Tag: դիմում

Սյուզի. Հարգելի կոլեգաներ, պարտադիր կուտակայինից հրաժարվելու դիմումի մեջ ի՞նչ պայմաններ են պարտադիր:

Քնարիկ. Բարև ձեզ: Կուտակային վճարից ազատվելու համար պետք է գործատուին դիմում տալ, ըստ որի կուտակային վճարի պահումներ չեն կատարվի: Խնդրում եմ ասեք` այդ դիմումները մնու՞մ է գործատուի մոտ, թե՞ ուղարկվում է համապատասխան մարմինների:

Սեդա Մանուկյան. Բարև ձեզ: Ես ցանկանում եմ ժամանակավոր դադարեցնել ՍՊԸ գործունեությունը, եթե կարելի է, ինձ հուշեք` դիմումի ձևը որտեղի՞ց կարող եմ վերցնել: Նախապես շնորհակալ եմ:

Արմինե. Հարգելի հաշվապահներ, մեր աշխատակիցը գտնվում է երեխայի խնամքի արձակուրդում, սակայն ցանկանում է ազատվել աշխատանքից երկրից մեկնելու պատճառով: Արդյո՞ք կարելի է լուծել աշխատանքային պայմանագիրը ՀՀ ԱՕ 112 հոդվածի համաձայն` աշխատակցի դիմումի հիման վրա:

Լիանա. Բարև ձեզ: Կասե՞ք՝ աշխատողի հետ աշխատանքային պայմանագրի լուծման կարգն ինչպիսին է: Աշխատողը դիմում է գրում ու վե՞րջ:

Սիրանուշ. Խնդրում եմ, կարո՞ղ եք ինձ տրամադրել հարկային ուղարկվող նամակի օրինակ, որով պետք է չեղյալ համարվի հաշվետվությունը: Նախապես շնորհակալություն:

Karen. Բարև ձեզ, սիրելի հաշվապահներ, ես 1 պարզ հարց ունեմ. ես բացել եմ ՍՊԸ, որի միակ անդամն եմ: Ես տնօրենին (ինձ) աշխատավարձ չեմ նշանակել (պետ. ռեգիստրում գրանցելուց հետո ոչինչ չեմ արել, միայն դիմում եմ գրել, որ ժամանակավորապես գործունեություն չեմ ծավալում): Հիմա ես պե՞տք է նաև տնօրենին (ինձ) աշխատանքից հեռացնեմ: Դա չանելու դեպքում հնարավո՞ր է խնդիրներ առաջանան: Նախապես շնորհակալություն:

Գայանե. 2009թ. Անհատ ձեռնարկատիրոջ գործունեությունը դադարեցնելու խնդրանքով դիմում ենք գրել. աշխատակցի հավաստմամբ միայն դիմում գրելը բավարա՞ր էր: Սա հատված է օրենսգրքից. Անհատ ձեռներեցի գործունեությունը դադարեցվում է Հայաստանի Հանրապետության օրենսդրությամբ սահմանված կարգով` ա) գործունեությունը դադարեցնելու մասին անհատ ձեռներեցի անձնական դիմումի հիման վրա, բ) Հայաստանի Հանրապետության օրենսդրությամբ նախատեսված այլ դեպքերում: Այժմ պահանջում են հարկ վճարել դիմում գրելուց հետո ընկած ժամանակահատվածի համար: Խնդրում եմ ասեք, թե երբվանից է արդյոք որոշում կայացվել, որ վկայականն անպայման պետք է հանձնել:

Մարիամ. Բարև Ձեզ: Խնդրում եմ ինձ օգնել հետևյալ հարցում. կարո՞ղ է արդյոք աշխատողը աշխատանքից ազատվելու դիմում ներկայացնել, երբ ինքը այդ պահին գտնվում է հերթական արձակուրդում: Իսկ ազատման հրամանը այդ դեպքում քանի՞ օր ուշ կարող եմ տալ: Կանխավ շնորհակալություն:

Դիանա. Խնդրում եմ օգնեք, ես աշխատել եմ պետական համակարգում 16 տարի, աշխատանքից ազատվել եմ դիմումիս համաձայն 2013թ, այժմ ստացել եմ վերջնահաշվարկ, որը իմ կարծիքով թերի հաշվարկ է: Ես ունեցել եմ 2012թ. արձակուրդի իրավունք, որից չեմ օգտվել և համապատասխան ղեկավարի մակագրությամբ այն տեղափոխել եմ 2013թ., սակայն աշխատանքից հեռացել եմ մայիս ամսին, այսինքն ընթացիկ տարում ևս աշխատել եմ այդքան ամիս: Ավելին, ազատման հրամանից հետո ինձ վերջնահաշվարկը փոխանցվել է հուլիս ամսին միայն, որը կազմում է մեկ աշխատավարձի չափով գումար: Կարո՞ղ եք հուշել` որքանով են խախտված իրավունքներս, և վերահաշվարկ անելու համար ու՞մ պետք է դիմել այս դեպքում: Շատ շնորհակալ կլինեմ արձագանքների համար:

Ներսես. Բարև Ձեզ: Խնդրում եմ օգնել ինձ հետևյալ հարցում. աշխատողը ուսանող է և դիպլոմային աշխատանքի պաշտպանության համար դիմում է գրել, որպեսզի բացակայի աշխատանքից` համաձայն աշխատանքային օրենսգրքի հոդված 174-ի կետ 4: Տվյալ դեպքում ինչպե՞ս են կատարում վճարումը:

Մհեր. Բարև Ձեզ, ես կխնդրեմ ինձ օգնեք մի հարցով: Ես դիմում եմ գրել դեկտեմբերի 6-ին, որ ինձ ազատեն դեկտեմբերի 12-ին: Ինձ չեն ազատել 12-ին և ասել են` նորից դիմում գրեմ, որպեսզի կարողանան ազատել: Ես դեկտեմբերի 14-ին նորից դիմում գրեցի, որպեսզի ինձ դեկտեմբերի 24-ին ազատեն: Բայց դեկտեմբերի 17-ին դիմումս հետ վերցրեցի: Ինձ իրավունք ունե՞ն ազատելու, թե՞ ոչ:

Աշխեն. Խնդրում եմ, եթե կարող եք, ուղարկեք ընկերության գործունեության դադարեցման դիմումի ձևը:

Բաբկեն. Ողջույն: Խնդրում եմ օգնեք ինձ հասկանալ` եթե աշխատողը աշխատանքից ազատման դիմումի հետ գրում է նաև արձակուրդի դիմում, այդ դեպքում գործատուն իրավունք ունի՞ մերժել արձակուրդը: Կանխավ շնորհակալ եմ:

Աստղիկ. Եթե աշխատողը աշխատանքի է ընդունվել 9 ամսով, և աշխատանքային պայմանագրում նշված է, որ աշխատելու է մինչև 01.11.2012, այդ դեպքում աշխատողը պայմանագիրը լրանալուց հետո պե՞տք է դիմում գրի աշխատանքից ազատվելու համար, թե՞ աշխատանքային պայմանագիրը ավտոմատ համարվելու է լուծարված: Եվ ազատման հրաման գրելուց ինչպե՞ս պետք է ձևակերպենք` համաձայն իր դիմումի, թե՞ աշխատանքային պայմանագրի օրինակ 4 կետի համաձայն: Շնորհակալություն: