Tag: կես դրույք

Կարինե․

Բարև Ձեզ: Խնդրում եմ օգնել ճիշտ հաշվարկել պարապուրդի վճարը: Աշխատակցի դրույքը 0,5 է։ Համաձայն ԱՕ 186 հոդվածի հաշվարկել եմ միջին ժամային աշխատավարձը ՝ 616 դրամ, 616*2/3= 411 դրամ, սակայն 186 հոդվածի 1-ին մասով ասվում է, որ ոչ պակաս, քան նվազագույն ժամային դրույքաչափը, որը կրճատ տևողությամբ աշխատաժամանակի (մինչև 24 ժամ) դեպքում սահմանված է 750 դրամ, առանց հարկերի: Արդյո՞ք պարապուրդի հաշվարկի համար պետք է հիմք ընդունեմ 750 դրամը, թե՞ հաշվարկելու եմ 411 դրամով: Կանխավ շնորհակալություն։

Լևոն․

Բարև Ձեզ, հարգելի մասնագետներ: Հիմնականում՝ 90% դեպքում աշխատում ենք պատվերով, իսկ մնացած ժամանակ աշխատանքի չենք հաճախում (ընդամենը երկու հոգով ենք և գործ լինելուց` հեռախոսով պայմանավորվում ենք աշխատանքի գնալու մասին): Ստացվում է, որ շաբաթվա կամ ամսվա ընթացքում կարող ենք գործի գնալ մի քանի օր միայն և գնացած օրերին էլ աշխատում ենք 3-4 ժամ և հազվադեպ առավելագույնը՝ 5-6 ժամ, կախված պատվերի քանակից և կատարման ժամկետից: Տարվա ընթացքում կարող ենք նաև 1-2 ամսով մի քանի անգամ չաշխատել:

Այս դեպքում ինչպե՞ս լրացնեմ աշխատանքային պայմանագիրը և առավել ևս կետ-79. Գրանցման հայտը, որը այսպիսի անորոշ աշխատանքային ռեժիմ արտացոլելու հնարավորություն չի տալիս այլ 4.1.7 կետը ոչ լրիվ աշխատաժամանակի դեպքում շաբաթական կոնկրետ տևողություն է պահանջում: Արդյոք ինչ որ ձև կա՞ արտացոլելու իրական վիճակը:

Հարգանքներով Լևոն։

Էմմա․

Բարև Ձեզ։

Մի էսպիսի հարց, հարգելի խմբակիցներ ջան․

Աշխատողը նույն կազմակեպությունում 1 դրույքով աշխատում է, բայց ներքին համատեղությամբ նաև 0,5 դրույքով այլ աշխատանք է կատարում և հաստիք զբաղեցնում՝ տարբեր աշխատանքային պայմանագրերով:

Ինչպե՞ս պետք է լրացնել աշխատաժամանակի հաշվարկման տեղեկագրիրը՝ միայն 8 ժամ, թե՞ նաև 4 ժամ, միասին՝ 12:

Կանխավ շնորհակալություն:

Հասմիկ․

Բարև Ձեզ, հարգելի հաշվապահներ, խնդրում եմ օգնել մի հարցում: Գործատուն ցանկանում է աշխատակցի հետ կնքել նոր համաձայնագիր, որով աշխատաողը պետք է անցնի կես դրույք աշխատանքի։ Ծանուցումը եղել է գործատուի կողմից 3 օր առաջ։ Եթե աշխատողը հրաժարվում է ստորագրել այդ համաձայնագիրը, գործատուն ինչպե՞ս պետք է լուծի գործող պայմանագիրը։ Ի՞նչ հետևանքներ կունենա դա։ Նախապես շնորհակալություն։

Հասմիկ․

Բարև Ձեզ, կարո՞ղ եք ինձ օգնել հասկանալ՝ եթե աշխատում եմ մեկ լրիվ դրույք առողջության կենտրոնում, կարո՞ղ եմ կես դրույքով էլ աշխատել դպրոցում։ Կանխավ շնորհակալ եմ։

Արտյոմ․

Հարգելի հաշվապահներ, կես դրույքով գրանցված աշխատատողի մոտ աշխատանքային ստաժ համարվու՞մ է, թե ոչ: Շնորհակալություն։

Նարինե․

Կես դրույքով աշխատողին արդյո՞ք պարտադիր է արձակուրդ տրամադրել։

Լուսինե․

Բարև ձեզ, խնդրում եմ պատասխանեք հետևյալ հարցիս․ աշխատակիցն ամեն ամիս աշխատում է 96 ժամ, աշխատավարձը ֆիքսված 90 000 դրամ է: Սա նորմա՞լ է, թե՞ չի պահպանվում մինիմալ աշխատավարձի չափը։

Ռուզաննա․

Բարև Ձեզ: Կազմակերպությունը ունի բանվորի 0,5 հաստիք զբաղեցնող աշխատակից։ Կարո՞ղ ենք նրա վրա դնել նույն կազմակերպությունում պահնորդի ծառայությունների մատուցման պարտականությունները:

Լիլիթ․

Բարև Ձեզ, հարգելի հաշվապահներ։ Խնդրում եմ մի հարցում օգնել։ 20/04/2022թ.ից ընդունվել եմ աշխատանքի մանկապարտեզում, որպես հաշվապահ 0,5 դրույքով։ Համատեղությամբ աշխատում եմ նաև դպրոցում` ուսուցչի օգնական 1 դրույքով։ Կնքվել է աշխատանքային պայմանագիր։ Իսկ ես գիտեմ, որ ըստ այդ պայմանագրի իրավունք ունեմ աշխատելու 1,5 դրույք։ Հնարավո՞ր է, եթե այս տարի հաշվապահի հաստիքը ավելացնեն, պայմանագիրս փոխեմ քաղ. իրավական։ Խնդիր չի՞ առաջանա։ Եվ կասե՞ք կարգը։ Նախապես շնորհակալություն։

Գայանե․

Բարև Ձեզ, ես ունեմ էսպիսի մի հարց․ կարո՞ղ եք ինձ օգնել, եթե ես հաշվապահ եմ և լրիվ դրույքով գրանցված եմ կազմակերպությունում, այսինքն շաբաթական 40 ժամ, կարո՞ղ եմ նաև գրանցվել երկու այլ կազմակերպություններում կես-կես դրույքով։

Գոհար. Բարև ձեզ, հարգելի հաշվապահներ։ Եթե աշխատողի աշխատաժամանակը լրիվ դրույքից դարձնենք կես, ինչպե՞ս կատարեմ այդ փոփոխությունը։

Բարև ձեզ։ Պայմանագրով աշխատում եմ կես օրով՝ 4 ժամ տևողությամբ։ Ամբոջ դրույքի համար աշխատավարձը սահմանված է 120 000դր, իմ դեպքում կլինի 60 000 դր ու ինչքա՞ն պահումներ։ Շնորհակալ եմ նախապես։

Ալլա. Բարև ձեզ։ Կես դրույքով դպրոցում աշխատողը քանի՞ ժամ պետք է մնա դպրոցում (ուսուցչի օգնական)։ Աշխատավարձը 34 հազար դրամ է։

Անուշ. Բարև ձեզ։ Կասեք՝ 1 դրույքաչափի դեպքում, եթե կեղտոտ աշխատավարձը 107 000 դրամ է, իսկ մաքուրը` 81 000, ապա կես դրույքը ինչպե՞ս հաշվել, ինչքա՞ն կլինի, տվյալ դեպքում դրոշմանիշ պահվու՞մ է, թե՞ ոչ։ Մանրամասնեք և եթե օրենքի հղում կա։

Մարգարիտա․ Բարև Ձեզ: Ընկերությունը նորաստեղծ է, աշխատում է ԱԱՀ դաշտում: Կարո՞ղ է տնօրենը վարձատրվել կես դրույքով, որը պակաս կլինի մյուս աշխատակիցների աշխատավարձից: Կանխավ շնորհակալություն:

Ռուզաննա․ Բարև Ձեզ։ Խնդրում եմ պատրաստել՝ արդյո՞ք փոխտնօրենը կարող է աշխատել կես դրույքաչափով, օրը 4 ժամ, համատեղության կարգով։ Կանխավ շնորհակալ եմ։

Աննա. Բարև Ձեզ, հարգելի գործընկերներ: Կարո՞ղ եք ասել, եթե աշխատողի մեկ դրույքը 95 000 դրամ է (մինիմում դրույքից բարձր), բայց աաշխատում է կես դրույքով (47 500), այս դեպքում՝ դրոշմանիշի գումարը պետք է պահվի աշխատողից, թե՞ վճարելու է գործատուն:

Մարիամ. Վարձու աշխատողի նպաստը հաշվարկելու համար հիմք ընդունվող միջին ամսական աշխատավարձը կամ եկամուտը պակաս է նվազագույն ամսական աշխատավարձի հիսուն տոկոսից, ապա նպաստը հաշվարկվում է նվազագույն ամսական աշխատավարձի հիսուն տոկոսից: 0.5 դրույքի դեպքում էլ է՞ կիրառվում սա, թե՞ վերցնելու ենք 0.5 համամասնությամբ, այսինքն՝ կեսի կեսը:

Սոֆյա․ Նորաբաց ՍՊԸ-ն ունի հիմնադիր և տնօրեն, ով նույն անձն է: Գործունեության ոլորտը՝ արտադրություն, ձեռքի աշխատանք, փայտագործություն: Հարկի տեսակը՝ շրջանառության հարկ: Ասացեք խնդրեմ․ 1. Եթե տնօրենը և հիմնադիրը նույն անձն է, պե՞տք է գրանցել որպես աշխատող և վճարել եկամտային հարկ 2. Կարո՞ղ ենք տնօրենին և մեկ աշխատակցի գրանցել կես դրույքով (յուրաքանչյուրին) 3. Եթե նախատեսված է աշխատել փոխանցումներով, պարտադի՞ր է ունենալ ՀԴՄ սարք և դրամարկղային գիրք 4. Եթե ֆիզիկական անձի հետ ենք աշխատում, կարո՞ղ ենք հաշիվ գրել ֆիզիկական անձին, իսկ նա փոխանցումներն անի կազմակերպության հաշվեհամարին: 5. Ի՞նչ հարկեր ենք վճարելու Շնորհակալություն։

Ռուզաննա. Բարև Ձեզ։ Խնդրում եմ պատասխանել՝ նվազագույն աշխատավարձի ժամանակ կարո՞ղ ենք պայմանագրում նշել 0,5 դրույքաչափ՝ 45 000 դրամ, թե՞ պետք է նշվի ժամավճարային։ Կանխավ շնորհակալ եմ։

Արամ․ Բարեւ ձեզ: Խնդրում եմ նշեք որևէ իրավական ակտ, որտեղ նշված է վերջնահաշվարկի հաշվարկման կարգը և միջին ամսական աշխատավարձը ոչ լրիվ աշխատանքային ռեժիմով աշխատողների հաշվարկման կարգը: Եթե աշխատողը աշխատել է 3 ամիս ոչ լրիվ աշխատառեժիմով և ամեն ամիս ստացել 23 500 դրամ աշխատավարձ, ինչպե՞ս հաշվել և վճարել վերջնահաշվարկ։

Արմինե. Հարգելի՛ հաշվապահներ, բարև ձեզ։ Խնդրում եմ մի հարցով ինձ օգնեք։ Եթե աշխատողին 1 դրույքից տեղափախում ենք 0,5 դրույքի, կա՞ ինչ-որ ժամկետ, որ աշխատակիցը պետք է տեղեկացվի։

Մելինե. Բարև Ձեզ: Եթե աշխատակիցը գրանցված է 2 կազմակերպությունում և նորմալ տևողությամբ՝ դա պետք է փոխե՞լ և դնել ոչ նորմալ տևողություն՝ 2 աշխատավայրում էլ, թե՞ մի տեղում նորմալ, մյուս տեղում կես դրույքով:

Լուսինե. Բարև ձեզ: Ինձ կօգնե՞ք հաշվել կես դրույքով աշխատողի վերջնահաշվարկը, եթե ընդունվել է 01.02.21թ., ազատվել է 28.06.21թ.:

Մարինե. Բարև ձեզ, հարգելիներս: Հարցս հետևյալն է, խնդրում եմ, մեկնաբանեք: Արդյո՞ք արձակուրդային կամ/և վերջնահաշվարկ հաշվարկելու ժամանակ, երբ աշխատողը աշխատում է կես դրույքով, միջին աշխատավարձը ստացվում է գործող նվազագույն աշխատավարձից քիչ, պետք է վերցնել նվազագույնի չափը: Ուսուցիչների դեպքում էլ հաշվարկի ժամանակ, եթե ստացվի նվազագույնից քիչ, օրենքի այդ կետը հաշվի առնելով, միջինը վերցնենք նվազագու՞յնը: Նախապես շնորհակալ եմ:

Նունե.   Բարև ձեզ։ Ինձ հետևյալ հարցն է հետաքրքրում։ Ես դասախոս եմ՝ համալսարանում, նաև համալսարանում ունեմ ադմինիստրատիվ աշխատանք։ Երկուսն էլ հիմնական աշխատանք են։ Դասախոսի դեպքում զբաղվածությունս մեկ դրույք է, ադմինիստրատիվ աշխատանքի համար՝ կես դրույք։ Կարո՞ղ եք բացատրել ինձ՝ ի՞նչ սկզբունքով պետք է արձակուրդ տրամադրվի, որպեսզի 2 աշխատանքի համար հասանելիք առանձին արձակուրդները չկորցնեմ։ Շնորհակալություն:

Բարև Ձեզ: Պետք է անցնեմ նոր աշխատանքի՝ լրիվ դրույքով: Սակայն քովիդի հետ կապված դեռևս չեմ հասցրել լուծարել պայմանագիրս մյուս աշխատավայրերիս հետ: Այլ տեղեր աշխատում եմ մեկ և կես դրույքով, սակայն տեղեկացա, որ թույլատրվում է առավելագույնը 1.5 դրույք: Երկու աշխատավայրերում էլ ճկուն գրաֆիկ է, սակայն մեկ դրույքովի դեպքում պաշտոնապես ֆիքսված ժամեր կան: Երրորդ աշխատանքին անցնելու համար կամ պետք է հրաժարվեմ մեկ դրույքովից, կամ կեսից և մեկը կես դարձնեմ: Սակայն խնդիրն այն է, որ դեռ չեմ հասցրել լուծել այդ հարցը, պաշտոնապես ստացվում է՝ անցնում եմ երրորդ աշխատանքին և 2.5 դրույք է դառնում, ինչը օրենքի խախտում է և կարող է տուգանքի ենթարկել իմ նոր գործատուին (եթե ճիշտ եմ տեղեկացված): Իսկ նրա հետ պայմանագիրն արդեն կնքված է և ուժի մեջ է մտնում ամսի երեքին, հենց այդ օրն էլ պետք է լուծարեմ պայմանագրերս մյուս երկուսի հետ, կամ նրանցից մեկի, ինչպես ստացվի: Արդյո՞ք հարվածի տակ չեմ դնում իմ երրորդ գործատուին: Եթե ես նույն օրը լուծարեմ պայմանագիրս, դեռևս մի երկու օր երևի կտևի մինչև պաշտոնապես համարվի լուծված: Ստացվում է ինձ ընդունելով օրենքի խախտում են արել, արդյո՞ք այդ երկու երեք օրը խնդիր կառաջացնի: Եթե այո, ինչպե՞ս խուսափել դրանից, ի՞նչ լուծում կառաջարկեք: Նախապես շնորհակալ եմ:

Հեղինե. Բարև ձեզ: Խնդրում եմ կասեք, եթե աշխատակիցը կես դրույքով է աշխատում, ապա բարձրլեռնային վճարը 4 000 պետք է կազմի՞:

Կարո՞ղ եմ ատամնաբույժին կես դրույքով ընդունել, շաբաթական 22 ժամ է ներկայանալու, և վարձատրությունը նշեմ մինչև 2020թ. 40 000 համախառն, իսկ 2020 հունվարից՝ 50 000դ.:

Եթե աշխատողը աշխատում է կես դրույքով՝ կարո՞ղ եմ վարձատրություն գրել 50 000։ Ժամերն էլ տվյալ ամսվա աշխատանքային ժամերի կեսը։ Գրանցման հայտնում պե՞տք է հստակ նշվի ոչ լրիվ աշխատաժամանակը և շաբաթական ԱՇԽ օրերի քանակը, եթե գրանցման հայտում պարտադիր չէ։ Նշեմ, որ ներքին իրավական ակտում նշել եմ կես դրույք։

Անի. Բարև Ձեզ։ Խնդրում եմ՝ ինձ կասե՞ք, եթե ուսուցիչն ունի 14 ժամ և 0,5 դրույք ԴԱԿ է, քանի՞ ժամ պետք է մնա դպրոցում։

Արտյոմ. Բարև Ձեզ: Խնդրում եմ, ասեք՝ ինչպե՞ս է հաշվարկվում տնօրենի ժամանակավոր պաշտոնակատարի աշխատավարձը, արդյո՞ք նույն տնօրենի աշխատավարձն է: Տնօրենի ԺՊ է նշանակվել 0,5 դրույք ունեցող փոխտնօրենը:

Աննա․ Բարև Ձեզ։ Խնդրում եմ՝ կասե՞ք, կես դրույքի դեպքում, որքա՞ն գումար է պահվում աշխատակցից, ի՞նչ հարկեր է մուծում և որո՞նք է գործատուն վճարում։
Կանխավ շնորհակալություն :)

Արմինե. Բարև Ձեզ: Խնդրում եմ օգնեք կողմնորոշվել: Աշխատողն աշխատել է 2019թ-ից՝ 77 903 դր աշխձ.-ով, հոկտ. ամսից հղիության և ծննդ. արձակուրդում է եղել, այնուհետև դեկրետ՝ մայիսից անցել աշխատանքի՝ նոր կես դրույքով (46 309), սեպտեմբերին օգտվել արձակուրդից, հոկտ.-ից աշխատել։ Հարցս հետևյալն է. Արձակուրդային (20օր) հաշվարկելու համար միջին ամսականը ինչպե՞ս ստանալ՝ 46 309-ով հաշվել, թե՞ նվազագույն աշխձ-ով և պակասող ամիսները նախորդ 19թ-ից վերցնե՞լ: Արդյո՞ք նվազագույն աշխ.ից ցածր միջին ամսական ստանալու դեպքում կարող եմ վերցնել սահմանված նվազագույն աշխ.ձը։ Շնորհակալություն, կներեք մի քիչ խճճված ստացվեց:

Նարե. Բարև Ձեզ: Սեպտեմբեր ամսից աշխատում եմ Ա/Ձ-ում, դեկտեմբերին ընդունվել եմ դպրոցում աշխատանքի 0.5 միավորով և 2 աշխատանքը միասին համատեղել եմ։ Հուն. 14-ին ֆիզ. արձակուրդ եմ գնալու: Ուզում եմ իմանալ, եթե ֆիզ. արձակուրը ձևակերպվի Ա/Ձ-ից՝ հնարավո՞ր է դպրոցի աշխատանքից դուրս մնալ։

Լիաննա. Բարև ձեզ։ Կօգնե՞ք: Դպրոցի լաբորանտը ընդունվել է 01.09.2020թ. աշխատանքի 0.5 դրույքով, ամսական 46 309 աշխատավարձով, 14.01.2021թ. գնում է ֆիզ. արձակուրդ։ Ինչպե՞ս հաշվարկել ֆիզ. արձակուրդը:

Մելինե. Բարև Ձեզ: Վերջնահաշվարկ հաշվելիս, եթե միջին ամսական աշխատավարձը փոքր է նվազագույն աշխատավարձից, և աշխատողը աշխատում է կես դրույք աշխատաժամանակով, այդ դեպքում էլ ենք վերցնում նվազագույնը, թե՞ կեսը նվազագույնի:

Տիգրան. Բարև Ձեզ, կասեք՝ անչափահասին աշխատանքի ընդունելուց, ո՞րն է մինիմալ աշխատավարձի չափը, կես դրույք կամ այլ ավելի քիչ աշխատանքային ժամի դեպքում

Անի․ Բարև Ձեզ, եթե աշխատողն աշխատանքի է ընդունվել որպես օպերատոր և նրա պայմանագրի մեջ գրված է եղել, որ շաբաթական 5 օր է աշխատելու՝ օրական 8 ժամ: Հիմա այդ աշխատողն ընդուվել է դպրոցում, որպես ուսուցիչ, և աշխատելու է առավոտյան 9-ից մինչև 4-ը, հիմա նա առաջին աշխատանքի վայրում կես դրույք է դառնում: Ինչպե՞ս պետք է վարվել, այդ փոփոխությունը հրամանով է նշվելու, թե՞ աշխատանքային պայմանագրում է փոփոխություն կատարվելու։

Grigor. Բարև Ձեզ: Ինձ հետաքրքիր է` աշխատանքային պայմանագրում կարո՞ղ եմ դեղագործին կես դրույքով գրանցել, թե՞ ոչ:

Սուսաննա. Բարև ձեզ։ Խնդրում եմ օգնել․ եթե ՀՈԱԿ-ում նախատեսված է 1 դրույք տնտեսվար, սակայն աշխատակիցն ընդունվել է 0,5 դրույքով /նախատեսված է եղել ունենալ 2 աշխատակից/, և որոշ ժամանակ անց 0,5 դրույքը փոխվել է 1 դրույքի, ապա ի՞նչ հիմունքներով և ի՞նչ բովանդակությամբ հրաման պետք է ձևակերպվի։ Շնորհակալություն։

Բարև ձեզ, կարո՞ղ եմ արդյոք կես դրույքով աշխատողին նվազագույն աշխատավարձից ցածր աշխատավարձ տամ, օրինակ 50 000։

Գագ. Բարև ձեզ: Կասե՞ք՝ եթե աշխատողը կես դրույքով է աշխատում, նվազագույն աշխատավարձը լինում է 34 000 դրա՞մ։

Լիանա. Խնդրում եմ պատասխանել հետևյալ հարցին. եթե նշված հաստիքի համար լրիվ դրույքաչափով աշխատանքի դեպքում նախատեսված է 68 000 դրամ աշխատավարձ, արդյո՞ք կես դրույքի դեպքում կարող ենք վճարել 34 000 դրամ:

Մարիետտա. Եթե աշխատողը երկու տարբեր գործատուների մոտ է աշխատում, մի գործատուի մոտ՝ մեկ դրույք, մյուսի մոտ՝ կես դրույք, այս դեպքում ինչպե՞ս է հաշվարկվում մայրության նպաստը:

Արփինե․ Կես դրույքով աշխատանքի դեպքում պայմանագիրը պետք է կնքել աշխատաժամանակի գումարային հաշվարկով (հոդված 84, 1-ին մասի 13-րդ կետ), չէ՞, քանի որ եթե այս դեպքում նվազագույն ամսական աշխատավարձը չի բավարարում, ապա նվազագույն ժամանակային հաշվարկը գործի:

Աննա. Բարև ձեզ, հարգելի հաշվապահներ: Խնդրում եմ պատասխանել մի հարցի՝ եթե աշխատողը լրիվ դրույքով չի աշխատում, և մաքուր աշխատավարձը ցածր է 55 000 դրամից, այս դեպքում ո՞վ պետք է դրոշմանիշային վճարը վճարի՝ աշխատողը՞, թե՞ գործատուն: Նշեմ նաև, որ լրիվ դրույքով աշխատելու դեպքում նրա աշխատավարձը կլինի նվազագույնը: