Վիգեն.

ՀԿ-ն չունի գրանցված աշխատող, կարո՞ղ է օգտվել ծառայությունից (օրինակ՝ թարգմանչական ծառայությունից) և կատարել փոխանցում համապատ. ծառայության համար։ Կանխավ շնորհակալություն։

Տաթև.

Բարև ձեզ, հարգելի հաշվապահներ: Դրոշմանիշ վճարելու ժամանակ ՏՀՏ կոդ դաշտում ո՞ր կոդը նշել:
Կանխավ շնորհակալ եմ:

Դիաննա.

Բարև Ձեզ, հարգելի հաշվապահներ։ Խնդրում եմ պատասխանեք, եթե աշխատողի ազատման հրամանը տրված է 10.10.2022, հարկային հայտը լրացրել եմ 07.10.2022 և ուղարկել եմ։ Սակայն մի քանի ժամ հետո պարզվեց, որ աշխատողը դեռ պետք է աշխատի, բայց հայտն արդեն ուղարկել եմ, հիմա ի՞նչ անեմ այդ հայտը ուղղելու համար։

Նունե.

Խնդրեմ կհուշեք, ինչպե՞ս հետևել օրենքների փոփոխմանը, e-draft.am և parliament.am կայքերից եմ փորձում օգտվել, բայց խճճվում եմ:

Մարգարիտա.

Բարև Ձեզ։ Արծաթյա զարդերի ԱՏԳԱԱ դասակարգիչը ո՞րն է։

Անուշ.

Բարև Ձեզ։ Որ խնդրեմ կասեք՝ Ա/Ձ-ն, եթե վարսավիրական գործունեությամբ է զբաղվում և աշակերտ է պահում, պետք է դասընթացի ծառայության հաշիվ դուրս գրի, թե՞ ոչ։ Շնորհակալ եմ։

Հայկ.

Բարև բոլորին։ Նոր գրանցված կազմակերպությունը ԱԱՀ-ով է ուզում աշխատել, պե՞տք ա ուղարկի 264 ձևը, ու հայտարարությունում ինչ օր նշում եմ ընդունում է, ճի՞շտը ռեգիստրում գրանցման օրն է, չէ՞։

Նորա.

Հարգելի հաշվապահներ, ՏՏ ոլորտի կազմակերպություն գրանցելու համար ի՞նչ է անհրաժեշտ, ո՞ր հարկատեսակով է աշխատում և ի՞նչ հաշվետվություններ է հանձնում։

Ընկերություն՝ ԷՅ ՋԻ ՌՈՅԱԼ ՔՈՆՍԱԼԹԻՆԳ ՍՊԸ
Հասցե՝ ք․ Երևան, Թբիլիսյան խճուղի 20
Հեռախոս՝ +37494222127
Էլ․ փոստ՝ ani.grigoryan@agrconsulting.am
Ծառայության անվանում՝ Հաշվապահական և իրավաբանական ծառայություններ
Ծառայության նկարագրություն՝ ԷՅ ՋԻ ՌՈՅԱԼ ՔՈՆՍԱԼԹԻՆԳ ՍՊԸ-ն առաջարկում է մատչելի և որակյալ հաշվապահական ծառայությունների լայն շրջանակ ձեռնարկատիրական գործունեության բոլոր ոլորտներում, ներքին աուդիտ, հաշվապահության վերականգնում, հարկային խորհրդատվություն, բիզնես-պլանների մշակում
Ծառայության արժեք՝ Կազմակերպության գործնեության տեսակից (հարկատեսակներ), աշխատողների թվաքանակից և շրջանառության ծավալներից կախված
Այլ նշումներ՝ Հարցերի և համագործակցության համար խնդրում ենք կապ հաստաել նշված կոնտակտային տվյալներով՝ Հեռ:+37494222127

Ընկերություն՝ Թի Էմ Էլ Քոնսալթինգ ՍՊԸ
Հասցե՝ Տերյան 1/1
Հեռախոս՝ +37495771272
Էլ․ փոստ՝ info@tmlconsultant.com
Թափուր աշխատատեղ՝ Գլխավոր հաշվապահ
Աշխատանքի նկարագրություն՝
-Անմիջականորեն իրականացնել և/կամ վերահսկել հաշվապահական և ներքին ֆինանսական հաշվետվությունների ամբողջականությունն ու ճշգրտությունը,
-Ապահովել եկամուտների և ծախսերի ճշգրիտ վերլուծությունը,
-Վարել և վերահսկել ընթացիկ հաշվապահություն,
-Հետևել հաշվապահական և ֆինանսահարկային օրենսդրության փոփոխություններին, և ապահովել հաշվապահության վարումը գործող օրենսդրության պահանջներին համապատասխան,
-Պատրաստել հարկային հաշվետվությունները:
Պահանջներ՝
-Բարձրագույն կրթություն,
-5 տարվա աշխատանքային փորձ
-Հարկային և հարակից օրենսդրության իմացություն,
-Համակարգչային գիտելիքներ` 1C և ERP ծրագրերի իմացություն,
-Թիմային աշխատանք կատարելու ունակություններ։
Այլ նշումներ՝ Դիմելու համար անհրաժեշտ է ուղարկել info@tmlconsultant.com էլեկտորնային հասցեին: Հասցե՝ ք. Երևան, Տերյան 1/1

Վարդ.

Բարև ձեզ։ Ո՞վ է օգտվել պետության կողմից հովանավորած դայակի ծառայությունից։

Տիգրան.

Բարև ձեզ։ Ես ուղիղ մեկ տարի գրանցված աշխատել եմ 24 ժամյա գրաֆիկով, ամսական 240 ժամ։ Գրել եմ դիմում իմ հայեցողությամբ և ազատվել աշխատանքից։ Գրանցված աշխատավարձս 123 000 դրամ է։ Արձակուրդ չեմ գնացել, բայց երեք աշխատանքային օրվա գումար ստացել եմ։ Ինձ վերջնահաշվարկ կամ ազատման նպաստ հասնու՞մ է և որքա՞ն։

Արմինե.

Բարև Ձեզ։ Խնդրում եմ պարզաբանել՝ հնարավո՞ր է արդյոք, աշխատողը հիմնական աշխատավայրում աշխատի 4 ժամ/օր, իսկ համատեղությամբ մեկ այլ գործատուի մոտ՝ 8 ժամ/օր։ Այսինքն՝ չգերազանցի 12-ժամյա օրական տևողությունը։ Խնդրում եմ նաև ԱՕ կանոնակարգող հոդվածի համարն էլ հուշեք։ Շնորհակալություն։

Արսեն.

Ողջույն։ Հարգելի հաշվապահներ, աշխատանքի տեսչական մարմինը արձանագրել է խախտումներ և կազմվել է ակտ, ըստ որի 2018-ից 2021 թվականներին տարբեր ամիսներում աշխատակիցներին չի հաշվարկվել և չի վճարվել որոշակի գումարներ։ Պրակտիկորեն հնարավոր չէ ճշգրտել այդ ամիսների հաշվետվությունները, որովհետև դա մեկ ամիս չէ, մոտ 100 աշխատող է, և հետո դա իր հերթին կբերի շահութահարկի հաշվարկների փոփոխության։ Եթե հիմա ենք անում հետհաշվարկները (տեսչությունը հաշվել է մաքուր վճարվելիք գումարները), արդյո՞ք յուրաքանչյուր տարվա համար եկամտային և սոց. վճարները պետք է հաշվել համապատասխան տարվա համար սահմանված դրույքներով։ Դրանից բացի պետք է հաշվարկել և վճարել 0,15 տոկոս տույժերը, իսկ տույժերի համար նույնպե՞ս պետք է հաշվարկել եկամտային և սոց. վճարներ, քանի որ եկամտային և սոցի մասով չգտա նվազեցում։ Նաև հաշվետվության մասով հարց է առաջանում, ինչպե՞ս ցույց տալ։ Կարծում եմ եկամտային հաշվետվության մեջ 1,1 կետում՝ դատարանի վճռով կամ ՀՀ օրենսդրությամբ սահմանված այլ դեպքերում կետի տակ հատ-հատ պետք է լրացվի և անկախ տվյալ անձը ներկայումս աշխատում է, թե ոչ, ընտրվի ավարտված պայմանագրով վճարման կետը։ Խնդրում եմ օգնել, որքան հնարավոր է արագ և հիմնավոր։ Շնորհակալություն։

Գոհար.

Բարև ձեզ, հարգելի հաշվապահներ։
1. Կարո՞ղ եմ հիմնադիր տնօրենի աշխատավարձը եկամտայինի հաշվետվության մեջ լրացնեմ 68 000դր և քանի՞ ժամ լրացնեմ շաբաթական աշխատանքային ժամը։
2. Հարգելի հաշվապահներ, արդյո՞ք միկրոձեռնարկատիրոջ կողմից դուրս գրվող հաշվարկային փաստաթուղթը հիմա կարո՞ղ եմ շրջհարկով գործող բանջարեղենի խանութի ծախսերում ընդգրկեմ։

Աննա.

Բարև Ձեզ։ 17 տարեկանի հետ կարելի՞ է կնքել քաղիրավական պայմանագիր: Ժամկետը 1 ամիս պետք է լինի, թե՞ ճիշտ կլինի աշխատանքային պայմանագիր կնքել 1 ամիս ժամկետով։

Մանան.

Բարև բոլորին։ 3-րդ երկրից ներմուծում է կատարվել, մաքսային բրոքերը իր գործն արել է, հաշվապահն ունի՞ ինչ որ հաշվետվություն ներկայացնելու։ Միկրոյով աշխատող ՍՊԸ է։

Դիանա.

Հարգելի հաշվապահներ, խնդրում եմ մի փոքր կպարզաբանեք՝ 274 հաշվետվության վերջնաժամկետը ե՞րբ է, և ընդհանրապես, ու՞մ համար է այն պատադիր, ինչպե՞ս պետք է այն լրացնել։ Շնորհակալություն ․․․

Նարե.

Բարև ձեզ, սիրելի հաշվապահներ։ Առք ու վաճառքով զբաղվող Ա/Ձ-ն միկրոձեռնարկատիրության սուբյեկտ է։ Կասեք՝ ի՞նչ հաշվետվություն ունի ուղարկելու, բացի տարեկան միկրոյի հաշվետվությունից, աշխատող չունի։

Իզաբելլա.

Բարև ձեզ։ Հարցս վերաբերում է տույժերի կիրառմանը։ Եթե պայամանգրով սահմանված է տույժ փոխառության մարման յուրաքանչյուր ուշացրած օրվա համար, ամեն ամիս ուշացնելու դեպքում պետք է ամեն անգամ գրավոր ծանուցվի՞ տույժի կիրառման մասին, թե՞ պարտադիր չէ ծանուցել, քանի որ տույժի մասին նշված է պայմանագրի մեջ։
Նախապես շնորհակալություն։

Լուսինե.

Բարև ձեզ: Խնդրեմ ինձ հստակ պատասխան կտա՞ք, եթե Ա/Ձ-ն՝ միկրոյի հարկման դաշտում աշխատող, 15.10.2022 գնալու է ֆիզ. արձակուրդ, ե՞րբ պետք է Ա/Ձ դադարեցում տամ։

Բարև ձեզ։ Պայմանագրով աշխատում եմ կես օրով՝ 4 ժամ տևողությամբ։ Ամբոջ դրույքի համար աշխատավարձը սահմանված է 120 000դր, իմ դեպքում կլինի 60 000 դր ու ինչքա՞ն պահումներ։ Շնորհակալ եմ նախապես։

Ռուզաննա.

Բարև Ձեզ։ Խնդրում եմ պատասխանել՝ քաղիրավական պայմանագրով աշխատակցին կարո՞ղ ենք հրաման տալ գործուղման համար, քանի որ քաղիրավական պայմանագրով աշխատակիցը համարվում է ոչ հաստիքով, և՛ ոչ հրամանով, և՛ ոչ էլ աշխատավարձի տաբելում չի գրվում։
Կանխավ շնորհակալ եմ։

Մելանյա.

Բարև Ձեզ։ Ես 1 շաբաթ աշխատանքի չեմ գնացել, այնուհետև գնացել ու ազատման դիմում եմ գրել։ Ինձ իմ աշխատած օրերի աշխատավարձը՝ վերջնահաշվարկը, չի տրվելու՞։ Հավելեմ նաև, որ խանութում եմ աշխատել։

Անուշ.

Բարև ձեզ։ Հաշվապահներ ջան, բարդ ծննդաբերության դեպքում 15 օրվա համար անաշխ. թերթիկի ներկայացնելը ժամկետային սահմանափակում ունի՞։
Օրենքում ինչքան փնտրեցի չգտա նման կետ։ 140 օրը լրանալուց հետո է վճարվում, թե՞ կարող է երեխայի ծնվելուց մեկ շաբաթ հետո վճարվի։

Գևորգ.

Հարգելի Հաշվապահներ,

Անձը 2020 թվականին հանդիսացել է միջնորդ։ Նա ֆիզիկական անձից (բնակվում է ՀՀ-ում) ստացել է 1,000,000 դրամ ՀՀ բանկային հաշվին, որից 100,000 դրամը վերցրել է որպես միջնորդավճար և 900,000 դրամին համարժեք արտարժույթը սեփական արտասահմանյան բանկային հաշվից փոխանցել է Ա/Ձ-ին (բնակվում է արտերկրում), որպեսզի վերջինս ֆիզիկական անձին մատակարարի ապրանքներ։ Մաքսազերծման հետ կապված բոլոր աշխատանքները կատարում է ֆիզիկական անձը և ոչ թե միջնորդը։

Եթե միջնորդի համար առաջացել են հարկային պարտավորություններ, ապա այս հարկային տարում 2020 թ. պարտավորությունը կատարելու համար հարկերը և հաշվարկվող տուգանքը մոտավոր ինչքա՞ն են կազմելու, եթե անձը Ա/Ձ-ից ձեռքբերած ապրանքների վերաբերյալ ունի համապատասխան փաստաթղթեր։

Շնորհակալություն

Ֆիզիկական անձը ցանկանում է ՍՊԸ-ում ներդրում իրականանցնել։ Ինչպե՞ս կարելի է տալ հաշվապահական ձևակերպումները։

Հայկ.

Բարև Ձեզ: Այսպիսի հարց ունեմ: Ծառայություններ մատուցող ընկերությունը, որն աշխատում է շրջհարկով, նյութեր է ձեռքբերում իր գործունեության նպատակով: Ինվոյսի մեջ առաքման վայրը նշվում է հենց ծառայության մատուցման վայրը: Իսկ եթե կատարվի նյութերի տեղափոխություն մեկ այլ վայր, ապա ինվոյսինգո՞վ պետք է դուրս գրենք տեղափոխման փաստաթուղթ, թե՞ ներքին տեղափոխման ակտը բավարար է: Շնորհակալություն։

Յանա.

Բարև Ձեզ։ Աշխատողը երկարատև ժամանակ աշխատանքի չի ներկայանում։ Հարգելի պատճառով աշխատանքի չներկայանալու հիմնավորող փաստաթղթեր չի ներկայացրել։ Ի՞նչ քայլեր պետք է ձեռնարկի գործատուն, որպեսզի աշխատանքից ազատի այս աշխատողին։ Կանխավ շնորհակալություն։

Հայկուհի.

Հարգելի՛ գործընկերներ, խնդրում եմ օգնեք։ Կարո՞ղ ենք համայնքային ծառայողին փորձաշրջանով ընդունել աշխատանքի։

Անուշ.

Բարի երեկո, իմ բոլոր հարցերին համբերատար պատասխանող մասնագետներ։ Հաշմանդամության կարգ ստանալուց հետո աշխատանքի ներկայանալուց պե՞տք է անձամբ տեղյակ պահեմ, որ 3-րդ կարգ եմ ստացել՝ տնօրենին, թե՞ կադրեր։ Նախապես շնորհակալեմ։

Հասմիկ.

Բարև Ձեզ։ Եթե աշխատողը գտնվում է հերթական արձակուրդում, կարո՞ղ ենք նոր հաստիքի նշանակենք այդ ընթացքում։

Ժասմենա.

Բարև ձեզ։ «Սովորողների տնային ուսուցման» կարգում նշվում է, որ տնային ուսուցում իրականացնող ուսուցիչների վարձատրությունն իրականացվում է ժամավճարով, հաշվի առնելով, հաստատությունում սահմանված դրույքաչափը։ Խնդրում եմ մեկնաբանել, թե ինչպե՞ս պետք է վճարենք այդ ուսուցիչներին։ Շնորհակալություն։

Սուսաննա.

Բարև Ձեզ։ Ընկերությունը հաշվետու ժամանակաշրջանի համար դիմել և ստացել է ԱԱՀ-ի գերավճարի վերադարձ, սակայն սխալմամբ մեկ 0 – պակաս է գրել: Արդյո՞ք կարող է 2-րդ անգամ /նույն ժամանակածրջանի վերաբերյալ/ նորից դիմել ԱԱՀ-ի գերավճարի վերադարձի համար:

Մարիաննա.

Բարև ձեզ, հարգելի հաշվապահներ։ Խնդրում եմ օգնել։ Եթե Ա/Ձ նոր է բացվել խորհրդատվությունների համար, ռեգիստրում գրանցել են 96.09.0- Այլ ծառայությունների մատուցում, չներառված ուրիշ խմբավորումներ։ Ապա մինչև հոկտեմբերի 20-ը ի՞նչ հաշվետվություն տամ, ի՞նչ հարկատեսակով պետք է աշխատեմ, ինչպես նաև միկրոյի տակ կարո՞ղ եմ աշխատել։

Նազելի.

Բարև Ձեզ:
Եգիպտոսից հագուստ ենք ուզում ներկրել Հայաստան հիմնականում մեծածախ վաճառքի համար, բայց նաև չի բացառվում մանրածախ օնլայն վաճառքը:
Հարցս հետևյալն է՝ որտե՞ղ պետք է դիմենք այս ամենը օրինական և մատչելի կազմակերպելու համար՝ սկսած բեռնափոխադրումից մինչև մաքսազերծում:
Եվ հաջորդ հարցս՝ արդյո՞ք հարկավոր է Ա/Ձ բացել և մտնել հարկային դաշտ ներկրված ապրանքը վաճառելու համար, այսինքն՝ մաքսազերծման հարկերը վճարելուց հետո հարկավո՞ր է կրկին հարկեր վճարել մեծածախ կամ օնլայն վաճառքի դեպքում։ Նշեմ նաև, որ վաճառքի կետ չենք ուզում վերցնել, այլ հենց սեփական պահեստից վաճառենք: Չգիտենք որտեղից սկսենք, որ ճիշտ լինի:

Նախապես շնորհակալություն:

Գայանե.

Բարև ձեզ: Վերջնահաշվարկից սոց. վճար չի պահվում, սակայն ինչպե՞ս եկամտային հարկի ամսական հաշվետվության մեջ գրանցեմ վերջնահաշվարկը, որ ավտոմատ սոց. չհաշվի։

Շուշան Դարինյան.

Հարգելի հաշվապահներ, խնդրում եմ՝ կնշե՞ք դեպքերը, բայց խնդրում եմ՝ ոչ հոդվածներով, այլ ուղղակի թվարկել դեպքերը։ Աշխատողին տրված ամենամյա արձակուրդի տևողությունը գերազանցել է իրեն հասանելիք արձակուրդի տևողությանը։ Աշխատանքից ազատման ո՞ր դեպքերում աշխատողը պետք է գործատուին հետ վերադարձնի իրեն ավել վճարված գումարը։

Թամ.

Նախատոնական օրերին 6-օրյա աշխատանքային գրաֆիկ ունեցող աշխատողը ունի՞ հանգստյան ժամ։

Մարիամ.

Բարև ձեզ։ Եթե պետ ռեգիստրում ԱԱՀ վճարող համարվելու վերաբերյալ պտիչկա են դրել, էլ միկրո չի կարո՞ղ լինել։

Բարև ձեզ։ Հնարավոր է արդյոք, դպրոցի Կառավարման խորհրդի որոշումով, օրենքով սահմանված ժամավճարի նվազագույն չափից ավել չափ սահմանել՝ մանկավարժի վճարի չափը ձևավորելիս։ Շնորհակալություն։

Կարինե.

Բարև Ձեզ, հարգելի կոլեգաներ։
ՀՀ ռեզիդենտ ՍՊԸ-ն ապրանքներ է գնել 3-րդ երկրից և միանգամից ուղարկել ՌԴ՝ վաճառելով ռուսական ընկերությանը: Ապրանքը Հայաստան մուտք չի գործել: Խնդրում եմ հուշել՝ ի՞նչ հարկային պարտավորություններ է ունենալու ՀՀ ընկերությունը, արդյո՞ք ներմուծում և արտահանում է համարվելու:

Տաթև.

Բարև Ձեզ: Կազմակերպությունը կարո՞ղ է ունենալ տարբեր բանկերում հաշիվներ:

Անահիտ.

Բարև Ձեզ: Մատակարարի կողմից դուրս է գրվել սխալ հաշիվ վավերագիր, շփոթված ստորագրել եմ, ինչպե՞ս կարող եմ չեղարկել իմ ստորագրությունը։

Տաթև1.

Բարև ձեզ: Եթե անձը գտնվել է դեկրետում և մինչև 3 տարեկան երեխայի խնամքի արձակուրդի ընթացքում էլի գնացել է դեկրետ, արդյոք կազմակերպությունը պարտավո՞ր է կրկնակի վճարել 3 000 ՀՀ դրամը։

Նատա.

Բարև ձեզ: ԵՏՄ-ին ապրանքների արտահանում: Ցանկանում եմ իմանալ հերթական քայլերը, հաշվետվությունները, վճարումները: Կանխավ շնորհակալ եմ:

Տիրուհի.

Բարև Ձեզ: Ես մի հարց ունեմ, եթե աշխատողի 6-ամիսը լրացել է, պարտադի՞ր է ամենամյա արձակուրդի գնալը, եթե աշխատողը չի ցանկանում գնալ, իրավունք ունի, թե՞ ոչ։

Տաթև.

Բարև Ձեզ։ Նորաբաց ՍՊԸ-ում դեռ գրանցված է միայն տնօրենը, շաբաթական 8 ժամով։ Աշխատավարձի չափը կարո՞ղ է սահմանվել 32 000, 1 ժամը 1000 դրամ՝ հարկերը ներառյալ հաշվելով։

Գրիգոր.

Բարև Ձեզ:
Հարց 1) Հիմնադամը (ԲՈՒՀ) ծրագրեր է իրականացնում, և աշխատակիցները մեկնում են գործուղման արտասահման։ Կարո՞ղ ենք արդյոք օրապահիկը աշխատակիցներին փոխանցել արտարժույթով։ Նշեմ, որ ճանապարհածախսի գումարները վճարում ենք ՀՀ դրամով:
Հարց 2) Աշխատակիցը ազատվել է աշխատանքից 2021թ. մարտի 3-ին, ստացել է վերջնահաշվարկ (արձակուրդի փոխհատուցում), այնուհետև 2022թ. օգոստոսի 25-ին դատարանի որոշումով վերականգնվել է աշխատանքի: Դատարանի որոշումը ներկայացվել է կազմակերպութուն 2022թ. սեպտեմբերի 10-ին։ Համաձայն դատարանի որոշման 2021թ. մարտի 3-ից մինչև 2022թ. օգոստոսի 25-ը վճարել են միջին աշխատավարձի չափով, քանի որ որոշումը ուշ է տրվել, աշխատակիցը օգոստոսի 25-ից մինչև սեպտեմբերի 10-ը աշխատանքի չի ներկայացել: Ի՞նչ փաստաթղթի հիման վրա վճարել աշխատակցի աշխատավարձը 2022թ. օգոստոսի 25-ից մինչև սեպտեմբերի 10-ը, արդյոք հե՞տ պետք է պահենք աշխատողի արձակուրդի փոխհատուցումը, քանի որ այն արդեն ցույց է տրվել 2021թ. մարտ ամսվա եկամտային հարկի և 2021թ. տարեկան շահութահարկի հաշվետվությունում։ Եթե այո, ՀԾ-ում ինչպե՞ս կատարել հետ պահումը:
Շնորհակալութկուն:

Լիլիթ.

Բարև Ձեզ։ Մի հարց ունեմ, եթե մայրության նպաստի միանվագ գումարը արդեն վճարել եմ, դրանից հետո երբ երեխան ծնվում է, սոցապ ի՞նչ թուղթ պիտի ուղարկվի։