Կայք հաշվապահների համար և ոչ միայն…
Անի.
Հարգելի՛ հաշվապահներ, 1. եթե աշխատակիցը մեկնել է ՀՀ մարզեր գործուղման, ստացել է միայն հասանելիք 12 000դր., չի գիշերել ոչ մի տեղ, այդ դեպքու՞մ էլ պետք է հաշվետվություն ներկայացնի: 2. Եթե մի քանի աշխատակից է գործուղվում, ամեն մեկի համար առանձին հրաման պետք է գրվի՞: Շնորհակալություն
Գոհար.
Բարև Ձեզ: Եկամտային հարկի հետվերադարձի մասին օրենքը դեռ գործու՞մ է, եթե հիփոթեքով տուն են ձեռքբերում կամ զրոյից տուն են կառուցում: Կխնդրեմ պայմաններին էլ ծանոթացնել: Շնորհակալություն:
Երվանդ.
Շրջ. հարկով աշխատող ՍՊԸ 2022թ. օգոստոսի 1-ից գործունեությունը անորոշ ժամանակով դադարեցրել է: Այդ ՍՊԸ ցանկանում է փակվել: Խնդրում եմ նշել փակման գործընթացի քայլերը: Կանխավ շնորհակալ եմ:
Լյուդմիլա.
Բարի երեկո։ Խնդրում եմ մեկնաբանեք. կազմակերպության աշխատակիցը առցանց վճարում է կատարել իր անձնական գումարներից կազմակերպության գովազդի համար։ Հիմա պետք է այդ գումարը փոխհատուցել։ Ինչպե՞ս կարող եմ դա անել, իրավունք ունե՞մ արդյոք կազմակերպության հաշվեհամարից փոխանցել աշխատակցի քարտին նպատակը գրելով՝ ֆեյսբուքի գովազդի փոխհատուցում։
Արմինե.
Բարև ձեզ։ Գյուղաբնակ աշխատող մայրը ինչքա՞ն գումար է ստանալու երրորդ երեխայի դեպքում ամեն ամիս։
Էլինա.
Հարգելի հաշվապահներ, խնդրում եմ օգնեք. ՍՊԸ-ի գանձապահի արձակուրդ գնալուց արդյո՞ք պետք է կատարել դրամարկղի գույքագրում, և արդյո՞ք պետք է լրացուցիչ վճարել փոխարինողին։ Խնդրում եմ թողնել օրենքի հղում։ Կանխավ շնորհակալ եմ։
Արփինե.
Բարև Ձեզ։ Ինչքա՞ն է սահմանված արագամաշ առարկայի մաքսիմալ արժեքը՝ հանրային հատվածում, առաջվա քսանհինգ հազարի փոխարեն։
Դիաննա Ստեփանյան.
Բարև Ձեզ: Իմ հարցը կապված է ապրանքների ներմուծման ու հարկման հետ: ՀԿ-ն ցանկանում է ապրանք ներկրել (հաշմանդամություն ունեցող մարդկանց համար վերականգնողական պարագաներ) ու վաճառք իրականացնել ստացված շահույթը հասարակական նպատկներով իրականացնելու համար (համապատասխանում է կանոնադրական նպատակներին): Բացի մաքսային վճարը, ԱԱՀ պե՞տք է վճարի:
Sa2i.
Բարև ձեզ, հարգելի մասնագետներ։ Չե՞ք հուշի՝ շինարարության և վերանորոգման գործունեությամբ զբաղող Ա/Ձ-ն կարո՞ղ է աշխատել միկրոձերնարկատիրության դաշտում։ Կանխավ շնորհակալություն:
Սուսաննա.
Բարև ձեզ։ Աշխատավայրում ուզում են ինձ գրանցել, բայց պետ. ռեգիստրում իմ տվյալները չեն գտնում և գրանցումը չի ստացվում։ Ի՞նչ կարող եմ ես անել, ու՞մ կարող եմ ես դիմել։ Նաև ասեմ, որ անձնագիրս մեկ ամիս առաջ եմ հանել, դա կարո՞ղ է պատճառ հանդիսանա։
Աննա.
Բարի օր բոլորին։ Խնդրում եմ ասեք՝ Ա/Ձ զբաղվում է վարսահարդարման ծառայությունների մատուցմամբ և աշխատում է միկրոձեռնակարատիրության տիրույթում՝ արդյո՞ք պետք է պարտադիր pos տերմինալ ունենա։
Շուշան Դարինյան.
Բարև Ձեզ։ Եթե աշխատավարձը՝ առանց պահումների, 151 000 է, պետք է ստանա նաև ամսական 100 000 դրամաշնորհ։ Խնդրում եմ ասեք՝ պահումները կկատարվեն առանձին-առանձին, թե՞ դրանց երկուսի գումարից։ Կանխավ շնորհակալ եմ։
Մարինե.
Ասեք խնդրեմ, ազատման հրամանի մեջ վերջնահաշվարկի օրերի քանակը գրվու՞մ է, թե՞ ոչ:
Գայանե.
Ա/Ձ թարգմանչի համար չենք հասցրել ուղարկել շրջհարկով աշխատանքի դիմում, սակայն դեռևս որևէ գործունեությամբ չենք զբաղվել։ Ի՞նչ ձևով կարող ենք բողոքարկել հարկային դաշտի փոփոխության համար։ Ի՞նչ պատճառների դեպքում դիմումը կբավարարվի։ Ա/Ձ-ն գրանցվել է սեպտ 2-ին 2022թ․։
Աննա.
Հարգելի հաշվապահներ, եթե ԱԱՀ-ով աշխատող սպը ներմուծել է հիմնական միջոց, այս դեպքում ԱԱՀ հաշվանցելու իրավունք ունե՞նք։
Նարե.
Բարև բոլորին։ ՏՏ ոլորտի հաշվապահ եմ փնտրում, ո՞վ կարող է նրբություններին ծանոթացնել (վարձավճարով): Կարող եք կոնտակտ թողնել կապնվեմ ձեզ հետ։
Սերյոժա.
Բարև ձեզ։ Ես գրանվել եմ որպես Ա/Ձ և կարգացիճակս նշված է՝ նոր գրանցված, կից նշված է հաշվեհամար, ես հիմա չեմ զբաղվում գործունեությամբ, չունեմ հդմ։ Ես ի՞նչ որ պարտավորություներ ունեմ հիմա, հնարավո՞ր է հետագայում ունենամ խնդիրներ։
Սիմոն.
Հանրային սննդի ոլորտում է ԱՁ-ն գործունեությունը ծավալելու։ Շրջանառության հարկի հայտ պետք է տամ 201 դիմումով, ամսաթիվը նշում եմ այսօրվանը, ասում ա՝ “Հայտարարությունը կարող եք ներկայացնել մինչև ընթացիկ տարվա փետրվարի 20-ը”։ Ինչպե՞ս պետք ա հայտը ճիշտ ուղարկեմ, խնդրում եմ օգնեք։
Սուսան.
Բարև ձեզ։ Սիրելի հաշվապահներ, եթե կարող եք apoyansusan@mail.ru էլ հասցեին ուղարկեք բյուջեի կատարման և պարտքերի ձև 2 և ձև 4 հաշվետվությունների excel տարբերակները: Նախապես շնորհակալություն:
Մարի.
Հարգելիներս, ՍՊԸ-ն գրանցված է հարկայինի դաշտում որպես միկրոձեռնարկատեր: Գրանցված աշխատողներ չունի, դեռ գործունեություն չի իրականացնում, տնօրենն էլ դեռ գրանցված չէ: Բայց ունի վարձակալած տարածք որպես աշխատանքային սենյակ: Վարձավճարի համար ուզում են ֆակտուրա դուրս գրեն, որ վարձը անկանխիկ վճարենք: Դա ինչպե?ս է լինելու, խնդրում եմ փորձառուները օգնեն հասկանամ:
Արտակ.
Բարև Ձեզ: Կասեք՝ ի՞նչ և ո՞նց պեք է անեմ Ա/Ձ հաշվետվություն տալու համար։ Միկրոձեռնարկություն է՝ գրանցված, կատարում եմ սպասարկման ծառայություններ, աշխատողներ չունեմ, հիմա չգիտեմ ոնց պետք է անեմ, որպեսզի սանկցիաների տակ չընկնեմ հարկայինի կողմից։ 🙂
Յանա.
Բարև Ձեզ։ Խնդրում եմ պատասխանեք։ Աշխատանքի պայմանները ծանր, վնասակար և վտանգավոր լինելու դեպքում, գործատուի կողմից աշխատողի համար սահմանվու՞մ են արտոնություններ և հատկացումներ: Նշված դեպքում սահմանվող հատուցման չափը կկազմի աշխատավարձի 0,02 %-ի չափով։ Ճի՞շտ է։ Կանխավ շնորհակալություն
Գրիշա.
Ես 75 տարեկան եմ։ Թոշակի անցել եմ 2011 թվականի հունիսի 20֊ին։ Աշխատանքային ստաժը կազմել է 43 տարի 5 ամիս 24 օր։ Եվ շարունակել եմ աշխատել մինչ 2022 թվականի ապրիլի 15 ներառյալ։ Ստաժը կազմում է 54 տարի 5 ամիս 19 օր։ 5 ամիս 19 օրը մնացել է, որպես պոչ և ֆինանսական հաշվարկին չի մասնակցել։ ԻՆՉՈ՞Ւ
Սալվի.
Բարև Ձեզ: Խնդրում եմ պատասխանել, եթե խոհարարի հետ կնքվել է քաղիրավական պայմանագիր, հրամանագրու՞մ ենք, թե՞ ոչ, և աշխատաժամանակի տեղեկագրում նշվու՞մ է /տաբել/: Նախապես շնորհակալություն:
Նաիրա Վարդանյան.
Խնդրում են պատասխանել. երրորդ երկրից ներմուծված ապրանքի ինքնարժեքը ինչպե՞ս է հաշվարկվում, մասնավորապես՝ ԱԱՀ-ի գումարը գնի մեջ մտնու՞մ է։ Ասեմ նաև՝ ապրանքը արտահանվում է Ռուսաստան։
Անուշ.
Բարև Ձեզ։ ՍՊԸ-ն բացվել է օգոստոսին։ Այս պահին եկամուտներ չունենք։ Ի՞նչ հաճախականությամբ է պետք հանձնել շրջանառության հարկի և եկամտային հարկի հաշվետվությունները։ Եկամտային հարկի հաշվետվությունների ո՞ր ձևերը պետք է հանձնել։ Ընկերությունը այլ աշխատողներ բացի տնօրենը չունի։ Եթե տնօրենը գնա ադմինիստրատիվ չվճարվող արձակուրդ, այս դեպքում պե՞տք է եկամտային հարկի հաշվետվություն հանձնել։ Այլ հաշվետվություններ պե՞տք է հանձնել բացի շրջանառության հարկի և եկամտային հարկի հաշվետվությունները։
ժիրայր.
Գնումների համակարգողների որակավորման քննությունների նոր հարցաշարը և պատասխաները։
Սուրեն.
Բարև Ձեզ։ Խնդրում եմ ինձ օգնել գտնեմ ապրանքային նշանի նկատմամբ իրավունքի փոխանցման պայմանագրի տիպային օրինակ։
Յանա.
Բարև Ձեզ։ Խնդրում եմ պատասխանեք. համաձայն աշխատանքային պայմանագրի՝ նշված ժամկետում աշխատավարձի չվճարման դեպքում գործատուն ժամկետանց յուրաքանչյուր օրվա համար վճարում է տույժ հասանելիք աշխատավարձի 0,02 % չափով։ Ճի՞շտ է։
Կանխավ շնորհակալություն։
Մանե.
Բարև Ձեզ։ Բյուլետենից ի՞նչ պահումներ են արվում։
Մարինե.
Հարգելի հաշվապահներ, եթե հիմնարկի տնօրենը իր պարտականությունները ստանձնում է 2022 թվականի փետրվարի 14-ից, նա կարո՞ղ է 2022թ. հոկտեմբերի 10-ից 15 աշխատանքային օր տևողությամբ մեկնել արձակուրդի: Կանխավ շնորհակալություն:
Մարինե.
Բարև Ձեզ: Կասե՞ք՝ աշխատողի աշխատանքից ազատման դեպքում հրամանում վերջնահաշվարկը կատարու՞մ է կադրերի տեսուչը, թե՞ հաշվապահը: Կանխավ շնորհակալություն:
Լուսինե.
Բարև Ձեզ։ Եթե աշխատողը փոխաինող է մի քանի ամիս ժամանակով, իրավունք ունի՞ գնալու ֆիզ. արձակուրդ:
Արսեն.
Բարև Ձեզ։ Կասե՞ք՝ չրի արտադրություն սկսելու համար Ա/Ձ գրանցվելու դեպքում ի՞նչ հարկեր եմ վճարելու: Միկրո հնարավո՞ր է դառնա: Ա/Ձ գրանցումը պարտադիր է:
Մաշա.
Ողջույն, հարգելի հաշվապահներ։ Խմբում հարկման ընդհանուր համակարգում գործող մանրածախ առևտրով զբաղվող ՍՊԸ-ի հաշվապահներ կա՞ն։ Եթե այո, կխնդրեմ կոնտակներով փոխանակվենք։ Շնորհակալ եմ։
Արմինե.
Բարի լույս։ Ուզում եմ իմանալ, որ լրավճար եմ տալիս, ինչքա՞ն (գումարի չափ) տալու իրավունք ունեմ։
Նարե.
Բարև, հարգելի հաշվապահներ։ Սարքավորում ենք ներմուծելու, հետո մի քանի ամիս անց վաճառենք։ Ո՞վ կարող է օգնել, որ հնարավորինս քիչ հարկվենք, ԱԱՀ չվճարենք: Խնդրում եմ հեռախոսահամար թողնել:
Գոհար.
Բարև ձեզ, հարգելի հաշվապահներ։ Խնդրում եմ ասեք. ԱՁ-Ն գործում է Էջմիածնում և պոնչիկ ու կարկանդակ է մատակարարում մեկ դպրոցի և աշխատում է փոխանցումով։
1․ Կարո՞ղ է ՀԴՄ չունենալ։
2․ Կարո՞ղ է գործել միկրոյով։
3․ Կարո՞ղ է գրանցված աշխատող չունենալ, եթե Ա/Ձ-ն է աշխատում։
Անահիտ.
Բարև Ձեզ: Հանրային սննդի ոլորտով զբաղվող ընկերությունը դրսից հրավիրում է խոհարարի, որը պետք է երկու ամիս թրեյնինգ անցկացնի, սովորեցնի տվյալ ընկերության աշխատակցին: Հարցս հետևյալն է. տվյալ խոհարարի հետ կապված ծախսերը ինչպե՞ս կարող ենք հարկայինով ցույց տալ։
Սուսաննա Վանեսյան.
Բարև ձեզ։ Մենք ունենք ֆիզ. արձակուրդում գտնվող, սակայն նա ֆիզից ֆիզ է գնում, բայց սկզբնական ֆիզի դրույքաչափը 92 618 դրամ է, իսկ հիմա 130 000 դրամ։ Խնդրում եմ պատասխանեք, ո՞ր դրույքաչափով պետք է հաշվարկենք։ Կանխավ շնորհակալություն։
Անահիտ.
Բարև Ձեզ։ Հարգելի հաշվապահներ, միկրոյի հարկման դաշտում աշխատող ՍՊԸ-ն զբոսաշրջության օպերատորի ծառայություններ է մատուցում, ունի բանկում բացված դրամային, դոլարային և եվրոյով հաշիվներ։ Արդյո՞ք միկրոյի դաշտում աշխատող ՍՊԸ-ի համար պարտադիր է դրամարկղի գրքի վարումը, թե ծառայությունների դիմաց փոխանցումները կատարվում են բանկային հաշվին և արտարժույթը տեղում փոխանակվում է։
Արմինե.
Բարև Ձեզ։ Դրոշմանիշային վճարի հետ կապված ուզում եմ հասկանամ՝ հստակ թիվ կա՞ օրենքով, կամ ես ինչքա՞ն գումարի դեպքում պիտի պահեմ դրոշմանիշային վճար։
Վահան.
Բարև Ձեզ։ Եթե նոր մանրածախ առևտրային ընկերությունը, որը սկիզբում հարկման տեսակը միկրոձեռնարկատիրությունն է, երեք ամիս անց ըստ շրջանառության ծավալների շրջանառության հարկն է և 6 ամիս անց ԱԱՀ-ն Է։ Այս 9 ամիսներին ԱԱՀ-ով ձեռքբերված /ներդրված ծախսերը/ ապրանքները ի՞նչ նպաստավոր պայմաններ են ստեղծում հետագա ԱԱՀ մասով հարկմանը։
Աննա.
Բարձ Ձեզ: Կարո՞ղ եք ինձ պատասխանել, եթե կազմակերպության նոր գլխավոր տնօրեն է նշանակվում անձը, ով արդեն երկու կազմակերպությունում աշխատում է որպես տնօրեն, աշխատանքային պայմանագիր կնքվու՞մ է, թե՞ ոչ:
Ընկերություն՝ Անդակո
Հասցե՝ Իսակովի 10/12
Հեռախոս՝ 044419550
Էլ․ փոստ՝ job@andaco.am
Թափուր աշխատատեղ՝ Հաշվապահ
Աշխատանքի նկարագրություն՝
-Ապրանքային մնացորդի հաշվառում
-Դրամարկղային գործառնությունների հաշվառում
-Բանկային գործարքների հաշվառում
-Աշխատավարձի հաշվառում
-Ստացված ծառայությունների հաշվառում
-Ընթացիկ ձևակերպումների իրականացում
Պահանջներ՝
-կրթությունը՝ բարձրագույն
-աշխատանքային փորձը՝ առնվազն 3 տարի
-հարկային օրենսդրության լավ իմացություն
-Համակարգչային գիտելիքները՝ MS Office, ՀԾ, 1C։
Աշխատանքային ժամերը՝ 09։30-18։30։
Հանգստյան օրերը՝ շաբաթ և կիրակի։
Յանա.
Բարև Ձեզ։ Հարգելի հաշվապահներ, խնդրում եմ պատասխանեք. ԱԱՀ վճարող կազմակերպություն ենք, արտահանման ժամանակ վճարել ենք լրացուցիչ ԱԱՀ (մաքսատուրքից առաջացած)։ Այդ ամսվա ԱԱՀ-ի հաշվետվության մեջ ո՞ր դաշտում պետք է արտացոլվի մեր կողմից վճարված ԱԱՀ-ն։ Կանխավ շնորհակալություն։
Ռուբ.
Բարև ձեզ։ Ընկերությունը ցանկանում է հայտարարել շահաբաժին։ Ընկերությունը ունի 2 000 000 շահույթ, այդ գումարը պետք է հարկե՞լ 5%-ով և հիմնադրին վճարել 1 900 000, թե՞ պետք է վճարել 2 000 000-ը և հարկային պարտավությունները ընկնեն ՍՊԸ-ի վրա։
Անի.
Բարև ձեզ։ Եթե աշխատողի աշխատանքային պայմանագրի ժամկետն ավարտվում է ոչ աշխատանքային օրով, այդ դեպքում ե՞րբ պետք է հրամանը գրվի ու ի՞նչ օրով պետք է ազատվի հարկայինի էջում։
Կարեն.
Բարև ձեզ, հարգելի հաշվապահներ: Աշխատողի աշխատավարձը՝ մաքուր վճարման ենթակա գումարը կազմել է 73 550 դրամ, սակայն վճարվել է 5 օր ուշ: Հարց. արդյո՞ք տույժը ենթակա է հարկման, եթե այո, ապա ինչպե՞ս հաշվարկել՝ հաշվարկված 95 000 դրամ աշխատավարձին գումարել 5 օրվա 95000*0.15% և հարկել։
Լիլիթ.
Բարև ձեզ։ Կազմակերպությունը աշխատանք է կատարում և՛ Երևան քաղաքում, և՛ մարզում։ Կարո՞ղ է մարզում աշխատողների աշխատավարձը վճարել կանխիկ:
Վերջին մեկնաբանություններ