Կիմա.

Բարև Ձեզ, հարգելի մասնագետներ։ Օպերատորը աշխատում է 2 դպրոցում, 2֊էլ 0,75 դրույքով։ Հարցս հետևյալն է՝ աշխատաժամանակի հաշվառման տեղեկագրի մեջ պետք է գրվի օրական 6ժամ, թե՞ 4ժամ։ Շնորհակալություն։

Անի.

Բարև Ձեզ։ Այժմ գտնվում եմ ժամանակավոր անաշխատունակության արձակուրդում՝ երեխայի ծնվելու կապակցությամբ (հետծննդյան`երկրորդ 70 օրվա շրջանում): Ցանկանում եմ իմանալ՝ այս երկրորդ 70 օրը լրանալուն պես, եթե աշխատանքի գնամ, չվերցնեմ խնամքի արձակուրդ, ունենալու՞ եմ որևէ արտոնություն աշխատավայրում՝ աշխատաժամանակի և ընդմիջման ժամերի հետ կապված։ Նշեմ, որ աշխատում եմ շաբաթական 22 ժամ աշխատաժամանակով։ Շնորհակալություն։

Իրինա.

Հարգելի հաշվապահներ, ֆիզարձակուրդում գտնվող աշխատակցին մարտի 8-ի կապակցությամբ պարգևավճար հատկացվու՞մ է, թե՝ ոչ: Նախապես շնորհակալություն։

Նարինե.

Կազմակերպությունը ծրագրեր է գրում արտասահմանի գործընկերոջ համար /ծառայությունների մատուցում/ նախորդ ամսվա համար: Պետք է դուրս գրվի նաև հաշիվ մեր ինվոյսինգով: Կարող եք ասել՝ ո՞ր օրվա կուրսով պետք է այն դուրգրվի։

Լուսի.

Բարև Ձեզ։ ԱՁ-ն, որն ունի գեղեցկության սրահ, աշխատում է միկրոյով, կարո՞ղ է արդյոք ծառայությունների մատուցման հաշվարկային հաշիվ դուրս գրել՝ պրակտիկայի անցկացում:
Եվ ես մեկ հարց՝ ՀՀ լիցենզավորման օրենքի համաձայն, եթե գեցեկության սրահը ունի կոսմետոլոգիական ծառայություն և կատարում է միայն էլոս մազահեռացում, ներարկումներ, մեզոթերապիա և նմանատիպ այլ ծառայություններ չի մատուցում, անհրաժե՞շտ է արդյոք լիցենզիա հանել։

Էլեն.

Բարև Ձեզ։
Ցանկանում եմ գյուղական համայնքում տարածք վարձակալել և խմորեղենի արտադրությամբ զբաղվել: Կասե՞ք՝ կհամարվի դա միկրոձեռնարկություն: Եթե ոչ, ապա ի՞նչ հարկատեսակով կհարկվի և քանի՞ տոկոս:

Արա.

Բարև ձեզ, հարգելի հաշվապահներ։ Ֆինանսական արդյունքի մասին հաշվետվություն կազմելուց նախորդ տարվա համար վճարված շահութահարկի գումարը “Այլ ծախսեր” բաժնով նվազեցվու՞մ է, թե՞ ոչ։

Լիլիթ.

Բարև բոլորին։ Ինձ ո՞վ կարող է բացատրել՝ ինչու՞ են ծախսերը (7-րդ դաս) ակտիվ, իսկ եկամուտը՝ պասիվ: Եկամուտը քանի որ ավելացնում է սեփական կապիտալը։

Նանե.

Բարև Ձեզ։ Եթե կազմակերպությունը գնել է բեռնատար ավտոմեքենա, այն շահագործման է հանձնել, հաշվարկել է մաշվածություն, և մի քանի ամիս անց վաճառել է ֆիզ. անձի՝ գնման գնից կրկնակի էժան, սակայն կատարել է շուկայական գնահատում, և շուկայական գնահատման արժեքից բարձր է եղել վաճառքի գինը։ Այս դեպքում ձեռքբերման և վաճառքի գների տարբերության ԱԱՀ պե՞տք է հաշվանցումից նվազեցնեմ, թե՞ ոչ։

Քնարիկ.

Բարև բոլորին։ Մի բան խնդրեմ ասեք՝ աշխատողի գրանցման հայտում աշխատանքային պայմանագիրը ավարտ են գրում ու նույն հայտում սարքում քաղիրավ։ Էս դեպքում վերջնահաշվարկի կարիք կլինի, թե՞ չէ։

Արմեն.

Բարև Ձեզ։ Կազմակերպությունը ստացել է լիզինգով սարքավորում՝ 3 000 000 ՀՀ դրամով, և յուրաքանչյուր ամիս լիզինգը դուրս է գրում հաշիվ՝ վարձավճար – 110 000, տոկոսագումար – 22000։ Խնդրում եմ օգնեք ձևակերպել ձեռք բերելուց սկսած։ Շնորհակալություն։

Շուշանիկ.

Բարև ձեզ: Հարցս հետևյալն է՝ եթե ՏՏ ոլորտի ընկերությունն ունի հավաստագիր, նա միայն վճարելու է 10 տոկոս եկամտային, թե՞ նաև հասույթից հարկեր էլ է վճարելու՝ շրջանառության հարկ կամ ԱԱՀ։ Կանխավ շնորհակալություն։

Ընկերություն՝ Ալֆա-Ֆարմ ՓԲԸ
Հասցե՝ ՀՀ ք.Երևան, Շիրակի 1/68
Հեռախոս՝ 374 11 700 500
Էլ․ փոստ՝ career շնիկ alfapharm.am
Թափուր աշխատատեղ՝ Արտադրության հաշվապահ
Աշխատանքի նկարագրություն՝ «Ալֆա-Ֆարմ» ընկերությունը փնտրում է հետևողական և ճշտապահ հաշվապահի, ով մասնակցելու է Ընկերության արտադրական գործընթացի հաշվապահական հաշվառման վարման աշխատանքներին:

Աշխատանքային պարտականություններ․
• Հաշվարկել և ձևակերպել արտադրության ինքնարժեքը,
• Վերահսկել արտադրական բուն պրոցեսը (արտադրական նորմաների փաստաթղթավորում, փաստացի ծախսումների, կորուստների և շեղումների վերլուծություն),
• Հաշվառել ապրանքանյութական արժեքները և պատրաստի արտադրանքը, ինչպես նաև դրանց շարժի հետ կապված գործառնություններն արտացոլել հաշվապահական հաշվառման մեջ,
• Մասնակցել ֆինանսական վերլուծություններին և արտադրական պլանավորման գործընթացին, վերահսկել արտադրական ծախսերը,
• Մասնակցել Ընկերության գույքագրման աշխատանքներին,
• Իրականացնել հիմնական միջոցների հաշվառում, ծախսերի ընթացիկ և կապիտալի դասակուգում,
• Կազմել անհրաժեշտ հաշվետվություններ,
• Իրականացնել այլ հաշվապահական գործառույթներ։
Պահանջներ․
• Հաշվապահական, ֆինանսական կամ մաթեմատիկական կրթություն,
• Արտադրական ձեռնարկություններում մասնագիտական աշխատանքային փորձի առկայությունը կդիտվի որպես առավելություն,
• Հաշվապահական ստանդարտների իմացություն,
• ՀԾ և 1C հաշվապահական ծրագրերի, Microsoft Office-ի իմացություն,
• Հաղորդակցման հմտություններ և թիմային մտածելակերպ,
• Համակարգվածություն, ուշադրություն և պատասխանատվություն,
• Ժամանակի պլանավորման և վերջնաժամկետների պահպանման կարողություն։

«Կոնվերս Բանկ» ՓԲԸ հայտարարում է բաց ընթացակարգով մրցույթ` վճարային տերմինալների ձեռքբերման մատակարար կազմակերպություն ընտրելու նպատակով:

Կից փաստաթղթեր․

• Հրավեր

Սոնա․

Հարգելի հաշվապահներ։ Կազմակերպությունը աշխատում է ընդհանուր հարկման դաշտում և կառուցապատող է: Շինանարական կազմակերպության հետ ունի պայմանագիր, որպեսզի կատարի բոլոր շինարարական գործունեությունը։ Երբ կառուցապատողը վաճառի այդ շինությունը արդյո՞ք առաջանում է եկամտային հարկ 20%՝ համաձայն 150 հոդվածի 11 կետի։

Վաչագան.

Բարև Ձեզ։ Ինձ արտոնյալ պայմաններով կենսաթոշակի անցնելու մասին գործատուի տված տեղեկանքի ձև կարո՞ղ եք տրամադրել, խոսքը վերաբերում է ձեռքով էլեկտրաեռակցողի՝ 23200000-19906 ծածկագրի մասին։

Соня Бадикян․

Բարև Ձեզ։ Եթե նախորդ հաշվետու տարում շրջանառությունը գերազանցել է 58.3 մլն դրամը, ապա ապրանքի անվանումը ՀԴՄ կտրոնի վրա պարտադի՞ր պետք է գրվի, անկախ իրավական տեսակից։

Գայանե․

Բարև Ձեզ։ Կասե՞ք խնդրեմ՝ եթե ֆիզ․ անձը ծառայություն է մատուցել կազմակերպությանը, ինչքա՞ն եկամտային հարկ պետք է վճարվի, և եկամտային հաշվետվության 2-րդ բաժնում ո՞ր կոդի տակ պետք է լրացվի։ Կանխավ շնորհակալություն։

Արման․

Բարև ձեզ, ի՞նչ հարկով կհարկվի “սուշի բար” սննդի կետ-առաքում ծառայությունը։

Ընկերություն` Էլ Քոնսալթ ՍՊԸ
Հասցե` Հրաչյա Քոչար 4
Հեռախոս` 094471217
Էլ․ փոստ` elizmarkaryan18 շնիկ mail.ru
Թափուր աշխատատեղ՝ Հաշվապահ
Աշխատանքի նկարագրություն՝
-Հաշվապահական փաստաթղթերի պատրաստում
-Հաշվապահական ձևակերպումների կատարում ՀԾ հաշվապահ ծրագրով
-շինարարության ոլորտի հաշվապահական գործարքների և գործառնությունների իրականացում
-բանկային փոխանցումների կատարում
-հաշվապահական և հարկային հաշվետվությունների պատրաստում և ներկայացում
Պահանջներ՝ հաշվապահի աշխատանքային փորձ (շինարարության ոլորտի փորձը կդիտվի որպես գերակա առավելութուն)
կենտրոնանալու և հարցերին արագ լուծումներ տալու հմտություն
աշխատանքային էթիկայի պահպանում
Աշխատավարձ՝ 150 000 – 250 000 նախնական

Լուսինե.

Բարև Ձեզ։ Խնդրում եմ ասել՝ եթե աշխատողը գտնվում է ֆիզ․ արձակուրդում և 2 տարին լրանում է, քանի՞ աշխատանքային/օրացույցային օր առաջ/հետո կարող է տեղյակ պահել տնօրենին վերդառնալու, ևս 1 տարի անվճար արձակուրդ վերցնելու կամ աշխատանքից դուրս գալու մասին։

Էլինա.

Հարգելի հաշվապահներ, խնդրում եմ օգնեք հետևյալ հարցում.
կազմակերպությունը ստացել է գովազդային ծառայություն ոչ ռեզիդենտից 3 000 դոլարի չափով։ Ծառայության արժեքը չի ներառել ոչ ռեզիդենտի շահութահարկը։ Այսպիսով 3 000 փոխանցվել է ծառայության դիմաց, իսկ ինքնահաշիվը դուրս է գրվել 3 600 *488,77փոխարժեք + ԱԱՀ։ Խնդրում եմ ուղղել/մեկնաբանել ձևակերպումները։
Ծառայության պարտքի ձևավորում
Դտ 712- 1 759 572 դր
Կտ 521- $3600
Վճարում
Դտ 521 – $3000
Կտ- 253- $3000
ԱԱՀ
Դտ 261- 351 914,4 դր
Կտ 5243 – 351 914,4 դր
Դտ 226- 351 914,4 դր
Կտ 261- 351 914,4 դր
Եվ հարցը՝ ինչպե՞ս նկարագրել ոչ ռեզիդենտի շահ. հարկը
դտ 521- $ 600
կտ 5241 – $600* վճարման օրվա փոխարժեք, 521 -524 թղթակցությունը նկարագրված չէ հաշվային պլանում, բայց հանդիպում եմ այս կայքում՝ մեկնաբանություններերում,
թե՞ դտ- 521- $ 600
կտ 542- $ 600 *վճարման օրվա փոխարժեք։
Կանխավ շնորհակալ եմ օգնության համար։

Հայկ.

Բարև Ձեզ: Եթե 01.04.2022թ-ից սկսած աշխատողի աշխատանքային գործառույթներին նոր գործառույթներ ենք ավելացրել, ըստ այդմ պաշտոնի անվանումը փոխվել է, ապա գրանցման հայտում ե՞րբ պետք է այդ փոփոխությունը կատարվեր: Արդյո՞ք խախտում կլինի, եթե հիմա անեմ նշված փոփոխությունը: Շնորհակալություն

Մարիաննա.

Բարև ձեզ, հարգելի հաշվապահներ։ Խնդրում եմ կասեք՝ նոր օրենք ընդունվե՞լ է, որ Ա/Ձ և ՍՊԸ ՀԴՄ բոլոր տպվող կտրոնների վրա պետք է գրի վաճառվող ապրանքի անունը։ Կանխավ շնորհակալություն։

Լիլիթ.

Բարև ձեզ: Աշխատանքից ազատման դիմումը գրել եմ 10.05.2022-ին, ինձ ամբողջովին ազատել են աշխատանքային պարտականություններից, բայց գրանցումից հանելու են 10.06.2022-ին, հիմա ես փորձում եմ մեկ այլ տեղ աշխատանքի ընդունվել, բայց այդտեղի գրանցումը ինձ խանգարում է։ Դիմել եմ իրենց շուտ հեռացման համար, բայց ինձ մերժել են, ինչպե՞ս կարող եմ շահերս պաշտպանել։

Էլեն.

Բարև Ձեզ, հարգելի հաշվապահներ։ Աշխատողը գտնվել է մինչև երեք տարեկան երեխայի խնամքի արձակուրդում, աշխատողը վերադարձել է արձակուրդից, taxservice-ում ավարտի ամսաթիվը նախապես նշված է եղել։ Ուզում եմ հասկանալ՝ հարկայինի կայքում որևէ՞ փոփոխություն արվում է, թե՞ ավարտի ամսաթիվը հիմք է հանդիսանում։

Նունե.

Բարև ձեզ։ Խնդրում եմ կասեք՝ ԱՄՆ դեսպանատանը հաշիվ գրելիս ո՞ր օրենքով կամ հոդվածով ենք կիրառում 0֊ական դրույքաչափ։

Նարինե.

Բարև Ձեզ: Տնօրենը օտարերկրացի է: Կազ-նը բացվել է 2021 թ. դեկտեմբերին: Տնօրենը արդեն ստացել է կացության կարգավիճակ /ապրիլին/: Ցանկանում եմ պարզել` 1. պե՞տք է ներկայացնելգրանցման հայտ։ 2. Ի՞նչ ամսաթվով։

Մարինե.

Բարև Ձեզ, հարգելի հաշվապահներ:
Եթե մարդ ընդունվել է աշխատանքի 2021 թվականի մարտի 25-ին: Աշխատանքից ազատվում է 2022թվականի մայիսի 16-ից: 25.03.2021-25.03.2022թթ. ընկած ժամանակահատվածի համար չի գնացել ամենամյա արձակուրդի: Աշխատանքից ազատվելիս՝հրամանի ձևակերպումը ո՞նց ճիշտ գրեմ՝ կատարել վերջնահաշվարկ 25.03.2021-25.03.2022թթ. ժամանակահատվածի համար՝ չօգտագործված ամենամյա արձակուրդի համար 20(քսան) աշխատանքային օրով և 25.03.2022թ.-ի ժամանակահատվածից մինչև 2022թվականի մայիսի 16-ն ընկած ժամանակահատվածի համար: Հրամաննի ձևակերպումը ճի՞շտ է, եթե սենց ձևակերպեմ: Կանխավ շնորհակալություն:

Ամալի.

Հարգելի մասնագետներ,

Խնդրում եմ, պատասխանեք հետևյալ հարցերին.
1. Կրտսեր երեխայիս երկուսը լրանալուց հետո մինչև երեք տարեկան ժամանակահատվածը արձակուրդում գտնվելը ստաժ համարվու՞մ է, թե՞ ոչ։ Կրտսեր երեխայիս հետծննդյան արձակուրդից հետո վերադարձել եմ հիմնական աշխատանքիս, 1 տարի աշխատելուց հետո, երբ դեռ երկու տարեկանը չէր լրացել, նորից արձակուրդ եմ վերցրել մինչև երեխայիս 3 տարին լրանալը։ Տվյալ հաստատությունում հիմնական աշխատող եմ եղել 10+ տարվա ստաժով։
2. Ասպիրանտուրայում սովորելու տարիները ստաժ համարվո՞ւմ են, եթե տվյալ ժամանակահատվածում որևէ տեղ գրանցված աշխատող չէ տվյալ անձը։

Շնորհակալություն։

Աննա.

Հարգելի հաշվապահներ, եթե ՍՊԸ-ն ալիքների հեռարձակման կամ ինտերնետ ծառայություն է մատուցում ֆիզ. անձ բաժանորդների, իսկ վճարումներն ընդունում է թել-սել կամ այլ վճարային համակարգով, եկամուտը ե՞րբ և ի՞նչ փաստաթղթի հիման վրա պետք է ճանաչել։ Ու եթե մինչ այժմ վճարը ստացել ենք կանխիկ և միանգամից ճանաչել հասույթ (դտ 2511, կտ6114), արդյո՞ք դա սխալ չի։ Թե՞ պետք էր յուրաքանչյուր ամիս բաժանորդների քանակով դեբիտորական պարտք ձևակերպել, հետո նոր ցույց տալ վճարումը։ Շնորհակալ կլինեմ, եթե արձագանքեք։

Ելենա.

Բարև ձեզ։ Եթե ՍՊԸ-ն վճարել է շահաբաժինը 2022թ. մարտին (2021թ. արդյունքներով), 165 ձևը պետք է լրացնի 2021թ.-ի՞ն, թե՞ 2022թ.-ին:

Սյուզան.

Բարև Ձեզ: ՀՎՀՀ հապավման համարժեք տարբերակը անգլերենով կարո՞ղ եք ասել: Նախապես շնորհակալ եմ:

Նելլի․

Բարև ձեզ, հարգելի հաշվապահներ: Խնդրում եմ օգնել․ պետք է գրեմ ինքնահաշիվ, ինվոյսի արժեքին գումարու՞մ եմ 20% ԱԱՀ, թե՞ հենց ինվոյսի արժեքի մեջ ներառված է ԱԱՀ-ն, շնորհակալություն։

Sofa.

Բարև Ձեզ, ներեցեք մի հարց․ հունիսի 1-ից պարտադի՞ր է լինելու բոլոր հանրային սննդի ԱՁ-ներին, որ չեկը խփեն ապրանքային ցանկով՝ ապրանքները նշված, շնորհակալ եմ նախապես։

Միլենա․

Բարև ձեզ, հարգելի հաշվապահներ։ Մի հարց ունեմ․ գեղեցկության սրահը աշխատում է միկրոյով։ Պատահմամբ 1 000 000 դրամ արժողությամբ ՀԴՄ կտրոն են տպել։ Հարկայինից ասեցին՝ հետվերադարձ կատարեք, եթե կտրոնը կա։ Խնդրում եմ կասե՞ք՝ ինչպե՞ս պետք է հետվերադարձ անեմ։ Կանխավ շնորհակալություն։

Մելինե․

Բարև Ձեզ։ Փաստաբանական ծառայություններ մատուցող ԱՁ-ն ի՞նչ հաշվետվություններ պետք է ներկայացնի և ե՞րբ։ Գործունեությունը նոր է սկսվում, ինքնուրույն հնարավո՞ր է գլուխ հանել։

Արփի․

Բարև ձեզ։ Խնդրում եմ նշել՝ կարո՞ղ ենք և չի՞ հակասում ԱՕ-ին Աշխատանքային պայմանագրում սահմանել 24-ժամյա հերթափոխով գրաֆիկ՝ հաջորդող 48 ժամ հանգիստ, եթե աշխատակիցը չի ներառվում ԱՕ 139 հոդվածի 4-րդ կետում ներառված առանձին կատեգորիայի աշխատողների ցանկում, որը սահմանում է ՀՀ կառավարությունը: Եթե այո, կարգավորող դրույթը կխնդրեի նշել:

Սուսաննա.

Բարև ձեզ։ Ասացեք, խնդրում եմ, համատեղությամբ աշխատանքի ժամաքանակը: Ճի՞շտ եմ արդյոք՝ մի գործատուի մոտ 40 ժամ, մյուսի մոտ 20 ժամ, թե՞ երկու գործատուի մոտ էլ 20 ժամ։

Մհեր.

Բարև Ձեզ։ Ես Ա/Ձ եմ բացել ամսի 21-ին, որպեսզի աշխատացնեմ ֆրեշի կետ, հետո ամսի 4-ին հարկային դաշտ եմ մտել՝ դիմում եմ տվել, բայց այդ ֆրեշի կրպակը, որ պետք է վարձակալեի, վաճառվել է։ Եվ հիամ չեմ աշխատելու ու այսօր պակելու եմ Ա/Ձ։ Ուզում եմ հասկանալ՝ ինչ մուծումներ պետք է անեմ փակելուց և քանի՞ ամսվա համար։ Հաշվապահս ասում է, որ 2 ամսվա մուծում պետք է անեմ, բայց կոպիտ ասած հարկային դաշտ մտել եմ 10 օրով։ Օգնեք հասկանամ։

Եթե քաղիրավական պայմանագրով աշխատողին աշխատանքի եմ ընդունել և մեկ այցը նշել եմ 600դր., հարկերը ներառյալ, բայց եկամտայինի հաշվետվության մեջ աշխատած ժամերի քանակ չեմ նշել, սխա՞լ է։

Արտակ.

Բարև Ձեզ։ Ո՞ր աշխատանքային ստաժն է համարվում մանկավարժական ստաժ։ Նախապես շնորհակալություն։

Ալլա.

Բարև Ձեզ: Խնդրում եմ օգնե. կազմակերպությունը ենթավարձակալությամբ վերցրած տարածքի վրա կատարել է շինարարական աշխատանքներ, իսկ ավելի կոնկրետ տարածքի ներսում ձևափոխություն, որը թույլատրված է նաև ենթավարձակալության պայմանագրով: Հարցս հետևյալն է՝ ինչպե՞ս վարվել կատարված ծախսերի հետ, և արդյո՞ք դա ծախս է համարվում, թե՞ պետք է դիտարկել որպես ակտիվ և ամորտիզացնել: Շնորհակալություն:

Նաիրա.

Բարև ձեզ, հարգելի հաշվապահներ։ Եթե բեռնափոխադրող ընկերությունը Հայաստանի նեսում փոխադրում է կատարում, բացի հաշվարկային փաստաթղթից է՞լ ինչ պետք է ունենա մոտը՝ ուղեկցող փաստաթուղթ կամ բեռնագիր։ Կօգնեք՝ ինֆորմացիա ստանամ։ Շնորհակալ եմ։

Անահիտ.

Հարգելի կոլեգաներ, Ռուսաստանից գնել եմ ապրանք: Մարտին Ռուսաստանից mail-ով ուղարկել են հաշիվ-ապրանքագիր (счет-фактура) 100 000 ռուբլու (համարժեք՝ 600 000 ՀՀ դրամ): Եվ ես վճարել եմ նույն ամսում 600 000 ՀՀ դրամ: Ապրանքս հատել է սահմանը 03.05.22-ին: Ներմուծման հայտարարագրում հարկային բազան կազմել է 800 000 ՀՀ դրամ, ԱԱՀ-ն՝ 160 000 դրամ: Ունեմ նաև 200 000 դրամ տրանսպորտային ծախս: Հարց. որքա՞ն է իմ ապրանքի ինքնարժեքը (600 000-ն եմ դիտարկելու, թե՞ 800 000-ը):

Նունե.

Պետ. ռեգիստրում միկրոձեռնարկատիրոջ ԱՁ-ն հանելուց հետո ի՞նչ պետք է արվի (մթերային խանութում տերմինալ է դրել)։

Ջուլիետա.

Բարև ձեզ։
Խնդրում եմ պարզաբանեք.
աշխատողին գործուղել են 3 օր, ՀՀ ներսում, աշխատավարձի պահպանմամբ, աշխատաժամանակի հաշվառման տեղեկագրում նշում են «գործուղում»։ Որպես աշխատած ժամեր սյունակում նշում ենք 24 ժա՞մ, թե՞ նշվում է 0։

Նորա.

Հարգելի հաշվապահներ, եթե կազմակերպությունում գործնեության ծավալների էական կրճատում էր, դրա հետևանքով առաջացել են ավելորդ հիմնական միջոցներ՝ 0-ական մնացորդային արժեքով, արդյո՞ք կարելի է դուրս գրել առանց հարկային հետևանքների։

Մայա.

Բարև Ձեզ, հարգելի հաշվապահներ։ Ա/Ձ-ն գործունեություն է իրականացնում միկրոձեռնարկատիրական հարկման դաշտում: Վարձու աշխատողի հաշվարկային աշխատավարձն է 90 000 դրամ: Հարկերը կազմում են՝ եկամտային հարկ -5 000 դրամ, սոցիալական վճար – 4 050 դրամ, դրոշմանիշային վճար – 1 500 դրամ: Որքա՞ն կկազմի աշխատակցի առձեռն վճարվելիք գումարը:

Մաշա.

Ողջույն, հարգելի հաշվապահներ։ Մարզում գործող սուպերմարկետի ներսում հնարավո՞ր է մսի բաժին (նաև ձկան վաճառք) բացել առանձին ԱՁ-ով և գործել որպես միկրոձեռնարկատիրական սուբյեկտ։ Եվ կխնդրեի, եթե հնարավոր է՝ տնտեսական գործունեության դասակարգիչը գրեիք։ Կանխավ շնորհակալ եմ։