Էլինա․

Բարև բոլորին, խնդրում եմ ուղղորդել՝ արդյո՞ք արտադրության մեջ անմիջականորեն ներգրավված աշխատողի պարապուրդում գտնվելու ընթացքում վճարված գումարը կարող է համարվել վարչական, թե՞ մնում է անմիջականորեն ներգրավվածի ծախս։ Շահութահարկի հաշվարկի 1 Բաժնի ո՞ր տողում եմ արտացոլերու այդ ծախսը։ Կանխավ շնորհակալ եմ։

Ռոզա․

Հարգելի գործընկերներ, ԱԱՀ հաշվոտվությունում չեմ ներառել ԱԱՀ-ով հաշիվը, որը ճիշտ ժամանակ ստորագրել եմ, մի քանի ամիս անց ուղղել եմ հաշվետվությունը, 226-ի ձևակերպումն ինչպե՞ս կատարեմ։

Հարությունյան․

Բարև Ձեզ, խնդրում եմ Ձեր օգնությունը, շնորհակալ կլինեմ խորհրդատվության համար

1) Եթե աշխատողը մինչև 14.02.2025թ-ը գտնվում է մինչև երեք տարեկան երեխայի խնամքի արձակուրդում (ընդ որում 14.02.2025թ-ին լրանում է երեխայի 2 տարեկանը), ապա հղիության և ծննդաբերության նպաստի վճարումը պետք է կատարել 15.02.2025թ-ի՞ն:

2) Ըստ վերոնշյալի, խնամքի արձակուրդը սկսվելու ամսվան նախորդող ամսին աշխատանքային պայմանագրով տվյալ վարձու աշխատողի համար սահմանված հիմնական աշխատավարձը եղել է 100.000 ՀՀ դրամ, այս դեպքում վճարման ենթակա նպաստի հաշվարկը կատարվում է հետևյալ կե՞րպ՝ (100.000 x 80%) / 30.4 x 140 =368 421

3) Եկամտային հարկի ամսական հաշվարկում Վճարված ժամանակավոր անաշխատունակության նպաստներ դաշտում լրացումները ինչպե՞ս պետք է անել Գործատուի միջոցներով վճարված նպաստների գումար – 368 421՞, ՀՀ պետական բյուջեի միջոցներով վճարված նպաստների գումար – 0

4) Եթե տվյալ ամսվա եկամտային հարկի հաշվարկված գումարը կազմում է օրինակ 158 000 ՀՀ դրամ, որք՞ան կկազմի գործատուին վերադարձման ենթակա գումարը

Սամվել․

Հարցս վերաբերվում է հայտարարագրմանը: 2024 թվականի ընթացքում պարբերաբար կատարել եմ լիցքավորում Վիվառոյում և ունեցել եմ ելքագրումներ 1 000 դրամից մինչև 800 000 դրամ: Բնականաբար արդյունքում ավելի շատ լիցքվորում եմ կատարել, քան ելքագրումներ: Խնդրում եմ օգնել, թե ինչը պետք է հայտարարագրեմ։ Ելքագրումների ընդհանուր գումարը ամբողջ 2024 թվականի, անկախ 1 ելքագրման գումարի չափից և անկախ նրարից, որ ելքագրման և լիցքավորման տարբերությունը բացասական է, թե՞ մեկ այլ բան է նախատեսված այդ մասով։

Գոհար․

Հարգելի հաշվապահներ, որո՞նք են հասարակական կազմակերպությունների հաշվետվությունները և ի՞նչ ժամանակահատվածով են տրվում։ Շնորհակալություն։

Հարգելի գործընկերներ, 2025թ. փետրվարի 1-ը միկրոձեռնարկատիրության սուբյեկտի՝ 2024թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Նարե․

Բարև Ձեզ, հարգելի հաշվապահներ։ Կազմակերպությունը շահել է գրանտ, որի շրջանակներում անձնական օգտագործման նպատակով ձեռք է բերելու սարքավորումներ։ Գրանտի գումարը փոխանցվելու է եվրոյով։ Խնդրում եմ ասել` ո՞ր ամսվա ԱԱՀ-ի հաշվարկում պետք է արտացոլվի գումարը և ո՞ր օրվա փոխարժեքով։

