Կարեն Գալստյան․

Իրավաբաններ ջան, հարցս կապված է հարկային օրենսգրքի նոր փոփոխությունների հետ, որով 2025 թվականի համար ֆիզ. անձինք ներկայացնելու են հայտարարագիր։ Ես 2025 թվականի ընթացքում, որ ամեն որ լիցքավորում կատարեմ իմ գումարը աջարաբեթ ու նույն գումարը նույն օրը կանխիկացնեմ, էդ ձև ողջ տարին։ Էս ամեն ինչի արդյունքում բոնուսներով շահում եմ ստանում ու ամեն ամիս կանխիկացնում մինչև ասենք 50 000 գումար։ Հայտարարագրի մեջ ի՞նչ եմ նշելու, ո՞նց եմ նշելու, արդյո՞ք հարկ տալու եմ էդ լիցքավորումների, կանխիկացումների ու շահումների մասով։ Կամ ինչ-որ խնդիր հնարավո՞ր է ունենամ։ Խնդրում եմ օգնեք՝ մանրամասն ծանոթանալով հարցերին ու լրիվ պատասխանեք։ Կանխավ՝ շատ շնորհակալ եմ։

Ռոզա․

Նորաստեղծ ԱՁ պատրաստվում է արտադրել հրուշակեղեն, և վաճառքը պետք է լինի կայքի միջոցով, առաքումը բացառապես Yandex – ի միջոցով: Կարո՞ղ է ԱՁ աշխատել միկրոյի դաշտում՝ գուրծունեությունը նշելով արտադրություն:

Արթուր․

Բարև Ձեզ, էսպիսի մի հարց․ եթե ֆիզ․ անձը ուզում է դառնալ իրավաբանական անձ և համագործակցել Wildberries – ի հետ, բայց ապրանքը գնել Չինաստանից և ուղարկել անմիջապես ՌԴ-ի ՎԲ: Ապրանքը Հայստան չմտնի: Աշխատում է շրջհարկի դաշտում։ Ո՞նց ձևակերպել գործողությունների ճիշտ հերթականությունը: Արդյո՞ք պետք է էլեկտրոնային ՀԴՄ ունենալ, թե՞ բավական է Վայլդբերիսի տրված ամսական դետալիզացիան, կամ բանկային մուտքերը։ Կանխավ շնորհակալ եմ:

Գուրգեն․

Բարև ձեզ։ Ցանկանում եմ բացել ԱՁ, մատուցելու եմ ՏՏ ծառայություններ արտերկրում գտնվող ֆիզանձանց և ընկերությունների համար: Դիմելու եմ ՏՏ հավաստագիր ստանալու համար, և հաստատվելու դեպքում կազատվեմ շահութահարկից, և քանի որ միայն արտերկրի համար եմ աշխատելու, ԱԱՀ-ն 0% կլինի:

Գործելու է կայք, որի միջոցով պատվիրելու են ծառայությունը և վճարելու են քարտով՝ ԱՄՆ դոլար արժույթով, որը նստելու է ԱՁ-ի դոլարային հաշվին և ավտոմատ փոխարկվի դրամի՝ բանկի տվյալ պահի փոխարժեքով և փոխանցվի դրամային հաշվին:

Մի քանի հարց ունեմ.

1. Ի՞նչ հաշվետվություններ և ի՞նչ պարբերականությամբ պետք է ներկայացնեմ ՊԵԿ
2. Արդյո՞ք պետք է հաշիվ դուրս գրեմ ամեն պատվերի համար: Եթե այո, ապա հաճախորդի ի՞նչ տվյալներ են հարկավոր դրա համար
3. Հաշվետվություններում ո՞ր փոխարժեքը պետք է հաշվի առնեմ՝ բանկի՞, թե՞ ԿԲ-ի
4. Կարո՞ղ եմ գումարը ստանալուց հետո միանգամից փոխանցել իմ անձնական հաշվին

Լիլիթ․

Wildberries – ի հաշվապահներ, խնդրում եմ օգնեք։ ԱՁ-ն, որն աշխատում է շրջհարկով, ունի Wildberries սրահ և ծառայությունը դեռ նոր է սկսել մատուցել։ Ուզում եմ հասկանալ՝ ի՞նչ ունենք անելու հարկային դաշտում, հաշվետվություն և հաշիվների դուրս գրման մասին է խոսքը, շաաաատ եմ խնդրում օգնեք։

1. Հաշվարկային փաստաթուղթ դու՞րս է գրելու Wildberries – ին և ի՞նչ հաճախականությամբ

2 Իսկ եկամուտների մասով ինչպե՞ս ցույց տանք

Մելինե․

Հարգելի հաշվապահներ, ՍՊԸ-ն օպտիկամանրաթելային ինտերնետ է մատակարարում: Յուրաքանչյուր ամիս ստանում է ֆիքսված չափի ինտերնետ կապ մայր պրովայդերից՝ Յուքոմից, որն էլ արդեն իր ցանցի միջոցով ցրում է բաժանորդներին: Կհուշե՞ք խնդրեմ՝ այդ ստացված ինտերնետի արժեքը մեր ՍՊԸ-ի համար ինչպիսի՞ ծախս է համարվում: Ինչպե՞ս ձևակերպել:

Էրիկ․

Բարև ձեզ, կխնդրեմ օգնեք։ ԱՁ ունեմ, կայք է ինֆորմատիվ, սերվերի վճար եմ կատարում գերմանական ընկերությունում ԱՁ քարտից։ Դրա համար ի՞նչ փաստաթուղթ է պետք ստեղծել, որպեսզի արտացոլվի կատարած ծախսերի մեջ հարկայինում։

Գայանե․

Բարև Ձեզ։ Ես հարց ունեմ Wildberries-ի հետ կապված։

Wildberries-ում վաճառք է կատարվում, պատվերները արվում են և՛ արտերկրից, և՛ ՀՀ-ից։ Ապրանքները տրվում են լոգիստիկ կազմակերպության, և այդ կազմակերպությունն էլ պատվերները հասցնում է պատվիրատուներին։ Հարցս հետևյալն է՝ դա ձևակերպվում է որպես վաճառք և պետք է հաշիվ գրել e-invoicing համակարգով, թե՞ արտահանում ձևակերպել։

Եվա․

Վայլդբերիզում վաճառք իրականացնող ԱՁ-ի հաշվառում վարող հաշվապահներ կա՞ն։ Կասե՞ք՝ արտահանող հենց ԱՁ-ն է համարվում։ Հայտարարագիր պե՞տք է ներկայացնի։

Վահե․

Բարև ձեզ, հարգելի հաշվապահներ։ Ես ուզում եմ բացել ԱՁ էլեկտրոնիկայի օնլայն վաճառքներ իրականացնելու համար։ Ընկերս ունի ՍՊԸ, որը օնլայն հարթակ է տրամադրում ավտոմատացված վաճառքների համար։ Իր կայքում կա POS տերմինալ, որով պետք է կատարվի վաճառքը։ Եթե իմ բիզնեսը միայն օնլայն հարթակում է, և ես ոչ մի տեսակ POS տերմինալ չունեմ, արդյո՞ք կարող եմ գործարկել բիզնեսը, թե՞ պարտադիր է POS-ի ձեռք բերումը։ Կանխավ շնորհակալ եմ։

Անի․

Բարև ձեզ։ Օրինակ, ես իմ տանը ինքնուրույն պատրաստում եմ մազակալներ, չունեմ աշխատողներ, և որոշել եմ դա սկսել վաճառել Wildberries կայքում, ունեմ բացվաձ ԱՁ, տարեկան շրջանառությունս չի անցնելու 24 մլն դրամը։ Ես կարո՞ղ եմ այդ ամենը կատարել միկրոձեռնարկատիրության համակարգով, թե՞ պետք է կատարեմ շրջհարկով։

Գրիգոր․

Բարև ձեզ։ Օգնեք հասկանալ սա․ եթե ՏՏ կազմակերպությունը օտարերկրյա կազմակերպությունից ձեռք է բերել օնլայն բազա, ավելի կոնկրետ օտարերկրյա կազմակերպությունը տրամադրել է բազմաֆունկցիոնալ օնլայն հարթակի օգտանուն գաղտնաբառ, կա պայմանագիր, որ տվյալ օնլայն հարթակում և ՀՀ ռեզիդենտ, և օտարերկրյա կազմակերպությունը միասին պետք է մշակեն ծրագրեր և հասցնեն վերջնական մակարդակի, այսինքն առանց օտարերկրյա կազմակերպության մուտքի և գործունեության ՀՀ ֆիրման չի կարող վերջնական պրոդուկտ ստանալ։ Այս գործունեությունը ի՞նչ տեսակի գործունեություն է։ Ի՞նչ հարկեր կարող են առաջանալ։ Պասի՞վ եկամուտ է, թե՞ ոչ։

Իրինա․

Բարև ձեզ։ Ես ուզում եմ զբաղվել օնլայն կահույքի վաճառքով (Ֆեյսբուք և Ինստագրամ)։ Ի՞նչ հարկատեսակով է հարկվելու այդ գործունեությունը։

Նունե․

Բարև ձեզ։ Ես միկրոբիզնես եմ, օնլայն կուրսեր եմ վաճառելու առցանց։ Կայքի համար օգտագործելու եմ հայկական համակարգ՝ ucraft կամ uteach։ Իրենք ուղիղ ինտեգրվում են մեր բանկերի հետ, բայց էլեկտրոնային ՀԴՄ չունեն ավտոմատիզացված։ Իմ տպավորությամբ, իրենցից օգտվողներն այդ էլեկտրոնային ՀԴՄ-ները չեն ուղարկում։ Հիմա կասե՞ք խնդրում եմ՝ դա պարտադիր պայման է։

Տաթև․

Բարև Ձեզ, սիրելի հաշվապահներ 🙃 ԱՁ-ն շրջհարկով է գործում, կայքով թվային ապրանքներ պետք է վաճառվեն, փոխանցումները իդրամով, ինչպես նաև բանկային քարտերով կայքում կլինի: Խնդրում եմ օգնել հասկանալ.

1. ՀԴՄ կտրոնի գեներացումը բավարա՞ր է, թե՞ նաև հաշիվ վավերագիր պետք է դուրս գրել

2. Եթե գնորդը ՀՀ-ից դուրս է, այլ հարկեր առաջանու՞մ են

3. Վճարման համակարգից պահումները ինչ որ ձևով ծախս հնարավո՞ր է ձևակերպել, եթե արտադրություն է (ապրանքները մշակվում են ԱՁ-ի կողմից / չեն գնվում )։

Շնորհակալ եմ:

Գոհար․

Բարև ձեզ։ Հարգելի հաշվապահներ, ինձ ո՞վ կասի օնլայն ծաղիկների վաճառքի դասակարգիչը։

Գոհար․

Բարև ձեզ, հարգելի հաշվապահներ, հարցս հետևյալն է ․ Ա/Ձ-ն աշխատում է շրջանառության հարկով ։ Ապրանքերը Ա/Ձ պատվերով արտադրվում են այլ հարկ վճարողի կողմից, որն ունի համապատասխան լիցենզիա տվյալ ապրանքների արտադրությունը ծավալելու ։ Պատվերի ավարտին Ա/Ձ ստացել է արտադրանքի , ապրանքի հաշիվ։

Հարց՝ տվյալ դեպքում իրականացվող գործունեությունը արտադրությու՞ն է, թե՞ առևտուր է համարվում, քանի որ իրակացնելու է օնլայն վաճառք ։ Նշեմ նաև, որ տվյալ ապրանքները ենթակա են դրոշմավորման, և պարտավորություն կրող հանդիսանում է Ա/Ձ-ն ։

Գոհար․

Բարև Ձեզ։ List.am-կայքով վաճառք կատարելու նպատակով գնորդը ինձ ուղարկում է հայ փոստի լինկ, որտեղ ամեն ինչ շատ պարզ գրված ու լրացրած էր, ինձ միայն մնում էր հաստատել քարտիս տվյալները, որպեսզի գումարը նստեր իմ հաշվին։ Քարտիս տվյալները լրացնելուց հետո սպասում եմ, որպեսզի հաստատվի ու բացում էլի լինկ,որով ես մտնեմ իմ օնլայն բանկինգ,ինձ էդ ընթացքում գալիս է 3 հատ կոդ ու չի հաստատում ոչ մի գործարք։ Ես գնորդին գրում եմ, որ չի հաստատվել Ձեր փոխանցումը, ինքը ինձ ասում է՝ Ձեզ կոդ պետք է գար, ուղարկեք ինձ, ես ուղարկեմ հայփոստ, թող կարգավորեն։ Ես կոդը ուղարկում եմ ու սպասում պատասխանի, էդ ընթացքում մտածում եմ՝ ստուգեմ օնլայն բանկինգս, հնարավոր է նստած լինի էս ընթացքում, ու տեսնում եմ, որ ինչքան գումար ունեի հաշիվներիս վրա, բոլորը զրոյացել է ու ցույց է տալիս, որ իմ հաշվի ուրիշ քարտապանի գումար ա փոխանցվել։ Գրում եմ գնորդին եղելիությունը, ինքը ինձ գրում է, թե ինչ որ վճարահաշվարկային համակարգում տեխնիկական խնդիր կա, պետք է քարտի վրա գումար լցնեք, որ ձեր գումարը հետ վերադարձնեն։ Ուշ, բայց հասկանում եմ, որ խարդախության զոհ դարձա։ Նույն րոպեին զանգում եմ ինձ սպասարկող բանկ, բլոկավորում ենք օնլայն բանկինգս, պատմում եմ կատարվածի մասին ինձ ասում են, որ չեղարկման դիմում կներկայացնեն բանկ։ Ես հաջորդ օրը մոտենում եմ բանկ, ու մինչև օրս ինձ ոչ մի հիմնավոր պատասխան չեն տալիս։ Կասե՞ք՝ ես ունեմ տարբերակ գումարս հետ բերելու։

Սվետլանա․

Բարև ձեզ։ Ուզում եմ գրանցվել որպես ԱՁ, զբաղվելու եմ օնլայն հարթակում ( Facebook, Instagram) հագուստի օնլայն վաճառքով, ներմուծում եմ ՌԴ-ից։ Կասե՞ք՝ ի՞նչ հարկեր պետք է վճարեմ։ Արդյո՞ք անհրաժեշտ է ՀԴՄ սարք, եթե անկանխիկ է վաճառքը։ Շնորհակալություն։

Սրբուհի․

Բարև Ձեզ։ ԱՁ-ն գրանցել ենք 06.12-ին ու տեղեկացվել, որ 20-օրյա ժամկետում պիտի հարկային նամակ ուղարկենք (հավանաբար հարկման ձևի վերաբերյալ), գործունեություն սկսելու ենք 2023-ի հունվարից։ Գործունեության տեսակն առցանց առքուվաճառք է, ի՞նչ հարկատեսակով ենք հարկվելու և ե՞րբ ուղարկել նամակը, որպեսզի գործունեությունը դեռ չսկսած չհարկվենք, այլ հարկվենք 2023-ից։ Նախապես անչափ շնորհակալություն։

Մերի․

Բարև Ձեզ, հարգելի հաշվապահներ։ Կազմակերպությունը զբաղվելու է ինտերնետ կապի վերավաճառքով (հանդիսանալու է ինտերնետ պրովայդեր), արդյո՞ք պետք է լիցենզիա ստանա, թե՞ հանդիսանալով վերավաճառող՝ կարող է չլիցենզավորվել, և ո՞ր հարկման համակարգում կարող է գործել , կա՞ն արդյոք այլ առանձնահատկություններ։ Կանխավ շնորհակալ եմ։

Աննա.

Հարգելի ընկերներ, շնորհակալ կլինեմ, եթե օգնեք։ Կազմակորպությունը զբաղվելու է ինտերնետ հաղորդակցության ծառայության մատուցմամբ։ Որպես ներդրում հիմնադիրներից ստացվել է օպտիկական մալուխ՝ 5 կմ, որի 1 կմ֊ի արժեքը մոտ 80 000 դրամ է, օպտիկայի բաժանարարների մեկ հատի արժեքը 1 մլն դրամ է և տարբեր այլ ցածր արժեքային սարքավորումներ, վայֆայ սարքեր, որոնց միջոցով պետք է ատեղծվի օպտիկամալուխային ցանց, որը մեր ՍՊԸ֊ի համար հանդիսանալու է հիմնական միջոց, օգտակար ծառայութբան ժամկետը մոտ 50 տարի։
Հիմա հարցս. ինչպե՞ս պետք է ձևակերպել այս ամենը, կրեդիտում հասկանում եմ 311, իսկ դեբե՞տը։ Ինչպե՞ս ձևակերպել ցանցի ստեղծում` որպես կազմակերպության ներսում ստեղծվո՞ղ ՀՄ, և այդ բարձր արժեքով սարքավորումները, որոնք իրենք էլ կարող են հանդիսանալ ՀՄ, ինչպե՞ս ներառել ընդհանուր ցանցի ստեղծման մեջ։ Շնորհակալ կլինեմ, եթե օգնեք։

Կարեն․

Բարև Ձեզ։ Տարբեր հայտնի բրենդերի վաճառքը լեգա՞լ է առանց բրենդերի ներկայացուցիչների համաձայնության։ Այսինքն՝ վերավաճառքը, քանզի շատերն են նման գործունեությամբ զբաղվում և անգամ գրանցված ԱՁ կամ ՍՊԸ-ներ են, և կա՞ արդյոք տարբերություն տվյալ գործունեությունը օնլայն և օֆլայն անելու միջև։ Շնորհակալություն:

Քրիստինա.

Ես պետք է զբաղվեմ հագուստի կամ զարդերի օնլայն վաճառքով (գնվելու են այլ երկրներից օնլայն և վաճառվեն Հայաստանում)։ Խնդրում եմ ասել՝ որպես անհատ ձեռնարկատեր գրանցվելու դեպքում ի՞նչ հարկեր պետք է վճարեմ։ Աշխատելու եմ միայն ես, այլ աշխատողներ գրանցված չեն լինելու։ Շնորհակալություն։

Նարեկ․

Բարև Ձեզ։
Ես պետք է զբաղվեմ հագուստի օնլայն վաճառքով (հագուստները գնվում են այլ երկրներից և վաճառվում Հայաստանում)։ Խնդրում եմ ասել՝ որպես անհատ ձեռնարկատեր գրանցվելու դեպքում ի՞նչ հարկեր պետք է վճարեմ։ Աշխատելու եմ միայն ես, այլ աշխատողներ գրանցված չեն լինելու։ Շնորհակալություն։

Ալինա․

Բարև ձեզ, հարգելի հաշվապահներ ջան: Իմ հիմնական աշխատանքից բացի զբազվում եմ նաև արտադրական գործունեությամբ, մասնավորապես ստեղծում և վաճառում եմ ձեռագործ զարդեր սոց․ հարթակներում (Facebook/Instagram): Հիմա մի ընկերության հետ համագործակցության համար (որն ինձ փոխանցումներ է անելու անկանխիկ) անհրաժեշտ է, որ ունենամ ՀՎՀՀ: Որոշել եմ գրանցել Ա/Ձ և դիմել միկրոյի համար: Հարցերս հետևյալն են.
1. Արդյո՞ք պարտադիր է ունենալ ՀԴՄ սարք
2. Արդյո՞ք տարեկան շրջանառությունը կարելի է ցույց տալ միայն հաշիվ ապրանքագրերով, և արդյո՞ք չի ստուգվի նաև սոց․ հարթակներում ներկայությունը

Արգենտինա․

Բարև ձեզ, պատրաստում եմ կոսմետիկ օճառ և շուգարինգ, կցանկանայի խանութներին էլ տալ, որ խնդրեմ՝ կմանրամասնե՞ք, թե ինչ պետք է բացել, ի՞նչ հարկեր կան սահմանված, նաև նշեմ, որ այս պահին վաճառքը իրականացնում եմ համացանցի միջոցով, մի բան էլ նշեմ, որ նպաստառու եմ, ուզում եմ բոլոր մանրամասներն իմանալ, նաև նպաստը կմնա՞, թե՞ կկտրվի։

Անի.

Բարև Ձեզ: Մի հարց ունեմ, եթե տվել ենք Ազդարարին տրվող հայտարարությունը, ստորագրված և ուղարկված է, սակայն մեր տրված հայտարարության ձևը հինն է եղել, և հիմա վարչական է եկել, ի՞նչ կարող ենք անել: Նախապես շնորհակալություն:

1960-ականների համակարգիչ

Ինտերնետի ստեղծումը բավականին երկար պատմություն ունի, քանի որ դրա հիմքերը դրվել են դեռ 1800 – ականներին։ 1832թ-ին ռուս գիտնական Պավել Շիլլինգը ստեղծեց առաջին էլեկտրամագնիսային հեռագրական սարքը, 1858-ին ստեղծվեց առաջին ատլանտյան մալուխը՝ աշխարհամասերի միջև կապ հաստատելու համար, իսկ 1876թ-ին Ալեքսանդր Բելլը պատենտավորեց առաջին հեռախոսը։

Աղբյուր՝ Novaweb.am

Կարդալ ավելին “Ինտերնետի և առաջին վեբ կայքի ստեղծման պատմությունը” →

Գագ.

Բարև ձեզ: Կասե՞ք՝ եթե ԱՁ եմ բացում և ֆրիլանսի Upwork բորսայի միջոցով պատվիրատուներ գտնում և ծրագրային ապահովում մշակում նրանց համար, ի՞նչ եկամուտ հիմնավորող փաստաթղթեր պետք է կազմեմ։

Upwork-ը ավտոմատ պատրաստում է ինվոյսներ, արդյո՞ք դա բավարար է, և արդյո՞ք դրանք պետք է ներկայացվեն հարկային մարմին:

Ինչպես նաև՝ ինչ-որ գումարի սահման կա՞, որ եթե ԱՁ-Ն աշխատում է շրջ. հարկով, ու շրջանառության չափը այդ գումարից քիչ է, նա կարողանա տարեկան 60 000 դրամ շահութահարկը չվճարել:

Հասմիկ.

Բարև ձեզ: Հարգելի հաշվապահներ, հարցը վերաբերում է օնլայն խանութին, որը ներկայացնելու է այլ խանութների ապրանքը իր կայքում և ծառայության մատուցման համար հաշիվ է գրելու, որպես միջնորդ ընկերություն:

1. Եթե այդ գործընկեր խանութներից որոշ ապրանքի քանակ ունենա օնլայն խանութի պահեստում և իրականացնի առաքում պահեստից, ՀԴՄ տպու՞մ է գործընկեր խանութը։ Այդտեղ խնդիրը կայանում է նրանում, որ եթե գործընկեր խանութը տպի ՀԴՄ, մեր պահեստից առաքելու դեպքում առաքիչը պիտի գնա տվյալ խանութը ՀԴՄ վերցնի, հետո տանի ապրանքը պատվիրատուին, ինչը խելամիտ տարբերակ չէ: Հնարավո՞ր է գործընկեր խանութը տպի ՀԴՄ պլանավորված տարբերակը, ուղարկի հաճախորդի էլ. հասցեին:

2. Եթե օնլայն խանութը տպի ՀԴՄ, ճիշտ չի լինի, քանի որ ձեռք չի բերում ապրանքը, և եկամուտներ կերևա հանրայինում, որոնք իրականում չեն ստացվում։

Խնդրում եմ, առաջարկեք՝ ինչպե՞ս այս գործընթացը կարելի է ճիշտ կազմակերպել:

Նինա․

Բարև Ձեզ:
1. Ինքնազբաղված անձը, ով օնլայն մարքեթինգային ծառայություններ է ցանկանում ապահովել Հայաստանում և դուրս, հարկ պե՞տք է վճարի, թե՞ ազատված է։
2. Անհատ Ձեռներեցը ի՞նչ հարկ է վճարում։
Պատասխանին զուգահեռ կխնդրեմ աղբյուրներ նշել, որտեղ ավելի մանրամասն կարող եմ ծանոթանալ։
Նախապես շնորհակալություն:

Գագիկ․

Բարև ձեզ: Կասե՞ք՝ ինտերնետային կայքերի ստեղծումը մտնու՞մ է գործունեության տեսակների մեջ, որոնք կարող են իրականացնել ֆիզ. անձինք և համարվել միկրոձեռնարկություն։ Թույլատրվող տեսակների մեջ 7-րդ կետում կա ծրագրային սպասարկում, արդյո՞ք դա մտնում է այդ կետի մեջ։

Ռոլանդ Զոհրաբյան.

Բարև ձեզ:

47.91.0 դասակարգիչով (ինտերնետով կամ փոստով ապրանքների մանրածախ առևտուր) գրանցված Ա/Ձ֊ն ի՞նչ հարկատեսակով է հարկվում։

Շնորհակալություն:

Նիք.

Բարև ձեզ:
Կարո՞ղ է ԱՁ-ն ինքը վարել իր հաշվապահական հաշվետվությունները։
Կարո՞ղ է թվային նկարիչը հիմնել միկրոբիզնես և աշխատել որպես ստեղծագործող։
Ուզում եմ աշխատել ֆրիլանս նկարիչ։ Բիզնեսը փոքր է լինելու։
Շնորհակալություն:

Արամ.

Բարև ձեզ։ Ես պատրաստում եմ 3D մոդելներ և արտասահմանյան կայքերում վաճառում եմ դրանք։ Կայքերում վաճառքից հետո ես ստանում եմ վաճառված գնի 50 %-ը, իսկ մնացածը կայքը պահում է անում որպես “Tax”: Կասե՞ք՝ ինչպե՞ս անեմ, որ իմ եկամուտը գրանցվի, և ի՞նչ հարկեր պետք է վճարեմ:

Արփի.

Բարև ձեզ: Մի քանի հարց ունեմ, շնորհակալ կլինեմ, եթե պարզաբանեք: Դեռ հարկային գրանցում չունեմ, բայց ուզում եմ որպես ֆիզիկական անձ գրանցվել հարկայինում:
1. Արտասահմանյան ընկերության համար Երևանում ֆրիլանս վարչական աշխատանքներ եմ սկսելու անել: Դասիչները կարդացի, դա, կարծես, ամենից շատ համապատասխանում է 82.11.0 Կազմակերպությունների վարչարարական գրասենյակների համալիր գործունեությանը: Ճի՞շտ եմ հասկացել: Այստեղ գրասենյակ չկա, ուղղակի օրական 1 ժամ օնլայն տարբեր տիպի վարչական աշխատանքներ եմ անում, այդքանը: Որպես ֆիզ. անձ կարո՞ղ եմ այս գործունեությունն անել ու հարկերից ազատվա՞ծ եմ լինելու: Ի՞նչ հարկեր եմ վճարելու:
2. Մի քանի դասընթաց եմ անցկացնելու (նեղ մասնագիտական չեն, ավելի շուտ ընդհանուր զարգացման, բայց ոչ ֆորմալ): Ամենամոտ դասիչը 85.59-ն է, բայց ենթադասը ոչ մի նշված կետին չի համապատասխանում: Կարո՞ղ եմ որպես ֆիզ. անձ այս գործունեությունն իրականացնել, ու դա ինչպե՞ս է հարկվում:

Մանե.

Աշխատում եմ արտասահմանյան կազմակերպությունում առցանց, աշխատավարձն ստանում եմ ՀՀ բանկային քարտով ամեն ամիս, արդյո՞ք որևէ հարկային պարտավորություն ունեմ մեր երկրում։

Արթուր․

Բարև ձեզ։
Ես անհատ ձեռներեց եմ, արտադրում եմ օբսիդիանից զարդեր և վաճառքն իրականացնելու եմ Amazon կայքում, ՀՀ-ում խանութ չունեմ, վաճառք չեմ իրականացնում: Կարո՞ղ եմ արդյոք միկրոձեռնարկատիրության դաշտում աշխատել և ի՞նչ հարկեր պետք է վճարեմ:

Արմինե.

Հարցս հետևյալն է՝ եթե անձը պատրաստվում է օնլայն ծառայություններ (ֆրիլանս, օր.՝ թարգմանություններ, տեքստեր գրել և այլն) մատուցել արտասահմանյան ընկերությանը, աշխատելու է տնից, բայց աշխատանքը կայուն բնույթ է կրելու, և աշխատողը աշխատաժամանակին համապատասխան ամեն ամիս որոշակի գումար է ստանալու իր բանկային հաշվի վրա: Նշեմ նաև, որ տվյալ անձի համար արտասահմանում հարկեր չեն վճարվելու: Պարտավո՞ր է տվյալ անձը ՀՀ-ում մտնել հարկային դաշտ և հարկեր վճարել: Եթե այո, ապա ի՞նչ գործողություններ պետք է արվեն, ու՞մ պետք է դիմի, որքա՞ն կկազմեն հարկերը: Կանխավ շնորհակալ եմ:

Արմեն․

Բարի երեկո: Օնլայն խանութ եմ բացել, կայք է, որով մարդիկ պատվիրելու են մինչև 100 հազար դրամի ապրանքներ, ապրանքները Չինաստանից են գալու փոստով: Ի՞նչ պետք է անեմ։ ԱՁ բացե՞մ, թե՞ ՍՊԸ, որովհետև կայքն է վճարումն ընդունելու, առձեռն չկա, միայն փոխանցումով:

Մանե.

Արդյո՞ք 1С ծրագրի առցանց ուղեցույց կա, որով իսկապես հնարավոր է ծրագիրը սովորել։

Արծրուն.

Բարև ձեզ: Ես ցանկանում եմ գրանցվել որպես ԱՁ: Զբաղվելու եմ առցանց առևտրով: Ինձ ասել են, որ պետք է վճարեմ՝
1. շահութահարկ 5 000 դրամ
2. սոցիալական վճար 5 000 դրամ
3. Դրոշմանիշային վճար – 12 000 դրամ
Խնդրում եմ լրացուցիչ տեղեկատվություն տրամադրել կամ զանգահարել 098 123 001 հեռախոսահամարով:

Նախապես շնորհակալություն:

Լիլիթ.

Բարև ձեզ: Ինձ անհրաժեշտ է իմանալ՝ ի՞նչ գործընթացներ են անհրաժեշտ օնլայն խանութի միջոցով առքուվաճառքով զբաղվելու համար (հարթակը վաճառքի՝ Instagram/Facebook):

Արման.

Կհուշե՞ք՝ ինչպես կարող եմ կազմակերպել առցանց առևտուր, օրինակ՝ list.am կամ facebook: Գրանցված վաճառքի կետ չունեմ, կարո՞ղ եմ արդյոք ՀԴՄ-ով վաճառք իրականացնել, թե՞ e-Invoicing ծրագրով է պետք դուրս գրել հաշիվները:

Ռոբերտ Մ.

Բարև ձեզ: Մի հարց ունեմ, կարո՞ղ եք օգնել: ԱՁ-ն զբաղվում է արտադրանքով և ապրանքը դնում խանութներում: Հարց. կարո՞ղ եմ արդյոք ես համակարգչով տեսնել խանութներում իմ վաճառված ապրանքները:

Ռուստամ Դ.

Բարև ձեզ: Կասե՞ք՝ արդյո՞ք հարկ է սահմանվում օնլայն առևտրով զբաղվողի վրա, եթե նրա ամսական շահույթը չի անցնում 50 000-ը:

Գայանե.

Բարև ձեզ:
Ես 4 օր առաջ գրանցվել եմ որպես Ա/Ձ և արդեն գրանցվել եմ taxservice.am-ում, ունեմ password/login: Սակայն ես դեռ չեմ կողմնորոշվում, թե ինչ հարկային հայտարարություն պետք է ներկայացնեմ: Պատրաստում եմ բնական կոսմետիկ քսուքներ և օճառներ, մոտ օրերս կունենամ փորձաքննության արդյունքները: Նախնական շրջանում իմ արտադրանքի վաճառքը ես մտադիր եմ իրականացնել առցանց խանութի և 1-2 գեղեցկության սրահ հանձնելու եղանակով, քանզի դեռ սեփականի մասին մտածելու համար բավարար ֆին. միջոցներ չունեմ: Խնդրում եմ, ինձ օգնեք հասկանալու՝ որ եղանակն է ինձ համար ամենից օպտիմալը, որ ՀԴՄ չպահանջվի: Արդյո՞ք ընտանեկան ձեռնարկատիրության դաշտ մտնելը ինձ չի արգելի օնլայն վաճառք ունենալ, գեղեցկության սրահներ կամ խանութ հանձնելուց ես ՀԴՄ պե՞տք է տամ, թե՞ ոչ:

Հովհաննես.

Ողջույն, հարգելի հաշվապահներ:
Բացել եմ ՍՊԸ, որի 100% բաժնետեր եմ, աշխատելու եմ շրջանառության հարկով: Հարցեր՝
1. Քանի որ միայն ես եմ աշխատող, կարո՞ղ եմ ինքս ինձ աշխատավարձ չտալ, հետևաբար՝ եկամտային հարկ և սոց. վճար ևս չկատարել: Եթե ոչ, ապա նվազագույն վճարներն ինչքա՞ն են:
2. Բերելու եմ ապրանք արտասահմանից և վաճառեմ ինտերնետով` կանխիկ կամ հաշիվ-ապրանքագրով: ՀԴՄ-ն պարտադի՞ր է:
3. Հաշվապահ պե՞տք է ունենամ, թե՞ ինքս էլ կարող եմ:
4. Ունե՞նք խմբում հաշվապահ, ով ունի փորձ արտասահմանից ապրանք բերելու և մանրածախ վաճառքի մեջ:

Շնորհակալություն:

Արմինե.

Բարև ձեզ: Մեր կազմակերպությունը օնլայն ավիատոմս է գնում: Արդյո՞ք մենք պետք է ոչ ռեզիդենտի շահութահարկ վճարենք այս դեպքում: