Tag: աշխատաժամանակ

Ալլա. Բարև ձեզ։ Կես դրույքով դպրոցում աշխատողը քանի՞ ժամ պետք է մնա դպրոցում (ուսուցչի օգնական)։ Աշխատավարձը 34 հազար դրամ է։

Արմինե. Բարև ձեզ, հարգելիներս։ Մի հարց ունեմ. եթե աշխատողի հաստիքը կրճատվել է և նա օգոստոսի 1-ից չի աշխատում, նրան արձակման նպաստ և վերջնահաշվարկ հասնու՞մ է՝ 2֊ը միասին։ 2. Կասե՞ք՝ 0,625 և 0,75 դրույքի աշխատաժամանակը 9 ժամային աշխատանքի դեպքում, աշխատանքը քանիսի՞ն է ավարտվում։ Նախապես շնորհակալություն։

Նարե․ Բարև ձեզ։ Մեկ հարց․ եթե 20ժ է գրանցված՝ շաբաթական, նվազագույնը ինչքա՞ն պետք է լինի գրանցված աշխատավարձը, շրջանառության համակարգով ենք աշխատում: 47 000 լինի նորմա՞լ է։

Ռուզաննա. Բարև ձեզ։ Եթե աշխատողը դիմում է ներկայացրել իր աշխատաժամանակը կրճատելու վերաբերյալ, ապա աշխատանքային օրենսգրքի ո՞ր հոդվածով կարելի է այդ փոփոխությունը հիմնավորել։

Անահիտ Ղարիբյան. Բարև Ձեզ։ Կասեք՝ հաշվապահները կարո՞ղ են աշխատել մի քանի դպրոց ր մանկապարտեզում՝ համատեղելով, գերազանցելով 12 ժամը՝ օրական։ Շնորհակալություն։

Աննա. Քանի՞ ժամն է համարվում լրիվ աշխատանքային ժամ՝ 8-12ժամ, թե՞ 24, եթե միջին աշխատավարձը սահմանված է 68 000 ՀՀ դրամ։

Հայկուշ․ Հերթափոխի պահակի գիշերային հաշվարկը կատարելիս հաստիքը բաժանում ենք 173.6, որպեսզի ստանանք 1 ժամվա արժեքը։ Արդյոք ճի՞շտ ենք հաշվարկում, ո՞ր որենքով է կարգավորում այդ հոդվածը։ Խնդրում եմ պարզաբանել։

Աննա. Բարև ձեզ։ Ո՞ր դեպքերում է կարելի սահմանել 40 ժամից ավել աշխատաժամանակ։ Եվ հավելյալ աշխատած ժամերի համար ինչպե՞ս է կատարվում վճարումը։

Շուշան Դարբինյան. Կարո՞ղ է արդյոք աշխատողը համատեղությամբ աշխատել 18-ից մինչև հաջորդ օրվա ժամը 18-ը, ժամը 24-ից մինչև հաջորդ օրը ժամը 24-ը։ Շնորհակալություն։

Ռուզաննա․ Բարև Ձեզ։ Խնդրում եմ պատրաստել՝ արդյո՞ք փոխտնօրենը կարող է աշխատել կես դրույքաչափով, օրը 4 ժամ, համատեղության կարգով։ Կանխավ շնորհակալ եմ։

Սեդա․ Բարև ձեզ։ Կարո՞ղ եք ասել՝ մանկապարտեզի բուժքույրը քանի՞ ժամ պետք է աշխատի, եթե դրույքաչափը 0,75 է, մանկապարտեզն աշխատում է 8 ժամ։

Սոֆա․ Բարև Ձեզ։ Մի հարց՝ եթե աշխատողը գրանցված է ոչ լրիվ դրույքով, աշխատավարձը եկամտային հարկի հաշվարկում 60 000 է, մաքուր աշխատավարձը հուլիսի 1-ից, որ փոխանցեմ, 1 500 դրոշմանիշային վճարը պիտի հանե՞մ: Շնորհակալ եմ։