Նաիրա․

Ողջույն, հարգելի հաշվապահներ, հարցս վերաբերվում է ՊՈԱԿ-ի ֆինանսավորմանը, որը գերազանցում է 115 մլն, արդյո՞ք ոչ առևտրային կազմակերպությունը պետք է ԱԱՀ վճարող համարվելու վերաբերյալ հայտարարություն ներկայացնի և յուրաքանչյուր ամիս ԱԱՀ-ի ձև 260 հաշվետվությունը ներկայացնի: Նախապես շնորհակալություն։

Խաչիկ․

Ողջույն: Ես գրանցված աշխատող եմ Մեծ Բրիտանիայում, և ստանում եմ աշխատավարձ բանկային փոխանցմամբ ընկերության անունից: Ի՞նչ հաշվետվություններ են անհրաժեշտ ներկայացնել հարկային դաշտում: Եվ քանի՞ տոկոս են կազմելու եկամուտներից պահումները:

Մարիամ․

Հարգելի հաշվապահներ, կխնդրեմ օգնեք պարզեմ, արդյո՞ք ԱՁ-ն ներկայացնում է ԱԱՀ-ի զրոյական հաշվետվություն: ԱՁ- բացվել է 2019թ, հարկման դաշտ չի ընտրվել, գործունեություն չի ծավալել և դադարեցման դիմում է տրվել 2 ամսից: 2024-ի սեպտեմբերից վերսկսման դիմում է տվել, կրկին առանց հարկային դաշտ ընտրելու: Ստացվում է,որ մեխանիկորեն անցել է ԱԱՀ-ի հարկման դաշտ, կրկին գործունեություն չի ծավալել 2024թ: Արդյո՞ք պետք է լրացվի թեկուզ և ուշացումով ԱԱՀ-ի 0-ական հաշվետվություն: Ասեմ,որ հաշվետվություն չի լինում լրացնել, հարկման բազան 0 գրելիս, գրվում է «Դաշտը սխալ է լրացված»: Նախապես շնորհակալ եմ արձագանքների համար։

Вероника.

Добрый день! У меня открыто ИП на упрощенной системе налог с оборота. Сфера деятельности – оказание консалтинговых услуг юрлицам. Скажите, нужно ли мне сдавать оба годовых отчета 240 и 244, или только какой-то один из них? Спасибо!

Գևորգ․

Բարև ձեզ: Շնորհակալ կլինեմ արձագանքելու համար: Ի՞նչ հաշվետվություն պետք է ներկայացնի 2024 թվականին միկրո համարված ԱՁ-ն, որը 2025-ին կրկին աշխատելու է որպես միկրոձեռնարկատիրություն: Կխնդրեմ գրել բոլոր հաշվետվությունները թվերով, և արդյո՞ք եկամուտներ հայտարարագիր պետք ներկայացվի ևս։ Շնորհակալ եմ նախապես։

Հասմիկ․

Բարձև ձեզ։ ԱՁ 2023թ. աշխատել է ընդհանուր հարկման դաշտում, սակայն 2024թ․ նորից աշխատել է շրջանառության հարկով, հարցս հետևյալն է՝ պե՞տք է արդյոք շահութահարկի հաշվետվությունը ներկայացնելիս միայն ներկայացնեմ 107 -րդ տողը, թե՞ բաժին 8-ի 2023 թվականի մնացորդները նույնպես։

Mariana.

Կազմակերպությունն աշխատում է 2 ոչ ռեզիդենտ կազմակերպությունների համար որպես գործակալ, ստանում է ՌԴ ընկերությունից բեռնափոխադրման հաշիվ և պատվիրում այլ եվրոպական ընկերությունների լոգիստիկ ծառայությունը իրականացնել (բեռ հասցնել A կետից B կետ)։ Արդյո՞ք անհրաժեշտ է բոլոր ստացված, բայց հարկման ոչ ենթակա հաշիվները ներառել ԱԱՀ հաշվետվության մեջ և կոմիսիայի գումարի չափն էլ ներառել 0-ական դրույքաչափի տողում, թե՞ ուղղակի հանձնել շահութահարկի հաշվարկը։

Վահե․

Բարև Ձեզ։ ԱՁ-ն բացվել է 01.01.2024-ին (Գործունեության ոլորտ – 62.01.0) : 17.05.2024-ին ուղարկվել է (207. Հայտարարություն` հարկ վճարողի գործունեությունը որևէ օրվանից անորոշ կամ որոշակի ժամկետով դադարեցնելու և գործունեությունը վերսկսելու մասին) դիմում, որի համաձայն, անորոշ ժամանակով դադարեցվել է գործունեությունը: 1-ին և 2-րդ եռամսյակների (232 Շրջանառության հարկի) – հաշվետվությունները տրված են:

