Բարև ձեզ։
Մեկ հարց ունեմ. մայրության 140 օրվա նպաստի հաշվարկման համար հիմք հանդիսացող 12 ամիսների ընթացքում եթե եղել են բյուլետենի ամիս և արձակուրդի ամիս, հաշվարկվելու՞ է նպաստի մեջ: Կասե՞ք կարգը։ Նախապես շնորհակալ եմ։
Արմինե.
Հարգելի մասնագետներ, խնդրում եմ ինձ օգնել հետևյալ հարցում. անվտանգության աշխատակցի հետ աշխատանքային պայմանագիր կնքելիս, աշխատանքային ժամերը ինչպե՞ս ամրագրել, եթե աշխատելու է տարբեր հերթափոխային գրաֆիկներով, օրինակ՝ 2 օր ցերեկային՝ 09:00-21:00, 2 օր գիշերային՝ 21:00-09:00, կամ օրը մեջ գիշերային՝ 21:00-09:00, հաշվի առնելով այն հանգամանքը, որ 8-ժամյա աշխատակիցների համար աշխատաժամերը ամրագրելը ավելի հստակ է երևում /օրինակ՝ հնգօրյա է նշվում և շաբաթական 40 ժամ/, իսկ հերթափոխային աշխատակցինը ինչպե՞ս պարզ հասկանալի կերևա, քանի որ շաբաթական կազմելու է 36 ժամ կամ 48 ժամ: Խնդրում եմ, կարո՞ղ եք ձևակերպումը շարադրել: Կանխավ շնորհակալություն:
Նարեկ.
Հարգելի հաշվապահաներ, հարցս հետևյալն է. կազմակերպությունը պետռեգիստրում գրանցելուց հետո օրենսդրությամբ ինչքա՞ն ժամանակահատված է սահմանված կանոնադրական կապիտալը վճարելու համար։ Խնդրում եմ նաև տալ հղում օրենքից։ Կանխավ շնորհակալ եմ։
«Կոնվերս Բանկ» ՓԲԸ հայտարարում է բաց ընթացակարգով մրցույթ` վճարային տերմինալների ձեռքբերման մատակարար կազմակերպություն ընտրելու նպատակով:
Կից փաստաթղթեր․
Անի.
Բարև ձեզ։ Կներեք, մի հարց ունեմ։
Կօգնե՞ք հասկանալ, թե ինչու չի թույլատրվում բանկային և դրամարկղային փաստաթղթերում սխալների ուղղում կատարել։
Անի.
Բարև Ձեզ:
Կասե՞ք` հացի փուռ բացելուց առաջ սանէպիդկայանի և սննդի անվտանգության հետ կապված ի՞նչ փաստաթղթեր են անհրաժեշտ և ի՞նչ ստուգումներ։
Հայկ.
Բարև Ձեզ: Շրջհարկով աշխատող ՍՊԸ-ն հիմնական միջոց (ավտոմեքենա) է վաճառել ֆիզ. անձին և դուրս է գրվել հաշիվ վավերագիր, որում ապրանքների նշանակման վայրը նշվել է գնորդի բնակության հասցեն, սակայն մոռացել ենք լրացնել մատակարարման եղանակը (պետք է նշվեր ինքնատեղափոխում): Սա որևէ խնդիր կարո՞ղ է առաջացնել: Եթե այո, ապա ինչպե՞ս ուղղել սխալը:
Անյա.
Բարև Ձեզ։ Այսպիսի հարց ունեմ. վերջնահաշվարկը պարտադիր աշխատանքային պայմանագրի լուծման օրը պետք է կատարվի, թե՞ կողմերի համաձայնությամբ հնարավոր է օր որոշել, կամ գործատուն կոնկրետ սահմանված ժամկետ ունենա փոխանցելու համար։
Արփինե.
Բարև Ձեզ։ Եթե միկրոհամակարգում աշխատող Ա/Ձ-ն ապրիլին դադար է տվել,և 01.06-ից վերսկսելու հայտ է տալու, էլ կարիք չկա չէ՞ 257 ձև ուղարկելու, 2022-ի համար արդեն տվել ենք։
Ամալյա.
Բարև Ձեզ։ Խնդրում եմ պատասխանել. ինձ նշանակել են տնօրենի ժամանակավոր պաշտոնակատար՝ ուրիշ դպրոցում, մինչև համապատասխան կարգով տնօրեն ընտրվի։ Չգիտենք ինչքան ժամանակ գործընթացը կտևի։ Իմ հետ պայմանագիրը կնքված է մինչև տնօրեն նշանակելը։ Հարց 1. դպրոցում գրել եմ դիմում՝ 30 օր չվճարվող արձակուրդ՝ ճի՞շտ եմ արել, թե՞ սխալ։ Եվ իմ աշխատատեղը պահպանվելու՞ է մինչև տնօրեն ընտրվելը։
Սաթենիկ.
Բարև Ձեզ։ Ինչպե՞ս անորոշ ժամկետով պայմանագիրը դարձնել որոշակի, եթե աշխատողի կենսաթոշակային 63 տարին լրանում է։
Գևորգ․
Հարգելի հաշվապահներ,
ԱՁ-ն տրամադրում է ծառայություն արտասահմանյան կազմակերպությանը (կազմում է հաշվետվություններ) և եկամուտը ստանում է արտարժույթով։ Կազմակերպությունը յուրաքանչյուր հաշվետվության հաշվարկը իրականացնում է առանձին (օրինակ մեկ օրվա ընթացքում հաստատում է 10 փաստաթուղթ, յուրաքանչյուրը 10 դոլարով), սակայն գումարը փոխանցում է անձի էլեկտրոնային հաշվին ամսվա վերջում։
Արդյո՞ք հաշվարկային փաստաթուղթը պետք է դուրս գրել յուրաքանչյուր հաստատման համար, թե՞ հնարավոր է այն դուրս գրել մեկ անգամ (գումարի փոխանցման օրը):
Օֆելյա․
Բարև ձեզ։ Ցանկանում եմ իմանալ՝ ՌԴ-ից հեղուկ գազի ներմուծման դեպքում ի՞նչ հարկ պետք է վճարել (Շահութահարկ, ԱԱՀ) և ինչպե՞ս է դա հաշվարկվում։ Նախապես շնորհակալություն։
Ռուբ․
Բարև ձեզ։
1.եթե ընկերությունը իրեն պատկանող ապրանքը մի մարզից տեղափոխում է մեկ այլ մարզ, սակայն վաճառք տալու ժամանակ հաշվարկային փաստաթղթի մեջ “վայրը որտեղից ապրանքները առաքվել են” տողում գրում է այն վայրը, որտեղից տրվել էր ապրանքի տեղափոխում, կարո՞ղ է սխալ դիտարկվել։ Նշեմ, որ կախված վաճառվող ապրանքի տեսակից, ապրանքը չի տեղափոխվում այլ պահեստ կամ խանութ, պարզապես տեղափոխվում է այլ մարզ և վաճառվում ֆիզիկական անձանց։
2. Նշված ապրանքների մասով ընկերությունը դուրս է գրում հաշվարկային փաստաթղթեր, այլ ոչ թե ՀԴՄ կտրոններ, քանի որ միանվագ վաճառքի գինը մեծամասամբ անցնում է 300 000-ի շեմը։ Արդյո՞ք այստեղ կա խախտում։
Անահիտ.
Բարև Ձեզ։ Ցանկանում եմ 1-ից 4-րդ դասարանի աշակերտների հանար դասապատրաստման կենտրոն բացել։ Կասեք՝ ի՞նչ փաստաթղթեր են անհրաժեշտ, որտե՞ղ պետք է դիմեմ, և արդյո՞ք լիցենզիավորում պետք է։
Կարինե.
Աշխատողը աշխատանքային պայմանագիրը լուծելու դիմում է ներկայացրել՝ ուրբաթ օրը՝ առանց պայմանագրի լուծման օրը նշելու։ Բանավոր տեղեկացմամբ հաջորդ երկուշաբթի աշխատողը չի ներկայանալու աշխատանքի, քանի որ նույն երկուշաբթի օրը աշխատանքային պայմանագիր է կնքել այլ գործատուի հետ։ Նախկին գործատուի կողմից դիմումին ընթացք չի տրվել, փոխարենը բացակայություններ են ամրագրվում։ Դիմումի առկայության պարագայում գործատուն որքա՞ն բացակա իրավունք ունի դնելու և որո՞նք են աշխատողի իրավունքներն այս դեպքում։
Լուիզա.
Բարև ձեզ։ Ամառային դպրոց եմ ցանկանում բացել, ինձ ասացին, որ գործունեությունը պետք է լինի ինքնավար: Խնդրում եմ բացատրել՝ ին՞չ է դա նշանակում:
Ընկերություն` Էլ Քոնսալթ ՍՊԸ
Հասցե` Հրաչյա Քոչար 4
Հեռախոս` 094471217
Էլ․ փոստ` elizmarkaryan18 շնիկ mail.ru
Թափուր աշխատատեղ՝ Հաշվապահ շինարարության ոլորտում
Աշխատանքի նկարագրություն՝ Հաշվապահության վարում շինարարական կազմակերպություն
Պահանջներ՝
Հարկային օրենսգրքի իմացություն։
Շինարարության ոլորտում աշխատանքային փորձը կդիտվի որպես առավելություն։
Աշխատավարձ՝ 150 000 – 250 000 ՀՀ դրամ
Այլ նշումներ՝ 6-օրյա աշխատանքային գրաֆիկ
Աննա.
Հարգելի ընկերներ, շնորհակալ կլինեմ, եթե օգնեք։ Կազմակորպությունը զբաղվելու է ինտերնետ հաղորդակցության ծառայության մատուցմամբ։ Որպես ներդրում հիմնադիրներից ստացվել է օպտիկական մալուխ՝ 5 կմ, որի 1 կմ֊ի արժեքը մոտ 80 000 դրամ է, օպտիկայի բաժանարարների մեկ հատի արժեքը 1 մլն դրամ է և տարբեր այլ ցածր արժեքային սարքավորումներ, վայֆայ սարքեր, որոնց միջոցով պետք է ատեղծվի օպտիկամալուխային ցանց, որը մեր ՍՊԸ֊ի համար հանդիսանալու է հիմնական միջոց, օգտակար ծառայութբան ժամկետը մոտ 50 տարի։
Հիմա հարցս. ինչպե՞ս պետք է ձևակերպել այս ամենը, կրեդիտում հասկանում եմ 311, իսկ դեբե՞տը։ Ինչպե՞ս ձևակերպել ցանցի ստեղծում` որպես կազմակերպության ներսում ստեղծվո՞ղ ՀՄ, և այդ բարձր արժեքով սարքավորումները, որոնք իրենք էլ կարող են հանդիսանալ ՀՄ, ինչպե՞ս ներառել ընդհանուր ցանցի ստեղծման մեջ։ Շնորհակալ կլինեմ, եթե օգնեք։
Արաքսյա.
Աշխատողի հետ ժամանակավոր կնքված պայմանագիրը ավարտվում է հունիսի 1-ին, ե՞րբ պետք է վճարեմ վերջնահաշվարկը՝ մայիսի 31-ի՞ն։
Աննա.
Անշարժ գույքի գործակալությունը ի՞նչ հարկատեսակով է հարկվում: Կարո՞ղ է արդյոք անշարժ գույքի գործակալությունը համարվել միկրոձեռնարկատիրության սուբյեկտ։
Անի.
Բարև բոլորին։ Եթե նոր բացել ենք կազմակերպություն՝ ինչպե՞ս պետք է գրանցվել taxservice և e_invoicing համակարգում։
Շուշան.
Արդյո՞ք երկու ռեզիդենտ կազմակերպություններ իրավունք ունեն կատարել դոլարային փոխանցումներ՝ կատարված ծառայությունների կամ վաճառված ապրանքների դիմաց:
Հասմիկ.
Բարև Ձեզ։ Հարցս հետևյալն է. եթե մայիսի 28-ը տոն է և ոչ աշխատանքային օր, ապա աշխատանքի հրամանի դեպքում ինչպե՞ս է վարձատրվում, և եթե հնարավոր է հղում կուղարկե՞ք՝ որտեղից կարող եմ կարդալ։
Հասմիկ.
Բարև ձեզ։ Կասեք՝ քանի՞ օր է տրվում ՀԴՄ ակտի գումարը մուծելու համար և ակտի գումարը քանի՞ օր հետո է ուղարկվում ԴԱՀԿ։ Նախորոք շնորհակալ եմ։
Ռուզաննա.
Արևային վահանակների ձեռքբերման համար վերցրած վարկի տոկոսները շահութահարկով ծախս համարվու՞մ են, թե՞ ոչ։ Եվ նույն վահանակների ամորտիզացիան ծախս համարվու՞մ է շահութահարկով։
Հայկ.
Բարև Ձեզ: Աշխատողն ընդունվել է աշխատանքի 01.11.2021թ., աշխատել է մինչև մայիսի 19-ը, մայիսի 20-ից գնացել է արձակուրդ 20 աշխ. օր: Հիմա դիմում է գրել արձակուրդից անմիջապես հետո ազատվելու համար, որը լրանում է հունիսի 15-ին: Հիմա նա վերջնահաշվարկ ունի՞ ստանալու, երբ ստացել է ամբողջ արձակուրդային գումարը: Նախապես շնորհակալություն։
2022 թվականի հուլիսի 1-ից մինչև 2023 թվականի հուլիսի 1-ն ընկած ժամանակահատվածում իրականացվող համալիր հարկային ստուգումների ծրագրին կարող եք ծանոթանալ հետևյալ հղումով…
Սոնա.
Բարև Ձեզ: Ցանկանում եմ տնային պայմաններում ձեռագործ պայուսակներ, տիկնիկներ պատրաստել և վաճառել համացանցով (հավանաբար ինստագրամյան էջով): Խնդրում եմ ասել. Ա/Ձ բացելուց ի՞նչ հարկեր/տուրքեր/, վճարներ պետք է վճարել և արդյո՞ք հնարավոր է ձևակերպել որպես միկրոձեռնարկություն ու դրա վճարումները ինչո՞վ են տարբերվում։ Կանխավ շնորհակալ եմ։
Լիլիթ.
Բարև ձեզ։ Կուզենայի իմանալ՝ հնարավո՞ր է ընկերությունը ժամանակավոր դադարեցնել հետին թվով։
Ռուբ.
Ողջույն բոլորին։ Ֆիրման 2020-ին աշխատել է միկրո դաշտում, սակայն ճիշտ հաշվապահություն չեն վարել, աշխատակցի գրանցման հայտում լրացվել է սխալ աշխատաժամանակ և փաստացի եկամտային հարկի հաշվետվություններն էլ սխալ են լրացվել։ Եթե և՛ գրանցման հայտում ճշտում տամ, և՛ ժամերի քանակում, և՛ վճարված գումարում դա սխալ կդիտարկվի՞, կարո՞ղ են լուրջ խնդիրներ առաջանալ, թե եթե ճշտում տամ կատարեմ հարկերի վճարում, խնդիր չի առաջանա։
Գրիգոր.
Բարև Ձեզ: Միկրոձեռնարկատիրության սուբյեկտ համարվող համակարգչային դասընթացներ իրականացնող ֆիզիկական անձը ո՞ր դեպքում կարող է ՀԴՄ չունենալ: Խնդրում եմ պատասխանելու դեպքում, եթե հնարավոր է, օրենքի հղում ուղարկել: Շնորհակալություն:
Արա.
Հարգելի հաշվապահներ, 1. ընկերության բանկային հաշվին ամեն ամսվա կտրվածքով բանկի կողմից հաշվարկվում և ավելանում է դրական մնացորդի նկատմամբ կիրառվող տարեկան տոկոսադրույք։ Դա ընդհանուր հարկման համակարգում գործող ընկերության համար հարկման ենթակա եկամուտ հանդիսանու՞մ է, թե՞ ոչ։ 2. Հաշվեհամարը սպասարկող բանկը գանձում է օնլայն բանկինգի սպասարկման վճար և կանխիկացումներից միջնորդավճար։ Դա որպես նվազեցում կարո՞ղ ենք դիտարկել։ 3. Ընկերությունը իր AMD հաշվեհամարից USD հաշվեհամար մուտք է արել գումար, սակայն փոխարժեքի տատանումից վնաս է ունեցել, այդ դեպքում պետք է ձևակերպել 714 հաշվով և դա տալ նվազեցում, թե՞ 725-ով և չնվազեցնել։
Եթե 👇
✅ հաշվապահ ես
✅ հաշվետար ես
✅ աուդիտոր ես
✅ ֆինանսիստ ես
💼 և փնտրում ես աշխատանք,
👉 ծանոթացի՛ր Accountant.am կայքում հրապարակված հայտարարություններին այս հղումով…
Արտակ.
Բարև Ձեզ։ Կազմակերպությունը ստացել է շինարարության լիցենզիա։ Ինչպե՞ս հաշվապահորեն արտացոլեմ վճարումը և ամորտիզացիան։
Սոնա.
Բարև Ձեզ: Հարցս հետևյալն է. կազմակերպությունը կարո՞ղ է աշխատանքից ազատել մի ամբողջ բաժնի աշխատակիցներին, մոտավորապես՝ 30 աշխատակից։ Եվ եթե կարող է, ապա կասեք՝ ի՞նչ հոդվածով և ի՞նչ գործողություններ են պարտադիր կիրառել։
Սուրեն.
Հարգելի հաշվապահներ, 2021 թվականին գրանցել եմ անհատ ձեռնարկատեր և գործել եմ միկրոձեռնարկության հարկման դաշտում՝ մանրածախ առևտրի ոլորտում: 2022 թվականի մայիսի 24-ին ստացել եմ ծանուցում՝ պետեկամուտների կոմիտեից, այն մասին, որ համաձայն օրենսգրքի 267-րդ հոդվածի 5-րդ մասի 10-րդ կետի 2021 թվականից չեմ համարվել միկրոձեռնարկատիրության սուբյեկտ և առաջարկել են ներկայացնել 2021 թվականի, ինչպես նաև 2022 թվականի առաջին եռամսյակի ԱԱՀ հաշվարկներ: Խնդրում եմ պարզաբանեք՝ տվյալ ժամանակահատվածի համար ես պե՞տք է նաև վճարեմ օրենսգրքի 125-րդ հոդվածի 3 մասով սահմանված շահութահարկը՝ 5000 դրամի չափով, և նույն ժամանակահատվածի համար սահմանված պարտադիր կուտակայինի դրույքաչա՞փը:
Աստղիկ.
Բարև Ձեզ, հարգելի մասնագետներ: Մի հետաքրքիր հարց եմ բերել։
Քաղաքացին, ով պատրաստվում է աշխատել անասնապահ, տառաճանաչ չէ, չգիտի գրել, կարդալ, ինչպե՞ս ծանոթացնել վերջինիս իր պայմանագրի հետ, ինչպե՞ս թույլ տալ որ վերջինս ստորագրի (ստորագրություն ունի), որ վավեր լինի։ Կանխավ շնորհակալություն
Խնդրում ասեք՝ տվյալ պարագայում ի՞նչ երաշխիքներ կան։
Հարգելի Գործընկեր,
Սույնով տեղեկացնում ենք, որ “19”-ը մայիսի, 2022թ.-ին հայտարարված “Կոնվերս Բանկ” ՓԲԸ վճարային տերմինալների ձեռքբերման բաց ընթացակարգով մրցույթը (այսուհետ՝ Մրցույթ) հայտարարվել է չեղյալ՝ հիմք ընդունելով, որ Մրցույթի տեխնիկական առաջադրանքը ենթարկվել է փոփոխության:
Բանկի կողմից կհայտարարվի նոր մրցույթ՝ նոր տեխնիկական առաջադրանքով: Ակնկալում ենք Ձեր մասնակցությունը նոր հայտարարվելիք մրցույթին:
Ռուբ.
Բարև Ձեզ, հարգելի հաշվապահներ։ Եթե ընկերությունն ունի շահութահարկից չնվազեցվող ծախսեր (չհիմնավորված գնում, արտարժույթի փոխանակումից կրած վնաս և հարկերի ուշ վճարման համար հաշվարկված տույժ), ապա ինչպե՞ս պետք է տրվեն հաշավապահական ձևակերպումները, որպեսզի ստանամ ճիշտ հաշվեկշիռ։
Մարինե.
Բարև, հարգելի հաշվապահներ: Եթե աշխատակիցը ազատվում է աշխատանքից 2022 թվականի մայիսի 16-ից, կարո՞ղ ենք նրան տալ պարգևատրում մայիսի 31-ին: Կարո՞ղ ենք տալ պարգևատրման հրաման, որի մեջ ներառված լինի ազատվող աշխատակցի անունը, և հրամանը գրանցվի մայիսի 31-ին: Կանխավ շնորհակալություն:
Աննա.
Բարև Ձեզ։ Ինձ կասեք՝ Ղասախստանում գրանցված կազմակերպությունը կարո՞ղ է ՀՀ-ում լիզինգ ծառայությունից օգտվել և, եթե ոչ, կա՞ արդյոք օրենքի հղում։
Նվարդ.
Բարև Ձեզ: Ես ունեմ Ա/Ձ, որը զբաղվում է նկարչության դասավանդմամբ: Ինչպե՞ս է ճիշտ իրականացնել վճարումը, ՀԴՄ-ի առկայությունը պարտադի՞ր է:
Բարև Զեզ։ Եթե աշխատակիցը գտնվում է ֆիզարձակուրդում, 2 տարին նպաստ է ստանում, երրորդ տարին նույնպես գտնվում է մայրական խնամքի արձակուրդում, այդ վերջին 1 տարին աշխատանքային ստաժ համարվու՞մ է, թե՞ չի համարվում։
Լիլիա.
Բարև ձեզ: Անընդմեջ հերթապահության ռեժիմով (24 ժամ) աշխատողը կարո՞ղ է համատեղության կարգով աշխատել այլ գործատուի մոտ և ի՞նչ պայմաններով: Կանխավ շնորհակալություն:
Դավիթ.
Խնդրում եմ պարզաբանել՝ թե ԵԱՏՄ անդամ չհանդիսացող երկրից դեպի ՀՀ ուղարկվող համակարգչային մաս՝ տեսաքարտի քանի՞ հատն է համարվում ԱՊՐԱՆՔՆԵՐԻ ԱԿՆՀԱՅՏ ԱՌԵՎՏՐԱՅԻՆ ՉԱՓԱՔԱՆԱԿ, և քանի հատը՝ ոչ, և ի՞նչ ժամանակային հաճախականությամբ։
Ապրանքի կոդ՝ 8471 80000։
Աստղիկ.
Բարև Ձեզ։ Հարգելի մասնագետներ, խնդրում եմ հուշեք՝ 04․12․2021-04․06․2022թթ աշխատանքի համար հասանելիք 12 աշխատանքային օր արձակուրդը կարելի՞ է արդյոք ձևակերպել 2022 թվականի մայիսի 26-ից։ Շնորհակալություն կանխավ։
Արփինե.
Բարև Ձեզ։ Հացաբուլկեղենի, հրուշակեղենի և կիսաֆաբրիկատների արտադրությամբ զբաղվող Ա/Ձ-ն գործում է միկրոբիզնեսի հարկման համակարգում և վաճառք է իրականցնում տեղում։ Այժմ ցանկանում է արտադրամասին կից տարածքը օգտագործել որպես վաճառակետ և արտադրանքը իրացնել այնտեղ, հնարավոր է տեղադրեն նաև 2-ից 3 սեղան տեղում սնվելու համար։ Այդ դեպքում պե՞տք է արդյոք անցնել շրջհարկի դաշտ, և այդ դեպքում հարկվելու՞ են որպես հանրային սնունդ 6%-3%, թե՞ որպես արտադրություն 3,5%: Նախապես շնորհակալ եմ։
Արմինե․
Բարև ձեզ։ Կարո՞ղ եք ուղարկել ոչ ռեզիդենտ անձի համար բանկում հաշիվ բացելու տեղեկանքի օրինակ, որտեղ նշվի, որ ոչ ռեզիդենտ անձի հետ քաղիրավական պայմանագրի համաձայն փոխանցումներ պետք է արվի համաձայն սույն հաշվի։
Աննա․
Բարև Ձեզ, հարգելի կոլեգաներ։ ԱՁ աշխատում է շրջհարկով, ՏՏ ոլորտում։ Արդյո՞ք պետք է ինքնահաշիվ դուրս գրի, մատուցման ծառայությունը ԱՄՆ է եղել և արդյո՞ք պետք է վճարել ոչ ռեզիդենտի հարկ՝ եռամսյակային կտրվածքով, և հաշվետվություն ոչ ռեզիդենտի։
Վերջին մեկնաբանություններ