Gayane.

Բարև ձեզ:
Ես ուսուցչուհի եմ դպրոցում, սակայն մտադիր եմ աշխատանքից հեռանալ սեպտեմբեր կամ հոկտեմբեր ամսին: Կուզենայի իմանալ` ես իրավունք ունե՞մ հուլիս ամսվա արձակուրդայինը ստանալու: Շնորհակալություն:

Մանե.

Բարև ձեզ: Հարգելի հաշվապահներ, խնդրում եմ օգնեք ինձ` աշխատողը գնում է ֆիզ. արձակուրդ, սոց. փաթեթը նրա համար դադարու՞մ է:

Նաիրա.

Հարգելի հաշվապահներ, խնդրում եմ պատասխանել` եթե աշխատողին հաշվարկում ենք ամենամյա վճարովի հերթական արձակուրդ, և միջինը հաշվարկելիս մեկ ամիս աշխատողը գտնվել է չվճարվող արձակուրդում: Արդյո՞ք այդ ամիսը մտնում է միջինի հաշվարկման մեջ, և աշխատավարձը բաժավում է 12-ի, թե՞ չի ներառվում, և բաժանվում է 11-ի : Խնդրում եմ նշել նաև այն աղբյուրը, որտեղից հնարավոր է կարդալ հարցի պատասխանը: Կանխավ շնորհակալություն:

Արուսյակ.

Բարև ձեզ, կարո՞ղ եք ինձ օգնել` աշխատանքային պայմանագրերի հետ կապված մի քանի հարց ունեմ: Ունեմ կնքած աշխատանքային պայմանագիր, որն 4 ամիս ժամկետով է կնքվում և վերակնքվում է լրանալուց հետո: Չե՞ք ասի` ինձ հասնու՞մ է արդյոք ամենամյա արձակուրդ և արդյո՞ք վճարվում է այն, թե ոչ, շնորհակալություն:

Իրինա.

Հարգելի հաշվապահներ, խնդրում եմ պատասխանել հետևյալ հարցիս:
Աշխատողը աշխատում է շաբաթական 3 օր, 8 ժամյա գրաֆիկով: Արձակուրդ ուղարկելիս հաշվի են առնվում իր աշխատա՞ծ օրերը, այսինքն նա հանգստանում է իր աշխատանքայի՞ն օրերին, թե՞ շաբաթվա բոլոր օրերին: Դրանից է կախված արձակուրդայինի հաշվարկը, խնդրում եմ օգնել:

Nana.

Ուզում եմ իմանալ` եթե մարդը իր մատուցած ծառայությունների համար ստանում է վճարներ ամբողջ տարվա կտրվածքով, ոչ ստաբիլ աշխատավարձ, ապա այդ աշխատողը արձակուրդից օգտվելու իրավունք ունի՞: Եթե այո, ապա ինչպե՞ս է հաշվարկվելու նրա արձակուրդային վճարները: Նախապես շնորհակալություն:

Jemma.

Բարև ձեզ: Ես գտնվում եմ վճարվող արձակուրդում: Նույն ժամանակահատվածում 9 օր բյուլետեն եմ ներկայացրել: Երկարու՞մ է արդյոք իմ արձակուրդը և քանի՞ օրով:

Իզաբելա.

Հարգելիներս, խնդրում եմ պատասխանել` եթե աշխատողը ընդւնվել է աշխատանքի 2001թ. և չի օգտագործել իր հերթական արձակուրդները, իսկ մարտին ազատվում է, ապա վերջնահաշվարկի համար քանի՞ տարվա չօգտագործված արձակուրդի հաշվարկ է հասնում աշխատողին:

Մարգարիտա.

Խնդրում եմ պատասխանել: Աշխատողը քանի՞ աշխատանքային օր կարող է գնալ իր հաշվին արձակուրդ, և եթե ամսի 1-ը կիրակի է, այդ ամսվա 2-ից պիտի գրի դիմումը: Եվ խնդրում եմ ուղարկեք դիմումի ձևի օրինակ:

Արև.

Հարգելի հաշվապահներ, հարցս հետևյալն է. եթե աշխատողին դուրս են գրել արձակուրդային, նա ստացել է արձակուրդայինի գումարը, բայց արձակուրդ չի գնացել և ներկայացել է աշխատանքի, այս դեպքում իրեն պե՞տք է արդյոք վճարվի այդ ամսվա համար լրիվ աշխատավարձ, և արդյո՞ք պետք չէ հետ գանձել արձակուրդայինի գումարը:

Հասմիկ.

Հարգելի էքսպերտ, ես աշխատում եմ Հարավ-Կովկասյան Երկաթուղում: Այժմ գտնվում եմ երեխայիս խնամքի արձակուրդում, դեռ 1 տարի ունեմ աշխատանքի վերադառնալուս համար: Ամռանը կծնվի 2-րդ երեխաս: Կուզեի իմանալ, թե նվազագույնը որքան ժամանակ է ինձ հարկավոր աշխատել` մինչ ֆիզ. արձակուրդի գնալս, որպեսզի օգտվեմ վերջերս բարձրացված աշխավարձովս հաշվարկվող 140 օրվա գումարս: Դեկրետից դեկրետ եմ գնում, բայց մի փոքր կարող եմ աշխատել: Այդ ժամկետն է ինձ հետաքրքրում, 1 լրիվ ամիսը բավարա՞ր է: Շնորհակալ եմ:

Ալինա.

Բարև ձեզ։ Ներկայացնեմ իրավիճակը` աշխատակիցը 5 տարի աշխատելուց հետո դուրս է եկել ընկերությունից, սակայն այդ 5 տարիների ընթացքում ոչ մի անգամ արձակուրդ չի գնացել: Ինքը ունի՞ արդյոք իրավունք պահանջել այդ 5 տարիների չվճարված արձակուրդայինի գումարը: Կանխավ շնորհակալ եմ:

Սիլվա.

Հարգելի հաշվապահներ, հղիության ու ծննդաբերության անաշխատունակության թերթիկն ավարտվել է 19.12.2014թ., երեխան ծնվել է 05.10.2014թ.: Մինչև 3 տարեկան երեխայի արձակուրդի հրամանում 20.12.2014թ. – 20.12.16թ. գրե՞մ, թե՞ 20.12.2014թ. – 05.10.2016թ.: Թիվ 79 գրանցման հայտում, ավելացնել չվճարվող արձակուրդ բաժնում, սկիզբը գրանցել եմ 20.12.2014թ., ավարտը՝ 05.10.2016թ.: Արդյո՞ք ճիշտ եմ վարվել: Կանխավ շնորհակալ եմ:

Անյուտա.

Բարեւ ձեզ: Խնդրում եմ օգնեք: Լրագրող եմ, բալիկս 2տ 3 ամսական է: ՄԻնչ հղիության արձակուրդ գնալս որպես գրանցված աշխատող աշխատել եմ լրատվամիջոցում` պատրաստելով աշխատանքային պլանով նախատեսված նյութեր և դրա դիմաց ստանալով ֆիքսված, հաստատուն աշխատավարձ, ենթադրենք ամսական 20 նյութ 100.000 աշխատավարձ: Այժմ ցանկանում եմ դուրս գալ աշխատանքի, սակայն գործատուն ասում է, որ նախկին աշխատանքի ծավալով ինձ չի կարող վերցնել աշխատանքի, որովհետև արտահաստիքային թղթակիցներ ևս ունի, որոնք իմ բացակայության ժամանակ փաստորեն պատրաստել են նյութեր և ըստ գործատուի քանի որ նրանք այժմ էլ շարունակելու են պատրաստել: Ստացվում է, որ լրատվամիջոցը ստանում է իր 20 նյութը, բայց այս դեպքում ցանկանում է դա բաշխել իմ ու ևս երկու լրագրողի միջև:

Լսել եմ, որ աշխատանքային օրենսգրքով գործատուն չի կարող ավելի պակաս վարձատրությամբ աշխատանք առաջարկել հետծննդյան արձակուրդից վերադարձող աշխատողին: Կուզեի իմանալ, կարո՞ղ եմ պահանջել, որ պատրաստեմ նախկին աշխատանքային պլանով նախատեսված նյութերը և դրա դիմաց ստանալ նախկինում ստացածս ֆիքսված, հաստատուն աշխատավարձը: Ի՞նչ է նախատեսվում օրենքով:

Shushan.

Բարև ձեզ,
Խնդրում եմ օգնեք հասկանալ, ՍՊԸ-ում 8,5 տարի աշխատելու ընթացքում, երբ տարեկան 10 օր է արձակուրդ ունեցել աշխատողը, և միայն երկու անգամ 20 օր , հնարավո՞ր է արդյոք աշխատանքից դուրս գալուց հետո վերջնահաշվարկը 0 լինի: Աշխատանքից դուրս գալուց առաջ աշխատողն իր հաշվին արձակուրդ է վերցրել արտերկրում որակավորման կուրսերի մասնակցելու համար:

Կանխավ շնորհակալ եմ:

Արմինե.

Բարև ձեզ, խնդրում եմ օգնել, հնարավո՞ր է արդյոք հաստիքացուցակում աշխատավարձ բարձրացնել ֆիզ. արձակուրդում գտնվող աշխատակցին, եթե նրան կան փոխարինողներ, և տվյալ դեպքում համաձայնագիր ու՞մ հետ պետք է կնքվի: Կանխավ շնորհակալություն:

Կարինե.

Բարև ձեզ: 2008թ. ընդունվել եմ դպրոցում որպես համակարգչային օպերատոր, հետագայում ստացել եմ նաև ֆիզիկայի դասաժամեր, 2012 թ. հոկտեմբերից մեկնել եմ երեխայի խնամքի արձակուրդ: Այդ ընթացքում օպերատորի կես դրույքը դարձել է դրույք ու կես, հիմա ուզում եմ վերադառնալ աշխատանքի, բայց ինձ ասում են, որ ինձ հասնում է օպերատորի միայն կես դրույքը, արդյո՞ք դա ճիշտ է: Նախօրոք շնորհակալություն:

Ani.

Հարգելի հաշվապահներ, ես աշխատում եմ մի ընկերությունում 6 տարի, տարբեր պաշտոններում և տարբեր աշխատավարձերով: Մի քանի օր առաջ կազմակերպության այդ մասնաճյուղը փակվեց, այսինքն ես մնացի առանց աշխատանք: Կասե՞ք` գործատուն ինձ պետք է վճարի՞ փոխատուցում (օրինակ, 2 ամսվա աշխատավարձ), և մի հարց` ինչպե՞ս են անելու վերջնահաշվարկը, քանի որ տարբեր տարիների ստացել եմ տարբեր աշխատավարձներ, ամեն տարվա համար առանձի՞ն են հաշվելու, թե՞ այլ կերպ, և արդյո՞ք ինձ պետք է վճարեն 6 տարվա չգնացած արձակուրդներիս համար, թե՞ ավելի քիչ ժամկետ են հաշվում: Խնդրում եմ հնարավորինս շուտ պատասխանեք, նախապես շնորհակալություն:

Աստղիկ.

Հարգելի մասնագետներ,
ես ամբողջ 2014թ. գտնվել եմ ֆիզ. արձակուրդում: Ինձ հետաքրքիր է` արդյո՞ք կուտակայինից հրաժարվելու համար ես պետք է ներակայացնեմ դիմում իմ գործատուին մինչև դեկտեմբերի 25-ը, թե՞ դիմումը ներկայացվում է աշխատանքի վերադառնալու ժամանակ: Իմ գործատուն ասում է, որ հաշվետվությունն ուղարկված է, և ես համարվում եմ դիմում ներկայացրած, և հետևաբար խնդիր չի առաջանա: Բայց ամեն դեպքում ուզում եմ պարզել այդ հանգամանքը, քանի որ ես փաստացի ոչ մի դիմում չեմ ներկայացրել և հետևաբար չեմ ստորագրել:

Հրուշ.

Հարգելի մասնագետներ, ինձ հուզում է հետևյալ հարցը. երբ կինը գրանցված աշխատող է որևէ ՍՊԸ-ում, ապա ֆիզարձակուրդի մեկնելիս ո՞վ է վճարում ֆիզարձակուրդի համար նախատեսված գումարը` տվյալ ՍՊԸ-ն` գործատուն, թե՞ պետությունը, ինչպես արվում է պետական կառույցներում` դպրոց, մանկապարտեզ, նախարարություն և այլն: Եվ ևս մեկ հարց, արդյո՞ք գործատուն իրավունք ունի չվճարել ֆիզիկական արձակուրդի, կամ առհասարակ արձակուրդի համար նախատեսված գումարները: Շնորհակալություն:

Karmen.

Հարգելի գործընկերներ, խնդրում եմ պատասխանեք իմ հետևյալ հարցին:
Աշխատողը գտնվում է հղիության և ծննդաբերության արձակուրդում: Արձակուրդը ավարտելուց հետո աշխատողը կարո՞ղ է արդյոք գնալ վճարովի արձակուրդի, որի ավարտից հետո էլ գնալ մինչև 3 տարեկան երեխայի խնամքի արձակուրդի:

Տոմա.

Բարև ձեզ, խնդրում եմ օգնել ինձ արձակուրդ հաշվարկելու հարցում.
1. Քանի՞ աշխատանքային օր է հասնում վեցօրյա աշխատանքի դեպքում
2. Եթե աշխատողը 2013 հունվար ամսին գնացել է արձակուրդ, ե՞րբ է արձակուրդ հասնում և անփոփոխ 80 000 աշխատավարձի դեպքում ինչքա՞ն է կազմում արձակուրդայինը, կանխավ շնորակալ եմ:

astxik.

Բարև ձեզ, հարգելի հաշվապահներ, խնդրում եմ պատասխանեք.
1. Գործարքային աշխատավարձ ստացողին արձակուրդային հասնու՞մ է
2. Արտոնագրով հանրային սնունդը, եթե տարածքը 28 քմ է, ինչպե՞ս է հաշվարկվում` օրենքում մինչև 50 քմ համար է գրված, իսկ փոքր տարածքի համար տարբերություն կա՞, թե՞ ոչ:
Շնորհակալություն:

Աննա.

Խնդրում եմ օգնել: Աշխատողը գնում է արձակուրդ 01.08.2014թ-ից, արձակուրդային գումարը փաստացի ստացել է 27.07.2014թ: Ո՞ր ամսվա հաշվետվության մեջ պետք է արտացոլել արձակուրդային գումարը` հուլի՞ս, թե՞ օգոստոս:

gayane.

Հարգելի հաշվապահներ, խնդրում եմ որքան հնարավոր է շուտ պատասխանել հետևյալ հարցին: Ուսուցիչը, որը աշխատանքի է ընդունվել 2010թ-ին և ամեն տարի ամռանը օգտվել է իր հերթական ամենամյան արձակուրդից, 2014թ-ի հունիսի 2-ից մինչև հոկտեմբերի 19-ը գտնվում է հղիության և ծննդաբերության արձակուրդում: Հղիության և ծննդաբերության արձակուրդից հետո ուսուցիչը իրավունք ունի՞ օգտվել իր հերթական ամենամյա վճարովի արձակուրդից, որից հետո միայն գնալ մինչև 3 տարեկան երեխայի խնամքի արձակուրդ: Կանխավ շնորհակալություն:

Elen.

Բարև ձեզ: Երեխայի ծնվելուց հետո ե՞րբ է թույլատրվում վերադառնալ աշխատանքի:

Արմինե.

Եթե ՊՈԱԿ-ի տնօրենը գտնվում է արձակուրդում, և նախարարի հրամանով պարտականությունները դրվում են տնօրենի տեղակալի վրա, ապա այդ դեպքում ինչպե՞ս է փաստաթղթերի տակ գրվում (1. ժամանակավոր պաշտոնակատար, 2 տնօրեն թեք գծով, տեղակալի անունը):
Կանխավ շնորհակալություն:

Մարիամ.

Հարգելի՛ ընկերներ, խնդրեմ կպարզաբանեք. նշված է, որ արձակուրդը մասերով տրամադրելու դեպքում ամենամյա արձակուրդի մասերից մեկը պետք է կազմի առնվազն 10 աշխատանքային օր, սրանից կարո՞ղ ենք ենթադրել, որ մյուս կեսը կարող է նաև 2 օրով վերցնել:

Mariam Khloyan.

Բարև ձեզ:
Հարց սհետևյալն է` ամենամյա վճարովի արձակուրդը հաջորդ տարի փոխադրելու և 18 ամսվա ընթացքում չօգտագործելու դեպքում ի՞նչ է լինում դրա հետ:

Արմեն.

Բարև ձեզ, հարգելի հաշվապահներ: Շնորհակալ կլինեի, եթե պատասխանեիք` ինչպե՞ս լրացնել եկամտային հարկի հաշվարկի էլեկտրոնային տարբերակը: Աշխատակիցը հուլիսի կեսից օգոստոսի կեսը արձակուրդի մեջ է, հուլիսին վճարվել է արձակուրդային գումարը (արդեն պահումները արված), սակայն հուլիսին հասանելիք գումարը արդեն նշվել է հուլիսի հաշվետվության մեջ, օգոստոսին հասանելիքը հաշվետվության մեջ նշելիս տալիս է հարկի տարբերություն ի սկզբանե պահված հարկից: Ինչպիսի՞ մոտեցում տալ, որ ճիշտ լինի: Աշխատավարձից ավել (կամ պակաս) հարկի տարբերությունը պահել (կամ վճարել) էլեկտրոնային հաշվետվությունը ձեռք չտալ, թե՞ հաշվետվության մեջ պետք է նշել տարբերությունը, եթե ցույց չտամ էլեկտրոնային հաշվետվության մեջ, պարզապես աշխատավարձը վճարելիս հարկերը փոխեմ (ավելացնեմ կամ պակասեցնեմ առաջացած տարբերությունը), ճիշտ կլինի՞ այդպես: Նախապես անչափ շնորհակալ եմ:

Անդրանիկ.

Բարև ձեզ:

Խնդրում եմ օգնել հետևյալ հարցում: Եթե ընկերության կառավարիչը մեկնում է արձակուրդ, նրա դիմումը և արձակուրդի հրամանը հենց նա՞ է ստորագրում, թե՞ պարտադիր ընկերության տնօրենը:

Մելինե.

Բարև ձեզ: Ես 3 տարի է` ԱՁ եմ: 3 ամսից պետք է գնամ ֆիզ. արձակուրդ: Խնդրում եմ, ասեք` արդյո՞ք օրենքով նախատեսված է ծննդաբերության արձակուրդի նպաստ միանվագ գումար և մինչև 2 տարեկան երեխայի նպաստ ստանալու իրավունք: Նախապես շնորհակալություն:

Armen.

Բարև ձեզ:
Ես Ա/Ձ եմ, և իմ աշխատողին պետք է ձևակերպեմ հղիության և ծննդաբերության արձակուրդ:
Նա աշխատում է 01.03.2014 թ-ից 60.000 դրամ աշխատավարձով: Նրա արձակուրդը սկսվում է 24.06.2014 մինչև 10.11.2014: Քանի որ նրա միջին ամսական աշխատավարձը փոքր է մինիմում աշխատավարձից, հետևաբար պետք է որպես միջին աշխատավարձ վերցնել մինիմում աշխատավարձը: Խնդրում եմ ինձ օգնել մինիմում աշխատավարձի հարցում. ես մինիմում աշխատավարձ պետք է վերցնեմ 59.524, թե 66.135 դրամ (քանի որ 01.07.2014 ից մինիմում կեղտոտ աշխատավարձը դարձել է 66.135 դրամ):

Նախապես շնորհակալ եմ:

Արթուր.

Բարև ձեզ, ես մի հարց ունեմ` կապված աշխատավարձի վճարման հետ զինվորական վարժանքներին մեկնեկու ժամանակ: Եթե կազմակերպության աշխատակիցը զինապարտ է, և նրան ժամանակավորապես զորակոչում են ԶՈւ` մասնակցելու զինվորական վարժանքներին, ապա
1. այդ ընթացքում պահպանվու՞մ է նրա աշխատանքային տեղը,
2. համարվու՞մ է բացակայությունը հարգելի,
3. արդյո՞ք վճարվում է աշխատակիցը, եթե այո, ապա կազմակերպության հաշվի՞ն է վճարվում, թե՞ պետական բյուջեի, և ի՞նչ ընթացակարգով ու պայմաններով:
Շնորհակալություն:

Սյուզի.

Դիմում եմ ձեզ հետևյալ հարցով.

Աշխատողը երեք տարի աշխատել է ընկերությունում, յուրաքանչյուր տարի սահմանված կարգին համախատասխան նրան տրամադրվել է արձակուրդ 20 աշխ.օր տևողությամբ: 2014թ. հասանելիք ամենամյա արձակուրդից առաջ աշխատողն իր նախաձեռնությամբ վերցրել է 60 օրացույցային օր չվճարվող արձակուրդ (երկու ամիս): Չվճարվող արձակուրդի ավարտից հետո դիմելու է ամենամյա արձակուրդի տրամադրման խնդրանքով: Աշխատողին ամենամյա արձակուրդը հատկացվելու է 01.12.2013-01.12.2014թթ. ընկած աշխատանքային ժամանակահատվածի համար: Հաշվի առնելով այն հանգամանքը, որ վերոհիշյալ ժամանակահատվածի համար փաստացի աշխատած ժամանակահատվածը կազմում է ոչ թե 1 տարի, այլ ընդամենը 10 ամիս, արդյոք չի՞ պակասում աշխատողին հասնելիք արձակուրդի տևողությունը` տվյալ դեպքում 10 x 1.67= 16.7, կլորացնելով 17 աշխ.օր:

Արդյո՞ք ճիշտ եմ մեկնաբանում ՀՀ ԱՕ 165 հոդվածի դրույթները` աշխ. տարում, որի համար տրամադրվում է ամենամյա արձակուրդ, ներառվում են.
1. Փաստացի աշխատած աշխատաժամանակը
2. Այն ժամանակահատվածը, որի ընթացքում, օրենսդրությանը համապատասխան պահպանվում են աշխատողի աշխատատեղը և աշխատավարձը ամբողջությամբ կամ մասամբ:

Եթե 2 ամիս աշխատավարձ չի ստացել, բայց պահպանվել է աշխատատեղը, արդյո՞ք ամենամյա արձակուրդի տևողությունը մնում է նույնը` 20 աշխ. օր, թե՞ տրամադրվում է փաստացի աշխատած աշխատաժամանակի համար:

Կանխավ շնորհակալություն:

Varduhi Balasanyan.

Բարև ձեզ: Խնդրում եմ հուշեք` ինչպե՞ս հաշվարկել վերջնահաշվարկ, եթե աշխատողը աշխատել է 7 տարի և ոչ մի անգամ չի տրամադրվել հասանելիք արձակուրդ: Շնորհակալություն:

Գոհար.

Բարև ձեզ: Հարգելի հաշվապահներ, կարո՞ղ եք ինձ ուղարկել արձակուրդայինի և վերջնահաշվարկի հաշվարկները բանաձևերով excel-ում gohar.ghazaryan90 շնիկ gmail.com Կանխավ շնորհակալություն:

Արմինե.

Բարև ձեզ: Խնդրում եմ պատասխանել՝ արդյո՞ք սխալ է, երբ ամենամյա արձակուրդը համընկնում է մինչև երեք տարեկան երեխայի խնամքի արձակուրդի հետ, եթե այո, ապա ինչպե՞ս վարվել, երբ արդեն սոցապ տեղեկանք է ներկայացվել նպաստ ստանալու վերաբերյալ, արդյո՞ք դա կարող է վարչական պատասխանատվության հիմք հանդիսանալ: Կանխավ շնորհակալություն:

Կարինե.

Խնդրում եմ պատասխանել իմ հարցին` ինչպե՞ս հաշվարկել ուսուցչուհու արձակուդայինը.
1. Աշխատավարձը 65 000 դրամ
2. մինչ սեպտեմբերի 1-ը գտնվել է երեխայի խնամքի համար արձակուրդում, աշխատանքի է անցել սեպտեմբերի 1-ից
3. բացակայություններ չունի
4. 6 օրյա աշխատանքային շաբաթ
Ինչքա՞ն կկազմի արձակուրդային վճարը

Շնորհակալություն:

Մերի.

Հարգելի հաշվապահներ, խնդրում եմ օգնել, շտապ է.
1. Եթե դպրոցի աշխատողը աշխատում է համատեղությամբ` որպես փոխտնօրեն (հիմնական աշխ.) և ուսուցիչ, ինչպե՞ս հաշվարկել արձակուրդայինը: Արդյո՞ք այն կհաշվարկվի միայն հիմնական աշխատանքի համար` 25 օր, թե՞ առանձին` 25 օր հիմնականի համար և 35 օր ուսուցչի:
2. Եթե աշխատողը գտնվել է չվճարվող արձակուրդում, արդյո՞ք այդ ամիսը ներառվում է միջին աշխատավարձի հաշվարկում: Կանխավ շնորհակալություն:

Իդա Օհանյան.

Բարև Ձեզ, հարգելի հաշվապահներ: Ձեզ հարց ունեմ:

Կինը աշխատել է 200թ.-ից մինչև 2013թ. հոկտեմբեր ամիսը պետական հիմնարկությունում առանց ընդհատման, 2013թ. մարտից աշխատում է նաև քաղաքացիաիրավական պայմանագրով այլ ընկերությունում առ այսօր: 2014թ. սեպտեմբերին պետք է բալիկ ունենա:

1.Արդյո՞ք օրենքով նրան նախատեսվում է հղիության և ծննդաբերության արձակուրդի իրավունք, միանվագ գումարը և մինչև 2 տարեկան երեխայի խնամքի նպաստը ստանալու իրավունք:

2. Քաղաքացիաիրավական պայմանագրի դեպքում աշխատանքային ստաժը գրանցվու՞մ է արդյոք:

Նախապես շնորհակալ եմ:

Երվանդ.

Բարև ձեզ: Կարո՞ղ եք ինձ ուղարկել արձակուրդի հրամանի ձև, նախապես շնորհակալություն:

Մարիամ.

Հարգելիներս,
27.02.2013թ.-ից ես գտնվում եմ մինչև երեք տարեկան երեխայի խնամքի արձակուրդում, այդ ընթացքում իմ գործատու ընկերությունը ժամանակավորապես դադարեցրել է գործունեությունը: Խնդրում եմ ասել` ի՞նչ կարգավիճակում եմ ես այժմ, արդյո՞ք ինձ հետ կնքված աշխատանքային պայմանագիրը ավտոմատ լուծվում է: Շնորհակալություն:

Սամվել.

Բարև Ձեզ, խնդրում եմ օգնեք հասկանալ իմ իրավունքները:
Աշխատում եմ ԱՁ մոտ, ունեմ ամսական գրանցված աշխատավարձ, և վճարվում են բոլոր հարկերը: Սակայն արդեն 6-րդ տարին է, ինչ արձակուրդ չեմ կարողանում գնալ, քանի որ ասում են` միայն իմ հաշվին կարող եմ վերցնել: Արդյո՞ք ԱՁ մոտ աշխատողներին չի հասնում հերթական վճարովի արձակուրդ ըստ օրենքի: Իրավունք ունե՞մ պահանջել նախորդ տարիների համար փոխհատուցում:

Արևիկ.

Բարև ձեզ: Խնդրում եմ ինձ օգնել: Պատրաստվում եմ գնալ դեկրետային արձակուրդ և կցանկանայի իմանալ իմ հասանելիք գումարը: Ստանում եմ 120 000 դրամ աշխատավարձ, վեցօրյա գրաֆիկով: Պատրաստվում եմ զույգ ունենալ (կեսարյանով): Ֆիզ. արձակուրդ կգնամ 29.07.2014թ.-ից:

ԱՆԻ.

Կխնդրեի հուշել` ի՞նչ կարգով է հաշվարկվում ֆիզ. արդձակուրդի գումարը: Նախքան նոր աշխատավայրում աշխատանքի անցնելը աշխատել եմ, այժմ ինձ հետաքրքրում է` միջին տարեկան եկամուտս հաշվարկելիս նախկին աշխատավայրի աշխատավարձն էլ է հաշվարկվում, թե՞ միայն վերջինը: Եվ ևս մեկ հարց` վերջին աշխատավայրում 6 ամիս եմ աշխատել, այս ընթացքում ստացածս գումարը պետք ե բաժանվի տարվա 12 ամիսների վրա, թե՞ հենց վեց ամսվա համար էլ հաշվարկվելու է աշխատանքային օրերով բազմապատկվելու համար:

Sonya.

Բարև ձեզ: Աշխատանքի ընդունվել եմ 01.06.2013 թ. ու չեմ գտագործել հասանելիք արձակուրդի օրերը մինչ այս պահը: Արդյո՞ք պարտավոր եմ մինչև 01.06.2014թ. անպայման այդ օրերն օգտագործած լինել: Այս պահին չեմ ուզում արձակուրդ գնալ, բայց ինձ ասում են, որ այդ օրերը կկորեն մինչ նշված ժամկետը (01.06.2014) չօգտագործելու դեպքում: Կանխավ շնորհակալություն:

Anna.

2014թ. ապրիլ ամսին աշխատակցի կողմից ներկայացվել է հղիության և ծննդաբերության ժամանակավոր անաշխատունակության թերթիկ, այժմ ես նրան պետք է վճարեմ նպաստ, սակայն նա ներկա պահին գտնվում է մինչև 3 տարեկան երեխայի խնամքի արձակուրդում: Խնդրում եմ պատասխանել իմ հարցին` նպաստի հաշվարկման համար միջին աշխատավարձի հաշվարկում պե՞տք է մասնակցի օրենքով սահմանված նվազագույն աշխատավարձի չափը յուրաքանչյուր ամսվա համար որպես եկամուտ նախորդ 12 ամիսների համար:

Arman.

Բարև ձեզ, հարգելի հաշվապահներ: Խնդրում եմ օգնեք: Տվյալ տարվա մեջ աշխատողը 2 ամիս գտնվել է արձակուրդում իր հաշվին: Արձակուրդայինի հաշվարկի դեպքում այդ 2 ամիսները նեռարվու՞մ են հաշվարկի մեջ: Այսինքն, նշեմ երկու տեղ 0 դրամ և բաժանեմ 12, թե 10 ամիսների: Շնորհակալություն:

iveta.

Բարև Ձեզ, օգնեք խնդրում եմ. եթե ՍՊԸ իր հաշվին 3 օրով իր աշխատողին ուղարկում է հանգստանալու, սակայն այդ գումարը գերազանցում է աշխատողի արձակուրդային գումարը` ինչպե՞ս այլ կերպ (բացի արձակուրդից) կարելի է դա ձևակերպել: