Աննա.

Բարև Ձեզ։ Խնդրում եմ կասե՞ք, հանրային սննդի ոլորտում գործունեություն իրականացնող կազմակերպությունը ներմուծված կիսաֆաբրիկատների՝ ներմուծման հայտարարագրի մեջ նշված արժեքը կարո՞ղ է նվազեցնել շրջհարկի հաշվետվության մեջ։

Տաթև.

Բարև Ձեզ։ Եթե շրջհարկով աշխատող ՍՊԸ-ն հունիս ամսին ստացել է կանխավճար, արդյո՞ք դա 2-րդ եռամսյակի հաշվետվության մեջ պետք է ներառենք, թե՞ երբ որ ծառայությունը մատուցվի և հաշիվ դուրս գրիվ, նոր պետք է վճարել հարկը։

Նարե․

Բարև Ձեզ։ Հարգելի հաշվապահներ, 2025թ-ից շրջանառության հարկի գումարից աշախատավարձի գծով ծախսերը նվազեցվելու՞ են, եթե կազմակերպությունն իրականացնում է ծառայությունների մատուցում` որպես այլ գործունեությունից ստացվող եկամուտներ։

Նարինե․

Բարև ձեզ, հարգելի հաշվապահներ։ Ես առաջին անգամ պետք է վարեմ Wildberries – ի հաշվապահություն: ԱՁ-ն գրանցված է որպես վաճառող, Չինաստանից գնում է ապրանքներ և հանձնում Wildberries – ի լոգիստիկ կենտրոն, այնուհետև` ստացման կենտրոններ, որտեղից էլ վաճառք է իրականացվում: Հարցս հետևյալն է. պե՞տք է արդյոք Wildberries – ին հաշիվ դուրս գրել: ԱՁ-ն աշխատում է շրջհարկով: Շնորհակալություն:

Ռուզաննա․

Բարև ձեզ, հաշվապահներ ջան, ունեմ խնդիր. ՍՊԸ-ն գրանցված է մարզում: Մի քանի ամիս 1 մլն փոխառություն եմ դրել դրամարկղ տնօրենի անունից: Հիմա ո՞նց կարելի է ուղղել սխալը: Կարո՞ղ եմ 1 մլն մասնատել 300 000-րի։

Տիգրան․

Բարև Ձեզ։ Եթե հանրային սննդի կազմակերպությունը այս տարի գերազանցել է 115 մլն շեմը և ներկայացրել է “262. Հայտարարություն՝ հանրային սննդի ոլորտում գործունեություն իրականացնելու համար շրջանառության հարկ վճարող համարվելու վերաբերյալ” ձևը, կարո՞ղ է շարունակել նվազեցնել հանրային սննդի հետ կապված 3% ծախսերը, թե՞ ոչ։

Աիդա․

Բարև Ձեզ։ Շրջանառության հարկով աշխատող ԱՁ-ն իրականացրել է ներմուծում ՌԴ-ից՝ ավտոպահեստամասեր, հաջորդ տարի անցել է ԱԱՀ-ի և ունեցել է ապրանքային մնացորդ, որը վաճառել է ԱԱՀ-ով։ Արդյո՞ք իրավունք ունի շրջհարկով աշխատելու ժամանակ ներմուծված ապրանքների ԱԱՀ-ն հաշվանցելու։

Սուսաննա․

Բարև ձեզ։ Խնդրում եմ ասեք՝ սերմերի և թույների խանութ բացելու համար լիցենզիա պե՞տք է, կամ ինչ-որ չափանիշներ կա՞ն, որոնց պետք է համապատասխանի խանութը, ի նկատի ունեմ տարածքի չափեր և այլն։

Անահիտ․

Բարև Ձեզ։

Ես աշխատում եմ գազալցակայանում, որպես հաշվապահ։ 1 հարցս՝ կարո՞ղ է 1 հերթափոխը 24 ժամ կամ 12 ժամ աշխատել։ Ես ունեմ 4 հերթափոխ։ Ինձ տնօրենը ասաց, որ գազալցակայաններում կարող են աշխատել 8 ժամ։ Ստացվում է ամեն օր 3 հերթափոխ աշխատում է։ Գազալցակայանը մեծ չէ, աշխատողները կարողանում են մեկը մյուսին փոխարինելով, հանգստանալով աշխատել, բայց արդեն ձևակերպելը հաշվապահորեն դժվարանում եմ։ Նախկին հաշվապահը մահացել է, ոչ մի տեղեկություն, ոչ մի ֆայլ չունեմ։

Եթե 12 ժամ լինի՝ ստացվում է, որ ես պետք է հավելավճարներ ամեն օր հաշվեմ, իսկ եթե 24 ժամ հնարավոր է, օրենքի հղումը ևս կուղարկե՞ք։

Աննա․

Հարգելի հաշվապահներ, կասե՞ք՝ ի՞նչ պետք է արվի նման պարագայում․ ֆիզ․ անձը, ով ԵՏՄ -ից ներմուծել է ապրանք, որը գերազանցել է ֆիզ․ անձանց կողմից ներմուծվող ապրանքների թույլատրելի սահմանը, սահմանին ասել են՝ պետք է ԱՁ բացել, ֆիզ․ անձը գրանցվել է որպես ԱՁ, բայց փաստացի ստացվել է ներմուծումից հետո, ներկայացրել է ներմուծման հայտարարագիր, կասեք խնդրեմ․ ԱԱՀ հաշվարկի մեջ 17 տողում ՀՀ տարածք ներմուծված ապրանքների բերում է այդ ներմուծման արժեք, արդյո՞ք այս պարագայում դեբետային ԱԱՀ հնարավոր է հաշվանցել, չէ՞ որ ներմուծումը փաստացի եղել է ֆիզ․ անձով: Կանխավ շնորհակալ եմ։

Արթուր․

Հարգելի խումբ, ԱՁ-ն զբաղվում է սառը սուրճ թեյի արտադրությամբ, ստանում է հաշվով պլաստիկե բաժակներ, որը բնականաբար օգտագործում է իր արտադրության մեջ, հիմա հարցը՝ արդյո՞ք տվյալ ԱՁ ն պետք է վճարի բնապահպանական հարկ։

Կարեն․

x ամերիկյան ընկերությունը գտնում է աշխատողներ ՀՀ-ում y ամերիկյան ընկերության համար։ x ամերիկյան ընկերությունը գանձում է գումար y ամերիկյան ընկերությունից ամեն ամիս և վճարում աշխատողներին։ Կասե՞ք՝ արդյո՞ք պետք է ունենալ z ընկերություն ՀՀ-ում աշխատողներ գրանցելու համար, թե՞ x ամերիկյան ֆիրման կարող է գրանցել աշխատողներ ՀՀ-ում։

Ընկերություն՝ “Էյ Էմ Փի Ջի գրուպ ” ՍՊԸ
Հասցե՝ ՀՀ ք. Երևան Բագրևանդի 82
Հեռախոս՝ 095412460
Էլ․ փոստ՝ nairid@yandex.ru
Թափուր աշխատատեղ՝ Հաշվապահ արտադրամասի
Աշխատանքի նկարագրություն՝

• Հաշվապահական հաշվառման և փաստաթղթաշրջանառության վարում,
• Նյութական արժեքների հաշվառում, այդ թվում՝ մուտքեր, ելքեր, կոմպլեկտավորումներ, արտադրության հաշվառում,
• Հարկերի հաշվարկում, ԵՏՄ և այլ հաշվետվությունների կազմում և ներկայացում,
• Հաշվապահության թիմի կատարած աշխատանքների ստուգում
• Անմիջական ղեկավարի կողմից հանձնարարված առաջադրանքների կատարում
• Գործընկերների հետ փոխադարձ հաշվարկների իրականացում
• Հիմնական միջոցների, ապրանքանյութական արժեքների և դրամական միջոցների հաշվառում, դրանց շարժի հետ կապված
  գործառնությունների ժամանակին արտացոլում հաշվապահական հաշվառման հաշիվներում.
• Ամսական և եռամսյակային հաշվետվությունների կազմում և ժամանակին ներկայացում
  
  Պահանջներ՝
  
• Վերլուծական մտքի առկայություն.
• Հետաքրքրվածություն, ազնվություն, արագ ընկալելու ունակություն, լավատեսություն.
• Մասնագիտական որակավորումների առկայությունը ցանկալի է.
• Հաղորդակցման և բանակցային հմտություն.
• Սթրեսակայունություն.
• Պատասխանատվության բարձր զգացում.
• Ժամանակի պլանավորման և վերջնաժամկետների պահպանման ունակություն.
• 1C և կամ ERP հաշվապահական ծրագրերի իմացություն.
• MS Excel (բանաձևեր, ֆունկցիաներ) փորձառությունը պարտադիր է.

Աշխատավարձ՝ 200 000 և ավելի, կախված աշխատանքի որակից և կարգապահությունից

Աննա․

Բարև ձեզ։ Եթե ՌԴ քաղաքացին այստեղ ԱՁ է բացում, գործունեություն է ծավալելու IT ոլորտում, աշխատելու է շրջ. հարկի դաշտում, ի՞նչ հարկեր է վճարելու բացի շրջանառության հարկի 5%-ից: Եվ բանկում հաշիվ բացելու համար ի՞նչ փաստաթղթեր է պահանջում բանկը ներկայացնել (կխնդրեմ նշել նաև բանկը, եթե խմբի պահանջները չեն խախտվում)։

Արդյո՞ք ՌԴ քաղաքացին պետք է պարտադիր սոցիալական քարտ ունենա։ Նշեմ, որ առցանց լիազոր գրանցվելու է ՀՀ քաղաքացի, ով ունի նույնականցման քարտ, այդ մասով խնդիր չկա։ Շնորհակալ կլինեմ, եթե արձագանքեք։

Վահագն․

Բարև Ձեզ, հարգելի մասնագետներ, որևէ մեկը տեղեկություն ունի՞ պարտադիր բժշկական ապահովագրության վերաբերյալ, որը պետք է հուլիսի 1-ից գործարկվեր: Եթե գործընթացը մեկնարկել է, ի՞նչ քայլեր պետք է ձեռնարկել: Կանխավ շնորհակալություն։

Արտակ․

Բարև Ձեզ, ընկերներ, խնդրում եմ ինձ օգնել․ 2023 թվականից զբաղվում եմ հագուստի մանրածախ վաճառքով ինտերնետի միջոցով և 2023 թվականին ներկայացրել եմ շրջանառության հարկի բոլոր հարկային հաշվետվությունները, իսկ 2024 թվականից սկսած չեմ ներկայացրել դիմում շրջանառության հարկով հարկվելու վերաբերյալ և անցել եմ ԱԱՀ-ին, սակայն անձնական խնդիրների պատճառով 2024 թվականի հունվարից մինչև օրս որևէ հաշվետվություն չեմ ներկայացրել, խնդրում եմ օգնել և հատնել՝ ինչպե՞ս կարող եմ շտկել իրավիճակը, ինչպես նաև ի՞նչ հետևանքներ կլինեն նման իրավիճակում, նախապես շնորհակալ եմ։

Անահիտ․

Բարև ձեզ։ Կազմակերպությունը բարեգործական հասարակական կաղմակերպություն է, զբաղվում է փախստականների սոցիալական հիմնախնդիրների աջակցությամբ, բնության գրկում մեկ օրվա հանգիստ կազմակերպելու համար գնվել է տարբեր սննդամթերք, որը նույն օրը սպառվել է։ Արդյո՞ք պետք է ստեղծել գնման ակտ և նոր մուտք անել պահեստ, հետո սպառում։

Ալեքս․

Խնդրում եմ օգնել ինձ հետևյալ հարցում. 2023 թվականին հիմնադրամը շրջանառություն չի ունեցել, բայց ակտիվները գերազանցում են 10 միլիոն դրամը, խնդրում եմ ասեք՝ արդյո՞ք հիմնադրամը պետք է աուդիտ իրականացնի:

Հիմնադրամների մասին ՀՀ օրենքի Գլուխ 6-ի Հոդված 39. կետ 3-ում նշված է հետևյալը` ֆինանսական հաշվետվությունների վերաբերյալ աուդիտն իրականացնող անձի (աուդիտորի) եզրակացությունը, եթե հիմնադրամի ակտիվների արժեքը գերազանցում է 10 միլիոն դրամը: Կանխավ շնորհակալ եմ:

Ընկերություն՝ Tax Law LLC
Հասցե՝ ք. Երևան, Աբովյան 31 տարածք 20
Հեռախոս՝ +374(93)-54-56-27
Էլ․ փոստ՝ taxlawllc@mail.ru
Թափուր աշխատատեղ՝ Հաշվապահ

Աշխատանքի նկարագրություն՝ Հաշվապահական կազմակերպությանն անհրաժեշտ է հաշվապահ։

Պարտականություններ՝ Գործարքների հաշվապահական ձևակերպում ՀԾ ծրագրով և հարկային հաշվետվությունների կազմում
Անհրաժեշտ որակավորում՝ Բարձրագույն կրթություն, ցանկալի է տնտեսագիտական կամ մաթեմատիկական
Պահանջվող փորձ՝ առնվազն 2 տարի
Աշխատանքային ժամեր՝ 10։00-18։00, աշխատանքային ռեժիմ՝ երկուշաբթի-ուրբաթ, բարձր աշխատավարձով

Ինքնակենսագրականը ուղարկել taxlawllc@mail.ru էլ.հասցեին: Հարցերի դեպքում զանգահարել +374(93)-54-56-27

Արմինե․

Հարգելի ոլորտի մասնագետներ, խնդրում եմ օգնել հետևյալ հարցում. եթե ՀՀ քաղաքացին (ծնված 1974 թվականի հունվարի մեկից հետո) գտնվում է աշխատանքային հարաբերությունների մեջ ՀՀ ռեզիդենտ ընկերության հետ, ընդ որում, աշխատողի աշխատանքի բնականոն վայրը համարվում է գործատուի գրասենյակը ՀՀ-ում, և հրաժարվել է ՀՀ քաղաքացիությունից, սակայն դեռևս բնակության իրավունք (կացության կարգավիճակ) չի ստացել դեռևս, ստանալու ժամկետը սահմանված է 2 ամսվա ընթացում: Արդյո՞ք վերը նկարագրված դեպքում ՀՀ-ում բնակության իրավունք (կացության կարգավիճակ) չունեցող ՌԴ քաղաքացի հանդիսացող վարձու աշխատողի համար սոցիալական վճարները ենթակա են կատարման ընդհանուր հիմունքներով` ՀՀ քաղաքացիների համար սահմանված կարգով, եթե այո, ապա խնդրում եմ օրենքի հղումը կգրե՞ք: Կանխավ շնորհակալ եմ։

Աննա․

Բարև ձեզ, հարգելի հաշվապահներ։ Նման մի հարց՝ եթե ԱԱՀ-ով աշխատող ՍՊԸ, որի գործունեություն է “Սեղմված բնական գազի վաճառք”, ցանկանում է նաև իրականացնել տաքսու գործունեություն, և որպես մեքենաների վառելիք օգտագործի իր սեղմված գազը, կասե՞ք խնդրեմ՝ նման դեպքում եթե գազը վաճառք չի լինում, այլ օգտագործվում է իր գործունեության համար, և վճարում է միայն ակցիզային հարկ, իսկ օգտագործված գազն ինչպե՞ս է ձևակերպվում: Կանխավ շնորհակալ եմ։

Էմմա․

Բարև ձեզ, հարցս հետևյալն է.

1. Բույսերի վնասատուների, հիվանդությունների և մոլախոտերի դեմ քիմիական (թունանյութեր) պայքարի աշխատանքներ (սրսկում, փոշոտում, բանվորական հեղուկի պատրաստում) կատարող աշխատողներ

Եթե աշխատանքը մասամբ է այս կետին համապատասխանում, այն է. աշխատողն իրականացնում է վերոնշյալներից միայն սրսկումը, բայց ոչ ամեն օր, հիմանականում կատարում է ուղղակի ֆիզիկական աշխատանք: Արդյո՞ք իր կատարած աշխատանքը կարող ենք համարել առանձնապես ծանր: Եթե այո, կարո՞ղ եմ նրա համար սահմանել նորմալ աշխատաժամանակ՝ նշելով աշխատանքի առանձնապես ծանր լինելու փաստը և տարիֆային աշխատավարձի 50 տոկիս հավելումը, ինչպես նաև արդյո՞ք տվյալ աշխատողը համարվում է արտոնյալ պայմաններով կենսաթոշակի իրավունք ունեցող անձ:

Կանխավ շնորհակալություն:

Հայկ․

Հաշվապահներ ջան, եթե Ռուսաստանից անձնական օգտագործման նպատակով 30 կգ քաշով և 200 եվրոյից բարձր արժեքով ապրանք գա Հայաստան, այս դեպքում հարկայինի և մաքսայինի հետ ինչ որ խնդիրներ կառաջանա՞ն։

Արթուր․

Հարգելի գործընկերներ, եթե խմբում կան տուրիստական կազմակերպության հաշվապահներ` խնդրում եմ արձագանքեք: Ոլորտն ինձ համար անծանոթ է, ես արտադրության հաշվապահ եմ, ունեմ որոշ հարցեր:

Շրջանառության հարկով հարկվող ԱՁ-ը զբաղվում է տուրիստական փաթեթների վաճառքով: 2 դեպք դիտարկենք․

1. Վաճառում է այլ կազմակերպություներից գնված փաթեթ: Համաձայն կողմերի միջև կնքված միջնորդավճարի պայմանագրի իր հարկվող շրջանառությունը միջնորդավճարն է, որի համար դուրս է գրվում հաշվարկային փ.թ e-Invoicing ծրագրով: Ա) Գնորդի անունով e-Invoicing ծրագրով նույնպե՞ս դուրս է գրվում հ/ֆ

2. Եթե փաթեթը հենց ինքն է կազմում ` անմիջապես արտասահմանյան հյուրանոցների հետ պայմանագիր կնքելով Ա) Գնորդի անունով e-Invoicing ծրագրով դու՞րս է գրվում հ/ֆ Բ) Հարկվող շրջանառությունը այս դեպքում ինչպե՞ս հաշվել, և ի՞նչ փաստաթուղթ պետք է դուրս գրել։

Անի․

Ողջույն, հարգելի մասնագետներ։ Խնդրում եմ օգնել. ես ունեմ ԱՁ, ցանկանում եմ զբաղվել մանկական ժամանցային խաղեր տրամադրելով՝ համապատասխան սարքավորումների միջոցով: Արդյո՞ք անհրաժեշտ է լիցենզիա տվյալ գործունեության համար, և ի՞նչ հարկատեսակով պետք է աշխատել։

Լիանա․

Չինական ընկերությունը ծառայություն է մատուցելու ռուսական ընկերությանը։ Ծառայության դիմաց գումարը ռուսական ընկերությունը փոխանցելու է հայկական ընկերությանը որպես միջնորդ, իսկ հայկական ընկերությունը փոխանցելու է Չինաստան։ Խնդրում եմ ասել՝ արդյո՞ք այս դեպքում հայկական ընկերությունը պետք է աշխատի ԱԱՀ-ի դաշտում։

Սաթինե․

Բարև Ձեզ, ցանկանում ենք ԱՁ-ի ժամանակավոր դադարեցում տալ։ Կարո՞ղ եմ դա անել հենց այսօրվա ամսաթվով, թե պետք է ամիսը լրանա, նոր։

Հովհաննես․

Շրջանառության հարկի փոփոխություններ 01․01․2025

Հարգելի հաշվապահներ, խնդրում են պարզաբանեք․

1․ Պետական աջակցության ենթակա գործունեության տեսակներով զբաղվող տնտեսվարող ցուբյեկտները 01․01․2025-ից շարունակու՞մ են վճարել 5% շրջանառության հարկ, անկախ այն փաստից հարկային արտոնություններից օգտվելու հավաստագիր ստացել են, թե ոչ

2․ Առևտրական (առք ու վաճառքի) գործունեությունից ձևավորվող հարկման բազայի մասով հաշվարկված շրջանառության հարկի գումարից 01․01․2025-ից նվազեցվում են աշխատանքի վարձատրության, իրացման և այլ ծախսերը, թե՞ անմիջական վաճառքի նպատակով ձեռք բերված ապրանքների գծով կատարված և փաստաթղթերով հիմնավորված ծախսերի։

Կանխավ շնորհակալություն։

Մարինե․

Բարև ձեզ, հարգելի հաշվապահներ։ Ինձ ձեր օգնությունն է պետք։ Ունեմ Ա/Ձ, ներկա պահին հաշվապահն է կատարում հաշվապահություն, բայց ուզում եմ ինքս վարել։ Նշեմ, որ գրանցված աշխատող չկա։ Տարեկան եկամուտը չի գերազանցում 24 մլն ՀՀ դրամը։ Որևէ դժվարություն իրենից ներկայացնու՞մ է։ Հնարավո՞ր է արդյոք ինքնուրույն վարել։ Կանխավ շնորհակալություն։

Հերմինե․

Բարև ձեզ։ Եթե իրավաբանական անձը ֆիզ անձից բանակարան է գնում, ի՞նչ հարկային պարտավորություն է առաջանում։

Վարդ․

Բարև Ձեզ, հարցս հետևյալն է․ ընկերությունը գարի է ներմուծում (ԱԱՀ-ի հարկման դաշտ), սահմանին վճարում է 20% ներմուծման ԱԱՀ և վաճառքի ժամանակ նորից ևս 20% ԱԱՀ։ Հնարավո՞ր է՝ ինչ-որ արտոնություններ կան՝ կապված գարու ներմուծման հետ։

Հայկ․

Բարև Ձեզ։ Ընկերությունը ստացել է 600 000 դրամի (ԱԱՀ-ով) նյութեր ապրիլ ամսին։ 100 000 ՀՀ դրամի ԱԱՀ-ն ապրիլ ամսին հաշվանցել ենք։ Հունիս ամսին այդ նյութերը օգտագործել ենք ԱԱՀ-ից ազատված գործարքի համար։ 100 000 դրամի ԱԱՀ-ն հունիս ամսվա համար ԱԱՀ-ի հաշվետվության մեջ ձեռքբերումների պակասեցում տալուց բացի ի՞նչ այլ հաշվապահական ձևակերպումներ պետք է կատարել։ Ի՞նչ հաշվապահական գործառնություններ պետք է կատարել։

Հայկ․

Բարև Ձեզ։ Ընկերությունները եռակողմ համաձայնագիր են կնքել և կատարել են պարտավորությունների հաշվանցում։ Մեր ընկերությունը ունեցել է 15 000 000 ՀՀ դրամի պարտավորություն, և համաձայնագրի համաձայն մեր պարտքը զրոյացել է։ Կասե՞ք՝ ինչպե՞ս պետք է կատարել հաշվապահական ձևակերպումները։

Հասմիկ․

Բարև Ձեզ։ ՓԲԸ-ն ցանկանում է նվազեցնել կանոնադրական կապիտալը՝ բաժնետոմսերի անվանական արժեքը նվազեցնելու ճանապարհով։ Ի՞նչ հաշվապահական ձևակերպումներ են տրվում, խնդրում եմ օգնել թղթակցություններում։ Շնորհակալություն։

Նարե․

Բարև ձեզ, հարգելիներ, ինձ ԴԱՀԿ-ից ծանուցում է եկել ՊԵԿ-ի թիվ ### որոշման հիման վրա, բայց ես ՊԵԿ-ից ծանուցում չեմ ստացել։ Ո՞ր կայքում նայեմ այդ որոշումը։ Շնորհակալ կլինեմ, եթե օգնեք, հղում տաք։

Արևիկ․

ՀՀ ռեզիդենտ կազմակերպությունը մտադիր է գնել ոչ ռեզիդենտ կազմակերպությանը պատկանող այլ ոչ ռեզիդենտ կազմակերպության 100% բաժնեմասը։ Մեկ տարվա ընթացքում ՀՀ ռեզիդենտ կազմակերպությունը վաճառելու է ձեռք բերված կազմակերպության 100% բաժնեմասը ակտիվների արժեքից ավելի թանկ արժեքով։ Վաճառելու է այլ ոչ ռեզիդենտ կազմակերպությանը։ Ի՞նչ հարկեր են առաջանալու 2 դեպքում էլ ՀՀ ռեզիդենտ կազմակերպության մոտ։

Լևոն․

Բարև Ձեզ։ Ես նախատեսում եմ արտադրել լիկյորներ մինչև 30% թնդությամբ։ Խնդրում եմ ներկայացնել արտոնագրի ստացման ընթացակարգի մանրամասները։ Մասնավորապես, ինձ հետաքրքրում են հետևյալ հարցերը․

• Ի՞նչ փաստաթղթեր են անհրաժեշտ ներկայացնելու համար
• Որքա՞ն ժամանակ է տևում արտոնագրի ստացման գործընթացը
• Որո՞նք են դիմումի համար վճարվող պետական տուրքերը
• Ի՞նչ իրավական պահանջներ պետք է պահպանվեն արտադրության ընթացքում:

Կանխավ շնորհակալ եմ տեղեկությունների համար։

Արման․

Բարև բոլորին, հարգելի հաշվապահներ, հարցս վերաբերում է Ozon – ի միջոցով ԱՁ-ի կողմից (շրջ․հարկ) արտադրանքի վաճառքին։ Խնդրում եմ ասեք՝ եթե “ապրանքի տեղափոխության բեռնագիր” է գրվում, անմիջապես հաշիվ վավերագիրն է՞լ է դուրս գրվում, թե՞ պետք է պատվերը հաստատվի գնորդի կողմից, և գումարը նստի ԱՁ-ի հաշվին, նոր հետո հաշիվ գրվի, և որպես արտադրանք եռամսյակային հաշվետվության մեջ 3,5%։ Ռուբլիով հաստատված գործարքի գինը արտահայտել նախորդ օրվա կուրսով, թե՞ ինչքան գումար կնստի ԱՁ-ի հաշվին ըստ այդմ։ Պե՞տք է ռուբլիով հաշիվ բացել բանկում։ Շատ շնորհակալ կլինեմ մանրամասնելու համար։

Անի․

Բարև Ձեզ։ Եթե շրջհարկով աշխատող ԱՁ- ն ապրանքը գնում է Չինաստանից և վաճառում Ռուսաստանում․

1. Ի՞նչ հաշիվներ պիտի գրվեն Wildberries – ին,
2. Ի՞նչ ամսաթվով, եթե վաճառքի մասին նախապես չենք կարող իմանալ
3. Ո՞ր արժեքով` վաճառքի, թե՞ Wildberries – ի փոխանցած գումարի
4. Ի՞նչ հաճախականությամբ

Մարի․

Բարև Ձեզ, հարգելի հաշվապահներ։ Ինձ մոտ ԱԱՀ-ի հաշվարկի 18Ա տողում ՊԵԿ-ի ներկայացրած գումարը իր մեջ բացի ստացված հարկային հաշիվներում, հաշիվ վավերագրերում, ՀԴՄ կտրոներում ներկայացված գումարների հանրագումարից ավել գումար է ցույց տալիս։ Խնդրում եմ ասել, ՊԵԿ-ը վերոնշյալ հաշվարկային փաստաթղթերից բացի էլ ի՞նչ ձեռքբերումներ կարող է ներառել հաշվարկի 18Ա տողում։ Նախապես շնորհակալություն։

Քնարիկ․

Բարև ձեզ։ Եթե շինարարությամբ զբաղվող կազմակերպութունը ազատում է այն աշխատակցին, ում լիցենզիան օգտագործում է, ի՞նչ խնդիրներ կարող են լինել, էլ գործունեություն չի՞ կարող իրականացնել։ Եթե հնարավոր է՝ նաև տալ օրենքի հղումները։ Շնորհակալություն։

Նարե․

Բարև ձեզ։

Աշխատակիցը աշխատանքից ազատման դիմում է ներկայացրել հունիսի 30-ով։ Հունիսի 30-ը կիրակի է։ Խորհուրդ կտայի՞ք նման կերպ կազմել ազատման հրամանը․ “Հրամայում եմ 1. 2024թ․-ի հունիսի 30-ին լուծել աշխատանքային պայմանագիրը ․․․; 2. Աշխատանքային վերջին օր համարել 2024-ի հունիսի 28-ը․․․”․

Օգնության համար շնորհակալ եմ կանխավ։

Հարութ․

Հարգելի հաշվապահներ, արդյո՞ք ճիշտ է, որ շրջանառության հարկի դրույքաչափերը փոփոխվելու են։ Խնդրում եմ տրամադրել տեղեկատվություն նախատեսվող դրույքաչափերի, ինչպես նաև ժամկետների վերաբերյալ։ Շնորհակալություն։

Գոռ․

Բարև Ձեզ։ Եթե կազմակերպությունը ունի հարկային պարտավորություն, և գործունեությունը ժամանակավորապես դադարեցվում է, տնօրենը պարտավորություն կրու՞մ է։

Քրիստինե․

Բարև ձեզ։ Վարսավիրական և մատնահարդարման աթոռը վարձակալությամբ հանձնելն ինչպե՞ս է կատարվում, վարձատուն ի՞նչ հարկեր է վճարում։

Շնորհակալ եմ։

Վիգեն․

Բարև Ձեզ, ուզում եմ սոցփաթեթների, ներգնա տուրերի կազմակերպմաբ զբաղվեմ: Որ խնդրեմ կասե՞ք՝ ինչպե՞ս է կարգը համագործակցության՝ հյուրանոցներ հաճախորդներ ուղարկելու հետ կապված։

Տաթևիկ․

Հարգելի գործընկերներ, POS-ով վաճառքի համար սխալմամբ տպվել է ՀԴՄ կանխիկ կտրոն, անկանխիկի փոխարեն։ Առնչվե՞լ եք նման խնդրի հետ, և ինչպե՞ս կարող ենք ուղղել։ ՀԴՄ-ն ապաակտիվացված է։

Օլգա․

Բարև Ձեզ, հարգելի հաշվապահներ։ Խնդրում եմ ինձ օգնել։ Անցած տարվանից ես աշխատում եմ ֆրիլանս և անցկացնում եմ օնլայն հոգեբանական խորհրդատվություն։ Ստանում եմ արտասահմանից գումար քարտիս վրա։ Արդյո՞ք հարկավոր է այս տարի ներկայացնել հայտարարագիր։ Հնարավո՞ր է աշխատել որպես անհատ և ստանալ ՀՎՀՀ հարկերը վճարելու համար, թե՞ հարկավոր է բացել ԱՁ։ Ինչպե՞ս պետք է գրանցել այդ եկամուտը, և ինչպե՞ս է այն հարկվում։ Անչափ շնորհակալ կլինեմ պատասխանների համար։

Գասպար․

Բարև Ձեզ։ Ունեմ ԱՁ, որը օգտագործում եմ խանութի համար, շրջանառությունը չի գերազանցում 24 մլն-ը։ Հնարավո՞ր է օգտագործել տվյալ ԱՁ-ն այլ գործունեության համար` ստանալ աշխատավարձ այլ բնագավառում։ Եթե այո, ապա խանութը դուրս կգա՞ միկրոյից ու կհարկվի շրջանառությունի՞ց։