Անահիտ Եփ․

Բարև ձեզ հարգելի հաշվապահներ, ընկերությունը ցանկանում է տեղադրել վճարային տերմինալներ, սուրճի ապարատներ, կասե՞ք խնդրեմ՝ ի՞նչ հարկատեսակով են հարկվում այդ գործունեությունները։

Սոֆյա․

Ասացեք խնդրեմ, արդյո՞ք 2022թ-ի համար կան նոր փոփոխություններ՝ կապված ՀԿ-ի հաշվետվությունների հետ: Պե՞տք է արդյոք ՀԿ-ն, որ 2021թ-ին ժամանակավորապես դադարեցրել է իր գործունեությունը, շահութահարկով հարկվելու հաշվետվություն տա մինչև փետրվարի 20-ը:

Gegham Bagrazyan.

ՀՈԱԿ-ը աղբահանության իրականացնելու համար լիցենզիա ստանալու համար կնքել է պայմանագիր փորձաքննություն իրականացնող կազմակերպության հետ 1 800 000 գումարի չափով 2021թ-ի հոկտեմբերին, բայց աշխատանքների մի մասն է ավարտել, և չի կազմվել ակտ, չեն ներկայացրել հաշիվ ապրանքագիր, չնայած մենք կանխավճար ենք փոխանցել 2021-ի հոկտեմբերին 900 000դրամ, խնդրում եմ օգնեք․ կարո՞ղ են արդյոք 2022թ-ի փետրվարին հաշիվ ներկայացնել՝ մատակարարման ամսաթիվը 2021թ-ի դեկտեմբերով, և ի՞նչ չափով կարող ենք ծախսագրել 2021թ-ով։

Սիրուն․

Բարև ձեզ։ Եթե նույն հիվանդության համար մեկ շաբաթ անց բացվում է երկրորդ բուլեյտենը, դա արդյո՞ք ենթակա է վճարման, թե՞ ոչ։

Լիկա.

Բարդ ձեզ: Ինչպե՞ս լրացնել վիճակագրական հաշվետվությունը, ԵԱՏՄ ներմուծում է։

Արմինե.

Բարև ձեզ: Եթե սկսնակ աշխատողը չի կատարել կամ թերի է կատարել իր աշխատանքը (հաշվապահություն), բայց կազմակերպությունը չի կրել նյութական վնաս՝ միայն բացակա կամ թերի թղթաբանություն և հետագայում ստումգումների արդյունքում բացահայտվում է ու տվյալ անձին տուգանում կամ այլ պատասխանատվության են ենթարկում (իր անունով սեփականություն չունի): Ինչպե՞ս են վարվում, կա՞ պատասխանատվության որոշակի գումարային շեմ կամ մեղմացուցիչ հանգամանք։

Աննա.

Բարև Ձեզ: Ընկերությունը պետությունից ժամանակավոր օգտագործման նպատակով պիտի ստանա շինություն: Ի՞նչ փաստաթղթեր են անհրաժեշտ դասավորել, որպեսզի կատարված ծախսերը հիմնավորված լինեն և ապագայում խնդիրներ չունենանք հարկայինի հետ:

Նարեկ.

Բարև Ձեզ: Միկրոձեռնարկատիրության (կամ (միկրոբիզնեսի) վերաբերյալ ինչ-որ տեղեկատվություն կամ օրենսդրության հղում կուղարկե՞ք:

Սամ.

Բարև Ձեզ։ Երկու ՍՊԸ-ների միջև իրականցվելու է գույքի առուվաճառքի գործընթաց։ ՍՊԸ-ները աշխատում են ԱԱՀ-ով։ Խնդրում եմ հայտնել` ի՞նչ հարկային պարտավորություններ են առաջանում, և վճարված ԱԱՀ-ի գումարը հաշվանցվելու է, թե՞ ոչ։ Կանխավ շնորհակալություն:

Նելլի.

Հարգելի աշխատակիցներ, կցանկանայի ձեռք բերել բանկային լիազորագրի նմուշ, որով իմ վստահված մարդուն կլիազորեմ կատարել իմ փոխարեն բանկային գործողություններ: Շատ ցանկալի կլինի գերմաներեն տարբերակն էլ: Շատ շնորհակալ կլինեմ օգնության համար:

Անի.

Բարև Ձեզ, հարգելի կոլեգաներ: Դեղատունը բացի հարկային հաշվետվություններից, ներկայացնու՞մ է արդյոք հաշվետվությունններ Առողջապահության կամ Բնապահպանության նախարարություններին:

Նարինե.

Համատիրությունը, որը համարվում է շահույթ չհետապնդող կազմակերպություն, ամեն ամիս գրում է հաշվարկային փաստաթուղթ` ոչ բնակելի տարածքներին։ Խնդրում եմ պատասխանել` արդյոք այն համարվում է համատիրության համար եկամուտ, թե՞ ոչ, և շահութահարկի հաշվետվությունում որտե՞ղ պետք է այն ներկայացվի։

Ռիմա.

Բարև Ձեզ։ Եթե աշխատակցի համար բացվել է անաշխատունակության թերթիկ և նա գտնվում է անաշխատունակության ընթացքի մեջ և միևնույն ժամանակ ցանկանում է աշխատել տնից, նշելով, որ իր անաշխատունակության թերթիկը մասամբ հաշվի առնենք, այսինքն` մի մասը հաշվի առնենք, իսկ մյուս մասը, քանի որ տնից աշխատելու է, հաշվի չառնենք: Արդյոք կա՞ որևէ օրենքի հղում, որը կկարգավորի այս հարցը։ Միգուցե սահմանվում է, որ անաշխատունակության ընթացքում աշխատակիցը իրավունք չունի զբաղվել իր աշխատանքային պարտականություններով։ Կանխավ շնորհակալություն։

Նելսոն.

Բարև Ձեզ: ԱՁ գործունեության ժամանակավոր դադարեցման թիվ 207 ձևը պետք է ներկայացնել առցա՞նց, թե՞ անձամբ։

Գեղամ.

Կանխիկ, անկանխիկ գործարքների մասին նոր սահմանափակումերի մասին օրենքը ընդունվե՞լ է և ո՞նց կարող ենք այն գտնել:

Մարիա․

Հարգելի հաշվապահներ, ԱՁ-ն 2021թ-ին աշխատել է ընդհանուր հարկման դաշտում (շահութահարկ և ԱԱՀ)։ Համաձայն ՀՕ հոդված 135՝ պետք է կատարեր շահութահարկի կանխավճարներ, սակայն չի կատարել։ Հիմա, երբ արդեն պարզ է շահութահարկի գումարը, ստացվել է այնպես, որ կանխավճարների գումարը ավելի մեծ է, քան փաստացի շահութահարկի գումարը։ Հարցը հետևյալն է՝ ԱՁ-ն պետք է մարի պարտավորությունը շահութահարկի կանխավճարների գումարի չափով, հետո ավել մասը ետ ստանա, թե՞ կարող է վճարում կատարել փաստացի շահութահարկի չափով։ Շնորհակալություն։

Հասմիկ․

Բարև Ձեզ։ ՓԲԸ-ն Երևան քաղաքում տարածքը որևէ ՍՊԸ-ի վարձակալությամբ տրամադրելու դեպքում կարո՞ղ է աշխատել միկրոձեռնարկության դաշտում։ Որևէ սահմանափակում օրենքում կարծես թե չկար, նախապես շնորհակալություն պատասխանի համար։

Գրետա․

Բարև ձեզ։ Ես մատնահարդար եմ։ Ցանկանում եմ աշխատել միկրոյով։ Հետագայում անցկացնելու եմ մատնահարդարման կուրսեր։ Որտեղի՞ց պետք է սկսել առաջին քայլը, և աշակերտներին պե՞տք է գրանցել, որպեսզի կարղանամ տալ սերտիֆիկատ։

Արմինե․

Բարև ձեզ: Հարգելիներս, մայրության և ծննդաբերության նպաստը հաշվարկելիս գումարվել է նաև այլ գործատուի կողմից վճարված եկամուտը, որը քաղաքացիաիրավական սկզբունքով է վաստակել: Սակայն հետո ճշտվել է, որ քաղիրավական աշխատավարձը չի հանդիսանում նպաստի հաշվարկման բազա, բայց նպաստը արդեն փոխանցվել է նպաստառուին: Ինչպե՞ս վարվել։

Անի.

Բարև ձեզ։ ՀՀ-ում գտնվող ռեզիդենդ կազմակերությունը մատուցում է ոչ ռեզիդենտ կազմակերպությանը, որը գտնվում է ՌԴ-ում, ստենդերի պատրաստման աշխատանքներ։ Արդյո՞ք ՀՀ-ն է համարվում ծառայությունների մատուցման վայր, եթե ապրանքները առաքվելու են ՀՀ-ում գտնվող տարածք և այնտեղ տեղադրվեն:

Սոֆա,

Բարև Ձեզ: Կասե՞ք` ՀԴՄ ակտ գրելու դեպքում 150 000 է, և իրավաբանի գումարը ո՞ր հաշվեհամարին փոխանցեմ և արդյո՞ք կարող եմ EasyPay-ով վճարել:

Սոնա.

Բարև ձեզ: Ես գրանցված եմ և ապրում եմ գյուղում, սակայն հղիությունս վարելու նպատակով ուզում եմ տեղափոխվել Երևան՝ բարեկամիս տուն։ Պե՞տք է հիվանդանոց թուղթ ներկայացնեմ, որ Երևան բարեկամիս տանն եմ ապրում, բայց այնտեղ գրանցված չեմ, որ հիվանդանոցային ծառայությունները անվճար լինեն։ Այդ դեպքում ես կստանամ մինչև 2 տարեկան երեխայի նպաստ, թե՞ ոչ։

Աննա.

Բարև ձեզ: Խնդրում եմ կասե՞ք` եթե աշխատողը այս տարվա հունվարի 11-ին է ընդունվել աշխատանքի, աշխատել է 13 օր և ներկայացրել հիվանդության անաշխատունակության թերթիկ: Ինչպե՞ս պետք է հաշվարկը կատարվի: Նշեմ նաև, որ մեզ մոտ աշխատում է համատեղությամբ, և անաշխատունակության առաջանալու օրվա դրությամբ այլ գործատուի հետ աշխատանքային հարաբերությունների մեջ է:

Լիաննա.

Բարև ձեզ։ Կասեք խնդրեմ` մարզերում կաբելային ինտերնետ ծառայություն մատուցող ընկերությունը կարո՞ղ է աշխատել միկրոյի դաշտում։

Մարի.

Բարև Ձեզ: Խնդրեմ կպատասխնե՞ք` եթե դեկտեմբերի եկամտային, սոց. հարկերը փոխանցել ենք հունվարին 2022թ., շահութահարկի հաշվետվության մեջ կարո՞ղ եմ հունվարին փոխանցած հարկերը ծախս ճանաչեմ, որի մեծ մասը քաղիրավականից առաջացած հարկեր են:

Ռոզա.

Բարև ձեզ: Եթե աշխատակիցը գնում է ֆիզ. արձակուրդ և 2021թ. հունվարից միչև մայիս ընկած ժամանակահատվածում եղել է համայնքային ծառայող, իսկ հունիսի 2-ից աշխատել է ԱՁ-ում: Որ խնդրեմ չե՞ք ասի` տարածքային սոցապ պետք է դիմե՞լ այլ գործատուի վճարման եկամտի մասին տեղեկանք ստանալու համար ,թե՞ հարկային։ Նշեմ, որ նախկին աշխատավայրից եկամտի մասին տեղեկանք վերցրել եմ։ Խնդրում եմ ինձ օգնել: Նախապես շնորհակալություն:

Լուս.

Բարև Ձեզ: Խնդրում եմ ինձ կասե՞ք` կա՞ արդյոք տեղեկանքների հաշվառման ձև:

Քրիստինա.

Բարև ձեզ: Խնդրում եմ ասեք` ԱՁ հղիության միանվագ նպաստի համար անհրաժե՞շտ է նոր բանկային հաշիվ, թե՞ կարող ենք փոխանցել արդեն գործող հաշվին կամ քարտին:

Արթուր.

Բարև Ձեզ: Խնդրում եմ օգնել ձևակերպման պահով։ Ուրեմն` Ավստրիայի կազմակերպության հետ ունենք պայմանգիր, որ հումքը ուղարկում են, մենք պատրաստի արդատրանքը հետ ենք ուղարկում իրենց, այսինքն` վերամշակում, հետ ենք ուղարկում: Բայց, երբ ապրանք ստացանք, մի քանի ապրանքներ ձևակերպվեց մաքսայինով որպես սովորական ներմուծում և առաջացավ ԱԱՀ և մաքսատուրք, որը մուծեցինք, հիմա էն որ որպես սովորական ներմուծում են արել մեր մոտ ո՞նց տանք հաշվապահական ձևակերպումները, որովհետև մենք չենք վճարել իրանց, որի դիմաց իրանք դա մեզ տվել են, ուղղակի այլ տարբերակ չկար, տենց են ձևակերպել։ Ու նաև դեռ մենք հետ չենք ուղարկել պատրաստի արտադրանքը։

Բարև Ձեզ, հարգելի մասնագետներ: Եթե աշխատողը 1 տարի 2 ամիս գտնվում է հարկադիր պարապուրդում, որի մասին տեղեկանում է աշխատանքի ազատման ծանուցումը ստանալուց հետո միայն: Կարո՞ղ է արդյոք դրամական փոխհատուցում պահանջել գործատուից:

Միլենա.

Բարև Ձեզ, հարգելի հաշվապահներ: Ուզում եմ ԱՁ բացել` միկրոձեռնարկատիրությամբ զբաղվող: Տարացք եմ վարձակալելու, աշխատելու է որպես գեղեցկության սրահ, գրանցելու եմ 2 աշխատող: Ի՞նչ հարկեր է վճարվում և ի՞նչ հաշվետվություն ներկայացվում: Իմ առաջին հաշվախահական փորձն է: Կանխավ շնորհակալություն:

ՍԵդա Հախվերդյան.

Բարև Ձեզ: Ընկերությունը խանութից գնել է մարդատար ավտոմեքենա, դրա ԱԱՀ-ն ինչպե՞ս է հաշվանցվում և, եթե հետո վաճառենք այդ մեքենան` ի՞նչ պետք է անենք հաշվանցված ԱԱՀ-ի հետ:

Անի.

Հարգելի հաշվապահներ, 2020 թվականին ֆիզարձակուրդում 140 օրվա ընթացքում սոց. փաթեթ տրամադրվում էր, իսկ 2022 թվականին պե՞տք է տալ այդ 140 օրվա համար:

Հեղինե․

Բարև Ձեզ։ Շրջ. հարկով աշխատող ԱՁ-ն անորոշ ժամանակով դադարեցրել է գործունեությունը, սակայն ունի արդեն 1 տարի ֆիզ. արձակուրդում գտնվող աշխատող։ Կարո՞ղ է արդյոք գործատուն ազատել աշխատակցին։

1) Եթե այո, ազատվելուց հետո աշխատակիցը կստանա՞ մայրության նպաստը (26 500դր.)

2) Եթե ոչ, ապա ի՞նչ պարտավորություններ ունի ԱՁ-ն, այսինքն՝ պե՞տք է վճարի իր ԱՁ-ի եկամտային և սոց. հարկի վճարումները։ Շնորհակալություն։

Ռոման․

Բարև ձեզ: Կազմակերպությունը աշխատում է ընդհանուր հարկման դաշտում: Վաճառում է միս: Արդյո՞ք իրավունք ունի ինքնարժեքից պակաս վաճառել միսը, եթե այո, ապա ո՞ր դեպքերում։

Գայանե․

Բարև Ձեզ։
Խնդրում եմ ասել՝ ի՞նչ փաստաթղթեր են անհրաժեշտ Wildberries բացելու համար:

Սոֆյա․

Ասացեք խնդրեմ՝ սկսած 2022թ-ից ի՞նչ ձևով է կատարվում դրոշմանիշայինի համար կատարված վճարը համատեղությամբ աշխատելու դեպքում: Եթե ետ պահում չի լինում, արդյո՞ք դա նշանակում է, որ քանի տեղ աշխատում է, այդքան պետք է վճար արվի, խոսքը վերաբերվում է ընդհանուր դեպքերին:

Սոնա.

Բարև Ձեզ: Ստեղծագործական գործունեություն իրականացնող ԱՁ-ն ի՞նչ հարկեր է վճարում: Արդյոք ճի՞շտ է, որ այն ազատվում է շահութահարկից և սոցիալական վճարից:

Էդիկ.

Ինքնուրույն հաշվապահություն սովորելու համար ինձ ի՞նչ գիրք խորհուրդ կտաք։

Համլետ.

Բարև Ձեզ: Ես տրակտոր եմ բերել Ռուսաստանից իմ անձնական օգտագործման համար, ուզում եմ իմանալ` արդյոք պե՞տք է ԱԱՀ վճարեմ, և եթե այո, ինչպե՞ս է որոշվում տեխնիկայի ինքնարժեքը:

Արմինե․

Բարի օր, հարգելի ընկերներ։ Աշխատակիցն աշխատում է համատեղությամբ ՀՈԱԿ֊ում դաստիարակ և այլ տեղ՝ միկրո, Ա/Ձ։ Հղիության և ծննդաբերության արձակուրդ է գնացել, (3֊րդ երեխան է), վճարել ենք ըստ օրենքի՝ միկրոյով աշխատող Ա/Ձ֊ի եկամուտը նվազագույնի կեսի չափով և մանկապարտեզի եկամտի գումարը ներառելով։ Ճի՞շտ ենք վարվել։

Եվ հետևյալ հարցը. նույն աշխատակիցը ցանկանում է գնալ խնամքի արձակուրդ, անկախ նրանից, որ միկրոյի աշխատող է, կարո՞ղ է մանկապարտեզից արձակուրդ գնալ։ Ստացվում է, որ կստանա և միանվագ 1 000 000, և՛ 2 տ խնամքի արձակուրդի նպաստը, և՛ 6տ 50 000՞, թե՞ որոշակի նրբություններ կան օրենքում, որ միաժամանակ 6տ ու 2տ նպաստը կարող է չտրվել միաժամանակ։

Շնորհակալություն։

Աննա․

Ընկերությունում կա ութ ժամ աշխատելուց հետո մինչև առավոտ հերթապահելու խնդիր տանից։ Ի՞նչ գրաֆիկով պետք է կազմակերպել դա և ինչպե՞ս վարձատրել։

Դիաննա․

Բարև Ձեզ։ Մասնավոր մանկապարտեզ բացելու լիցենզիա ստանալու համար ի՞նչ է անհրաժեշտ։

Գոհար.

Բարև Ձեզ: ՍՊԸ-ն ձեռք է բերել է էքսկավատոր՝ լիզինգի պայմանագրով, տրանսպորտային միջոցը ներկրվել է դրսից, վճարվել մաքսատուրք, ԱԱՀ, վառելիքի ծախս, գործուղում: Խնդրում եմ օգնեք ձևակերպումների հարցում:

Նարին.

Taxservice-ով ստացել եմ ծանուցում, որի մեջ նշված է «եկամտային հարկի թերհայտատարարագրման մոնիտորինգի իրականացման արդյունքներով տրամադրված ծանուցում»։ Ծանուցման մեջ նշված է, որ x ՀԾՀ-ով աշխատակցի համար նոյեմբեր ամսին հաշվարկվել է նվազագույն աշխատավարձից ցածր աշխատավարձ, որը ունի եկամտային հարկի թերհայտարարագրման ռիսկ և նշված ռիսկային գործոնների պահպանման դեպքում հարկային մարմինն միջոցներ կձեռնարկի դրանց ճշգրտման ուղղությամբ։ Խնդիրս հետևյալն է` աշխատողը տարիներ շարունակ ունեցել է նույն 90 000դրամ աշխատավարձը, որը նույնն է եղել նաև նոյեմբեր ամսին և պահպանվում է մինչ օրս։ Տնօրենը գրանցված է 100 000դրամով, հաշվապահը 90 000-ով, բանվորները նույնպես գրանցվում և դուրս են գալիս 90 000 աշխատավարձով։ Արդյո՞ք տարիներ շարունակ աշխատավարձի չբարձրացնելու համար է նշված խնդիրը, թե՞ այլ բացատրություն կա նշված ծանուցման մեջ, որը չեմ կարողանում հասկանալ:

Վարդան.

Բարև Ձեզ: Ինձ հետաքրքիր է` որտե՞ղ կարող եմ դիմել հասարակական կազմակերպություն բացելու համար:

Արփինե.

Խնդրում եմ օգնել` ԱՁ-ն ի՞նչ պարտավորություններ ունի պետական արխիվի հետ կապված, ի՞նչ փաստաթղթեր պետք է տրամադրի արխիվ և ի՞նչ ժամկետներում, կամ արդյոք կա՞ դրա անհրաժեշտությունը։ Նախապես շնորհակալ եմ:

Արփինե.

Բարև Ձեզ: Եթե գործատուն մինչև հիմա չի ներկայացրել աշխատակիցների աշխատանքային գրքույկները թվայնացման, իսկ հիմա այդ գործառույթը դադարեցված է, սոցիալականում չեն ընդունում ասեցին, եթե երկարացնեն գործընթացը ձեզ կտեղեկացնեն։ Ի՞նչ խնդիրների առաջ կարող է կանգնել աշխատակիցը թոշակավորման ժամանակ, եթե գործընթացը չերկարացնեն։

Անի․

Բարև ձեզ: Հարգելի՛ հաշվապահներ, պետության կողմից կազմակերպության բանկային հաշվեհամարին փոխանցած հղիության և ծննդաբերության գումարի փոխհատուցումն ինչպե՞ս ձևակերպել: Ի՞նչ ձևակերպում տալ:

Անի․

Հարգելի հաշվապահներ, աշխատակիցս հունվարի 24-ից 31-ը ներառյալ եղել է անաշխատունակության մեջ։ Փետրվարի 1-ին աշխատավարձ և բյուլետեն վճարել եմ։ Եկամտային հարկի հաշվետվության մեջ բուլետենը հունվարի՞ն արտացոլեմ, թե՞ փետրվարին։