Մանե.

Բարև բոլորին։ Գեոդեզիա և չափագրում գործունեությամբ զբաղվող Ա/Ձ-ն չի կարո՞ղ չէ միկրո լինել, ու մե հարց՝ արդյո՞ք լիցենզիա պետք է ունենա։

Գրիգոր.

Բարև Ձեզ: Խնդրում եմ գրեք բուհի դասախոսների աշխատավարձի (ծախսի հաշիվն է պետք) հաշվարկի հաշվապահական հաշիվների թղթակցությունը և քաղիրավական պայմանագրի դեպքում հաշվապահական հաշիվների թղթակցությունը:

Արտյոմ.

Հարգելի հաշվապահներ, կազմակերպությունը զբաղվում է գյուղ տեխնիկայի ներմուծմամբ և վաճառքով: Գործունեության հասցեն ՀՀ մարզում է: Քաղիրավական պայմանագրի շրջանակներում ունի կնքած 2 պայմանագիր ֆիզ. անձի հետ՝ բեռների դատարկման աշխատանքներ կատարելու: Հարց՝ արդյո՞ք կազմակերպությունը պարտավոր է աշխատանքների կատարման վարձատրությունը կատարել անկանխիկ։

Լիան.

Սեպտեմբեր ամսվա մեջ ձևակերպել են արձակուրդ 10 օր, բայց չի վճարվել գումարը։ Այժմ աշխատած օրերի հետ միասին վարձատրելու են հոկտեմբերին։ Ըստ իրենց տրամադրած հաշվարկի ենթակա է վճարման 211 250 դրամ, սակայն ես չեմ կարողանում հասկանալ, թե ինչպե՞ս է ստացվում այդ թիվը։ Սեպտեմբերն ունի 21 աշխատանաքյին օր, միջին աշխատավարձս 2 500 000 դրամ է։ ՏՏ ոլորտի հավաստագրով աշխատող կազմակերպություն է, աշխատանքը՝ 5-օրյա գրաֆիկով է։ Խնդրում եմ օգնեք հասկանալ, ճի՞շտ է հաշված, թե՞ ոչ, և ինչպե՞ս են ստացել այդ թիվը։

Գոհար.

Հարգելի կոլեգաներ, ֆեյսբուքից, գուգլից, մայքրոսոֆթից տեղեկանք կարողանու՞մ ենք պահանջել, թե՞ հարկելու ենք։

Վաղինակ.

Բարև Ձեզ: Եթե հիմնական աշխատողը վերադառնում է աշխատանքի մինչև 3 տարեկան երեխայի խնամքի արձակուրդից և նրան փոխարինող աշխատողը նրա վերադարձից 10 օր առաջ գնացել է հղիության և ծննդաբերության արձակուրդ, ի՞նչ է տեղի ունենում փոխարինող աշխատողի հետ հիմնական աշխատողի վերադառնալուց հետո: Արդյո՞ք նա ետ է կանչվում արձակուրդից և ազատվում աշխատանքից հիմնական աշխատողի վերադառնալու օրը, թե՞ նրա ազատումը հետաձգվում է մինչև հղիության և ծննդաբերության արձակուրդի ավարտը:

Ընկերություն՝ ԷՅ ՋԻ ՌՈՅԱԼ ՔՈՆՍԱԼԹԻՆԳ ՍՊԸ
Հասցե՝ ք․ Երևան, Թբիլիսյան խճուղի 20
Հեռախոս՝ +37494222127
Էլ․ փոստ՝ ani.grigoryan@agrconsulting.am
Թափուր աշխատատեղ՝ Հաշվապահ, Ավագ հաշվապահ, Գլխավոր հաշվապահ
Աշխատանքի նկարագրություն՝
-Աշխատանքի ենք հրավիրում փորձառու հաշվապահի, ընկերության հետ համագործակցող ընկերությունների հաշվապահական բաժնի գործունեության համար, ով կապահովի ընկերության անխափան աշխատանքը և ռեսուրսների արդյունավետ կառավարումը.
-Կատարել հաշվապահական հաշվառման վարման աշխատանքներ` կապված տնտեսական գործառնությունների հետ` ամբողջությամբ կամ մասնակի ուղղություններով հիմնական միջոցների, ապրանքանյութական արժեքների, դրամական միջոցների, ֆինատնտեսական գործունեության արդյունքների հաշվարկների, ապրանքների արտադրության և իրացման հետ կապված ծախսերը, ինչպես նաև մատուցվող ծառայությունների և այլ հաշվառումների:
-Իրականացնել հաշվառման կոնկրետ ուղղություններին համապատասխան սկզբնական փաստաթղթերի ընդունումն ու հսկողությունը, ինչպես նաև դրանց հերթական հաշվառումը:
-Կազմել ապրանքների ինքնարժեքի հաշվարկաման հաշվետվություն, բացահայտել ծախսերի և կորուստների ձևավորման աղբյուրները, առաջարկություն պատրաստել դրանց կանխման համար:
-Հաշվապահական հաշվառման և հաշվետվության տվյալների հիման վրա մասնակցել կազմակերպության ֆինանսատնտեսական գործունեության տնտեսական վերլուծության անցկացմանը` ներտնտեսական պաշարների բացահայտման, փաստաթղթաշրջանառության կատարելագործման հետ կապված միջոցառումներին
-Հաշվապահական հաշիվներում արտացոլել հիմնական միջոցների, ապրանքանյութական արժեքների և դրամական միջոցների շարժի հետ կապված բոլոր գործարքները
-Հաշվապահական հաշվետվություններ կազմելու համար պատրաստել հաշվապահական փաստաթղթեր, ապահովել դրանց պահպանումը, ձևակերպել սահմանված կարգին համապատասխան արխիվացնելու համար:
-Իրականացնել հաշվապահական տեղեկատվության տվյալների բազային ձևավորման, անցկացման և պահպանման հետ կապված աշխատանքներ.
Պահանջներ՝
-Բարձրագույն տնտեսագիտական կրթություն
-Նվազագույնը 2 տարվա աշխատանքային փորձ
-Հաշվապահական ծրագրերի իմացություն (ՀԾ համակարգ, 1C),
-Համակարգչային գրագիտություն, ցանկալի է հավելյալ ծրագրի իմացություն word, exell
-Ազնվություն, արագաշարժություն, ճկունություն
-Թիմում աշխատելու և լարված իրավիճակներում շուտ կողմնորոշվելու հմտություն:
-Տարբեր լեզուների իմացությունը ազատ հաղորդակցվելու և գրագիտության մակարդակով և փորձագետ հաշվապահի որակավորումը կդիտվի որպես առավելությունառավելություն կդիտվի առավելություն
-Մանրամասներին մեծ ուշադրություն դարձնելու կարողություն։
-Ճշտապահություն, ազնվություն, մարդկային բարձր որակներ։
Աշխատավարձ` Աշխատավարձի չափը կախված է աշխատանքային փորձից և մասնագիտական հմտություններից
Այլ նշումներ` Աշխատանքային ժամերը՝ երկուշաբթի-ուրբաթ 09:00-18:00

Նարեկ.

Բարև Ձեզ։ Շրջանառության հարկի դաշտում գործող Ա/Ձ-ն ավտոմեքենա է ներմուծել, որը խոտանված է և մաքսային թղթերի մեջ նշված է խոտանված: Արդյո՞ք պետք է շրջանառության հարկից որպես ծախս նվազեցվի դա։ Կխնդրեի նաև, դրա հետ կապված, ասեք ո՞ր հոդվածը կարդամ։

Արամ.

Բարև ձեզ: Ա/Ձ աշխատում է շրջանառության հարկով: Հանրային սննդի գործունեություն է իրականացնում: Ունի 3 գրանցված աշխատող, որոնց աշխատավարձերը կազմում են 100 000-ական դրամ, ներառյալ՝ հարկերը: Հարց 1. արդյո՞ք ծախսերի մեջ կարող է ներառվել ամբողջ 300 000 դրամ աշխատավարձը, որի մեջ ներառված է նաև դրոշմանիշային վճարը: Հարց 2. Ա/Ձ շահութահարկը և սոցի 5 000 դրամները կարո՞ղ է ներառվել, թե՞ ոչ։ Խնդրում եմ հստակ պատասխանել հարցին, հոդվածը copy paste չանել))
Կանխավ շնորհակալ եմ)))

Անահիտ.

