Ալլա.

Հարգելիներ, եթե ՍՊԸ հունիս ամսին է բացվել՝ գրանցվել է պետռեգիստրում, բայց առայժմ գործունեություն չի ծավալել, աշխատելու է ԱԱՀ-ի դաշտում։ Պե՞տք է ներկայացվի 0-ական հաշվետվություն ԱԱՀ-ի, էլ ուրիշ ի՞նչ պետք է արվի մինչև գործունեություն ծավալելը։

Ալլա.

Բարև ձեզ։ Եթե ընկերության աշխատակիցը աշխատում է 24 ժամյա հերթափոխով, ստացվել է այնպես, որ մի հերթափոխի ընթացքում ոչ անհարգելի պատճառով մի քանի ժամ բացակայել է: Աշխատավարձի հաշվարկի ժամանակ հաշվապահը իրավունք ունի՞ այդ մի քանի ժամվա համար նրան չվճարել /նշեմ, որ աշխատավարձի ձևը ամսական ռոճիկ է սահմանված, այլ ոչ թե ժամավճար/։

Արմինե․

Բարև Ձեզ: Գիշերային հերթափոխի համար բուժզննում անցնելու համար գործատուն աշխատողին ուղեգի՞ր պետք է տա: Եվ խնդրում եմ հուշեք՝ որտեղի՞ց հստակ ինֆորմացիա վերցնեմ կաթսայատան աշխատողներին ներկայացվող պահանջների վերաբերյալ: Գազի գրասենյակից թույլտվությու՞ն է պետք։

Ընկերություն՝ Թաքս Լոու ՍՊԸ
Հասցե՝ ք,Երևան Աբովյան 31 տարածք 20
Հեռախոս՝ 093545627
Էլ․ փոստ՝ taxlawllc3@gmail.com
Թափուր աշխատատեղ՝ Գլխավոր հաշվապահ
Աշխատանքի նկարագրություն՝ «Թաքս Լոու» ընկերությանն անհրաժեշտ են հաշվապահական խմբերի ղեկավարներ՝ փորձառու հաշվապահներ։
Պահանջվող աշխատանքային փորձ՝ նվազագույնը 3 տարի
Տարիքը՝ 27-45
Անհրաժեշտ հմտություններ՝ ՀԾ Հաշվապահ 7-ի, e-invoicing, taxservice, exel trade.gov.am, tax-stamp.taxservice.am համակարգերի պարտադիր իմացություն։
Աշխատանքային օրեր և ժամեր՝ երկուշաբթի-ուրբաթ, 10:00-18:00։
Պահանջներ՝ Ծ Հաշվապահ 7-ի, e-invoicing, taxservice, exel trade.gov.am, tax-stamp.taxservice.am համակարգերի պարտադիր իմացություն
Աշխատավարձ՝ սկսած 400 հզ
Այլ նշումներ՝ Բարձրագույն կրթությունը պարտադիր է։ Համապատասխանող անձիք կարող են իրենց ինքնակենսագրականները (cv) ուղարկել taxlawllc3@gmail.com էլ․հասցեով կամ զանգահարել 077-199-818 կամ 077660588 հեռախոսահամարներով։

Գոհար.

Բարև ձեզ։ ՍՊԸ-ն բացվել է, հայտարարությունը տվել ենք շրջհարկի, բայց 1 օր անց դադարեցրել ենք։ Կասեք՝ ի՞նչ հարկային պարտավորություն կառաջանա։ Նշեմ, որ գրանցված աշխատող չունի և ֆինանսական խորհրդատվական կազմակերպություն է։

Դավիթ.

Բարև Ձեզ։ Կարող եք ասել՝ որտե՞ղ դիմեմ ներկրման լիցենզիա ստանալու համար, լիցենզիայի մասին օրենքի 43-րդ հոդվածի “առևտուր” բաժնի համաձայն՝ այդպիսի լիցենզիայի տեսակ գոյություն ունի, նաև ավտոդիլերի լիցենզիան է հետաքրքրում կամ ավտոբրոքերի:
Եթե կարո՞ղ եք՝ հասցեներն էլ կխնդրեմ նշեք։ Շնորհակալություն։

Արեն.

Բարև Ձեզ։ Կարող եք ասել՝ ՍՊԸ բացելու համար ի՞նչ քայլեր է պետք անել։ Բոլոր քայլերը արել եմ՝ օնլայն գրանցել եմ ՍՊԸ, հաշվապահ չունեմ։ Պետռեգիստրում ասացին՝ հաշվապահը պետք է ներկայացնի հարկային դիմումը միկրոձեռնարկությունում աշխատելու համար։

Բարև ձեզ: Խնդրում եմ պատասխանել հարցիս: Աշխատողին ուղարկել ենք հղիության և ծննդաբերության արձակուրդ /140 օր/: Նոր մարդ ենք ընդունել այդ ժամանակաշրջանի համար /ժամանակավոր/: Նոր աշխատողի հետ ինչպե՞ս կնքնել ժամանակավոր պայամանագիր և դա ինչպե՞ս ձևակերպել հրամանագրքում: Պատասխանեք օրենքի հղումով: Շնորհակալ եմ:

Արթուր.

ՀՀ ռեզիդենտ կազմակերպությունը ձեռք է բերում նախագիծ Եվրոպական կազմակերպությունից, այնուհետև վաճառում է Ռուսական կազմակերպությանը։ Տվյալ պարագայում ծառայության մատուցման վայրը ո՞րն է համարվում, և արդյո՞ք առաջանում է ԱԱՀ և ոչ ռեզիդենտի շահութահարկ։

Արմինե.

Բարև Ձեզ։ Ես կարո՞ղ եմ աշխատանքային պայմանագրում նշել ոչ թե ամսական՝ 95000, ինչպես միշտ եմ արել, այլ օրական։ Ինչպե՞ս անեմ, երբ աշխատանքային պայմանագրում ուզում եմ գրել օրական 4500 ՀՀ դրամ։

Վարդան.

Դիզայներական և ինժեներական աշխատանքները ո՞ր դաշտում է ավելի հարմար իրականացնել, որպես Ա/Ձ, թե՞ որպես միկրոձեռնարկություն: Եվ եթե կարելի է, հուշեք կոդը (դասակարգիչը): Շնորհակալություն։

Մելինե.

Բարև ձեզ։ Ունենք Ա/Ձ մթերային խանութ, համաձայն հուլիսի մեկից մտած օրենքի, մատակարարներից ստացված բոլոր ապրանքների դիմաց վճարումը պետք է կատարեմ փոխանցումով չէ։ Այդ դեպքում ինչու՞ են բոլոր առաքիչ-մենեջերները զարմանում և ասում, որ առաջինն եմ, ումից նման բան են լսում: Հիմա ո՞րն է ճիշտը։

Մանե.

Բարև Ձեզ։ Ներեցեք՝ կարո՞ղ եք օգնել, միկրոյով աշխատող Ա/Ձ տարեկան սոց. վճարը միասնական հաշվեհամարի՞ն է վճարում։

Կարմեն.

Բարև Ձեզ: 1 հարց ունեմ` Որպես Ա/Ձ աշխատելու եմ շրջհարկով։ POS տերմինալով վճարում ընդունելու դեպքում կարո՞ղ եմ Ա/Ձ֊ի քարտին չփոխանցել, այլ գրանցել իմ անհատական քարտին։

Սոնա.

Բարև Ձեզ։ Խնդրում եմ օգնեք հաշվարկել հղիության և ծննդաբերության արձակուրդը: Աշխատակիցն աշխատում է վեցօրյա գրաֆիկով և վերջին 12 ամսվա ընթացքում ընդհանուր եկամուտը կազմում է 1 240 640 դր.: Նաև խնդրում եմ ասեք՝ ի՞նչ պահումներ են լինելու (եկամտային, սոց. վճար, դրոշմանիշ): Նշեմ նաև, որ աշխատում է ընդհանուր հարկման դաշտի սուբյեկտ հանդիսացող կազմակերպություն։

Մարիամ.

Բարև ձեզ։ Խնդրում եմ ասեք՝ վերջնահաշվարկը ո՞վ պետք է վճարի աշխատակցին՝ պետք է նվազեցվի եկամտային հարկից, թե՞ գործատուն պետք է վճարի իր միջոցներից։ Կանխավ շնորհակալություն։

Մարգարիտա.

Բարև Ձեզ։ ԵՏՄ-ից ապրանքի վերադարձ հնարավո՞ր է՝ գնորդը ցանկանում է վերադարձնել ապրաքի մի մասը։ Եվ վերադարձի դեպքում պետք է ներկայացնել ԵՏՄ հաշվետվություննե՞ր։

Գայանե.

Բարև Ձեզ։ Միկրոյում գրանցված մատնահարդարը պետք է ֆիզ. արձակուրդ գնա՝ ո՞վ է վճարում ֆիզի գումարը և ինչպե՞ս։ Օգնեք խնդրում եմ։

Նաիրա.

Անհատ ձեռնարկատեր չհանդիսացող ֆիզիկական անձը կարո՞ղ է հանդիսանալ առևտրի իրականացման վայրի կազմակերպիչ։

Անի.

Բարև Ձեզ: Ես 7 ամսվա աշխատող եմ, ամսական մաքուր աշխատավարձս 68 000դրամ, 7 ամսվա ընթացքում պարգեվավճարի ընդանուր գումարը կազմել է 80 000 դրամ։ Խնդրում եմ հաշվարկել թե որքա՞ն կկազմի ֆիզարձակուրդի գումարը։

Աննա.

Քանի՞ ժամն է համարվում լրիվ աշխատանքային ժամ՝ 8-12ժամ, թե՞ 24, եթե միջին աշխատավարձը սահմանված է 68 000 ՀՀ դրամ։

Ընկերություն՝ ADOR Factory
Հասցե՝ Արցախի 73
Հեռախոս՝ 043611110
Էլ․ փոստ՝ hr@ador.am
Թափուր աշխատատեղ՝ 1C Օպերատոր-հաշվետար
Աշխատանքի նկարագրություն՝ Ador Factory-ն Աշխատանքի է հրավիրում 1C Օպերատոր-հաշվետարի,
Աշխատանքային պարտականություններ՝
✔ Իրականացնել արտադրության ինքնարժեքի փուլային հաշվարկում և ձևակերպում
✔ Ապրանքների մուտքագրում , պահեստի շարժի վերահսկողություն և պահեստի գույքագրում
✔ Ապառիկի ձևակերպում և պարտքերի վերահսկում
✔ Անմիջական ղեկավարի կողմից այլ հանձնարարությունների կատարում
Աշխատանքային պահանջներ`
✔ Բարձրագույն կրթություն հաշվապահության, ֆինանսների կամ հարակից այլ ոլորտներում
✔ Microsoft Office, e-invoicing, 1C (8․3) ծրագրերի պարտադիր իմացություն (հաշվապահական այլ ծրագրերի իմացությունը ցանկալի է)
✔ Մեկ տարվա աշխատանքային փորձ,
✔ Վերլուծական մտածողություն և հետևողականություն,
✔ Կարգապահություն, ուշադրություն, բարձր պատասխանատվության,

Աշխատանքային օրեր՝ երկուշաբթիից-ուրբաթ` 09։00-18։00, շաբաթ` 09:00-14:00,
Խնդրում ենք ուղարկել Ձեր CV-ին hr@ador.am էլ․ փոստի հասցեին՝ Subject դաշտում նշելով հաստիքի անվանումը:
Այլ մանրամասների համար խնդրում ենք զանգահարել՝ 043-611-110 Կազմակերպության մասին մանրամասներ կարող եք գտնել՝ https://bit.ly/2DTxo9L։
Աշխատավարձ՝ 150 000 – 200 000
Այլ նշումներ՝ Հեռ․համար՝ 043-611-110

Լիլիթ․

Բարև ձեզ։ Աշխատողը աշխատում է հունիսի 14-ից համատեղությամբ շաբաթական 10 ժամ, 5 օրյա, ամսական աշխատավարձը 40 000դ։ Օգոստոսի 3-ին գնալու է արձակուրդ։ Ինչպե՞ս պետք է որոշեմ միջին աշխատավարձը։

Անի․

Հարգելի հաշվապահներ, հիմնական աշխատակիցս ֆիզից վերադարձել է 2021 թվականի սեպտեմբերին և կրկին պետք է գնա ֆիզ, միջին ամսեկանի համար 11 ամիս է ձևավորվում։ Հաշվարկը 12 ամսվա միջինով պետք է կատարեմ, նշեմ՝ 2021 մարտ, ապրիլ ամիսներին եղել է արձակուրդ։ Միջինի 12-րդ ամսվա գումարը վերցնեմ արձակուրդի ամիսների՞, թե՞ տարիֆիկացիայի գումարը։

Անահիտ․

Բարև Ձեզ։ Կուղարկե՞ք խնդրում եմ հրամանի ձև՝ տնօրենի գործառնությունները ժամանակավոր մեկ ուրիշի կատարմամբ։

Մաշա․

Հարգելի հաշվապահներ, ֆիզ․ անձը նույն հասցեում գտնվող երկու տաղավար վարձակալության է հանձնել երկու տարբեր կազմակերպությունների։ Նշեմ, որ Ֆիզ․ անձը բացի տվյալ տարածքի սեփականատերը լինելուց նաև նույն տարածքում իրականացվող առևտրային գործունեության (սուպերմարկետ) հիմնադիր տնօրենն է (կազմակերպաիրավական տեսակը ՍՊԸ, գործում է հարկման ընդհանուր համակարգում)։ Արդյո՞ք ճիշտ էր պայմանագրերը կնքել ֆիզ. անձով։ Կանխավ շնորհակալություն։

Զարինե․

Եթե ուսուցչուհին ծննդաբերությունից հետո 3 տարվա արձակուրդը չի վերցրել, այսինքն՝ աշխատել է և անցել է 1 տարի 3 ամիս։ Հիմա է ուզում վերցնել՝ հասնու՞մ է։

Անահիտ․

Խնդրում եմ ինձ ուղարկեք ավտոպահեստամասերի դուրսգրման ակտի ձև /anait.grigoryan.1990 շնիկ mail.ru/։

Կիմա․

Բարև ձեզ, հարգելի հաշվապահներ։ Տնօրենի ժ/պ (2022թ․ հունվարի 3-ից) արձակուրդ հասնու՞մ է 25 օր, թե՞ որպես ուսուցիչ 35 օր։
Մեկ հարց ևս․ ինչպե՞ս լրացնել հետ հաշվարկի 12 ամիսները, եթե այդ ամիսները համընկնում են 2021թ․ արձակուրդի ամիսներին։ Հին արձակուրդը իրավունք ունե՞նք հաշվել նորի մեջ։
ՇՆՈՐՀԱԿԱԼՈԻԹՅՈՒՆ

Աննա․

Եթե ամուսինը գտնվում է ԴԱՀԿ ում, կարո՞ղ է կինը հիփոթեքով բնակարան վերցնել, կամ կնոջ անունով գույքի առք ու վաճառք ձևակերպվի, այսինքն՝ մեկ ուրիշը բանկում եղած իր գույքը տվյալ կնոջ անունով ձևակերպի։ Այդ դեպքում գույքի դիմաց վճարված ամսական վճարները արդյո՞ք կուղղվեն ամուսնու ԴԱՀԿ փակմանը։

Անի․

Հարգելի հաշվապահներ, մայրության նպաստի գումարը ամբողջովին պետ․ բյուջեյի հաշվի՞ն է վճարվում։ Այսինքն՝ ցանկանում էի իմանալ՝ վճարում է գործատուն, սակայն եկամտային հարկն է պակաս փոխանցու՞մ։

Ալլա․

Բարև Ձեզ։ Հարգելի հաշվապահներ, մի հարց․ եթե աշխատողը գտնվում է երեխայի խնամքի արձակուրդում և ծրագրով ավարտը նշված է 27.07.2022թ․, այդ ամիս ծրագիրը ավտոմատ պահու՞մ է 3000-ը, թե՞ ոչ։ Նշեմ նաև, որ աշխատողը 28.07 վերադառնալու է աշխատանքի։

Արմինե․

Բարև Ձեզ։ Կխնդրեմ ասել՝ արդյո՞ք պաշտոնի փոփոխության դեպքում սահմանվում է փորձաշրջան և դա նշվու՞մ է համաձայնագրում։

Լուսինե.