Անուշ. Բարև Ձեզ: Խնդրում եմ պատասխանեք հետևյալ հարցին․ որքա՞ն է կազմում ներկայում գործող ժամավճարային դրույքաչափը։ Շնորհակալություն։

Արմինե. Հարգելի մասնագետներ, խնդրում եմ ինձ օգնել հետևյալ հարցում. անվտանգության աշխատակցի հետ աշխատանքային պայմանագիր կնքելիս, աշխատանքային ժամերը ինչպե՞ս ամրագրել, եթե աշխատելու է տարբեր հերթափոխային գրաֆիկներով, օրինակ՝ 2 օր ցերեկային՝ 09:00-21:00, 2 օր գիշերային՝ 21:00-09:00, կամ օրը մեջ գիշերային՝ 21:00-09:00, հաշվի առնելով այն հանգամանքը, որ 8-ժամյա աշխատակիցների համար աշխատաժամերը ամրագրելը ավելի հստակ է երևում /օրինակ՝ հնգօրյա է նշվում և շաբաթական 40 ժամ/, իսկ հերթափոխային աշխատակցինը ինչպե՞ս պարզ հասկանալի կերևա, քանի որ շաբաթական կազմելու է 36 ժամ կամ 48 ժամ: Խնդրում եմ, կարո՞ղ եք ձևակերպումը շարադրել: Կանխավ շնորհակալություն:

Ռուբ. Ողջույն բոլորին։ Ֆիրման 2020-ին աշխատել է միկրո դաշտում, սակայն ճիշտ հաշվապահություն չեն վարել, աշխատակցի գրանցման հայտում լրացվել է սխալ աշխատաժամանակ և փաստացի եկամտային հարկի հաշվետվություններն էլ սխալ են լրացվել։ Եթե և՛ գրանցման հայտում ճշտում տամ, և՛ ժամերի քանակում, և՛ վճարված գումարում դա սխալ կդիտարկվի՞, կարո՞ղ են լուրջ խնդիրներ առաջանալ, թե եթե ճշտում տամ կատարեմ հարկերի վճարում, խնդիր չի առաջանա։

Կիմա. Բարև Ձեզ, հարգելի մասնագետներ։ Օպերատորը աշխատում է 2 դպրոցում, 2֊էլ 0,75 դրույքով։ Հարցս հետևյալն է՝ աշխատաժամանակի հաշվառման տեղեկագրի մեջ պետք է գրվի օրական 6ժամ, թե՞ 4ժամ։ Շնորհակալություն։

Անի. Բարև Ձեզ։ Այժմ գտնվում եմ ժամանակավոր անաշխատունակության արձակուրդում՝ երեխայի ծնվելու կապակցությամբ (հետծննդյան`երկրորդ 70 օրվա շրջանում): Ցանկանում եմ իմանալ՝ այս երկրորդ 70 օրը լրանալուն պես, եթե աշխատանքի գնամ, չվերցնեմ խնամքի արձակուրդ, ունենալու՞ եմ որևէ արտոնություն աշխատավայրում՝ աշխատաժամանակի և ընդմիջման ժամերի հետ կապված։ Նշեմ, որ աշխատում եմ շաբաթական 22 ժամ աշխատաժամանակով։ Շնորհակալություն։

Արփի․ Բարև ձեզ։ Խնդրում եմ նշել՝ կարո՞ղ ենք և չի՞ հակասում ԱՕ-ին Աշխատանքային պայմանագրում սահմանել 24-ժամյա հերթափոխով գրաֆիկ՝ հաջորդող 48 ժամ հանգիստ, եթե աշխատակիցը չի ներառվում ԱՕ 139 հոդվածի 4-րդ կետում ներառված առանձին կատեգորիայի աշխատողների ցանկում, որը սահմանում է ՀՀ կառավարությունը: Եթե այո, կարգավորող դրույթը կխնդրեի նշել:

Սուսաննա. Բարև ձեզ։ Ասացեք, խնդրում եմ, համատեղությամբ աշխատանքի ժամաքանակը: Ճի՞շտ եմ արդյոք՝ մի գործատուի մոտ 40 ժամ, մյուսի մոտ 20 ժամ, թե՞ երկու գործատուի մոտ էլ 20 ժամ։

Եթե քաղիրավական պայմանագրով աշխատողին աշխատանքի եմ ընդունել և մեկ այցը նշել եմ 600դր., հարկերը ներառյալ, բայց եկամտայինի հաշվետվության մեջ աշխատած ժամերի քանակ չեմ նշել, սխա՞լ է։

Ջուլիետա. Բարև ձեզ։ Խնդրում եմ պարզաբանեք. աշխատողին գործուղել են 3 օր, ՀՀ ներսում, աշխատավարձի պահպանմամբ, աշխատաժամանակի հաշվառման տեղեկագրում նշում են «գործուղում»։ Որպես աշխատած ժամեր սյունակում նշում ենք 24 ժա՞մ, թե՞ նշվում է 0։

Հայկուշ. Եթե հերթափոխի պահակը ամսվա կտրվածքով աշխատում է 192 ժամ՝ ինչպե՞ս վարձատրել։ Որքա՞ն պետք է գերազանցի հերթափոխ պահակի գիշերային և ցերեկային ժամերը, որ համարվի արտաժամյա։

Հայարփի. Բարև ձեզ, հարգելի հաշվապահներ: Տեղյա՞կ եք արդյոք ակտիվ է 79 ձևի աշխատողի գրանցման հաշվետվության ձևում "ԿՐՃԱՏ ՏևՈՂՈՒԹՅՈՒՆ" դաշտը, թե՞ միայն լրիվ և ոչ լրիվ աշխատաժամանակն են առհասարակ լրացնում։ Շնորհակալություն

Հայարփի. Բարև Ձեզ, հարգելի հաշվապահներ։ Խնդրում եմ, թե՞ կարող եք՝ օգնեք հասկանամ։ Արդյոք մանկավարժները, դասպատրաստողները և հոգեբանները ընդգրկվու՞մ են կրճատ աշխատաժամանակի մեջ՝ մինչև 36 ժամ նորմալ տևողությամբ, շաբաթ, և ըստ դրա նվազագույնը սահմանվու՞մ է արդյոք 454 դրամ։ 2. Եթե ժամավճարով աշխատողին 1 ժամվա համար վճարում եմ 1000 դրամ աշխատավարձ, ներառյալ՝ հարկերը, դրոշմանիշային վճարը ո՞վ պետք վճարի։ Նշեմ նաև, որ ամսական ընդհանուր ծավալը չի գերազանցում, օրինակ՝ 25 000-ը, այսինքն՝ փաստացի քիչ ժամեր է աշխատում, օրինակ՝ 25ժամ*1000 դրամ=25 000 դրամ՝ հարկերով։ Կանխավ շնորհակալ եմ։

Ռուզաննա. Բարև Ձեզ։ Խնդրում եմ պատասխանել՝ ես որպես կադրերի բաժնի աշխատակից, աշխատաժամանակի հաշվարկի տեղեկագրում արդյո՞ք տոնանկան օրը պետք է հերթապահող աշխատաակցի համար ժամը 24 ժամի փոխարեն գրեմ 48 ժամ։ Կամ տեղեկագրի վերջին սյունակում ևս նշեմ կրկնակի ժամը՝ ասենք 140-ի փոխարեն՝ 164։ Արդյո՞ք հաշվապահի պահանջը ճիշտ է։ Կանխավ շնորհակալ եմ։

Աննա. Բարև ձեզ: Խնդրում եմ կասեք՝ եթե աշխատողի դրույքը 0.75 է, ինչպե՞ս հաշվեմ ժամերը, մենք աշխատում ենք 8 ժամ։

Եթե ԱՁ-ում բժիշկը աշխատում է 6-օրյա գրաֆիկի դեպքում օրը 2 ժամ, հավաքարարը՝ 1 ժամ, դա շաբաթական քանի՞ ժամյա գրաֆիկ է համարվում։ Կլինիկան աշխատում է օրը 10 ժամ, որպեսզի հաշվարկեմ նվազագույն աշխատավարձ։ Շնորհակալություն։

Էմի. Բարև Ձեզ։ Խնդրում եմ ինձ ասեք՝ ատամնաբուժարանում կարո՞ղ եմ բժիշկ գրանցել օրը 2, բուժքույր՝ 1 ժամ աշխատաժամանակով, և այդ դեպքում ինչքա՞ն աշխատավարձով։

Ռուզաննա․ Բարև Ձեզ։ Խնդրում եմ պատասխանել՝ աշխատաժամանակի հաշվարկի տեղեկագրի մեջ տոնական օրերը հերթափոխային աշխատողի համար նշում եմ 24ժամ, և իհարկե այդ օրը տեղեկագրում տարբերվում է ոչ տոնականից, սակայն հաշվապահը առաջարկեց այն նշել 48 ժամով, այսինքն՝ կրկնակի՝ արդյո՞ք դա ճիշտ է։ Կանխավ շնորհակալ եմ։

Միլենա․ Բարև Ձեզ։ ԱՁ-ն աշխատող է գրանցել ոչ լրիվ աշխատաժամանակով։ Միկրոձեռնարկատիրություն է։ Աշխատավարձը 34 000 դրամ։ Նորմա՞լ է, թե՞ սխալ է։

Քնարիկ․ Եթե աշխատակիցը աշխատել է ոչ լրիվ աշխատաժամանակով՝ շաբաթական 20 ժամ, ինչպե՞ս վերջնահաշվարկ կատարել։

Սուսաննա․ Ողջույն, հարգելի գործընկերներ։ Հարցս կապված է ԱՕ 152 հոդվածի 1,2 կետերի հետ։ Եթե մանկապարտեզը գործում է 8 ժամյա աշխատանքային գրաֆիկով, ապա 1 դրույքով աշխատակիցը 8։30-ից մինչև 16։30 աշխատելու դեպքում ու՞նի 1 ժամ ընդմիջման իրավունք, թե՞ պետք է աշխատի նախատեսված 8 ժամը, որ ունենա 1 ժամ ընդմիջում։ Շնորհակալություն։

Հայկ․ Բարև Ձեզ։ Կօգնեք գտնեմ, թե ո՞ր հոդվածով է սահմանված չնորմավորված աշխատաժամանակով աշխատողների հասանելիք արձակուրդի օրերը: Նախապես շնորհակալություն։

Անի․ Բարև Ձեզ։ 1․ ՀՀ ԱՕ-ի 139 հոդվածի 4-րդ մասի համաձայն արդյոք կարո՞ղ եմ 24 ժամյա գրաֆիկով ընդունել աշխատանքի՝ ոչ լրիվ աշխատաժամանակով՝ 12 ժամ տևողությամբ, հաշվի առնելով ՀՀ աշխատանքային օրենսգրքի 155-րդ հոդվածի 5-րդ մասը՝ 5. Ամենշաբաթյա անընդմեջ հանգիստը չպետք է պակաս լինի 35 ժամից: Սույն հոդվածի 2-4-րդ մասերով նախատեսված դեպքերում տրամադրվող երկու հանգստյան օրերը պետք է հաջորդեն իրար: Արդյո՞ք աշխատաժամանակի ռեժիմի խախտում չէ։ 2․ Եթե համատեղությամբ աշխատողի աշխատաժամանակը պակաս է օրական 4 ժամից, կարո՞ղ եմ ընդմիջում չներառել, հաշվի առնելով, որ ընդմիջումը տրամադրվում է աշխատանքային օրվա կեսից հետո, բայց ոչ ուշ քան աշխատանքը սկսելուց հետո 4 ժամից։

Մարինե․ Կազմակերպությունում պահակներն աշխատում են 18։00-ից հաջորդ օրը 08։00-ն, այդ օրը գնում են տուն հանգստանում, երրորդ օրը 18։00-ից նորից աշխատանքի են, ստացվում է 14 ժամ։ Կասե՞ք՝ ի՞նչ սխալ եմ թույլ տալիս, և ինչպե՞ս կարգավորեմ նրանց հերթափոխային աշխատաժամանակը։ Եվ 2-րդ հարցը․ ԱՕ 139 հոդվածի 5-րդ կետում ասվում է՝ "5. Տարբեր գործատուների կամ նույն գործատուի մոտ երկու և ավելի աշխատանքային պայմանագրերով աշխատողի ամենօրյա աշխատաժամանակի տևողությունը (ներառյալ` հանգստի և սնվելու համար ընդմիջումները) չի կարող անցնել օրական 12 ժամից:" Արդյո՞ք ճիշտ եմ հասկանում, որ շաբաթական 40 ժամից անցնում է համատեղությամբ աշխատանքային պայմանագրերի դեպքում։

Մարիամ. Վարձու աշխատողի նպաստը հաշվարկելու համար հիմք ընդունվող միջին ամսական աշխատավարձը կամ եկամուտը պակաս է նվազագույն ամսական աշխատավարձի հիսուն տոկոսից, ապա նպաստը հաշվարկվում է նվազագույն ամսական աշխատավարձի հիսուն տոկոսից: 0.5 դրույքի դեպքում էլ է՞ կիրառվում սա, թե՞ վերցնելու ենք 0.5 համամասնությամբ, այսինքն՝ կեսի կեսը:

Անուշ․ Բարև ձեզ։ Կասեք՝ ինչպե՞ս հաշվել 0,25 դրույքի չափը աշխատավարձի, եթե մեկ դրույքը 97 000 դրամ է՝ բոլոր պահումներով, մաքուր և կեղտոտ աշխատավարձը ինչքա՞ն կկազմի։

Անուշ. Բարև ձեզ: Կասեք` եթե ցանկանում եմ աշխատել համատեղությամբ` մի տեղ լրիվ դրույքով, որպես հատուկ մանկավարժ, իսկ մյուս տեղում ցանկանոմ եմ աշխատել որպես լոգոպեդ, ապա ինչքա՞ն դրույքաչափ է ինձ հասնում /հնարավոր է 0,25 չափով, ես դրա իրավունքն ունե՞մ/, եթե 2-րդ աշխատավայրում ստանում եմ մաքուր 71 000 դրամ, և աշխատելու եմ շաբաթական 3 օր, 2,5 ժամ: Ինչպե՞ս պետք է այն հաշվեն, ինչքա՞ն դրույք է ինձ հասնում:

Սաթեն. Խնդրում եմ պատասխանեք` ոչ լրիվ աշխատաժամանակով աշխատակցի արձակուրդային գումարը ցածր է նվազագույնից: Ո՞վ է վճարում դրոշմանիշայինը:

Սյուզան. Աշխատող աշխատել է ժամավճարով, (ոչ լրիվ աշխատաժամանակ) 4 օր 7 ժամով, ամսվա մեջ 16 օր, ամսվա մեջ 112 ժամ, ժամային տարիֆը 562 նորմա՞լ է 562*7*116=62944 (63000):

Արմինե. Բարև ձեզ։ Կասե՞ք` եթե աշխատողը նույն գործատուի մոտ ընդունվում է 1,5 դրույքով (8+4 ժամ, շաբաթական ստացվում է 60 ժամ): Ըստ օրենքի մինչև 48ժամ է թույլատրվում, ինչպե՞ս է ճիշտ վարվել։ Եվ մյուս հարցը՝ եթե աշխատողն արդեն 2 ամիս է դիմում է ներկայացրել խնամքի արձակուրդի շարունակման (երեխան դեռ 3տ չկա), արդյո՞ք իրավունք ունի գործատուն որոշակի պատճառաբանություններով մերժել աշխատողին, ով ստիպված շարունակում է մնալ (գիտեմ, որ ըստ օրենքի նման արձակուրդի իրավունք ունեցողին արտահերթ են հատկացնում հասանելիք արձակուրդը և անգամ մեկ օր անհարգելի բացակայելու դեպքում պարտավոր են ազատել): Այս դեպքում ևս ինչպե՞ս վարվել։

Անի․ Հարգելի՛ հաշվապահներ, խնդրում եմ օգնեք: Հարցս հետևյալն է. մատուցողին վճարում ենք օրական 3 000 դր․ աշխատավարձ, մնացածը նա վաստակում է թեյավճարով: Մատուցողին գրանցել օրական աշխատավարձո՞վ 3 000դր և հաշվարկել այդպես, տաբելի մեջ էլ նշել օրական 8 ժամ, թե՞ ժամավճարով գրել: Ո՞ր տարբերակն է ճիշտ: Հավաքարարներին և սպասք լվացողներին նույնպե՞ս օրական ենք վարձատրում՝ շաբաթաան գալիս են 3 օր, օրը 5 000դր: Ինչպե՞ս ձևակերպել: Կանխավ շնորհակալ եմ:

Աննա․ Ընկերությունում կա ութ ժամ աշխատելուց հետո մինչև առավոտ հերթապահելու խնդիր տանից։ Ի՞նչ գրաֆիկով պետք է կազմակերպել դա և ինչպե՞ս վարձատրել։

Հայկ․ Բարև Ձեզ, հարգելի մասնագետներ, եթե տնօրենի վրա միաժամանակ դրվում է մեկ այլ պաշտոն, ապա այս դեպքում գրանցման հայտում ինչպե՞ս կարելի է խմբագրել. ավելացնել նոր պաշտոն ու աշխատանքային ժամերը բաշխել երկու պաշտոնների միջև, այդպես ճիշտ կլինի՞: Նախապես շնորհակալություն։

Հասմիկ. Բարև ձեզ։ Ոչ լրիվ աշխատաժամանակի դեպքում (ամսական 36 ժամ) ամենամյա արձակուրդ հասնու՞մ է աշխատողին։ Եթե հնարավոր է` հղումով։

Արմինե. Բարի Ձեզ: Ունեմ հիմնական աշխատանք լրիվ դրույքաչափով, աշխատավարձի ցածր լինելու պատճառով ուզում եմ գրանցվել մեկ ուրիշ ձեռնարկությունում լրիվ դրույքաչափով, քանի որ աշխատաժամերը տարբեր են և ես կկարողանամ համատեղել: Ունե՞մ արդյոք երկու տեղ լրիվ դրույքաչափով աշխատելու իրավունքը:

Բարև Ձեզ: Աշխատաժամանակի հաշվարկի տեղեկագրում նախատոնական օրը լրացվում է 8ժամ, թե՞ 1ժամ պակաս։ Եթե հնարավոր է` օրենքի հղումով էլ օգնեք:

Սամվել․ Բարև ձեզ։ Խնդրում եմ նշել․ Հ/Կ-ն ունի 1 քաղիրավականով աշխատող, սակայն մի օր է գրանցված եղել և չի աշխատել, աշխատավարձ չի ստացել, հիմա եկամտահարկի հաշվարկում աշխատողի աշխատանքային ժամերը պետք է գրեմ 24, թե՞ 0, և արդյո՞ք հնարավոր է աշխատավարձը գրել 0, կամ ի՞նչ հարկեր են պահվում և ինչքա՞ն աշխատավարձից, դրանք կարո՞ղ եմ իրար գումարել և այդքան գումար գրել: Նաև հարկի վճարման դեպքում դրամարկղային գրքում գրառում արվու՞մ է, և եթե այո, ապա ինչպե՞ս կամ կարող եմ այդ գումարը գրել տարեկանի հաշվետվությունում որպես նվիրատվություն այդքան գումարի չափով: Նաև անհրաժե՞շտ է հանձնել 165. Տեղեկություններ՝ ֆիզիկական անձանց եկամուտների և եկամտային հարկի մասին ձևը, թե՞ այն այլ հաշվետվություն է: Նախապես շնորհակալություն։

Քնարիկ. Աշխատող եմ ընդունել ժամավճարով, աշխատում է օրական երեք ժամ, շաբաթական 4 օր: Ժամային տարիֆը կարո՞ղ եք օգնել, որքա՞ն նշեմ մինիմալով /սոց. վճարող չի/: