Շուշան.

Հարգելի հաշվապահեր, խնդրում եմ պատասխանել հետևյալ հարցին. X քաղաքում /մարզկենտրոն չէ, սակայն խոշորացված համայնք է/, գրանցված Ա/Ձ-ն, որը զբաղվում է ատամնաբուժական գործունեությամբ, իրավունք ունի՞ աշխատողին կանխիկով վճարել աշխատավարձ: Օրենքում նշված է, որ 2024թ.-ից սկսած է անկանխիկ գործարքներն իրականացվելու: Շնորհակալություն:

Հայկ․

Բարև Ձեզ: Այսպիսի հարց ունեմ: Շրջհարկով աշխատող ԱՁ-ն ձեռքբերած ապրանքների դիմաց վճարել է կանխիկ, սակայն մատակարար կողմը կանխիկի ոչ մի անդորրագիր չի տվել, միայն դուրս է գրվել էլէկտրոնային հաշիվ: Հիմա ինչպե՞ս պետք է հիմնավորել այդ վճարումները , և արդյո՞ք ԱՁ-ն պարտավոր է վարել դրամարկղային գիրք, եթե կատարում է կանխիկ գործարքներ: Շնորհակալություն։

Աննա․

Բարև Ձեզ, հարգելի հաշվապահներ։ Կասե՞ք՝ ՍՊԸ կարո՞ղ է հաշվարկային հաշվից 1 000 000 գումար կանխիկացնի և մուտք անի ՍՊԸ-ի դրամարկղ։ Կա՞ արդյոք սահմանափակում այս հարցում:

Թամարա․

Բարև Ձեզ։ Ասացեք խնդրեմ՝ հաշվարկային հաշվից դրամարկղ կանխիկի մուտքագրումը (աշխատավարձ վճարելու և մանր ծախսերի համար) և ընթացքում դրամարկղից հաշվարկային հաշիվը համալրելը դիտարկվու՞մ է որպես Անկանխիկ գործառնությունների մասին օրենքի խախտում: Շնորհակալություն։

Դավիթ․

Բարև ձեզ։ Ես արդեն մի 10 օր է որպես Ա/Ձ եմ գրանցվել։ Զբաղվելու եմ շարֆերի և գլխարկների արտադրությամբ։ Արտադրանքը վաճառելու եմ Instagram, Facebook, և Liooli.am հարթակներում միայն անկանխիկ եղանակով։ Խնդրում եմ ասեք՝ կարո՞ղ եմ ես միկրոձեռնարկություն լինել, և ՀԴՄ սարք պե՞տք է, թե՞ ոչ։ Իսկ եթե ՀԴՄ սարք պետք չի, ի՞նչ էլեկտրոնային համակարգով է իմ շրջանառությունը տեսնելու հարկայինը։

Մ․Ա․

Բարև ձեզ: ԱՁ-ն գրանցված է որպես միկրոձեռնարկատիրություն, 256 ձևն ուղարկված է օնլայն: Գործունեությունը՝ նախադպրոցական քոլեջ, գործում է Երևանում, ունի 2 աշխատող:

Հարց 1. Ի՞նչ ամենամսյա հաշվետվություններ, փաստաթղթեր պիտի ներկայացնի տվյալ ԱՁ-ն հարկային մարմնին (ուղարկում ենք եկամտահարկի հաշվարկ, համապատասխան հարկերը վճարվում են բանկով): Այլ փաստաթուղթ պե՞տք է լրացնել և ուղարկել:

Հարց 2. Եթե ծնողը վճարում է կանխիկ, և չունենք ՀԴՄ, ինչպե՞ս ենք ձևակերպում, պարտադի՞ր է ինվոյսինգի ծրագրով հաշիվ դուրս գրել:

Հարց 3. Իսկ եթե կանխիկ վճարված գումարը մենք ենք մուտք անում հաշվին, ինչպե՞ս ենք ձևակերպում:

Հարց 4. Եթե ծնողը վճարում է անկանխիկ, փոխանցումով կամ գումարը անձամբ կամ միջնորդով մուտք է անում հաշվին, արդյո՞ք պարտադիր է ինվոյսինգի ծրագրով հաշիվ դուրս գրել:

Կարեն․

Բարև Ձեզ։ Խնդրեմ ինձ կարո՞ղ եք օգնել մի հարցով։ ՀԴՄ-ով անկանխիկ գործառնության դիմումը չներկայացնելու դեպքում տուգանքը գործու՞մ է։ Թե՞ առաջին անգամ կարելի է նախազգուշացնել։ Շնորհակալություն։

Gegham Bagrazyan.

Առհաշիվ տրված գումարով հաշվետու անձը կազմակերպության համար ՀԴՄ-ով ամսվա ընթացքում ձեռք է բերել նյութեր և կանխիկ վճարել ամեն ՀԴՄ-ի համար տարբեր օրերին 15-ից 50 հազար դրամ՝ ընդամենը 500 հազար դրամ, որը դրամարկղից կանխիկ վճարվել է 2 տարբեր օրերին՝ 230 և 270 հազար դրամ։ Կանխիկի սահմանափակումներ հաշվի առած՝ կարո՞ղ եք ասել՝ ինչպե՞ս պետք է կատարվի վճարումը առհաշիվ անձին և մատակարարին, եթե չի գերազանցվել 300 հազար դրամը 2022թ-ի հուլիսից: Նույնը վերաբերվում է շուկայից գնումներին, որոնք նույնպես կատարվել են կանխիկ և չեն գերազանցել 300 հազար դրամը։

Գեղամ.

Կանխիկի սահմանափակումների դեպքում, ինչպե՞ս են կատարվելու ՀԴՄ-ով վճարները, որոնք անհնար է կատարել անկանխիկ և, եթե առհաշիվ անձը կատարել 15 գնում ՀԴՄ -ով՝ յուրաքանչյուրը 35-50 հազ դրամով, կամ շուրջ 700 հազ. դրամ, կարելի՞ է դրամարկղից միանգամից վճարել 700 հազարը։

Սամվել․

Հարգելի գործընկերներ, արդյո՞ք ֆիզ․ անձին վճարվող վարձավճարը կարելի է վճարել կանխիկ՝ հաշվի առնելով կանխիկ գործարքների սահմանափակումները։

Գայա.

Բարև ձեզ։ Օնլայն հարթակում աշխատելու դեպքում (Ա/Ձ), երբ բոլոր գործարքներն անկանխիկ են, կա՞ որևէ տոկոս, հարկ, որ պետք է վճարեմ պետությանը։

Ելենա․

Բարև Ձեզ։ Այսպիսի հարց։ ՍՊԸ ունի հաշվարկային հաշիվ և հիմա ստացել է բիզնես քարտ։ Հնարավո՞ր է դրամարկղից գումարի մուտք անել բիզնես քարտի հաշվարկային հաշվին, թե՞ սկզբից հարկավոր է մուտքագրել ՍՊԸ-ի հաշվարկային հաշվին և այնտեղից փոխանցել բիզնես քարտի հաշվին։ Կանխավ շնորհակալ եմ։

Բարև ձեզ։ ՀԴՄ պետք է գրանցեմ առաջին անգամ, 101 ձև՞ը չէ պետք է լրացնեմ, ու կասեք հետագա քայլերը ո՞նց պետք է անեմ, որ անկանխիկ վճարում ստանամ։ Վարսավիրանոցի համար է, կա այլ պարտադիր ձև լրացնելու, թե՞ արդեն բանկի հետ պետք է կապվեմ: Շատ շնորհակալ կլինեմ, եթե կարողանաք օգնել։

Մարիաննա․

Բարև ձեզ, հարգելի հաշվապահներ։ Եթե ՍՊԸ ատամնաբուժարան է և աշխատում է միայն անկանխիկ եղանակով, և սխալմամբ կանխիկի չեկ է տպել, ի՞նչ կարելի է անել։