Ես իմ սոց. քարտ կորցրել եմ, որտե՞ղ պետք է դիմել նորի համար։

Արտյոմ․

Շինարարական ընկերությունը իր արտադրամասից վաճառում է բետոնե պատրաստվածքներ՝ ֆիզ. անձին դուրս գրելով հարկային հաշիվ: Ասացեք խնդրեմ՝ հուլիսի 1-ից վճարումը կարո՞ղ է ընկերությունը ստանալ կանխիկ, եթե վաճառքը չի գերազանցում 300 000 ՀՀ դրամը։

Աստղիկ․

Բարև Ձեզ։
irtek.am կայքում ցույց է տալիս 01․07 2022 թվականի աշխատանքային օրենսդրության փոփոխություն։ Կհուշե՞ք խնդրում եմ՝ ինչ փոփոխություն է։
Կանխավ շնորհակալություն։

Աննա․

Բարև Ձեզ։ Կազմակերպության որոշ աշխատակիցներ գտնվում են երեխայի խնամքի արձակուրդում։ Եկամտային հարկի հաշվարկը լրացնելիս բերում է նշում․ “N12, N20 հերթական համարներով աշխատողների համար ոչ մի տվյալ չի մուտքագրվել”։ Կասե՞ք, ինչ խնդիր է։

Արմեն․

Բարև ձեզ, սկսնակ հաշվապահ եմ, նորաստեղծ ՍՊԸ֊ի հաշվապահությունը ցանկանում եմ ինքս վարեմ (կանոնադրական կապիտալից սկսել եմ, հիմա ներստեղծվող հիմնական միջոց և այլն)։ Հարցս այլ է․ հիմա, մի փոքրիկ հուշում եմ խնդրում, ՀԾ չունենք, ուրեմն գրանցամատյանները, T-աձև հաշիվմերը, շրջանառության տեղեկագիրը ես ինքս պետք է ստեղծե՞մ այո էկզելով, մնացած փաստաթղթերը պարզ է։ Շնորհակալ եմ նախապես։

Աննա․

Բարև Ձեզ, հարգելի հաշվապահներ։ Եթե ՍՊԸ իր ընկերությն պատկանող տրանսպորտային միջոցներ ԱՊՊԱ անում էր օնլայն եղանակով, աշխատակցի քարտին դրամարկղից մուտքագրվում էր գումար, և քարտի միջոցով արվում ԱՊՊԱ, նշեմ, որ օնլայն ԱՊՊԱ ՍՊԸ հաշվեհամարից չի լինում, հիմա այս կանխիկ գործառույթների հետ կապված նման ձևով ԱՊՊԱ-ն խնդիր չի՞ առաջացնի: Կանխավ շնորհակալ եմ:

Սյուզաննա․

Բարև Ձեզ, հարգելի ընկերներ։

Ա/Ձ հունվարից դադարեցում եմ տվել, ՀԴՄ դադարեցրել եմ, բայց հաշվետվությունների ներկայացման էլ․ համակարգի իմ էջում դրոշմանիշայն հարկ է երևում 96 000։ Խնդրում եմ ասեք՝ արդյո՞ք դա այդպես պետք է լինի։

Անուշ․

Բարև Ձեզ, ես պատվիրում եմ տարբեր ապրանքներ aliexpress.com կայքից, ուզում եմ իմանալ՝ գումարային ինչքա՞ն գումարի չափով կարող եմ որպես ֆիզ անձ: Ե՞րբ է գանձվում մաքսային վճար կամ հարկ։ Շնորհակալություն:

Ռուբ․

Բարև ձեզ։ Իմ ընկերությունը աշխատում է շրջանառության հարկի դաշտում։ Ես գնում եմ գերաններ հարկային հաշիվներով և ունեմ ծառայությունների մատուցման պայմանագիր սղոցարանների հետ, որոնք սղոցում են գերանները և ստանում տախտակ։ Ես այդ տախտակը վաճառում եմ ընկերություններին։ Հիմա ես պետք է շրջանառությունս հարկեմ որպես արտադրություն 3,5%՞ , թե՞ 5%՝ նվազեցնելով ձեռք բերածս փայտանյութի արժեքը:

Արտյոմ․

Ողջույն, խնդրում եմ օգնել․ կազմակերպությունը ֆիզ․ անձից վարձակալում է տարածք, վճարում է կանխիկ՝ եկամտային հարկը պահելուց հետո։ Ասացեք խնդրեմ՝ հուլիսի 1-ից հետո կարո՞ղ է շարունակել վճարել կանխիկ, թե՞ ոչ։ Շնորհակալություն։

Հովհաննես․

Բարև Ձեզ, հարգելի հաշվապահներ։

Անկանխիկ գործառնությունների մասին օրենքի հոդված 6 կետ 1 համաձայն «Օրենքով կամ աշխատանքային պայմանագրով սահմանված աշխատավարձերը վճարվում են անկանխիկ ձևով 2022 թվականի հուլիսի 1-ից՝ Երևան քաղաքում գործունեություն իրականացնող կազմակերպությունների, անհատ ձեռնարկատերերի, փաստաբանների և նոտարների կողմից»։

Հարցս հետևյալն է․ եթե կազմակերպությունը գրանցված է Երևան քաղաքում (իրավաբանական հասցե), բայց գործունեություն է իրականացնում մարզերում (գործունեության հասցե), ապա իրավունք ունի՞ աշխատավարձները վճարի կանխիկ եղանակով։

Արսեն․

Բարև Ձեզ, հարգելի հաշվապահներ։ Եթե ընկերությանը փոխառություն տրամադրում է միակ բաժնետեր տնօրենը, ապա պայմանագրում որպես փոխատու նա հանդես պետք է գա որպես ՀՀ քաղաքացի ֆիզիկական ա՞նձ։ Նախապես շնորհակալ եմ։

Շուշանիկ․

Բարև ձեզ, հարգելի գործընկերներ։ Ռուսական ընկերությունը ծառայություն է մատուցել ՀՀ ընկերության IT ոլորտում: Առաջանու՞մ է ոչ ռեզիդենտի շահութահարկ այդ ծառայաությունից, եթե մատուցման վայրը ՌԴ-ն է: Կանխավ շնորհակալություն։

Գոհար․

Բարև Ձեզ, հարգելի հաշվապահներ։ Նոր բացված ՍՊԸ-ն ցանկանում է զբաղվել բենզինի, դիզելային վառելիքի վաճառքով և ներկրելու է Պարսկաստանից, Ռուսաստանից։ Կասե՞ք՝ հարկման ո՞ր համակարգում է գործելու, ի՞նչ հարկեր և տուրքեր պետք է վճարի։ Նշեմ, որ մարզում է ՍՊԸ-ն գրանցված։

Ռուբ.

Բարև ձեզ, հարգելի հաշվապահներ։ Ընկերությունը 2021-ին աշխատել է ԱԱՀ-ով և իր գործունեության համար երկկողմանի գնման ակտով ձեռք է բերել նյութեր, ապրանքներ։ Օրինակ՝ մեկ գործարքի գինը ներառյալ 10% եկամտայինը գնման ակտով կազմել է 300 000: Վճարումը կատարվել է դրամարկղից, վճարելով 270 000 դրամ։ Հարցս վերաբերվում է 3 000 000 սահմանափակմանը։ Այս դեպքում գումարը հաշվարկվում է առա՞նց եկամտային հարկի ելքագրված գումարներով, թե՞ եկամտային հարկը ներառյալ ելքագրումների արժեքը չպետք է գերազանցի 3 000 000-ը։

Արփի.

Բարև ձեզ, հարգելի հաշվապահներ։ Խնդրում եմ օգնեք ճիշտ հաշվարկել արձակուրդայինը.
ուսուցիչը 08.01.2020թ.-ից գնացել է ֆիզարձակուրդ, որից անմիջապես հետո գնացել է մինչև 3 տարեկան երեխայի խնամքի արձակուրդ: Վերադարձել է աշխատանքի 20.03.2022թ-ին: 01.07.2022թ-ից նրան պետք է տրվի ամենամյա արձակուրդ 35 օր տևողությամբ։ Հարսց հետևյալն է` ամենամյա արձակուրդը հաշվարկելու համար ո՞ր ամիսների հիման վրա պետք է ձևավորվի միջին ամսական աշխատավարձը. նա 2022թ-ին ունի աշխատած 3 լրիվ ամիս /ապրիլ, մայիս, հունիս/ “Աշխատողի միջին ամսական աշխատավարձի չափը որոշվում է այդպիսի պահանջ առաջանալու ամսվան նախորդող վերջին տասներկու ամիսների ընթացքում տվյալ գործատուի կողմից աշխատողի համար հաշվարկված աշխատանքի վարձատրության բոլոր տեսակների (հիմնական աշխատավարձ, լրացուցիչ աշխատավարձ` հավելումներ, հավելավճարներ, լրավճարներ, պարգևատրումներ և այլն) ընդհանուր գումարը տասներկուսի բաժանելու միջոցով:” Այս դեպքում ինչպե՞ս ենք որոշում միջին ամսական աշխատավարձը: