Tag: ՀՎՀՀ

Արփինե․

Ի՞նչ է նշանակում "հարկային կոդի թողարկող"։

Վարսենի․

Բարև Ձեզ։ Խնդրում եմ օգնել հետևյալ հարցում։ Արդյո՞ք 2025թ. 1-ին եռամսյակի շրջանառության հարկի հաշվարկում որպես իրացման ծախսեր հնարավոր է նվազեցնել աշխատողների աշխատավարձը, հոսանքի ու ջրի գումարները, որոնց հաշիվները ստանում ենք էլեկտրոնային եղանակով անկատ ձեռնարկատիրոջ անունով, ՀՎՀՀ-ով դուրս գրված։ Շնորհակալություն։

Անուշ․

Բարև ձեզ, խնդրում եմ պարզաբանել հետևյալ հարցը. ՀՎՀՀ ստացած ինքնազբաղված անձը որևէ հաշվետվություն ներկայացնու՞մ է, թե՞ ոչ, և ի՞նչ հարկեր պետք է վճարի։ Շնորհականություն։

Պաշ․

Բարև Ձեզ։ Ես 2022թ. գնել եմ ավտոմեքենա և մի քանի ամիս անց վաճառել 2023թ., ստացել եմ ՀՎՀՀ, ներկայացրել եմ հաշվետվություն ժամանակին, հարկային պարտավորությունները վճարել եմ ժամանակին: Բանկի աշխատակցի կողմից վճարման հանձնարարագրում ՀՎՀՀ նշվել է, սակայն հարկային պարտավորությունը չի մարվել, և հաշվարկվել են տույժեր, 2024թ. ԴԱՀԿ-ն հարկային պարտավորության, տույժերի և իր միջնորդավճարի չափով գումար է սառեցրել հաշվիցս։ Կօգնե՞ք հասկանալ՝ ինչպե՞ս ճիշտ լուծեմ հարցը:

Օլգա․

Բարև Ձեզ, հարգելի հաշվապահներ։ Խնդրում եմ ինձ օգնել։ Անցած տարվանից ես աշխատում եմ ֆրիլանս և անցկացնում եմ օնլայն հոգեբանական խորհրդատվություն։ Ստանում եմ արտասահմանից գումար քարտիս վրա։ Արդյո՞ք հարկավոր է այս տարի ներկայացնել հայտարարագիր։ Հնարավո՞ր է աշխատել որպես անհատ և ստանալ ՀՎՀՀ հարկերը վճարելու համար, թե՞ հարկավոր է բացել ԱՁ։ Ինչպե՞ս պետք է գրանցել այդ եկամուտը, և ինչպե՞ս է այն հարկվում։ Անչափ շնորհակալ կլինեմ պատասխանների համար։

Մովսես․

Բարև Ձեզ։ Այլ ընկերություն (ոչ հայկական) ինձ որոշակի ոչ ֆինանսական աջակցություն է տրամադրում, և ինձանից պահանջվում է իրավաբանական հասցե և հարկ վճարողի համար: Մոտակա 1 տարին ոչ մի գումար չեմ աշխատելու, միայն ընկերություն է հարկավոր գրանցել, ԱՁ կամ ՍՊԸ, ո՞րն է ավելի հարմար, որպեսզի քիչ հարկեր վճարեմ։

Գոհար․

Բարև ձեզ։ Ֆիզ․ անձը 1 ամիս առաջ ներմուծել է ԵՏՄ-ից մեքենա-սարքավորում, որի համար ՊԵԿ-ից ծանուցում է ստացել 20 տոկոս ԱԱՀ վճարելու վերաբերյալ։ 3 օր առաջ նույն ֆիզ․ անձը գրանցվել է որպես ԱՁ, և փաստացի այդ սարքավորումը պետք է ԱՁ- ի համար։ Հիմա ես որպես լիազոր այդ ԱԱՀ ֆիզ․ անձո՞վ պետք է վճարեմ, և ի՞նչ հաշվարկներ պետք է ներկայացնեմ ՊԵԿ։ Արդյո՞ք պետք է նաև ֆիզ․ անձի համար ՀՎՀՀ ստանալ, որ հաշվետվությունները ներկայացնեմ։

Լուսինե․

Բարև Ձեզ։ Ֆիզ․ անձանց հայտարարագրերի հետ կապված է հարցս։ Այսինքն, որևէ կազմակերպության իրական շահառու հանդիսացող ֆիզ․ անձը պետք է մոտենա ՊԵԿ սպասարկման գրասենյակ և ստանա ՀՎՀՀ։ Հետո այս հասցեով - https://self-portal.taxservice.am/sign-in/ մուտք գործի և հանձնի հայտարարագիրը։ Իսկ ինչպե՞ս է հանձնելու, եթե նույնականացման քարտ չունի։

Շնորհակալություն։

Եվա․

Բարև Ձեզ։ Կասե՞ք՝ ֆիզ․ անձանց եկամտի հայտարարագրման մասով ի՞նչ հաշվետվություն պետք է ուղարկել։ Ի՞նչ ժամկետում։ Եվ չներկայացնելը ի՞նչ հետևանքներ կունենա։ Եվ ֆիզ․ անձանց ՀՎՀՀ ինչպե՞ս կարող ենք վերցնել, եթե ֆիզ անձը ՀՀ-ում չէ։

Աշոտ․

Բարեվ ձեզ։ Կասե՞ք, թե ինչպե՞ս վճարել վարձակալությունից ստացված եկամտից առաջացող եկամտային հարկը (10%)՝ ապրելով արտասահմանում։ Ունեմ ՀՀՎՀ, ասում են՝ ինչ որ Էլեկտրոնային համակարգի միջոցով է արվում, սակայն չեն մանրամասնում, թե ինչպես։ Շնորհակալ եմ։

Թինա․

Բարև Ձեզ, հարգելի հաշվապահներ։ Ֆիզիկական անձը նկարչական ծառայություններ է մատուցում ՀՀ տարածքից դուրս գտնվող ոչ ռեզիդենտ IT ֆիրմային: Հարցերս հետևյալն են․

1․ Ֆիզ անձի մատուցված ծառայությունները կարո՞ղ են համարվել որպես ստեղծագործական ծառայություններ, և նա կկարողանա աշխատել միկրոձեռնարկատիրության դաշտում

2․ Ֆիզ անձը նախօրո՞ք պիտի ՀՎՀՀ վերցնի 2024թ․ համար և դուրս գրված հաշիվներում այդ ՀՎՀՀ-ն նշի։

Նախապես շնորհակալություն։

Լիլիթ․

Ինչպե՞ս կարելի է օնլայն կերպով ՊԵԿ ներկայացնել հայտարարություն անշարժ գույքը վարձակալության հանձնելու վերաբերյալ, ստանալ հարկային կոդ: Եվ ինչպե՞ս ես կարող եմ ճշտել, թե արդյո՞ք ինձ պետք է նոր հարկ վճարողի հաշվեհամար, եթե ես արդեն ունեմ կուտակային կենսաթոշակային հաշվեհամար:

Արեն․

Բարև ձեզ, հարգելի հաշվապահներ:

Ա կազմակերպությունը հանդիսանում է ոչ ռեզիդենտ և Բ կազմակերպությանը ՀՀ տարածքում ծառայություն է մատուցում։ Պետք է դուրս գրեմ մատակարարի անունից հարկային հաշիվ: Ծառայություն մատուցող դաշտում և ստացող դաշտում ավոտոմատ նշվում է Բ կազմակերպության ՀՎՀՀ-ն, երբ նշվում է հարկային հաշվի տեսակը մատակարարի անունից: Ստացող դաշտում կազմակերպության անվանումն ու հասցեն բացակայում է: Հարց՝ ստացող դաշտում պետք է գրել Ա կազմակերպությա՞ն, թե՞ Բ կազմակերպության տվյալները։

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։

Հովհաննես․

Բարև ձեզ։ Մոտ երեք տարի է վարձակալությամբ տվել ենք բնակարան ՆԳՆ աշխատակցի և մուծել հարկեր 10%-ի չափով: Դրա համար բացել ենք ՀՎՀՀ հաշիվ, այժմ որոշել ենք դադարեցնել վարձակալության պայմանագիրը, քանի որ վարձակալը ազատում է բնակարանը, ուստի և կասեցնել ՀՎՀՀ հաշիվը: Խնդրում եմ պատասխանեք՝ ի՞նչ անհրաժեշտ փաստաթուղթ է պետք ներկայացնել ՊԵԿ ՀՎՀՀ հաշվեհամարը փակելու համար:

Հայկուհի․

Բարև Ձեզ։ Խնդրում եմ պատասխանել հետևյալ հարցին. կազմակերպության բիզնես քարտով առանց ՀՎՀՀ ՀԴՄ կտրոն ստանալը խնդի՞ր է: Նաև միկրոյի դեպքում։

Գալինա․

Բարև Ձեզ: Հարգելի ընկերներ, խնդրում եմ պատասխանել՝ եթե անձը զբաղվում է տնայնագործությամբ, այսինքն գործում է տիկնիկներ և վաճառում, ունի ՀՎՀՀ, հարկ վճարելու՞ է, թե ոչ, եթե այո, ապա ի՞նչ հարկատեսակի գծով: Կանխավ շնորհակալություն:

Գարիկ․

Բարև ձեզ։ Յութուբյան ալիքից գումար ստանալու համար Google Adsense-ը պահանջում է հարկային կոդ։ Պարտադի՞ր է որպես ԱՁ գրանցվել։

Մելինե.

Տան վարձակալության պայմանագիր է կնքվել, ՀՎՀՀ է ստացել տան տերը և այդ կոդով կատարվել են եկամտային հարկի վճարումները, սակայն հաշվետվություն չի ներկայացվել։ Որևէ խնդիր կառաջանա՞։ Անցյալ տարվանը այդպես է վճարվել, այժմ այս տարվանն ենք պատրաստվում վճարել։ Խնդրում եմ հուշել՝ խնդիր կառաջանա, թե՞ ոչ։

Վահե․

Բարև Ձեզ, խնդրում եմ հնարավորության դեպքում օգնել պարզաբանել՝ արդյո՞ք ՍՊԸ-ն կհամարվի ԱԱՀ վճարող, եթե ԱԱՀ շեմը չի անցել, բայց միակ բաժնետեր ու տնօրեն հանդիսացող անձը որպես ֆիզիկական անձ ստացել է ՀՎՀՀ, որպեսզի բնակարանի վարձակալության դիմաց ստացված եկամուտներից եկամտային հարկ վճարի, պայմանագիրն էլ գրանցվի կադաստրում։ Շնորհակալություն։

Մարիա.

Բարև Ձեզ։ Ցանկանում եմ ներդրում անել արժեթղթեր շուկայում։ Օգտվելու եմ արտասահմանյան կայքից, որը պահանջում է լրացնել tax identification number (TIN). որտե՞ղ պետք է դիմեմ դա ստանալու համար։

Ելենա․

Բարև ձեզ։ Ֆիզ անձը մեկ տարվա ընթացքում գնել և վաճառել է մեքենա։ Հաշվետվություն տալու համար ՊԵԿ-ում ՀՎՀՀ չեն տրամադրել, քանի որ ֆիզ անձը ունի ԱՁ և համապատասխան ՀՎՀՀ։ Հարցս հետևյալն է՝ հաշվետվությունը ներկայացնելուց հետո ԱՁ-ի մոտ ոչ մի պարտավորություն չի՞ առաջանա։

Վիգեն. Բարև ձեզ, հարգելի հաշվապահներ: ՀՀ Հարկային օրսենսգրքում նշված է, որ քաղիրավական պայմանագրի շրջանակներում ծառայություն մատուցող ֆիզիկական անձանց վարձատրության վճարը հաշվառման դրամարկղային մեթոդով է, այսինքն՝ եթե սեպտեմբեր ամսվա վճարը տրվում է հոկտեմբերին, ապա պետք է հոկտեմբերի եկամտային հաշվարկի մեջ ներառե՞լ։ Ճի՞շտ է։ 2. Ըստ ՀՕ 386 հոդվածի 3-րդ մասի 2-րդ կետի՝ կանխիկ դրամով վճարում չի համարվում այն վճարումը, որի մասով դուրս է գրվել գնորդի հվհհ-ով կտրոն: Հարց՝ արդյո՞ք 2022 թվականի հուլիսի 1-ից հետո կարելի է տալ հվհհ-ով հդմ կտրոն։

Աբնի. Բարև Ձեզ, հարգելիներս։ ԱԱՀ վճարող ֆիրման արտահանում է արել օդային ճանապարհով, այսօր մեզ տվել են ավիաբեռնագրերը և ավաղ այդ ավիաբեռնագրում մեր ՀՎՀՀ֊ն սխալ է նշված։ Կարո՞ղ եք հուշել՝ ինչպե՞ս փոխենք կամ ուղղել տանք ավիաբեռնագիրը՝ դիմենք Զվարթնո՞ց։ Նախապես շնորհակալ եմ։

Անահիտ. Բարև Ձեզ։ Սիրելի կոլեգաներ, խնդրում եմ օգնեք: Ոչ ռեզիդենտին առանց ՀՎՀՀ-ի դուրս գրվող հաշվարկային փաստաթուղթը կարո՞ղ եմ լրացնել անգլերեն տառերով։

Սյուզան. Բարև Ձեզ: ՀՎՀՀ հապավման համարժեք տարբերակը անգլերենով կարո՞ղ եք ասել: Նախապես շնորհակալ եմ:

Էմի. Բարև Ձեզ։ Կարող եք ասել՝ բացված ատամնաբուժարանում ի՞նչ անհրաժեշտ փաստաթղթեր պետք է փակցնել, լիցենզիա, ՀՎՀՀ, գնացուցակ, կա՞ ուրիշ անհրաժեշտ փաստաթուղթ փակցնելու։

Անի. Հարգելի՛ հաշվապահներ, հարցս վերաբերում է ՀԴՄ կտրոններին. եթե ՀԴՄ-ի վրա նշված չէ գնորդի ՀՎՀՀ, կարելի՞ է արդյոք այդ կտրոնը ներառել ծախսերի մեջ: Շահութահարկի հաշվետվության մեջ ներառվու՞մ է: Կազմակերպությունն աշխատում է ԱԱՀ-ով:

Արման․ Բարև Ձեզ։ ՀՎՀՀ ստանալուց հետո ֆիզ անձը առաջին անգամ պետք է ներկայացնի տարեկան հաշվետվություն: Ի՞նչ եղանակով են ձեռք բերվում ՀՆէՀ մուտք գործելու գաղտաբառը և օգտվողի անունը:

Արմենուհի։ Բարև Ձեզ։ Խնդրում եմ ինձ օգնեք գրանցել անձին, ով ՀՎՀՀ է ստացել դայակ աշխատելու համար: Օգտվող, լիազոր գրանցել եմ, հիմա ուզում եմ հասկանալ հետագա քայլերը: Աշխատանքի մեջ է համարվում սեպտեմբերից, վճարել եմ աշխատավարձ և տուրքերի մուծումները արել եմ, բայց հարկային դաշտում չգիտեմ ոնց գրանցել։ Կանխավ շնորհակալություն։

Գոհար. Բարև Ձեզ, հարգելի հաշվապահներ: Շրջհարկով գործող ԱՁ-ին տվել են իր ՀՎՀՀ-ով ՀԴՄ կտրոն: Ինչպե՞ս տեսնեմ դա, որ ծախսագրեմ: Կանխավ շնորհակալ եմ։

Արա. Բարև ձեզ, հարգելի հաշվապահներ: ԱԱՀ վճարող համարվող կազմակերպությունը շրջանառության հարկ վճարող ԱՁ-ից ՀԴՄ կտրոնով 2021թ․ ձեռք է բերել 82 000 դրամ արժողությամբ տպիչ։ Բայց ՀԴՄ կտրոնի վրա նշված չի կազմակերպության ՀՎՀՀ-ն։ Կազմակերպությունը չի՞ կարող չէ դրա մաշվածությունը տարվա կտրվածքով շահութահարկից նվազեցնել, միայն պետք է հաշվապահորեն ամորտիզացիոն արժեքը ծախս ճանաչի ու դուրս գրում կատարի։

Միլենա․ Բարև ձեզ, հարգելի հաշվապահներ։ ՀԱՐԿ ՎՃԱՐՈՂԻ ԿՈՂՄԻՑ ՏԵՂԵԿՈՒԹՅՈՒՆՆԵՐ ՓԱԿՑՆԵԼՈՒ ՀԱՅՏԱՐԱՐՈՒԹՅԱՆ վրա ու՞մ կնիքն ու ստորագրությունը պետք է լինի, ԱՁ ֊ի՞։

Ռիտա. Բարև Ձեզ: ՀԴՄ-ով ձեռք բերման ժամանակ ԱԱՀ-ն ենթակա՞ է հաշվանցման: Կազմակերպության ՀՎՀՀ նշված է:

Արմինե․ Բարև ձեզ, ես օգտվում եմ դայակ պետության հաշվին ծրագրից մինչև դեկտեմբերի 15-ը, մեր դայակը ֆիզանձի ՀՎՀՀ է ստացել։ Այժմ, երբ ծրագիրն ավարտվի, ի՞նչ քայլեր պետք է անի, ՀՎՀՀ֊ն պետք է փակե՞լ, խնդիր կառաջանա՞, եթե այդպես էլ մնա։ Ընդհանրապես դայակի քայլերը ծրագրի ավարտից հետո։ Շնորհակալ եմ։

Հայկ. Բարև Ձեզ, կասե՞ք խնդրեմ` ֆիզ անձի կողմից ՌԴ-ից անձնական օգտագործման ապրանք է ներմուծվել, գինը 26 100 ռուբլի, քաշը՝ 125 կգ: Հարկայինում ձեռք է բերել ՀՎՀՀ: Որո՞նք են հետագա քայլերը: Ի՞նչ հարկեր կառաջանան: Շնորհակալություն:

Մարինե. Բարև Ձեզ։ Շրջանառության հարկ վճարող Ա/Ձ եմ, զբաղվում եմ համակարգչային ծրագրավորմամբ արտասահմանի հետ։ Ներկա պահին գործատուն գերմանական կազմակերպություն է, և գումարը փոխանցում են իմ ԱՁ եվրոյի հաշվեհամարին։ Քանի որ ըստ իրենց պահումները շատ են, խնդրել են գտնեմ ալտերնատիվ` հարմար տարբերակով, փոխանցում կազմակերպելու համար։ Նրանց համար շատ կարևոր է փոխանցումներում նշել իմ ՀՎՀՀ-ն։ Օրինակ` առաջարկել են օգտվել արտասահմանյան օնլայն բանկերից։ Դիտարկել եմ մի քանի տարբերակ։ 1. Բացել եմ բիզնես հաշիվ payoneer-ում։ Լրացրել եմ ԱՁ-ի բոլոր տվյալները։ Չգիտեմ արդյո՞ք ճիշտ եմ արել։ Կարո՞ղ էին փոխանցել payoneer-ի ֆիզ. անձի հաշվին և նշեին իմ ՀՎՀՀ-ն, նորմալ կստանայի՞ գումար: Եթե payoneer-ով տարբերակ կա ամեն ինչ ճիշտ կազմակերպելու, խնդրում եմ`օգնեք։ 2. Դիտարկել եմ նաև worldremit-ը։ Սա նույն պահումն է անում ինչ օրինակ` ԱՁ-ի հաշվին իրենց կատարած փոխանցումը։ (800 եվրոյից սկսած 30 եվրո պահում): 3. Ներբեռնել եմ wise-ը, էստեղ բիզնես հաշիվ չի թողնում բացել, բացել եմ ֆիզ. անձի համար հաշիվ։ Բայց փոխանցում ստանալու համար ես պետք է 10 000 դրամ փոխանցեմ հաշվին։ Չեմ փորձարկել։ Խնդրում եմ կիսվեք փորձով/խորհրդով։ Շնորհակալ եմ ցանկացած օգնության համար։ )))

Անի. Հարգելի՛ հաշվապահներ, ԱԱՀ հաշվետվության 260 ձևի մեջ 18 տողում ներառվու՞մ են ՀԴՄ կտրոնները, որոնց վրա նշված է հարկային կոդը, թե՞ ոչ: Պարզաբանում կարո՞ղ եք անել: Շնորհակալ եմ:

Մարինե. Բարև ձեզ: Ես հանդիսացել եմ ինքնուրույն հարկ վճարող 2018-2019թթ., ներկայացրել եմ հաշվետվությունները ժամանակին, հարկային պարտավորությունները վճարել եմ ժամանակին: Քանի որ բանկի աշխատակցի կողմից վճարման հանձնարարագրում ՀՎՀՀ չի նշվել հարկային պարտավորությունը չի մարվել և հաշվարկվել են տույժեր, դիմելուց հետո պարտքը մարվել է, բայց տույժերը չեն մարվել։ Կօգնեք հասկանալ՝ ի՞նչ կարող եմ անել տույժերի համար։

Էլինա. Հաշվապահներ ջան, հարցս ՀՕ 386 հոդվածին է վերաբերվում. 2) Կանխիկ դրամով վճարում չի համարվում այն վճարումը, որի մասով դուրս է գրվել Օրենսգրքի 381-րդ հոդվածի 3-րդ մասի երկրորդ պարբերության 4-րդ կետով սահմանված` ապրանք ձեռք բերող, աշխատանք ընդունող և (կամ) ծառայություն ստացող կազմակերպության, անհատ ձեռնարկատիրոջ կամ նոտարի` հարկ վճարողի հաշվառման համարը պարունակող` հսկիչ դրամարկղային մեքենայի կտրոն: Հարց՝ կազմակերպությունը գնում է խանութից կատարել առձեռն, վճարել քարտով, ստացել ՀԴՄ կտրոն։ Արդյո՞ք անհրաժեշտ է նշել ՀԴՄ կտրոնի վրա ՀՎՀՀ ծախս ճանաչելու համար։ Թեժ գծում միանշանակ ասացին, որ պետք է նշվի, բայց ես համաձայն չեմ։ Ուզում եմ լսել ձեր կարծիքները: Կանխավ շնորհակալ եմ:

Ալինա․ Բարև ձեզ, հարգելի հաշվապահներ ջան: Իմ հիմնական աշխատանքից բացի զբազվում եմ նաև արտադրական գործունեությամբ, մասնավորապես ստեղծում և վաճառում եմ ձեռագործ զարդեր սոց․ հարթակներում (Facebook/Instagram): Հիմա մի ընկերության հետ համագործակցության համար (որն ինձ փոխանցումներ է անելու անկանխիկ) անհրաժեշտ է, որ ունենամ ՀՎՀՀ: Որոշել եմ գրանցել Ա/Ձ և դիմել միկրոյի համար: Հարցերս հետևյալն են. 1. Արդյո՞ք պարտադիր է ունենալ ՀԴՄ սարք 2. Արդյո՞ք տարեկան շրջանառությունը կարելի է ցույց տալ միայն հաշիվ ապրանքագրերով, և արդյո՞ք չի ստուգվի նաև սոց․ հարթակներում ներկայությունը

Աննա․ Բարև Ձեզ։ Խնդրում եմ ասեք՝ ՍՊԸ-ն եթե ֆիզիկական անձից ձեռք բերի, օրինակ, գրքեր, պե՞տք է եկամտային հարկ հաշվարկվի, թե՞ միայն գնման ակտ ու վերջ։ Ու նաև եթե ձեռք է բերում օֆիսային գույք կանխիկ կամ մեկ այլ ապրանք ոչ վաճառքի նպատակով, այդ դեպքում ՀԴՄ կտրոնի վրա պարտադի՞ր է, որ նշվի ՀՎՀՀ-ն, իսկ եթե չի նշվում, ի՞նչ հետևանքներ կարող է լինել։ Կանխավ շնորհակալ եմ։

Անահիտ. Բարև ձեզ, հարգելի հաշվապահներ: Եթե ընկերությունը ԵՏՄ անդամ պետությունից ներմուծում է արել, սակայն ֆիզ. անձից և ՀՎՀՀ չունի, ներմուծման հայտարարությունը տալիս ինչպե՞ս պետք է լրացնեմ վաճառողի ՀՎՀՀ-ի դաշտը։ Կանխավ շնորհակալ եմ։

Գոհար. Հարգելի հաշվապահներ, խնդրում եմ օգնեք՝ բանջարեղենի խանութը եկամուտը բացի ֆակտուրայից ու ՀԴՄ-ից (ՀՎՀՀ նշված) ուրիշ ի՞նչ կերպ կարող ենք ծախսերը նվազեցել: Կախավ շհնորհակալություն:

Մելինե․ Բարև Ձեզ: Եթե ունենք գնորդի ՀՎՀՀ-ով կտրոն, որի վրա չկա ապրանքացանկ, շահութահարկի հաշվետվություն ներկայացնելիս որպես ծախս նվազեցվու՞մ է, թե՞ ոչ: