Տաթևիկ․

Բարև Ձեզ։ Ապրանքի առաքման հաշիվ վավերագիր է դուրս գրվել, ցանկանում ենք ապրանքի ետ վերադարձ կատարել և ապրանքը մատակարարել ավել ցածր գնով, քանի որ չի վաճառվում։ Խնդրում եմ հուշեք գործողությունների հերթականությունը։

Վահագն․

Բարև Ձեզ։ ԱՁ չհանդիսացող ֆիզ. անձը ցանկանում է զբաղվել երեխաներին լեզուների դասավանդմամբ։ Կարո՞ղ է արդյոք դիմել հարկային տեսչություն և ստանալ միկրոձեռնարկատիրության արտոնագիր։ Ընդհանրապես հաշվետվություններ տալու պարտավորություն ունի՞։ Եթե այո՝ ի՞նչ հաշվետվություն։

ՀԴՄ-ի կարիք ունի՞։ Եթե ՀԴՄ չի օգտագործվում, հաշիվ դուրս գրելու պահանջ կա՞։ Եթե չկա պահանջ, հաճախորդի պահանջի դեպքում կարո՞ղ է հաշիվ դուրս գրել, և ամենակարևորը ուսուցման վճարը կարո՞ղ է առձեռն ստանալ, թե՞ պետք է ստանա անկանխիկ եղանակով, բանկային փոխանցմամբ։

Եվ միկրոյի արտոնագիր ֆիզ. անձի տրամադրվում է 1 տարվա՞ համար։ Այսինքն, օրինակ, եթե արտոնագիրը տրամադրվի դեկտեմբերի 18-ին, մինչև ե՞րբ այն ուժի մեջ կլինի։

Անի․

Բարև Ձեզ։

Ռեստորանը, որը գտնվում է մարզում, աշխատում է միկրոձեռնարկատիրության համակարգում։

Կարելի՞ է հաշիվ դուրս գրել իրավաբանական անձ հաճախորդին՝ գումարը փոխանցումով ստանալու համար։

Շնորհակալություն։

Հասմիկ․

Բարև ձեզ, հարգելի հաշվապահներ։ Հարցս վերաբերում է ավտոմեքենայի յուղերի առք ու վաճառքին։ Պարտադի՞ր է արդյոք յուղման կետի համար յուղը ձեռք բերել բացառապես հաշվարկային փաստաթղթերով։ Կա՞ համապատասխան օրենքի հղում։

Անի․

Բարև Ձեզ։ Ցանկանում եմ զբաղվել բեռնափոխադրմամբ Հայաստանում և գործել միկրոյի հարկման դաշտում, խնդրում եմ նշել՝ հնարավո՞ր է, թե՞ ոչ, և ի՞նչ նրբություններ կան տվյալ ոլորտում աշխատելիս։

Բեռը գնելու ենք կազմակերպությունից և տեղափոխենք գնորդի հասցե (ֆիզ․ անձ) և վաճառենք։ Անհրաժե՞շտ է արդյոք ՀԴՄ կիրառել, թե՞ կարող ենք հաշվարկային փաստաթղթեր դուրս գրել ֆիզ․ անձանց անուններով։ Եվ միկրոձեռնարկատիրության դաշտում աշխատելու դեպքում բացի դրոշմանիշային վճարի, ուրիշ այլ հարկ կամ պարտադիր վճար առաջանալու՞ է, թե՞ ոչ։

Շնորհակալ եմ շատ։

Մարի․

Բարև Ձեզ, հարգելի հաշվապահներ։ ԱԱՀ-ով աշխատող կազմակերպությունը վճարել է ՀԿ-ին անդամավճար, 5 աշխատակցի համար։ Խնդրում եմ ասել՝ ինչպիսի՞ հաշվապահական ձևակերպումներ տալ, և ՀԿ -ն պե՞տք է հաշիվ վավերագիր դուրս գրի, թե՞ ոչ։

Լիլիթ․

Wildberries – ի հաշվապահներ, խնդրում եմ օգնեք։ ԱՁ-ն, որն աշխատում է շրջհարկով, ունի Wildberries սրահ և ծառայությունը դեռ նոր է սկսել մատուցել։ Ուզում եմ հասկանալ՝ ի՞նչ ունենք անելու հարկային դաշտում, հաշվետվություն և հաշիվների դուրս գրման մասին է խոսքը, շաաաատ եմ խնդրում օգնեք։

1. Հաշվարկային փաստաթուղթ դու՞րս է գրելու Wildberries – ին և ի՞նչ հաճախականությամբ

2 Իսկ եկամուտների մասով ինչպե՞ս ցույց տանք

Սեդա․

Բարև Ձեզ։ Ապրանք ներմուծելիս տեղական բեռնափոխադրողը հաշիվը գրում է 2 տողով՝ մինչև ՀՀ սահման և ՀՀ սահման – ք․ Երևան։ Հարցս հետևյալն է՝ ինչու՞ է տարանջատվում:

Եվա․

Բարև Ձեզ, խնդրում եմ ասել՝ եթե ԱՁ-ն (գեղեցկության սրահ), ով աշխատում է միկրոձեռնարկատիրության դաշտում, եթե ունենա աշակերտ կամ ունենա դասընթացներ և տրամադրի սերտիֆիկատ, այս դեպքում անձնագրի հիման վրա հաշիվ գրելն է պարտադիր, թե՞ ՀԴՄ կտրոն կարող ենք տրամդրել։

Գայանե․

Բարև Ձեզ։

Շրջանառության հարկով աշխատող ՍՊԸ-ն ավտոմեքենա է վաճառել ֆիզանձի օգոստոսին, սակայն հաշիվը դուրս է գրվել հոկտեմբերին՝ վաճառքի ամսաթիվը նշելով օգոստոս: Եռամսյակային ո՞ր հաշվետվության մեջ պետք է ներկայացնեմ վաճառքը՝ 3-րդ, թե 4-րդ, և արդյո՞ք կա պատասխանատվություն հաշիվ վավերագիրը ուշ ներկայացնելու համար: Նշեմ նաև, որ վաճառքի գումարը տրվել է ավելի շուտ կանխավճարի տեսքով:

Մերի․

Ողջույն, հարգելի հաշվապահներ, խնդրում եմ պարզաբանել հետևյալ հարցս․՝ e-Invoicng համակարգում 2 ամիս առաջ դուրս եմ գրել հաշվարկային փաստաթղթեր և պահպանել սևագրեր բաժնում, այժմ ցանկանում եմ ստորագրել, համակարգը թույլ չի տալիս, եթե նոր փոփոխության մեջ նշվում է, որ կարող ենք նախկինում դուրս գրված հաշիվները ստորագրել, ապա ինչու՞մն է խնդիրը։ Նախապես շնորհակալություն։

Տաթև․

Բարև Ձեզ։ Հոկտեմբերի 4-ին դուրս է գրվել հաշիվ վավերագիր Օգոստոսի 14-ին մատուցած ծառայության համար ( որում առաքման ամսաթիվը նշվել է Օգոստոսի 14 )։ Հարց – շրջհարկի հաշվետվությունում սա պետք է ներառվի 3-րդ եռամսյակի մեջ՝ ըստ առաքման թվի, թե՞ 4-րդ եռամսյակի մեջ՝ ըստ հաշվի դուրս գրման ամսաթվի։ Նշեմ, որ գումարը ստացվել է Օգոստոսին։ Շնորհակալ եմ։

Նարինե․

Որպես ԱՁ freelance ծառայություն եմ մատուցել արտասահմանյան ընկերության: Սակայն չկա պայմանագիր, կա invoice անգլերենով, որտեղ նշված են բանկային տվյալներն, հասցեն և ՀՎՀՀ-ն:

Փորձում էի դուրս գրել հաշիվ վավերագիր: Միայն կարողացա լրացնել ծառայությունն ընդունող ընկերության անունն, հասցեն և մատուցած ծառայությունն: Երկրի կոդով ՀՎՀՀ-ն չի թույլ տալիս լրացնել ու բնական է, որ առանց դրա կհասկանա, որ Հայկական ՀՎՀՀ է:

Խնդրում եմ պարզաբանել ՀՕ Հոդված 55-ի կետ 10-ը: Ճի՞շտ եմ հասկանում, որ․

1. «ՀՀ օրենսդրությամբ սահմանված դեպքերում ՀՎՀՀ ունենալը պարտադիր չէ» վերաբերում է հենց այդ կետին

2. ՀՎՀՀ-ն պարտադիր է, եթե չկա հատուկ կնքված պայմանագիր։ Այս դեպքում invoice-ին կարո՞ղ եմ հղում անել օրենքի պահանջն բավարելու համար, ինչպե՞ս:

Քրիստինա․

Բարև Ձեզ։ Եթե կազմակերպությունը վաճառված ապրանքը նաև տեղադրում է և դուրս է գրում ապրանքի մատակարարման և աշխատանքների կատարման հաշիվներ, հարցս՝ պարտադի՞ր է գրել ապրանքի տեղափոխման հաշիվ։ Առհասարակ, ե՞րբ է գրվում ապրանքի տեղափոխման հաշիվը։

Անի․

Հարգելի հաշվապահներ, հնարավո՞ր է արդյոք մոռացված հաշիվ վավերագիրն դուրս գրել հետին ամսաթվով նախորդ ամսվա համար, նախքան հաշվետվություններն հանձնելն: Սա խնդիր չի՞ առաջացնի:

Գայանե․

Բարև Ձեզ, խնդրում եմ օգնեք, քանի որ առաջին անգամ եմ արտահանում կատարում: Արտահանում ենք մեր արտադրանքը ԱՄՆ: Պե՞տք է գրեմ հաշիվ վավերագիր, եթե այո, ինչպե՞ս եմ լրացնում, նշել եմ ՀՎՀՀ պարտադիր չէ, բայց առաքման հասցե է ուզում, ինչպե՞ս անեմ։

Մարգարիտա․

Բարև ձեզ: Կազմակերպությունն իրականացնելու է ավտոմեքենաների տեխզննության գործունեություն, որի գումարները վճարվելու են վճարահաշվարկային տերմինալի ԹԵԼԼ-ՍԵԼ-ի միջոցով: Հարկային հաշվետվություն տալու նպատակով յուրաքանչյուր գործարքի համար արդյո՞ք դուրս է գրվելու հաշվարկային փաստաթուղթ։ Իսկ եթե ոչ, ապա ինչի՞ հիման վրա է հաշվետվությունում գրվելու շրջանառությունը: Կազմակերպությունը շրջանառության հարկ վճարող է:

Մայա․

Բարև Ձեզ։ Շրջհարկով աշխատող Ա/Ձ-ն գնման ընթացակարգի արդյունքում՝ համաձայն պայմանագրի, բոլոր աշխատանքային օրերի համար իրականացնում է մթերքի առաքում թվով 10 դպրոցների։ Ամեն օր մինչև առաքումը, յուրաքանչյուր դպրոցի համար դուրս է գրվում e-invoicing ծրագրով էլեկտրոնային հաշիվ վավերագիր։ Ամեն օր առաքվող մթերքը ուղեկցվում է նաև երկկողմանի ստորագրվող՝ ըստ պայմանագրի պահանջվող թղթային տարբերակով հանձնման – ընդունման ակտով։ Այսինքն ստացվում է ամսվա կտրվածքով՝ միջին հաշվարկով, դուրս է գրվում 210-230 էլեկտրոնալին հաշիվ և նույնքան էլ թղթային հանձնման-ընդունման ակտ։

Հարգելի հաշվապահներ, Ձեր խորհրդատվության կարիքն եմ զգում այս հարցում։ Հնարավո՞ր է արդյոք ամեն օրվա առաքմանն ուղեկցող փաստաուղթ բավարարվել միայն թղթային հանձնման-ընդունման ակտով՝ դուրս չգրելով հաշիվ վավերագիր կամ տեղափոխման այլ էլեկտրոնային փաստաթուղթ։ ՀՏ-ի օրենքների խախտում չի՞ դիտվի արդյոք միայն ամսվա վերջում կամ հաջորդ ամսվա սկզբին՝ յուրաքանչյուր դպրոցի համար (հիմք ընդունելով այդ թղթային հանձնման-ընդունման ակտերի հանրագումարը) e-invoicing ծրագրով դուրս գրվի ընդամենը մեկ հատ էլեկտրոնային հաշիվ վավերագիր՝ ամբողջ ամսվա համար։ Եթե փաստացի ունեք այսպիսի իրավիճակ՝ խնդրում եմ արձագանքեք, կիսվեք Ձեր փորձով։ Հատկապես, եթե անցել եք ՀՏ-ի կողմից ստուգում այս պարագայում։

Կանխավ շնորհակալ եմ բոլոր արձագանքների և խորհուրդների համար։

Կարեն․

Բարև Ձեզ։ Ավտոմեքենայի առուվաճառքով զբաղվող ԱՁ-ն ՀՀ տարածքում ավտոմեքենա է վաճառել։ Առուվաճառքի պայմանագրում սխալամաբ գինը նշվել է ինքնարժեքից ցածր։ Ինչպե՞ս կարող եմ դա շտկել, եթե ինվոյսը փոխեմ, գինը ավելացնեմ, իսկ պայմագիրը մնա նույնը, խնդիր կլինի՞։

Սոֆյա․

Բարև Ձեզ: Հարգելի հաշվապահներ, ծառայության մատուցման համար (օտար լեզվի դասընթաց) բավարար կլինի՞ միայն հաշիվ գրել, թե՞ պայմանագիրը պարտադիր է:

Անահիտ․

Բարև ձեզ։ Շրջհարկով աշխատող ԱՁ եմ։ Գործունեության վերսկսումը տվել եմ օգոստոսի 1-ով (մայիսին էի դադարեցրել)։ Հուլիս ամսվա համար ծառայության հաշիվ պիտի դուրսգրեմ։ Ի՞նչ հետևանքներ կունենա:

Վահագն․

Բարև Ձեզ։ Միկրոյի դաշտում աշխատող ԱՁ-ն ավտոտեխսպասարկման կետում ծառայություն է մատուցում և ապրանք է վաճառում։ Հասցեն Երևանից դուրս է: Ճի՞շտ եմ հասկանում, որ եթե ցանկանում եմ շարունակել աշխատել միկրոյի դաշտում, ես կարող եմ հաշիվ վավերագիր դուրս գրել միայն ծառայությունների մատուցման համար, իսկ ապրանքի վաճառքի համար վավերագիր չեմ կարող դուրս գրել։

Մարիա․

Բարև ձեզ։ Կասե՞ք խնդրում եմ՝ վայլդբերիսով վաճառք անելուց հաշիվ հաշիվ ինչպե՞ս պետք է գրեմ գնորդին, եթե օրինակ ինչ որ մեկը ապրանք է պատվիրել այլ երկրից։ Նշեմ, որ ԱՁ-ն շրջ. հարկով է գործում։

Մանե․

Ի՞նչ հիմնավորմամբ ապահովագրական ընկերությունները Բ կարգի հաշիվ դուրս չեն գրում։ Որևէ օրենսդրական կարգավորում չեմ հանդիպել։

Նառա․

Կազմակերպությունը աշխատում է շրջանառության հարկով և կատարում է շինաշխատանքներ։ Մատուցել է ծառայություն ֆիզ անձի համար, ֆիզ անձը կատարել է փոխանցում կազմակերպության հաշվին։ Ինչպե՞ս պետք է դուրս գրվի հաշիվ վավերագիրը ծառայության մատուցման գծով, որպեսզի հնարավոր լինի նաև ներկայացնել համապատասխան շրջհարկի հաշվետվությունը։

Անի․

Բարև Ձեզ։ ԱՁ-ն արտասահմանյան ընկերության համար ուսուցողական հոդվածներ է գրել, պետք է դուրս գրի հաշիվ վավերագիր: Վճարումն առանձին յուրաքանչյուր հոդվածի համար է` կախված հոդվածի երկարությունից և մի շարք հանգամանքներից, այսինքն գումարներն տարբեր են:

Այս դեպքում հաշիվ վավերագրում ճի՞շտ է գրել չափման միավորն ՀԱՏ, տևողությունն ու ընդհանուր գումարը, որը պետք է փոխանցվի: Գումարն նշվում է առա՞նց միջազգային փոխանցման պահումների:

Եվս մեկ հարց: Ծառայության մատուցումն սկսվել է անցած տարի, սակայն գումարը նոր է փոխանցվում որոշակի շեմն անցնելուց հետո: Այս դեպքում տևողությունն նշելուց խնդիր չի՞ լինի:

Կարինե․

Կազմակերպությունը ապրանք է արտահանել ԵՏՄ, արդյո՞ք բացի հայտարարագրից պետք է դուրս գրի հաշիվ վավերագիր, և ԱԱՀ-ի հաշվետվության մեջ ցույց տրվու՞մ է։

Լիանա․

Շրջանառության հարկով աշխատող կազմակերպությունը ներմուծել է էլեկտրական մեքենա, որի համար վճարել է միայն մաքսատուրք։ Ցանկանում է անցնել հարկման ընդհանուր համակարգի։ Ընդհանուր համակարգի անցնելուց հետո վաճառելու է մեքենան։ Այս դեպքում հաշիվ վավերագիր պետք է դուրս գրել, թե՞ հարկային հաշիվ։

Արթուր․

Բարև ձեզ։ Խնդրում եմ օգնել հետևյալ հարցով․ ԱՁ-ն բացվել է, սակայն ճիշտ ժամանակին չի ներկայացվել հարկման դաշտ ընտրելու հայտարարություն, և ավտոմատ անցել է ԱԱՀ-ի դաշտ, դրանից հետո մատուցել են ծառայություն և դուրս են գրել հաշվարկային փաստաթուղթ, ոչ թե հարկային հաշիվ, հիմա ԱԱՀ-ի հաշվարկում պետք է 20% հարկվի՞։

Տաթևիկ․

Բարև Ձեզ։ Ապրիլ ամսին ապրանք ենք մատակարարել, հիմա ցանկանում ենք գինը նվազեցնել, որ խանութը զեղչի գնապիտակով վաճառի։ Ինչպե՞ս վարվենք, ճշգրտող հաշվով զեղչ կիրառել կարելի՞ է։

Քրիստինե․

ԱՁ-ն ծառայություններ է մատուցել արտասահմանյան կազմակերպության, վճարումը ստացել արտարժույթով: Հարց – հաշիվ վավերագիր դուրս գրելիս, եթե ծառայությունը մատուցվել է ամսի 10-ին, իսկ հաշիվը դուրս գրվել 14-ին, կուրսը հաշվում ենք ամսի 10-ի դրությամբ, թե՞ 14-ի։ Շնորհակալ եմ:

Արեն.

Բարև ձեզ, հարգելի հաշվապահներ: ՀՀ ռեզիդենտ կազմակերպությունը Ղազախստանի Հանրապետության ռեզիդենտ կազմակերպությունից ձեռք է բերել ծրագրի օգտագործման իրավունք: Ղազախստանի Հանրապետության կազմակերպությունից ստացել են ռեզիդենտությունը հավաստող տեղեկանք: Այդ տեղեկանքը բավարա՞ր է արդյոք ոչ ռեզիդենտի շահութահարկից ազատվելու համար։ Նաև հավելյալ հարց, եթե ծրագրի օգտագործման իրավունքը տրամադրվել է 8 ամիս ժամկետով, ոչ ռեզիդնետի ԱԱՀ-ի մասով մատակարարի անունից հաշիվ դուրս գրել և ԱԱՀ վճարել, կարո՞ղ ենք 8 ամսյա ժամկետը, երբ ավարտվի այդ ժամանակ կատարել։

Շուշան․

Բարև Ձեզ։ Եթե շրջհարկով աշխատող ԱՁ-ն էլեկտրոնային ծառայությունների դիմած վճարում է ստանում բանկային հաշվին (բանկային-քարատային փոխանցումներով, տելսել կամ այլ տերինալով), ապա հաշվարկային փաստաթուղթ դուրս գրելը պարտադի՞ր է։

Ճի՞շտ եմ հասկանում, որ Հարկային օրենսգրքի 56 հոդվածի 2-րդ մասով ասվում է, որ բնակչությանը մատուցվող ծառայության համար պարտադիր չէ, եթե ծառայություն ստացողը չի պահանջում։ Իսկ եթե պարտադիր է, ապա փաստորեն ծառայություն ստացողը պիտի տրամադրի իր անձնագրային, բանկային տվյալները և հասցեն։

Տաթևիկ․

Հարգելի գործընկերներ, արտադրում ենք գինի և ցանկանում ենք, որ խանութում ապրանքի վրա զեղչ կիրառվի։ Հաշվի մեջ զեղչ կիրառելը բավարա՞ր է։

Հռիփսիմե․

Բարև ձեզ։ Հարգելի հաշվապահներ, հարցս կայանում է նրանում, թե արդյո՞ք հաշիվը չեղյալ համարելը ունի քանակական սահմանափակում կամ ժամկետը նշանակություն ունի, թե երբ է գրվել։

Լիլիթ․

Բարի օր, հարգելի հաշվապահներ։ ԱԱՀ վճարող ՍՊԸ-ն մերմուծում է էլեկտրոմոբիլներ, վաճառքի նպատակով, վաճառելու է ֆիզ․ անձի։ Քանի որ էլեկտրոմոբիլները ազատված են ԱԱՀ-ից, այժմ պետք է հաշիվ վավերագիր դուրս գրել։ Հարցս․ ֆիզ անձը փոխանցում է մեքենայի գումարը, տեղափոխման գումարը և ընկերության շահույթը։ Հաշիվ վավերագրում դուրս է գրվում ամբողջը, թե՞ միայն էլեկտրոմոբիլի գումարը։ Շնորհակալություն։

Գտնել բեռնափոխադրող ընկերություն

Ալլա․

Բարև Ձեզ, հարցս հետևյալն է․ ԱԱՀ-ով աշխատող կազմակերպությունը իրեն սեփականության իրավունքով պատկանող տարածքը տվել վարձակալության: Այդ տարածքի հոսանքի ու ջրի հարկային հաշիվները գրվում են վարձատուին, և վարձատուն ամեն ամիս կոմունալ ծախսերի փոխհատուցման նպատակով հարկային հաշիվ է դուրս գրում վարձակալին: Այս տարվանից համատիրությունից վարձատուն այդ տարածքի համար սկսել է առանց ԱԱՀ-ի հաշիվ ստանալ, և հարց է առաջացել՝ այդ առանց ԱԱՀ հաշիվը վարձատուն ինչպե՞ս պետք է դուրս գրի վարձակալից այդ գումարը հետ ստանալու համար: Պայմանագրով ֆիքսված է, որ բոլոր տեսակի վճարները՝ հոսանք, ջուր, աղբ, համատիրություն, վճարում է վարձակալը , բայց ԱԱՀ-ով աշխատող կազմակերպությունը կարո՞ղ է առանց ԱԱՀ հաշիվ դուրս գրել։

Բարև Ձեզ։ Ես շրջհարկով աշխատող ԱՁ ունեմ, իրականացնում եմ դիզայներական պատվերներ։ Արտասահմանյան ընկերության հետ աշխատելիս կարո՞ղ եմ իրենց նույն ձևով հաշիվ դուրս գրել, թե՞ այլ կարգ է պահանջվում։ Եվ արդյո՞ք արտասահմանյան ընկերություններին մատուցված ծառայությունները նույնպես 5% հարկվում են։
Կանխավ շնորհակալ եմ։

Կարեն․

Բարև Ձեզ։ ԱԱՀ-ով աշխատող ԱՁ-ն ֆիզ անձին 200 000 ՀՀ դրամի ապրանք է վաճառել՝ դուրս գրելով հարկային հաշիվ։ Քանի որ դիմացի կողմը ֆիզ անձ է, կարո՞ղ է մինչև 300 000 ՀՀ դրամի կանխիկ չափով վճարում կատարի։ Հարկային հաշիվ գրելու դեպքում արդյո՞ք պարտադիր է անկանխիկ վճարում կատարի։

Տաթև․

Բարև Ձեզ, սիրելի հաշվապահներ 🙃 ԱՁ-ն շրջհարկով է գործում, կայքով թվային ապրանքներ պետք է վաճառվեն, փոխանցումները իդրամով, ինչպես նաև բանկային քարտերով կայքում կլինի: Խնդրում եմ օգնել հասկանալ.

1. ՀԴՄ կտրոնի գեներացումը բավարա՞ր է, թե՞ նաև հաշիվ վավերագիր պետք է դուրս գրել

2. Եթե գնորդը ՀՀ-ից դուրս է, այլ հարկեր առաջանու՞մ են

3. Վճարման համակարգից պահումները ինչ որ ձևով ծախս հնարավո՞ր է ձևակերպել, եթե արտադրություն է (ապրանքները մշակվում են ԱՁ-ի կողմից / չեն գնվում )։

Շնորհակալ եմ:

Գոհար․

Հարգելի հաշվապահներ, խնդրում եմ օգնեք հասկանալ։ ԱՁ-ն, ով ունի հյուրատուն և գործում է միկրոյով, կարո՞ղ է արդյոք հաշվարկային հաշիվներն ֆիզ անձանց դուրս գրի ծառայությունից օգտվելուց որոշ ժամանակ հետո, օրինակ՝ մարտ ամսով ծառայությունների հաշիվն դուրս գրեմ մարտի վերջում։

Սաթեն․

Հարգելի հաշվապահներ, հաշիվ վավերագրի (ծառայություն) դուրս գրման ամսաթիվը 29.12.22, իսկ մատակարարման ամսաթիվը 01.01.23։ Հաշիվը ո՞ր տարում ծախսագրեմ (աշխատում ենք ԱԱՀ-ով):

Մելիք․

Բարև Ձեզ, սիրելի հաշվապահներ։ Մոռացել եմ շրջանառության հարկ վճարող համարվելու դիմումը ուղարկել, և Ա/Ձ-ն հայտնվել է ԱԱՀ դաշտում։ Հունվարին դուրս եմ գրել հաշիվ վավերագիր՝ համարելով շրջանառության հարկով հարկվող, ինչպես նաև ՀԴՄ կտրոններում չեմ առանձնացրել 16,67% ԱԱՀ-ն և ԱԱՀ-ից ազատված գործարքները։ Տվյալ պարագայում ինչպե՞ս վարվել և ինչպե՞ս լրացնել ԱԱՀ հաշվարկը։

Էլինա․

Բարև Ձեզ։
Ունեմ ԱՁ՝ տուրիստական գործակալություն։ Ես տուրօպերատորից փաթեթը վերցնում եմ ու վերավաճառում եմ հաճախորդին` արժեքի վրա ավելացնելով իմ միջնորդավճարը։ Հաճախորդը վճարում է ինձ, ես այդ գումարից հաշվանցում եմ ինձ հասանելիք մասը ու օպերատորին փոխանցում փաթեթի արժեքը (նետտո)։ Կասե՞ք խնդրում եմ՝ ես փաստաթղթային ի՞նչ պետք է անեմ (ինվոյս), ի՞նչ հաշիվ պետք է դուրս գրեմ։ Միկրո եմ։ Բայց եթե հաշիվ գրեմ հաճախորդին, ընդամենը մի 2 ամսում միկրոյից կթռնեմ ու գրեթե իմ միջնորդավճարի չափով պետք է հարկ վճարեմ։ Նախապես շնորհակալություն։

Անի․

Բարև Ձեզ, հարգելիներս։ Խնդրում եմ օգնել Wildberries-ում վաճառողի հաշվառման հարցերում։ ԱՁ–ն դեռ չի բացվել, պլանավորում է իրականացնել օնլայն վաճառք Wildberries–ում։

1) Այս դեպքում վաճառողը ԱԱՀ, թե՞ շրջհարկի հայտ պիտի տա (կարո՞ղ եք օրենսգրքից հղում տալ):

2) Ամեն վաճառքից հետո e-invoicing-ով մատակարարի անունից պիտի՞ հաշիվ գրենք ֆիզ անձի անունով

3) Եթե վաճառքները (օնլայն գնորդները) նաև ՌԴ–ում են լիելու, ապա դա դիտարկվելու՞ է որպես արտահանում

4) Իսկ ինչու՞ պետք է հաշիվ գրենք Wildberries–ին (ինչպես նշված էր բազմաթիվ մեկանաբանությունում)։

5) Wildberries-ից առանձին թղթային հաշիվներ ստանալու դեպքում պե՞տք է գրվի ինքնահաշիվներ

Այս հարցում փորձառու ընկերներ Խնդրում եմ օգնեք։

Աննա․

Ողջույն, հարգելի հաշվապահներ։ Ա/Ձ-ն աշխատում է ընդհանուր հարկման դաշտում, ծառայություններն արտահանում է (0-ական ԱԱՀ) և պետք է դուրս գրի հաշիվ վավերագիր: Եթե ճիշտ եմ հասկանում՝ հաշիվ վավերագիրն դուրս է գրվում ծառայության մատուցումն ավարտելուց, իսկ հարկերն պետք է հաշվել վավերագիրն դուրս գրելու ԿԲ օրվա փոխարժեքով:

Հարցերս հետևյալն են․

1) Կարելի՞ է հաշիվ վավերագիր դուրս գրել նախորդ ամիսների ծառայությունների համար, եթե վարձատրությունն խմբավորված են փոխանցելու

2) Պե՞տք է մանրամասնել հենց որ ամիսների աշխատանքի համար է, թե՞ բավար է պարզապես նշել ծառայության տեսակն ու գումարի չափն

3) ԱԱՀ հաշվետվությունը ներկայացնելուց փաստաթուղթն դուրս է գրելու՞ օրն է էական, թե՞ գումարն հաշվին նստելու: Օրինակ, եթե հաշիվ վավերագիրն դուրս գրվի ամսվա վերջում, սակայն գումարն հաշվին նստի հաջորդ ամիս:

Մարիամ․

Բարի երեկո, հարգելի հաշվապահներ։ Հարցս հետևյալն է` նորաբաց ուսումնական կենտրոնը պիտի աշխատի միկրոյի դաշտում, ծառայությունների դիմաց վճարը ինչպե՞ս պիտի վերցնի, ինչպե՞ս է ճիշտ պայմանագիր կնքի ծնողի հետ, ըստ դրա ծնողը վճարի բանկում ԱՁ հաշվեհամարին, թե՞ հաշիվ-ապրանքագիր պիտի դուրս գրի, և արդյո՞ք այս բնագավառի համար հաշիվ-ապրանքագիր դուրս է գրվում, թե՞ ոչ։ Ո՞րն է ճիշտ, օգնեք անփորձիս։ Շնորհակալ կլինեմ պատասխանելու համար։

Նորայր․

Բարև Ձեզ։ ՀՕ հոդված 16-ի համաձայն՝ եթե ծառայություններ ենք մատուցում ոչ ՀՀ քաղաքացու / ընկերությանը ԱՐՏԱՐԺՈՒՅԹՈՎ, ապա հաշվարկային փաստաթղթում գրում ենք դրամով` հաշվելով տվյալ օրվա ԿԲ փոխարժեքը։ Հարցս հետևյալն է` կարո՞ղ ենք հաշվարկային փաստաթղթի փոխարեն ՀԴՄ կտրոն տրամադրել։ Խնդրում եմ նշեք նաև համապատասխան օրենսդրական կարգավորումը։

Արմին․

Ողջույն։ Եթե հաշիվ դուրս գրելուց սխալ է նշվել մատակարարման ամսաթիվը, ո՞ր կետը պետք է նշել հաշիվը չեղյալ անելու ժամանակ։ Եվ արդյո՞ք դա խնդիր կարող է առաջացնել հետագայում։

Գոհար․

Հարգելի հաշվապահներ, եթե ոչ ռեզիդենտին (ՌԴ) հաշվարկային հաշիվ ենք գրում, պիտի ռուսերե՞ն գրենք, թե՞ հայերեն։