Հարց 1. Կհուշե՞ք տարեկան հաշվետվության որ ձևը կամ ձևերը պետք է լրացնեմ հիմա (ի՞նչ լրացնեմ, երբևիցե չեմ արել)

Հարց 2. Եթե կա ակնկալիք, 2025-ի ընթացում վերսկսել գործունեությունը, Շրջհարկով հարկվելու մասին դիմում պետք է հիմա՞ լրացնեմ (անկախ նրանից, որ ԱՁ-ն կասեցված է տվյալ պահին) , թե՞ ԱՁ գործունեությունը վերսկսելուց հետո պետք է ուղարկել Շրջհարկով հարկվելու (201 դիմումը):

Հարց 3. Եթե իրավաբանական բանկային հաշիվը փակված է և այլևս գոյություն չունի, որպեսզի փոխանցում անեմ միասնական հաշվին – կարո՞ղ եմ ուղակի ՀՎՀՀ-ով ցանկացած անձնական հաշվից փոխանցել միասնականին, կամ ինչպե՞ս վարվել նման դեպքում, որպեսզի տարեկան հաշվետվության ներկայացումից հետո ձևավորված պարտքը (սոց , դրոշմանիշ) մարվի միասնական հաշվից:

Կանխավ շնորհակալ եմ բոլորից, հստակ խատասխանների համար:

Կարինե․

Բարի օր, խնդրում եմ, կասե՞ք՝ ի՞նչ հաշվետվություն պիտի ներկայացնի ֆիզիկական անձը, ով 2024թ-ից սկսած վարձակալության է տվել բնակարանը, ստացել է ՀՎՀՀ, վճարում է եկամտային հարկը միասնական հաշվին, և նրան տեղեկացրել են, որ պիտի հաշվետվություն ներկայացնի 2024թ-ի համար։ Արդյոք խոսքը https://self-portal.taxservice.am/sign-in/ -ի հայտարարագրին է վերաբերում, թե՞ այլի մասին է խոսքը։

Աննա․

Բարև Ձեզ, հարգելի հաշվապահներ։ ԱՁ-ն բիզնես քարտով դոմեյն էր գնել 2023-ի Նոյեմբեր ամսին ԱՄՆ կայքից: Ծառայությունն վավեր է երկու տարով: Անցած տարի ընդհանուր հարկման դաշտում էր մնացել ու գրեթե գործունեություն չի ծավալել, հիմա շրջանառության հարկի համակարգում է: Ճի՞շտ եմ հասկանում, որ ըստ ՀՕ Հ40-ի երկու տարին լրանալու օրն է ծառայության մատուցման պահն: Այսինքն, որպես շրջանառության հարկ վճարող ինքնահաշիվ դուրս գրել պետք չի, պետք է միայն ոչ ռեզիդենտի շահութահա՞րկ վճարել 20%:

Իսկ այն որ 2023-ի շահութահարկի տարեկան հաշվետվության մեջ ծառայության գումարն “Վարչական ծախսերը / Տեղեկատվական ծառայությունների գծով ծախսերը” տողում եմ լրացրել, խնդիր չի՞ այս պարագայում:

Պարզապես նոր եմ իմանում ոչ ռեզիդենտի շահութահարկի մասին: Շատ եմ վախենում որ 10$-անոց ծառայության համար կարող է լուրջ տուգանք առաջանալ:

Աննա․

Հարգելի հաշվապահներ, կասե՞ք խնդրեմ՝ ընդհանուր հարկման դաշտում աշխատող կազմակերպությունը լիզինգով ձեռք է բերել ապրանք, որի համար ստացել է հանձնման-ընդունման ակտ, որտեղ երևում է ընդամենը 23 000 000 դրամը և ԱԱՀ 3 833 333։ Կասե՞ք խնդրեմ՝ ԱԱՀ հաշվարկի ո՞ր տողում սա պետք է արտացոլեմ, որպեսզի ամեն ամիս ստանամ ապրանքների մատակարարաման հաշիվ ապրանքագիր և այդ հաշվի ԱԱՀ հաշվանցեմ: Շնորհակալ եմ։

