Էլինա․

Հարգելի հաշվապահներ, խնդրում եմ հուշել՝ եթե դրամարկղի գիրքը ունեցել է մնացորդ, բայց չի գրանցվել էլեկտրոնային 2024թ-ի հունվարից, չեն էլ կատարվել կանխիկ գործարքներ։ Ի՞նչ պատասխանատվություն է առաջանում 2025թ-ին գրանցելուց։ ՀՕ 418 հոդվածի համաձայն “3. Դրամարկղային գրքի գրանցման կամ դրամարկղային գրքի վարման սահմանված կարգը խախտելու դեպքում հարկ վճարողից գանձվում է տուգանք` 20 հազար դրամի չափով:” Արդյո՞ք դա համարվում է գրանցման կարգի խախտում։ Կանխավ շնորհակալ եմ։

Մարիամ․

Բարև Ձեզ։ Ես ցանկանում եմ ԱՁ-իս հաշվապահին փոխել, և հին հաշվապահը հրաժարվում է նորին տալ լիազորի անուն գաղտնաբառը (Չեմ հասկանում ինչու)։ Ինչպե՞ս կարող եմ ես վերականգնել։

Հարգելի գործընկերներ, 2025թ. փետրվարի 1-ը միկրոձեռնարկատիրության սուբյեկտի՝ 2024թ․ իրացման շրջանառության վերաբերյալ հաշվետվության ներկայացման վերջնաժամկետն է։ Պետք է հանձնել ձև N 256. “Հաշվետվություն միկրոձեռնարկատիրության սուբյեկտի իրացման շրջանառության վերաբերյալ”:

ՀՀ Հարկային օրենսգիրք, Հոդված 270. Միկրոձեռնարկատիրության սուբյեկտների կողմից հարկային հաշվարկներ ներկայացնելը․

Միկրոձեռնարկատիրության սուբյեկտ համարվող ռեզիդենտ առևտրային կազմակերպությունները և անհատ ձեռնարկատերերը (բացառությամբ բացառապես Օրենսգրքի բաղկացուցիչ մասը կազմող հավելված 3-ով սահմանված գործունեության տեսակների մասով միկրոձեռնարկատիրության սուբյեկտ համարվող անհատ ձեռնարկատերերի) մինչև հարկային տարվան հաջորդող հարկային տարվա փետրվարի 1-ը ներառյալ Օրենսգրքի 53-րդ հոդվածով սահմանված կարգով հարկային մարմին են ներկայացնում հաշվետվություն` նախորդ հարկային տարվա ընթացքում գործունեության բոլոր տեսակների մասով իրացման շրջանառության վերաբերյալ:

Վարսենի․

Բարև Ձեզ։ Խնդրում եմ օգնել հետևյալ հարցում։ Արդյո՞ք 2025թ. 1-ին եռամսյակի շրջանառության հարկի հաշվարկում որպես իրացման ծախսեր հնարավոր է նվազեցնել աշխատողների աշխատավարձը, հոսանքի ու ջրի գումարները, որոնց հաշիվները ստանում ենք էլեկտրոնային եղանակով անկատ ձեռնարկատիրոջ անունով, ՀՎՀՀ-ով դուրս գրված։ Շնորհակալություն։

Անահիտ․

392-Ն որոշմամբ՝ ֆիզ. անձից ձեռքբերման դեպքում պիտի հաշիվ դուրս գրվի, որում պիտի լրացվի ֆիզ. անձի տվյալները։ Եթե կազմակերպությունը գյուղմթերք է ձեռքբերում շուկայից միակողմանի գնման ակտով և ոչ թե կոնկրետ մեկ ֆիզ. անձից, 2025թ.-ի հունվարի 1-ից արդյո՞ք էլեկտրոնային հաշիվ պետք է գրվի, թե՞ թղթային տարբերակով միակողմանի գնման ակտ։

