Կայք հաշվապահների համար և ոչ միայն…
Արտավազդ.
Բարև Ձեզ: ԱՁ-Ն միկրոյի դաշտում է աշխատում և ցանկանում է նաև իրականացնել կոսմետոլոգիական ծառայություններ, նախատեսվում է տեղադրել էլոս մազահեռացման սարք։
Արթուր․
Բարև Ձեզ։ Կազմակերպությունը զբաղվում է փաստաբանական ծառայությունների մատուցմամբ։
1. Արդյո՞ք կարող ենք աշխատել միկրոյով
2. Արդյո՞ք POS տերմինալը պարտադիր է, եթե մենք այդ գործունեությունը իրականացնում ենք պայմանագրերով, այսինքն՝ պայմանագիր կնքում ենք, ու կատարվում է փոխանցում անմիջապես
Քրիստինե․
Բարև Ձեզ։ Ա/Ձ-ն միկրոյով է աշխատում, կար ու ձև է անում։ Իր կարի մեքենան վաճառել է ինչ որ Հասարակական Կազմակերպության։ Ես հաշիվ պիտի դուրս գրեմ կարի մեքենայի վաճառք (հիմնական միջոց)։ Եկամտային հաշվարկի մեջ ցույց տա՞մ իմ վաճառած հիմնական միջոցը և 10% հարկ։
Լիա․
Բարև Ձեզ։ Ես ունեմ ԱՁ (միկրոբիզնես)։ Որ խնդրեմ, կասե՞ք՝ հագուստ ներմուծելու համար և ընդհանրապես, ի՞նչ հարկեր պիտի վճարեմ։
Գոհար․
Բարև ձեզ: 2 բաժնետեր ունեցող ՍՊԸ-ն՝ յուրաքանչյուրը 50% բաժնեմաս, կարո՞ղ է համարվել միկրոձեռնարկատիրություն, եթե չի գերազանցում 24 միլիոնը։
Նոննա․
Բարև ձեզ: Հարկային օրենսգրքով նախատեսված անալիտիկ հաշվառումը վերաբերվու՞մ է արդյոք միկրոձեռնարկատերերին: Եվ եթե այո՝ ինչպե՞ս պետք է վարել այն:
Արևիկ․
Բարև ձեզ, հարգելի հաշվապահներ։ Ձեր օգնության կարիքն ունեմ. Անհատ Ձեռներեց եմ, աշխատում եմ միկրոձեռնարկատիրության դաշտում, չունեմ աշխատող և գտնվում եմ հղիության գրեթե 7-րդ ամսում։ Ինձ արդյո՞ք հասնում է Մայրության նպաստ, և պետք է կասեցնե՞մ գործունեությունս, ի՞նչ տեղեկանք պետք է ներկայացնեմ բուժ․ հաստատություն։
Արթուր․
Բարև ձեզ։ Հարցերս հետևյալն են․
1․ Ցանկանում ենք ԱՁ բացել որպես վարսավիրանոց, մատուցվելու է նաև մատնահարդարման ծառայություններ, արդյո՞ք կարող ենք միկրոյի դաշտում աշխատել
2. Տարածքը վարձակալած է, պե՞տք է արդյոք վարձակալության պայմանագիր կնքել, եթե այո, կխնդրեմ պայմանագրի ձև ուղարկել
3. Որպես տնօրեն գրանցումը պարտադիր չէ չէ՞, եթե լինելու են 4 աշխատողներ։ Եվ աշխատանքային պայմանագրի օրինակ որտեղի՞ց կարող եմ վերցնել վարսավիրանոցներին վերաբերող
Սյուզի․
Բարև Ձեզ: Մարզում ալկոհոլային խմիչքների մանրածախ վաճառքով զբաղվող ԱՁ-ն կարո՞ղ է արդյոք միկրոձեռնարկատիրության սուբյեկտ համարվել: Եվ բացի տարեկան շրջանառության վերաբերյալ հաշվետվությունից ի՞նչ հաշվետվության ձևեր պետք է լրացնի աշխատողի բացակայության դեպքում։
Արթուր․
Բարև Ձեզ։ Հուլիսից սկսած, որպես միկրոյի հաշվետվություն, արդյո՞ք շարունակում ենք միայն 189 ձևը տալ, թե՞ այլ փոփոխություններ էլ կան: Կանխավ շնորհակալ եմ մասնագետներին՝ ինձ լուսավորելու համար:
Հայկուհի․
Բարև Ձեզ։ Խնդրում եմ պատասխանել հետևյալ հարցին. կազմակերպության բիզնես քարտով առանց ՀՎՀՀ ՀԴՄ կտրոն ստանալը խնդի՞ր է: Նաև միկրոյի դեպքում։
Վահագն․
Բարև Ձեզ։ Միկրոյի դաշտում աշխատող ԱՁ-ն ավտոտեխսպասարկման կետում ծառայություն է մատուցում և ապրանք է վաճառում։ Հասցեն Երևանից դուրս է: Ճի՞շտ եմ հասկանում, որ եթե ցանկանում եմ շարունակել աշխատել միկրոյի դաշտում, ես կարող եմ հաշիվ վավերագիր դուրս գրել միայն ծառայությունների մատուցման համար, իսկ ապրանքի վաճառքի համար վավերագիր չեմ կարող դուրս գրել։
Լիանա․
Բարև ձեզ։ Որպես ֆրիլանսեր օնլայն հարթակում օտարերկրացիներին անգլերեն եմ դասավանդում։ Կարո՞ղ եմ գրանցվել որպես միկրոձեռնարկատիրություն։
Թինա․
Բարև Ձեզ, հարգելի հաշվապահներ։ ԱՁ-ն աշխատում է միկրոյի դաշտում: Զբաղվում է մանրածախ առևտրով: Արդյո՞ք ՀԴՄ կտրոնը կհամարվի հիմնավորող փաստաթուղթ։
Եվ խնդրում եմ հուշել անալիտիկ հաշվառման հետ կապված, այն պարտադի՞ր է բոլոր ԱՁ-ների համար անկախ հարկման տեսակից։ Խնդրում եմ անալիտիկ հաշվառման օրենքին հղում տալ:
Շնորհակալություն:
Եվա․
Խնդրում եմ կասե՞ք՝ եթե ԱՁ -ն թատրոնում բեմ է վարձակալում և համերգ է ունենալու, կարո՞ղ է լինել միկրոձեռնարկատիրության սուբյեկտ։
Լուսինե․
Բարև Ձեզ։ ԱՁ-ն աշխատել է որպես միկրոձեռնարկատիրություն, հունիսի 1 ից անցել Է շրջհարկի, գրանցված աշխատակցի աշխատավարձը էղել է 90 000 դրամ ներառյալ հարկերը, կասե՞ք խնդրում եմ՝ հունիս ամսվա աշխատավարձը արդեն հաշվենք մինիմալ 104 000 -ո՞վ։
Գայանե․
Բարև Ձեզ, հարգելի հաշվապահներ։ Հուլիսի 1-ից միկրոյի դաշտում գրանցված աշխատողների հարկերը 20% եկամտային հարկն է դարձել, 5% կուտակայինը։ Ճի՞շտ եմ հասկացել, որ ԱՁ-ի համար էլ է 5 000 դրամ շահութահարկ, 5 000 դրամ սոց վճարվում, ինչպես օրինակ շրջանառության հարկի դեպքում է։ Կանխավ շնորհակալություն։
Գարիկ․
Բարև ձեզ, հարգելի հաշվապահներ։ Խնդրում եմ օգնեք՝ որպես միկրոձեռնարկատիրություն գրանցված ֆիզ․ անձը ի՞նչ վճարներ պետք է կատարի ու ինչպե՞ս։ Ասեմ, որ ՊԵԿ զանգահարել եմ, և ինձ ասել են, որ ոչ մի հարկ չեմ վճարելու։
Նառա․
Բարև Ձեզ։ Ա/Ձ-ն բեռնափոխադրում է իրականացնում, միկրոյից դառնալու է շրջհարկ վճարող։
1․ Ե՞րբ պետք է ներկայացնի հայտարարությունը շրջհարկ վճարողի
2․ Ծառայությունը կազմել է մայիս ամսվա համար 275 000 դրամ, ի՞նչ վճարումներ կան տվյալ գումարից
