Մարիաննա․

Բարև ձեզ, հարգելի հաշվապահներ: Եթե ֆիզիկական անձը մեկ տարվա մեջ գնում և վաճառում է մեկից ավելի ավտոմեքենաներ․
1) հարկվո՞ւմ է, և որքաո՞վ,
2) ինչպե՞ս պետք է վճարի հարկե՞րը,
3) այդ օրենքը գործում է մեկ տարվա մեջ կատարելով առքուվաճառք, թե՞ տվյալ տարվա մեջ:

Նարեկ.

Բարև Ձեզ։ Հարցս հետևյալն է. մանրածախ առևտրի խանութում ապրանքը արժե 500 000 դրամ, եթե գնորդը վճարի 300 000 կանխիկ, իսկ 200 000 դրամը անկանխիկ՝ արդյո՞ք կհամարվի խախտում։

Ա/Ձ միկրոձեռնարկատեր է: ՊԵԿ-ից ստացել է գրություն առ այն մասին, որ չեմ իրականացրել անհրաժեշտ գործողություններ վճարային քարտերի միջոցով անկանխիկ վճարման ընդունումն ապահովելու համար, որի գծով սահմանված է 300 000 դրամի չափով տուգանք: Առաջարկության համաձայն պետք է ներկայացնեմ էլեկտրոնային դիմում: Դիմումը ներկայացնելուց հետո ի՞նչ գործընթաց պետք է իրականացնեմ։

Նարե.

Բարև ձեզ, հարգելի հաշվապահներ։ Եթե Ա/Ձ-ն ոչ թե իր հաշվից է վճարում աշխատավարձ, այլ տերմինալով է փոխանցում, դա ևս դիտվու՞մ է չէ աշխատավարձի անկանխիկ վճարում։

Արփինե.

Բարև Ձեզ, սիրելի հաշվապահներ։ ԵԱՏՄ ներմուծման հայտարարագիր/հայտարարության հետ կապված ո՞վ կարող է օգնել ճիշտ լրացնենք։

Սուսաննա.

Միկրոձեռնարկությունը /ավտոմեքենաների տեխ․ սպասարկում /գրանցված է և գործում է Կոտայքի մարզում։ Արդյո՞ք պարտադիր է 1.07.22թ.-ից անցնել անկանխիկ վճարման։

Ռուզաննա.

Բարև ձեզ։ Եթե աշխատողը դիմում է ներկայացրել իր աշխատաժամանակը կրճատելու վերաբերյալ, ապա աշխատանքային օրենսգրքի ո՞ր հոդվածով կարելի է այդ փոփոխությունը հիմնավորել։

Լիա.

Բարև Ձեզ։ Եթե հարկային տեսչությունը տուգանել է 150 000 դրամով, արդյո՞ք դա համարվում է ծախս։ Նշեմ, որ կազմակերպությունն աշխատում է շրջանառության հարկով և ծավալում է առևտրային գործունեություն։

Արմինե.

Բարև Ձեզ: Աշխատողների նախնական և պարբերական բուժ. զննումը կատարվում է կազմակերպության հաշվի՞ն:

Հայկ.

Բարև Ձեզ: Այսպիսի իրավիճակում եմ հայտնվել. 2021թ. ամբողջությամբ վճարվել է մեքենայի ԱՊՊԱ գումարը՝ հաշվարկային փաստաթղթի հիման վրա: Այս տարի այդ մեքենան օտարվել է: Ապահովագր. ընկերությունը վերահաշվարկի արդյունքում գումարի ավել մասը հետ է փոխանցել մեր բանկային հաշվին: Այդ գործարքը հաշվապահորեն ինչպե՞ս ձևակերպեմ: Նախապես շնորհակալություն։

Սուսաննա.

Բարև ձեզ: Դպրոցի գլխավոր հաշվապահը ի՞նչ կրթություն պետք է ունենա։ Դա ո՞ր օրենքով է սահմանվում:

Բարև ձեզ։ Մինչև երեք տարեկան խնամքի արձակուրդում գտնվող ուսուցչի տեղը այլ աշխատող ենք ընդունել։ Հիմնական աշխատողը ավելի շուտ է վերադառնում աշխատանքի (3 տարին չի լրացել)։ Նոր ընդունվողին կարո՞ղ ենք ազատել աշխատանքից առանց նախապես ծանուցելու։

Իզաբելլա9.

Բարև ձեզ։ Ես ունեմ 2 հարց 2 ֆիզ. անձերի միջև կնքված պայմանագրերի վերաբերյալ.
1) 2 ֆիզ. անձերի միջև կնքված առքուվաճառքի պայմանագրի հարկման տեսակները, եթե դրանք կան։
2) 2 ֆիզ. անձերի միջև կնքված ծառայությունների մատուցման պայմանագրի հարկման տեսակները, եթե դրանք կան։
Նշված պայմանագրերի տեսակները արդյո՞ք անհրաժեշտ է նոտարացվեն, թե՞ երկու կողմերի ստորագրությունների առկայության դեպքում արդեն իսկ ստանում են իրավական ուժ։
Կանխավ շնորկալություն։

Լյուդմիլա.

Բարի երեկո։ Խնդրում եմ պատասխանել․ եթե կազմակերպության/միկրոբիզնեսով աշխատող/ հիմնադիրը տոկոսով փոխառություն է տրամադրում կազմակերպությանը, հարկային հաշվետվություններում դա արտացոլվու՞մ է և առաջանու՞մ է արդյոք որևէ հարկային պարտավորություն հետ վերադարձի ժամանակ։ Նախապես շնորհակալություն։

Ռոման.

Բարև ձեզ: Ֆիզիկական անձը շուկայից գնել է տնկիներ իր տան այգում ծառեր տնկելու համար: Ձեռքբերումից մի քանի օր հետո որոշել է զբաղվել ձեռնարկատիրական գործունեությամբ, բացել է ԱՁ և աշխատել ընդհանուր հարկման դաշտում՝ գյուղատնտեսական արտադրանքի արտադրությամբ: Արդյոք հնարավո՞ր է որևէ կերպ ձեռքբերված տնկիները փաստաթղթավորել այնպես, որ Ա/Ձ-ով շուկայից ձեռքբերման 20 տոկոս եկամտային հարկ չվճարի։

Վահագն.

Բարև Ձեզ։ Հարգելի հաշվապահներ, ինձ մի հարցի պատասխան է հետաքրքիր. եթե ավտոտեխսպասարկման կետը վաճառում է նաև ապրանք, օրինակ՝ մեքենայի սպասարկման հետ միասին կատարում է յուղի փոխարինում՝ սպասարկման կետից վաճառվող յուղով կամ ընթացքային մասերի փոխարինում, որոնց վաճառքը կատարվում է սպասարկման կետում։ Սպասարկման կետը աշխատում է միկրոյի դաշտում և գտնվում է մարզում՝ Երևան քաղաքից դուրս։ Հիմա հարց. այլ կազմակերպության մեքենաների սպասարկման համար պե՞տք է դուրս գրվի հաշիվ վավերագիր, ես պե՞տք է դուրս գրեմ 1 հաշիվ վավերագիր ծառայությունների մատուցման և 1 հաշիվ վավերագրի ապրանքի վաճառքի համար, թե՞ այս դեպքում դուրս է գրվում է 1 հաշիվ վավերագիր, և նաև միկրոձեռնարկատիրությամբ զբաղվողը գիտեմ որ չի կարող դուրս գրել ապրանքի վաճաքի համար հաշիվ վավերագիր, իսկ սպասարկման համար կարող է։ Ինչպե՞ս վարվել։

Բժշկական ծառայության համար իրականացվել է անկանխիկ վճարում տերմինալով /easy pay/։ Հարց՝ արդյո՞ք պարտադիր է հաշվարկային փ-թ դուրս գերլ և ի՞նչ անել, եթե հաճախորդը հրաժարվում է անձնագրային տվյալներ տրամադրել հաշիվ դուրս գրելու համար։ Նշեմ նաև, որ Իզի փեյ Սպը-ն տրամադրում է հաշվետվություն օրական մուտքերի վերաբերյալ։

Լուսինե.

Ողջույն:
Հարգելի մասնագետներ, ո՞րն է ֆիզ․ արձակուրդի միանվագ նպաստ ստանալու գործընթացն այն դեպքում, երբ հղի աշխատողը գտնվում է Հայաստանից դուրս, աշխատում է օնլայն ՀՀ-ում գրանցված կազմակերպությունում որպես հիմնարար աշխատող։ Ոչ աշխատանքային 140 օրվանից հետո ինչպե՞ս է նպաստը փոխանցվում։

Անուշ.

Բարև Ձեզ։
Ես միկրոձեռնարկատեր եմ, գործունեությունն է հեռավար աշխատանք, ծառայությունների մատուցում է: Չկան գրանցված աշխատողներ, անհատ եմ: Տեխնիակական խնդրի հետևանքով դարձել եմ ԱԱՀ հարկատու, սակայն վերջերս եմ ծանուցում ստացել այդ մասին:
Կասեք խնդրեմ՝
1. ի՞նչ ամսական հաշվետովություններ պետք է ներկայացնեմ ԱԱՀ-ի համար,
2. այդ հաշվետվությունները միայն ամսվա համար են, թե՞ նաև եռամսյակային,
3. ի՞նչ վճարումներ (հարկեր) պետք է կատարեմ, դրոշմանիշայինից բացի,
4. արդյո՞ք նախորդ ամիսների համար հարկ է գանձվելու, չնայած որ նոր են տեղեկացրել։

Կա՞ արդյոք ուղեցույց կամ վիդեհոլովակ հարկային հաշվետվությունների վերաբերյալ։

Շնորհակալություն։

Սոնա Հայրապետյան.

Կազմակերպությունը աշխատում է ՏՏ ոլորտում: Արդյո՞ք կարող է Ա/Ձ-ի հետ կնքել ծառայության պայմանագիր, դա չի՞ համարվի արդյոք քաղիրավական պայմանագիր։

Նինել.

Բարև Ձեզ։ Կարո՞ ղ է արդյոք կազմակերպությունը վարձակալության վճարը վճարել կանխիկ, եթե վարձատուն հանդիսանում է ֆիզ. անձ։ Վարձավճարը ամեն ամիս կազմում է 50 000 ՀՀ դրամ, տարեկան 600 000 ՀՀ դրամ։ Եթե այո, ապա ամբողջ տարվա վճարման 600 000 դրամով չի՞ խախտվում անկանխիկի 300 000 ՀՀ դրամի սահմանաչափը։

Հայկ.

Բարև Ձեզ: Եթե աշխատողն ընդունվել է աշխատանքի 04.12.2019թ, իսկ 19.05.2020թ գնացել է հղիության և ծննդաբերության արձակուրդ, որից հետո էլ երեխայի խնամքի արձակուրդ: Հիմա դիմում է գրել աշխատանքից ազատման: Քանի՞ օրվա վերջնահաշվարկ ունի ստանալու: Շնորհակալություն։

Անի.

Բարև Ձեզ։ Եթե աշխատողը վերցնում է չվճարվող արձակուրդ մեկ ամիս տևողությամբ, ապա ամենամյա արձակուրդ գնալուց արդյոք տրամադրու՞մ ենք նախատեսված 20 օր արձակուրդը, թե՞ մեկ ամսվա օրերը կրճատվում է։

Սուսաննա.

Բարև Ձեզ։ Խնդրում եմ պատասխանեք.
1. Եթե Երևանում գործատուն ունի երկու աշխատող և հունիս ամսվա աշխատավարձը վճարել է անկանխիկ եղանակով, դա օրենքի խախտու՞մ է:
2. Կարո՞ղ տվյալ գործատուն այսուհետև աշխատավարձը վճարել կանխիկ եղանակով:
Շնորհակալություն:

Նարինե.

Ա/Ձ֊ն ներմուծում պետք է անի Չինաստանից։ Ապրանքը Հայաստան պետք է մտնի Ղազախստանից։ Այս դեպքում սա համարվու՞մ է ԵՏՄ նորմուծում, թե՞ երրորդ երկրից։
Ա/Ձ֊ն Բելառուսից ներմուծում է փայտ։ Մեքենան, որը բերում է ապրանքը, պատկանում է Հայաստանում գրանցված ընկերությանը։ Հաշվի մեջ առանձնացված տողով գրված է բեռնափոխադրում Բելառուսից ՀՀ սահման։ Արդյո՞ք Ա/Ձ֊ի մոտ առաջանում է հարկային պարտավորություն այդ մասով։
ԱԱՀ֊ով աշխատող Ա/Ձ֊ն Բելառուսից ապրանք է ներմուծում, դիմացի կողմից գնել է դոլարով, սակայն Հայաստանից Բելառուս դոլար չեն կարում փոխանցել։ Ինչպե՞ս վարվել այս դեպքում։

Գոհար.

Բարև Ձեզ։ Ինչպե՞ս կարող եմ կասեցնել Ա/Ձ գործունեությունը։ Կանխավ շնորհակալ եմ։

Վարդուհի.

Հարգելի գործընկերներ, հարցս ավելի շատ իրավական ակտերի մասով է… Եթե մանկապարտեզի տնօրենը մասնակցել է նախադպրոցական հաստատությունների տնօրենի իրավունք՝ հավաստագիր, ստանալու վերապատրաստումներին։ Վերապատրաստող կազմակերպությունից բերած տեղեկանքն այն մասի, որ մասնակցելու է դասընթացներին, ներկայացրել է համայնքապետարան, սակայն իր կողմից տեղեկանք չի ներկայացրել համայնքապետարան։ Իրավունք ունի՞ վերադաս կազմակերպությունը նկատողություն տա տնօրենին, պատճառաբանելով, թե վերջինս ինքնուրույն է որոշել մասնակցել դասընթացներին և բացակայությունները համարել անհարգելի։ Կա՞ այնպիսի իրավական ակտ, որ կպաշտպանի վերապատրաստվող տնօրենի շահերը։

Լիաննա.

Բարև Ձեզ։ Փնտրում եմ գլխավոր հաշվապահ, ում մոտ կկարողանամ անցել հաշվապահական անհատական պրակտիկ դասընթաց։ Նշեմ, որ աշխատում եմ հաշվապահության ոլորտում արդեն 2 տարի, որից 8 ամիսը կադրային ոլորտում։

Բարև Ձեզ։
Կհուշեք՝ ինչպե՞ս գրանցվել էլեկտրոնային հաշվարկային համակարգում։

Գոհար.

Բարև ձեզ, հարգելի հաշվապահներ։ Հարցս հետևյալն է․ եթե ՍՊԸ-ի հիմնադիրը նաև տնօրեն է, ապա ի՞նչ հարկային պարտավորություն կառաջանա։ ՍՊԸ-Ն գործում է միկրոյով, ունի 1 գրանցված աշխատող։

Ռուզաննա.

Հարգելի հաշվապահներ, եթե ԱՁ-ի իրավաբանական հասցեն ք. Երևանով է, իսկ փաստացի գործունեության հասցեն գ. Առինջն է, ապա հուլիսի 1-ից աշխատողների աշխատավարձը կանխիկով է վճարվու՞մ, թե՞ պարտադիր անկանխիկ, որևէ մեկը պարզաբանում ունի այս հարցի շուրջ:

Սաթեն.

Կազմակերպության տնօրենի ամսական աշխատավարձը լրիվ գրաֆիկի դեպքում 400 000, բայց քանի որ աշխատում էր ոչ լրիվ գրաֆիկով՝ ֆիքսված ստանում էր 200 000:Այժմ պետք է աշխատի լրիվ գրաֆիկով, արդյո՞ք կարող եմ սահմանել աշխատավարձ 250 000, թե՞ պետք է ստանա 400 000։ Ցանկանում ենք աշխատավարձի իջեցում կատարել կազմ. ցածր եկամտաբերության պատճառով:

Աստղիկ.

Հարգելի մասնագետներ, Ձեր օգնության կարիքն ունեմ։ Հղի աշխատողին տրված է անաշխատունակության թերթիկ 140 օր նախածննդյան և հետծննդյան ժամանակաշրջանի համար և ծննդաբերության կանխատեսվող օր է նշանակված 2022 թվականի օգոստոսի 17-ը, սակայն երեխան ծնվել է հուլիսի 31-ին։ Խնդրում եմ հուշեք՝ ժամկետների խախտումներով պայմանավորված ի՞նչ գործողություններ են առաջ գալիս, ի՞նչ պետք է անի գործատում տվյալ դեպքում։ Կանխավ շնորհակալություն։

Արփինե.

Բարև ձեզ: Կասե՞ք՝ հանգստյան գոտի բացելու համար ՍՊԸ, թե՞ ԱՁ բացել:

Արեգա.

Խնդրում եմ ինձ օգնեք. ինչպե՞ս է կատարվում ՍՊԸ-ի միակ հիմնադրի 2021թ. տարեկան շահույթի բաշխումը /ընթացակարգը/ և ի՞նչ հարկեր են առաջանալու: Կանխավ շնորհակալություն։

Լիանա․

Բարև ձեզ, հարգելի հաշվապահներ։ Խնդրում եմ ասացեք՝ եթե ԱՁ-ն հանդիսանա ՍՊԸ-ի տնօրեն, հարկատեսակի մասով փոփոխություններ կլինե՞ն, թե ոչ։ Նախապես շնորհակալ եմ։

Թամարա․

Բարև Ձեզ։ Հարգելի հաշվապահներ, կազմակերպությունն ունի անհուսալի դտ պարտքեր, որոնք չեն ներառվել տարեկան շահութահարկի հաշվետվության մեջ: Ասացեք խնդրեմ՝ ի՞նչ կարող եմ անել և ի՞նչ ձևակերպումներով: Կանխավ շնորհակալություն, հատկապես Տիգրանին, Ներսեսին և Ալլային։

Կարինե․

Բարի օր բոլորին։ Կազմակերպության հիմնադիր տնօրենին մինչև 01․07․2022թ․ տրվել է փոխառություն։ Փոխառությունը կարելի է՞ վերադարձնել կանխիկով դրամարկղ, հաշվի առնելով անկանխիկ գործառնությունների մասին օրենքի հոդված 12-ը՝ 1. Սույն օրենքն ուժի մեջ է մտնում 2022 թվականի հուլիսի 1-ից և տարածվում է սույն օրենքն ուժի մեջ մտնելուց հետո ծագած իրավահարաբերությունների վրա:

Սեդա.

Բարև Ձեզ։ Եթե անաշխատունակության ընթացքում տոնական օր է եղել, օրինակ՝ հուլիսի 5-ը, արդյո՞ք հաշվարկի մեջ այդ օրը հաշվարկվում է։ Շնորհակալություն։

Անի.

Հարգելի հաշվապահներ, 140օր ֆիզի ժամանակ սոց. փաթեթ տրամադրվու՞մ է։

Վարդուհի.

Բարև Ձեզ։
Կասեք՝ եթե մինչև 3 տարեկան երեխայի խնամքի արձակուրդից վերադարձել են աշխատանքի, սակայն երեխայի մեկ տարեկանը լրանալուն պես, ե՞րբ կարող է այդ աշխատակցուհուն տրվել ամենամյա արձակուրդը։ Արդյոք այս պարագայում անհրաժե՞շտ է անընդմեջ աշխատանքի 6 ամիսը լրանալը։

Լուսինե.

Ապրանքի խոտանման համար ի՞նչ տվյալներ են պարտադիր նշվում։

Արա.

Հարգելի հաշվապահներ, մի հարց ունեմ կապված համատեղ գործունեության հետ։ ԱԱՀ վճարող և շրջ․ հարկ վճարող ընկերությունները ցանկանում են համատեղ մասնակցել պետական տենդերի։ Ըստ էության աշխատանքների կատարումը կատարվելու է շրջ․ հարկ վճարող ընկերության կողմից, իսկ ԱԱՀ վճարողը միայն պայմանագրով սահմանված %-ի դիմաց տալու է իր լիցենզիան։ Ըստ 32-րդ հոդվածի 3-րդ մասի հարկայինում հաշվետու անձ լինելու առավելությունը տրվում է ԱԱՀ վճարողին, բայց այս պարագայում ինչպե՞ս է կատարվելու հարկերի վճարումը և՛ շրջ․ հարկ վճարող ֆիրմայի դեպքում, և՛ ԱԱՀ վճարողի դեպքում։ Նշեմ նաև, որ գործերը ըստ պայմանագրի վարվելու են շրջ․ հարկ վճարող ընկերության կողմից։ Կխնդրեի տալ մանրամասն պատասխան։ Նախապես շնորհակալություն։

Ընկերություն՝ Իմէքս Գրուպ ՍՊԸ
Հասցե՝ ՀՀ, ք․ Երևան, Թբիլիսյան խճ․25
Հեռախոս՝ 055507807
Էլ․ փոստ՝ hr@imexgroup.am
Թափուր աշխատատեղ՝ Աշխատավարձի հաշվառման գծով հաշվապահ
Աշխատանքի նկարագրություն՝ ԻՄԷՔՍ ԳՐՈՒՊ ընկերությունը փնտրում է հաշվապահի՝ ով պատասխանատու կլինի աշխատավարձի հաշվառման և հաշվետվությունների ներկայացման համար
Պահանջներ՝
1․Իրականացնել աշխատակիցների աշխատավարձի հաշվառում ըստ հարկային օրենսդրության
2․Իրականացնել քաղաքացիաիրավական պայմանագրով կնքված աշխատավարձի հաշվում և փոխանցումների կազմակերպում
3․Իրականացնել ընկերության հաշվապահական հաշվառման վարումը, հարկային հաշվետվությունների ժամանակին կազմումը և ներկայացումը
4․Մշակել հաշվապահական հաշվառման քաղաքականությունը համաձայն ՀՀ աշխատանքային և հարկային օրենսդրությանը
5․Հաշվապահական փաստաթղթերի շրջանառության կազմակերպում և վարում

Այլ նշումներ՝
1․Աշխատանքը պահանջում է ունենալ բարձրագույն հաշվապահական կրթություն
2․Առնվազն 1 տարվա աշխատանքային փորձ տվյալ ոլորտում
3․MS Office լավ իմացություն
4․Հարկային և աշխատանքային օրենսգրքի իմացություն
5․ՀԾ աշխատավարձի լավ իմացություն

Վահագն.

Բարև Ձեզ։ Տեխսպասարկման կետը աշխատելու է միկրոյի կամ շրջհարկի դաշտում։ Ավտոտեխսպասարկման կետում կատարվելու է նաև յուղի փոխարինում, եթե յուղը վաճառվելու է տեխսպասարկման կետում, ուրիշ ի՞նչ հարկ կառաջանա (ակցիզային, բնապահպանական)։

Մանուկ.

Կառուցվող շենքի վաճառքի ԱԱՀ-ի պարտավորության առաջացման պահը ե՞րբ է առաջանում՝ երբ գնելու իրավունքի պայմանագի՞ր է կնքվում ու կանխավճար ստացվում հատուկ հաշվում, թե՞ ավարտական ակտից ծագող սեփականության իրավունքի պետական գրանցման պահին: Ինչպե՞ս են հաշվարկվում յուրաքանչյուր վաճառվող բնակարանների իրացվող ինքնարժեքները՝ դտ711 կտ 215: Կանխավ շնորհակալ եմ:

Լաուրա.

Բարև ձեզ։ Հարցս հետևյալն է. ֆիրման իրականացնում է առքուվաճառք՝ գնում է սարքավորումներ Եվրոպայից և վաճառում Բելառուսում։ Ի՞նչ ընթացակարգով, ի՞նչ օրենքի հիման վրա է հնարավոր իրականացնել այդ սարքավորումների առքուվաճառքը, եթե սարքավորումները ՀՀ սահմանը չեն հատելու, այլ միանգամից այն երկրից, որտեղից գնվել է, ուղարկվելու է նշանակման երկիր։ Ի՞նչ խնդիր կարող է առաջանալ հարկային տեսանկյունից, ինչպե՞ս պետք է կատարվի նման դեպքում հաշվառումը, կամ առհասարակ՝ կա՞ մեկը, ով առնչվել է նման գործի հետ։ Ու՞մ կարող ենք դիմել, անհրաժեշտ է կոնսուլտացիա։ Նախապես շնորհակալություն։

Լուսինե.

Խնդրում եմ հուշեք, թե ո՞րն է լինելու իմ քայլերը: ԱՁ-ն բացվել է հուլիսին ու դադարեցման հայտ պետք է տամ օգոստոսի համար: ԱԱՀ-ի հարկման դաշտում է: Մինչև դադարեցում տալը ի՞նչ հաշվետվություն պետք է տամ, ի՞նչ վճարումներ պետք է լինեն:

Հայկ.

Բարև Ձեզ: Շրջհարկով աշխատող ՍՊԸ-ն ֆիզ. անձին ենթավարձակալության է տալիս տարածք, այս դեպքում ի՞նչ հարկեր կառաջանան: Եվ արդյո՞ք կա նվազագույն գին, որից պակաս չի կարող պայմանագիրը կնքվել: Կնդրեմ օգնեք:
Շնորհակալություն։

Հասմիկ.

Բարև ձեզ։ Հարգելի հաշվապահներ, խնդրում եմ օգնեք։
Հարկային հաշիվ եմ դուրս գրել ապրանքի մատակարարման օրվանից մեկ օր հետո, ծանուցում եմ ստացել։ Ի՞նչ պիտի անեմ։
Ստացված ծանուցման մեջ առարկության բովանդակությունը լրացնե՞մ։