ԱՁ-ն ցանկանում է ապրանք արտահանել ՌԴ
Գոռ.
ԱՁ-ն գնել է բեռնատար և ցանկանում է ապրանք արտահանել ՌԴ։ Ի՞նչ թույլտվություն (լիցենզիա) է դրա համար անհրաժեշտ։
ԵԱՏՄ անդամ երկրներ ապրանքների արտահանման և ներմուծման ընթացակարգեր
Արմեն.
Բարև ձեզ։ Կասեք, խնդրեմ, նոր բացվող ԱՁ-ն, որը զբաղվելու է թեյի, սուրճի և չորամրգերի արտադրությամբ, ԵԱՏՄ մտնելու համար ի՞նչ ընթացակարգ պետք է անցնի, կխնդրեմ՝ մանրամասն ներկայացնեք զրոյից:
Կանխավ շնորհակալ եմ։
Ազատվու՞մ է արդյոք հարկերից դեպի ՌԴ արտահանող ընկերությունը
Արամ.
Բարև ձեզ։
Խնդրում եմ, ինձ օգնեք հասկանամ՝ դեպի ՌԴ արտահանող ընկերությունը (միրգ և բանջարեղեն) ազատվում է հարկերից, ճի՞շտ է: Եվ հարկման բազան ԱԱՀ֊ում դա տվյալ ամսվա կամ եռամսյակի շրջանառության չա՞փն է և ի՞նչ է ներառում իր մեջ՝ միայն ինքնարժե՞ք, թե՞ մինչև սահման հասնելը այլ ծախսերը: "Транзитная декларация"-ն իրենից ի՞նչ է ներկայացնում:
Կանխավ շնորհակալություն:
Մեղվաբուծությամբ զբաղվող Ա/Ձ
Օվսաննա.
Բարև ձեզ։ Ես զբաղվում եմ մեղվաբուծությամբ։ Պատրաստվում եմ մեղրը արտահանել։ Պետք է Ա/Ձ բացեմ։ Ի՞նչ հարկեր եմ վճարելու։
ՌԴ երկաթի ջարդոն արտահանելու համար
Բարև ձեզ, Ռուսաստան երկաթի ջարդոն արտահնելիս ի՞նչ փաստաթղթեր են պետք և ի՞նչ վճարներ են անհրաժեշտ կատարել:
Արտահանման բաժնի պատասխանատուի հետ կնքված պայմանագրի օրինակ
Լիլիթ.
Բարև ձեզ: Կարո՞ղ եք ինձ տրամադրել արտահանման բաժնի պատասխանատուի հետ կնքված պայմանագրի օրինակ: Կանխավ շնորհակալ եմ:
Արդյո՞ք կարելի է ԱԱՀ-ն հաշվանցել
Կարեն Հակոբյան.
Բարև ձեզ, հարգելի հաշվապահներ: Արդյո՞ք կարելի է ԱԱՀ-ն հաշվանցել շահութահարկի փոխարեն, և արդյո՞ք հնարավոր է ԱԱՀ-ի առաջացած գերավճարը հետ վերադարձնել, եթե կազմակերպությունը արտադրանքը չի արտահանում: Կանխավ շնորհակալություն:
Եվրոպայից ներմուծման հաշվառումը
Dina.
Բարև ձեզ, հարգելի գործընկերներ, մեր ՍՊԸ աշխատել է միայն ԵՏՄ երկրների հետ, կարո՞ղ եք պատասխանել` Եվրոպայից ներմուծումը և արտահանումը, հաշվապահության հաշվարկը և ընթացակարգը ինչո՞վ է տարբերվում ԵՏՄ-ից: Կարո՞ղ եք գրել` որտեղ կարող եմ կարդալ Եվրոպայից ներմուծման և արտահանման մասին: Շնորհակալություն:
Ապրանքների արտահանման ժամանակ
Սաթեն.
Խնդրում եմ պատասխանել.
Ապրանքների արտահանման ժամանակ շրջանառության հարկով աշխատող կազմակերպության կողմից էլեկտրոնային հաշվարկային փաստաթղթեր և գրքեր ծրագրով լրացվու՞մ է "Ապրանքների տեղափոխման փաստաթուղթ": Մանրամասն
Հուլիսի 1-ից ԱԱՀ-ի գումարները կվերադարձվեն նաև հանրապետության տարածքում գործունեություն ծավալող հարկ վճարողներին
Աղբյուր՝ lragir.am
"Ավելացված արժեքի հարկի մասին" ՀՀ օրենքում փոփոխություն կատարելու մասին" և "Հարկերի մասին" ՀՀ օրենքում լրացումներ և փոփոխություն կատարելու մասին" ՀՀ օրենքների նախագծերը հավանության արժանացան կառավարության կողմից: ՀՀ պետական եկամուտների նախագահ Վարդան Հարությունյանը նշեց, որ նախագծով առաջարկվում է՝ 2017թ. հուլիսի 1-ից սկսած ԱԱՀ-ի գումարները վերադարձնել ոչ միայն արտահանողներին, այլև հանրապետության ներքին տարածքում գործարքներ իրականացնող հարկ վճարողներին: Հարությունյանի խոսքով, այս փոփոխությունը շատ կարևոր քայլ է ներդրումային միջավայրի բարելավման գործում:
"Այսպիսով, նախագծի ընդունման արդյունքում ակնկալվում է տնտեսվարող սուբյեկտներին հնարավորություն ընձեռել հաշվանցման ենթակա ԱԱՀ-ի գումարների՝ հարկվող շրջանառության նկատմամբ հաշվարկված ԱԱՀ-ի գումարների գերազանցող մասն օգտագործել ավելի կարճ ժամկետներում՝ դրանով իսկ բարձրացնելով տնտեսվարող սուբյեկտների շրջանառու ֆինանսական միջոցների օգտագործման արդյունավետությունը: Միաժամանակ ակնկալվում է, որ այն դրական ազդեցություն կունենա նաև գործարար միջավայրի բարելավման աստիճանը գնահատող վարկանիշային ցուցակներում ՀՀ դիրքի վրա",- "Արմենպրես"-ի հաղորդմամբ, ընդգծեց ՊԵԿ նախագահը:
ՀՀ վարչապետ Կարեն Կարապետյանը կարևորեց ոլորտում իրականացվող բարեփոխումների վերաբերյալ հանրության իրազեկումը, այդ թվում՝ ԱԱՀ-ի վերադարձի հետ կապված:
Աղբյուր՝ lragir.am
Արտահանում ՌԴ
Արտակ.
Բարև ձեզ: Ես առաջին անգամ ցանկանում եմ Հայաստանի Հանրապետությունից Ռուսաստանի Դաշնություն կոշիկ արտահանել: Ի՞նչ ընթացակարգեր են պահանջվում այդ դեպքում:
Որպես ԱՁ գրանցվելու համար
Վահան.
Որպես ԱՁ գրանցվելու համար ի՞նչ փաստաթղթեր են հարկավոր և որտե՞ղ պետք է դիմել: Խնդրում եմ նաև ասել` ԱՁ ի՞նչ կարող է արտահանել կամ ներկրել: Կա՞ այդպիսի ցուցակ, որտեղ նշվում են թույլատրելի և ոչ թույլատրելի ապրանքների անվանումները:
Հարկման բազայի վերաբերյալ
Աննա.
Բարև ձեզ: Արտահանման դեպքում հարկման բազան որոշվում է` Ապրանքի գինը + տրանսպորտային ծախսեր (ՀՀ սահմանից մինչև ք.Երևան), ուրիշ ծախսեր չե՞ն ներառվում, օրինակ` մաքսավճար, ՄՀ գնահատում, ՀՀ սահմանից մինչև Ռուսաստան: Եվս մեկ հարց` տրանզիտնի դեկլարացիան, CMR և Ինվոյսը կազմվել են 10/11/2016թ, իսկ ՀՀ սահմանը անցել է և մաքսայինի կողմից կնքված է 11/11/2016թ, ապա Արտահանման հարկային հայտարարագրում հարկման բազան ո՞ր ամսաթիվն է հիմք ընդունում: Խնդրում եմ շտապ պատասխանեք: Շնորհակալություն:
Կազմակերպությունը ապրանք է արտահանելու ՌԴ
Arsine.
Կազմակերպությունը աշխատում է ԱԱՀ-ով: Պետք է ապրանք արտահանի Ռուսաստան: Խնդրում եմ ասեք` արտահանումից հետո ի՞նչ փաստաթղթեր պետք է ներկայացնել հարկային և ի՞նչ ժամկետներում:
Կանխավ շնորհակալություն:
Արտադրանքի, ապրանքների տեղափոխման փաստաթուղթ
Աննա.
Բարև ձեզ: Ապրանքների Ներմուծման կամ Արտահանման ժամանակ էլեկտրոնային Տեղափոխման փաստաթուղթ (Արտադրանքի, ապրանքների տեղափոխման) դու՞րս են գրում, թե՞ ոչ, եթե առաքումը կատարում է ՀՀ բեռնափոխադրման կազմակերպությունը և հաշիվ-ապրանքագիր է ներկայացրել, որտեղ նշված երկու թողով Բեռնափոխադրում ՌԴ - ՀՀ սահման և Բեռնափոխադրում ՀՀ սահման - ք. Երևան: Խնդրում եմ, դա շատ շտապ է, պատասխանեք:
1) Ներմուծման դեպքում - ՀՀ բեռնափոխադրման ընկերությունը հաշիվ է ներկայացրել, որտեղ նշված է վայրը, որտեղից առաքվում է` Ռուսաստան, և առաքվող հասցե` ք. Երևան, իսկ ես միայն Պահեստի մուտքի օրդեր եմ կազմել այնտեղ, որտեղ բերել են ապրանքը, այսինքն մեր գործունեության հասցեն: Կարո՞ղ եք պատասխանել` Ապրանքի տեղափոխման փաստաթուղթ ևս պետք էր կազմել, թե՞ ոչ:
2) Արտահանման դեպքում - ՀՀ տարածքում Գնորդը (ՍՊԸ) գնված ապրանքը միաժամանակ վաճառողի (ՍՊԸ) պահեստից բեռնափոխադրման ընկերության միջոցով արտահանում է (ինվոյսով, CMR...) Ռուսաստան: Կարո՞ղ եք պատասխանել` Ապրանքի տեղափոխման փաստաթուղթ ևս պետք է կազմել, թե՞ ոչ, եթե պետք է, ապա ի՞նչ են նշում առաքման վայրը` որտեղի՞ց - որտեղ
3) ՀՀ տարածքում Վաճառողը (ՍՊԸ) Գնորդին (ՍՊԸ) Էլեկտրոնային հաշիվ-ապրանքագրում կարո՞ղ է նշել առաքվող հասցե-Ռուսաստան: Այդ ապրանքը գնորդի կողմից միաժամանակ արտահանվում է (Ինվոյսով, CMR...) Գնորդի կողմից բեռնափոխադրման ընկերության միջոցով դեպի Ռուսաստան: Այդ դեպքում նույնպե՞ս պետք է գրանցվի Ապրանքի տեղափոխման փաստաթուղթ:
Ես պարզապես ուզում եմ հասկանալ` արտահանման դեպքում ո՞ր դեպքում կարող եմ այդ Ապրանքի տեղափոխման փաստաթուղթը չգրանցել: Շնորհակալություն:
Արդյո՞ք դուրս է գրվում տեղափոխման փաստաթուղթ
Աննա.
Բարև ձեզ, դա շատ շտապ է, խնդրում եմ պատասխանեք: Ապրանքների ներմուծման կամ արտահանման ժամանակ էլեկտրոնային տեղափոխման փաստաթուղթ (Արտադրանքի, ապրանքների տեղափոխման), դու՞րս են գրում, թե՞ ոչ, եթե առաքումը կատարում է մեկ ուրիշ տրանսպորտային կազմակերպություն: Շնորհակալություն:
ՌԴ գրանիտե քարի արտահանման համար
Artur.eghikyan.
Բարև Ձեզ: Ինձ հետաքրքրում է` ՌԴ գրանիտե քարի արտահանման համար ի՞նչ մաքսավճարներ են գանձում և ի՞նչ ընթացակարգեր ու փաստաթղթեր են պահանջում: Կանխավ շնորհակալություն:
Արդյո՞ք դուրս են գրվում էլեկտրոնային փաստաթղթեր ներմուծման և արտահանման ժամանակ
Աննա.
Բարև ձեզ: Կարո՞ղ եք ինձ շտապ օգնել և պատասխանել`
1) ԵՏՄ երկիր արտահանման ժամանակ - Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում
2)Ներմուծման ժամանակ - Հաշվարկային փասթաթղթեր բաժնից Էլեկտրոնային Ապրանքների տեղափոխման փաստաթուղթ դու՞րս են գրում
Եթե այո, այսինքն դուրս է գրվում, ապա վայրը, որտեղից ապրանքը տեղափոխվում է, ի՞նչ պետք է նշվի և եթե չեմ ներկայացրել, ի՞նչ կարող եմ անել` կարո՞ղ եմ ուշ ներկայացնել:
Շնորհակալություն:
Կազմակերպությունը ապրանք է արտահանելու ՌԴ
Աննա.
Բարև ձեզ: Խնդրում պատասխանեք. ՍՊԸ աշխատում է ԱԱՀ դաշտում, ձեռք է բերվել ՀՀ տարածքում ապրանք առանց ԱԱՀ, Ռուսաստան արտահանման դեպքում այդ ապրանքից կստանա՞մ ԱԱՀ գերավճար իմ հաշվին, թե՞ ոչ:
2) Արտահանման դեպքում e-Invoicing ծրագրում լրացվում է Հարկային հաշիվ, թե՞ Հաշվարկային փաստաթուղթ
3) Հաշվարկային փաստաթղթեր բաժնում` Ապրանքի տեղափոխման փաստաթուղթ լրացվում է միայն Հաշիվ ապրանքագիր գրելու դեպքում, թե՞ նաև Հարկային հաշիվ դուրս գրման դեպքում:
4) Ռուսաստան Արտահանման դեպքում Ապրանքի տեղափոխման փաստաթուղթ լրացվու՞մ է
Շնորհակալություն:
Ընկերությունը ապրանք է ներմուծում Ռուսաստանից
Hayk.
Հարգելի հաշվապահներ, խնդրում եմ պատասխանեք. ՀՀ-ում շրջանառության հարկով հարկվող ընկերությունը ապրանք է ներմուծում Ռուսաստանից, որտեղ ռուսական այդ ընկերությունը աշխատում է պարզեցված հարկով: Ինչպե՞ս է կարգավորվում ԱԱՀ-ի հարցը. արդյո՞ք ՀՀ-ում շրջ. հարկ վճարողը ներմուծման համար վճարում է ԱԱՀ: Եվ 2-րդ հարցը. եթե շրջ. հարկ վճարողը ապրանք է արտահանում ԵՏՄ, արդյո՞ք ԱԱՀ-ն ետ է վերադարձվում:
ԵՏՄ վիճակագրական հաշվետվության ներկայացման ժամկետներ
Արմեն.
Հարգելի գործընկերներ, որքա՞ն ժամանակ է սահմանված ԵՏՄ երկրներից ներմուծման/արտահանման դեպքում վիճակագրական հաշվետվությունը ներկայացնելու համար:
Ո՞ր օրվա փոխարժեքով կատարել հաշվարկը
Arsine.
Կազմակերպությունը ապրանք է արտահանել: Հաշիվ-ապրանքագիրը գրվել է 27.07.2016թ-ին, դոլարով: Մաքսային հայտարարագիրը կազմվել է 29.07.2016-ին: Իսկ փաստացի արտահանումը կատարվել է 30.07.2016-ին: Հարցս հետևյալն է. Ո՞ր արժեքն է դիտվելու որպես իրացում` մաքսային հայտարարագրում նշված մաքսային արժեքը, 27.07-ի կենտրոնական բանկի փոխարժեքին համապատասխան ստացված արժեքը, թե՞ 30.07-ի կենտրոնական բանկի փոխարժեքին համապատասխան ստացված արժեքը:
Կանխավ շնորհակալություն: 
Ընկերությունը ապրանք է արտահանելու Վրաստան
Arsine.
Ընկերությունը աշխատում է ԱԱՀ դաշտում: Ձեռք է բերել ապրանք ԱԱՀ-ով, որը պետք է արտահանի Վրաստան: ՊԵԿ թեժ գծից ասացին, որ կարող եմ հաշիվը դուրս գրել թղթային:
Հարցս հետևյալն է.
1. Ինչպե՞ս է նշված գործարքը արտացոլվելու հարկայինում, միայն ԱԱՀ հաշվետվությամբ
2. Արդյո՞ք գործարքից հետո որևէ փաստաթուղթ պետք է ներկայացնել ՀՏ` օրինակ մաքսային հայտարարագիրը
3. ԱԱՀ հաշվետվությամբ արտահանման ԱԱՀ կլինի 0%, իսկ ապրանքը ձեռք է բերվել ԱԱՀ-ով: Այդ դեպքում կառաջանա ԱԱՀ գերավճար: Արդյո՞ք տվյալ դեպքում առաջացած գերավճարը կարող է հաշվանցվել Ընկերության հետագա առաջանալիք ԱԱՀ պարտավորությունից:
Կանխավ շնորհակալություն:
Գյուղատնտեսական մթերքների արտահանում
Աննա.
Բարև ձեզ: Շտապ է, եթե կարող եք` օգնեք:
1.ՍՊԸ կողմից գյուղատնտեսական մթերքների արտահանումը դեպի Ռուսաստան լիցենզավորումը պարտադի՞ր է:
2.Շահութահարկը քանի՞ տոկոսով է հարկվում
3.Վիճակագրությաւն հաշվետվություն պե՞տք է ներկայացնեմ
4. e-Invoicing ծրագրով էլեկտրոնային փաստաթղթեր բաժնում առաքման փաստաթուղթ գրանցում են գյուղտնտեսական արտահանման ժամանակ
Շնորհակալություն:
Բանջարեղենի և մրգերի արտահանում
Z.
Հարգելի հաշվապահներ, խնդրում եմ ասեք` ի՞նչ հարկատեսակով է աշխատում կազմակերպությունը, որը զբաղվում է բանջարեղենի և մրգերի արտահանումով: Եթե կարելի է` հղում կատարեք օրենքից: Շնորհակալություն:
Նորաբաց կազմակերպությունը իրականացնում է բրոքերային ծառայություններ
Կարեն.
Բարև ձեզ: Խնդրում եմ ասացեք` ՍՊԸ բացելու համար կարող եմ գրանցել մեկ անձ` տնօրեն, կես դրույքով: Ի՞նչ հարկային ռեժիմով է աշխատում բրոքերային կազմակերպությունը, որը զբաղվում է միայն միջնորդությամբ` ներմուծման և արտահանման ոլորտում: Կանխավ շնորհակալ եմ:
Արդյո՞ք կազմակերպությունը պետք է աշխատի ԱԱՀ դաշտում
Rafik.
Հարգելի հաշվապահներ, կուզենայի իմանալ` շրջանառության հարկի դաշտում աշխատող կազմակերպությունը վաճառքի համար նախատեսված ապրանքներ արտահանելու դեպքում պե՞տք է անցնի ԱԱՀ-ի հարկման դաշտ, թե՞ ԱԱՀ-ի շեմը գերազանցելու դեպքում միայն կանցնի ԱԱՀ հաշկման դաշտ:
Ոսկյա զարդերի արտահանում
Անի.
Հարգելի հաշվապահներ, ձեր խորհրդի կարիքն ունեմ:
Խնդրում եմ ասեք` ի՞նչ հարկատեսակով է նպատակահարմար աշխատել, եթե ցանկանում եմ ոսկյա զարդեր արտահանել (ֆիզիկական անձանց` մանրածախ վաճառքի դեպքում), և յուրաքանչյուր դեպքում խնդրում եմ նկարագրեք հարկման սխեման, մաքսային վճարները: Եվ արդյո՞ք վերահսկելի է փոստային ծառայությունների միջոցով արտասահման առաքումները հարկային ու մաքսային մարմինների կողմից:
Ո՞ր հարկատեսակով է նպատակահարմար հարկվել արտահանման ժամանակ
Արթուր.
Հարգելի հաշվապահներ, կարո՞ղ եք ասել` ի՞նչ մաքսային վճարներ պետք է վճարել անկողնային պարագաներ արտահանելու ժամանակ: Եվ այդ գործունեությամբ զբաղվելուց ո՞ր հարկատեսակով է նպատակահարմար հարկվել: Կխնդրեի առաջին հարցին հնարավորինս մանրամասն պատասխանել, շնորհակալություն:
Հագուստ արտահանելու ժամանակ
Արթուր.
Հարգելի հաշվապահներ,
Ապրանք (հագուստ, սպիտակեղեն) արտահանելու ժամանակ մաքսային ի՞նչ վճարներ են սահմանված, և այդ դեպքում ո՞ր հարկատեսակով պետք է հարկվի տվյալ արտադրությունը` ԱԱՀ, թե՞ շրջանառության հարկ: Կանխավ շնորհակալություն: 
Կազմակերպությունը ցանկանում է գինի արտահանել Ուկրաինա
Լուսինե.
Եթե կարող եք օգնեք խնդրում եմ. կազմակերպությունը, որը զբաղվում է ծառայություններ մատուցելով ընդհանուր հարկման դաշտում, այժմ ցանկանում է գինի արտահանել Ուկրաինա: Նշեմ, որ կազմակերպությունը չունի պահեստ և առաքման գիրք: Արդյո՞ք օրենքը հնարավորություն է տալիս այդ կազմակերպությանը իրականացնել արտահանում՝ ապրանքը մատակարար հանդիսացող գործարանի հասցեից անմիջապես մաքսատուն տեղափոխելու ճանապարհով: Եվ ընդհանրապես հարկային առումով ի՞նչ խնդիրներ կարող են առաջանալ: Պատասխանը շտապ է հարկավոր:
Կանխավ շնորհակալություն:
ԱՁ-ն ցանկանում է ապրանք արտահանել ԼՂՀ
Արսինե.
Հարգելի հաշվապահներ, խնդրում եմ օգնեք.
ԱՁ-ն զբաղվում է արտադրությամբ, աշխատում է շրջանառության հարկով և ցանկանում է իր արտադրանքը արտահանել ԼՂՀ և առաջարկել խանութներին: Նման պարագայում.
1. ի՞նչ փաստաթղթեր են անհրաժեշտ
2. ի՞նչ հաշիվ-ապրանքագիր պետք է դուրս գրվի և քանի՞ օրինակից
3. ԼՂՀ խանութներին տրված հաշիվ-ապրանքագրերում նշված գումարի 3,5%-է արդյոք հաշվարկվում որպես շրջանառության հարկ
Եթե հնարավոր է` նաև հղում կատարեք, թե որ օրենքով է դա կարգավորվում:
Կանխավ շնորհակալություն:
Կազմակերպությունը զբաղվում է արտահանմամբ
Անահիտ.
Բարև Ձեզ, հարգելի հաշվապահներ, խնդրում եմ օգնել: Նոր կազմակեպություն է և զբաղվում է սննդամթերքի արտահանմամբ ԱՊՀ երկրներ: Ինչպե՞ս դուրս գրել հաշիվ-ապրանքագիր սննդամթերքի արտահանման ժամանակ, ինչպիսի՞ փաստաթղթեր են հարկավոր մաքսատուն ներկայացնելու համար: Եթե հնարավոր է` խնդրում եմ արտահանելու հաշիվ-ապրանքագրի ձև ուղարկեք:
Ֆիզ. անձը ցանկանում է իրականացնել ձեռնարկատիրական գործունեություն
Lusin.
Հարգելի փորձառու հաշվապահներ, ֆիզ. անձը ցանկանում է իրականացնել ձեռնարկատիրական գործունեություն, մասնավորապես` մետաղական արձանիկների պատրաստում և վաճառք, հնարավոր է նաև արտահանում ՌԴ: Բնականաբար օրենքի սահմաններում գործելու համար ցանկանում է պետական գրանցում ստանալ, հաշվառվել ՀՏ-ում և կատարել օրենքով պահանջվող բոլոր հարկային վճարումները: Սակայն առաջացել է մի խնդիր. գրանցվել որպես ՍՊԸ, Ա/Ձ, թե՞ Ընկերակցություն, ի՞նչ հարկատեսակներով է նա հարկվելու և այլն: Նշեմ նաև, որ այս գործունեությամբ զբաղվելու են 3 ընկերներով: Առաջացած իրավիճակում կողմնորոշվելու համար խնդրում եմ ձեր մասնագիտական խորհուրդը: Ինչպե՞ս վարվել: Խնդրում եմ հնարավորության դեպքում շտապ արձագանքել:
ԱԱՀ-ի վերադարձի կամ հաշվանցման դիմում
Սամվել.
Արտահանել ենք սեփական ատադրության արտադրանք և միաժամանակ` ժամանակին ներմուծված ապրանք, տվել են մի քանի հայտարարագիր: Արտադրանքի համար առանձին, ապրանքի համար առանձին: Հարցս հետևյալն է` երբ ներկայացվի զրոյական դրույքաչափով գործարքի ԱԱՀ-ի վերադարձի կամ հաշվանցման դիմում, պետք է նշել միայն սեփակա՞ն արտադրանքի մաքսային արժեքի 20 տոկոսը վերդարձման կամ հաշվանցման համար, թե՞ նաև այն ապրանքների (խողովակ ու մի քանի այլ սարքավորում), որոնք նունյպես արտահանվել են, բայց Հայաստանի արտադրանք չեն, և դա ես գնել եմ ֆիզ. անձից գնման ակտով, առանց ԱԱՀ-ի:
Խնդրում եմ, եթե հնարավոր է, տալ նաև օրենքին հղում, թե չէ յուրաքնաչյուր տեղյակ կարծիք հետաքրքիր է:
Արտահանման գործարքների հարկում
Սաթեն.
Հարգելի հաշվապահեր, խնդրում եմ պատասխանեք շտապ` արտահանման գործարքներից առաջացած շահույթը հարկվու՞մ է շահութահարկով:
Կազմակերպությունը զբաղվում է սեփական արտադրության արտահանմամբ
Նարե.
Հարգելի հաշվապաներ, խնդրում եմ օգնել: Կազմակերպությունը զբաղվում է սեփական արտադրության արտահանմամբ: Ես գիտեմ, որ պետք է ծագման սերտիֆիկատ, պայմանագիր և հաշիվ-ապրանքագիր: Քանի որ հաշիվները ստանում եմ թղթային, ես պե՞տք է այդ հարկային հաշիվը լրացնեմ և գրեմ 0% ԱԱՀ վճարող: Եվ ինչքան գիտեմ, նաև պետք է նշվի քաշը ապրանքի: Բացի այդ մաքսային մարմինը ինչպե՞ս է որոշում ապրանքի արժեքը: Ես պե՞տք է ներկայացնեմ ինքնարժեքի հաշվարկ, թե՞...
Կազմակերպությունը ապրանքներ է մատակարարում ՀՀ սահմաններից դուրս
Artur.
Հարգելի հաշվապահներ, օգնեք մի հարցի մասով: ԱԱՀ վճարող և էլեկտրոնային հաշիվներ դուրս գրող կազմակերպությունը ապրանքներ է (արտադրանք) մատակարարում ՀՀ սահմաններից դուրս: Խնդրում եմ ասել` ԱԱՀ-ի հետ կապված ի՞նչ հարցեր կարող են առաջանալ, և բեռնափոխադրողին ի՞նչ փաստաթղթեր ներկայացնել:
Ապրանքի արտահանման դեպքում
Անի.
Բարև, հաշվապահներ ջան: Երբ ապրանք ես ատահանում, առաքման գրքում գրում ես հայտարարագրի մեջ ֆիքսված կուրսով գինը, թե՞ այն կուրսը, որով ապրանքը դուրս է եկել կազմակերպությունից: Ինձ ասեցին` հատարարարագրի կուրսով դրամով արտահայտված թիվը պետք է ֆիքսվի, բայց հիմա մտածում եմ, որ երևի թե ճիշտ էր այն կուրսով, որ կազմակերպությունից դուրս եկավ: Տարբերությունը չնչին է: Եվ մի հարց էլ հաշիվ-ապրանքագրի հետ կապված. հիմա իմ ձեռքում կա մեր կողմից ներակայացված դոլարով ու ռուսերեն լեզվով ինվոյս, արժե՞ մի հատ էլ հայերեն տարբերակով հանեմ արդեն նույնը դրամային արտահայտությամբ: Կանխավ շնորհակալ եմ:
Ապրանքի արտահանում
Nazeli.
Հարգելի հաշվապահներ, ես սկսնակ հաշվապահ եմ և դժվարանում եմ այս հարցում: Ուզում ենք արտահանում կատարել Ռուսաստանի Դաշնություն: Խնդրում եմ պարզաբանել, արտահանման ժամանակ, երբ ԱԱՀ-ով չենք ուղարկում և դուրս ենք գրում սովորական հաշիվ, ի՞նչ հիմքի վրա ենք պահանջում պետությունից ԱԱՀ և ի՞նչ կարգով է այն կատարվում, ինչպե՞ս է արտացոլվում ԱԱՀ հաշվետվության մեջ: Շնորհակալություն:
Ոգելից խմիչքների արտահանում
Գրիգոր.
Ինչ՞ օրենքով է կարգավորվում ՀՀ արտադրության ոգելից խմիչքների արտահանումը։ Որտեղի՞ց կարելի է ստանալ համապատասխան կոնսուլտացիա։
Հարկային հաշիվների դուրսգրում նոր եղանակով
Eva.
Եթե կազմակերպությունը աշխատում է ԱԱՀ-ով, բայց գործարքների մեծ մասը հարկվում է ԱԱՀ-ի զրոյական տոկոսադրյույքով /արտահանում/, պե՞տք է արդյոք այդ գործարքների մասով դուրս գրվեն նոր եղանակով հաշիվներ:
Շնորհակալություն:
Կազմակերպությունը ներմուծել և արտահանել է ապրանք
Արթուր.
Կազմակերպությունը ներմուծել և արտահանել է ապրանք, ընդ որումˋ ամբողջ ապրանքը, այն ինչպե՞ս պետք է արտացոլվի հաշվապահության և ԱԱՀ-ի հաշվարկում:
Էլեկտրոնային հարկային հաշիվների հետ կապված
Նարինե.
Բարև ձեզ,
Իսկ ո՞վ կարող է պատասխանել իմ հարցին այս նոր օրենքիˋ էլեկտրոնային եղանակով հարկային հաշիվների մասին:
Եթե կազմակերպությունը արտահանում է Եվրոպա, և այդ դեպքում մենք գրում ենք հաշիվ-ապրանքագիր, արդյոք մենք էլ պետք է անցնենք այդ եղանակին:
Կանխավ շնորակալ եմ:
ԱԱՀ-ի հաշվանցում
Նաիրա.
Հարգելի հաշվապահներ,խնդրում եմ պարզաբանել հետևյալ հարցը.
2008 թվականին ընկերությունը ներմուծել է անմիջական արտադրողից ապակյա շշեր խմիչք շշալցնելու համար: ԱԱՀ-ն,որ մուծվել է հայտարարագրելիս չի հաշվանցվել և հետաձգվել է և հաշվանցվել է համամասնորեն միայն խմբաքանակում ընդգրկված շշերի չափով ամեն արտահանման ժամանակ:Որպես հղում եղել է հոդված 26-ը և այն,որ ապակյա շիշը հանդիսանում է բազմակի օգտագործման տարա:Ինձ թվում է,որ սխալ եմ վարվել:
Արտահանման և ներմուծման հայտարարագրերի վերաբերյալ
Արմեն.
Հարգելի գործընկերներ որտեղից կարող եմ գտնել արտահանման և ներմուծման մաքսային հայտարարագրերում կատարված գրառումների բացատրությունները և դրանց ձևաթղթերը նախապես շատ շնորհակալ եմ.....
Ընկերությունը զբաղվում է արտահանմամբ
Արմեն.
Բարև բոլորին: Ընկերությունը զբաղվում է նաև արտահանմամբ: Արդյոք արտահանված ապրանքի համար առաքման գրքում դիտվում է որպես տեղափոխում և տեղափոխման վայրի հասցեն գրվում է Մաքսատան կամ Մաքսային կետի հասցեն: Ընդ որում տեղափոխման ժամանակ որևէ տրանսպորտային կազմկերպ-ից կամ սեփական տրանս. միջ. չեն օգտվել այդ դեպքում ապրանքն ուղեկցողի սյունակը դատարկ պետք է լինի ինչես ես հասկանում եմ, և ընդհանրապես տեղափոխման վայրը սյունակում հարկ է նշել հասցեն? Եթե առաքումը կատարվել է առձեռն....և ևս մեկ հարց առաքման ժամը պարտադիր է նշել: Նախապես շատ,շատ,շատ շնորհակալ եմ:
Գարեջրի արատահանում
Լուսինե.
Բարև Ձեզ,
Մենք ցանկանում ենք գարեջուր արտահանել Եվրոպա և ԱՄՆ, բայց կոնկրետ չգիտենք ինչ թղթաբանություն է պետք լրացնել և կարգը; Կարող եք դուք մեզ օգնել այս հարցում:
Հարգանքներով,
Լուսինե
Խոտան
Ելենա.
Հարգելի կայքից օգտվող հաշվապահներ...
Ես աշխատում եմ որպես հաշվապահի օգնական ոչ մեծ բայց ներմուծող մանրամեծածախ առեւտրով զբաղվող կազմակերպությունում: Ինձ հուզում է մի հարց կապված խոտան ապրանքների հետ: Լինում են շատ դեպքեր երբ գնորդը ապրանքը ետ է վերադաձնում ԽՈՏԱՆԻ պատճառով, իսկ ապրանքը երաշխիքի մեջ է: Ներկա պահին ունեմ մեծ քանակությամբ կուտակված Խոտան: Ինչպես է կատարվում այդ տեսակ ապրանքի դուրսգրումը???
Ըստ կարգի ես պետք է վերադարձնեմ իմ մատակարարին, սակայն արտահանումը շատ ծախսատեր է ստացվում: Ինչպես վարվել???
ՕԳՆԵՔ
Վերջին մեկնաբանություններ