Աննա․

Բարև Ձեզ, ընկերությունը դրամային հաշվից գումար է առհաշիվ անձին փոխանցել: Հաշվետու անձը կանխիկացրել և տարադրամի փոխանակման կետում կոնվերտացիա է արել, դարձրել է ռուբլի և մուտք է արել ընկերության ռուբլու հաշվին (առհաշիվ գումարի վերադարձ՝ ռուբլով): Խնդրում եմ ասեք՝ խնդիրներ կա՞ն անկանխիկ գործառնությունների մասով։ Ըստ անկանխիկ գործառնությունների մասին օրենքի 3-րդ հոդվածի՝ 1) անկանխիկ ձևով գործառնություն (վճարում)` կանխիկ կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) բանկային հաշվին, կամ անկանխիկ եղանակով նախաձեռնած վճարում, որն ուղղված է (փոխանցվում է) շահառուի (վճար ստացողի) էլեկտրոնային փողի հաշվին: Ընդ որում, անկանխիկ եղանակով նախաձեռնած վճարում է համարվում նախաձեռնողի բանկային կամ էլեկտրոնային փողի հաշվից կատարված վճարումը (փոխանցումը). 2) 4) կանխիկ ձևով գործառնություն (վճարում)` սույն օրենքով սահմանված` անկանխիկ չհանդիսացող վճարում. Սա վերաբերու՞մ է արդյոք վերոնշյալ գործարքին։ Կանխավ շնորհակալություն:

Lilia.

Բարև ձեզ, ո՞վ կարող է ասել՝ արդյո՞ք պարտադիր է ունենալ ՀԴՄ, երբ ԱՁ-ն (միկրո) իրականացնում է ավտոմեքենայի սրահի վերանորոգման աշխատանք, թե՞ ֆիզ. անձին հաշվարկային փաստաթուղթ գրենք՝ նորմալ է։

Արտյոմ.

Հարգելի հաշվապահներ, կազմակերպությունը զբաղվում է գյուղ տեխնիկայի ներմուծմամբ և վաճառքով: Գործունեության հասցեն ՀՀ մարզում է: Քաղիրավական պայմանագրի շրջանակներում ունի կնքած 2 պայմանագիր ֆիզ. անձի հետ՝ բեռների դատարկման աշխատանքներ կատարելու: Հարց՝ արդյո՞ք կազմակերպությունը պարտավոր է աշխատանքների կատարման վարձատրությունը կատարել անկանխիկ։

Մարիաննա.

Բարև ձեզ, հարգելի հաշվապահներ: ՍՊԸ, որը զբաղվում է միայն անկանխիկ գործունեությամբ, քանի որ ատամնաբուժարան է, հուլիս ամսից սկսած անկանխիկի չեքերը պե՞տք է արդյոք դրամարկղի գրքում գրեմ:

Լիլի.

Բարև Ձեզ։ Եթե Ա/Ձ-ն գրանցված է մարզում, բայց ծառայություն է մատուցում /աշխատանքը կատարում է/ Երևանոււմ։ Աշխատավարձ պետք է անկանխի՞կ տա։

Ալլա.

Բարև Ձեզ, հարգելի հաշվապահեր։ Խնդրում եմ պատասխանել հետևյալ հարցին. բժշկական ծառայության դիմաց վճարումը կատարվել է տերմինալի միջոցով։ Արդյո՞ք անհրաժեշտ է ՀԴՄ–ով այդ գումարը ներկայացնել որպես անկանխիկ։

Սուսաննա․

Խնդրում եմ ասեք՝ աշխատում եմ շրջհարկով, գործունեությունս իրականացնում եմ “Առինջ Մոլ” տոնավաճառում և ունեմ մեկ աշխատող։ Արդյո՞ք պետք է աշխատավարձը վճարեմ անկանխիկ։

Նարեկ.

Բարև Ձեզ։ Հարցս հետևյալն է. մանրածախ առևտրի խանութում ապրանքը արժե 500 000 դրամ, եթե գնորդը վճարի 300 000 կանխիկ, իսկ 200 000 դրամը անկանխիկ՝ արդյո՞ք կհամարվի խախտում։

Ա/Ձ միկրոձեռնարկատեր է: ՊԵԿ-ից ստացել է գրություն առ այն մասին, որ չեմ իրականացրել անհրաժեշտ գործողություններ վճարային քարտերի միջոցով անկանխիկ վճարման ընդունումն ապահովելու համար, որի գծով սահմանված է 300 000 դրամի չափով տուգանք: Առաջարկության համաձայն պետք է ներկայացնեմ էլեկտրոնային դիմում: Դիմումը ներկայացնելուց հետո ի՞նչ գործընթաց պետք է իրականացնեմ։

Նարե.

Բարև ձեզ, հարգելի հաշվապահներ։ Եթե Ա/Ձ-ն ոչ թե իր հաշվից է վճարում աշխատավարձ, այլ տերմինալով է փոխանցում, դա ևս դիտվու՞մ է չէ աշխատավարձի անկանխիկ վճարում։

Սուսաննա.

