Գումարի վերադարձ ապահովագրական ընկերությունից
Հայկ․
Բարև Ձեզ: 2022թ. ընթացքում ընդհատված ԱՊՊԱ պայմանագրի համար ապահովագրական ընկերությունը վերահաշվարկ է կատարել և մեզ հետ է փոխանցել որոշակի գումար: Այդ գումարը ճանաչել եմ եկամուտ: Շահութահարկի տարեկան հաշվարկում արդյո՞ք պետք է ցույց տալ այդ եկամուտը և ո՞ր տողում: Նախապես շնորհակալ եմ։
Կանխավճարի ձևակերպում
Մելինե․
Բարև ձեզ, կհուշե՞ք խնդրում եմ․
1. Եթե կազմակերպությունը ծառայություն է մատուցում կամ ստանում, և գումարը փոխանցվում (ստացվում) է մինչև հաշիվ դուրս գրելը կամ ստանալը, դա պետք է որպես ստացված կամ տրված կանխավճար ձևակերպել, և հետո նո՞ր միայն ծախսագրել կամ եկամուտներում ճամաչել, թե՞ կարելի է միանգամից։
2․ Եթե մեր դուրս գրված հաշիվները դիմացի կողմը չի ստորագրել արդեն 2 ամիս է, ԱԱՀ-ի հաշվարկում ներառվելու՞ է հարկման բազայում, թե՞ ոչ։ Շնորհակալություն։
6-րդ դասի հաշիվը արտարժույթով
Լիլիթ․
Հարգելի հաշվապահներ, 6-դասի հաշիվը կարո՞ղ է արտահայտվել արտարժույթով և այդպես տեղափոխվել 331 հաշիվ։
Թափոնների և կրկնակի օգտագործվող հումքի ձևակերպումներ
Շուշանիկ․
Բարև ձեզ, հարգելի գործընկերներ: Խնդրում եմ օգնել այս հարցում: Արտադրությունը ունի դուրս գրված թափոններ և կրկնակի օգտագործման համար հումք, որն առաջացել է արտադրանքը արտադրելիս: Արդյո՞ք պետք է ծախս ճանաչել դուրս գրված թափոնը կամ կորուստը: Իսկ արտդրությունից առաջացած տաշեղները (стружка), որը նորից պետք է մուտք արվի և օգտագործվի արտադրություն ստանալու համար, այդ մուտքը պե՞տք է եկամուտ ճանաչվի: Կանխավ շնորհակալություն։
Սոցիալական վճարի հաշվարկ
Անահիտ․
Բարև Ձեզ, հարգելի գործընկերներ։ Խնդրում եմ օգնեք՝ ինչպե՞ս է լրացվում "Հաշվարկ անհատ ձեռնարկատիրոջ և նոտարի սոցիալական վճարի" (244 ձև) հաշվետվությունը, ամբո՞ղջ տարվա եկամուտը, թե՞ տարվա եկամուտից հանած ծախսի մնացորդը։ Օգնության համար շնորհակալ կլինեմ։
Անհատույց ստացված ակտիվներ
Սերգեյ․
Կազմակերպությունը աշխատում է ընդհանուր հարկման դաշտում: Մեկ այլ կազմակերպությունից անհատույց ստացվել է հիմնական միջոցներ և նյութեր: Արդյո՞ք և ՀՄ-ն, և նյութերը կհամարվեն եկամուտ, և ինչպիսի՞ ձևակերպում տալ դրան: Շնորհակալություն պատասխանի համար:
ՍՊԸ-ն անցել է ընդհանուր հարկման դաշտ
Մելինե․
Հարգելի հաշվապահներ, խնդրում եմ պատասխանել։ Իմ ՍՊԸ-ն 3 ամիս առաջ անցել է ԱԱՀ-ի դաշտ, նոր են ծանուցել։ Հիմա այդ 3 ամսվա համար պետք է վճարել ԱԱՀ և շահութահարկի հաշվարկ կատարել։ Ենթադրենք՝ վերջին 3 ամիսներին եկամուտը եղել է 2 մլն (ամեն ամիս), ԱԱՀ-֊ով ստացված հաշիվ չունեմ, ուրեմն ամեն ամիս պիտի վճարվի 400 000 ԱԱՀ։ Եվ տարիս փակել եմ մաքուր 5 մլն շահույթով, ուրեմն նաև 5 մլնի 18 % էլ պիտի վճարեմ, այո՞։ Ճի՞շտ եմ ներկայացնում կոպիտ հաշվարկով։ Շնորհակակություն։
Աշխատակցի ուսման վարձի փոխհատուցում
Աննա․
Բարև ձեզ, հարգելի հաշվապահներ։ Եթե շրջ․ հարկով աշխատող ՍՊԸ փոխանցել է իր աշխատակցի ուսման վարձը Պետ համալսարանին, բայց համալսարանը հարկային հաշիվ չի տալիս, ինչպե՞ս ձևակերպել գործարքը: Կանխավ շնորհակալ եմ:
Նպաստից զրկում
Աննա․
Բարև Ձեզ, Աշխատակիցը նպաստ (փարոս) է ստանում, արդյո՞ք քաղիրավական պայմանագիր կնքելու դեպքում չի զրկվի նպաստ ստանալու իրավունքից։
Հողամասի անհատույց ստացում
Սուրեն․
Շահութահարկ վճարող ֆիրման անհատույց ստացել է հողամաս 6 միլիոն դրամ արժեքով։ Կասե՞ք ինձ, խնդրում եմ՝ ի՞նչ եղանակով եմ ծախս և եկամուտ ճանաչելու ու ե՞րբ։ Շնորհակալ եմ։ Օրենքի հղում էլ կասեք ինձ, խնդրում եմ, որ կարդամ։
Մեկ մուտքի օրդեր
Մելինե․
Հարգելի հաշվապահներ, օգնեք ճիշտ լրացնել դրամարկղային գիրքը։ ՍՊԸ-ն ծառայություն է մատուցում և օրական 8-15 բաժանորդից գումար է ստանում դրամարկղում։ Յուրաքանչյուր օրվա համար գանձապահը մեկ մուտքի օրդեր կազմի՞, թե՞ կարելի է նաև ամսական կտրվածքով։ Ամեն օրվա գումարը ճանաչում ենք անմիջապես եկամուտ։ Թե՞ պետք է ամսվա սկզբին բաժանորդների քանակով դեբիտորական պարտք ձևակերպել և արդեն ամեն օրվա ստացած գումարը ճանաչել պարտքի մարում։ Շնորհակալ կլինեմ, եթե ուղղորդեք։
Վերջին մեկնաբանություններ