Բարև Ձեզ: Կազմակերպությունը վարձակալած շենքում, որում պիտի գործունեություն իրականացնի, կատարել է էլեկտրականության մոնտաժում, ապահովիչների գեներատորների լեդ լույսերի տեղադրում, մալուխային լարերի ձեռքբերում։ Այս թվարկածներս պետք է ձևակերպե՞լ որպես հիմնական միջոց, թե՞ շենքի վերակառուցում։

Նելլի.

Բարև ձեզ, հարգելի հաշվապաներ։ Խնդրում եմ օգնեք, օնլայն ebay-ից ապրանք ենք գնել, վճարումը եղել է ebay-ին, հետո առանձին ինվոյս ա եկել առաքման, առաքողը եղել է ապրանքի տերը։ Արդյո՞ք առաջանում է ոչ ռեզիդենտի շահութահարկ։ Շնոհակալություն։

Լուսինե.

Բարև Ձեզ։ Tax free հաշվի մեջ սխալ է լրացվել քաղաքացու անձնագրի սերիան և ԱԱՀ-ն, չի վերադարձվել: Ուղղելու տարբերակ կա՞, թե՞ ոչ։

Մարիաննա.

Բարև Ձեզ։ Համատեղությամբ աշխատելու դեպքում, ո՞ր դեպքում է հասնում արձակուրդային և վերջնահաշվարկ։

Ֆլորա.

Բարև Ձեզ։
Կարո՞ղ է արդյոք աշխատողը անհարգելի պատճառով հրաժարվել գործուղման մեկնելուց։ Հրաժարվելու դեպքում գործատուն ի՞նչ պետք է անի:

Բարև Ձեզ։ Համատիրությունը ձեռք է բերել Ճաղավանդակ` գծամետրով։ Արդյո՞ք պետք է ճանաչել հիմնական միջոց, թե՞ որպես նյութ։

Արմի․

Բարև բոլորին։ Եթե կարող եք՝ հարցին պատասխանեք օրենքի հղումով։ Շրջանառության հարկի դաշտում աշխատող ընկերությունը գնման ակտով ֆիզ. անձից ապրանք ձեռք բերելու դեպքում ի՞նչ պարտավորություններ են առաջանում իր համար (հասկանալի է՝ չի կարող պակասեցնել 4%-ով, քանի որ չհիմնավորված է, իսկ եկամտային հարկով ունի՞ պարտավորություն։

Gegham Bagrazyan․

Ստացվում է, որ Հայաստանի տարածքում ձեռք բերումների համար վճարման պահը կապ չունի ԱԱՀ-ի հաշվանցման հետ, արդյո՞ք ճիշտ եմ հասկացել՝ եթե հաշիվը ստացել եմ սեպտեմբերին, վավերացրել եմ հոկտեմբերին և վճարը կատարել հոկտեմբերին, կարո՞ղ եմ սեպտեմբերին հաշվանցել։ Նախօրոք շնորհակալ եմ։

Սերգեյ․

Կազմակերպությունն իր սեփական միջոցներով կառուցել է շենք և հանձնել շահագործման 5 մլն դրամ արժեքով, հետագայում ստացել է պետության կողմից փոխհատուցում ծախսված գումարի կեսի չափով՝ 2,5 մլն դրամ: Տալ հաշվապահական ձեվակերպումները։

Ջավահիր․

Բարև Ձեզ։ ԱՁ-ն, որը բացվել է սեպտեմբերի 15-ին, և որի գործունեության ոլորտը ծրագրային ապահովման մշակումն է (J62.01.0), կարո՞ղ եք ասել՝ առաջին վճարումները ինչպե՞ս պետք է կատարեմ, ի՞նչ հաշվետվություններ պետք է ուղարկել հարկային։ taxservice ծրագրով միայն շրջհարկ վճարելու հաշվետվությունն եմ կարողանում լրացնել, կարո՞ղ եք օգնել և ուղղորդել՝ ինչպես ճիշտ կատարել առաջին վճարները։ Շնորհակալություն։

Էլինա․

Հարգելի հաշվապահներ, խնդրում եմ օգնել։ Միկրո-ով աշխատող ԱՁ-ն մատուցել է հյուրանոցային ծառայություն և վճարումը ստացել փոխանցումով դոլարով (airbnb) ոչ ռեզիդենտ ֆիզանձից։ Ճի՞շտ եմ հասկանում, որ պետք է դուրս գրվի հաշվարկային փաստաթուղթ, և արդյո՞ք պարտադիր է նշել անձնագրի սերիա համարը և հասցեն (այդ տվյալները չունեմ)։ Կանխավ շնորհակալ եմ։

Աննա.

Բարև Ձեզ։ Այսպիսի հարց ունեմ։ Աշխատակցին պետք է գրանցել, հայ է, բայց ունի ՌԴ քաղաքացիություն։ Գրանցման համար բավարա՞ր փաստաթղթեր են կացության քարտը, ՀԾՀ և անձնագիրը, թե՞ այլ փաստաթուղթ ևս հարկավոր է։

Արմինե.

Բարև Ձեզ։ Կարո՞ղ եք պարզաբանել, արդյոք պարտադի՞ր է համատեղությամբ աշխատողին ապահովել ամսական մինիմալ աշխատավարձով։ Կանխավ շնորհակալ եմ։

Մարիամ.

Բարև ձեզ։ Կներեք, ինչքա՞ն ժամանակ պետք է աշխատած լինել, որ բացել բյուլետեն։

Վիգեն.

Ինչպե՞ս է հարկվում շահառուներին տրամադրվող դրամական աջակցությունը, երբ տրամադրվում է բարեգործական ՀԿ֊ի կողմից։

Արգինե.

Բարև ձեզ: Խորհուրդ տվեք խնդրում եմ. կարո՞ղ եմ արդյոք գյուղատնտեսական մթերքի վերամշակմամբ /բանջարեղենի և մրգերի ավտոմատացված սորտավորման ծառայություն/ զբաղվող ձեռնարկությունը գրանցել միկրոձեռնարկատիրության հարկային համակարգով կամ որպես Ա/Ձ, եթե տարեկան շրջանառությունը չի գերազանցելու միկրոձեռնարկությունների համար օրենքով սահմանված չափը: Կանխավ շնորհակալություն

Լուսինե.

Բարև ձեզ։
Ես աշխատում եմ ՀՈԱԿ-ում որպես հաշվապահ։
Նոր եմ աշխատում և տարեկան շահութահարկը չեմ ներկայացրել էլեկտրոնային հաշվետվությունում, միայն զրոյականն ա լինելու։ Դրանից հնարավո՞ր է տնօրենի աշխատավարձից գումար պահվի որպես տույժ։
Կանխավ շնորհակալություն։

Նարեկ.

Բարև Ձեզ։ ԱԱՀ վճարողը լիզինգային կազմակերպությունից հաշիվ է ստացել՝ լիզինգի հանձնման-ընդունմա ակտ։ Այդ հաշվի մեջ առանձնացված ԱԱՀ-ն չպե՞տք է հաշվանցեմ։ Ո՞ր օրենքը կամ որոշումը պետք է կարդամ դրա հետ կապված։

Անահիտ.

Բարև Ձեզ: Կօգնեք հաշվել՝ աշխատողը ստանում է կեղտոտ 95 000 դրամ, աշխատել է 166 ժամ, վեց օրյա գրաֆիկով: Սեպտեմբերի 21-ին աշխատել է 4 ժամ, ինչքա՞ն է կազմում նրա կեղտոտ աշխատավարձը։

Կարեն.

ԱԱՀ վճարող կազմակերպությունը օտարերկրյա ընկերությունից անհատույց գումար պետք է ստանա իր ապրանքի առաջխաղացման նպատակին ծառայեցնելու համար, իսկ այդ գումարով պետք է ՌԴ-ից նույն նպատակով գույք ձեռք բերվի։ Խնդրում եմ նշեք, ո՞ր հաշվետվության մեջ է անհատույց դրամական միջոցը երևալու և ի՞նչ ձևակերպում պետք է տրվի։ Շնորհակալ եմ։

Տաթև.

Բարև Ձեզ։
1․ Ա/Ձ գրանցվել հնարավո՞ր է միայն նույնականացման քարտով, եթե անձնագրիս ժամկետը լրացել է և նորի համար դեռ չեմ դիմել։
2․ Դիզայներական գործունեություն իրականցնող Ա/Ձ-ն, որը պետք է ամիսը 1 կամ 2 ընկերության հաշիվ դուրս գրի, կարո՞ղ է համարվել միկրոձեռնարկատիրություն։

Գեղամ.

Խնդրում եմ ասեք, եթե ձեռք եմ բերել հարկային հաշվով 200 000-ի վառելանյութ և գումարած 40 000-ԱԱՀ սեպտեմբերին, բայց սեպտեմբերին ծախսել եմ 100 000-ի և 20 000 ԱԱՀ մնացած ծախսել է նոյեմբերին։ Կարո՞ղ եմ արդյոք ամբողջ 40 000 ԱԱՀ ծախսագրել սեպտեմբերին, եթե գումարը վճարել եմ սեպտեմբերին։ Հանդիսանում եմ ԱԱՀ վճառող։

Արտյոմ.

Բարև Ձեզ։ ԱԱՀ-ով աշխատող կազմակերպությունը ֆիզ. անձից գնել է մեքենա։ Մեքենան որպես հիմնական միջոց ճանաչելուց ֆիզ. անձի փոխարեն մուծված 10% հարկը նույնպես համարվու՞մ է մեքենայի ինքնարժեք և արդյո՞ք որպես հիմնական միջոց պետք է ճանաչել մեքենայի գումար + հարկ թիվը։

Ա/Ձ դրոշմանիշային վճարը ինչպե՞ս է հաշվարկվում, շրջանառությունից ելնելով սահմանաչափ կա՞, որտե՞ղ կարող եմ դա կարդալ, և վճարվում է մե՞կ անգամ մինչև հաջորդ տարվա ապրիլի 20-ը։

Սուսաննա.

Խնդրում եմ պատասխանեք՝ ես դիմել եմ Հայէկոնոմբանկ և իմ դիմումի հաձայն իմ ՀԴՄ-ի POS տերմինալ ծառայությունը ակտիվացված է և բանկը POS ծառայություն է մատուցում, բայց ես N274 հաշվետվությունը չեմ ներկայացրել: Դա խախտու՞մ է համարվում:

Լիլիթ.

Բարև ձեզ։ Ո՞վ է տեղյակ, շինարարական լիցենզիա ունեցողին կարո՞ղ է ծառայություն մատուցել չունեցողը, այսինքն՝ գործն անում է լիցենզիա ունեցողը, բայց աշխատանքներում ներառել է այլ Ա/Ձ-ի ու աշխատողների։

Մարգարիտա.

Բարև Ձեզ։ Պայմանագիր կնքելիս պարտադի՞ր է պայմանագրի գումար նշել։

Արմինե.

Բարև Ձեզ։ Խնդրում եմ պարզաբանել մեկ հարց՝ քաղիրավական պայմանագրով աշխատակցի համար թու՞յլ է տրվում արդյոք վարձակալել ավտոմեքենա՝ իր ծառայությունը լիարժեք կատարելու նպատակով։ Կանխավ շնորհակալ եմ։

Աննա.

Հարգելի հաշվապահներ, ՍՊԸ-ի բաժնետերերից մեկը ցանկանում է անտոկոս փոխառություն տրամադրել այդ ՍՊԸ-ին, կարո՞ղ է։ Նշեմ, որ բաժնետերը ֆիզիկական անձ է:

Ընկերություն՝ Երեմյան Փրոջեքթս
Հասցե՝ ք․ Տաշիր
Հեռախոս՝ 099555389
Էլ․ փոստ՝ hr@yeremyanprojects.com
Թափուր աշխատատեղ՝ ՀԱՇՎԵՏԱՐ / Ք․ՏԱՇԻՐ
Աշխատանքի նկարագրություն՝
– Հաշիվ-ապրանքագրերի ստուգում, մուտքագրում
– Գնման ակտերի հաշվառում
– Ապրանքների մուտքերի և ելքերի վարում
– Հաշվետվությունների կազմում

Ինքնակենսագրությունները կարող եք ուղարկել hr@yeremyanprojects.com
էլ. փոստին` նշելով պաշտոնը, որի համար դիմում եք:

Պահանջներ՝ – Բարձրագույն մասնագիտական կրթություն
– MS Office ծրագրերի իմացություն (Excel ծրագրի լավ իմացությունը պարտադիր է)
– Նվազագույնը 1 տարվա աշխատանքային փորձը ցանկալի է
– Հաղորդակցվելու հմտություն (ռուսերենի լավ իմացությունը կդիտվի որպես առավելություն)
– Վերլուծական հմտություններ, ճկունություն
– Թիմում աշխատելու հմտություն
– Պատասխանատվության բարձր զգացում

Այլ նշումներ՝ Ինքնակենսագրությունները կարող եք ուղարկել hr@yeremyanprojects.com էլ. փոստին` նշելով պաշտոնը, որի համար դիմում եք:

Ծրագիրը թույլ է տալիս հաշվապահական հաշվառման ավտոմատացումը դարձնել առավել օպտիմալ և անահատական լուծումներով հագեցած:
Ծրագիրն ունի հետևյալ ֆունկցիոնալ հնարավորությունները՝
✔️ Նյութերի հաշվառում միջին կշռված և խմբաքանակային (FIFO) մեթոդներով
✔️ Դրամական միջոցների հաշվառում
✔️ Դեբիտորական, կրեդիտորական պարտավորությունների հաշվառում
✔️ Արտադրության կազմակերպման հաշվարկ՝ արտադրված արտադրանքի քանակներից և ուղղակի նյութածախսի տվյալներից ելնելով
✔️ Е-invoicing համակարգի հետ երկկողմանի ինտեգրում
✔️ ՀՄ նորոգումներում կապիտալացվող մասի ավտոմատ որոշում և ձևակերպում
✔️ Բանկային համակարգերի հետ երկկողմանի ինտեգրում
✔️ ԱԱՀ դեբետագրվող մասի ավտոմատ որոշում
✔️ Եկամտային հարկի ընթացիկ և երկարաձգված մասի հաշվառում
✔️ Աշխատավարձի և կադրերի կառավարում
✔️ Բնապահպանական վճարի չափի որոշում։
Ծրագրի ներդրման համար դիմել ոլորտի առաջատարին:

Ավտոմատացում առանց սահմանների
📞 099 533 361
📌 Կոմիտաս 3

Ընկերություն՝ ԷԼ Քոնսալթ ՍՊԸ
Հասցե՝ ք. Էջմիացին
Հեռախոս՝ 094471217
Էլ․ փոստ՝ elizmarkaryan18@mail.ru
Թափուր աշխատատեղ՝ հաշվետար-կադրերի մասնագետ
Աշխատանքի նկարագրություն՝ Աշխատանքը Էջմիածին քաղաքում, նորմալ աշխատանքային գրաֆիկով, ցանկալի է կադրային գործի մասնագետ, աշխատանքային օրենսգրքի իմացությամբ, կադրային փաստաթղթավորմանը տիրապետող։

Լուսինե.

Հարգելի հաշվապաներ, խնդրում եմ ասացեք, աշխատողը չի ցանկանում գնալ ֆիզ. արձակուրդ, ուզում է աշխատել մինչև երեխայի ծնվելը: Արդյոք իրավունք ունի՞, և այդ դեպքում ինչպե՞ս է հաշվարկվում արձակուրդի օրերը:

Արմին.

Բարև Ձեզ։ Որ խնդրեմ կասե՞ք՝ գործարքային պայմանագիր կնքելու ձևերը։ Կանխավ շնորհակալություն։

Հրանուշ.

Բարև Ձեզ: Խնդրում եմ պատասխանել հետևյալ հարցիս. ՍՊԸ-ն մատուցելու է մաքսային բրոքերային ծառայություններ, սկզբնական շրջանում աշխատելու է շրջ․ հարկով և ունենալու է 2 աշխատող։ Կտրամադրե՞ք տվյալ ոլորտի առանձնահատկությունների մասին տեղեկատվություն (հաշվետվություններ, հարկման դաշտ և այլն)։ Շնորհակաություն։

Լիլիթ.

Բարև Ձեզ։ Մայրության նպաստը փոխանցելուց հետո հաջորդ ամիս եկամտային հարկի հաշվետվության մեջ ի՞նչ ենք լրացնում այդ աշխատողի բաժնում և ի՞նչ թուղթ պետք է ներկայացնենք սոցապ։

Վիգեն.

Բարև ձեզ, հարգելի հաշվապահներ: ՀՀ Հարկային օրսենսգրքում նշված է, որ քաղիրավական պայմանագրի շրջանակներում ծառայություն մատուցող ֆիզիկական անձանց վարձատրության վճարը հաշվառման դրամարկղային մեթոդով է, այսինքն՝ եթե սեպտեմբեր ամսվա վճարը տրվում է հոկտեմբերին, ապա պետք է հոկտեմբերի եկամտային հաշվարկի մեջ ներառե՞լ։ Ճի՞շտ է։
2. Ըստ ՀՕ 386 հոդվածի 3-րդ մասի 2-րդ կետի՝ կանխիկ դրամով վճարում չի համարվում այն վճարումը, որի մասով դուրս է գրվել գնորդի հվհհ-ով կտրոն: Հարց՝ արդյո՞ք 2022 թվականի հուլիսի 1-ից հետո կարելի է տալ հվհհ-ով հդմ կտրոն։

Լիլիթ.

Շրջանառության հարկման բազայով աշխատելու դեպքում հնարավո՞ր է տարեկան հաշվետվությունների հանձնումից հետո ձևավորվի շահութահարկ։

Արմինե.

Բարև Ձեզ։ Գործարանն ունի 4 շուրջօրյա պահակ հերթափոխով՝ 24 ժամյա գրաֆիկով, նրանցից մեկը դուրս է եկել, մնացել են երեքը։ Արդյո՞ք օրենք չեմ խախտում, օրենքից հղում կանե՞ք։

Նառա.

Բարև Ձեզ։ Կխնդրեմ օգնել հետևյալ հարցերում։
Կազմակերպություն է ուզում ստեղծվել, որը գործունեություն է ծավալելու հանրային սննդի ոլորտում, խոսքը մասնավորապես փոքր սրճարան բացելու մասին է։ Ի՞նչ քայլեր պետք է կատարվի հաշվապահի կողմից։
Փոքր-ինչ տեղյակ լինելով՝ ենթադրում եմ, որ պետք է գրանցվի ֆիրման, էլեկտրոնային ակտիվացումները կատարվի 20 օրվա ընթացքում, նաև առանձին ստանա լիցենզիա տարածքի հարկայինից, պետք է ձեռք բերի հդմ սարք…
(Եթե վերոնշյալում կան ճշգրտումներ խնդրում եմ նշել կամ հաստատել գրածս ինֆորմացիան)։
1. Ի՞նչ հարկեր է վճարվում ամսական և տարեկան։
1.1 վճարու՞մ է հաստատագրված վճար։
1.2 Հանրային սննդի դեպքում միկրո լինել ըստ օրենսդրության չի կարող և պետք է դիմել որպես շրջհարկ վճարո՞ղ։
2. Ի՞նչ հաշվետվություններ է ներկայացվում ամսական և տարեկան։
3. Որպես կանոն մինիմում ինչպիսի՞ աշխատավարձ է ունենում փոքր սրճարանի հաշվապահությամբ զբաղվող հաշվապահը: