Սաթեն․

Խնդրում եմ պատասխանեք: Աշխատակցի աշխատանքից ազատման դեպքում նրան չտրամադրված արձակուրդների համար վերջնահաշվարկում քանի՞ օր հաշվեմ, եթե դրանք վերաբերվում են 2006, 2007, 2009, 2011 տարիներին (6-օրյա աշխ. գրաֆիկ), այսինքն հիմք ընդունեմ ներկայիս գործող աշխատանքային օրենսգիրքը, թե՞ համապատասխան տարիներինը։

Գայանե․

Բարև Ձեզ, հարգելի հաշվապահներ։ Հասարակական կազմակերպությունը մեկ տարվա ծրագիր է շահել, և աշխատանքի ենք ընդունել հոգեբան, ով հիմա երեխայի է սպասում։ Ծրագրի ավարտից հետո, երբ աշխատողը գտնվի երեխայի խնամքի արձակուրդում, ՀԿ-ի նախագահը պետք է ամեն ամիս 3 000 դրամ սոց վճար անի չէ՞ տվյալ աշխատողի համար։ Բայց այստեղ խնդիրը կայանում է նրանում, որ կազմակերպությունը միջոց չունի վճարելու։ ՀԿ -ն զբաղվում է հատուկ խնամքի երեխաների ծառայությամբ: Իրավունք ունե՞նք խնամքի արձակուրդում գտնվող աշխատակցին ազատել։ Եվ մի հարց էլ՝ ֆիզի գումարը, եթե տվյալ ամսվա եկամտային հարկը չի բավականացնում, կարո՞ղ եմ երկու կամ երեք ամսում վճարել: Շնորհակալ եմ։

Հասմիկ․

Բարև Ձեզ, խնդրում եմ ինձ օգնել հետևյալ հարցում․ Ես աշխատում եմ և սովորում, շուտով իմ ԹԵԶ-ի նախապաշտպանությունն է, ցանկանում եմ գնալ ուսումնական արձակուրդ, սակայն ինձ ասում են, որ այս տարվա ամենամյա արձակուրդը չեմ գնացել և ուսումնական չեմ կարող գնալ, պետք է գնամ ամենամյա արձակուրդ։ Խնդրում եմ Ձեզ ինձ ասել՝ արդյո՞ք ինձ հասնում է ուսումնական արձակուրդ և քանի օր, և արդյո՞ք եթե գործատուս համաձայն է՝ կարող եմ նաև վճարվել ուսումնական արձակուրդի համար։ Նախապես շնորհակալ եմ։

Արթուր․

Եթե աշխատողի համար հաշվարկվել և վճարվել է արձակուրդային հունվար ամսվա մեջ, բայց փետրվար ամսվա համար, ապա ո՞ր ամսվա հաշվետվության մեջ պետք է ներկայացնեք։

Լիլիթ.

Շրջհարկ վճարող ԱՁ-ի տարեկան շրջանառությունը 58 մլն է կազմել, մայրության նպաստը վճարվել Է 156579, նվազագույն աշխատավարձի 50%-ից Է կատարվել հաշվարկը։ Արդյո՞ք ճիշտ է հաշվել սոցապը, և ո՞ր դեպքում է ամսական հաշվարկման բազան վերցվում շահութահարկի հարկման բազա համարվող եկամուտը 12 բաժանելու միջոցով ։ Շնորհակալ եմ նախապես։

Լիլիթ․

Բարև Ձեզ. եթե աշխատողը նախորդ տարում՝ 2022թվականին ունեցել է և վճարվող արձակուրդ և չվճարվող արձակուրդ, կարո՞ղ է 2023 թվականի փետրվար ամսին գնալ իրեն հասանելիք վճարվող արձակուրդը, և արձակուրդը ավարտվելուց հետո ազատման դիմում կարո՞ղ է ներկայացնել:

Անուշ․

Բարև ձեզ, խնդրում եմ պատասխանել հետևյալ հարցին։ Աշխատակիցը բուժման նպատակով գտնվել է արտերկրում, այդ ընթացքում օգտվել է չվճարվող արձակուրդից (60 օր), ժամկետի ավարտին պարզվել է, որ առողջական վիճակի պատճառով չի կարող ինքնաթիռ նստել և ուղարկել է բժշկի կողմից տրված համապատասխան տեղեկանք։ Հնարավո՞ր է ԱՕ որևէ հոդվածով հիմնավորել իրավական ակտը, որպեսզի աշխատողը մնա աշխատանքի մեջ։ Շնորհակալություն։

Սրբուհի․

Բարև ձեզ, կասե՞ք՝ թիթեղների արտադրամասի հաստոցի աշխատակիցը համարվու՞մ է լրացուցիչ արձակուրդ ունեցող անձ:

Անահիտ․

Բարև ձեզ, հարգելի գործընկերներ, խնդրում եմ պարզաբանում հետևյալ դեպքում։

Աշխատողի հետ կնքված է եղել որոշակի ժամկետով աշխատանքային պայմանագիր,
դրանից հետո նա գտնվել է անաշխատունակության արձակուրդում։ 120 օրը լրանալուց հետո բժշկական հանձնաժողովը ժամկետը երկարացնելու որոշում է կայացրել, պայմանագիրը երեք ամսով է կնքված եղել, քանի որ անաշխատունակության մեջ է եղել պայմանագիրը չի լուծվել, վերադարձել է աշխատանքի ծանուցում եմ տվել, որ պայմանագիրը տաս օր հետո լուծվելու է, բայց քանի որ ունեցել է չօգտագործված ամենամյա արձակուրդ, տրամադրել եմ արձակուրդը և պայմանագիրը լուծել եմ արձակուրդի ավարտի հաջորդ օրը, կատարել եմ վերջնահաշվարկ, եթե 60 օր հետո չեմ ազատել, արձակման նպաստ վճարվու՞մ է, թե՞ ոչ, և օրենքով ճի՞շտ է կատարվածը։

Մանվել․

Եթե աշխատողը ապօրինի կերպով ազատվել է աշխատանքից, նույն գործատուի մոտ այլ աշխատանք է կատարել: Դատարանի վճռով երկու տարի հետո վերականգնվել է նախկին աշխատատեղում և հարկադիր պարապուրդի համար 2 տարվա փոխհատուցում է ստացել: Ընթացիկ տարվա արձակուրդը հաշվարկելիս միջին աշխատավարձի մեջ փոխհատուցման գումարը որպես այլ եկամուտ հաշվի կառնվի՞, թե՞ ոչ…

Ի՞նչ է գրանցման հայտը և ե՞րբ է այն ներկայացվում

Վարձու աշխատողին աշխատանքի ընդունելու և ազատելու, քաղաքացու հետ քաղաքացիաիրավական պայմանագիր կնքելու և պայմանագրի գործողության ժամկետն ավարտվելու կամ պայմանագիրը լուծելու, վարձու աշխատողին չվճարվող արձակուրդ, մինչև երեք տարեկան երեխայի խնամքի արձակուրդ տրամադրելու, այդ արձակուրդն ավարտվելու, գրանցման հայտում փոփոխություններ կատարելու, ինչպես նաև՝ տարիքային կենսաթոշակի իրավունք տվող տարիքը լրացած վարձու աշխատողի կողմից սոցիալական վճարներ կատարելը դադարեցնելու մասին գործատուին դիմում ներկայացնելու դեպքերում գործատուն ներկայացնում է գրանցման հայտ հաշվետվությունների ներկայացման էլեկտրոնային համակարգում:

Մերի․

Բարև Ձեզ։ Հարցս կայանում է հետևյալում․ աշխատակցին մեկ ամսվա ընթացքում քանի՞ օր արձակուրդ է հասնում, ես գիտեմ, որ 20/12=1.66 կլորացվածով 1,67 , եթե կա այլ հաշվարկ, որտեղ 1,70 է լինում աշխատակցի 1 ամսվա հասանելիք արձակուրդի քանակը, խնդրում եմ հուշել։

Ջուլիա․

Ինչպե՞ս ձևակերպել արձակուրդից հետ կանչելու հաշվարկը։

Լուսիկ․

Հարգելի հաշվապահներ, խնդրում եմ օգնեք․ աշխատողը գնացել է մեկ տարվա արձակուրդ և ստացել է արձակուրդային 100 528 ՀՀ դրամ, բայց աշխատանքից ազատվել է 6 ամիս աշխատելուց հետո։ Ունի նաև ստանալիք գումար վերջին աշխատած ամսվա համար 35 000 ՀՀ դրամ։ Ինչպե՞ս վերահաշվարկել։ Արդյո՞ք կարող ենք հետ գանձել ավել ստացված գումարը, և ի՞նչ անել մնացած -15 264 ՀՀ դրամի հետ։ Կանխավ շնորհակալ եմ։

Մարգարիտա.

Բարև Ձեզ։ Մայրության նպաստն ավել է քան տվյալ ամսվա եկամտային հարկը։ Ինչպե՞ս պետք է ստանալ տարբերությունը։

Լիլիթ․

Բարև Ձեզ, հարգելի հաշվապահներ։ 2 հարց ունեմ, խնդրում եմ օգնեք:

1. ՊՈԱԿ-ը իրականացնում է ծառայությունների մատուցում, որի համար տպվում է ՀԴՄ կտրոն (նշեմ, որ ՀԴՄ-ն նորագույն սերնդի է), ի՞նչ հաշվետվություններ պետք է ներկայացվեն taxonline համակարգում, և արդյո՞ք ներկայացվում է, թե՞ ոչ:

2. Աշխատակիցը կարո՞ղ է մեկ օրով չվճարվող արձակուրդի դիմում ներկայացնել, և արդյո՞ք թեկուզ այդ մեկ օրվա համար գրանցման հայտում նշվում է այդ մեկ օրվա բացակայությունը: Կանխավ շնորհակալություն:

Արմինե.

Բարև Ձեզ։ Աշխատողը հրաժարվում է օգտվել այս տարվա ամենամյա արձակուրդից, կարո՞ղ եմ դիմումի միջոցով տեղափոխել հաջորդ տարի կամ ի՞նչ անել, որ օրենքի սահմանում լինի։

“Փաստաթղթեր” բաժնում ավելացվել են հետևյալ փաստաթղթերը.

• Ամենամյա արձակուրդի հրաման (ամբողջական)
• Ամենամյա արձակուրդի հրաման (մասերով)
• Արձակուրդի տեղափոխման հրաման
• Աշխատանքային պայմանագիրը լուծելու համաձայնագիր
• Աշխատանքային պայմանագրի գործողության ժամկետը երկարաձգելու համաձայնագիր
• Այլ ստորաբաժանում փոխադրման հրաման
• Երեխայի խնամքի արձակուրդի ընդհատման հրաման
• Երեխայի խնամքի արձակուրդի ընդհատման հրաման՝ հղիության և ծննդաբերության արձակուրդ մեկնելու կապակցությամբ

Անուշ.

Բարև ձեզ։ Կասեք՝ աշխատողը 2018թ. մայիսից աշխատում է մանկապարտեզում, և 2022թ. հոկտեմբերից ամենամյա արձակուրդի մեջ է՝ 25 օր, և արձակուրդից հետո ուզում է ազատվել աշխատանքից։ Իրավունք ունե՞նք ազատել, թե՞ պիտի հետ գանձում անենք արձակուրդայինից։ Ասում են, որ նրան չի հասնում արձակուրդ, եթե ուզենա հիմա ազատվել։

Անի․

Բարև Ձեզ։

Եթե աշխատողը իրեն հասանելիք 20 օրվա արձակուրդից 10 օր է օգտվել 2020 թվականին և դրանից հետո անցել է երեխայի խնամքի արձակուրդի, 2022 թվականի ապրիլից նորից անցել է աշխատանքի: Հիմա նա կարո՞ղ է օգտվել իր մնացած 10 օրվա արձակուրդից, թե ոչ, և արդյո՞ք նրա արձակուրդում գտնվելու օրերի համար արձակուրդ է ձևավորվում թե ոչ:

Արմինե.

Բարև Ձեզ։ Խնդրում եմ պարզաբանել, եթե աշխատակիցը հղիության և ծննդաբերության արձակուրդից հետո խնդրում է գնալ իր չօգտագործած արձակուրդը, ապա հաշվարկվում է ժամանակահատված մինչև հիվանդության թերթիկ ներկայացնելու օրը, թե՞ դա էլ է հաշվվում։ Այսինքն՝ հղիության և ծննդաբերության ժամանակահատվածը չի ներառվու՞մ արձակուրդային ժամանակահատվածի մեջ։ Կանխավ շնորհակալ եմ։

Թամարա.

Բարև Ձեզ, հարգելի հաշվապահներ: Կազմակերպության հաշվապահի նք-ով ստորագրվում են հաշվետվություններն ու հարկային հաշիվները, իսկ տնօրենի նք-ով միայն հարկային հաշիվները: Ասացեք խնդրեմ, եթե նրանցից մեկը գտնվում է արձակուրդում, կարելի՞ է նրա նք-ով ստորագրել: Եթե ոչ, ապա ի՞նչ տույժ է կիրառվում: Շնորհակալություն,

Անուշ.

Բարև ձեզ։ 2 հարց ունեմ, եթե կարող եք օգնեք ։
Հարց 1. Հարկադիր պարապուրդը ամենամյա արձակուրդի հաշվարկի մեջ մտնու՞մ ա, թե՞ ոչ։
Հարց 2. Եթե աշխատողը 2021թ. նոյեմբերի 22-ից մինչև դեկտեմբերի 24-ը գտնվել ա ամենամյա արձակուրդում, ապա այս 2022թ. հոկտեմբերի 3-ից վերցրել ա իր այս տարվա ամենամյա 25 օր (մինչև նոյեմբերի 4-ը) արձակուրդը, ինչպե՞ս պետք այն հաշվել։ Աշխատավարձի չափը 110 000 կեղտոտը։ Որ 12 ամիս հետ ենք գնում, դա է ասածս, 2021թ. նոյեմբերը մտնու՞մ է հաշվարկի մեջ։

Հասմիկ.

Բարև Ձեզ։ Աշխատողը կազմակերպությունում աշխատել է 8 ամիս, որից 3 ամիսը եղել է փորձաշրջանի մեջ։ Արդյո՞ք կարող է գնալ հերթական հասանելիք արձակուրդի։ Շնորհակալ եմ նախօրոք, խնդրում եմ արձագանքել հնարավորինս շուտ։

Անուշ.

Բարև ձեզ։ Կօգնեք, եթե աշխատողը գործի է ընդունվել 2019թ. մայիսին ու հիմա հոկտեմբեր ամսին ցանկանում է վերցնել իր այս տարվա արձակուրդը և նոր ազատվել աշխատանքից, նա իրավունք ունի՞ վերցնել ամենամյա արձակուրդը 25 օր ու նոր ազատվել։

Արմինե.

Բարև Ձեզ։ Եթե աշխատակիցը 4 ամիս առաջ է քաղիրավականից դարձել աշխատանքային, ես կարո՞ղ եմ նրան արձակուրդ տալ և եթե մյուս աշխատողս ապրիլին է վերադարձել մայրության խնամքից, նրան ևս կարո՞ղ եմ տալ, թե՞ ոչ։ Խոսքս ամենամյա արձակուրդի մասին է։

Մարինե.

Հարգելի հաշվապահներ, եթե տնօրենը գնում է արձակուրդի, պարտականությունները վերապահվում է տնօրենի տեղակալին: Տրվում է հրաման տնօրենի պարտականությունները վերապահելու մասին: Տեղակալը, եթե ստորագրում է փաստաթղթեր, նրա պաշտոնը ո՞նց ենք ձևակերպում՝ ստորագրեց տնօրենի տեղակալ, թե՞ ՊԺԿ (պարտականությունների ժամանակավոր կատարող)։

Գոհար.

Բարև ձեզ, հարգելի հաշվապահներ։ Խնդրումեմ օգնեք, եթե աշխատողը գնում է ֆիզ, ապա դրանից հետո եկամտային հարկի 0-ական պե՞տք է ներկայացնեմ միջև 140 օր լրանալը։ Նաև լրանալուց հետո պետք է գրանցման հայտով ներկայացնե՞մ՝ խնամքի արձակուրդը։

Լիան.

Սեպտեմբեր ամսվա մեջ ձևակերպել են արձակուրդ 10 օր, բայց չի վճարվել գումարը։ Այժմ աշխատած օրերի հետ միասին վարձատրելու են հոկտեմբերին։ Ըստ իրենց տրամադրած հաշվարկի ենթակա է վճարման 211 250 դրամ, սակայն ես չեմ կարողանում հասկանալ, թե ինչպե՞ս է ստացվում այդ թիվը։ Սեպտեմբերն ունի 21 աշխատանաքյին օր, միջին աշխատավարձս 2 500 000 դրամ է։ ՏՏ ոլորտի հավաստագրով աշխատող կազմակերպություն է, աշխատանքը՝ 5-օրյա գրաֆիկով է։ Խնդրում եմ օգնեք հասկանալ, ճի՞շտ է հաշված, թե՞ ոչ, և ինչպե՞ս են ստացել այդ թիվը։

Վաղինակ.

Բարև Ձեզ: Եթե հիմնական աշխատողը վերադառնում է աշխատանքի մինչև 3 տարեկան երեխայի խնամքի արձակուրդից և նրան փոխարինող աշխատողը նրա վերադարձից 10 օր առաջ գնացել է հղիության և ծննդաբերության արձակուրդ, ի՞նչ է տեղի ունենում փոխարինող աշխատողի հետ հիմնական աշխատողի վերադառնալուց հետո: Արդյո՞ք նա ետ է կանչվում արձակուրդից և ազատվում աշխատանքից հիմնական աշխատողի վերադառնալու օրը, թե՞ նրա ազատումը հետաձգվում է մինչև հղիության և ծննդաբերության արձակուրդի ավարտը:

Լուսինե.

Հարգելի հաշվապաներ, խնդրում եմ ասացեք, աշխատողը չի ցանկանում գնալ ֆիզ. արձակուրդ, ուզում է աշխատել մինչև երեխայի ծնվելը: Արդյոք իրավունք ունի՞, և այդ դեպքում ինչպե՞ս է հաշվարկվում արձակուրդի օրերը:

Լիլիթ.

Բարև Ձեզ։ Մայրության նպաստը փոխանցելուց հետո հաջորդ ամիս եկամտային հարկի հաշվետվության մեջ ի՞նչ ենք լրացնում այդ աշխատողի բաժնում և ի՞նչ թուղթ պետք է ներկայացնենք սոցապ։

Լուսինե.

Բարև ձեզ: Խնդրեմ ինձ հստակ պատասխան կտա՞ք, եթե Ա/Ձ-ն՝ միկրոյի հարկման դաշտում աշխատող, 15.10.2022 գնալու է ֆիզ. արձակուրդ, ե՞րբ պետք է Ա/Ձ դադարեցում տամ։

Անուշ.

Բարև ձեզ։ Հաշվապահներ ջան, բարդ ծննդաբերության դեպքում 15 օրվա համար անաշխ. թերթիկի ներկայացնելը ժամկետային սահմանափակում ունի՞։
Օրենքում ինչքան փնտրեցի չգտա նման կետ։ 140 օրը լրանալուց հետո է վճարվում, թե՞ կարող է երեխայի ծնվելուց մեկ շաբաթ հետո վճարվի։

Հասմիկ.

Բարև Ձեզ։ Եթե աշխատողը գտնվում է հերթական արձակուրդում, կարո՞ղ ենք նոր հաստիքի նշանակենք այդ ընթացքում։

Շուշան Դարինյան.

Հարգելի հաշվապահներ, խնդրում եմ՝ կնշե՞ք դեպքերը, բայց խնդրում եմ՝ ոչ հոդվածներով, այլ ուղղակի թվարկել դեպքերը։ Աշխատողին տրված ամենամյա արձակուրդի տևողությունը գերազանցել է իրեն հասանելիք արձակուրդի տևողությանը։ Աշխատանքից ազատման ո՞ր դեպքերում աշխատողը պետք է գործատուին հետ վերադարձնի իրեն ավել վճարված գումարը։

Տաթև1.

Բարև ձեզ: Եթե անձը գտնվել է դեկրետում և մինչև 3 տարեկան երեխայի խնամքի արձակուրդի ընթացքում էլի գնացել է դեկրետ, արդյոք կազմակերպությունը պարտավո՞ր է կրկնակի վճարել 3 000 ՀՀ դրամը։

Տիրուհի.

Բարև Ձեզ: Ես մի հարց ունեմ, եթե աշխատողի 6-ամիսը լրացել է, պարտադի՞ր է ամենամյա արձակուրդի գնալը, եթե աշխատողը չի ցանկանում գնալ, իրավունք ունի, թե՞ ոչ։

Լիլիթ.

Բարև Ձեզ։ Մի հարց ունեմ, եթե մայրության նպաստի միանվագ գումարը արդեն վճարել եմ, դրանից հետո երբ երեխան ծնվում է, սոցապ ի՞նչ թուղթ պիտի ուղարկվի։

Քրիստինե.

Կներեք՝ մի հարց տամ. չաշխատող մայրերի 7 ամսականի գումարը դիմումը տալուց հետո քանի՞ օրվա ընթացքում է փոխանցվում գումարը։

Արմինե.

Բարև ձեզ։ Գյուղաբնակ աշխատող մայրը ինչքա՞ն գումար է ստանալու երրորդ երեխայի դեպքում ամեն ամիս։

Էլինա.

Հարգելի հաշվապահներ, խնդրում եմ օգնեք. ՍՊԸ-ի գանձապահի արձակուրդ գնալուց արդյո՞ք պետք է կատարել դրամարկղի գույքագրում, և արդյո՞ք պետք է լրացուցիչ վճարել փոխարինողին։ Խնդրում եմ թողնել օրենքի հղում։ Կանխավ շնորհակալ եմ։

Մարինե.

Հարգելի հաշվապահներ, եթե հիմնարկի տնօրենը իր պարտականությունները ստանձնում է 2022 թվականի փետրվարի 14-ից, նա կարո՞ղ է 2022թ. հոկտեմբերի 10-ից 15 աշխատանքային օր տևողությամբ մեկնել արձակուրդի: Կանխավ շնորհակալություն:

Լուսինե.

Բարև Ձեզ։ Եթե աշխատողը փոխաինող է մի քանի ամիս ժամանակով, իրավունք ունի՞ գնալու ֆիզ. արձակուրդ:

Կարինե.

Աշխատողը իր հերթական ամենամյա արձակուրդից օտվելուց հետո ազատվել է աշխատանքից։ Այդ դեպքում աշխատողին վերջնահաշվարկ հասնու՞մ է, թե՞ ոչ (դիմումի համաձայն):

2020թ․ հունվարի 8-ից մինչև 2022 սեպտեմբերի 01-ը աշխատակիցն աշխատելէ ՏՏ ոլորտի արտոնագրով աշխատող ՍՊԸ-ում՝ 5-օրյա գրաֆիկով, սկզբում ոչ լրիվ աշխ․ժամանակով, վերջին մեկ տարուց ավելին նորմալ տևողությամբ։ Այս ընթացքում երբևէ արձակուրդ չի գնացել։ Ինչպե՞ս է հաշվարկվում վերջնահաշվարկը այս դեպքում։ Նշեմ նաև, որ ոչ լրիվ աշխ․ժամանակով աշխատելիս, զուգահեռաբար աշխատել է մեկ այլ ՍՊԸ-ում նույնպես ոչ լրիվ աշխ․ժամանակով։ Չօգտագործված արձակուրդային օրերն ինչպե՞ս են հաշվարկվում ոչ լրիվ աշխատաժամանակի դեպքում։

Նարե.

Բարև Ձեզ, հարգելի հաշվապահններ։ Վարձու աշխատողը ընդունվել է աշխատանքի 03.05.2022թ. 5-օրյա աշխատանքային գրաֆիկով: Ամսական հաշվարկային աշխատավարձն է 138 255 դրամ: Ազատման դիմում է գրել 06.09.2022թ.: Կխնդրեի օգնեիք ինձ՝ ի՞նչ ունեմ այս դեպքում հաշվարկելու սեպտեմբեր ամսվա աշխատավարձից բացի՝ արձակուրդի չօգտագործած օրերի գումար, վերջնահաշվարկ: Կխնդրեի նաև օգնել կատարել անհրաժեշտ հաշվարկները: Կանխավ շնորհակալություն:

Մարինե.

Բարև Ձեզ, հարգելի հաշվապահներ։ Եթե բաժնի պետը գնում է ամենամյա արձակուրդի, իսկ նրա փոխարինողը, անձնական խնդիրներից ելնելով, անհապաղ մեկնում է արձակուրդի: Բաժնի պետին հե՞տ են կանչում ամենամյա արձակուրդից, թե՞ պարտականությունները վերապահում են մեկ այլ աշխատողի, հաշվի առնելով, որ բաժնում չկա ուրիշ աշխատող: Կարո՞ղ ենք պարտականությունները վերապահել մյուս բաժնի աշխատողին և, եթե հետ ենք կանչում՝ հաշվարկի տեղեկագրում ո՞նց ենք օրերը նշում: Կանխավ շնորհակալություն:

Հասմիկ.

Բարև ձեզ, հարգելի հաշվապահներ։ Աշխատողը ֆիզ. արձակուրդ գնում է նախատեսված ժամկետից մեկ շաբաթ ուշ։ Ասեք խնդրում եմ՝ ինչպե՞ս կատարեմ հաշվարկը և արդյո՞ք օրենքի խախտում է սա, թե՞ օրենքն ունի սա կարգավորող դրույթներ։

Մարինե.

Հարգելի հաշվապահներ, եթե բաժնի պետը գնում է երեխայի խնամքի արձակուրդ, նրա պարտականությունները վերապահվում է գլխավոր մասնագետին՝ աշխատանքային գրքույկում լրացվու՞մ է այդ պարտականությունների վերաբերյալ գրառում: Այսինքն՝ գլխավոր մասնագետի վրա վերապահված պարտականությունների մասին գրառումը լրացվու՞մ է աշխատանքային գրքույկում։ Հաշվի առնելով, որ բաժնի պետի պարտականությունները վերապահում են մասնագետի վրա, այլ ոչ թե մասնագետին տեղափոխում բաժնի պետի պաշտոնին: Եթե գրառումը կատարվում է՝ խնդրում եմ օգնեք հասկանամ աշխատանքային ո՞ր հոդվածի համաձայն է կատարվում։