Շուշանիկ․

Բարև Ձեզ, հարգելի հաշվապահներ, խնդրում եմ օգնել հետևյալ հարցում: ԱՁ-ն, որն աշխատում է ԱԱՀ-ի դաշտում, զբաղվում է բաժակով սուրճի արտադրությամբ և վաճառքով, ի՞նչ հաշվետվություններ պետք է ներկայացնի և ի՞նչ պարտադիր հարկեր պետք է վճարի: Նաև կխնդրեի պարզաբանել՝ ԱՁ-ն կարող է տնօրեն չունենալ։

Ռոզա․

Հարգելի գործընկերներ, ԱԱՀ հաշվոտվությունում չեմ ներառել ԱԱՀ-ով հաշիվը, որը ճիշտ ժամանակ ստորագրել եմ, մի քանի ամիս անց ուղղել եմ հաշվետվությունը, 226-ի ձևակերպումն ինչպե՞ս կատարեմ։

Նարե․

Բարև Ձեզ։ Հարգելի հաշվապահներ, եթե ԱԱՀ-ով աշխատող ՍՊԸ-ն եվրոպական երկրից ստացել է դրամաշնորհ, որով պետք է ձեռք բերի սեփական օգտագործման հիմնական միջոցներ, ապա․

1. դրամաշնորհի գումարը հարկվո՞ւմ է ԱԱՀ-ով,
2. արդյո՞ք պետք է դրամաշնորհի համար ինքնահաշիվ գրել, եթե պայմանագրով չի պարտադրվում,
3. եթե դրամաշնորհը ստացվել է եվրոյով և հաշիվ չի գրվում, ապա ԱԱՀ-ի հաշվետվության մեջ ո՞ր օրվա փոխարժեքով պետք է արտացոլել դրամաշնորհի գումարը։

Կանխավ շնորհակալություն։

Հարություն․

Բարև Ձեզ, ես ունեմ գրանցած ԱՁ, աշխատում եմ շրջանառության հարկով, գործունեության բնույթը առևտուր է, ապրանքները ցանկանում եմ գնել արտերկրից, մասնավորապես ԱՄՆ-ից և եվրոպական տարբեր երկրներից, որտեղ ցանկանում են նաև, որ լրացնեմ VAT ID, դա ՀՎՀՀ-ն է՞, և արդյո՞ք ճիշտ է դա լրացնելը՝ հաշվի առնելով, որ աշխատում եմ շրջհարկով, այլ ոչ է ԱԱՀ-ով։ Կանխավ շնորհակալություն։

Գոռ․

Բարև ձեզ։ Կխնդրեմ օգնել։ Հյուրանոցի համարը ամրագրել են Expedia – ով, Expedia – ան շվեցարական կազմակերպություն է, Expediа – ն իր միջնորդական ծառայության գումարը պահում է, նոր փոխանցում հյուրանոցին։ Ես պե՞տք է հյուրի ամրագրած համարի գումարի չափով հաշիվ ապրանքագիր գրեմ հյուրի անունով, իսկ միջնորդական ծառայության համար ինքնահաշիվ։ Կազմակերպությունն ԱԱՀ ով է աշխատում։

Նարե․

Բարև Ձեզ, հարգելի հաշվապահներ։ Կազմակերպությունը շահել է գրանտ, որի շրջանակներում անձնական օգտագործման նպատակով ձեռք է բերելու սարքավորումներ։ Գրանտի գումարը փոխանցվելու է եվրոյով։ Խնդրում եմ ասել` ո՞ր ամսվա ԱԱՀ-ի հաշվարկում պետք է արտացոլվի գումարը և ո՞ր օրվա փոխարժեքով։

Նաիրա․

Ողջույն, հարգելի հաշվապահներ, հարցս վերաբերվում է ՊՈԱԿ-ի ֆինանսավորմանը, որը գերազանցում է 115 մլն, արդյո՞ք ոչ առևտրային կազմակերպությունը պետք է ԱԱՀ վճարող համարվելու վերաբերյալ հայտարարություն ներկայացնի և յուրաքանչյուր ամիս ԱԱՀ-ի ձև 260 հաշվետվությունը ներկայացնի: Նախապես շնորհակալություն։

Նելլի․

Բարև Ձեզ։ ԱՁ-ն միջազգային բեռնափոխադրումներ է իրականացնում դեպի ՌԴ և հակառակ ուղղությամբ, կարո՞ղ է աշխատել ԱԱՀ դաշտում և հարկվել ԱԱՀ-ի զրոյական դրույքաչափով։ Այսինքն՝ այս դեպքում դիմացի կողմին հաշիվներ չի գրվում և ամսվա ընթացքում միայն ԱԱՀ-ի հաշվետվությունն է ուղարկում, որի մեջ ներառում է բեռնափոխադրման արժեքը, այսինքն՝ հարկման բազան զրո տոկոս դրույքաչափով։

Մարիամ․

Հարգելի հաշվապահներ, կխնդրեմ օգնեք պարզեմ, արդյո՞ք ԱՁ-ն ներկայացնում է ԱԱՀ-ի զրոյական հաշվետվություն: ԱՁ- բացվել է 2019թ, հարկման դաշտ չի ընտրվել, գործունեություն չի ծավալել և դադարեցման դիմում է տրվել 2 ամսից: 2024-ի սեպտեմբերից վերսկսման դիմում է տվել, կրկին առանց հարկային դաշտ ընտրելու: Ստացվում է,որ մեխանիկորեն անցել է ԱԱՀ-ի հարկման դաշտ, կրկին գործունեություն չի ծավալել 2024թ: Արդյո՞ք պետք է լրացվի թեկուզ և ուշացումով ԱԱՀ-ի 0-ական հաշվետվություն: Ասեմ,որ հաշվետվություն չի լինում լրացնել, հարկման բազան 0 գրելիս, գրվում է «Դաշտը սխալ է լրացված»: Նախապես շնորհակալ եմ արձագանքների համար։

Mariana.

Կազմակերպությունն աշխատում է 2 ոչ ռեզիդենտ կազմակերպությունների համար որպես գործակալ, ստանում է ՌԴ ընկերությունից բեռնափոխադրման հաշիվ և պատվիրում այլ եվրոպական ընկերությունների լոգիստիկ ծառայությունը իրականացնել (բեռ հասցնել A կետից B կետ)։ Արդյո՞ք անհրաժեշտ է բոլոր ստացված, բայց հարկման ոչ ենթակա հաշիվները ներառել ԱԱՀ հաշվետվության մեջ և կոմիսիայի գումարի չափն էլ ներառել 0-ական դրույքաչափի տողում, թե՞ ուղղակի հանձնել շահութահարկի հաշվարկը։

Գոռ․

Բարև ձեզ։ Կազմակերպությունը, որն աշխատում է ԱԱՀ-ով, մատուցում է հյուրանոցային ծառայություն։ Երբ սեփականատերը օգտվում է ծառայություններից, հնարավո՞ր է տրամադրել 100% զեղչ։

Արփինե․

Բարև Ձեզ։ ՍՊԸ-ն 2011 թվականից համարվել է շրջանառության հարկ վճարող ընկերություն, սակայն 2023 թվականի դեկտեմբերի կեսերին գերազանցել է 115 միլիոն շեմը, հետևաբար ներկայացվել է 262 հայտարարությունը՝ հանրային սննդի ոլորտում գործունեություն իրականացնոլու համար շրջանառության հարկ վճարող համարվելու վերաբերյալ։ 2024 թ-ի դեկտեմբերի կեսերին կրկին գերազանցում եղավ, սակայն համակարգը թույլ չի տալիս ուղարկել այդ նույն հայտարարությունը՝ նշելով, որ չենք համարվում շրջանառության հարկ վճարող։ Խնդրում եմ օգնեք հասկանամ՝ ինչու՞մն է խնդիրը, և ինչպե՞ս կարգավորեմ այս հարցը, որ շարունակենք համարվել շրջանառության հարկ վճարող։

Անի․

Բարև Ձեզ։ Չհաշվանցվող ԱԱՀ-ն համարվու՞մ է արդյոք նվազեցվող ծախս, եթե գործունեությունը ազատված է ԱԱՀ-ից, ստացած հաշիվերի ԱԱՀ-ն ներառու՞մ են ծախսերի մեջ և նվազեցնում շահութահարկի հաշվարկի դեպքում։