Արմեն․

Բարև ձեզ, ԱՁ-ն աշխատում է շրջանառության հարկման դաշտում, և ոչ ռեզիդենտին ծառայություններ մատուցելու դեպքում նրանից եկամուտ ստանալուց առաջ ենթակա է շահութահարկի պահում: Ո՞ր ձևով պետք է ներկայացնել հաշվետվությունը, և արդյո՞ք այդ դեպքում պարտադիր է գրել ինքնահաշիվ։

Աննա․

Բարև Ձեզ։ Հարցս այսպիսին է․ ՍՊԸ-ն ընդհանրապես գործունեություն չի իրականացրել, չի ստացել հաշիվներ, դուրս չի գրել: Եվ զուգահեռ հիմանդիրն ունի Ա/Ձ-ը, որը նույնպես գործունեություն չի իրականացրել, միայն ունի ստացված հաշիվներ՝ ինտերնետ ծառայությունների։

Հարց 1․ Կարո՞ղ եմ ՍՊԸ-ի գործունեությունը դադարեցնել և 2025-ից աշխատել Ա/Ձ-ով շրջ․ հարկի դաշտում։

Հարց 2․ Արդյո՞ք քանի որ ՍՊԸ-ն գրանցել է 2020թ-ին, պետք է նրա համար 0-ական հաշվետվություններ ներկայացնել։ Եվ Ա/Ձ-ի մասով նույնպե՞ս անհրաժեշտ է ներկայացնել հաշվետվություններ (կային ստացված հաշիվներ), թե՞ կարող եմ տալ շրջանառության հարկ վճարող համարվելու մասին հայտարարություն և սկսեմ գործունեությունս։

Անչափ շնորհակալ կլինեմ արձագանքելու համար։

Տաթևիկ․

Բարև Ձեզ: Հարցս վերաբերում է ֆիզիկական ծավալների հաշվետվությանը: Ո՞ր դեպքում է լրացվում 12-րդ տողը՝ արտադրված (արդյունահանված) արտադրատեսակի (օգտակար հանածոյի) քանակը։ Գինու արտադրության պարագայում մինչև պատրաստի արտադրանք դառնալը, թե՞ շշալցված հստակ քանակը։

Հայկ․

Բարև Ձեզ։

1. Հասարակական կազմակերպությունների գործունեության 246 հաշվետվության մեջ հաստատատված է գործադիր մարմնի կողմից դաշտում ի՞նչ պետք է լրացնենք։

2. Արտացոլել պաշտանական կայքի պտիչկեն պե՞տք է դնենք։

3. Աուդիտորի եզրակացություն դաշտը ո՞ր դեպքում է լրացվում։

Աննա Ջուլհակյան․

Ես Ա/Ձ-ով ուզում եմ Չինաստանից ապրանք տեղափոխել Wildberries-ի Ռուսաստանի պահեստ էնտեղից վաճառելու համար, խնդրում եմ ինձ ասել.

1. Ապրանքը գնելու եմ բայերի միջոցով, իրենց ես փոխանցում եմ անում ֆիզիկական անձի հաշվից իրենց տրամադրած ֆիզիկական անձի հայկական հաշվեհամարին ու տրամադրում են մի փաստաթուղթ, որի վրա գրված է Order և ներառված է ինֆորմացիա իրենց կազմակերպության մասին, նշվում է իմ անուն ազգանունը, հեռախոսահամրը և ինֆորմացիա ապրանքների մասին, այս փաստաթութղթը բավակա՞ն է մեզ մոտ` Հայաստանում հարկայինին ներկայացնելու համար
2. Այս փաստաթուղթը ես որտե՞ղ եմ կցելու, ներկայացնելու եմ ամսական հաշվետվությա՞ն մեջ, թե՞ այլ տեղ
3. Wildberries-ից ինձ փոխանցված գումարները ինչպե՞ս են ձևակերպվելու հարկայինում, ու ինչպե՞ս եմ Ա/Ձ-ի հաշվից կանխիկացնելու կամ օգտագործելու այդ գումարները։

Աննա․

Բարև Ձեզ, հարգելի հաշվապահներ, բացել եմ ՍՊԸ, որն աշխատում է հարկման ընդհանուր համակարգում և թերևս փաստացի գործունեություն չի իրականացնում։ Ստացել եմ փոխառություններ և այդ ընթացքում բանկի կողմից, քանի որ բացել եմ հաշիվ և այլն, գանձել են որոշակի ծառայության վճարներ։ Հարցս հետևյալն է․ արդյո՞ք ԱԱՀ-ի հաշվետվությունների մեջ իմ կողմից պետք է նաև այդ գումարները ներառվեին, ՍՊԸ-ն բացվել է սեպտեմբերին։ Եվ նաև հետագայում շահութահարկի հաշվետվության մեջ արդյո՞ք պետք է ներառեմ այդ վճարումները։ Կանխավ շնորհակալություն։

Դիանա․

Բարև ձեզ։ Խնդրում եմ ասել․ ԱՁ, ով աշխատում է շրջհարկով, ինչ հաշվետվություններ է անհրաժեշտ հանձնել սարքավորում ներմուծելու համար։ Պարտադի՞ր է, որ հարկման ռեժիմը փոխվի ընդհանուր հարկման դաշտ, որ կարողանանք ներմուծել։ Եվ ներմուծման հայտարարագիր և հայտարարություն է՞լ պիտի հանձնենք։ Արտադրության համար է անհրաժեշտ սարքավորումը, ոչ թե վաճառքի: Կանխավ շնորհակալություն:

Նարե․

Հարգելի հաշվապաներ, եթե ԱԱՀ-ով աշխատող ՍՊԸ-ն միջազգային կազմակերպությունից (ազատված է ԱԱՀ-ից) ստանում է գրանտ և ծրագրի շրջանականերում կատարում է որոշակի աշխատանքներ, ապա ի՞նչ հարկային պարտավորություններ են առաջանում, և ի՞նչ հաշվետվություններ պետք է ներկայացնել։

Արմեն․

Բարև ձեզ, ես հանդիսանում եմ ՌԴ հարկային ռեզիդենտ։ Բնակվում և աշխատում եմ ՌԴ-ում, սակայն ՀՀ-ում ունեմ վարձակալությամբ տրված անշարժ գույք, իսկ բանկում՝ ավանդ։ Հաջորդ տարի պետք է ներկայացնեմ հայտարարագիր ՀՀ-ում եկամուտների մասին։ Հարցս հետևյալն է՝ հայտարարագրում պետք է նշել միայն ՀՀ-ում անշարժ գույքի վարձակալությունից ստացված եկամուտը, թե՞ ՀՀ բանկում ունեցած ավանդից ստացած եկամուտը նույնպես։ Բանկից ասեցին, որ հարկը ավտոմատ կերպքով վճարվում է, բայց թե ինչ լրացնել հայտարարագրում՝ հասկանալի չի։

Մյուսը՝ ՌԴ-ում ստացած աշխատանքային եկամուտը պե՞տք է նշել թե ոչ։ Ես ՌԴ հարկային ռեզիդենտ եմ և հարկերը վճարում եմ ՌԴ-ում։ Ի՞նչ անել ՌԴ-ում բանկային խնայողական հաշվին եկած տոկոսների հետ։ Դա է՞լ է նշվում, թե՞ ոչ։ ՌԴ բանկերը ավտոմատ կերպով հարկը վճարում են այդ տոկոսից ՌԴ բյուջե։

Արև Հայրապետյան․

Ողջույն, հարգելի հաշվապահներ, խնդրում եմ պարզաբանել. շրջ. հարկով աշխատող ԱՁ-ն ֆիզ. անձին հոկտեմբերին վարձակալությամբ տարածք է տրամադրել: Եռամսյակային շրջանառության հարկի հաշվետվության մեջ պե՞տք է արտացոլվի վարձակալության գումարը, թե՞ 2024թ.-ի հայտարարագրով ներկայացվի:

Անուշ․

Բարև ձեզ, խնդրում եմ պարզաբանել հետևյալ հարցը. ՀՎՀՀ ստացած ինքնազբաղված անձը որևէ հաշվետվություն ներկայացնու՞մ է, թե՞ ոչ, և ի՞նչ հարկեր պետք է վճարի։ Շնորհականություն։

Աննա․

Հարգելի հաշվապահներ, կասե՞ք խնդրեմ՝ ՍՊԸ, որն աշխատում է ԱԱՀ-ով, իրականացնում է կանոնավոր ուղևորափոխադրում ոչ ներքաղաքային, հասույթը մուտքի օրդերով մուծվում է դրամարկղ, այս գործունեության համար չկա ՀԴՄ կտրոն, մինչև սեպտեմբերի մեկը գործունեությունը հարկվում է պետ տուրքով ամսական, այս դեպքում ԱԱՀ հաշվարկի ո՞ր տողում պետք է լրացվի հասույթը ու գանձվի ԱԱՀ: Կանխավ շնորհակալ եմ։

Հայկ․

Բարև Ձեզ, հարգելի մասնագետներ: Եթե ԱԱՀ-ով աշխատող ԱՁ-ի գործունեությունը անորոշ ժամկետով դադարեցրել ենք հոկտեմբերի 28-ից, ապա հոկտեմբերի համար պե՞տք է հանձնել ԱԱՀ-ի հաշվարկը: Այս տարվա մեջ ուրիշ հաշվետվություններ չկա՞ն հանձնելու: Իսկ 2025թ մինչև ապրիլի 20-ը ո՞ր ձևերը պետք է հանձնել: Նշեմ, որ աշխատողներ չունի:

Հարություն․

Բարև Ձեզ: ՍՊԸ-ն գործում է հարկման ընդհանուր համակարգում: Ֆիզիկական անձից ձեռք ենք բերել գյուղատնտեսական նշանակության հողակտոր առանց շինության 16 մլն. դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Հարց 2․ Նույն ՍՊԸ-ն ֆիզ. անձից վարձակալում է մարդատար ավտոմեքենա ամսական 200 հազար դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Կանխավ շնորհակալություն:

Հայկ․

Բարև բոլորին: Հարցս հետևյալն է. ԱՁ-ն բացվել է 2024թ. օգոստոսին, սակայն հարկային համակարգում չի գրանցվել, և քանի որ չի ընտրել հարկման հատուկ համակարգ, ավտոմատ դարձել է ԱԱՀ վճարող: Օգոստոսին ներմուծել է ֆոտո տպիչ, և այլևս գործունեություն չի ունեցել: Հիմա ցանկանում է դադարեցնել գործունեությունը: Այսօր արդեն գրանցել եմ համակարգում, բայց դե ԱԱՀ-ի ամսական զրոյական հաշվարկներն էլ չի ուղարկվել: Ճի՞շտ կլինի հիմա ուղարկել 2 ամիսների հաշվարկը, հետո գործունեությունը դադարեցնելու դիմումը: Ի՞նչ պատասխանատվություն է նախատեսվում խախտման համար։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում։ ՍՊԸ-ն գործում է շրջհարկով, ՍՊԸ-ի անունից ապրիլ ամսում մեքենա են ձեռք բերել 4 միլիոնի։ Հարկայինից ծանուցում են ստանում, որ ապրիլ ամսվա եկամտային հաշվետվության մեջ ցույց չենք տվել։ Ճշտում տվեցի և 4 միլիոնը ցույց տվեցի, նշեմ, որ մեքենան վարկով են ձեռք բերել։ 10% պետք է մուծե՞նք։ Եթե այո, կա՞ արդյոք ժամկետ, և խնդրում եմ կասե՞ք՝ ի՞նչ այլ հաշվետվություններ և պարտավորություններ ունի ՍՊԸ-ն։ Արվեստի բնագավառ է։ Կանխավ շնորհակալություն:

Լուսինե․

Շրջանառության հարկով աշխատող ԱՁ-ն ապրանք սարքավորումներ է ներմուծում Չինաստանից վաճառքի նպատակով։ Ի՞նչ հաշվետվություններ պետք է ներկայացնի և ո՞ր ծախսերը պետք է նվազեցնի։ Շնորհակալ եմ։

Աշոտ․

Բարև ձեզ։ Եթե Աշխատողն ունի կուտակված արձակուրդի օրեր, օրինակ՝ 20 օր, որից 10 օրը գնում է արձակուրդ, օրինակ սեպտեմբեր ամսին, սեպտեմբեր ամսվա եկամտային հարկի հաշվարկում աշխատած օրերի քանակը և աշխատավարձը հաշվարկվում է մնացած 11 օրվա համար, թե՞ 21 օրվա համար։

Գայանե․

Բարև Ձեզ, հարգելի հաշվապահներ։ Խնդրում եմ օգնել հետևյալ հարցում․ վարձակալությամբ տարածք ենք վերցրել հանրային սննդի համար, մարզում է գտնվում։ Վարձատուն ՍՊԸ է, որը գործում է ԱԱՀ-ով, իսկ վարձակալը ԱՁ է, միկրոյով է գործում։ Հիմա ո՞վ ի՞նչ հարկային պարտավորություն ունի, և ո՞վ է հաշվետվություն ներկայացնելու 189 ձև։ Կանխավ շնորհակալ եմ։

Նիկա․

Բարև Ձեզ։ Եթե գինեգործությամբ զբաղվելու համար ընտրել ենք միկրոձեռնարկատիրության դաշտը, բայց դեռ չենք արտադրում գինին, ու հավանաբար վաճառք էլ չի լինի դեռ, տվյալ պարագայում ակցիզային հարկի ու դրոշմանիշային վճարի պարտավորություններ առաջանու՞մ են, թե՞ ոչ։ Ամսական կտրվածքով ի՞նչ հաշվետվություններ է պետք ուղարկել։

Վահագն․

Բարև Ձեզ։ ԱՁ-ն զբաղվում առևտրով։ Վերջացավ 3-րդ եռամսյակը, և շրջանառության հաշվետվության մեջ նկատեցի, որ ձեռքբերումների գծով ծախսերի տողում 5․4 տողում կարծես կա անճշտություն՝ 30․09․24թ-ին ստացված հարկային հաշիվները ինքնաշխատ չեն ներառվել 5․4 տողում, բայց այդ հարկային հաշիվներով ձեռք բերումները նույնպես նախատեսված են վաճառքի համար, հիմա չգիտեմ՝ ինքնուրույն ուղղե՞մ այդ տողը, թե ինչ որ բան ճիշտ չեմ հասկանում։ Նշեմ, որ 30․09․24թ-ին դուրս գրված հարկային հաշիվների և դուրս գրման ամսաթիվը և մատակարարման ամսաթիվը նույնն է՝ 30․09․24։

Արմեն․

ՀՀ քաղաքացին, որը մշտապես բնակվում է արտերկրում և հանդիսանում օտար պետության հարկային ռեզիդենտ (ինչի մասին ունի տեղեկանք), ՀՀ-ում վարձակալությամբ է հանձնում բնակարան և ունի ավանդ։ Հարցերը հետևյալն են՝

1․ Պարտավո՞ր է արդյոք այդ անձը 2024թ․ համար ներկայացնել հայտարարագիր։
2․ Կարո՞ղ է արդյոք նա լիազորել այլ անձի՝ իր փոխարեն ներկայացնել հայտարարագիրը։ Խնդիրն այն է, որ անձն ինքը չունի էլ․ ստորագրություն և ի վիճակի չէ ներկայանալ ՀՀ՝ այն ստանալու համար։

3․ Տվյալ անձը եկամուտային հայտարարագիր ո՞ր կետերի հիման վրա է ներկայացնում։

Հասմիկ․

Ո՞ր ժամանակաշրջանի հաշվետվության մեջ ( հուլիսի՞, թե՞ օգոստոսի) պետք է ԵՏՄ անդամ պետությունից ցույց տամ ներմուծումը, եթե այն ներմուծվել է 30.07.2024թ. , իսկ ԱԱՀ-ն վճարվել է 10.08.2024թ., եթե առաջնորդվում եմ 71 հոդվածի 3-րդ -ի բ կետով:

Naka.

Բարև ձեզ։ Ընկերությունը մարքեթինգային ծառայություն է արտահանում ՌԴ, արժեքը կազմում է 90 000 ռուբլի, որից 15 000 ռուբլին ՌԴ-ն պահում է որպես ԱԱՀ գումար, ակտի մեջ նշված է 90 000, այդ թվում ԱԱՀ, իսկ Պայմանագրում գումարի վճարումը գրված է` համաձայն ակտի։ Հարցս կայանում է նրանում, թե ԱԱՀ-ի հաշվետվության մեջ ծառայության արժեքը ինչքան եմ գրելու` 90, թե՞ 75։

Հասմիկ․

Հարգելի հաշվապահներ, բարև ձեզ։ Ընկերությունը չի ներկայացրել առաջին և երկրորդ եռամսյակների հաշվետվությունները։ Վարչական տուգանք մե՞կ հատ է նշանակվելու, թե՞ երկու։ Կանխավ շնորհակալություն։

Գայանե․

Քաղաքացիաիրավական պայմանագրով գրանցված աշխատողի քաղիրավական հարաբերությունը ավարտվում է 31.07.2024-ին, ես կարո՞ղ եմ արդյոք այսօր՝ 30.07.2024-ին երկարացնեմ 31.07.2024-30.04.2025թ, ստորագրեմ և պատրաստ պահեմ, վաղը հանձնեմ ՊԵԿ, թե՞ պետք է այդ ամենը վաղը անեմ։

Արամ․

Բարև ձեզ: ԱԱՀ-ով աշխատող ԱՁ-ի գործունեությունը ժամանակավոր դադարեցվել է 17/05/2024 թվականին: Մայիս ամսին գործարք չի կատարվել, բայց մինչ այժմ զրոյական հաշվետվություն չի ուղարկվել մայիս ամսվա համար: Արդյո՞ք տույժ առաջանում է, և ի՞նչ պետք է անել ուղղելու համար: Կանխավ շնորհակալություն։

Տաթև.

Բարև Ձեզ։ Եթե շրջհարկով աշխատող ՍՊԸ-ն հունիս ամսին ստացել է կանխավճար, արդյո՞ք դա 2-րդ եռամսյակի հաշվետվության մեջ պետք է ներառենք, թե՞ երբ որ ծառայությունը մատուցվի և հաշիվ դուրս գրիվ, նոր պետք է վճարել հարկը։

Արտակ․

Բարև Ձեզ, ընկերներ, խնդրում եմ ինձ օգնել․ 2023 թվականից զբաղվում եմ հագուստի մանրածախ վաճառքով ինտերնետի միջոցով և 2023 թվականին ներկայացրել եմ շրջանառության հարկի բոլոր հարկային հաշվետվությունները, իսկ 2024 թվականից սկսած չեմ ներկայացրել դիմում շրջանառության հարկով հարկվելու վերաբերյալ և անցել եմ ԱԱՀ-ին, սակայն անձնական խնդիրների պատճառով 2024 թվականի հունվարից մինչև օրս որևէ հաշվետվություն չեմ ներկայացրել, խնդրում եմ օգնել և հատնել՝ ինչպե՞ս կարող եմ շտկել իրավիճակը, ինչպես նաև ի՞նչ հետևանքներ կլինեն նման իրավիճակում, նախապես շնորհակալ եմ։

Ալեքս․

Խնդրում եմ օգնել ինձ հետևյալ հարցում. 2023 թվականին հիմնադրամը շրջանառություն չի ունեցել, բայց ակտիվները գերազանցում են 10 միլիոն դրամը, խնդրում եմ ասեք՝ արդյո՞ք հիմնադրամը պետք է աուդիտ իրականացնի:

Հիմնադրամների մասին ՀՀ օրենքի Գլուխ 6-ի Հոդված 39. կետ 3-ում նշված է հետևյալը` ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը, եթե հիմնադրամի ակտիվների արժեքը գերազանցում է 10 միլիոն դրամը: Կանխավ շնորհակալ եմ:

Հայկ․

Բարև Ձեզ։ Ընկերությունը ստացել է 600 000 դրամի (ԱԱՀ-ով) նյութեր ապրիլ ամսին։ 100 000 ՀՀ դրամի ԱԱՀ-ն ապրիլ ամսին հաշվանցել ենք։ Հունիս ամսին այդ նյութերը օգտագործել ենք ԱԱՀ-ից ազատված գործարքի համար։ 100 000 դրամի ԱԱՀ-ն հունիս ամսվա համար ԱԱՀ-ի հաշվետվության մեջ ձեռքբերումների պակասեցում տալուց բացի ի՞նչ այլ հաշվապահական ձևակերպումներ պետք է կատարել։ Ի՞նչ հաշվապահական գործառնություններ պետք է կատարել։

Մարի․

Բարև Ձեզ, հարգելի հաշվապահներ։ Ինձ մոտ ԱԱՀ-ի հաշվարկի 18Ա տողում ՊԵԿ-ի ներկայացրած գումարը իր մեջ բացի ստացված հարկային հաշիվներում, հաշիվ վավերագրերում, ՀԴՄ կտրոներում ներկայացված գումարների հանրագումարից ավել գումար է ցույց տալիս։ Խնդրում եմ ասել, ՊԵԿ-ը վերոնշյալ հաշվարկային փաստաթղթերից բացի էլ ի՞նչ ձեռքբերումներ կարող է ներառել հաշվարկի 18Ա տողում։ Նախապես շնորհակալություն։