Ալլա․

Բարև ձեզ, այսպիսի մի իրավիճակ․ ճապոնական կազմակերպության կողմից մատուցվել է ծառայություն (նախագծերի կազմում, հեղինակային իրավունք, փաստաթղթավորում) հենց Ճապոնիայում, բայց ՀՀ ռեզիդենտ ԱԱՀ վճարող կազմակերպությանը, հետևաբար ինչպե՞ս է հարկվում այս գործարքը։

Սուսաննա․

Բարև Ձեզ։ Ունեմ Ա/Ձ, զբաղվում եմ միջազգային էլեկտրոնային առևտրով։ Ներկա պահին ոչ մի վաճառք չի իրականացվել։ Վճարում եմ տարբեր միջազգային ծրագրերի համար կայքում անխափան տեխնոլոգիական ապահովում իրականացնելու համար։ Եվ այդ բոլոր ծախսերը թղթակցում է իմ բիզնես հաշվի հետ։ Ինձ հետաքրքրում է․

1․ Ի՞նչ թույլտվություն է անհրաժեշտ ՀՀ-ում միջազգային առևտուր իրականացնելու համար։ Եվ ո՞ր գործադիր մարմինը պետք է այն տրամադրի

2․ ԱԱՀ հաշվետվության մեջ այդ ծախսերը, որ ես կատարել եմ միջազգային հարթակներում, չի՞ գրանցվելու իմ կողմից ներկայացվող ամսական հաշվետվությունների մեջ։

Կանխավ շնորհակալություն։

NA.

Բարև Ձեզ։ Այսօր 13․01․2023 թվականի օրով ԱԱՀ վճարողի դիմում եմ ներկայացրել, սակայն E-invoicing-ով հաշիվ գրելուց նշում է, որ ԱԱՀ վճարող չեմ։ Խնդիրը ինչի՞ց կարող է լինել։

Լիլիթ․

Բարև Ձեզ։ Եթե ՍՊԸ-ն 2022 նոյեմբերին անցել է ԱԱՀ դաշտ, 2023 ի՞նչ հարկով պիտի աշխատի։

Կարեն․

Բարև Ձեզ։ 2022 թվականին ԱՁ-ն աշխատել է միկրոյի դաշտում։ 2023 թվականից պետք է աշխատի ԱԱՀ դաշտում։ 2022 թվականին ներմուծված ապրանքը, որի համար վճարել է ԱԱՀ, երբ վաճառի 2023 թվականին, արդյո՞ք կարող է ներմուծման ժամանակ վճարված ԱԱՀ-ն դեբետագրի: Կխնդրեի ասեք՝ որ օրենքի կամ որոշման հիման վրա կարող եմ դա հիմնավորել։

Հեղինե․

Բարև ձեզ։ Հարգելի հաշվապահներ, խնդրում եմ օգնեք։ Ֆիրման 2022թ գրանցվել է և աշխատել ԱԱՀ դաշտում։ Տարվա վերջին դիմել է լուծարման համար։ Լուծարման պրոցեսը դեռ չավարտված, տնօրենը գրանցել է ԱՁ, շրջհարկի դաշտում։ Հարցս հետևյալն է. տնօրենն իրավունք չունի՞ աշխատելու շրջհարկով, քանի դեռ ֆիրման լուծարման փուլում է։ Կանխավ շնորհակալ եմ։

Գայանե․

Բարև ձեզ, հարգելի հաշվապահներ, հարցս հետևյալն է․ եթե մեր կազմակերպությունը ՍՊԸ է և հարկվում է շրջ․ հարկով, ապա ստացած հաշիվները արդյո՞ք չպետք է Բ կարգի լինեն, այսինքն դիմացի կողմը ԱԱՀ-ով է հարկվում ու մեր համար դուրս է գրում Ա կարգի հարկային հաշիվ։ Կանխավ շնորհակալություն։

Տաթև․

Բարև ձեզ, սիրելի հաշվապահներ։ ՍՊԸ-ն (շրջ. հարկով աշխատող – տարեկան շրջանառությունը մոտ 100 մլն) ծառայություն է մատուցում ինչ-որ կազմակերպության, միևնույն ժամանակ այդ կազմակերպությունը վարձակալում է ՍՊԸ-ի տնօրենի ամուսնուն պատկանող բնակարանը (տարեկան մոտ 30 մլն)։ Արդյո՞ք նրանք կճանաչվեն փոխկապակցված հարկ վճարողներ և կանցնեն ԱԱՀ-ի դաշտ։

Կարինե․

Բարև ձեզ։ ԵԱՏՄ երկրից ներմուծված ապրանքի 20% ԱԱՀ ո՞ր հաշվեհամարին պետք է վճարել։ Ռուսաստանից է ներմուծումը։

Լիլիթ․

Բարև Ձեզ։ ԱԱՀ-ով աշխատող կազմակերպությունը 2022թ.-ին չի գերազանցել 115 մլն. ՀՀ դրամը:

1. արդյո՞ք պետք է հայտարարությունը ներկայացվեր մինչև հունվարի 20-ը

2. եթե չեմ ներկայացրել և հիմա եմ ներկայացնում հունվարի 1, 2 օրերի համար, ի՞նչ հարկատեսակով եմ համարվում հարկվող

3. եթե չտամ հայտարարություն մինչև փետրվարի 20-ը, այսինքն չե՞մ կարողանալու ձեռքբերված ԱԱՀ-ն հաշվանցել։

Խնդրում եմ հարցին պատասխանելու դեպքում, նշել հոդվածը, որով առաջնորդվում եք: Կանխավ շնորհակալ եմ:

Армине.

Как выписать электронный счёт без НДС? Выдаёт ошибку сумма НДС должна быть выше 0. Заранее спасибо!

Մելինե․

Բարև ձեզ։ Շրջհարկի դաշտից անցել ենք ԱԱՀ հոկտեմբերի 6-ից, հիմա հոկտեմբերի համար ԱԱՀ հաշվարկ ներկայացնելիս արդյո՞ք պետք է համամասնություն կիրառվի հարկման բազայի, հաշվանցման ենթակա ԱԱՀ-ի համար (վերցվի 15 օրվանը)։ Եթե ունեցել ենք ընդամենը 3 հաշիվ վավերագիր դուրս գրած (երբ կարծել ենք, որ շրջհարկով ենք աշխատում ), ու 3 ի դիմացի կողմն էլ ազատված են ԱԱՀ-ից, կարի՞ք կա հաշիվները չեղյալ համարելու և ԱԱՀ-ով նոր հաշիվ գրելու։ Եվ վերջին հարցս՝ այդ ազատված գործարքների մասով գումարը ավտոմատ լրացվում է հաշվարկի մեջ 13Ա-ում, հիմա ես 9Ա-ն այդքանով պակաս պե՞տք է լրացնեմ, այո՞։ Շնորհակալ կլինեմ, եթե արձագանքեք։

Ռուսլան․

Բարև ձեզ: Կազմակերպությունը ԵՏՄ-ից ներմուծել է մեքենայի շարժիչային յուղ, որի համար հաշվարկվել է ակցիզային հարկ: Խնդրում եմ օգնել հետևյալ հարցում՝ ներմուծման հայտարարության 14-րդ, 16-րդ, 17-րդ և 19-րդ սյունակներում ինչպե՞ս արտացոլել ակցիզը, եթե մաքսային արժեքը եղել է 100 000 դրամ, ակցիզը հաշվարկվել է կգ ի համար 530 դրամ։ Հնարավո՞ր է տվյալ սյունակներում ոչինչ չգրել, բայց ԱԱՀ-ի հարկման բազա 15-րդ սյունակում գրել մաքսային արժեք + ակցիզային հարկ։

Սևակ․

Բարև ձեզ։ Կասե՞ք՝ ինչպե՞ս կարող եմ տեղեկանալ Չինաստանից ներմուծված ապրանքների մաքսազերծման գների հետ։

Մելինե․

Հարգելի հաշվապահներ, խնդրում եմ պատասխանել։ Իմ ՍՊԸ-ն 3 ամիս առաջ անցել է ԱԱՀ-ի դաշտ, նոր են ծանուցել։ Հիմա այդ 3 ամսվա համար պետք է վճարել ԱԱՀ և շահութահարկի հաշվարկ կատարել։ Ենթադրենք՝ վերջին 3 ամիսներին եկամուտը եղել է 2 մլն (ամեն ամիս), ԱԱՀ-֊ով ստացված հաշիվ չունեմ, ուրեմն ամեն ամիս պիտի վճարվի 400 000 ԱԱՀ։ Եվ տարիս փակել եմ մաքուր 5 մլն շահույթով, ուրեմն նաև 5 մլնի 18 % էլ պիտի վճարեմ, այո՞։ Ճի՞շտ եմ ներկայացնում կոպիտ հաշվարկով։ Շնորհակակություն։

Ալվարդ․

Բարև։ Շրջհարկով աշխատող ՍՊԸ-ը դեկտեմբերով գրվող վերջին հաշվով, որը պետք է գրեմ այսօր, անցնում է ԱԱՀ շեմը։ Խնդրում եմ օգնեք հասկանալու հետագա քայլերը, ինչպիսի՞ հաշիվ պետք է գրեմ և ի՞նչ հաշվետվություններ հանձնեմ: Կանխավ շնորհակալություն։

Անահիտ․

Բարև Ձեզ, հարգելի գործընկերներ։ ԱՁ-ն 2022թ.-ին աշխատել է ԱԱՀ-ով, բացի եկամտային հարկի և սոց. վճարի և ավելացված արժեքի հարկի ամսական հաշվետվություններից էլ ի՞նչ հաշվետվություններ պետք է ներկայացնեմ և մինչև ե՞րբ:

Artur.

2022թ հոկտեմբեր ամսվա հաշիվը մատակարարը նեկայացրել է 2023թ. հունվարին, և այն վավերացվել է հունվարին։ Ասեք խնդրեմ՝ ԱԱՀ դեբետային գումարը ո՞ր ամսվա հաշվետվության մեջ պետք է ներառել։

Gegham Bagrazyan․

2023-ին ԱԱՀ վճարող համարվելու համար կամ ամեն տարի պե՞տք է հայտարարություն գրվի, եթե 2022թ-ին արդեն գրվել է։

Mari.

Բարև Ձեզ, մի հարց ունեմ։ Եթե ԱՁ-ն միկրոձեռնարկատիրության դիմում չի ներկայացրել, ավտոմատ ԱԱՀ-ի դաշտում է հայտնվել, տարվա ընթացքում ոչ մի գործարք չի արել, նաև հաշվետվություն չի ներկայացրել։ Հիմա նախորդ տարվա 12 ամիսների ԱԱՀ-ները 0-ական ներկայացնե՞մ։

Գրիգոր․

Բարև Ձեզ: Կառուցապատող կազմակերպությունը մի քանի տարի առաջ շենք է կառուցել, աշխատել է ընդհանուր հարկման դաշտում: Կառուցված բնակարաններից մի քանիսը չի վաճառել։ Կարո՞ղ է արդյոք 2023թ,-ի աշխատել շրջանառության հարկով, 2022թ․ շրջանառությունը չի գերազանցել 115 մլն. դրամը:

Կարեն․

Բարև Ձեզ։ ԱԱՀ վճարող կազմակերպությունը Վրաստանից ավտոմեքենա է ձեռք բերել 4 000 ԱՄՆ դոլլարով, որը համարժեք է 1 584 000 ՀՀ դրամի։ Մաքսային արժեքը նշված է 1 800 000 ՀՀ դրամ։ Կասե՞ք՝ ինչի՞ց է տարբերությունը, և ավտոմեքենայի մաքսային արժեքը ինչպե՞ս են որոշում:

Շուշանիկ․

Բարև ձեզ, հարգելի գործընկերներ։ 2022թ-ին ընկերությունը աշխատել է ԱԱՀ -ով, իսկ այս տարի շրջանառության հարկով: Հիմա նախորդ տարվանից կա ապրանքի վեդարձ գնորդներից: Վերադարձը ինչպե՞ս պետք է արվի ԱԱՀ-ով: Կանխավ շնորհակալություն:

Նելլի.

Բարև ձեզ, հարգելի հաշվապահներ։ Ներմուծում ենք արել, ապրանքը մաքսազերծել են ավելի բարձր գնով, այսինքն՝ մաքսային արժեքը ստացվել է ավելի բարձր և դրանից էլ ԱԱՀ-ն է ստացվել շատ։ Հիմա հարց. ես ինքնարժեքը հաշվու՞մ եմ ինվոյսային արժեքով, գումարած ներմուծման ծախսե՞ր, իսկ էդ դեպքում ինքնարժեքը լինում է ավելի ցածր քան մաքսային արժեքը ու վաճառելիս ես ինքնարժեքից ցածր չեմ վաճառում, բայց ներմուծման ժամանակ վճարված ԱԱՀ-ից ցածր ա լինում վաճառքից առաջացած ԱԱՀ-ն, ի՞նչ անել։

Հայկ.

Բարև Ձեզ: 2022թ. դեկտեմբերի համար ԱԱՀ հաշվարկ եմ լրացնում, ունեմ 03.01.2023թ. ամսաթվով ստացված հարկային հաշիվներ, որոնց մատակարարման ամսաթիվը սակայն 2022թ. դեկտեմբերին է վերաբերում: Հարկայինի ծրագիրը ավտոմատ լրացնելիս այդ հաշիվների գումարը չի ներառում , ի՞նչն է պատճառը: Խնդիր կլինի՞, եթե ես ձեռքով փոխեմ գումարը : Նախապես շնորհակալություն։

Արա․

Հունվարի սկիզբ դուրս եմ գրել հարկային հաշիվ, սակայն հետագայում որոշում եմ կայացրել տալ հայտարարություն շրջանառության հարկ վճարող համարվելու վերաբերյալ: Ինչպե՞ս պիտի արտացոլվի հարկային հաշիվը իմ հաշվարկներում, քանի որ ես արդեն դարձել եմ շրջանառության հարկ վճարող, այսինքն չեմ ներկայացրել ավելացված արժեքի հարկ վճարող համարվելու վերաբերյալ հայտարարություն: Ի՞նչ պարտավորություններ կառաջանան: Արդյո՞ք ես պիտի շրջանառության հարկի հետ համատեղ ներկայացնեմ ավելացված արժեքի հարկի և ացիզային հարկի միանական հաշվարկ:

Անի․

Բարև Ձեզ։ Եթե ՍՊԸ-ն իր քարտային հաշվից կատարում է, օրինակ, տեխնիկայի գնում ԱՄՆ-ից, կարո՞ղ է ապրանքը ստանալ փոստից, ինչպես ֆիզ անձանց դեպքում է, թե՞ հատուկ կարգ կա, և ինչպե՞ս է մաքսազերծում կատարվում ու վճարվում ԱԱՀ:

Լիլիթ.

Եթե ԱԱՀ-ն ներառված է գնի մեջ, այդ դեպքում ի՞նչ տարբերակով ենք գրում հաշիվ։ 16.66% զեղչն ենք կիրառում, թե՞ գրում թիվ, որը վերջում կդառնա ներառված արժեքի հարկով վճարը։ Կանխավ շնորհակալ եմ։

Կարեն․

Հարգելի հաշվապահներ, եթե հոկտեմբեր ամսվա մեջ ԱԱՀ-ով հաշիվ եմ ստացել մեկ այլ ընկերությունից, որից հետո ներկայացրել եմ հեկտեմբերի համար ԱԱՀ հաշվետվություն, սակայն նոյեմբերի մեջ ծառայություն մատուցողը չեղարկել է իր դուրս գրած հաշիվը և նույն հոկտեմբերի մատակարարման ամսաթվով հաշիվը գրել է արդեն առանց ԱԱՀ-ի՝ հաշվարկային փաստաթուղթ։ Այս դեպքում ԱԱՀ հաշվետվության մեջ փոփոխությունը ինչպե՞ս եմ արտացոլում և ԱԱՀ հաշվարկի 20-րդ կետում ո՞ր հոդվածի համաձայն եմ նշում։

Գագիկ․

Բարև ձեզ, հարգելի հաշվապահներ։ ԱԱՀ վճարող ընկերությունը երրորդ երկրից ներմուծելու է ապրանք (էլեկտրոնային տեխնիկա` պայմանական 100 000 դրամի), ՀՀ-ում կատարելու է որոշակի ծախսեր (մաքսազերծում, բրոկեր, տեղափոխում, պահպանում, փաթեթավորում և այլն` պայմանական 30 000 դրամի), և գործընկերոջը վաճառելու նպատակով արտահանի ԵՏՄ երկիր (պայմանական 160 000 դրամի): Ո՞ր փուլում և ո՞ր մասով է առաջանում ԱԱՀ վճարելու պարտավորություն: Կանխավ շնորհակալ եմ:

Արթուր․

Բարև Ձեզ, խնդրում եմ պատասխանել հետևյալ հարցիս: ՍՊԸ-ն զբաղվում է ձկնաբուծությամբ, և աշխատում է ԱԱՀ-ով հարկման դաշտում, խնդրում եմ ասեք

1) Ի՞նչ հաշվետվություններ պետք է ներկայացնել

2) Արդյո՞ք պետք է պահեստի հաշվառում կատարել

3. Ո՞նց են հաշվարկում արտադրողականությունը, և արդյո՞ք պետք չէ իմանալ՝ ինքնարժեքը ինչքան է

4. Եթե կա ձկնաբուծության հաշվապահության վերաբերվող օրենքներ կամ գիրք, խնդրում եմ հուշել՝ որտեղից կարդամ կամ ձեռք բերեմ

Աննա․

Խնդրում եմ ասեք՝ ԱԱՀ-ով աշխատող Ա/Ձ տարեկան ի՞նչ հեշվետվություն պետք է ներկայացնի: Եվ տարեկան հաշվետվության մեջ ՀՄ-ի (արտասահմանից ներմուծված մեքենա) ձեռքբերման արժեքը ո՞ր հոդվածով պետք է ցույց տալ: Շնորհակալ եմ կանխավ:

Նարեկ․

Բարև Ձեզ։ ԱԱՀ-ով աշխատող ընկերությունը ապրանք է ներմուծել, “транзитная декларация”-ի մեջ ընդհանուր 1 000 000 ռուբլի արժեք է ֆիքսվել։ Ապրանքը տանելով պահեստ՝ որոշ ժամանակ հետո պարզվել է, որ մեծ մասը խոտան է։ Մատակարարը համաձայնվել է ինվոյսը ճշգրտի, որից հետո կդառնա 450 000 ռուբլի ընդհանուր արժեքը։ Ինվոյսը ստանալուց հետո կարո՞ղ եմ արդյոք ԵՏՄ հայտարագիրը և հայտարարությունը ճշգրտեմ և ԱԱՀ հարկման բազա ընդունեմ 450 000 ռուբլիին համարժեք ՀՀ դրամ։ “Транзитная декларация” – ն պե՞տք է փոփոխվի մաքսայինի կողմից և ի՞նչ ընթացակարգով։

Դավիթ․

Բարև ձեզ։ Կազմակերպությունը դրսից փորձագետ է հրավիրում իր աշխատողներին վերապատրաստելու համար: Փորձագետին տալիս է աշխատավարձ, գալ գնալու տոմսի արժեքը, հյուրանոցի մնալու ծախսերը և այլն: Կազմակերպությունը ԱԱՀ և շահութահարկ վճարող է: Հարց՝ տոմսի արժեքը և հյուրանոցի ծախսերը շահութահարկից նվազեցվու՞մ է և ի՞նչ չափով, և արդյո՞ք տոմսի և հյուրանոցի ծախսերում վճարված ԱԱՀ հաշվանցման ենթակա է։ Ամենաօպտիմալ տարբերակը ո՞րն է։

Հայկ․

Բարև Ձեզ: Հարգելի մասնագետներ, ԱԱՀ-ի հաշվարկ եմ լրացնում առաջին անգամ: Ցանկանում եմ իմանալ՝ ԱԱՀ-ի դեբետ բաժնում պետք է լրացնել հաշվետու ժամանակաշրջանի բոլո՞ր ձեռքբերումները, այդ թվում ստացված հաշվարկային փաստաթղթերով, թե՞ միայն հարկային հաշիվներով ստացվածները: Շնորհակալություն։

Գայանե․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, նյութեր են ուղարկել Ռուսաստան, փորձաքննություն են անցկացրել և տրամադրել են սերտիֆիկատ։ Հաշիվ ֆակտուրա են գրել, որտեղ գրված է նաև ԱԱՀ։ Ունենք կնքված պայմանագիր։ Վճարումը կատարել ենք պայմնագիրը կնքելուց հետո 5-օրյա ժամկետում, իսկ հաշիվ ֆակտուրան գրվել է 3 ամիս հետո։ Հարցս հետևյալն է՝ պե՞տք է գրել ինքնահաշիվ և ԱԱՀ հաշվետվության կազմելիս ե՞րբ պետք է ներառեմ, ըստ վճարման ամսի, թե՞ հաշիվ ֆակտուրայի ամսում։

Տիգրան․

Հարգելի հաշվապահներ, հարցս հետևյալն է. երկու կազմակերպություններ, որոնք գործում են ԱԱՀ-ի դաշտում, իրականացնում են բեռնափոխադրման ծառայություններ։

Կազմակերպություններից առաջինը ցանկանում է իր գործունեության ընթացքում շահագործել երկրորդ կազմակերպության տրանսպորտային միջոցները։ Հարցս հետևյալն է՝ ի՞նչ հիմունքներով կարող է այն իրականացնել, արդյո՞ք պետք է որևէ քաղիրավական պայմանագիր՝ վարձակալության և/կամ անհատույց օգտագործման պայմանագիր տրանսպորտային միջոցների, և երկրորդ հարցս՝ կարո՞ղ է կազմակերպությունների միջև կնքվի համատեղ գործունեության պայմանագիր և այն գրանցվի հարկայինում, որի դեպքում տրանսպորտային միջոցների շահագործման վերցնելու պարագայում հարկեր չեն գոյանա։

Տիգրան․

Հարգելի հաշվապահներ, ունեմ այսպիսի հարց. անհատ ձեռնարկատերը, ով գործում է շրջանառության հարկի դաշտում, ցանկանում է Ճապոնիայից ներմուծել 2106909809 ապրանքային կոդով ապրանքներ: Ցանկանում եմ իմանալ՝ արդյո՞ք այս կոդով ապրանքի համար վճարվելու է մաքսատուրք: Եթե կարելի է՝ նշեք նաև մաքսատուրքերի դրույքաչափերը ո՞ր իրավական ակտով են սահմանված։

Գևորգ.

Բարև Ձեզ, հարգելի հաշվապահներ։ Ո՞նց եք։ Հարցը հետևյալն է. ՍՊԸ-ն աշխատում է շրջանառության հարկի դաշտում, այս տարի ընդհանուր շրջանառությունը եղել է մոտավորապես 42 մլն դրամ, հիմնական միջոցներ ունենք վաճառքի՝ միասին վերցված չի գերազանցում 115 մլն.։ Այս տարի, եթե վաճառվի՝ գերազանցված մասով պե՞տք է վճարվի ԱԱՀ և շահութահարկ, իսկ եթե մյուս տարի 2023թ.-ին է վաճառվում ու չի գերազանցում 115 մլն դրամը՝ միայն հարկային պարտավորություն լինում է շրջ հարկի, քանի՞ տոկոսը 5, թե՞ 10%։ 2023 թվականի ԱԱՀ-ի շեմը 115 միլիո՞ն է։

Նարեկ․

Հոդված 72. Հաշվանցումների (պակասեցումների) կատարման սահմանափակումները 1. Օրենսգրքի 70-րդ և 74-րդ հոդվածներով սահմանված կարգով բյուջե վճարման ենթակա կամ բյուջեից փոխհատուցման ենթակա ԱԱՀ-ի գումարների հաշվարկման նպատակով ԱԱՀ-ի հաշվանցումներ (պակասեցումներ) չեն կատարում` 8) եթե ոչ իրացման նպատակով ձեռք են բերվել և (կամ) ներմուծվել են թեթև մարդատար ավտոմեքենաներ, բացառությամբ այն դեպքերի, երբ թեթև մարդատար ավտոմեքենաներն օգտագործվում են վարձույթով տրամադրելու համար: Սույն կետի կիրառության իմաստով, համարվում է, որ թեթև մարդատար ավտոմեքենան ձեռք է բերվել և (կամ) ներմուծվել է ոչ իրացման նպատակով, եթե ավտոմեքենայի սեփականության իրավունքը օրենքով սահմանված կարգով ստացել է պետական գրանցում.

Հարց-Կասե՞ք՝ ո՞րն է օրենքով սահմանված կարգով ստացած պետական գրանցումը ։

Սուրեն․

Բարև Ձեզ։ Ունեմ նման հարց։ Ֆիրման ներմուծել է սենդվիչ պանելներ, սակայն հայտարարագրելիս մաքսային արժեք են դիտարկել ոչ թե ինվոյսային արժեքը, այլ շուկայականը։ Միևնույն ժամանակ մեզ ասում են, որ պատրաստ են մեզ տալ ապրանքը, բացել մաքսային ստուգում, տրամադրել 60 օր ժամանակ համապատասխան թղթերը ստանալու համար, որից հետո շատ հնարավոր է հայտարարագրման մեթոդը փոխեն։ Բայց չենք ուզում ստուգում։ Առկա պայմանում ստացվում է, որ մեզ մոտ հարկային բեռը 20 մլն կավելանա մաքսազերծելիս։ Խնդրում եմ խորհուրդ տալ՝ ինչպե՞ս խելամիտ օգտվել ներկա վիճակից, եթե ֆիրման աշխատում է շրջհարկով, արդյո՞ք արժի մինչև մաքսազերծումը անցում կատարել ԱԱՀ-ի դաշտ և կուտակել ԱԱՀ-ի դտ, թե՞ ուրիշ այլ տարբերակ կասեք։ Շնորհակալ եմ։

Հայկ․

Բարև Ձեզ: Ունեմ 2 հարց, կխնդրեմ օգնել:

Հարց 1. ՍՊԸ-ն այս տարվա նոյեմբերի 1-ից շրջհարկի համակարգից անցել է ԱԱՀ-ի համակարգ: Արդյո՞ք պետք է ներկայացնել և ԱԱՀ-ի ամսական հաշվարկը՝ նոյեմբեր ամսվա համար, և նաև շրջհարկի հաշվետվությունը 2022թ. 4-րդ եռամսյակի համար:

Հարց 2. ԱԱՀ-ի 260 ձևը լրացնելիս ԱԱՀ-ի դեբետ բաժնում համակարգը ավտոմատ լրացնում է ձեռքբերումների գումարը, ցանկանում եմ իմանալ՝ արդյո՞ք այդ հաշվարկում ներառվում են ինվոյսինգում ստացված այն հաշիվների հանրագումարը, որոնց մատակարարման ամսաթիվը նոյեմբեր ամսվան է պատկանում:

Նախապես շնորհակալություն։

Արուս․

Բարև ձեզ: Ռուսաստանից ներմուծված գյուղատնտեսական նշանակության ապրանքների (խաղողի այգու մետաղյա պրոֆիլներ) ներմուծման դեպքում ԱԱՀ վճարվու՞մ է:

Գրիգոր․

ԲՈՒՀ-ը կատարում է ուսուցիչների վերապատրաստման աշխատանքներ: Ազատվա՞ծ է արդյոք ԱԱՀ-ից, այսինքն ՀՕ 64 հոդվածի 2-րդ կետի 1-ին ենթակետի համաձայն ազատվու՞մ է ԱԱՀ-ից, նշեմ, որ կանոնադրության մեջ նշված է՝ Բուհը կարող է անձամբ զբաղվել ձեռնարկատիրական գործունեության հետևյալ տեսակներով՝ 1) գիտամանկավարժական կադրերի պատրաստում, վերապատրաստում, որակավորման բարձրացում: Եթե այո՝ խնդրում եմ հղում լինելու դեպքում, նշեք: Շնորհակալություն:

Աննա․

Բարև Ձեզ, հարգելի հաշվապահներ: Նորաստեղծ ԱՁ-ն զբաղվելու է freelance-ով, այսինքն՝ ծառայություններն արտահանելու է: Զրոյական ԱԱՀ-ն ինչպե՞ս պետք է արտացոլել ամսական ԱԱՀ հաշվետվությունում: Պե՞տք է արդյոք այս դեպքում հարկային հաշիվ դուրս գրել:

Աննա․

Հարգելի հաշվապահներ, ՍՊԸ աշխատում է ԱԱՀ-ով։ Սեպտեմբեր 4-ին դուրս է գրել ապրանքների մատակարարման հաշիվ, հիմա պետք է դուրս գրի ճշգրտող հարկային հաշիվ։ Կասե՞ք՝ մատուցման ամսաթիվը որը պետք է նշել։

Արեգա.

Բարև Ձեզ։ Ունեմ այսպիսի հարց. ԱԱՀ վճարողը լիզինգային կազմակերպությունից ստացել է «լիզինգի առարկայի հանձնման-ընդունման ակտ»։ Հարց. կարելի՞ է առանձնացված ԱԱՀ հաշվանցել։ Ինչպիսի՞ն կլինի հաշվապահական ձևակերպումները։ Լիզինգի առարկան՝ արևային կայաններ-մարտկոցներ։

Անահիտ.

Բարև Ձեզ: Հարգելի հաշվապահներ, կազմակերպությունը ԱԱՀ վճարող է, մանրածախ առևտրում ձեռք է բերել ապրանք ԱԱՀ-ով, հատը՝ 650: Պետք է ավելացնի միայն հավելագի՞ն՝ 15%: Բայց ինքնարժեքը կլինի 650-16.67%։

Բարև ձեզ։ Եթե ֆիզ. անձից ունենք վարձակալություն, ԱԱՀ-ի հարկման բազայի մեջ ամբողջ գումարն է արտացոլվում, թե՞ եկամտային հարկը հանած թիվը։ Խնդրում եմ հղում տալ։ Շնորհակալություն։

Բարև բոլորին: Ինձ ո՞վ կարող է ասել՝ կազմակերպությունը հուլիսին գրանցվել է ու չի մոտեցել հաշվապահություն, ոչ էլ գործ է արել, անցել է ԱԱՀ։ Հիմա պետք է ես զրոյականներ ուղարկե՞մ ու դադար տամ, հունվարից նորի՞ց բացեմ, որ միկրո կարողնամ հայտ տամ։