Tag: նորոգում

Ալիկ․

Ֆիզիկական անձն ունի սեփական մեքենա և գրանցված է որպես ԱՁ։ Արդյո՞ք առանց ԱՁ-ին վարձակալության հանձնելու կարող է մեքենան շահագործել ԱՁ-ի համար և ծախսերը՝ ընթացիկ նորոգում, վառելիք և այլն, ձևակերպել ԱՁ-ով։

Գոհար․

Հարգելի հաշվապահներ, մեր կազմակերպությունը շենք է ձեռք բերել 12 մլն դրամ արժողությամբ, որը նույն օրը եղել է մատչելի շահագործման համար։ Մի քանի ամիս անց ավարտել ենք ներքին հարդարման աշխատանքները (2 մլն դարմ արժեքով)։ Շենքի մաշվածության գծով ծախսը հաշվարկելիս ներքին հարդարման աշխատանքների արժեքը մտցնե՞նք շենքի ձեռք բերման արժեքին, թե՞ ոչ։ Նշեմ, որ շենքը ձեռք է բերվել փետրվարի 1-ին, ներքին հարդարման աշխատանքները սկսվել են ապրիլի 1-ին և ավարտվել մայիսի 31-ին։

Հայկ․

Բարև Ձեզ։ Ընկերությունը ֆիզիկական անձից վարձակալության է վերցրել անշարժ գույք։ Հնարավո՞ր է պայմանագրում կետ նշվի, որով ընկերությունը իր հաշվին կարող է կատարել վերանորգման աշխատանքներ։ Այս դեպքում եթե ընկերությունը կատարի վերանորոգման աշխատանքներ, կարո՞ղ է կատարված ծախսը շահութահարկով ծախս ճանաչել։

Հարութ․

Խնդիր. Կազմակերպության արտադրամասի շենքի տանիքի կապիտալ նորոգման նպատակով կատարվել են հետևյալ ծախումները. 1․ Շինանյութեր` 250 000 2․ Հաշվարկված աշխատավարձ 300 000 3․ Հաշվարկված սոցապ հատկացումներ` 45 000 4․ Այլ ծախսեր` փոխանցված հաշվարկային հաշվից` 30 000 դրամ; Ընդամենը 625 000

Նորոգվող շենքի սկզբնական արժեքը 50 000 000 դրամ է, օգտակար ծառայության ժամկետը` 20 տարի։ Վերանորոգումը կատարվել է շահագործման 10-րդ տարվա վերջին։ Նախատեսվել է նորոգումից հետո շենքի ծառայության ժամկետը ավելացել է 50 տարով։ Հաշվապահորեն ձևակերպել
• Կապիտալ նորոգման ծախսումների գումարը,
• Նորոգման աշխատանքների ավարտից հետո կատարված ծախսումները կապիտալացումը,
• Հաշվել նորոգումից հետո շենքի տարեկան մաշվածությունը

Դիտել այլ հաշվապահական խնդիրներ

Վարդան․

Բարև Ձեզ, սիրելի հաշվապահներ։ Բնակարանների ներքին հարդարման ոլորտում վերանորոգման ծառայություններ եմ ուզում մատուցել (սալիկապատւմ, ջրագծերի անցկացում, պատերի և առաստաղի նրոգում և այլն)։ ԱՁ պետք է բացեմ։ Տվյալ գործունեության ոլորտը արդյո՞ք համարվում է միկրոձեռնարկատիրություն։ Ի՞նչ հարկ պետք է վճարեմ, ու արդյո՞ք լիցենզիա անհրաժեշտ է, թե՞ ոչ։

Նաիրա․

Բարև Ձեզ։ Ես վերանորոգման ծառայություններ եմ ցանկանում առաջարկել, ԱՁ պետք է բացեմ։ Տվյալ դեպքում գործունեությունը համարվում է միկրոձեռնարկատիրություն, թե՞ շրջանառության հարկ պետք է վճարել։

Լիլիթ․

Հարգելի գործընկերներ, խնդրում եմ օգնել լուծել հետևյալ խնդիրը.

Կենցաղային տեխնիկա վաճառող կազմակերպությունը 2016 թ. դեկտեմբերի 31 –ին պահեստում ունի երկու գազօջախ, յուրաքանչյուրի ինքնարժեքը 400 000 դրամ, վաճառքի գինը նմանատիպ ապրանքի 480 000 դրամ է: Սակայն գազօջախները ունեն անսարքություն, և վերանորոգման ծախսը դրանց գծով կկազմի 60 000 դրամ, որից հետո կարող են վաճառվել 430 000 դրամով: Պահանջվում է որոշել `

Ա) ինքնարժեքը 2016թ. դեկտեմբերի 31 –ին
Բ) իրացման զուտ արժեքը 2016թ դեկտեմբերի 31–ին
Գ) այն արժեքը, որով պետք է արտացոլվեն ապրանքները ֆին. վիճակի մասին հաշվետվությունում

Այլ հաշվապահական խնդիրներ

Եվա․

Համակարգիչների վերանարագում իրականացնող ԱՁ-ն կարո՞ղ է աշխատել միկրոյի դաշտում։

Կլավդիա․

Բարև Ձեզ, մեկ հարց․ ե՞րբ են ճանաչում որպես ժամանակաշրջանի ծախս հիմնական միջոցների նորոգման և սպասարկման ծախսումները։

Մարիաննա․

Բարև Ձեզ, խնդրում եմ պատասխանել․ արդյո՞ք վերանորոգման, ներքին հարադարման աշխատանքների գումարը ավելացվում է հիմնական միջոցների սկզբնական արժեքին հանրային հատվածում։

Նարե․

Բարև Ձեզ։ Հարգելի հաշվապահներ, եթե կազմակերպության աշխատողին փոխանցվել է գումար կազմակերպության մեքենայի նորոգման համար, ինչպե՞ս պետք է կազմել առհաշիվի հաշվետվություն, եթե բոլոր ծառայություններն ու ապրանքները ձեռք են բերվել շուկայից առանց ՀԴՄ կտրոնների։

Վահագն․

ԱՁ-ն գրանցել եմ որպես Ավտոմեքենաների տեխնիկական սպասարկում և նորոգում, պետռեգիստրում։ ՀԴՄ գրանցման հայտում 101 ձևում գործունեության տեսակը տվել եմ ավտոտեխսպասարկման կայան, քանի որ ուրիշ կետ չկար, կամ պետք է նշեյի այլ։ Հիմա ՊԵԿ-ի էջում Անհատական տվյալներ էջում լիցենզավորվող ոլորտներ բաժնում հայտնվել է գրություն. Ավտոմեքենաների տեխնիկական սպասարկում և նորոգում 100տոկոս: Արդյո՞ք դա նշանակում է, որ իմ գործունեության համար լիցենզավորման պահանջ կա։ Բայց ես գիտեմ, որ այդպիսի պահանջ չկա։

Վահագն․

Բարև Ձեզ։ Ավտոմեքենաների թափքի (կուզավնոյ) վերանորոգման աշխատանքները ո՞ր դասակարգիչն է։

Ռուզաննա․

Հարգելի հաշվապահներ, ֆիզ. անձը մատուցում է հետևյալ ծառայությունները՝ բանալիների պատրաստում, կոշիկների վերանորոգում և հագուստի վերանորոգում։

1. Այս դեպքում կարո՞ղ է գործունեությունն իրականացնել որպես ֆիզ անձ՝ առանց ԱՁ գրանցելու 2. Արդյո՞ք պարտադիր է ՀԴՄ ունենալ

3. Արդյո՞ք ֆիզ անձը վճարում է տարեկան դրոշմանիշային վճար

Նաև կասե՞ք, թե որն է բանալիների պատրաստման տնտեսական գործունեության դասակարգիչը, և արդյո՞ք այդ գործունեությունը հնարավոր է իրականացնել որպես ֆիզ անձ (առանց ԱՁ բացելու) միկրոհամակարգով։

Արթուր․

Շրջանառության հարկից հնարավո՞ր է անցում միկրոձեռնարկատիրության համակարգ, եթե զբաղվում է ժամացույցների նորոգումով։

Գրիգ․

Ցանկանում եմ կատարել ավտոմեքենաների նորոգում և ներկում, ունեմ ԱՁ։ Կարո՞ղ եմ միկրոյով կատարել, թե՞ պարտադիր պետք է արտոնագրային լինի։

Վահագն․ Բարև Ձեզ։ Ավտոտեխսպասարկման կետը բացի մեքենաների տեխզննումից և վերանորոգումից վաճառում է նաև յուղ և որոշ նյութեր մեքենայի սպասարկման համար։ Ենթադրենք՝ մեքենայի յուղի փոխարինման ժամանակ կատարվում և յուղի վաճառք և յուղի փոխարինման ծառայություն, 1 ՀԴՄ-ո՞վ պետք է տպվի միանգամից յուղի և սպասարկման ընդհանուր գումարը։ Շրջհարկով հարկման դեպքում պե՞տք է առանձնացվի այդ ապրանքի վաճառքը և սպասարկման գումարը տարբեր դրույքաչափերով հարկման համար։

Ալլա. Բարև Ձեզ: Խնդրում եմ օգնե. կազմակերպությունը ենթավարձակալությամբ վերցրած տարածքի վրա կատարել է շինարարական աշխատանքներ, իսկ ավելի կոնկրետ տարածքի ներսում ձևափոխություն, որը թույլատրված է նաև ենթավարձակալության պայմանագրով: Հարցս հետևյալն է՝ ինչպե՞ս վարվել կատարված ծախսերի հետ, և արդյո՞ք դա ծախս է համարվում, թե՞ պետք է դիտարկել որպես ակտիվ և ամորտիզացնել: Շնորհակալություն:

Նելլի․ Բարև ձեզ, հարգելի հաշվապահներ։ Եթե կազմակերպության բեռնատար մեքենան վթարի է ենթարկվել՝ լիզինգով վերցված, ապահովագրությունը փոխատուցել է և մեքենան վերանորոգվել է։ Էս դեպքում էլ՞ վերանորոգման գումարը պետք դիտարկել կապիտալ բնույթի ծախս ու ավելացնել հաշվեկշռային արժեքին։ Շնորհակալություն։