Մանե․
Բարև ձեզ: ԱՁ-ն աշխատում է միկրոյով: Վարձակալել է տարածք ֆիզ. անձից: Եկամտայինի հաշվետվության մեջ համակարգը թույլ չի տալիս որպես այլ եկամուտ լրացնեմ: Արդյո՞ք տեխնիկական խնդիր է, թե՞ միկրոն իրավունք չունի այլ եկամուտ ցույց տալու։
Անի․
Բարև ձեզ։ Օրինակ, ես իմ տանը ինքնուրույն պատրաստում եմ մազակալներ, չունեմ աշխատողներ, և որոշել եմ դա սկսել վաճառել Wildberries կայքում, ունեմ բացվաձ ԱՁ, տարեկան շրջանառությունս չի անցնելու 24 մլն դրամը։ Ես կարո՞ղ եմ այդ ամենը կատարել միկրոձեռնարկատիրության համակարգով, թե՞ պետք է կատարեմ շրջհարկով։
Եվա․
Բարև Ձեզ, խնդրում եմ կասե՞ք՝ երաժշտական, ստեղծագործական գործունեություն (Music studio) գործունեությամբ զբաղվող ՍՊԸ-ն կարո՞ղ է աշխատել միկրոյի դաշտում։
Անի․
Բարև, հարգելի հաշվապահներ։ Խնդրում եմ օգնել հետևյալ հարցում. գովազդով զբաղվող ԱՁ-ն կարո՞ղ է արդյոք աշխատել միկրոյի դաշտում: Շնորհակալ եմ նախապես։
Եվա․
Զբոսավարի ծառայություն մատուցող ԱՁ կարո՞ղ է համարվել միկրոձեռնարկատիրության սուբյեկտ։
Գեորգի․
Մայիսին հնարավո՞ր է էլեկտրոնային դիմել միկրոձեռնարկատիրության սուբյեկտ դառնալու համար, ՍՊԸ-ն հիմնադրվել է 07.05.2023թ.:
Կիմա․
Բարև ձեզ։
-Մատնահարդարում
-ՏՏ ոլորտ, ավելի կոնկրետ Մոբայլ հավելվածների ստեղծում
-Վիդեո, ֆոտո նկարահանում
Կարո՞ղ եք ասել՝ այս երեք ոլորտներում գործունեություն ծավալող մարդիկ կարո՞ղ են միկրոձեռնարկատիրության սուբյեկտ լինել, եթե տարեկան շրջանառությունը չի անցնում 24 միլիոնը։ Կարդում եմ Հոդված 266-ը, չհամարվողների մեջ կարծես թե չկան, պարզապես ուզում եմ համոզվել, որ ամեն ինչ ճիշտ եմ հասկացել։ “Չեն կարող համարվել”-ի մեջ գրված է՝ տեղեկատվության մշակման (այդ թվում` տեղեկատվության հավաքման ու ընդհանրացման) և փոխանցման (հաղորդման), սա մի քիչ կասկած առաջացրեց, որ գուցե ծրագրավորումը ու ՏՏ ոլորտը ի նկատի ունեն։
Շնորհակալություն ժամանակի համար։
Լուսինե․
Հարգելի հաշվապահներ, արդյո՞ք կազմակերպությունը կարող է աշխատել միկրոյի դաշտում, եթե կատարում է կանաչապատման ծառայություններ:
Տաթև․
Բարև ձեզ, հարգելի հաշվապահներ: ՍՊԸ-ն նեղ մասնագիտական դասընթաց է իրականացնում, աշխատում է միկրոյի դաշտում : Այս ՍՊԸ-ի տնօրենը, որը հանդիսանում է 19% բաժնետեր, բացել է մեկ այլ ՍՊԸ, որտեղ ևս հանդիսանում է տնօրեն (Նորաբաց ՍՊԸ -ն ներմուծում է անելու Չինաստանից և վաճառք Հայաստանում):
Հարց 1. Նորաբաց ՍՊԸ-ն կարո՞ղ է աշխատել շրջհարկի համակարգում (չգերազանցելով 115մլն.)
Հարց 2․ Այս դեպքում միկրոյով աշխատող ՍՊԸ-ի հետ փոխկապակցված չեն հանդիսանում , ճի՞շտ է:
Հարց 3. Կարո՞ղ է նույն անձը 2 ՍՊԸ-ում էլ հանդիսանալ որպես տնօրեն:
Ռուզաննա․
Հարգելի հաշվապահներ, ֆիզ. անձը մատուցում է հետևյալ ծառայությունները՝ բանալիների պատրաստում, կոշիկների վերանորոգում և հագուստի վերանորոգում։
1. Այս դեպքում կարո՞ղ է գործունեությունն իրականացնել որպես ֆիզ անձ՝ առանց ԱՁ գրանցելու 2. Արդյո՞ք պարտադիր է ՀԴՄ ունենալ
3. Արդյո՞ք ֆիզ անձը վճարում է տարեկան դրոշմանիշային վճար
Նաև կասե՞ք, թե որն է բանալիների պատրաստման տնտեսական գործունեության դասակարգիչը, և արդյո՞ք այդ գործունեությունը հնարավոր է իրականացնել որպես ֆիզ անձ (առանց ԱՁ բացելու) միկրոհամակարգով։
Ռոզա․
Բարև Ձեզ։ Կար ու ձևի գործունեություն եմ ուզում ծավալել իմ տանը, կասե՞ք՝ ԱՁ եթե բացեմ, ի՞նչ հարկեր պիտի վճարեմ, որպես միկրոձեռնարկատեր կարո՞ղ եմ գրանցվել։
Արթուր․
Հարգելի հաշվապահներ, Wildberries ПВЗ-ն կարո՞ղ է միկրոյով աշխատել, եթե ոչ, խնդրում եմ նշել, թե ինչու։
Վարդան․
Բարև Ձեզ, հարգելի հաշվապահներ։ Խնդրում եմ պատասխանեք հարցիս. միկրոյով աշխատող Ա/Ձ եմ, ունեմ 1 գրանցված աշխատող, որպես աշխատող իր համար վճարում եմ դրոշմանիշային գումար, ասացեք խնդրեմ՝ ես որպես Ա/Ձ ինձ համար էլ պետք է դրոշմանիշային վճար վճարեմ, եթե այո՝ որքա՞ն։
Վարսենիկ․
Բարև Ձեզ, հարգելի հաշվապահներ։ Խնդրում եմ ասեք՝ միկրոյով աշխատող ԱՁ-ի վարձու աշխատողի հիվանդության նպաստը ո՞ր թվից է հաշվարկվում՝ նախորդ 12 ամիսների միջինից, թե՞ նվազագույն աշխատավարձի 50%-ից ։ Շնորհակալություն։
Գարիկ․
Բարև ձեզ։ Կասե՞ք՝ 8503 կոդին պատկանող ապրանքները ինչպե՞ս են հաշվարկում մաքսատանը, եթե դա ձեռք է բերվել միկրոձեռնարկատիրության կողմից ու կազմում է մոտ 4000$։
Գարիկ․
Բարև ձեզ։ Կարո՞ղ եմ դառնալ միկրոձեռնարկատեր, և իմ գործունեության (վերանորոգում) համար անհրաժեշտ սպառվող մասերը (շինարարական գործիքների դետալներ) ներկրել երրորդ երկրներից։
Անուշ․
Բարև Ձեզ, բանիմաց հաշվապահներ ջան։ ԱՁ-ն, որը մատուցում է շինարարական ծառայություն, կարո՞ղ է․
1․Մինչև հուլիսի 1-ը աշխատել միկրոյով, որպեսզի աշխատողի համար ավելորդ եկամտային հարկ չտա
2․ Հոիլիսի 1-ից, որ անցնի շրջ․ հարկի, հայտարարությունը ե՞րբ պետք է տա
3․ Շրջ․ հարկի դեպքում ի՞նչ հաշվետվություններ է հանձնելու և ի՞նչ հարկեր է վճարելու և հարկերի վճարման հավեշվետու ժամանակաշրջանը ե՞րբ է։
Շնորհակալություն։
Հապետ․
Հարգելի գործընկերներ, ընկերությունը զբաղվել է զովացուցիչ ըմպելիքների արտադրությամբ և ունի տերմինալներ: Գործունեությունը իրականացրել է միկրոձենարկատիրական գործունեության ռեժիմում: 29․03․2023թ․ վաճառել է տերմինալները: Կհամարվի՞ գործարքը առ ու վաճառք (վաճառվել է հիմնական միջոց), և արդյո՞ք անհրաժեշտ է ներկայացնել շրջանառության հարկ վճարող համարվելու դիմում։
Սա էլ եմ կարդացել, ՊԵԿ-ի թեժ գծից ասեցին որ տնտեսական գործունեության դասակարգիչով պետք է որակեք դա՝ կցված փաստաթուղթ
Բարև Ձեզ, հարգելի հաշվապահներ։ Խնդրում եմ պատասխանեք հարցիս. միկրոյով աշխատող Ա/Ձ-ն կարո՞ղ է իր տարածքում էլեկտրական ավտոների ծառայություն մատուցել։
Լիաննա․
Բարև ձեզ, ես ցանկանում եմ գրանցվել որպես միկրոձեռնարկատեր գնումների համակարգող աշխատելու համար, խնդրում եմ ասացեք՝ ո՞րն է տարբերությունը ԱՁ միկրոձեռնարկատիրության և ԱՁ չհանդիսացող միկրոձեռնարկատիրության միջև, և միկրո բացելու համար նախ պետք է ԱՁ բացել, հետո նո՞ր դիմել միկրոձեռնարկատեր դառնալու համար։
Էլինա․
Բարև Ձեզ։
Ունեմ ԱՁ՝ տուրիստական գործակալություն։ Ես տուրօպերատորից փաթեթը վերցնում եմ ու վերավաճառում եմ հաճախորդին` արժեքի վրա ավելացնելով իմ միջնորդավճարը։ Հաճախորդը վճարում է ինձ, ես այդ գումարից հաշվանցում եմ ինձ հասանելիք մասը ու օպերատորին փոխանցում փաթեթի արժեքը (նետտո)։ Կասե՞ք խնդրում եմ՝ ես փաստաթղթային ի՞նչ պետք է անեմ (ինվոյս), ի՞նչ հաշիվ պետք է դուրս գրեմ։ Միկրո եմ։ Բայց եթե հաշիվ գրեմ հաճախորդին, ընդամենը մի 2 ամսում միկրոյից կթռնեմ ու գրեթե իմ միջնորդավճարի չափով պետք է հարկ վճարեմ։ Նախապես շնորհակալություն։
Երվանդ․
Բարև Ձեզ, սիրելի հաշվապահներ: Հարցս հետևյալն է՝ Ա/Ձ-ն 2022 թվականի տարվա սկզբից համարվել է միկրոձեռնարկության աշխատող, սակայն 2022թ հուլիսից գերազանցել եմ 24 միլիոն ՀՀ դրամը և շրջանարության հարկի դիմում չեմ տվել: ՊԵԿ-ից ծանուցում եմ ստացել, որ 2022թ-ի համար ԱԱՀ հաշվետվություն ներկայացնեմ: Ես ուզում եմ հասկանալ՝ ԱԱՀ հաշվետվությունը պետք է ներկայացնել 24 միլոնը գերազանցելուց հետո՞, թե՞ ամբողջ 2022 թ-ի համար:
Լուսինե․
Բարև ձեզ։ ԱՁ-ն տեխնիկի ծառայություն է մատուցում ատամնաբուժարանին, պատրաստում է օրինակ պրոթեզներ, կարո՞ղ է աշխատել միկրոձեռնարկատիրության հարկման դաշտում։
Մարիամ․
Բարի երեկո, հարգելի հաշվապահներ։ Հարցս հետևյալն է` նորաբաց ուսումնական կենտրոնը պիտի աշխատի միկրոյի դաշտում, ծառայությունների դիմաց վճարը ինչպե՞ս պիտի վերցնի, ինչպե՞ս է ճիշտ պայմանագիր կնքի ծնողի հետ, ըստ դրա ծնողը վճարի բանկում ԱՁ հաշվեհամարին, թե՞ հաշիվ-ապրանքագիր պիտի դուրս գրի, և արդյո՞ք այս բնագավառի համար հաշիվ-ապրանքագիր դուրս է գրվում, թե՞ ոչ։ Ո՞րն է ճիշտ, օգնեք անփորձիս։ Շնորհակալ կլինեմ պատասխանելու համար։
Հասմիկ․
Բարև ձեզ, խնդրում եմ շտապ է, անձը յանդեքսի պատվերները առաքում է հասցեներով, իր ստանալիք վճարը այդ առաքման դիմաց վճարվող գումարն է։ Յանդեքսը պարտադրում է առաքողին ա/ձ բացել, ամեն ամիս առաքումից առաջացած գումարի չափով յանդեքսի հաշիվ դուրս գրի, որպեսզի փոխանցվի իր հաշվին, հարցս է՝ կարո՞ղ է ա/ձ- ն միկրոյով աշխատի։
Ռոզա․
Հարգելի գործընկերներ, ԱՁ ունի ԱԱՀ դեբետային գումար, հարցս հետևյալն է՝ կարո՞ղ է այդ գումարից հաշվանցել շահութահարկի և դրոշմանիշային վճարները: 2023թ-ին աշխատում է միկրոյի դաշտում:
Գևորգ․
Բարև ձեզ: Կխնդրեմ օգնեք՝ ԱՁ-ն աշխատում է որպես միկրոձեռնարկատիրություն։ 2022 թվականին տարեկան շրջանառությունը կազմել է 18 381 750 դրամ: Ինչքա՞ն պետք է դրոշմանիշային վճար վճարեմ 2023 թվականին տարեկան, և արդյո՞ք դրա համար տարեկան հաշվետվություն պետք է ուղարկեմ: Շնորհակալ եմ:
Lilia.
Բարև բոլորին, ինձ ո՞վ կարող է ասել՝ միկրոձեռնարկատիրության սուբյեկտը եթե չփաստաթղթավորված ձեռքբերում ունի, 20 տոկոս եկամտային հարկ առաջանու՞մ է։
Անահիտ․
Բարև բոլորիդ։ Խնդրում եմ պատասխանել․ Երևան քաղաքում և Հայաստանի տարածքում բեռնափոխադրում իրականացնող Ա/Ձ-ն կարո՞ղ է աշխատել միկրոյով։ Շնորհակալություն սպասվելիք պատասխանների համար։
Մերի․
Ողջույն, հարգելիներս։ Միկրոձեռնարկատիրական գործունեության իրացման շրջանառությունը հանձնելուց հետո կողմերը չեղարկել են դուրս գրված հաշիվը, ծառայությունները մատուցված չհամարելու հետևանքով նաև ճշտվել է հաշվետվությունը։ Նշեմ, որ դա եղել է կազմակերպության միակ գործարքը, հաշվետվությունը ներկայացնելուց հետո առաջացած դրոշմանիշային վճարը նստել է անհատական հաշվին։ Հարգելիներս, առաջացած դրոշմանիշային վճարի պարտավորությունը ճշտումից հետո ելքագրվու՞մ է, թե՞ ոչ։ Կանխավ շնորհակալ եմ։
Հարգելի գործընկերներ,
2023թ. փետրվարի 20-ը շրջանառության հարկով աշխատելու համար դիմելու, ինչպես նաև միկրոձեռնարկատիրության սուբյեկտ համարվելու համար դիմում ներկայացնելու վերջնաժամկետն է: Պետք է հանձնել.
Ձև N 201. Շրջանառության հարկ վճարող համարվելու վերաբերյալ հայտարարություն – 2023թ-ին շրջանառության հարկ վճարող համարվելու համար
Ձև N 257. Միկրոձեռնարկատիրության սուբյեկտ համարվելու վերաբերյալ հայտարարություն – 2023թ-ին միկրոձեռնարկատիրության սուբյեկտ համարվելու համար
Վերջին մեկնաբանություններ