Միկրոձեռնարկությունը /ավտոմեքենաների տեխ․ սպասարկում /գրանցված է և գործում է Կոտայքի մարզում։ Արդյո՞ք պարտադիր է 1.07.22թ.-ից անցնել անկանխիկ վճարման։

Բժշկական ծառայության համար իրականացվել է անկանխիկ վճարում տերմինալով /easy pay/։ Հարց՝ արդյո՞ք պարտադիր է հաշվարկային փ-թ դուրս գերլ և ի՞նչ անել, եթե հաճախորդը հրաժարվում է անձնագրային տվյալներ տրամադրել հաշիվ դուրս գրելու համար։ Նշեմ նաև, որ Իզի փեյ Սպը-ն տրամադրում է հաշվետվություն օրական մուտքերի վերաբերյալ։

Նինել.

Բարև Ձեզ։ Կարո՞ ղ է արդյոք կազմակերպությունը վարձակալության վճարը վճարել կանխիկ, եթե վարձատուն հանդիսանում է ֆիզ. անձ։ Վարձավճարը ամեն ամիս կազմում է 50 000 ՀՀ դրամ, տարեկան 600 000 ՀՀ դրամ։ Եթե այո, ապա ամբողջ տարվա վճարման 600 000 դրամով չի՞ խախտվում անկանխիկի 300 000 ՀՀ դրամի սահմանաչափը։

Սուսաննա.

Բարև Ձեզ։ Խնդրում եմ պատասխանեք.
1. Եթե Երևանում գործատուն ունի երկու աշխատող և հունիս ամսվա աշխատավարձը վճարել է անկանխիկ եղանակով, դա օրենքի խախտու՞մ է:
2. Կարո՞ղ տվյալ գործատուն այսուհետև աշխատավարձը վճարել կանխիկ եղանակով:
Շնորհակալություն:

Ռուզաննա.

Հարգելի հաշվապահներ, եթե ԱՁ-ի իրավաբանական հասցեն ք. Երևանով է, իսկ փաստացի գործունեության հասցեն գ. Առինջն է, ապա հուլիսի 1-ից աշխատողների աշխատավարձը կանխիկով է վճարվու՞մ, թե՞ պարտադիր անկանխիկ, որևէ մեկը պարզաբանում ունի այս հարցի շուրջ:

Կարինե․

Բարի օր բոլորին։ Կազմակերպության հիմնադիր տնօրենին մինչև 01․07․2022թ․ տրվել է փոխառություն։ Փոխառությունը կարելի է՞ վերադարձնել կանխիկով դրամարկղ, հաշվի առնելով անկանխիկ գործառնությունների մասին օրենքի հոդված 12-ը՝ 1. Սույն օրենքն ուժի մեջ է մտնում 2022 թվականի հուլիսի 1-ից և տարածվում է սույն օրենքն ուժի մեջ մտնելուց հետո ծագած իրավահարաբերությունների վրա:

Լիլիթ.

Բարև, հարգելի գործընկեր։ Խնդրում եմ ինձ օգնեք. անկանխիկ վճարների վերաբերյալ դիմումի ձև է տեղադրվել ՊԵԿ-ի հաշվետվություններ բաժնում: Թյուրիմացաբար դիմում եմ ներկայացրել 2022թ. համար, պարզվում է բժշկական ծառայություների գծով մարզկենտրոնների ԱՁ-ները 2023թ. հուլիսի մեկից են անցնում անկանխիկ գործունեության: Հիմա ի՞նչ ելք կա դիմումը չեղարկելու համար:

Արեգա․

Հարգելի հաշվապահներ, ես ուզում եմ հասկանալ․ ընդունենք կազմակերպության հուլիս ամսվա վճարման ենթակա ընդանուր աշխատավարձը կազմում է 2 մլն դրամ, բայց յուրաքանչյուր աշխատողի վճարման ենթակա աշխատավարձը չի գերազանցում 300.000 դրամից, այս դեպքում աշխատավարձի վճարումը կարո՞ղ եմ կատարել կանխիկ ՝դրամարկղից։

Դավիթ.

Հաշվի առնելով անկանխիկ գործառնությունների մասին նոր օրենքի 4-րդ հոդվածը՝ աշխատանքների կատարման, ծառայությունների մատուցման պայմանագրի շրջանակներում 1 գործարքը ո՞րն է համարվում, եթե ամսվա ընթացքում այդ պայմանագրի շրջանակներում մի քանի անգամ մատուցվում է ծառայություն, առանձին ամսաթվերով, առանձին ակտերով ակտավորվում է և ամեն առանձին ընդունման-հանձնման ակտի համաձայն վճարումը կատարվում է աշխատանքը կատարելուց անմիապես հետո։
P.S. Պայմանագրի մեջ գործարքի գումար նշված չէ, պայմանագիրը 1 տարի ժամկետով է կնքված։

Ռիտա.

Բարև Ձեզ։ Ապրանքի վաճառքի դեպքում կարո՞ղ եմ կանխավճար ընդունել անկանխիկ և վաճառքի դեպքում ՀԴՄ խփել, վճարումը նշելով՝ մարում անկանխիկ կանխավճարից։ Նշեմ, որ ապրանքի գինը 1 մլն դրամից ավել է:

Ասյա.

Բարև Ձեզ։ Տանից հագուստի վաճառքով զբաղվող ՍՊԸ-ն, որ վաճառքը իրականացնում է նոր սերնդի ՀԴՄ սարքով՝ առաքումով միայն, նույնպես պե՞տք է pos տերմինալի համար բանկին դիմի, քանի որ տուն մարդ չի գալիս, քարտով վճարում չի իրականացվում, վճարումը իրականացնում են կանխիկ՝ ՀԴՄ կտրոնով՝ առաքիչին տալով կամ անկանխիկ ՍՊԸ-ի քարտային հաշվեհամարին փոխանցելով՝ նշելով հդմ սարքում անկանխիկ և այլ վճարային տերմինալ։ Հիմա Ամերիաբանկը ասում է, եթե 300 000 դրամը pos-ի ակտիվացումից հետո չեք ապահովում, ապա տուգանք է 10 000 դրամ։ Իսկ ինչպե՞ս ապահովենք, եթե տուն հաճախորդ չի մոտենում և հետևաբար քարտով վճարում չի լինում pos-ի միջոցով։ Կխնդրեմ, եթե տեղյակ է որևէ մեկը՝ գրեք։ Նախապես շնորհակալ եմ։

Մարիամ.

Բարև ձեզ։ Խնդրում եմ ասեք՝ եթե երկու ֆիզ. անձերի միջև կատարվել է մեքենայի առքուվաճառք՝ 2021թ, սակայն անվանափոխություն և պետական գրանցում չի կատարվել մինչ օրս /19.07.22թ/, այժմ գրանցելիս արդյո՞ք անկանխիկ վճարման նոր փոփոխությունները պիտի գործեն, քանի որ վճարվել է 2021թ-ին, և ի՞նչ հարկ է առաջանում նման գործարքի ժամանակ։

Սամվել․

Հարգելի գործընկերներ, արդյո՞ք․

1․ Փոխառության տրամադրումը ընկերության կողմից իր մասնակցին պետք է կատարվի անկանխիկ եղանակով 2022թ․ հուլիսի 1-ից հետո

2․ Փոխառության վերադարձը մասնակցի կողմից ընկերությանը պետք է կատարվի անկանխիկ եղանակով 2022թ․ հուլիսի 1-ից հետո

Ալլա․

Բարև Ձեզ, ցանկանում եմ իմանալ՝ Քաղաքացիաիրավական պայմանագրով աշխատողները աշխատավարձը պետք է քարտո՞վ ստանան։

Վեներա.

Խնդրում եմ՝ 2022թ. հունվարի 18-ին անկանխիկ գործառնությունների մասին ըդունված ՀՀ օրենքի հոդված 4-ի ավելի մանրամասն մեկնաբանություն, երբ համագործակցում են կազմակերպությունը և ֆիզիկական անձը, երբ ֆիզիկական անձը վճարը ստացողի դերում է:

Մելինե.

Բարև ձեզ։ Ունենք Ա/Ձ մթերային խանութ, համաձայն հուլիսի մեկից մտած օրենքի, մատակարարներից ստացված բոլոր ապրանքների դիմաց վճարումը պետք է կատարեմ փոխանցումով չէ։ Այդ դեպքում ինչու՞ են բոլոր առաքիչ-մենեջերները զարմանում և ասում, որ առաջինն եմ, ումից նման բան են լսում: Հիմա ո՞րն է ճիշտը։

Կարմեն.

Բարև Ձեզ: 1 հարց ունեմ` Որպես Ա/Ձ աշխատելու եմ շրջհարկով։ POS տերմինալով վճարում ընդունելու դեպքում կարո՞ղ եմ Ա/Ձ֊ի քարտին չփոխանցել, այլ գրանցել իմ անհատական քարտին։

Արտյոմ․

Շինարարական ընկերությունը իր արտադրամասից վաճառում է բետոնե պատրաստվածքներ՝ ֆիզ. անձին դուրս գրելով հարկային հաշիվ: Ասացեք խնդրեմ՝ հուլիսի 1-ից վճարումը կարո՞ղ է ընկերությունը ստանալ կանխիկ, եթե վաճառքը չի գերազանցում 300 000 ՀՀ դրամը։

Աննա․

Բարև Ձեզ, հարգելի հաշվապահներ։ Եթե ՍՊԸ իր ընկերությն պատկանող տրանսպորտային միջոցներ ԱՊՊԱ անում էր օնլայն եղանակով, աշխատակցի քարտին դրամարկղից մուտքագրվում էր գումար, և քարտի միջոցով արվում ԱՊՊԱ, նշեմ, որ օնլայն ԱՊՊԱ ՍՊԸ հաշվեհամարից չի լինում, հիմա այս կանխիկ գործառույթների հետ կապված նման ձևով ԱՊՊԱ-ն խնդիր չի՞ առաջացնի: Կանխավ շնորհակալ եմ:

Արտյոմ․

Ողջույն, խնդրում եմ օգնել․ կազմակերպությունը ֆիզ․ անձից վարձակալում է տարածք, վճարում է կանխիկ՝ եկամտային հարկը պահելուց հետո։ Ասացեք խնդրեմ՝ հուլիսի 1-ից հետո կարո՞ղ է շարունակել վճարել կանխիկ, թե՞ ոչ։ Շնորհակալություն։

Հովհաննես․

Բարև Ձեզ, հարգելի հաշվապահներ։

Անկանխիկ գործառնությունների մասին օրենքի հոդված 6 կետ 1 համաձայն «Օրենքով կամ աշխատանքային պայմանագրով սահմանված աշխատավարձերը վճարվում են անկանխիկ ձևով 2022 թվականի հուլիսի 1-ից՝ Երևան քաղաքում գործունեություն իրականացնող կազմակերպությունների, անհատ ձեռնարկատերերի, փաստաբանների և նոտարների կողմից»։

Հարցս հետևյալն է․ եթե կազմակերպությունը գրանցված է Երևան քաղաքում (իրավաբանական հասցե), բայց գործունեություն է իրականացնում մարզերում (գործունեության հասցե), ապա իրավունք ունի՞ աշխատավարձները վճարի կանխիկ եղանակով։

Էմի․

Բարև Ձեզ։ 2022 թվականի փոփոխությունները ինչպե՞ս են ազդելու ատամնաբուժական կլինիկայի վրա, աշխատավարձի և սպասարկման վճարումների հետ կապված բոլոր գործարքները և աշխատավարձի վճարումը կատարվում է կանխիկով։

Արա․

Բարև ձեզ, հարգելի հաշվապահներ։ Եթե ընկերությունը ֆիզիկական անձանց տվյալներով դուրս է գրում հաշվարկային փաստաթուղթ, և գումարը չի գերազանցում 300 000 դրամը, արդյո՞ք չի կարող դա կանխիկ ստանալ, այլ պետք է փոխանցվի միայն հաշվարկային հաշվին։

Նարեկ․

Բարև Ձեզ։ Եթե դիմացի կողմին կանխիկ գումար ենք տալիս, ով մեր անունից գումարը մուտք է անում իրենց բանկային հաշիվ, դա մեր կողմից կհամարվի՞ անկանխիկ վճարում։

Թերեզա․

Եթե Ա/Ձ զբաղվում է երկաթի ընդունում և հանձնումով, Հսկիչ դրամարկղային մեքենա պարտադի՞ր է ունենալ։

Արտակ․

Բարև Ձեզ։ Հուլիսի 01-ից կատարվող փոփոխություններով առհաշիվ գումարների տրամադրումը նույնպե՞ս պետք է կատարվեն անկանխիկ։