Արփինե․

Բարև Ձեզ։ ՍՊԸ-ն 2011 թվականից համարվել է շրջանառության հարկ վճարող ընկերություն, սակայն 2023 թվականի դեկտեմբերի կեսերին գերազանցել է 115 միլիոն շեմը, հետևաբար ներկայացվել է 262 հայտարարությունը՝ հանրային սննդի ոլորտում գործունեություն իրականացնոլու համար շրջանառության հարկ վճարող համարվելու վերաբերյալ։ 2024 թ-ի դեկտեմբերի կեսերին կրկին գերազանցում եղավ, սակայն համակարգը թույլ չի տալիս ուղարկել այդ նույն հայտարարությունը՝ նշելով, որ չենք համարվում շրջանառության հարկ վճարող։ Խնդրում եմ օգնեք հասկանամ՝ ինչու՞մն է խնդիրը, և ինչպե՞ս կարգավորեմ այս հարցը, որ շարունակենք համարվել շրջանառության հարկ վճարող։

Գրիգոր․

Բարև Ձեզ։ 2025թ․ հունվար 01-ից հետո գնման ակտով (միակողմանի) ձեռքբերումները շրջ. հարկ վճարողների համար, համաձայն ՀՕ-ի 150 հոդվածի 13-րդ մասի, հարկվում է 20 տոկոսով։ Հարցս այսպիսին է՝ նախկին թղթային գնման ակտի փոխարեն ի՞նչ էլեկտրոնային փաստաթուղթ ենք գրում, որտեղ երևում է ձեռք բերված ապրանքների ցանկը, ձեռք բերման գինը, գումարը։

Անուշ․

Բարև Ձեզ։ Մի հարց ունեմ՝ մտնում եմ հաշվարկային փաստաթղթեր, ծանուցում է գալիս՝ “Դուք ունեք չեղարկման մեկ հաշիվ”։ Ինչու՞ է այդ ծանուցումը ցույց տալիս, և ինչպե՞ս իմանամ՝ որ հաշիվն է։

Էրիկ․

Հարգելի հաշվապահներ, եթե Wildberries-ը տվյալ օրվա կամ տվյալ շաբաթվա վաճառքների մասով դետալիզացիան տրամադրում է հաջորդ օրը կամ ամեն երկուշաբթի շաբաթականի դեպքում, հաշվի մատակարարման ամսաթիվը ի՞նչ պիտի նշվի՝ դուրս գրման օրվա՞նը, թե՞ վաճառքի օրը (օրականի դեպքում) և շաբաթվա վերջին օրը (շաբաթականի դեպքում)։ Խնդրում եմ նաև նշել օրենքը, որոշումը կամ հիմք հանդիսացող այլ փաստաթղթի համապատասխան հոդվածը, որովհետև հարկային օրենսգրքի հ․ 56 4-րդ մասի և 2017-ի 1257 որոշման մեջ հաշիվների դուրսգրման մասով բացառություններ չեն ընդգրկում։

Շարունակություն․ Եթե հոկտեմբերից ԱՁ-ը վաճառք է կատարում հարթակում, բայց հաշիվներ դուրս չեն գրվել, խնդրում եմ նշել՝ հաշիվները դուրս գրվեն շաբաթակա՞ն վաճառքներով, թե՞ մինչև հիմա արված վաճառքների մասով դուրս գրել մեկ հաշիվ։

Անահիտ․

Բարև։ Խնդրում եմ պատասխանեք․ ընկերությունը վաճառում է ավտոմեքենա։ Հետագայում կատարում ենք ավտոպահեստամասերի սպասարկում անվճար։ Օրենքով նշվում է, որ տվյալ դեպքում անհատույց ապրանքը չի հարկվում, իսկ էլ․ փաստաթուղթ պե՞տք է գրվի, թե՞ ոչ։ Շնորհակալություն։

Աննա․

Բարև Ձեզ, հարգելի հաշվապահներ։ Էլեկտրոնային դրամարկղային գրքի հետ կապված․ հունվարից ՍՊԸ-ն ունեցել է ՀԴՄ-ով գործարքներ, ունի գրանցված էլեկտրոնային դրամարկղային գիրք, սակայն չեն կատարվել որևէ գրանցումներ, այդյո՞ք դա խախտում չէ, և ինչպե՞ս կարող եմ ուղղել և ինչպե՞ս կատարեմ հետագա գրանցումները։ Եվ ես նաև նայել եմ դրամակղային գրքի ամիսը և սեղմել որոնել կոճակը, եթե ոչինչ չկա, դա նշանակու՞մ է, որ ոչ մի գրանցում նախկինում չի եղել։ Շնորհակալություն։

Իրինա․

Հարգելի հաշվապահներ, հարցս հետևյալն է՝ ինտերնետային կայքից վաճառք է իրականացվում ավիատոմսերի, իրավաբական անձանց դեպքում դուրս եմ գրում հաշիվ վավերագիր Բ սերիայի, իսկ ֆիզ․ անձանց դեպքում ինչպե՞ս պետք է հիմնավորեմ իմ իրացումը: Յուրաքանչյուր ֆիզ․ անձի անունով հ/ա դուրս գրելը ինչքանո՞վ է ճիշտ կամ ռացիոնալ։

Անահիտ․

Հարգելի հաշվապահներ, հունվարի 1-ից շրջհարկի դրույքաչափը 10 տոկոս դառնալու հետ կապված է հարցս։ Վայլդբերիզ հարթակում վաճառող եմ, ապրանքն էլ Չինաստանից գնում եմ, ուղարկում ռուսական պահեստ։ Ոնց հասկանում եմ՝ մի հատ էլ գնման գնից 20 տոկոս եկամտային հարկ պիտի վճարե՞մ։ Իսկ հետո էդ գնման գին + 20 տոկոս եկամտային հարկ ինձ համար նվազեցվող ծախս կդիտարկվի՞։ Գնման ակտին ամենաշատը կարող եմ կցել ֆիզիկական անձով ձեռքբերման էլեկտրոնային գնում ու բանկային քարտի քաղվածք, որը հաստատի իմ գնումը։

Ռուզաննա․

Հարգելի հաշվապահներ, համաձայն 392-ն որոշման 2025թ-ի հունվարի 1-ից հարկային գործակալները ֆիզ․ անձանցից ապրանքների ձեռքբերման դեպքում արդեն պետք է էլեկտրոնային եղանակով դուրս գրեն օրենսդրությամբ սահմանված կարգով կազմվող հաշվարկային փաստաթուղթ չհամարվող այլ փաստաթղթեր: Իսկ համաձայն 150 հոդվածի 13-րդ կետի հարկային գործակալների կողմից եկամտային հարկի 20% չի վճարվում, եթե առկա են հաշվարկային փաստաթուղթ չհամարվող` օրենսդրությամբ սահմանված կարգով կազմված` վճարվող եկամուտները հիմնավորող այլ փաստաթղթեր:

Հարց․ 2025թ-ի հունվարի 1-ից էլեկտրոնային եղանակով դուրս գրված փաստաթղթի առկայության դեպքում հարկային գործակալը արդյո՞ք կունենա որևէ պարտավորություն եկամտային հարկի գծով:

Նոնա․

Ողջույն, հարգելի հաշվապահներ: Ոչ ռեզիդենտ ֆիզիկական անձին մատուցվել են միջազգային բեռնափոխադրման ծառայություններ ռեզիդենտ կազմակերպության կողմից: Կարո՞ղ է ռեզիդենտ կազմակերպությունը հաշիվը (ինվոյս) ներկայացնել արտարժույթով, և մատուցված ծառայությունների դիմաց գումարը ստանալ արտարժույթով:

Աննա․

Հարգելի հաշվապահներ, կասե՞ք խնդրեմ, այս պարագայում էլեկտրոնային հարթակը ինչ է նշանակում, ուզում եմ հասկանալ սա որ դեպքում է:

Ուղևորափոխադրումները էլեկտրոնային հարթակով ուղևորափոխադրման ծառայության միջոցով ստացված պատվերով իրականացվելու դեպքում յուրաքանչյուր ուղևորափոխադրման համար սույն հոդվածի 2-րդ մասում նշված չափով պետական տուրքը գանձում և պետական բյուջե է վճարում էլեկտրոնային հարթակով ուղևորափոխադրման ծառայություն մատուցող կազմակերպությունը կամ անհատ ձեռնարկատերը:

3. Սույն հոդվածի կիրառության իմաստով` 1) ավտոբուս է համարվում այն ավտոմոբիլը, որի նստատեղերի քանակը, բացառությամբ վարորդի նստատեղի, գերազանցում է տասնյոթը. 2) միկրոավտոբուս է համարվում իննից մինչև տասնյոթ նստատեղ ունեցող (առանց վարորդի նստատեղի) ավտոմոբիլը։

Արման․

«ՎԱՅԼԴԲԵՐՐԻԶ» Սահմանափակ պատասխանատվությամբ ընկերություն (ՍՊԸ) ից ստացել եմ հաշիվ՝ հանձնակատարի ծառայության, սա կապ ունի՞ կոմիսիայի, լոգիստիկայի հետ։

Ռուզաննա․

Հարգելի հաշվապահներ, ՍՊԸ-ն իրավաբանական ծառայություն է մատուցելու ոչ ռեզիդենտ ֆիզ անձին, որի դիմաց վճարումը կատարելու է վերջինիս գործատուն, որը հանդիսանում է ոչ ռեզիդենտ իրավաբանական անձ: Այս պարագայում արդյո՞ք ՍՊԸ-ն պետք է էլեկտրոնային եղանակով դուրս գրի հաշիվը ոչ ռեզիդենտ իրավաբանական անձի անունով:

Լիլիթ․

Բարև ձեզ։ Նախորդ ամսվա դրամարկղային գիրքը սխալ է լրացվել, 30․09-ի թիվը հաջորդ օրը մինչև կեսօր չի արտացոլվել, հետևաբար սեպտեմբեր ամսում չի նշվել։ Ի՞նչպես կարելի է դա շտկել, այս ամսվա սկզբին գրած գումարը խմբագրելով։ Նախապես շնորհակալություն։

Հասմիկ․

Բարև ձեզ, մեզ ապրանք մատակարարող ընկերությունը հաշիվ ապրանքագիրը սխալ լրացնելու համար չեղարկել է, հիմա ես պետք է չեղարկված հ/ապրանքագիրը հաստատե՞մ, թե՞ ոչ, եթե այո՝ խնդրում եմ ասեք ինչպես:

Մարիա․

Բարև Ձեզ։ Էլեկտրոնային ո՞ր հարթակում կարելի է տեսնել ԱՁ վճարման ենթակա հարկերը և վճարել դրանք։

Նարինե․

Բարև ձեզ, կոլեգաներ։ Այսպիսի իրավիճակ է․ գրանցում եմ կազմակերպության լիազորին։ Արդեն ստացել եմ պայմանագիրը, որի ստորագրումից հետո ինձ կուղարկեն լիազորի կոդերը։ Սակայն ընթացքում որոշվեց փոխել լիազորին։ Փորձում եմ այլ տվյալները մուտքագրեմ որպես լիազոր, համակարգը չի ընդունում։ Ստացել եմ հաղորդագրություն՝ մուտքագրված ՀԾՀ-ի տվյալները չեն համապատասխանում որպես լիազոր գրանցվելու իրավունք ունեցող ՀԾՀ-ի տվյալներին։ Հարց՝ կարո՞ղ եմ 10 օր հետո (երբ լրանա հղման ժամկետը) արդեն այլ անձին գրանցեմ որպես լիազոր։ Խնդրում եմ օգնեք։

Աշոտ․

Բարև Ձեզ։ ԱԱՀ Վճարող համարվող կազմակերպությունը ՀՄ է վաճառում ֆիզ․ անձին։ Ի՞նչ հարկային պարտավորություններ են առաջանալու, և ինչպիսի՞ հաշիվ պետք է դուրս գրվի։

Արթուր․

Բարև Ձեզ, էսպիսի մի հարց․ եթե ֆիզ․ անձը ուզում է դառնալ իրավաբանական անձ և համագործակցել Wildberries – ի հետ, բայց ապրանքը գնել Չինաստանից և ուղարկել անմիջապես ՌԴ-ի ՎԲ: Ապրանքը Հայստան չմտնի: Աշխատում է շրջհարկի դաշտում։ Ո՞նց ձևակերպել գործողությունների ճիշտ հերթականությունը: Արդյո՞ք պետք է էլեկտրոնային ՀԴՄ ունենալ, թե՞ բավական է Վայլդբերիսի տրված ամսական դետալիզացիան, կամ բանկային մուտքերը։ Կանխավ շնորհակալ եմ:

Դանա․

Բարև ձեզ։ Եթե էլեկտրոնային համակարգում մեր կողմից դուրս գրված հաշիվը հակառակ կողմը չի հաստատել 1 -2 ամիս, դա խնդի՞ր է մեր կազմակերպության համար։

Լիանա․

Խնդրում եմ Ձեր օգնությունը հետևյալ հարցը պարզաբանելու համար՝ գործու՞մ է արդյոք ՀՀ -ում 2024թ. մարտի 4-ին ընդունված 2014 թվականի մայիսի 29-ի՝ Եվրասիական տնտեսական միության մասին պայմանագրում փոփոխություններ կատարելու մասին արձանագրությունը՝ էլեկտրոնային եղանակով ծառայություններ մատուցելիս անուղղակի հարկերի գանձման կարգը սահմանելու մասին։

Կարեն․

Մեր ՍՊԸ զբաղվում էր մաքրման ծառայություններով, և մայիսի 15 -ից դադարեցնում է գործունեությունը։ Խնդրում եմ ասեք, թե արդյոք պետք է համապատասխան հայտարարություն տալ հարկայինին գործունեությունը ժամանակավորապես դադարացնելու մասին, թե ոչ, և եթե այո, ապա ինչպե՞ս պետք է դա անել՝ էլեկտրոնային տարբերակով, թե՞ թղթային։
Կանխավ շնորհակալություն։
Հարգանքով Կ․Գրիգորյան

Լիանա․

Արդյո՞ք պետք է ոչ ռեզիդենտ կազմակերպությունը կանգնի հաշվառման հարկային մարմնում, եթե մատուցում է էլեկտրոնային ծառայություններ։

Աննա․

Բարև Ձեզ։ Եթե ՍՊԸ-ն մեքենա է վաճառել ֆիզ․ անձին, դուրս է գրել հաշիվ վավերագիր, ինչպե՞ս պիտի ուղարկվի, և ինչպե՞ս պետք է ֆիզ․ անձը ստորագրի։

Անահիտ․

Բարև Ձեզ։ Ինձ կօգնե՞ք մի հարցով։ ՊԵԿ հաշվետվությունները TIME-ի MIDով ստորագրում ուղարկում եմ, բայց հաշվարկային փաստաթղթերը չի ստորագրում՝ բերելով հաղորդագրություն “Սխալ հեռախոսահամար (գոյություն չունեցող կամ MobileID ծառայությունը չակտիվացրած հեռախոսահամար)”։

Լամարա․

Բարև բոլորին: Խնդրում եմ պատասխանել: Եթե մարտ ամսվա համար չի լրացվել էլ. դրամարկղային գիրքը, ու ամիսը փակվել է, ու՞մ դիմել, որպեսզի բացեն մարտը լրացնենք, նոր ապրիլը ու փակենք: Կարելի՞ է արդյոք մարտի ու ապրիլի ֆիսկալները մի մուտքով գրանցել ապրիլի վերջին:

Մերի․

Բարև Ձեզ, հնարավո՞ր է էլեկտրոնային հաշվարկային փաստաթուղթ ստանալու պահին որևէ կերպ ծանուցում ստանալ այդ մասին։

Մարիամ․

Բարև ձեզ։ ԱԱՀ-ով աշխատող ՍՊԸ-ն ստացել է հաշիվ մարտ ամսի 26-ին, մատակարումը փետրվար։ Բնականաբար հաշվարկի մեջ չի ընդգրկվել, հիմա մարտին ստորագրվել է։ ՀԱՐՑ. Փետրվար ամսվա ԱԱՀ հաշվարկի մեջ ձեռքբերումների տողում պե՞տք է ավելացնել գումարը, ներքևում որպես պակասեցում ցույց տալ, հետո մարտ ամսվա հաշվարկում մենակ ավելացումով ցույց տալ 71.1 հոդվածի համաձայն։

Սիմոն․

Բարև ձեզ։ Եթե տնօրենը ամենամյա արձակուրդում է և գտնվում է հանրապետությունից դուրս, արդյո՞ք պարտադիր է ժամանակավոր պաշտոնակատար տնօրենը հարկային հաշիվների ստորագրման համար ունենա էլեկտրոնային ստորագրություն:

Էվա․

Բարև ձեզ։ Ասացեք խնդրում եմ՝ եթե ցանկանում եմ գրանցվել որպես ԱՁ Էլեկտրոնային ռեգիստրի օնլայն հարթակում, սակայն ներկա պահին չունեմ էլեկտրոնային ստորագրություն, հայտն այդ դեպքում արդյոք կհաստատվի՞։ Եվ արդյո՞ք կա տարբերակ առանց Պետռեգիստր մոտենալու բացել ԱՁ։ Շնորհակալություն։

Հասմիկ․

Ապրանքների մատակարարման հարկային հաշիվը սխալմամբ գրվել է հաջորդ օրվա մատակարարման ամսաթվով, ընդ որում հաշվում կա նաև ծառայություն պարունակող տող։ Ինչ որ խնդիր կարո՞ղ է առաջանալ, անհրաժեշտություն կա՞ հաշիվը չեղյալ անելու, և էդ դեպքում ի՞նչ մատակարարման ամսաթվով պետք է դուրս գրել նորը:

Արթուր․

Բարև ձեզ, հարգելի խումբ։ ԱՁ-ն աշխատում էր շրջանառության հարկի դաշտում, և 10.04.2024 թվականին տալիս է հայտարարություն ԱԱՀ վճարող դառնալու համար 01.04.2024 թվականից։ ԱՁ-ն առանց ԱԱՀ հաշիվ է գրել ֆիզ․ անձանց ամսի 2-ին և 9-ին, ունի նաև ստացված հաշիվներ այդ ընթացքում ԱԱՀ-ով։

1) Այս երեք հաշիվները արդյո՞ք պետք է ճշտգրտել, թե՞ այլ տարբերակ կառաջարկեք

2) Ստացված հարկային հաշիվների մասով, ոնց հասկանում եմ, խնդիր չկա, քանի որ 1-ից հետո են գրվել

Գեղամ․

Խնդրում եմ ասել՝ հարկային հաշիվների ստորագրման համար ժամկետներ կա՞ն։

Նաիրա․

Հարգելի գործընկեր, իրական շահառուն ունի ID քարտ և էլեկտրոնային ստորագրություն: Տարեկան հայտարարագիրը ներկայացնելիս ի՞նչ օգտվողի անուն և ի՞նչ գաղտնաբառ պետք է գրի: Փորձում ենք էլեկտրոնային ստորագրության գաղտնաբառը, գրում է՝ սխալ է, խնդրում ենք օգնել։

Ջուլիա․

Բարև Ձեզ: PIN կոդը բլոկավորվել է, բայց ստորագրությունը mID բջջային օպերատորների միջոցով է արվում, հնարավո՞ր է առանց նույնականացման քարտի PUK կոդի վերականգնել PIN կոդը։

Եվա․

Կասե՞ք՝ այս հասցեով – https://self-portal.taxservice.am/sign-in/ մուտք գործելու մուտքանուն գաղտնաբառ ինչպե՞ս կարող ենք վերցնել, դիմում-լիազորագրո՞վ ՊԵԿ-ից։

Լուսինե․

Բարև Ձեզ։ Ֆիզ․ անձանց հայտարարագրերի հետ կապված է հարցս։ Այսինքն, որևէ կազմակերպության իրական շահառու հանդիսացող ֆիզ․ անձը պետք է մոտենա ՊԵԿ սպասարկման գրասենյակ և ստանա ՀՎՀՀ։ Հետո այս հասցեով – https://self-portal.taxservice.am/sign-in/ մուտք գործի և հանձնի հայտարարագիրը։ Իսկ ինչպե՞ս է հանձնելու, եթե նույնականացման քարտ չունի։

Շնորհակալություն։

Պետական եկամուտների կոմիտեն գործարկել է ֆիզիկական անձանց էլեկտրոնային ծառայությունների միասնական համակարգը՝ https://self-portal.taxservice.am/, որը հասանելի է վեբ տարբերակով։ Համակարգով քաղաքացիները կարող են ներկայացնել եկամուտների համընդհանուր հայտարարագիր։

«Ես եմ» ազգային նույնականացման հարթակում ֆիզիկական անձինք հնարավորություն ունեն պարզեցված կարգով հաշվառվել հարկային մարմնում և ստանալ հարկ վճարողի հաշվառման համար (ՀՎՀՀ), տեսնել իրենց եկամուտները և կատարած սոցիալական ծախսերը, ներկայացնել «Եկամտային հարկի և սոցիալական վճարի հաշվարկ (հայտարարագիրը)» և ստանալ ծախսերի փոխհատուցում։

ՊԵԿ-ը հայտարարագիր ներկայացնող քաղաքացիներին ևս մեկ անգամ հիշեցնում է, որ հայտարարագիր ներկայացնելու համար նախօրոք պետք է իրականացնել անձի նույնականացման գործընթաց և ձեռք բերել էլեկտրոնային ստորագրություն:

«Ես եմ» hարթակում անձի նույնականացման համար գործում է երկու տարբերակ՝ բջջային հեռախոսի միջոցով կամ էլեկտրոնային կրիչ պարունակող նույնականացման քարտով։

Ավելին՝ https://src.am/am/getNews/431

Եվա․

Ողջույն: Եթե Ա/Ձ-ն սոց. վճար կատարող չի, 240 և 244 հաշվետվությունները լրացնել պե՞տք է, թե՞ ոչ: Կանխավ շնորհակալ եմ:

Արաքսյա․

Բարև ձեզ։ ՍՊԸ-ն իրականացնում է ապրանքի, մասնավորապես հողաթափերի մեծածախ վաճառք, ունի 2023թ-ին դուրս գրված հակային հաշիվներ, որոնց մասով պետք է վերադարձ լինի։ Հարցս էսպիսին է՝ արդյո՞ք տնտեսական ապրանքի մասով կարելի է ճշգրտող հաշիվ ուղարկել, եթե չունի ժամկետ:

Արմինե․

Բարև Ձեզ։ Ես փետրվար ամիսը փակել չեմ տվել՝ մտածելով, որ էլի ավտոմատ կփակվի, բայց չի փակվել: Մարտ ամսով փաստաթուղթ չի թողնում ստեղծել: Խնդրում եմ եթե կարող եք օգնեք:

Վահան․

Ողջույն, հարգելիներս։ Երեկ դրամարկղի գիրքը չեմ փակել, այսօր արդեն չկա փակել ամիսը հրահանգը: Կարո՞ղ եք ասել՝ ի՞նչ պետք է անեմ, կամ անեի, որ չեմ արել, կանխավ շնորհակալություն։

Տիգրան․

Հարգելի հաշվապահներ, եթե ունեք փորձ վարելու Wildberries վաճառքներ իրականացնող անձի հաշվառումը, խնդրում եմ տրամադրեք տեղեկատվություն՝ ու՞մ պետք է դուրս գրվեն ապրանքների մատակարարման հաշվարկային փաստաթղթերը։ Wildberries օֆերտան սահմանում է, որ վաճառողը պետք է փոխանցի սեփականության իրավունքը Wildberries – ին։ Արդյո՞ք հաշվարակային փաստաթուղթը պետք է դուրս գրվի ՀՀ ում գրանցված Վայլդբերիզ ՍՊԸ-ին։ Խնդրում եմ նաև տրամադրել տեղեկատվություն, ստանու՞մ եք արդյոք Վայլդբերիզից հաշիվներ իրենց կողմից մատուցած ծառայությունների համար, թե՞ Ձեր կողմից դուրս գրվող հաշվարկային փաստաթղթերը դուրս եք գրում Վայլդբերիզի գանձած կամիսիայով պակաս թվով։

Մարիամ․

Ողջույն, խնդրում եմ ասել՝ ինչպե՞ս և որտե՞ղ նոր բացված ԱՁ-ն տա շրջանառության հարկի դիմումը։ Թաքսսերվիսի կայքում չի թողնում ֆայլը ներբեռնել, բոլոր տվյալները ճիշտ են լրացված։ ՊԵԿ պե՞տք է գնալ և դիմում գրել։

Գայանե․

Բարև Ձեզ, հարգելի հաշվապահներ, այսպիսի իրավիճակում եմ հայտնվել: Հաշվարկային հաշիվ եմ գրել ապրիլ ամսին և մայիս ամսից անցել եմ ԱԱՀ դաշտ, դիմացի կողմը ամիսներ անց ասեց, որ համաձայն չի և հաշիվը չի ստորագրի, ես շրջանառության հարկի 2-րդ եռ. հաշվետվությունը արդեն ուղարկել էի և մի քանի ամիս ԱԱՀ հաշվետվություններն էլ էի ուղարկել: Հիմա նայում եմ՝ այդ հաշվի դիմաց գրված է ջնջված, ի՞նչ անել այս դեպքում: