Tag: արձակուրդ

Աննա. Բարև ձեզ: Գտնվում եմ մինչև 3 տարեկան երեխայի խնամքի արձակուրդում, լրանում է 03.12.21-ին: Կարո՞ղ եմ այդ օրն էլ ազատման դիմում գրել: Նաև այսպիսի մի հարց. նույն դեպքում, եթե հաստիքի կրճատման համար ազատում են աշխատանքից, սակայն չեն ծանուցում, արդյո՞ք ինձ փոխհատուցում հասնում է:

Ռուզաննա. Բարև ձեզ։ Խնդրում եմ պատասխանել. իր հաշվին արձակուրդը օրացուցայի՞ն օրով է, թե՞ աշխատանքային օրով է նշվում։ ՀՀ աշխատանքային օրենսգրքում գրված է, որ տարվա կտրվածքով հասնում է մինչև 60 օր։ Այսինքն՝ օրացուցայի՞ն օրով պետք է հաշվել։ Կանխավ շնորհակալ եմ։

Նանա. Բարև ձեզ։ Խնդրում եմ, կասե՞ք՝ եթե մարդը հիվանդ է և պետ. աշխատող, որքա՞ն ժամանակ կարող է մնալ արձակուրդում (լուրջ հիվանդություն է, և պետք է հաշմանդամության կարգ ստանա)։ Օրենքով ե՞րբ է ֆիզ. արձակուրդի ժամկետը լրանում։

Թագուհի. Բարև Ձեզ, հարգելի հաշվապահներ։ Եթե կա ֆիզ. արձակուրդի դիմումի ձև, խնդրում եմ, տրամադրեք:

Ռուզաննա․ Հարգելի հաշվապահներ, արդյո՞ք կարող եմ արձակուրդային գումարը վճարել ոչ թե 3 օր առաջ, այլ տվյալ ամսվա աշխատավարձի հետ միասին ամսվա վերջում՝ աշխատողի դիմումի համաձայն:

Տիգրան. Հարգելի հաշվապահներ, հարցս հետևյալն է. անձը աշխատում է երկու տեղ, հիմա գտնվում է ֆիզ. արձակուրդում, և ֆիզ. արձակուրդը ավարտվում է 2021թ դեկտեմբերի 15-ին: Կարո՞ղ է աշխատողը հիմա դիմել մինչև երկու տարեկան երեխայի խնամքի արձակուրդի համար միայն մեկ աշխատանքի տեղի համար մինչև ֆիզ. արձակուրդի ժամկետի ավարտը, իսկ մյուս վայրում գնալ աշխատանքի դեկտեմեբերի 15-ին: Մինչև երկու տարեկան երեխայի խնամքի նպաստ կարո՞ղ է այդ դեպքում ստանալ, եթե մի տեղում ձևակերպված է արձակուրդ, մյուս տեղում ոչ:

Արա. Ինչպե՞ս է հաշվարկվում հղիության նպաստը:

Աննա. Բարև Ձեզ: Հարցս հետևյալն է. 03.04.2021թ. ընդունել ենք աշխատող, ով մինչև մեզ մոտ ընդունվելը չի աշխատել ուրիշ գործատուի մոտ: Նա 27.10.2021թ. ամսաթվով գնում է ֆիզ արձակուրդ: Խնդրում եմ կասեք, թե ինչպե՞ս է հաշվարկվում մայրության նպաստը` 23400 դր. աշխատավարձի դեպքում, և ի՞նչ եկամտային պահումներ են կատարվում։

Օֆա. Բարև Ձեզ: Կասեք` ի՞նչ պատճառներով է, որ սեփական հիմնարկի տնօրենը չի ցանկանում ֆիզ. արձակուրտ տալ: Այն դեպքում, երբ նա իմ աշխատավարձից ամեն ամիս հարկայինի գումար է պահում, իսկ հիմա ցանկանում է ազատել: Կասեք` ո՞ր դեպքերում կարող է չազատել աշխատանքից, որքա՞ն է այդ ամսական հարկը, որը խանգարում է գործատուին վճարել: Եվ, եթե ինձ ֆիզարձակուրդ տրամադրի, դա հետագայում ամբողջությամբ պետությունը փոխհատուցում է գործատուին, թե՞ ոչ: Կամ գործատուն իրավունք ունի՞ ինձ ազատել աշխատանքից հենց ֆիզարձակուրդ չտալու համար:

Գայանե. Բարև Ձեզ: Որ խնդրեմ կասեք` մայրության նպաստը հաշվարկելը և փոխանցումը կատարելը ավտոմատ կերպով է հաջորդ ամսվանից եկամտային հարկը քիչ փոխանցվում, թե՞ կան հաշվետվության ձևեր, որ պետք է ներկայացնել ՊԵԿ:

Հրաչուհի. Բարև ձեզ: Ուսուցիչը, երբ ժամավճարով է աշխատում, վճարվու՞մ է արձակուրդի ժամանակ։

Լուսինե. Բարև Ձեզ: Աշխատակիցը մինչև երեք տարեկան երեխայի խնամքի արձակուրդից երեք ամիս առաջ է վերադարձել: Անաշխատունակության նպաստ հաշվելիս միջին աշխատավարձը ցածր է մինիմում աշխատավարձից: Ինչպե՞ս հաշվեմ նպաստը:

Վիկտորյա. Բարև Ձեզ։ Դուրս եմ գալիս աշխատանքից։ Ունեմ նոր աշխատանքի առաջարկ։ Նոր գործատուս խնդրել է միանալ նոյեմբերի 15-ին, որպեսզի սկսեմ ղեկավարել նոր պրոեկտը, որը կմեկնարկի այդ օրը։ Ներկայիս գործատուն հետևելով օրենքին ասում է, որ պետք է աշխատեմ մինչև նոյեմբերի 17-ը ներառյալ (1 ամիս դուրս գալու մասին հայտնելուց հետո): Ունեմ 3 օր արձակուրդ, որը նախատեսում եմ գրել նոյեմբերի 15-17, որպեսզի կարողանամ միանալ նոր թիմին։ Հիմա հարց. օրենքի տեսանկյունից ի՞նչ խնդիր կառաջանա, եթե ես 3 օր գրանցված լինեմ երկու տեղ, որոնցից մեկում կլինեմ արձակուրդում։ Շնորհակալ եմ։

Նարինե. Հարգելի հաշվապահներ, ԱՁ աշխատակիցը գտնվում է երեխայի խնամքի համար տրամադրվող արձակուրդում: ԱՁ-ն դադարեցնում է գործունեությունը, վերջինիս ազատում աշխատանքից: Արդյո՞ք դա կարող է ազդել երեխային տրամադրվող ամսական նպաստին:

Նարինե. Բարև ձեզ: 2017 թվականի հունիս ամսից ես գտնվում եմ ֆիզարձակուրդում մինչև օրս, այդ ընթացքում աշխատանքի չեմ վերադարձել, ֆիզից ֆիզ եմ գնացել ու 2017 թվականից ամենամյա արձակուրդիցել չեմ օգտվել: Hիմա հիմնարկի լուծարումից ինձ հասնու՞մ է արձակուրդ, և ինչպե՞ս է հաշվարկվում:

Նարինե. Բարև ձեզ: Կուզենայի ճշտել՝ իմ մաքուր աշխատավարձը գրվածով 95 000 է, ես պետք է գնամ ֆիզ, սակայն կադրերի բաժնում հաշվում են, որ ֆիզ պետք է ստանամ 345 000 դրամի կարգի, իսկ իմ հաշվարկով պետք է լինի 437 500 դրամ: Կասեք խնդրեմ՝ ո՞րն է ճիշտ, և պլանային կեսարյան եմ, արդյո՞ք իրեք իրավունք ունեն չհաշվելու 155 օրով: Շնորհակալ եմ:

Բարև Ձեզ։ Ես այս պահին հետծննդաբերական արձակուրդի մեջ եմ, որի ժամկետը լրանալու է նոյեմբերի կեսերին։ Դրանից հետո պատրաստվում եմ երեխայի խնամքի ևս երեք տարվա արձակուրդ վերցնել իմ աշխատանքի վայրից։ Դրան զուգահեռ վերջրես՝ այս հոկտեմբեր ամսին, ստացել եմ պետության կողմից ֆինանսավորվող պայմանագրային աշխատանքի հրավեր՝ երեք տարի ժամկետով։ Այս աշխատանքի հրավերն ընդունելու և պայմանագիր ստորագրելու դեպքում ես դեռ իմ հիմնական աշխատանքի վայրում համարվու՞մ եմ արդյոք երեխայի խնամքի արձակուրդի մեջ գտնվող աշխատակից (գործատուն պարտավորված լինելու է պահել իմ ախատատեղը): Եվ երկրորդ հարցս՝ արդյո՞ք ես կստանամ ֆիզարձակուրդում գտնվող մայրերին տրամադրվող երեխայի խնամքի պետական նպաստը (26 500դրամ)։ Կանխավ շնորհակալ եմ։

Նարինե. Բարև ձեզ: Ես 2020 թ. հունիսից գտնվում եմ ֆիզարձակուրդում, մաքուր աշխատավարձս եղել է 113 000 դրամ, նաև ամենամյա արձակուրդ չեմ գնացել տվյալ տարում: Եթե հիմնարկը լուծարվում է, ինձ ինչքա՞ն վերջնահաշվարկ է հասնում, կամ եթե ես եմ դիմում գրում ու դուրս գալիս:

Լիան. Հարգելի հաշվապահներ, խնդրում եմ օգնել ճիշտ կողմնորոշվել հիվանդաթերթիկի (բյուլետենի) հաշվարկի հետ կապված մի քանի հարցում. 1. Հիվանդաթերթիկի համար միջին աշխատավարձ հաշվարկելիս, եթե չի լրացել տվյալ գործատուի մոտ աշխատանքի 12 ամիսը, ապա նախորդ գործատուի մոտ աշխատած ամիսների համար ստացված աշխատավարձից բացի այդ ամիսներին ստացված արձակուրդայիններն էլ են ներառվու՞մ միջին աշխատավարձի հաշվարկի մեջ։ 2. Հիվանդաթերթիկի գումարը հաշվարկելիս՝ միջին աշխատավարձի 80%-ից ի՞նչ հարկեր են գանձվում (եկամտային հարկ, սոց. վճար, դրոշմանիշ)։ 3. Կխնդրեի հստակեցնել՝ արդյո՞ք հիվանդաթերթիկի առաջին իսկ օրվանից սկսած է հաշվարկը կատարվում։ 4. Եթե հիվանդաթերթիկը 2021թ. սեպտեմբերի 22-ից մինչև հոկտեմբերի 10-ը ներառյալ է, հաշվարկվու՞մ և վճարվու՞մ է միանգամից 14 աշխատաքային օրվա համար (8 օր սեպտեմբեր + 6 օր հոկտեմբեր), թե՞ սեպտեմբերինը սեպտեմբերի աշխատավարձի հետ ենք հաշվում և վճարում, իսկ հոկտեմբերի օրերը՝ հոկտեմբերի աշխատավարձի հետ։

Սոնա. Բարև Ձեզ։ Խնդրում եմ օգնել՝ աշխատակիցը գտնվում է երեխայի խնամքի արձակուրդում, 26.10.2021-ին ավարտվում է արձակուրդը, և աշխատակիցը ցանկանում է դուրս գալ աշխատանքից։ Ո՞ր օրով տալ ազատման հրաման:

Նաիրա. Բարև ձեզ: Հարցս հետևյալն է. աշխատակիցը գտնվում է ֆիզարձակուդում, որի ավարտից հետո ներկայացրել է մինչև 2 տարեկան երեխայի խնամքի արձակուրդի դիմում, սակայն տվյալ հաստիքը կրճատվում է: Կարո՞ղ է կազմակերպությունը ազատել աշխատակցին:

Հարգելի հաշվապահներ, կօգնե՞ք հաշվել աշխատողի վերջնահաշվարկը՝ ընդունվել է 03.09.2021 ազատվել է 07.10.2021։ Ստացել է 170 000 դրամ, աշխատում է միկրոյի դաշտում: Քանի՞ օր պետք է հաշվել արձակուրդայինի օրերը և հոկտեմբեր ամսվա աշխատած օրերի համար պե՞տք է վճարվի, թե՞ միայն արձակուրդային հաշվել որպես վերջնահաշվարկ:

Մերի. Ողջույն։ Կցանկանայի իմանալ՝ հոկտեմբերի 18-ից ֆիզարձակուրդ է տրվելու ինձ և պլանային կեսարիան հատում։ Աշխատանքային ստաժս 20 տարի է, այս տարի արձակուրդ դեռ չեմ հասցրել գնալ։ Աշխատավարձս 68 000 է: Կարո՞ղ եմ իմանալ՝ որքա՞ն պետք է ստանամ ֆիզարձակուրդ։ Շնորհակալություն:

Տաթև. Բարև Ձեզ։ Դեկրետից դեկրետ եմ գնացել։ Այս ընթացքում ֆինանսական խնդիրների պատճառով վարկային չկատարված պարտավորություններ ունեմ։ Մայրության նպաստը (140 օր) փոխանցվել է հաշվեհամարին, որին մինչ այդ (աշխատելու ընթացքում) վճարվում էր աշխատավարձս և առաջին բալիկիս դեկրետը։ ԴԱՀԿ վարույթներով հաշիվս սառեցվել էր։ Դիմեցի ԴԱՀԿ, որպես անձեռնմխելի գումար, հաշիվը բացվեց, որպեսզի ստանամ նպաստս։ Բանկը փոխանցված ողջ գումարը գանձեց (ավտոմատ, առանց նախազգուշացման, առանց ծանուցման (նախկինում sms֊-ներ էին գալիս) որպես ժամկետանց վարկի վճարում։ Հարցս հետևյալն է. Արդյո՞ք այդ գումարն անձեռնմխելի է։ Արդյո՞ք բանկը իրավունք ունի ամբողջ գումարը գանձել։ Կանխավ շնորհակալություն Ու մի հարց էլ. Մայրության նպաստը վճարողը ո՞ր մարմինն է՝ աշխատավայրը, սոցապը, Ֆիննախը, թե՞ ԿԳՆ-ն (դասախոս եմ):

Քրիստինա. Բարև Ձեզ: Ես գրանցված աշխատող եմ Ա/Ձ-ում, աշխատավարձս գրած է 65 000, բայց չեմ ստանում, քանի որ տոկոսային է իմ աշխատավարձը՝ վարսահարդար եմ: Դեկրետ գնալուց ինչքա՞ն գումար պետք է ստանամ, և ո՞վ պետք է վճարի այդ գումարը՝ գործատուն, թե՞ պետությունը:

Արմինե. Բարև Ձեզ: Կխնդրեմ հուշել՝ արդյո՞ք կարելի է աշխատակցին արձակուրդ տրամադրել մինչև 6 ամիս լրանալը: Եթե աշխատակիցը աշխատել է 2 ամիս, կարո՞ղ է արդյոք 10 օր արձակուրդ վերցնել:

Գայանե. Շնորհակալություն մեր հարցերին պատասխանելու համար։ Եթե աշխատողը ֆիզարձակուրդում է և իր 140 օրը լրացել է, բայց ինքը չի ներկայացնում դիմում, կարո՞ղ եմ իր անաշխատունակության թերթիկը հիմք ընդունել և համարել աշխատանքի մեջ:

Լիաննա. Բարև ձեզ: Եթե 20.09.2021թ. ամսաթվով հղին գնում է ֆիզ. արձակուրդ, ինչպե՞ս է հաշվարկվում գումարը 90 500 դր. աշխատավարձի դեպքում, և ե՞րբ է փոխանցվում գումարը։

Ամալյա. Բարև Ձեզ: Խնդրում եմ օգնել՝ հարցս հետևյալն է. աշխատողը առանց հերթական արձակուրդ գնալու աշխատել է հինգ տարի, ինչպե՞ս հաշվարկել նրա վերջնահաշվարկը:

Լիլիթ. Բարև Ձեզ, սիրելի հաշվապահներ: Եթե աշխատակիցը գտնվել է երեխայի խնամքի արձակուրդում և աշխատանքի է վերադարձել 2020թ.-ի դեկտեմբերին ու հոկտեմբերից պետք է արձակուրդ գնա, օրերի հաշվարկի մեջ 2020թ.-ի դեկտեմբերը մտցնե՞մ, թե՞ ոչ (25 օր է հասանելիք արձակուրդը, 12=2.08*10 ամիս, դեկտեմբերը ներառյալ = 20.8 օ՞ր է հասնում արձակուրդ): Եվ մեկ հարց էլ. եթե տվյալ աշխատակցից ԴԱՀԿ պահում ենք անում, արձակուրդի գումարի (հարկերը ներառյալ) 30 %-ը հաշվել ու փոխանցե՞լ ԴԱՀԿ-ի հաշվեհամարին:

Սյուզի. Բարև ձեզ: Որ խնդրեմ, օրենքի հղում կտա՞ք այն մասին, որ գործատուն պարտավոր է վերջնահաշվարկում ներառել աշխատակցի բոլոր տարիների չօգտագործված արձակուրդի օրերը:

Հաշվապահներ ջան, աշխատողը ազատվել է աշխատանքից օգոստոսի 7-ին, բայց վերջնահաշվարկի մի մասը հուլիսին է վճարվել ու հուլիսի եկամտայինի մեջ է երևացել, մի մասն էլ օգոստոսի եկամտայինի մեջ ենք ցույց տվել ու 0 աշխատաժամ նշել: Արդյո՞ք ճիշտ է։ Եվս մեկ հարց. 5 տարվա աշխատողին միայն վերջին տարում չգնացած արձակուրդի օրերով պե՞տք է հաշվարկվի վերջնահաշվարկը, թե՞ նախորդ տարիների չօգտագործված արձակուրդի օրերն էլ ենք հաշվի առնում։ Շնորհակալություն

Մարիա․ Բարև Ձեզ: Ինչպե՞ս հաշվարկել դեկրետային գումարը 2-րդ երեխայի դեպքում, եթե դեռ առաջինի դեկրետային արձակուրդում լինելու ընթացքում կա 2-րդ հղիություն: Նախորդ ֆիզ գնալուն նախորդող ամսվա աշխատավարձն 175 000 դրամ էր: Ֆիզի մեջ ֆիզ է գնալու, ապա միջին եկամուտը հաշվարկվում է ինչպե՞ս: Շնորհակալ եմ արձագանքի համար:

Մելինե. Բարև ձեզ: Ամենամյա արձակուրդը կարո՞ղ է մինագամից 20 օր տրվել՝ հնգօրյա աշխատանքային շաբաթվա դեպքում, եթե ամբողջ տարվա մեջ աշխատողը չի գնացել արձակուրդ, թե՞ պարտադիր մասերով է պետք տալ։

Անի. Բարի օր, Հարգելի՛ հաշվապահներ: Հարցս հետևյալն է. աշխատակիցը սեպտեմբերի 20-ից ֆիզարձակուրդում է գտնվում, բայց շարունակում է գալ աշխատանքի: Կարելի՞ է աշխատել մինչև ծննդաբերություն և օրինական ձևով ստանալ աշխատավարձ: Տարբերակներ կառաջարկե՞ք: Եվ եթե աշխատակիցը ֆիզարձակուրդ է գնում սեպտեմբերի 20-ին, հրամանը ո՞ր ամսաթվով կարելի է տալ, եթե անաշխատունակության թերթիկը վերցրել է 24.09.2021թ.: Շնորհակալ եմ:

Ռոզմարի. Բարև Ձեզ, հարգելի խմբակիցներ: Մի հարց ունեմ. եթե աշխատողը 2020 թվականի օգոստոս ամսից մինչև 2021 թվականի օգոստոս ամիսը ներառյալ եղել է մինչև 2 տարեկան երեխայի խնամքի արձակուրդի մեջ, 2021թ. սեպտեմբերից եկել է՝ ամենամյա արձակուրդ հասնու՞մ է։

Լիլիթ. Բարև Ձեզ: Եթե աշխատակիցը աշխատել է 9 ամիս, որից լիարժեք եղել է 5 ամիսը, (2 ամսում եղել է անաշխատունակ, իսկ 2-ը չվճարվող արձակուրդում), ինչպե՞ս հաշվարկել նրա հասանելիք ամենամյա արձակուրդը, քանի՞ օր է նրան հասնում արձակուրդի օրեր: Շնորհակալ կլինեմ յուրաքանչյուրիդ պատասխանից:

Մանյա. Բարև ձեզ: Խնդրեմ կասեք՝ ֆիզարձակուրդի հաշվարկի մեջ արձակուրդայինը մտնու՞մ է:

Արմեն․ Հարգելի գործընկերներ, ի՞նչ առանձնահատկություններ կան աշխատողին արձակուրդից հետ կանչելու հետ կապված։ Ինչպե՞ս է կատարվում այդ գործընթացը, ի՞նչ լրացուցիչ հաշվարկներ են անհրաժեշտ կատարել։ Շնորհակալություն նախապես։

Անուշ. Բարև ձեզ: Կասե՞ք, որ խնդրենք, եթե աշխատողը ընդունվել է 2018 հուլիս ամսին մանկապարտեզ աշխատանքի և 2021թ. սեպտեմբերի 6-ից ազատվում է աշխատանքից, ապա ինքն իրավունք ունի՞ 2021թ. ամենամյա արձակուրդը վերցնի մինչև ազատվելը՝ ասենք օգոստոս ամսին:

Արմինե. Բարև ձեզ: Գիտեմ, որ հղի կանանց աշխատանքից ազատելն արգելվում, բայց, եթե կազմակերպությունը փակվում է(սեզոնային է, մանկապարտեզ, ամեն տարի 5 ամսով), իրավունք ունե՞նք ազատել: Նշեմ, որ պայմանագիրն անորոշ ժամկետով է, իսկ հղիությունը 30 շաբաթական չկա։ Մեկ հարց ևս. մեկ այլ աշխատակից գտնվում է հղիության և ծննդաբերության արձակուրդում, կազմակերպությունը հոկտեմբերի 1-ից փակվում է, այդ աշխատողին արձակուրդից հետո մեկ ամիս անց պե՞տք է ազատել և ի՞նչ վերջնահաշվարկ է հասնում (ընդունվել է հունիսի 1-ից 73 900 աշխատավարձ և 3 օր հուլիսից, այնուհետև ֆիզարձակուրդ է գնացել):

Մելինե. Բարև Ձեզ: Եթե մայրության նպաստի թերթիկի վրա նշված է 25.09.2021-20.01.2021, այդ ժամանակահատվածի համար պե՞տք է հաշվել նպաստի գումարը: Վաղաժամ ծծնդաբերություն է տեղի ունեցել, և եթե երեխան ծնվելուց հետո մի քանի շաբաթ անց մահացել է՝ դա ազդում է հաշվարկի վրա:

Արտյոմ. Բարև Ձեզ։ Խնդրում եմ օգնել խորհրդով։ Դպրոցի պահակը, որը աշխատանքի մեջ էր գտնվում, օգոստոսի 2-ին վատառողջ լինելով տեղափոխվել է հիվանդանոց։ Օգոստոսի 4-ին տնօրենի հրամանով նա գնացել է իրեն հասանելիք վճարովի արձակուրդի, որը պիտի տևեր օգոստոսի 5-ից մինչև սեպտեմբերի 1-ը ներառյալ։ Նա ստացել է օգոստոսի մի քանի օրվա աշխատավարձը և արձակուրդայինը։ Բայց օգոստոսի 12-ին նրան հիվանդանոցից տվել են անաշխատունակության թերթիկ՝ հաշվարկված օգոստոսի 2-ից մինչև 12-ը ներառյալ, որը շարունակելի եղավ։ Սեպտեմբերի 2-ին նա պիտի վերադառնար աշխատանքի, բայց չեկավ։ Եվ բժշկի կողմից ներկայացվեց 2-րդ թերթիկը, որում նշված էր, որ նա կարող է չներկայանալ աշխատանքի ամսի 2-ից մինչև 5-ը ներառյալ: Տնօրենը պահակի պարտականությունների կատարումը ժամանակավոր դրել է տնտեսվարի վրա, որը չվճարվեց։ Պահակը աշխատանքի եկավ ամսի 6-ին։ Հիմա ինչպե՞ս կարելի է հաշվարկել անաշխատունակության թերթիկը:

Ագնեսա. Բարև ձեզ։ Շնորհակալ եմ նման հարթակ ստեղծելու համար։ Հարցս հետևյալն է. գրանցված աշխատող եմ համարվում ապրիլի 6-ից, հոկտեմբերի 10-ին պատրաստվում եմ ֆիզարձակուրդ գնալ, աշխատավարձս կազմում է 36 000 դրամ, սակայն այս ամիսների ընթացքում 2 ամիսը եղել եմ իմ հաշվին արձակուրդում։ Հիմա որքա՞ն է կկազմի իմ բյուլետենայիմ գումարը։ Շնորհակալություն։

Անուշ. Բարև ձեզ: Կասե՞ք՝ եթե աշխատողը երեխայի խնամքի արձակուրդից հետո 3 տարի անց վերադառնում է աշխատանքի և 2 օր հետո բերում է հիվանդության թերթիկ, ինչպե՞ս պիտի վճարվի, աշխատավարձի մասով կասե՞ք:

Արփինե․ Ողջույն: Եթե աշխատողը փոխարինում է արձակուրդի մեջ գտնվողին, ապա արդ դեպքում ինչպե՞ս է կազմակերպվում փոխարինող աշխատողի վարձատրությունը (արդյո՞ք տրվում է պարգևավճար, թե՞ այլ կերպ է ձևակերպվում), և ինչպիսի՞ փաստաթղթեր են պատրաստվում այդ նպատակով:

Անի. Բարև Ձեզ։ Հղիության 7-րդ ամսին ֆիզարձակուրդ չգնալու դեպքում (8-րդ ամսին ևս աշխատելու դեպքում) արդյո՞ք վարձատրությունը կազմում է նույն կերպ, ինչ նախորդ ամիսներին։ Շնորհակալություն։

Էմիլի. Բարև ձեզ: Մեկ հարց ունեմ. արձակուրդից որ հետ են կանչում աշխատողին, վարձատրվու՞մ է, օրենքը կարծես թույլ չի տալիս:

Սյուզի. Բարև ձեզ: Եկամտայինի հետ կապված մի քանի հարց ունեմ, խնդրում եմ օգնեք։ Եթե աշխատողը վճարվող արձակուրդ է գնացել 06-րդ ամսի վերջից մինչև 07ամսվա կեսերը, արձակուրդայինի գումարը ո՞ր ամսվա եկամտայինի մեջ է երևում, և միանգամից ամբողջ գումարն է վճարվու՞մ։ Չվճարվող արձակուրդը ինչպե՞ս է արտացոլվում եկամտայինի մեջ։ Եթե աշխատողը հիվանդության թերթիկ է բերել 06-ից 07 ամիսների համար, արդյո՞ք ուշ չի լինում, 08-ի եկամտայինի մեջ չպե՞տք է 07 ամսվա եկամտայինի մեջ երևար։ Շնորհակալություն:

Տիգրան. Միկրոձեռնարկատիրությամբ զբաղվող ԱՁ-ն աշխատողին պետք վճարի հղիության նպաստ: Կարո՞ղ եք նշել քայլերի հերթականությունը, թե ի՞նչ պետք է անել, անաշխատունակության թերթիկից սկսած: