և ինչպես վերականգնել:

ԼԻԱՆԱ.

Հարգելի մասնագետներ, ինձ հետաքրքրում է հետևյալ հարցի պատասխանը. եթե հղին գրանցված, օրինական կարգով 2 աշխատանք ունի, որոնցից մեկը բյուջետային վարձատվություն ունի, մյուսը` ինքնաֆինանսավորվող խոշոր միջազգային կազմակերպություն է, այս դեպքում ինչպե՞ս է հաշվարկվում դիկրետային գումարը:

Մարի.

Բարև Ձեզ: Ես աշխատում եմ սկսած 2011թ. մարտից: Առաջին 3 ամիսը աշխատել եմ քաղ. իրավական պայմանագրով՝ օրական 8 ժամ, հետո աշխատանքային պայմանագիր է կնքվել՝ անժամկետ: Հիմա բալիկի եմ սպասում, և օրենքով նախատեսված իմ արձակուրդը կսկսվի փետրվարի վերջին: Այսինքն՝ արձակուրդը սկսվելուց առաջ ես այս հիմնարկում միևնույն աշխատավարձով աշխատել եմ արդեն 12 ամիս: Սակայն խնդիրը նրանում է, որ մեր հաշվապահը ինձ ասաց, որ 3 ամիս քաղ. իրավական պայմանագրով իմ աշխատանքը չի հաշվարկվելու անաշխատունակության նպաստը հաշվարկելիս, քանի որ քաղաքացիաիրավական պայմանագիրը աշխատանքային պայմանագիր չէ: Պետք է նշեմ, որ 2 պայմանագրերով էլ վճարվել են օրենքով սահմանված բոլոր հարկերը: Կարո՞ղ եք ինձ ասել` արդյո՞ք հաշվապահը ճիշտ է, և եթե ոչ, ինչպե՞ս լուծեմ խնդիրը:

Արթուր.

Եթե Ա/Ձ-ն ստանում է երեխայի խնամքի համար 18 000 նպաստ, ընդունել է աշխատող, 3 ամիս հետո ազատել է, արդյո՞ք Ա/Ձ կշարունակի ստանալ ամսական 18 000 նպաստ:

Աստղիկ.

Բարև ձեզ, հարգելի կոլեգաներ: Գիտեմ՝ որքան դժվար է այժմ օգնել ուրիշին, երբ սեփական գործերին ժամանակը չի բավականացնում, սակայն խնդրում եմ հնարավորության սահմաններում օգնել ինձ, քանի որ առաջին անգամ եմ հղիության նպաստ տալու:
1. Գումարը կազմում է 153 000 դրամ, ի՞նչ պահումներ եմ անելու:
2. Հաշվետվության մեջ ինչպե՞ս և ո՞ր տողերն եմ գրանցելու:

Թեհմինա.

Հարգելի հաշվապահներ, խնդրում եմ պատասխանել իմ հարցին: Աշխատանքի եմ ընդունել աշխատողին օրենքով սահմանված կարգով: 3 ամիս անց ուղարկել եմ ֆիզ արձակուրդ, դեկրետային գումարը 100000 դր. է կազմել, վճարել եմ բոլոր հարկերը և պարտադիր վճարները: Խնդրում եմ պատասխանեք, ինչպե՞ս կարող են ապացուցել, որ տվյալ անձը չի աշխատել, եթե կա ընդունման հրաման, տաբել, վճարման ռեեստր, և հարկային պարտավորությունները կատարված են:

Մարինե.

Հարգելի մասնագետներ, անաշխատունակության նպաստը հաշվարկելիս անհրաժեշտ է բաժանել վճարված գումարները 12-ի: Եթե աշխատողը աշխատել է տվյալ գործատուի մոտ 12 ամսից պակաս, ապա վարձու աշխատողը ներկայացնում է տեղեկություն նախորդ գործատուի մոտ աշխատելու եկամուտների վերաբերյալ: Ինչպե՞ս հաշվարկել անաշխատունակության նպաստը, եթե տվյալ գործատուի մոտ աշխատողը աշխատել է 12 ամսից պակաս, և տեղեկություններ չեն ներկայացվել մեկ ուրիշ գործատուի մոտ ստացված եկամուտների վերաբերյալ: Օրինակ, եթե աշխատողը աշխատել է 9 ամիս, բայց մենք բաժանենք 12-ի ընդհանուր եկամուտների գումարը, ապա աշխատողը տուժում է: Կանխավ շնորհակալություն:

Սոնա.

Բարև, իմ բազմաչարչար կոլեգաներին: Խնդրում եմ ինձ օգնեք հետևյալ հարցում: Անաշխատունակության նպաստ հաշվարկելու համար միջին ամսական աշխատավարձի հաշվարկման համար հիմք է ընդունվում գործատուի կողմից վարձու աշխատողին անաշխատունակությունն առաջանալու ամսվան նախորդող 12 ամիսների համար հաշվարկվա՞ծ, թե՞ վճարված աշխատավարձը: Կանխավ շնորհակալություն:

Անի.

Բարև ձեզ, հարգելի հաշվապահներ, խնդրում եմ, օգնեք ճիշտ կողմնորոշվելու համար: Ես Ա/Ձ եմ և 2 ամսական հղի եմ, ինքս աշխատում եմ իմ կազմակերպությունում: Սակայն իմ նախորդ տարին ես եկամուտ չեմ ունեցել և աշխատել եմ վնասով: Ինձ կարո՞ղ եք ասել` ինչպե՞ս կհաշվարկվի իմ հղիության նպաստը, և հնարավո՞ր է արդյոք ինքս ինձ նշանակել տնօրեն և աշխատավարձ:

Թերեզա.

Բարև բոլորին: Ես ունեմ աշխատող, որը վերադարձել է երեխայի խնամակալության արձակուրդից, բայց դեռ 5 ամիս է, ինչ աշխատում է, պատրաստվում է կրկին մայրանալ, նա կարո՞ղ է կրկին ֆիզ. ստանալ: Ուզում եմ իմանալ` քանի ամսվա աշխատող պետք է լինի, որ ֆիզ. արձակուրդ կարողանա ստանա: Եթե կարող եք, ասեք` որտե՞ղ կարող եմ կարդալ այդ օրենքը: Կանխավ շնորհակալություն:

Նաիրա.

Ես ունեմ մեկ հարց, հաշվարկվու՞մ են արդյոք տոնական օրերը դեկրետի հաշվարկի ժամանակ:

Aneta.

Հարգելի հաշվապահներ, խնդրում եմ պատասխանել հետևյալ հարցին: Տվյալ կազմակերպությունում աշխատողը աշխատում է 2011թ. օգոստոսի 1-ից մինչև հոկտեմբերի 30-ը 2011 (3 ամիս), նոյեմբերից պետք է գնա ֆիզարձակուրդ, ամսական աշխատավարձը 45000 դրամ է: Ինչպե՞ս հաշվարկել նրա միջին ամսական աշխատավարձը և ֆիզարձակուրդի գումարը (ըստ ԱՕ վերջին փոփոխությունների), կանխավ շնորհակալություն:

Մերի.

Ստանում եմ 60000 դրամ աշխատավարձ: Աշխատում եմ հուլիսի 1-ից: Բյուլետեն ներկայացրել եմ հոկտեմբերի 21-29 (աշխատանքային 5 օր): Աշխատում եմ 5 օրյա աշխատանքային գրաֆիկով ՊՈԱԿ-ում: Ինչքա՞ն է կազմում բյուլետենիս չափը: Ըստ մեր հաշվապահի հաշվարկի 6100 դրամ է:

Էլլա.

Բարև ձեզ, հարգարժան հաշվապահներ: Խնդրում եմ, հաշվարկով ներկայացրեք ինձ հասանելիք ֆիզ. արձակուրդի գումարը: Տվյալ կազմակերպությունում աշխատում եմ 01/07/2011թ.-ից, ստացել եմ 70 000 դրամ աշխատավարձ, դրան նախորդող 12 ամիսներին չեմ աշխատել: Բյուլետենի ժամանակահատվածն է 01/12/2011թ.-18/04/2012թ.: Շատ եմ խնդրում, արձագանքեք: Նախապես շնորհակալ եմ:

Անի Զոհրաբյան.

Հարգելի հաշվապահներ, իմ անաշխատունակության թերթիկի համաձայն՝ 03.10.2011թ.-27.10.2011թ. ժամանակահատվածում բուժվել եմ հիվանդանոցում: Վերջին 12 ամիսների հաշվարկով միջին ամսական աշխատավարձս կազմում է 50 000 դրամ: Որքա՞ն կկազմի իմ հիվանդության նպաստը: Աշխատում եմ հնգօրյա գրաֆիկով: Նախապես շնորհակալ եմ:

Մելինե.

Բարև ձեզ: Ես արդեն մոտ 5 ամիս է ստանում եմ 18 000 դրամ երեխայի խնամքի նպաստը: Հիմա մյուս ամիս անհրաժե՞շտ է նորից թղթեր տանել սոցապ մյուս տարի նպաստ ստանալու համար:

Ամալյա.

Հարգելի հաշվապահներ, խնդրում եմ կարո՞ղ եք ասել` ժամանակավոր անաշխատունակության ժամանակ հաշվարկված նպաստը աշխատանքային ստաժից կախվա՞ծ է, թե ոչ: Ես գիտեմ, որ կախված է, բայց օրենքում չեմ կարողանում գտնել այդ կետը:

Hayk.

Բարև Ձեզ, հարգելի հաշվապահներ: Ձեր օգնության կարիքն ունեմ. դպրոցում 7 ամսվա աշխատող մանկավարժը գնացել է ֆիզ. արձակուրդ, ստացել է նախա- և հետծննդյան գումարները, և 140 օրը լրանալուց հետո հաշվարկվել է արձակուրդային` օրենքով 42 աշխ. օր: Խնդիրը նրանում է` միջին աշխատավարձ ստանալու համար ընդ. եկամուտը պետք է բաժանել 12՞, թե՞ 7-ի: Օրենքում շատ անհասկանալի է: Կանխավ շնորհակալություն:

Լիլու.

Ինչպե՞ս վարվել շարունակավող 2-րդ ու հաջորդ անաշխատունակության թերթիկների հետ` նորի՞ց չվճարել 1-ին օրը, թե՞ դա կատարել եմ առաջինի ժամանակ:

Diana.

Հարգելի հաշվապահներ, ժամանակավոր անաշխատունակություն առաջանալու օրվա դրությամբ վարձու աշխատողի` աշխատելու ժամանակահատվածը 12 ամսից պակաս լինելու դեպքում նպաստը հաշվարկելիս եկամուտը բաժանում ենք էլի՞ 12:

Աննա.

Բարև ձեզ: Խնդրում եմ օգնեք ինձ: Կուզեի իմանալ` հղիության բուլետենը ներկայացնելուց քանի օր հետո պետք է վճարվի ֆիզարձակուրդը, և արդյո՞ք գործատուն իրավունք ունի այն հետաձգելու (ուղղակի բուլետենս ներկայացրել եմ սեպտեմբերի 1-ին, մինչև հիմա ֆիզը չի փոխանցվել, հաշվապահը պատճառաբանում է, թե աշխատավարձերը վճարելուց հետո հաշվին էլ փող չի մնում):

Շուշանիկ.

Ինչպե՞ս է հաշվարկվում վարձու աշխատողի միջին ամսական աշխատավարձը անաշխատունակության նպաստը հաշվարկելիս (հղիության և ծննդաբերությյան նպաստ), եթե անաշխատունակությունը առաջանալու ամսվան նախորդող ամիսների թիվը պակաս է 12-ից (աշխատել է 6 ամիս):

kr.

Բարև ձեզ, սիրելի հաշվապահներ: Անաշխատունակության նպաստների մասին ՀՀ օրենքում ասվում է` միջին ամսական աշխատավարձը հաշվարկվում է ժամանակավոր անաշխատունակությունը աջանալու ամսվան նախորդող 12 ամիսների համար աշխատողին վճարված եկամուտը, տվյալ դեպքում, եթե վերջին 12-րդ ամիսը 2010թ. հոկտեմբերն է, իսկ հոկտեմբերին աշխատողին վճարվել է անաշխատունակության նպաստ սեպտեմբեր և հոկտեմբեր ամիսների համար, ապա հաշվարկի մեջ արդյո՞ք պետք է մտնի նպաստի ամբողջ գումարը:

Էլզա.

Խնդրում եմ պատասխանեք. անաշխատունակության նպաստի 3 օրը դարձյա՞լ վճարվում է գործատուի միջոցներից, իսկ մնացած օրերը սոցի հաշվին, թե՞ վճարվում է միայն սոցի հաշվին: Կանխավ շնորհակալություն:

Վերգինե Սերոբյան.

Բարև ձեզ: Շնորհակալ կլինեի, եթե պատասխանեիք: Ժամանակավոր անաշխատունակության նպաստի հաշվարկման ժամանակ եկամտահարկ պահվու՞մ է: Եթե այո, ինչպե՞ս է կատարվում դրա հաշվարկը:

Լենա.

Քույրս գտնվում է ֆիզ. արձակուրդում արդեն մեկ տարի, երեք ամիս է: Հիմա նա սպասում է իր երրորդ երեխային: Փոքրիկը կծնվի նոյեմբերին: Արդյո՞ք պետք է դիմել ֆիզից ֆիզ. գնալու համար ինչ որ տեղ և ի՞նչ պիտի անի: Կստանա՞ նա նախածննդյան և հետ ծննդյան գումարը: Նախապես շնարհակալություն:

Լուսինե.

50 000 դրամ աշխատավարձով վարսավիրանոցում 6 ամիս գրանցված աշխատող համարվող վարսավիրը գնալու է դեկրետ: Կստանա՞ արդյոք հղիության նպաստ և որքա՞ն:

Lilit.

Հարգելի հաշվապահներ, խնդրում եմ պատասխանել հետևյալ հարցին. ինչու՞ են գործատուները խուսափում հղի կանանց ընդունել աշխատանքի: Ինչքանով ես տեղյակ եմ, հղիության հետ կապված բոլոր նպաստները վճարում է պետությունը: Խնդրում եմ պատասխանել մանրամասն և օրենքով հիմնավորված: Կանխավ շնորհակալ եմ:

Սիլվա.

Հարգելի հաշվապահներ, ինչպե՞ս հաշվարկել անաշխուտունակության նպաստը: Եղե՞լ են արդյոք փոփոխություններ հաշվարկում:

Լիլու.

Համատեղությամբ աշխատելու ժամանակ մահվան նպաստը ստանում են մե՞կ, թե՞ երկու տեղից, և գումարի չափը ինչքա՞ն է:

Լիլիթ.

Բարև Ձեզ: Ես ներկա դրությամբ գտնվում եմ երեխայի խնամքի արձակուրդում և պատրաստվում եմ ունենալ երկրորդ երեխաս: Ասացեք խնդրեմ, եթե ես վերջին մեկ տարվա ընթացքում չեմ աշխատել, այսինքն գտվել եմ ֆիզ. արձակուրդում, ինչպե՞ս պետք է հաշվարկվի իմ հղիության նպաստը: Կանխավ շնորհակալ եմ:

Ն.

Հարգելի հաշվապահներ, ինչո՞վ է տարբերվում արձակման նպաստը վերջնահաշվարկից:

Նարինե.

Հարգելի կոլեգաներ, արդյո՞ք հղիության և ծննդաբերության ապահովագրական նպաստի գումարը ներառվում է սոցապի տարեկան անհատական հաշվետվության մեջ և ինչպե՞ս: Կանխավ շնորհակալություն:

Անահիտ.

Բարև Ձեզ: Ես գտնվում եմ ֆիզ. արձակուրդում, երեխաս 2 տարեկան 2 ամսական է, և ես պատրաստվում եմ նորից երեխա ունենալ: Խնդրում եմ պատասխանեք, քանի՞ ամիս է պետք աշխատել, որպեսզի ֆիզ. արձակուրդի գումարը հաշվարկեն իմ աշխատավարձի չափով, այլ ոչ թե մինիմալ աշխատավարձով (32 500 դրամով):

Անի.

Բարև Ձեզ, հարգելի հաշվապահներ: Խնդրում եմ ինձ ասել անաշխատունակության թերթիկի հաշվարկման կարգը, եթե հնարավոր է` օրինակի տեսքով: Կանխավ շնորհակալություն:

Նանե.

Բարև ձեզ:

Խնդրում եմ, պատասխանեք հարցիս: Եթե աշխատողը հղի է և համատեղությամբ աշխատում է 2 տարբեր կազմակերպություններում, ապա նա հղիության և ծննդաբերության նպաստ կարո՞ղ է ստանալ միաժամանակ երկու գործատուներից: Աշխատողը օտարերկրյա քաղաքացի է: 2011 թվականից նրա համար կատարվել են սոց. վճարներ:

Սուսաննա.

Խնդրում եմ պատասխանել, հղիության և ծննդաբերության նպաստից արդյո՞ք եկամտահարկ պահվում է, թե՞ ոչ, և եթե այո, խնդրում եմ ասել հաշվարկման կարգը:

Աննա Օհ.

Խնդրում եմ հաշվել իմ ֆիզ. արձակուրդի գումարը, աշխատավարձս 106 հազար դրամ է, իսկ ես պետք է ունենամ երկվորյակներ: Նախապես շնորհակալություն:

Հասմիկ.

Բարև ձեզ, հարգելի հաշվապահներ: Խնդրում եմ օգնեք հետևյալ հարցում` ինձ օգոստոսի 9-ից տրված է հղիության և ծննդաբերության արձակուրդի թերթիկ, ես հիմա օգոստոս ամսվա աշխատավարձ հաշվարկելիս կամ հաշվետվության մեջ պետք է հաշվեմ իմ աշխատավարձը` պահումներով, կամ հաշվետվությունների ո՞ր մասում պետք է ցույց տամ իմ ֆիզ. արձակուրդի գումարը և պահված եկամտահարկը:

ՄԵՐԻ.

Կարո՞ղ եք ասել` որքան է կազմում երկրորդ երեխայի միանվագ գումարը, և որտե՞ղ կարող եմ կարդալ դրա մասին: Նախապես շնորհակալ եմ:

Արմինե.

Բարև ձեզ: Ես նոր եմ ընդունվել աշխատանքի և հղիության 1 ամսում եմ գտնվում, ես կարո՞ղ եմ ստանալ հղիության և ծննդաբերության նպաստ:

Հասմիկ.

Բարև Ձեզ, հարգելի հաշվապահներ: Խնդրում եմ օգնեք ինձ հետևյալ հարցում: Ես գնում եմ ֆիզ.արձակուրդ, աշխատել եմ երկու ամիս 32500դ. աշխատավարձով, ֆիզ.արձակուրդի գումարը կազմում է 32500/25*116=150800(116ը 140 օրվա աշխատանքային օրերի թիվն է): 150800 – ից որքա՞ն է կազմում եկամտահարկը և ինչ տեղեկանք կամ հաշվետվություն պետք է ներկայացնեմ հարկային, քանի որ հիմնարկի հաշվապահությունը ես եմ վարում, սկսնակ հաշվապահ եմ: Նախապես ՇՆՈՐՀԱԿԱԼՈՒԹՅՈՒՆ շատ-շատ:

Liana.

Խնդրում եմ պատասխանել հետևյալ հարցիս.
ներկայումս անաշխատունակության նպաստի սանդղակը գործու՞մ է, թե՞ ոչ, եթե միջին աշխատավարձը՝
մինչև 100000 դր. է – 100%
100000 դր. – ից ավել-30%

Հայկուհի.

Հարգելի հաշվապահներ, խնդրում եմ օգնել: Ես գտնվում եմ մինչև 3 տարեկան երեխայի խնամքի արձակուրդում և ստանում եմ 18000 դրամ ամսական: Առաջինի 2 տարին լրանում է 2011թ-ի հոկտեմբերին: Բայց այդ ընթացքում ունեցել եմ 2-րդ երեխային: Կստանա՞մ արդյոք 18000 -րը նաև երկրորդ երեխայի համար: Ու՞մ պետք է դիմել դրա համար: Գոյություն ունի՞ արդյոք ինչ-որ որոշում այդ մասին:

Նառա.

Եթե երեխան ծնվելու է Եվրոպայում, բայց մայրը աշխատանքի մեջ է Երևանում, ի՞նչ տեղեկանքներ պետք է ուղարկել հղիության և ծննդաբերության արձակուրդի համար: Կանխավ շնորհակալ եմ:

KARA.

Հարգելի հաշվապահներ, խնդրում եմ պատասխանել հետևյալ հարցիս. հղիության և ծննդաբերության նպաստից պահվող եկամտահարկը եկամտահարկի հաշվետվության մեջ ո՞ր տողում պետք է գրել, եթե ըստ ամիսների հաշվարկված գումարը մինչև 116000 է, ամբողջ գումարը 432900 դրամ է, եկամտահարկը 25870 դրամ: