Նունե.
Բարև ձեզ։ Հարկային հաշվետվություն եմ տալիս, ստորագրած ֆայլը բեռնում եմ, որ հանձնեմ ՊԵԿ-ին, գրում է, որ ֆայլը դատարկ է՝ չկա ստորագրություն։ Ո՞վ կարող է ասել ինչ անեմ։
Միլենա.
Բարև ձեզ, հարգելի հաշվապահներ։ Միկրոձեռնարկատիրությունը եռամսյակային հաշվետվություն ներկայացնու՞մ է։ Կանխավ շնորհակալություն։
Էլինա.
Հարգելի հաշվապահներ, արդյո՞ք դուք տպում և պահում եք օնլայն բանկով կատարված փոխանցումների վճարման հանձնարարագրերը, արդյո՞ք անհրաժեշտ է արտարժույթի օնլայն փոխանակման դեպքում տպել փաստաթուղթը։ Շնորհակալ եմ։
Վարդան.
Բարև Ձեզ։
Ինչպե՞ս պետք է հաշվել համախառն աշխատավարձը, իր պահումները և վճարվող աշխատավարձը առաջին ամսվա համար, երբ աշխատանքային պայմանագիրը սկսվում է ամսվա կեսից, ոչ թե սկզբից։ Ո՞ր օրենքով/որոշումով է դա կարգավորվում։
Նախապես շնորհակալություն։
Անահիտ.
Բարև ձեզ։ Ընկերությունը տնօրենին RUB-ով փոխառություն է տվել, տնօրենը այն ցանկանում է վերադարձնել AMD-ով, նման բան թույլատրվու՞մ է։
ԼՈՒՍԻՆԵ.
Բարև Ձեզ։
Խնդրում եմ՝ ինձ ուղարկեք ուսումնական հաստատության տնօրենի և աշխատողի միջև կնքված պայմանագրի հավելված:
Կանխավ շնորհակալություն։
Վալյա.
Բարև ձեզ։ Վարորդներից ստացված հասույթը 6113, թե՞ 6114 հաշվով է ձևակերպվում։
Էլինա.
Հարգելի հաշվապահներ, հարցս ՀՕ 57 հոդվածին է վերաբերվում։ Կազմակերպությունը աշխատում է ՏՏ ոլորտում և տրամադրում է աշխատողին ՀՄ /համակարգիչ/ ծառայությունների մատուցման համար։ Արդյո՞ք ամեն անգամ տեղաշարժվելուց տուն, աշխատանքի վայր և ծառայության մատուցման վայր համակարգչի համար պետք է դուրս գրել տեղափոխման փաստատթուղթ։ Կանխավ շնորհակալ եմ։
Կարինե.
Աշխատողը իր հերթական ամենամյա արձակուրդից օտվելուց հետո ազատվել է աշխատանքից։ Այդ դեպքում աշխատողին վերջնահաշվարկ հասնու՞մ է, թե՞ ոչ (դիմումի համաձայն):
Քրիստինե.
Եթե ընկերությունը գործում է Հայաստանում, բայց գրանցված է Ղարաբաղում, գրանցված աշխատողները ստաժ ունենու՞մ են և եթե քաղ. իրավական պայմանագրով են գրանցված։
Արփի.
Բարև Ձեզ։ Մեր կազմակերպությունը հունիս ամսին ձեռք է բերել ավտոմեքենա, իսկ հիմա ցանկանում ենք վաճառել ՌԴ քաղաքացու, պայմանագիրը կնքվել է, բայց ոչ նոտարական հաստատմամբ։ Ցանկանում էի իմանալ, հիմա պե՞տք է հաշվարկային հաշիվ դուրս գրել, թե՞ ուղղակի որպես օտարում ցույց տալ շրջ․ հարկի հաշվարկի մեջ։
Ընկերություն՝ Թի Էմ Էլ Քոնսալթինգ ՍՊԸ
Հասցե՝ ք. Երևան, Տերյան 1/1
Էլ․ փոստ՝ info@tmlconsultant.com
Թափուր աշխատատեղ՝ Ավագ հաշվապահ
Անհրաժեշտ հմտությունները՝
-Բարձրագույն կրթություն,
-Առնվազն 5 տարվա աշխատանքային փորձ,
-Հարկային և հարակից օրենսդրության իմացություն,
-Համակարգչային գիտելիքներ` 1C և ERP ծրագրերի իմացություն,
-Թիմային աշխատանք կատարելու ունակություններ։
Աշխատանքային պարտականությունները՝
-Անմիջականորեն իրականացնել և/կամ վերահսկել հաշվապահական և ներքին ֆինանսական հաշվետվությունների ամբողջականությունն ու ճշգրտությունը,
-Ապահովել եկամուտների և ծախսերի ճշգրիտ վերլուծությունը,
-Վարել և վերահսկել ընթացիկ հաշվապահություն,
-Հետևել հաշվապահական և ֆինանսահարկային օրենսդրության փոփոխություններին, և ապահովել հաշվապահության վարումը գործող օրենսդրության պահանջներին համապատասխան,
-Պատրաստել հարկային հաշվետվությունները:
Այլ նշումներ՝ Դիմելու համար անհրաժեշտ է ուղարկել info@tmlconsultant.com էլեկտորնային հասցեին:
Անուշ.
Բարև Ձեզ։ ՍՊԸ-ն բացվել է 2022թ. օգոստոսի 22-ին։ Գրանցվել ենք որպես շրջանառության հարկ վճարող, բայց տվյալ պահին ակտիվ գործունեություն չենք ծավալում, եկամուտներ չունենք։ Ի՞նչ հաշվետվություններ ենք պարտավոր հանձնել հարկային ծառայություն այս դեպքում։ Եվ առաջին անգամ ե՞րբ պիտի հանձնենք։
Անահիտ.
Բարև Ձեզ:
Կարո՞ղ է կազմակերպության տնօրենը կազմակերպության բանկային դրամային հաշվեհամարից 300000-ից ավել գումար կանխիկացնել և մուտք անել դրամարկղ:
Յանա.
Բարև Ձեզ։ Կազմակերպությունը ներկա պահին խանութի վաճառող չունի։ Արդյո՞ք տնօրենը կարող է նրան փոխարինել։ Կանխավ շնորհակալություն։
2020թ․ հունվարի 8-ից մինչև 2022 սեպտեմբերի 01-ը աշխատակիցն աշխատելէ ՏՏ ոլորտի արտոնագրով աշխատող ՍՊԸ-ում՝ 5-օրյա գրաֆիկով, սկզբում ոչ լրիվ աշխ․ժամանակով, վերջին մեկ տարուց ավելին նորմալ տևողությամբ։ Այս ընթացքում երբևէ արձակուրդ չի գնացել։ Ինչպե՞ս է հաշվարկվում վերջնահաշվարկը այս դեպքում։ Նշեմ նաև, որ ոչ լրիվ աշխ․ժամանակով աշխատելիս, զուգահեռաբար աշխատել է մեկ այլ ՍՊԸ-ում նույնպես ոչ լրիվ աշխ․ժամանակով։ Չօգտագործված արձակուրդային օրերն ինչպե՞ս են հաշվարկվում ոչ լրիվ աշխատաժամանակի դեպքում։
Տաթև.
Բարև ձեզ:
Կազմակերպությունը մատուցում է դասընթաց: Բանկի հետ պայմանագիր է կնքում, ըստ որի իր ուսանողները հնարավորություն են ունենում ուսման վճարը վճարել ապառիկ տարբերակով:
ՍՊԸ-ն աշխատում է միկրոյի դաշտում և դուրս է գրում ծառայության համար հաշիվ վավերագիր: Հարց. հաշվապահորեն ո՞նց ներկայացնել տվյալ գործառույթը։
Տաթև.
Բարև ձեզ, հարգելի հաշվապահներ:
Միկրոյի դաշտում աշխատող ՍՊԸ-ն մատուցել է ծառայություն փետրվար, մարտ, ապրիլ ամիսներին և բացթողում է եղել՝ հաշիվ վավերագրերը չի գրվել։ Եթե հիմա գրենք հաշիվ վավերագրերը, խնդիր կլինի՞ դա։
Նախապես շնորհակալ եմ:
Սաթենիկ.
Եթե մարդը փոխարինող է աշխատել, իսկ հիմա պետք է դառնա հիմնական աշխատող, այդ դեպքում նորի՞ց կնքենք պայմանագիր և հրաման տանք, թե՞ կարող ենք նաև համաձայնագրով հարցին լուծում տալ: Եթե նման դեպքում համաձայնագիր են գրում, օրինակ կուղարկե՞ք:
Կարինե2.
Բարև Ձեզ։ Խնդրում եմ ասեք՝ դպրոցում ուսուցչի աշխատաժամանակի հաշվարկը ըստ աղյուսակի ո՞վ է հաշվում և ո՞վ է պատասխանատու։
օֆելյա.
Խնդրում եմ ինձ ուղարկել բեռնատար և մարդատար ավտոմեքենայի երթուղային թերթիկների ձևերը։
Ռուզաննա.
Ողջույն, հարգելի գործընկերներ։
Ինձ աշխատակցին տրվող ծանուցագրի ձև կուղարկե՞ք, երբ աշխատակցին տեղափոխում եք այլ հաստիքի։
Ալլա.
Հարգելի հաշվապահեր, խնդրում եմ պատասխանել հետևյալ հարցին. Երևանում գրանցված կազմակերպությունը իրավունք ունի՞ X համայնքում աշխատանք կատարողին կանխիկով վճարել աշխատավարձ: Օրենքում նշված է, որ 2024թ-ից սկսած է անկանխիկ գործարքնեներն իրականացվելու: Շնորհակալություն։
Անահիտ․
Բարև ձեզ, ԱԱՀ-ով աշխատող ընկերությունը բժշկական կենտրոնին հաշվարկային հաշիվ է դուրս գրել մի քանի անգամ նախորդ տարվանից, բայց այդ բժշկական ապրանքը ԱԱՀ-ից ազատված չէր, ի՞նչ կարելի է անել, եթե մինչ այժմ էլ հարկայինից ծանուցում չի ստացվել, չեղյալ անել, նորից գրել չենք կարող։
Աննա․
Հարգելի հաշվապահներ, ֆիզ․ անձը կարո՞ղ է մինչև 8 000 000 մլն անտոկոս փոխառություն տրամադրի ՍՊԸ -ին, նշեմ, որ ֆիզ անձը տվյալ ՍՊԸ չի հանդիսանում հիմնադիր:
Գոհար․
Բարև Ձեզ, հագելի հաշվապահներ։ Ինձ ով՞ կարող է ուղղարկել գյուղացուց ձեռք բերված գյուղմթերքի համար տրվող տեղեկանքի օրինակ կամ ասեիք, թե ի՞նչ պետք է գրված լինի։ Նաև կասեք՝ մի անգամ եթե տան այդ տեղեկանքը, այլևս պետք չի լինի չէ՞, միայն գնման ակտերով կարող եմ նվազեցում կատարել։
Սուրեն․
Բարև Ձեզ։ Ունեմ նման հարց։ Եթե ֆիրման միակողմանի գնման ակտով կատարել է ձեռքբերում շուկայից, բնական է 20% եկամտային հարկ պիտի վճարի։ Կասե՞ք ինձ՝ կա՞ դեպք, որի դեպքում հնարավոր լինի չվճարել այդ եկամտային հարկը։ Խնդրում եմ օրենքի հղումը ևս տալ։ Շնորհակալ եմ։
Նարե.
Բարև Ձեզ, հարգելի հաշվապահններ։ Վարձու աշխատողը ընդունվել է աշխատանքի 03.05.2022թ. 5-օրյա աշխատանքային գրաֆիկով: Ամսական հաշվարկային աշխատավարձն է 138 255 դրամ: Ազատման դիմում է գրել 06.09.2022թ.: Կխնդրեի օգնեիք ինձ՝ ի՞նչ ունեմ այս դեպքում հաշվարկելու սեպտեմբեր ամսվա աշխատավարձից բացի՝ արձակուրդի չօգտագործած օրերի գումար, վերջնահաշվարկ: Կխնդրեի նաև օգնել կատարել անհրաժեշտ հաշվարկները: Կանխավ շնորհակալություն:
Անուշ.
Կարճ ֆիլմերի, հաղորդումների, տեսահոլովակների և տարբեր տեսաշարերի արտադրությամբ զբաղվող Ա/Ձ-ն կարո՞ղ է համարվել միկրոձեռնարկատեր:
Աննա.
Բարև Ձեզ։ Աշխատակցի հետ կնքվել է աշխատանքային պայմանագիր անորոշ ժամկետով։ Հիմա պետք է պայմանագիրը դարձնել որոշակի ժամկետով։ Պե՞տք է ծանուցում և համաձայնագիր կազմել և վերջում հրաման տա՞լ։
2. Եթե աշխատողին 110 հոդվածով ազատում ենք, հնարավո՞ր է և՛ դիմումը, և՛ համաձայանագիրը, և՛ հրամանը նույն օրը տրվի։ Այսինքն՝ գործատուն նույն օրն էլ իր համաձայնությունը տա աշխատողի ազատման։
Բարև Ձեզ։
Ես ունեմ 14 տարվա աշխատանքային փորձ, որից 11 տարի աշխատել եմ Թերթ․am-ում որպես ռւսերեն էջի խմբագիր։ Այս պահին լինելով նաև Ռուսաստանի քաղաքացի, պատրաստվում եմ Մոսկվայում աշխատել։ Գործատուն ինձանից ուզում է իմ աշխատանքային գրքույկը, որը Հայաստանի իմ գործատուն ինձ չի տրամադրել։
Ինչպե՞ս կարող են ձեռք բերել իմ աշխատանքային գրքույկը, թեկուզ էլէկտրոնային տարբերակը։
Նախապես շնորհակալ եմ։
Անի․
Բարև Ձեզ, հարկադիր պարապուրդի ժամանակ եթե աշխատակիցը անցնում է մեկ այլ տեղ աշխատանքի, պարապուրդի գումարը ստանու՞մ է, թե՞ ոչ։
Ռուբ․
Բարև ձեզ, հարգելի հաշվապահներ, ընկերության թղթաբանությունը կարգավորելիս ի հայտ է եկել, որ եկամտային հարկի հաշվետվության մեջ 2021-ին ներկայացվել են ավել վճարված եկամուտներ, որոնք փաստացի չեն վճարվել։ Եթե հիմա տամ հաշվետվությունների ճշգրտում, ինչի արդյունքում տվյալ ժամանակաշրջանի համար հարկային պարտավորությունները կկրճատվեն, ու արդյունքում կունենամ գերավճար, դա կարո՞ղ է խնդիր առաջացնել ընկերության համար։
Նաիրա․
Բարև Ձեզ։ ՍՊԸ-ն կարո՞ղ է անտոկոս փոխառություն տրամադրել իր միակ մասնակցին։
Արմեն.
Բարև Ձեզ, հարգելի հաշվապահններ։ Փաստորեն միկրոձեռնարկատրիության սյուբեկտները հարկային օրենսգրքով սահմանված կարգով կարողանու՞մ են հաշվարկային փաստաթղթեր դուրս գրել։ Կխնդրեի քննարկենք։ Նախապես շնորհակալություն։
Արտյոմ.
Բարև Ձեզ։ Պետք է ընդունենք մաքրուհի, աշխատելու է ամեն օր 1 ժամ, ստանալու է ամսական 10 000 դրամ աշխատավարձ։ Միաժամանակ ինքը աշխատում է մի քանի տեղերում նման գրաֆիկով։ Հարց․ ինչպե՞ս ձևակերպել, քանի՞ ժամ նշել տեղեկագրում և ինչպե՞ս վարձատրել։ Շնորհակալություն։
Մարիամ9.
Հարգելի հաշվապահներ, աշխատողը մինչև նոյեմբերի 4-ը գտնվում է ֆիզ․արձակուրդում և արդեն ներկայացրել է 2-րդ անաշխատունակության թերթիկը 14 օրվա համար։ Կարո՞ղ եմ արդյոք հիմա վճարել և ներառել սեպտեմբեր ամսվա հաշվետվության մեջ, եթե անաշխատունակության թերթիկը նոյեմբերի 5-ից է։
Անի.
Բարև Ձեզ։
Ինչպե՞ս է կարգավորվում հիփոթեքայի վարկի միջոցով բնակարանի ձեռքբերման և կառուցապատողի սնանկ ճանաչվելու հարցը, եթե հիփոթեքային վարկը արդեն ամիսներ շարունակ վճարվել է։
Շնորհակալություն։
Nora.
Բարև Ձեզ, բիզնես կենտրոնը վարձակալությամբ տարածքներ է տրամադրում: ԱԱՀ հաշվարկելիս արդյո՞ք պետք է առաջնորդվել 62 հոդվածի 9 կետի “կադաստրային շուկայական արժեքին մոտարկված կադաստրային արժեքի 80 տոկոսի”, թե՞ “անշարժ գույքի ընդհանուր մակերեսում վարձակալության կամ անհատույց օգտագործման հանձնված տարածքի մակերեսի տեսակարար կշռին համապատասխանող կադաստրային արժեքի 2.5 տոկոսի չափով”։
Անի.
Բարի օր: Հարգելի՛ հաշվապահներ, սարք եմ գնել 08.09.2022թ. 80 000դր և պետք է դուրս գրեմ 10.09.2022թ. նույն գնով՝ այլ կազմակերպությանն անհատույց տալու պատճառով: Ինչպե՞ս վարվել:
Գրիգոր․
Կազմակերպությունը ծրագրեր է իրականացնում (դրամաշնորհ) միջազգային կազմակերպությունների հետ: Գրվու՞մ է արդյոք հարկային հաշիվ, եթե այո՝ ինչպե՞ս: Շնորհակալություն:
Հայկ․
Բարև Ձեզ, հարգելի մասնագետներ: Այսպիսի հարց ունեմ. ծառայությունների ոլորտի ընկերություն է, աշխատում ենք շրջհարկով, սակայն կանխատեսում եմ հոկտեմբեր ամսից անցնել ԱԱՀ համակարգ: Ծառայությունների մատուցման նպատակով կատարում ենք ձեռքբերումներ՝ նյութեր, վառելիք և այլն, որոնց ԱԱՀ-ն ներառել եմ ինքնարժեքի մեջ և ծախսագրել: Հիմա ունենք նյութական արժեքների մնացորդ: ԱԱՀ դաշտ անցնելու հետո այդ մնացորդ նյութական արժեքների ԱԱՀ-ն չե՞մ կարող հաշվանցել: Օրենքի ո՞ր հոդվածը նայեմ այս իրավիճակի հետ կապված:
Նաիրա Վարդանյան․
Բարև ձեզ, ԱԱՀ-հարկվող ընկերությունը վաճառել է ՌԴ քաղաքացու վրա ա/մեքենա, որը դուրս է եկել սահմանից։ Խնդրում եմ մանրամասն գրեք ՊԵԿ-ին ներկայացվելիք բոլոր հաշվետվությունները և քայլերը։ Նաև մաքսային վիճագրական հաշվետվությունը ինչպե՞ս են ներկայացնում։ Շնորհակալություն։
Մարինե.
Բարև Ձեզ, հարգելի հաշվապահներ։ Եթե բաժնի պետը գնում է ամենամյա արձակուրդի, իսկ նրա փոխարինողը, անձնական խնդիրներից ելնելով, անհապաղ մեկնում է արձակուրդի: Բաժնի պետին հե՞տ են կանչում ամենամյա արձակուրդից, թե՞ պարտականությունները վերապահում են մեկ այլ աշխատողի, հաշվի առնելով, որ բաժնում չկա ուրիշ աշխատող: Կարո՞ղ ենք պարտականությունները վերապահել մյուս բաժնի աշխատողին և, եթե հետ ենք կանչում՝ հաշվարկի տեղեկագրում ո՞նց ենք օրերը նշում: Կանխավ շնորհակալություն:
Հասմիկ.
Բարև ձեզ, հարգելի հաշվապահներ։ Աշխատողը ֆիզ. արձակուրդ գնում է նախատեսված ժամկետից մեկ շաբաթ ուշ։ Ասեք խնդրում եմ՝ ինչպե՞ս կատարեմ հաշվարկը և արդյո՞ք օրենքի խախտում է սա, թե՞ օրենքն ունի սա կարգավորող դրույթներ։
Մարինե.
Հարգելի հաշվապահներ, եթե բաժնի պետը գնում է երեխայի խնամքի արձակուրդ, նրա պարտականությունները վերապահվում է գլխավոր մասնագետին՝ աշխատանքային գրքույկում լրացվու՞մ է այդ պարտականությունների վերաբերյալ գրառում: Այսինքն՝ գլխավոր մասնագետի վրա վերապահված պարտականությունների մասին գրառումը լրացվու՞մ է աշխատանքային գրքույկում։ Հաշվի առնելով, որ բաժնի պետի պարտականությունները վերապահում են մասնագետի վրա, այլ ոչ թե մասնագետին տեղափոխում բաժնի պետի պաշտոնին: Եթե գրառումը կատարվում է՝ խնդրում եմ օգնեք հասկանամ աշխատանքային ո՞ր հոդվածի համաձայն է կատարվում։
Անահիտ.
Բարև Ձեզ։ Եթե աշխատակիցը մեկ այլ տեղ անցել է աշխատանքի ոչ լրիվ աշխատաժամանակով, իսկ հիմնական աշխատավայրում լրիվից դարձել է ոչ լրիվ աշխատաժամանակով աշխատող, գրանցման հայտում հիմնական աշխատավայրի համար պե՞տք է նշել համատեղությամբ՝ այո, թե՞ մնա՝ ոչ։
Ալլա.
Բարև ձեզ։ Կես դրույքով դպրոցում աշխատողը քանի՞ ժամ պետք է մնա դպրոցում (ուսուցչի օգնական)։ Աշխատավարձը 34 հազար դրամ է։
Արամ.
Բարև ձեզ։ Հնարավո՞ր է ՍՊԸ-ի սեփականատերը լինի այլ կազմակերպության գրանցված աշխատող։
Արամ.
Բարև ձեզ։ IT ոլորտում կազմակերպություն գրանցելու համար ինչպե՞ս ծանոթանամ հարկային ծախսերին։ Կազմակերպությունը իրականացնում է արտասահմանից ֆրիլանս եղանակով վեբ ծրագրավորման պատվերներ, ի՞նչ դրույքաչափով է հարկվում այդ ոլորտը։
Վերջին մեկնաբանություններ