Գայանե․

Հարգելի հաշվապահներ, դպրոցը ձեռք է բերել գույք․

1. 2 հատ 14 000 դրամ և 1 հատ 13 000 դրամ արժողությամբ գրքեր, ծառայության ժամկետը 20 տարի
2. 1 հատ կշեռք 20 000 դրամ արժողությամբ, ակնկալվում է օգտագործել մեկ տարուց ավել
3. Աղբամաններ 8 000 դրամ արժողությամբ, որոնք ակնկալվում է օգտագործել ավելի քան մեկ տարի ժամանակահատվածում

Խնդրում եմ պատասխանել՝ ինչպե՞ս պետք է հաշվառել վերոնշյալ գույքը՝ որպես արագամաշ առարկաներ, թե՞ հիմնական միջոցներ

Լիլի․

Բարև բոլորին։ Հնարավո՞ր է արդյոք առանց հարկային դաշտ մուտք գործելու իրացնել չիր, ուղղակի լոգոյով։

Գրիգոր․

Բարև Ձեզ: ԱՁ եմ գրանցել մայիսի 20-ին: Հայտարարութուն ներկայացնելու 20-օրյա ժամկետը ուշացրել եմ: Այսինքն՝ ավտոմատ էլ չե՞մ կարող գործունեությունս ծավալել որպես միկրոձեռնարկատիրության սուբյեկտ։ Կասե՞ք՝ ի՞նչ կլինի այդ դեպքում:

Աննա․

Բարև ձեզ, հարգելի հաշվապահներ։ Ծանո՞թ եք Onepay համակարգին, ուզում եմ հասկանամ՝ այդ ծառայության միջոցով գումարը որ նստում է բանկային հաշվին, անկանխիկ ՀԴՄ պե՞տք է տպվի, թե՞ ոչ, այս պարագայում խոսքը վերաբերվում է Տեխ. զննման կայանին, կանխավ շնորհակալ եմ:

Արթուր․

Բարև ձեզ։ Հանրային սնունդ իրականացնող ԱՁ մարզերում միկրոձեռնարկատիրության դաշտում կարո՞ղ է աշխատել։

Լիանա․

Խնդրում եմ Ձեր օգնությունը հետևյալ հարցը պարզաբանելու համար՝ գործու՞մ է արդյոք ՀՀ -ում 2024թ. մարտի 4-ին ընդունված 2014 թվականի մայիսի 29-ի՝ Եվրասիական տնտեսական միության մասին պայմանագրում փոփոխություններ կատարելու մասին արձանագրությունը՝ էլեկտրոնային եղանակով ծառայություններ մատուցելիս անուղղակի հարկերի գանձման կարգը սահմանելու մասին։

Ադելինա․

Բարև Ձեզ։ ԱՁ-ն զբաղվելու է բանջարեղենի վաճառքով, որոնց մի մասը ձեռք է բերվելու գյուղացիներից, մի մասը սեփական ջերմոցից, մյուս մասը լինելու է փաստաթղթավորված ձեռքբերում։ Ինչպե՞ս պետք է վարվի հաշվապահությունը։ Ինչպե՞ս պետք է լրացվի շրջհարկի հաշվետվությունը։

Սերինե․

Բարև ձեզ, հարգելի հաշվապահներ։ Եթե կինը ունի ԱՁ, ամուսինը ունի ՍՊԸ, և իրենք միմյանց հետ կատարում են գործարքներ, արդյո՞ք դա փոխկապակցված է դիտարկվում, և կարո՞ղ են իրենք երկուսն էլ աշխատել շրջառանության հարկով։ Շնորհակալություն։

Մովսես․

Բարև Ձեզ։ Այլ ընկերություն (ոչ հայկական) ինձ որոշակի ոչ ֆինանսական աջակցություն է տրամադրում, և ինձանից պահանջվում է իրավաբանական հասցե և հարկ վճարողի համար: Մոտակա 1 տարին ոչ մի գումար չեմ աշխատելու, միայն ընկերություն է հարկավոր գրանցել, ԱՁ կամ ՍՊԸ, ո՞րն է ավելի հարմար, որպեսզի քիչ հարկեր վճարեմ։

Գայանե․

Բարև Ձեզ, հարգելի հաշվապահներ։ Եթե կազմակերպությունը ձեռք է բերել տեղակայում պահանջող սարքավորում, ապա տեղակայման ժամանակ օգտագործված այլ հիմնական միջոցների մաշվածությունը և սարքավորման շահագործման վերջում ապատեղակայման գնահատված ներկա արժեքը մտցվու՞մ է սարքավորման սկզբնական արժեքի մեջ, թե՞ ոչ:

Արեգա․

Բարև Ձեզ։ Հարգելիներս, ունեմ այսպիսի հարց․ ենթադրենք 2022թ․ բաշխման ենթակա շահույթը կազմում է 100 միլիոն դրամ: 2024թ. ՍՊԸ տնօրենը, որը միաժամանակ հանդիսանում է նաև միակ հիմնադիրը, ցանկանում է բաշխման ենթակա այդ գումարից 2024թ․ ստանալ 25 միլիոն դրամը: Հարցս այսպիսին է՝ կարո՞ղ է ստանալ 25 միլիոն դրամը ,թե՞ պետք է ամբողջությամբ վճարվի: Ինչպե՞ս է դա կատարվում:

Արմեն․

Բարև Ձեզ։ Ես առցանց աշխատում եմ որպես անհատ ծրագրավորող ամերիկյան կազմակերպությունում, ստանում եմ ամսական աշխատավարձ, որի փոխանցման նպատակը գրվում է “այլ”, և ցանկանում եմ շարունակել որպես Ա/Ձ։ Հարցս հետևյալն է` ո՞ր հարկատեսակով պետք է հարկվեմ, և որքա՞ն հարկ պետք է վճարեմ։ Նշեմ, որ տարեկան եկամուտս չի գերազանցում 8.000.000 ՀՀ դրամը։

Նաիրա․

Բարև ձեզ։ Ձեռնարկությունը ունի չվճարված աշխատավարձեր, աշխատանքային տեսչությունը իրավունք ունի՞ տնօրենին տուգանել չվճարվածի 25% չափով, թե՞ այդ տուգանքը պարտավոր է վճարել ընկերությունը։ Շնորհակալություն։

Գոհար․

Հարգելի հաշվապահներ, մեր կազմակերպությունը շենք է ձեռք բերել 12 մլն դրամ արժողությամբ, որը նույն օրը եղել է մատչելի շահագործման համար։ Մի քանի ամիս անց ավարտել ենք ներքին հարդարման աշխատանքները (2 մլն դարմ արժեքով)։ Շենքի մաշվածության գծով ծախսը հաշվարկելիս ներքին հարդարման աշխատանքների արժեքը մտցնե՞նք շենքի ձեռք բերման արժեքին, թե՞ ոչ։ Նշեմ, որ շենքը ձեռք է բերվել փետրվարի 1-ին, ներքին հարդարման աշխատանքները սկսվել են ապրիլի 1-ին և ավարտվել մայիսի 31-ին։

Անի․

Ողջույն, հարգելի մասնագետներ, խնդրում եմ ասել՝ երրորդ երկրից ներմուծման ժամանակ արտարժույթի փոխարժեքը ո՞ր օրվանն ենք վերցնում՝ հայտարարագրման օրվա, թե՞ մաքսայինի կնիքի վրա նշվածը։

Լուսիկ․

Բարև Ձեզ։ Երբ եկամտային հարկի գումարը փոքր է մայրության նպաստի չափից, փոխհատուցման համար ՊԵԿ կոնկրետ ի՞նչ փաստաթղթեր են անհրաժեշտ ներկայացնել։ Եվ եթե օրինակներ կան, կխնդրեմ ուղարկել։ Շնորհակալ եմ։

Տիգրան․

Բարև Ձեզ, ցանկանում եմ բացել ԱՁ Wildberries հարթակում որպես վաճառող մուտք գործելու համար: Շրջանառության հարկով պետք է աշխատեմ: Կասե՞ք խնդրում եմ՝ ամսական ի՞նչ պարտադիր հարկեր պետք է վճարվեն, շրջանառության հարկը ամեն եռամսյակը մեկ է վճարվում, թե՞ ամեն ամիս, և արդյո՞ք ամեն շաբաթը մեկ պետք է ներկայացվի հաշիվ վավերագիր: Շնորհակալություն

Ընկերություն՝ Tax Law LLC
Հասցե՝ ք. Երևան, Աբովյան 31 տարածք 20
Հեռախոս՝ +374(93)-54-56-27
Էլ․ փոստ՝ taxlawllc3@gmail.com

Թափուր աշխատատեղ՝ Հաշվապահ
Աշխատանքի նկարագրություն՝ Հաշվապահական կազմակերպությանն անհրաժեշտ է հաշվապահ։
Աշխատանքային ժամեր՝ 10։00-18։00, աշխատանքային ռեժիմ՝ երկուշաբթի-ուրբաթ։
Պահանջներ՝ Գործարքների հաշվապահական ձևակերպում ՀԾ ծրագրով և հարկային հաշվետվությունների կազմում ։ Անհրաժեշտ որակավորում ՝ Բարձրագույն կրթություն, ցանկալի է տնտեսագիտական կամ մաթեմատիկական։ Պահանջվող փորձ առնվազն 2 տարի։
Աշխատավարձ՝ Սկսած 300.000 դրամից՝ կախված փորձից։
Այլ նշումներ՝ ինքնակենսագրականը ուղարկել taxlawllc3@gmail.com էլ.հասցեին:

Մանե․

Բարև Ձեզ, հարգելի հաշպահներ։ Ա/Ձ-ն, որը ավտոպահեստամասերի առևտրի գործունեությամբ գործում է միկրոյի դաշտում, ցանկանում է բացել ՍՊԸ և ինքն էլ պետք է լինի այդ կազմակերպության միակ հիմնադիրը և տնօրենը։ ՍՊԸ-ն պետք է զբաղվի երրորդ երկրից` Չինաստանից տեխնիկայի ներկրմամբ ու վաճառքով ՀՀ-ում։ Նշեմ, որ ապրանքը ֆիզիկապես ՀՀ -ում կլինի և վաճառքը կկատարվի ՍՊԸ-ի պետ․ ռեգիստրում գրանցվելուց հետո առնվազն 3 ամիս հետո։ Խնդրում եմ պատասխանեք․

Հարց 1․ Կհամարվի՞ ՍՊԸ-ն փոխկապակցված ԱՁ-ի հետ։ Եթե այո, ապա կհամարվի փոխկապակցված
ա) սկսած ՍՊԸ-ի պետ․ ռեգիստրում գրանցվելուց անմիջապես հետո,
բ) ապրանքը ՀՀ սահմանը հատելուց հետո,
գ) ՍՊԸ-ով առաջին ապրանքը վաճառելուց կամ
դ) այլ ո՞ր պարագայում։
Այսինքն ցանկանում եմ իմանալ՝ մինչև ե՞րբ ԱՁ-ն կարող է աշխատել միկրոյով և հարկային խնդիր չունենալ։

Հարց 2․ Ո՞ր հարկման դաշտից սկսել ՍՊԸ-ի գործունեությունը՝
ա) մինչև 115.0 մլն շրջանառությունը շրջհարկ, այնուհետև ընդհանուր հարկման դաշտ
բ) հենց սկզբից ներկայացնել ԱԱՀ-ի հայտարարություն։ Քանի, որ ասում են, որ ԱԱՀ-ի հարկման դաշտում՝ կապված մաքսազերծման և ԱԱՀ-ի օրենքի հարկման մի կետի, այդպես ավելի ճիշտ կլինի, և ըստ որի հարկային բեռը այսպես ավելի ցածր կլինի։

Խնդրում եմ Ձեր կարծիքը, և եթե գիտեք մաքսազերծման և ԱԱՀ-ի օրենքի այդ կետերը, ապա ուղղորդեք՝ ինքս էլ կարդամ։

Մերի․

Բարև Ձեզ, հարգելի հաշվապահներ։ 22.02.2023թ. ՍՊԸ ձեռք է բերել ավտոմեքենա, որի դիմաց 4.833.000 ԱԱՀ է վճարել, հիմա մեքենան վաճառվում 20 մլն ՀՀ դրամով։ Հարգելիներս, ինչպե՞ս է տեղի ունենալու փոխմարումը, և ի՞նչ ընթացակարգ է պահանջվում հաշվապահից։ Ասեմ, որ ՊԵԿ-ը ավտոմեքենայի ԱԱՀ թույլ չի տվել հաշվանցել, և այն ՀՕ 72 հոդվածի 1) 8-րդ կետով պակասեցվել է։

Գոհար․

Բարև ձեզ։ Ֆիզ․ անձը 1 ամիս առաջ ներմուծել է ԵՏՄ-ից մեքենա-սարքավորում, որի համար ՊԵԿ-ից ծանուցում է ստացել 20 տոկոս ԱԱՀ վճարելու վերաբերյալ։ 3 օր առաջ նույն ֆիզ․ անձը գրանցվել է որպես ԱՁ, և փաստացի այդ սարքավորումը պետք է ԱՁ- ի համար։ Հիմա ես որպես լիազոր այդ ԱԱՀ ֆիզ․ անձո՞վ պետք է վճարեմ, և ի՞նչ հաշվարկներ պետք է ներկայացնեմ ՊԵԿ։ Արդյո՞ք պետք է նաև ֆիզ․ անձի համար ՀՎՀՀ ստանալ, որ հաշվետվությունները ներկայացնեմ։

Արթուր․

Բարև ձեզ։ ԱՁ-ն գործելու է մարզում, փոքրիկ խանութ է լինելու և նաև արագ սննդի կետ՝ քաբաբ, խաչապուրի և նման բաներ տեղում պատրաստելու և վաճառելու նպատակով։ Խնդրում եմ հուշել՝ փաստաթղթային սննդի տեսչության հետ կապված կամ թաղապետարանի, և հարկային հարցերս որտեղի՞ց է ճիշտ սկսել։

Անահիտ․

Բարև Ձեզ, հարգելի հաշվապահներ։ Օգնեք խնդրում եմ․ կարո՞ղ է արդյոք ՍՊԸ-ն (գործում է շրջանառության հարկի դաշտում) բանկից արտարժույթով ստացած վարկը փոխառության պայմանագրով և նույն արտարժույթով (մոտ 700 000$) տրամադրել հիմնադիր տնօրենին: Եթե հնարավոր է, հղում արեք օրենքին։ Շնորհակալություն։

Ժաննա․

Բարև ձեզ։ Կազմակերպությունը ձեռք է բերել 6 000 000 դրամ և 1 550 000 դրամ արժեքով լամպեր բժշկական սարքավորման համար։ Այն ընդունել ենք որպես ՀՄ, և սկսել եմ հաշվարկել ամորտիզացիա 5 տարի ժամկետով։ Սակայն ընկերության Կառավարչական ընկերությունը առաջակում է 6 000 000 արժեքով լամպի համար ամորտիզացիան 5 տարվա փոխարեն հաշվել 1 տարում , իսկ 1 550 000 արժողությամբը՝ 3 տարում։ Հարգելի հաշվապահներ, խնդրում եմ օգնեք՝ եթե վարվեմ նրանց պահանջով, արդո՞ք ճիշտ կլինի, և օրենք չե՞մ խախտի։

Դիանա․

Սիրելի հաշվապահներ, ֆիզ․ անձ եմ, Եվրոպայից փոխադրողի միջոցով շարժական գույք եմ տեղափոխում ՀՀ անձնական օգտագործման համար: Բացի այն փաստաթղթերից, որ պահանջում է մաքսատունը, հարկավո՞ր է արդյոք ներմուծման փաստաթուղթ ներկայացնել ՀՀ սահմանից դեպի մաքսատուն անցնելու համար: Էս դեպքում, որպեսզի բեռնատարի վարորդը նրկայացնի, ՀՀ մուտք գործելու համար:

Կարեն․

Բարև Ձեզ։ Ինձ հատաքրքրող հարցը հետևյալն է․

Ունեցել եմ ԱՁ, աշխատել եմ շրջանառության հարկով, կասեցրել եմ գործունեությունը 2022թ․–ին, հիմա նորից ուզում եմ վերաբացել։ Ինձ հետքրքիր է՝ արդյո՞ք կարող եմ նորից աշխատել շրջանառության հարկով, կամ նույնիսկ եթե հնարավոր է՝ շարունակել որպես միկրո ձեռնարկատեր։ Կանխավ շնորհակալություն։

Տաթև․

Բարև ձեզ։ Հարցս հետևյալն է. եթե ֆիզ․ անձը մի ՍՊԸ-ում 81% բաժնետեր է, և այդ ՍՊԸ-ի գործունեությունը դադարեցված է, կարո՞ղ է մեկ այլ ՍՊԸ-ում ևս դառնալ էլի բաժնետեր 81%: Փոխկապակցվածություն կառաջանա՞։

Մարիամ․

Ոչ ալկոհոլային խմիչքների մանրածախ առևտուր մասնագիտացված խանութներում 47.25.2, ԱՁ-ն զբաղվելու է ֆրեշի և սուրճի պատրաստմամբ։
Հարց 1. Արդյո՞ք պետ տուրք պետք է դրա համար թե ոչ։
Հարց 2. Հանրային սնունդ համարվու՞մ է, թե՞ ոչ։
Հարց 3. ՀԴՄ անվանացուցակով պե՞տք է աշխատի, թե՞ ոչ։ Ու չափաբաժինները պետք է նշվի՞։ Կանխավ շնորհակալություն։

Սիրանուշ․

Բարև Ձեզ։ Անհատ ձեռնարկատերը, որը զբաղվում է կարի արտադրությամբ, աշխատել է շրջանառության հարկով և 2024թ մայիսին անցել է ԱԱՀ դաշտ։ Սակայն 2024թ ստացել է հարկային հաշիվներ հումք գնելու դիմաց և ունի ապրանքային մնացորդ։ Կարո՞ղ է արդյոք ԱԱՀ մայիսի հաշվարկի մեջ հաշվանցել մինչև մայիս ստացված հումքի դիմաց հարկային հաշիվները։

Նունե․

Բարև ձեզ, խնդրում եմ օգնել. Շրջհարկով աշխատող ՍՊԸ-ն 2023թ-ին ԱՄՆ-ից ձեռք է բերել մեքենա, որը որպես ձեռքբերում չի ներառվել այդ ժամանակաշրջանի հաշվետվության մեջ և հաշիվ դուրս չի գրվել: Հիմա այն վաճառվում է, ինչպե՞ս ցույց տալ հաշվետվության մեջ։

Աննա․

Բարև ձեզ։ Կասե՞ք խնդրեմ՝ ԱԱՀ-ով աշխատող ԱՁ-ի համար ինչպե՞ս նայեմ՝ ԵՏՄ-ից ապրանքներ ներմուծման ժամանակ ԱԱՀ ազատված ապրանք է, թե՞ ոչ:

Ի՞նչ հարկեր են գործում Հայաստանում

Հարկերը Հայաստանում բաժանվում են երկու խմբի՝ պետական հարկեր և տեղական հարկեր։

Պետական հարկերն են․

• Ավելացված արժեքի հարկը (ԱԱՀ)
• Ակցիզային հարկը
• Շահութահարկը
• Եկամտային հարկը
• Բնապահպանական հարկը
• Ճանապարհային հարկը
• Շրջանառության հարկը

Տեղական հարկերն են․

• Անշարժ գույքի հարկը
• Փոխադրամիջոցների գույքահարկը

Լիլիթ․

Հարգելի հաշվապահներ, հարցս հետևյալն է ։ Ընդհանուր հարկման համակարգում աշխատող հանրային սնունդով զբաղվող ընկերության ՀԴՄ-ն կարո՞ղ է առանց անվանացանկ լինել, եթե ոչ՝ կցանկանայի հղումը ուղարկել։

Մի հարց էլ՝ եթե ՀԴՄ-ն սխալ է տպվել, հնարավո՞ր է հետ վերադարձը կտրոնի կրկնօրինակով, այս դեպքում հանրային սննդի մասով կա՞ սահմանափակում ապրանքի վերադարձի հետ կապված։

Բարև Ձեզ, հարգելի հաշվապահներ, խնդրում եմ օգնեք։ Ֆիզիկական անձը 2023թ-ին անշարժ գույք է վարձակալության տվել կազմակերպությանը փոքր գումարով։ Կազմակերպությունը որպես հարկային գործակալ հաշվարկել է եկամտային հարկը և վճարել։ Սակայն վարձակալության պայմանագիրը պետական գրանցում չունի, ֆիզ. անձն էլ հայտարարություն չի տվել, բայց ներկայացրել է ֆիզ. անձանց եկամուտների հայտարարագիր։ Խնդրում եմ ասեք` այս դեպքում ֆիզ. անձին տուգանք սպառնու՞մ է։

Քրիստինե․

Բարև Ձեզ, հարգելի մասնագետներ։ Կխնդրեի օգնել առաջին անգամ շահութահարկի կանխավճար հաշվարկելու հարցում։ Ընկերությունը գործունեությունը սկսել է նախորդ տարվա մայիս ամսից։ 23թ․-ի շահութահարկ ներկայացվել է ս․թ․ ապրիլի 13-ին (կազմել է 759 457 ՀՀ դր․)։ 24թ․-ի առաջին եռամսյակի շրջանառությունը կազմել է 45 751 539 ՀՀ դր (ներառյալ ԱԱՀ)։
759 457*20%=151 891
45 751 539*2%=915 031

Սեյրան․

Բարև ձեզ: Միկրոձեռնարկատիրությամբ զբաղվող ԱՁ ունեմ: Հարկային բեռի ի՞նչ փոփոխություն է նախատեսվում առաջիկայում։

Արթուր․

Բարև Ձեզ։ Ցանկանում եմ ԱՁ-ն փոխարինել ՍՊԸ-ով, կարո՞ղ եք հուշել գործողությունների հերթականությունը, և դա ինչքա՞ն ժամանակ է պահանջելու։

Տաթև․

Բարև Ձեզ։ Խնդրում եմ օգնեք՝ գարեջի խանութ եմ բացում և լցնովի տարբերակով էլ եմ վաճառելու։ Ուզում եմ հասկանալ՝ ծրագրում և ՀԴՄ-ով ինչպե՞ս վաճառել լցնովի գարեջուրը։

Էրիկ․

Բարև ձեզ, խնդրում եմ հնարավորինս մատչելի բացատրեք՝ ի՞նչ հարցեր կարող են առաջանալ կանոնադրական կապիտալի ավելացման հետ կապված, օրինակ, եթե ցանկանանք ՍՊԸ-ն լուծարել կամ սառեցնել, ի՞նչ է լինում այդ կապիտալի հետ, կամ օրինակ ստուգումների ժամանակ այդ գումարը պե՞տք է լինի ֆիզիկապես։ Հնարավո՞ր է այն նվազեցնել։ Եթե հնարավոր է, ապա ի՞նչ պետք է լինի այն գումարների մասով, որոնք պետությունը հետ էր վերադարձրել։

Անահիտ․

Բարև Ձեզ։ Կասե՞ք՝ շահաբաժնի եկամտային հարկի վերադարձը դեռ գործու՞մ է, թե՞ ոչ։ Եթե գործում է, տվյալ տարվա ընթացքում վճարված շահաբաժինների եկամտային հարկի վերադարձի համար ե՞րբ պետք է դիմել ՊԵԿ և ինչպե՞ս։

Հասմիկ․

Բարև Ձեզ։ Հաշվապահի որակավորում (լիցենզիա) ստանալու համար պարտադի՞ր է ունենալ բարձրագույն կրթություն։ Եվ քանի՞ տարվա աշխատաքային փորձ է անհրաժեշտ։

Բարև Ձեզ, ապառիկ վաճառքի դեպքում ՀԴՄ կտրոն տրամադրվու՞մ է։ Խնդրում եմ նաև հղում ուղարկել օրենսդրական կարգավորման: Շնորհակալություն։

Ռուզաննա․

Բարև ձեզ, հարցս հետևյալն է՝ Պարսկաստանից ներմուծել ենք պահեստամասեր: Արդյո՞ք առաջանում է ոչ ռեզիդենտի շահութահարկ, և արդյո՞ք վիճակագրական հաշվետվություն պետք է ներկայացնենք։

Հայկ․

Բարև Ձեզ։ Գյուղատնտեսության արտադրությամբ զբաղվող ԱՁ-ն տարվա սկզբից տվել է միկրոձեռնարկատիրությամբ զբաղվելու հայտ։ Սխալ է չէ՞ արել, որ հայտ է ներկայացրել, պետք է ոչ մի հայտ չներկայացներ, քանի որ մինչև 115 մլն-ը ազատված է հարկերից։ Մոտ 2 ամսից արդեն հնարավոր է գերազանցի 24 մլն ի շեմը։ Կասե՞ք՝ ի՞նչ անել, երբ գերազանցի 24 մլն-ի շեմը, շրջ․ հարկի հայտ տալ, որից հետո եռամսյակային զրոյական հաշվետվություններ ներկայացնել, թե՞ որևէ հարկատեսակով աշխատելու հայտ չտալ։

Ընկերություն՝ VDA DIAMONDS LLC
Հասցե՝ Ք. Աբովյան, Էդ. Պետրոսյան 16/1
Էլ․ փոստ՝ tatevik.mikaelyan@vdadiamonds.com
Թափուր աշխատատեղ՝ Ավագ հաշվապահ

Աշխատանքի նկարագրություն՝

1.Հաշվապահական հաշվառման վարում
2.Հաշվետվությունների ժամանակին կազմում, համաձայն ՀՀ հարկային օրենսդրության
3.Հաշվապահական փաստաթղթերի կազմում և փաստաթղթաշրջանառության վարում
4.Բանկային գործառնությունների ձևակերպում և վարում օնլայն բանկինգով
5.Հարկային հաշիվների էլեկտրոնային դուրս գրում
6.Աշխատավարձի հաշվարկային և վճարային փաստաթղթերի կազմում և վճարում
7.Դեբիտորական, կրեդիտորական պարտքերի հաշվառում
8.Եկամուտների, ծախսերի հաշվառում
9.Վարել և վերահսկել ընթացիկ հաշվապահությունը

Փորձառություն՝

1.Առնվազն 2-4 տարվա աշխատանքային փորձ
2.Հարկային և մաքսային օրենսդության իմացություն
3.ՖՀՄՍ-ների իմացություն (պարտադիր չէ)
4.Microsoft 365` Word, Excel, PowerPoint, StickyNote, Access, Outlook, OneDrive, Teams,Internet, Հայկական ծրագրեր՝ ՀԾ Հաշվապահ,ՀԾ կլիենտբանկ, ՀԾ ինտերնետ բանկ, e-invoicing, tradegov.am, Վերո համակարգ, file-online.taxservice.am

Պահանջներ՝

1.Բարձր պատասխանատվության զգացում և սթրեսակայություն
2.Հաղորդակցման բարձր մակարդակ
3.Ժամանակի կառավարման հմտություն
4.Կոնֆլիկտների կառավարման հմտություն
5.Ռուսերեն և անգլերեն լեզուների իմացություն

Աշխատավարձ՝ Կախված հարցազրույցից
Այլ նշումներ՝ Աշխատանքային գրաֆիկը՝ 5 օրյա , 9:00-18:00, շաբաթ և կիրակի հանգիստ

Հասմիկ․

Եթե հաշվարկային փաստաթուղթը ստացել եմ տվյալ ամսվա մեջ, բայց հաշվետվության մեջ չեմ ներառել ու հաշիվը չեմ հաստատել, կարո՞ղ եմ հաջորդ ամսվա հաշվետվության մեջ ներառել ու հաստատել։

Բարև ձեզ։ Խնդրում եմ ասեք՝ ինչպե՞ս վարվել անկանխիկ թեյավճարների հետ, եթե այն ամսվա վերջում առաջացնում է ավել հասույթ։

Արմեն․

Հարգելի հաշվապահներ, կազմակերպությունն ունի աշխատակիցներ, որոնց երբեմն դրամական օգնություն է տրամադրում՝ կապված նրանց ընտանիքի անդամի հիվանդության կամ ուսման վարձի հետ։ Արդյո՞ք օրենքով կան նախատեսված դեպքեր և սահմանաչափեր, երբ այդ գումարները չեն դիտարկվում որպես հավելավճար և չեն հարկվում աշխատավարձի պես։

Նանե․

Բարի օր, սիրելի գործընկերներ։ Քաղաքացիաիրավական պայմանագրով ծառայություն մատուցող աշխատակիցը մահացել է, սակայն չի վճարվել մատուցված ծառայության դիմաց: Ինչպե՞ս վարվել։

Արմինե․

Բարև Ձեզ, հարգելի ոլորտի մասնագետներ, խնդրում եմ կօգնե՞ք ինձ հետևյալ հարցում. եթե աշխատակիցը գնում է հղիության և ծննդաբերության արձակուրդի (140 օր), այդ ժամանակահատվածի համար ամենամյա նվազագույն արձակուրդի օրեր կուտակվում ե՞ն, եթե այո՝ կխնդրեմ հղումը տալ: Կանխավ շնորհակալ եմ։