Զառա․

Բարև ձեզ։ Մեր ընկերությունը զբաղվում է վաճառքով Ozon հարթակում և հանդիսանում է ԱԱՀ վճարող։ Հարցս հետևյալն է․ եթե Ozon-ը Ռուսաստանում գանձում է ԱԱՀ մեր ապրանքների վաճառքից՝ ապրանքի գնին ավելացնելով 20% և վճարում է տեղի հարկային մարմիններին, արդյո՞ք մենք պարտավոր ենք Հայաստանում ևս վճարել ԱԱՀ այդ նույն վաճառքների համար։ Կամ, արդյո՞ք կա որևէ կանոնակարգում կրկնակի հարկումից խուսափելու վերաբերյալ նմանատիպ դեպքերում։ Նախապես շնորհակալ եմ ձեր պատասխանների և մեկնաբանությունների համար:

Աննա․

Հարգելի հաշվապահներ, կասե՞ք խնդրեմ՝ ընդհանուր հարկման դաշտում աշխատող կազմակերպությունը լիզինգով ձեռք է բերել ապրանք, որի համար ստացել է հանձնման-ընդունման ակտ, որտեղ երևում է ընդամենը 23 000 000 դրամը և ԱԱՀ 3 833 333։ Կասե՞ք խնդրեմ՝ ԱԱՀ հաշվարկի ո՞ր տողում սա պետք է արտացոլեմ, որպեսզի ամեն ամիս ստանամ ապրանքների մատակարարաման հաշիվ ապրանքագիր և այդ հաշվի ԱԱՀ հաշվանցեմ: Շնորհակալ եմ։

Անի․

Բարև Ձեզ։ Հարգելի հաշվապահներ, եթե ԱԱՀ – ով աշխատող ընկերությունը ցանկանում է ձեռք բերել մարդատար մեքենա և այն գրանցել ՍՊԸ – ի անունով, կարո՞ղ է արդյոք ձեռք բերման ԱԱՀ – ն վերադարձնել կամ օգտագործել։ Շնորհակալություն։

Արման․

Հարգելի գործընկերներ, եթե շրջանառության հարկով աշխատող կազմակերպությունը մատուցում է ծառայություններ այլ կազմակերպության ԱԱՀ-ից ազատված ծրագրի շրջանակներում (պատվիրատուն տրամադրում է տեղեկանք ԱԱՀ-ից ազատված լինելու մասին), ապա շրջանառության հարկ վճարող համարվող կատարող կազմակերպությունը, երբ ապրանքներ/ծառայություններ է ձեռք բերում ԱԱՀ վճարող համարվող վաճառողներից (նույն ծրագրի շրջանակներում իր մատուցվող ծառայություններում օգտագործելու համար), կարո՞ղ է այդ տեղեկանքը ներկայացնելով՝ այդ ապրանքները/ծառայությունները ստանա առանց ԱԱՀ-ի, թե՞ պետք է ինքն էլ համարվի ԱԱՀ վճարող։

Սեդա․

Բարև Ձեզ։ Ընկերությունը վաճառում է ապրանք, որի արժեքը, ենթադրենք, 1 000 դրամ է, սակայն այդ ապրանքը լինում է, որ վաճառվում է իր արժեքից և բարձր և ցածր գնով: Հարցս ինչումն է՝ ԱԱՀ-ի հաշվարկը կատարելիս, երբ կիրառում եմ ՀՕ 62 հոդվածի 6-րդ կետը, որը պետք է համարվի ապրանքի բազային գին, ամենաբարձր վաճառված գինը (որը շատ քիչ տոկոս է կազմում ընդհանուր վաճառքի մեջ), թե՞ իրական գինը:

Իրինա․

Հարգելի գործընկերներ, հարցս վերաբերում է Զբոսաշրջության ոլորտին։ Հարկային օրենսգրքի 64-րդ հոդվածի 2-րդ մասի 48-րդ կետի համաձայն ԱԱՀ-ից ազատված գործարք է համարվում օտարերկրյա զբոսաշրջիկին մատուցվող զբոսաշրջության ոլորտի ծառայությունները, իսկ Զբոսաշրջության մասին օրենքում հստակ թվարկում է զբոսաշրջային ծառայությունները որոնք են։

Հիմա հարց․ ինչու՞ է մեկնաբանվում, որ պարտադիր պետք է մեկից ավելի ծառայություն լինի, այսինքն տուր փաթեթ լինի, որ համարվի ազատված։ Օրինակ, եթե օտարերկրյա զբեսաշրջիկին միայն մատուցվել է ՀՀ-ի սահմանում ուղևորափոխադրման, կամ գիդի , կամ միայն հյուրանոցի ծառայություն, էդ դեպքում վերջը համարվու՞մ է ազատված ԱԱՀ-ից, թե՞ ոչ։

Աննա․

Բարև Ձեզ, հարգելի հաշվապահներ, բացել եմ ՍՊԸ, որն աշխատում է հարկման ընդհանուր համակարգում և թերևս փաստացի գործունեություն չի իրականացնում։ Ստացել եմ փոխառություններ և այդ ընթացքում բանկի կողմից, քանի որ բացել եմ հաշիվ և այլն, գանձել են որոշակի ծառայության վճարներ։ Հարցս հետևյալն է․ արդյո՞ք ԱԱՀ-ի հաշվետվությունների մեջ իմ կողմից պետք է նաև այդ գումարները ներառվեին, ՍՊԸ-ն բացվել է սեպտեմբերին։ Եվ նաև հետագայում շահութահարկի հաշվետվության մեջ արդյո՞ք պետք է ներառեմ այդ վճարումները։ Կանխավ շնորհակալություն։

Հերմինե․

Բարև Ձեզ, հարգելի մասնագետներ։ Խնդրում եմ ասել՝ արևային վահանակներ տեղադրելուց հետո ԱԱՀ պե՞տք է վճարվի 2025-ից, եթե այո, ապա ինչպե՞ս է դա լինելու, եթե ուղղակի բնակելի սեփական տան տանիքին է դրված, ԱՁ չի, կազմակերպություն չի։ Նախապես շնորհակալ եմ։

Դիանա․

Բարև ձեզ։ Խնդրում եմ ասել․ ԱՁ, ով աշխատում է շրջհարկով, ինչ հաշվետվություններ է անհրաժեշտ հանձնել սարքավորում ներմուծելու համար։ Պարտադի՞ր է, որ հարկման ռեժիմը փոխվի ընդհանուր հարկման դաշտ, որ կարողանանք ներմուծել։ Եվ ներմուծման հայտարարագիր և հայտարարություն է՞լ պիտի հանձնենք։ Արտադրության համար է անհրաժեշտ սարքավորումը, ոչ թե վաճառքի: Կանխավ շնորհակալություն:

Նոնա․

Բարև Ձեզ: Կազմակերպությունն աշխատում է հարման ընդհանուր դաշտում: 2024 թվականի փետրվար ամսվա համար մարտին 21-ին ՊԵԿ դիմում է ներկայացվել պարզեցված ընթացակարգով ԱԱՀ-ի փոխհատուցվող գումարի վերադարձի վերաբերյալ, սակայն հաշվանցման ենթակա գումարների 90 տոկոսը չի հիմնավորվել ՊԵԿ-ի կողմից (տացված հարկային հաշիվները չեն ստորագրվել սահմանված ժամկետում), և դիմումը մերժվել է, հետագայում ԱԱՀ միասնական հաշվարկը ճշտվել է, և փոխհատուցման ենթակա գումարը արդեն ստացվել է ուղումնասիրությամբ ընթացակարգով: Արդյո՞ք հետագա ամիսների փոխհատուցվող գումարները հնարավոր է ստանալ պարզեցված ընթացակարգով, թե՞ տվյալ տարվա համար պետք է ՊԵԿ ներկայացվի միայն ուսումնասիրությամբ ընթացակարգով դիմումներ:

Արամ․

Բարև Ձեզ։ ՍՊԸ դադարեցման փուլում է, գրանցվել է, բայց գործնեություն չի ծավալել։ Հիմա ԵԱՏՄ սարքավորում պետք է ձեռք բերի գործնեության թեստավորման համար, կառաջանա՞ արդյոք 20 ԱԱՀ վճարելու պահանջ։

Հայկ․

Բարև ձեզ: Ծառայություն մատուցող կազմակերպությունը աշխատում է ԱԱՀ-ով: Ձեռք բերված նյութերի մի մասը հետ է վերադարձրել, դիմացի կողմը դուրս է գրել ճշգրտող հաշիվ: Վերադարձի ձևակերպումը այսպե՞ս կլինի. դտ 521 – կտ 211, դտ 521 – կտ 226: Նախապես շնորհակալություն։

Տիգրան․

Ողջույն, հարգելի գործընկերներ, մի քանի հարց ունեմ համատրիությունների գործունեության հետ կապված․

1․ Արդյո՞ք համատիրությունները չեն կարող աշխատել շրջանառության հարկով

2․ Եթե պարտադիր ընդհանուր հարկման համակարգում է գործելու, ապա իրավաբանական անձանցից անդամավճար ստանալու համար պե՞տք է հարկային հաշիվ գրել և ԱԱՀ վճարել, թե՞ հաշիվ վավաերագիր

3. Իրավաբանական անձանց մասով դուրս գրված հաշիվներից առաջանու՞մ է շահութահարկ

Աննա․

Հարգելի հաշվապահներ, կասե՞ք խնդրեմ՝ ՍՊԸ, որն աշխատում է ԱԱՀ-ով, իրականացնում է կանոնավոր ուղևորափոխադրում ոչ ներքաղաքային, հասույթը մուտքի օրդերով մուծվում է դրամարկղ, այս գործունեության համար չկա ՀԴՄ կտրոն, մինչև սեպտեմբերի մեկը գործունեությունը հարկվում է պետ տուրքով ամսական, այս դեպքում ԱԱՀ հաշվարկի ո՞ր տողում պետք է լրացվի հասույթը ու գանձվի ԱԱՀ: Կանխավ շնորհակալ եմ։

Գոռ․

Բարև ձեզ։ Կարո՞ղ եք օգնել՝ ԱԱՀ ետ վերադարձը հարկատուի հաշվին ինչպես ձևակերպել։

Հայկ․

Բարև Ձեզ, հարգելի մասնագետներ: Եթե ԱԱՀ-ով աշխատող ԱՁ-ի գործունեությունը անորոշ ժամկետով դադարեցրել ենք հոկտեմբերի 28-ից, ապա հոկտեմբերի համար պե՞տք է հանձնել ԱԱՀ-ի հաշվարկը: Այս տարվա մեջ ուրիշ հաշվետվություններ չկա՞ն հանձնելու: Իսկ 2025թ մինչև ապրիլի 20-ը ո՞ր ձևերը պետք է հանձնել: Նշեմ, որ աշխատողներ չունի:

Հայկուհի․

Բարև Ձեզ։ Եթե շահութահարկով աշխատող կազմակերպությունը առաքումներ է իրականացնում հիմնադրի կամ տնօրենի մեքենայով, կարո՞ղ ենք այդ մեքենայի համար ծախսած վառելիքը շահութահարկով ծախս ճանաչել։ Եվ արդյո՞ք որ անհատույց է մեքենան ԱԱՀ-ի և շահութահարկի լրացուցիչ պարտավորություն չի առաջանա։

Հարություն․

Բարև Ձեզ: ՍՊԸ-ն գործում է հարկման ընդհանուր համակարգում: Ֆիզիկական անձից ձեռք ենք բերել գյուղատնտեսական նշանակության հողակտոր առանց շինության 16 մլն. դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Հարց 2․ Նույն ՍՊԸ-ն ֆիզ. անձից վարձակալում է մարդատար ավտոմեքենա ամսական 200 հազար դրամով: Արդյո՞ք ԱԱՀ-ի հաշվետվության 18-րդ տողում այդ գումարը պետք է ցույց տալ: Կանխավ շնորհակալություն:

Նարեկ․

Ես նախատեսում եմ Ռուսաստանից ներկրել էլեկտրական ծխախոտներ։ Խնդրում եմ պարզաբանել հետևյալը՝ ինչպիսի՞ փաստաթղթեր և թույլտվություններ են անհրաժեշտ ներմուծման գործընթացի համար։ Ի՞նչ տեսակի հարկեր կառաջանան ներմուծման ժամանակ (Ներմուծման մաքսատուրք, ԱԱՀ և այլ հարկեր)։ Ի՞նչ հիմունքներով են հաշվարկվում մաքսային վճարները և հարկերը։ Կա՞ն արդյոք որևէ հատուկ սահմանափակումներ կամ կարգավորումներ, որոնք վերաբերում են էլեկտրոնային ծխախոտների ներմուծմանը, որ պետք է հաշվի առնեմ։

Ալլա․

Բարև Ձեզ։ Եթե շրջանառության հարկով աշխատող ԱՁ-ի շրջանառությունը անցել է 115 մլն ԱԱՀ շեմը, հանձնել է 262 ձև-ը, այս դեպքում 20 %-ով պետք է հարկվի մինչև այս տարվա վերջ, թե՞ 2025թ-ին էլ կհամարվի ԱԱՀ վճարող։

Սուսաննա․

Խնդրում եմ օգնեք․ եթե ֆիզիկական անձը ցանկանում է անհատույց օգտագործման սպորտային հագուստ և խմբակի սպորտային գույք տրամադրել խմբակին, մասնավորապես ԱՁ -ի մոտ հարկային դաշտում պարտավորություններ չեն առաջանում, եթե վերջինս աշխատում է ԱԱՀ-ով։ Արդյո՞ք շահութահարկի գծով Ա/Ձ պարտավորություններ կունենա։

Արամ․

Բարև ձեզ, հարգելի հաշվապահներ: ԱԱՀ-ով աշխատող Ա/Ձ-ն զբաղվում է միրգ – բանջարեղենի գնմամբ գյուղացիներից և մեծածախ վաճառքով: Կասե՞ք խնդրում եմ՝ գյուղացիներից ի՞նչ փաստաթղթեր, տեղեկանքներ է անհրաժեշտ վերցնել, որպեսզի ԱԱՀ դեբետագրվի, ամսվա վերջում հաշվանցելու նպատակով: Կանխավ շնորհակալ եմ:

Ռոզա․

Բարև Ձեզ։ ԱԱՀ-ով աշխատող ԱՁ-ն ցանկանում է հաշվարկային հաշվից գումար փոխանցել իր անձնական քարտին, արդյո՞ք դա դիտվում է որպես կանխիկացում և պետք է գրանցվի էլ. դրամարկղի գրքում:

Հայկ․

Բարև բոլորին: Հարցս հետևյալն է. ԱՁ-ն բացվել է 2024թ. օգոստոսին, սակայն հարկային համակարգում չի գրանցվել, և քանի որ չի ընտրել հարկման հատուկ համակարգ, ավտոմատ դարձել է ԱԱՀ վճարող: Օգոստոսին ներմուծել է ֆոտո տպիչ, և այլևս գործունեություն չի ունեցել: Հիմա ցանկանում է դադարեցնել գործունեությունը: Այսօր արդեն գրանցել եմ համակարգում, բայց դե ԱԱՀ-ի ամսական զրոյական հաշվարկներն էլ չի ուղարկվել: Ճի՞շտ կլինի հիմա ուղարկել 2 ամիսների հաշվարկը, հետո գործունեությունը դադարեցնելու դիմումը: Ի՞նչ պատասխանատվություն է նախատեսվում խախտման համար։

Արմեն․

Հարգելի հաշվապահներ, խնդրեմ մի քանի հարցով խորհուրդ տաք լոգիստիկ ծառայություններ մատուցող ընկերության հաշվապահության վերաբերյալ (Ռուսաստանից բեռնափոխադրում դեպի Հայաստան):

1) Միկրո/շրջհարկ կարո՞ղ է աշխատել, թե՞ միայն ԱԱՀ

2) Եթե կազմակերպության սեփականության իրավունքով բեռնատարներ չունի, և վարձով էլ չի վերձնում, այլ Ռուսաստանի բեռնափոխադրող ընկերության հետ կամ անհատ վարորդի հետ է պայմանավորվում(իրենց մեքենայով), որ իրենք ՌԴ-ից ապրանքը բարձեն և բերեն Հայաստան, արդյո՞ք էս իրավիճակում մենք համարվում ենք միջնորդական ծառայություն մատուցած, թե՞ համարվում է, որ բեռնափոխադրումը մեր կազմակերպությունը կատարեց, այսինքն եթե բեռնափոխադրման հաշիվ դուրս գրենք ԱԱՀ-ով աշխատելու դեպքում, գործարքը կլինի ԱԱՀ-ից ազատված:

3) Եթե ՌԴ կազմակերպություն է մատուցում մեզ բեռնափոխադրման ծառայությունը, և ունենք իրենց ռեզիդենտության տեղեկանք (ՌԴ-ի), ապա ոչ ռեզիդենտի շահութահարկ չի առաջանում այո՞, բայց ինքնահաշիվ պե՞տք է գրել։ Եվ եթե դրսի գործընկերը ոչ թե կազմակերպություն/ԱՁ է, այլ ֆիզ անձ իր մեքենայով, էս դեպքում իրեն վճարումը և գործարքի փաստաթղթավորումները և առաջացող հարկերը ինչպե՞ս են կազմակերպվում:

Նախապես շնորհակալություն Ձեր տրամադրած ժամանակի համար:

Նոնա․

Խնդրում եմ պատասխանել: Կազմակերպությունը իրականացնում է բեռնափոխադրման կազմակերպման ծառայություններ, գործում է հարկման ընդհանուր համակարգում: Ծառայություն մատուցելիս հաճախորդի մեղքով առաջացել են որոշակի ծախսեր, որի համար բացի հիմնական ծառայության մատուցումից, որը ԱԱՀ-ով հարկվող է, հարկային հաշվի մեջ առանձին տողով նշվում է վնասի փոխհատուցում: Արդյո՞ք այն համարվում է ԱԱՀ-ի հարկման օբյեկտ:

Աննա․

Հարգելի հաշվապահներ, կասե՞ք խնդրեմ՝ ՍՊԸ աշխատում է շրջանառության հարկով, բայց 115 միլիոն շեմը շուտով կանցնի։ Ցանկանում է դիմում ներկայացնել՝ ԱԱՀ վճարող համարվելու համար, որպեսզի հետո ավտոմատ չանցնի, այս դեպքում ո՞ր կետը պետք է լրացնի դիմումի։ Կանխավ շնորհակալ եմ:

Անի․

Ողջույն, հարգելի մասնագետներ: Խնդրում եմ օգնել. մեր կազմակերպությունը ԱԱՀ վճարող է։ ԵՏՄ -ից ներմուծել ենք բազային յուղ, դասակարգիչը՝ 2710199800, որը պետք է օգտագործվի որպես հումք՝ շարժիչային յուղ արտադրելու համար: Իրավիճակը. ԵՏՄ հաշվետվություն ենք ներկայացրել, և ավտոմատորեն հաշվարկվել է ներմուծման ակցիզային հարկ՝ գործող դրույքաչափով, որը վճարել ենք պետ բյուջե: Հարցը. արդյո՞ք պետք է վճարել նաև ԱԱՀ:

Նոնա․

Խնդրում եմ պարզաբանել: Կազմակերպությունը գործում է հարկման ընդհանուր համակարգում: Միասնական հաշվում ունի կուտակված ԱԱՀ-ի դեբետային գումար: Արդյո՞ք ԵՏՄ երկրից ներմուծվող ավտոմեքենայի ԱԱՀ-ը հնարավո՞ր է հաշվանցել այդ դեբետի հաշվին (այսինքն չվճարել ԱԱՀ-ն):

Աննա․

Հարգելի հաշվապահներ, ՍՊԸ աշխատում է ԱԱՀ-ով , գործունեության տեսակը՝ ուղևորափոխադրումներ ավտոբուսով, մինչև սեպտեմբերի 1-ը աշխատում է պետ․ տուրք վճար ամսական որպես հարկ, սեպտեմբերի 1-ից պետք է վճարի շրջանառությունից ԱԱՀ, կասե՞ք խնդրեմ՝ իսկ ձեռքբերումների մասով կարո՞ղ է բոլոր հարկային հաշիվներում արտացոլված ԱԱՀ գումարները հաշվանցել: Կանխավ շնորհակալ եմ։

Մուշեղ․

Հարգելի փորձագետներ, խնդրում եմ օգնեք ինձ պարզաբանել հետևյալ հարցը.

Եթե ​​անհատն իր մեքենայով ԵԱՏՄ երկրից ներմուծում է անձնական օգտագործման ապրանքներ, ապա նա պարտավո՞ր է ԱԱՀ վճարել յուրաքանչյուր ապրանքի համար, թե՞ միայն այն ապրանքների համար, որոնք գերազանցում են 2020 ԹՎԱԿԱՆԻ ՓԵՏՐՎԱՐԻ 13-Ի N 171-Ն որոշման մեջ նշված թույլատրելի սահմանը։ Կանխավ շնորհակալ եմ։

Արման․

Հարգելի գործընկերներ, ֆիզ․ անձը ԱԱՀ վճարող համարվող շինարարական կազմակերպությունից վարձակալությամբ վերցրել է բեռնատար մեքենա մի քանի ամիս ժամկետով։ Կազմակերպությունը ֆիզ․ անձի անունով հարկային հաշիվը ե՞րբ պետք է դուրս գրի՝ ամսական կտրվածքով, թե՞ վարձակալության ժամկետի վերջում։ Շնորհակալություն։

Ալլա․

Բարև Ձեզ, հարգելի հաշվապահներ, հարցս հետևյալն է․ ՍՊԸ-ն, որն աշխատում է ԱԱՀ-ի դաշտում, ունի տնտեսական գույք, արդեն տասը տարուց ավելի, այն չի շահագործվում, համարյա մեծ մասը օգտագործման ենթակա չէ։ ՍՊԸ-ն իր գործունեություն անորոշ ժամանակով պետք է դադարեցնի, եթե այդ կահույքը մնացորդային արժեքից շատ ցածր գնով վաճառվի, ԱԱՀ-ը ինչպե՞ս պետք հաշվակվի։ Հանձնաժողով պե՞տք է կազմենք այս դեպքում։

Աննա․

Բարև ձեզ։ Կասե՞ք խնդրեմ՝ 2024-ի մինչև նոյեմբերը ՍՊԸ կաշխատի շրջանառության հարկով, իսկ հետո, քանի որ կանցնի 115 մլն շեմը, 2 ամիսը կաշխատի հարկման ընդհանուր համակարգով: Արդյո՞ք հնարավոր է 2025թ ՍՊԸ նորից շրջհարկի դիմում ներկայացնի ու աշխատի շրջհարկով։

Լիլիթ․

Բարև Ձեզ։ Ավտոլվացման կետի (լվա ինքդ) ծառայության մատուցումից ԱԱՀ վճարող կազմակերպությունը այն հարկում է 20%, թե՞ 16.67% դրույքաչափով։ Կխնդրեմ կարծիքներ չգրել, այլ նշել համապատասխան հոդվածը, որով առաջնորդվում եք։

Հասմիկ․

Ո՞ր ժամանակաշրջանի հաշվետվության մեջ ( հուլիսի՞, թե՞ օգոստոսի) պետք է ԵՏՄ անդամ պետությունից ցույց տամ ներմուծումը, եթե այն ներմուծվել է 30.07.2024թ. , իսկ ԱԱՀ-ն վճարվել է 10.08.2024թ., եթե առաջնորդվում եմ 71 հոդվածի 3-րդ -ի բ կետով:

Naka.

Բարև ձեզ։ Ընկերությունը մարքեթինգային ծառայություն է արտահանում ՌԴ, արժեքը կազմում է 90 000 ռուբլի, որից 15 000 ռուբլին ՌԴ-ն պահում է որպես ԱԱՀ գումար, ակտի մեջ նշված է 90 000, այդ թվում ԱԱՀ, իսկ Պայմանագրում գումարի վճարումը գրված է` համաձայն ակտի։ Հարցս կայանում է նրանում, թե ԱԱՀ-ի հաշվետվության մեջ ծառայության արժեքը ինչքան եմ գրելու` 90, թե՞ 75։