Հրանուշ․

Բարև Ձեզ։ Եթե Ռումինիայում գտնվող ընկերությունը մատուցում է ՀՀ-ում գտնվող ընկերությանը (ԱԱՀ-ով աշխատող) խորհրդատվական ծառայություններ, հաշիվ-ապրանքագրերի հիման վրա կատարվում է վճարում տվյալ ընկերությանը։ Նման դեպքում ՀՀ-ում գտնվող ընկերությունը պե՞տք է դուրս գրի ինքնահաշիվ, և խնդրում եմ հուշել նման ծառայության տեսակը հարկվելու՞ է արդյոք ՀՀ-ում շահութահարկով, և եթե այո, ապա ի՞նչ դրույքաչափով։ Նախապես շնորհակալություն։

Արամ.

Բարև ձեզ։ Պետռեգիստրում գրանցվելուց հետո ՍՊԸ-ի տնօրենը պարտադի՞ր է պայմանագիր կնքել ՍՊԸ-ի սեփականատիրոջ հետ։

Ռուզաննա.

Բարև Ձեզ։ Խնդրում եմ պատասխանել` բուժաշխատողի պայմանագիրը կարո՞ղ է քաղիրավական պայմանագիր լինել, քանի որ կատարում է պատասխանատու գործ և եթե կարող ենք՝ ինչպե՞ս անցնել աշխատանքայինից քաղիրավական պայմանագրի։ Այսինքն՝ ծանուցում տրամադրելո՞վ, թե՞ այլ ինչ որ գործառույթներ կատարելով։
2. Քաղիրավական պայմանագրով աշխատակիցների թիվը որքա՞ն պետք է կազմի ընդհանուր աշխատակիցների թվից։ Որքան հասկանում եմ, ոչ ավել 1/3 ընդհանուր աշխատակիցների թվից։ Եվ իրավունք ունե՞նք արդյոք ուղիղ կես կամ կեսից ավելին քաղիրավական աշխատակիցներ ունենալու, այն էլ, եթե խոսքը գնում է բուժհիմնարկի մասին։
Կանխավ շնորհակալ եմ։

Նարեկ.

Բարև Ձեզ, հարգելի հաշվապահներ։ Արդյո՞ք ՀՀ ռեզիդենտ ֆիզ. անձի համար առաջանում են հարկային պարտավորություններ, եթե անձը բանկային ավանդի տոկոսներ է ստանում այնպիսի երկրից, որտեղ ավանդի տոկոսը համարվում է չհարկվող եկամուտ։ Իսկ եթե արտերկրից ստացվող եկամուտը արտերկրում հարկվել է 10 տոկոս, արդյո՞ք վճարված հարկերը նվազեցնում ենք եկամտից և մնացած գումարը հարկում 21 տոկոսով, թե՞ պետք է վճարված հարկերը նվազեցնել վճարվելիք հարկից։ Կանխավ շնորհակալություն։

Անի.

Բարև ձեզ։ ՓԲԸ-ին հարկայինը տուգանում է ժամանակին հաշվետվությունը չներկայացնելու համար, հաշվապահը արդարանում է, որ վերջին երկու շաբաթը եղել է բյուլետենում (ամբուլատոր) և իր մեղավորությունը չկա, սակայն հրամանով հաշվապահի պարտականությունները տվյալ ժ|հատվածի համար չեն վերցվել, քանի որ այլ հաշվապահ ընկերությունը չունի: Այս դեպքում գործատուն կարո՞ղ է կարգապահական տույժի ենթարկել հաշվապահին:

Անուշ.

Բարև ձեզ։ Կօգնեք, եթե աշխատողը գործի է ընդունվել 2019թ. մայիսին ու հիմա հոկտեմբեր ամսին ցանկանում է վերցնել իր այս տարվա արձակուրդը և նոր ազատվել աշխատանքից, նա իրավունք ունի՞ վերցնել ամենամյա արձակուրդը 25 օր ու նոր ազատվել։

Վաղարշակ.

Ցանկանում եմ ուսումնական կենտրոն բացել պահնորդներին դասընթացներ տալու և վերջում ստուգարքներից հետո տալ համապատասխան որակավորման վկայական։ Այս գործընթացի համար ինձ որպետ Ա/Ձ որևէ մեկից լիցենզի՞ա պետք է ստանամ։

Հայարփի.

Բարև Ձեզ: Ես աշխատում եմ որպես օնլայն անգլերենի ուսուցիչ, դասավանդում եմ չինացի երեխաների: Նրանց ծնողները իմ վարձը փոխանցում են իմ Alipay-ին, որը ես այնուհետև անհատ անձանց միջոցով փոխում եմ յուանից դրամ և ուղարկում եմ ինձ, ես նրան վճարում եմ յուան, նրանք ինձ Հայաստանում տալիս են դրամ: Ես ինչպե՞ս կարող եմ լեգալացնել և հարկային դաշտ մտնել Հայաստանում այս աշխատանքով, կա՞ այդպիսի տարբերակ:

Սաթենիկ.

Բարև Ձեզ։ Խնդրում եմ ինձ էլ ուղարկեք 1C 8 ծրագրի ուսուցողական գիրքը և ցուցադրական տարբերակը, եթե հնարավոր է՝ նաև ծրագիրը, sathakobyan@mail.ru։

Հասմիկ.

Բարև ձեզ:
1. Ա/Ձ աշխատում է միկրո համակարգում, համակարգչային ծառայությունների մատուցում է իրականացնում, գրանցված է՝ այլ ծառայությունների մատուցում դասակարգիչի տակ։ Ցանկանում է բացել նաև ֆոտո նկարահանման ծառայություն՝ նույն վայրում։ Արդյո՞ք դա խնդիր չի առաջացնի։
2. Ա/Ձ, որն աշխատում է միկրո համակարգում, կարո՞ղ է նույն գործունեությամբ զբաղվել 2 տարբեր տարածքներում, ունենալ 2 ՀԴՄ, այսինքն՝ բացել երկրորդ մասնաճյուղ։ Կանխավ շնորհակալ եմ պատասխանի համար։

Արմինե.

Բարև Ձեզ։ Եթե աշխատակիցը 4 ամիս առաջ է քաղիրավականից դարձել աշխատանքային, ես կարո՞ղ եմ նրան արձակուրդ տալ և եթե մյուս աշխատողս ապրիլին է վերադարձել մայրության խնամքից, նրան ևս կարո՞ղ եմ տալ, թե՞ ոչ։ Խոսքս ամենամյա արձակուրդի մասին է։

Ընկերություն՝ Penotex LLC
Հասցե՝ ք.Երևան, Թևոսյան 115/14
Հեռախոս՝ 099662005
Էլ․ փոստ՝ hr.penotex@yandex.com
Թափուր աշխատատեղ՝ Գլխավոր հաշվապահ
Նկարագրություն՝
Աշխատանքի ենք հրավիրում փորձառու գլխավոր հաշվապահի:
Պարտականություններ՝

• Անմիջականորեն իրականացնել և/կամ վերահսկել հաշվապահական և ներքին ֆինանսական հաշվետվությունների ամբողջականությունն ու ճշգրտությունը,
• Ապահովել ձեռք բերված ապրանքանյութական արժեքների ընդունման, պահեստավորման, պահեստավորված միջոցների շարժի հաշվառման աշխատանքները:
• Ապահովել հիմնական միջոցների արագամաշ առարկաների հաշվառումը, իրականացնել ակտիվների մոնիթորինգ՝ ժամանակին և պատշաճ գույքագրման տեսակետից:
• Ապահովել առանձին ծախսային ծրագրերի գծով դեբիտորական և կրեդիտորական պարտքերի հաշվառումը:
• Հարկային և ֆինանսական հաշվետվությունների պատրաստում և ներկայացում ՀՀ հարկային տեսչություն, ինչպես նաև այլ պետական և տեղական ինքնակառավարման մարմիններ
• Հարկային և այլ պարտադիր վճարումների իրականացում ՀՀ օրենսդրությամբ նախատեսված ժամկետներում և կարգով:
• Ընկերության գործունեությանն առնչվող իր իրավասության մեջ մտնող այլ հանձնարարությունների կատարում:

Պահանջներ՝

• Բարձրագույն կրթություն՝ տնտեսագիտության և հաշվապահության ոլորտում,
• 1 C ծրագրի գերազանց տիրապետում,
• ՀՀ և միջազգային հաշվապահական հաշվառման ստանդարտների իմացություն,
• Առնվազն 5 տարվա աշխատանքային փորձ արտադրական ոլորտում
• Ռուսերեն լեզվի իմացությունը ցանկալի է
• Հարկային և մաքսային օրենսդրության գերազանց իմացություն, հաղորդակցման և կազմակերպչական հմտություններ
• Փորձագետ հաշվապահի որակավորման առկայությունը կդիտվի որպես առավելություն

Հավելյալ նշումներ՝
Աշխատանքը 5-օրյա գրաֆիկով է, 09:00-18:00 :
Աշխատավարձը բարձր, մրցունակ

Արսեն.

Բարև ձեզ: Ֆիզ. անձը ցանկանում է մոտ 100 զույգ կոշիկ ներկրել Չինաստանից՝ Ալիբաբա կայքի միջոցով, մոտ 3000$ արժեքով, ծովային առաքումով, օնլայն վաճառելու նպատակով: Կխնդրեմ օգնեք մոտավոր հաշվարկել ի՞նչ գումար կարժենա ընդհանուր մաքսազերծումը։

Լիլիթ.

Բարև ձեզ, հարգելի հաշվապահներ։ Ինձ կհուշե՞ք՝ արդյոք (Ա/Ձ ) ապահովագրական գործակալը կարո՞ղ է միկրոյով աշխատել, և եթե այո, ապա ի՞նչ հարկեր պետք է վճարի։

Կահույք արտադրողը պարտադիր պետք է ունենա՞ ՀԴՄ, եթե վաճառք է իրականացնում նաև ֆիզ. անձանց։

Սոնա.

Հարգելի գործընկերներ, ողջույն։ Եթե ունենք հերթափոխային շաբաթական 40 ժամ գրանցված աշխատակից, ով նաև ուզում է ներքին համատեղությամբ այլ հաստիք նույնպես զբաղեցնել, ինչպե՞ս կարող ենք իրականացնել գրանցման գործընթացը, կամ այն հնարավո՞ր է, թե՞ ոչ, քանի որ, ըստ աշխատանքային օրենսգրքի նույն կամ տարբեր գործատուների մոտ համատեղությամբ կարող է օրական 12 ժամ աշխատել։ Կանխավ շնորհակալ եմ։

Մարինե.

Հարգելի հաշվապահներ, եթե տնօրենը գնում է արձակուրդի, պարտականությունները վերապահվում է տնօրենի տեղակալին: Տրվում է հրաման տնօրենի պարտականությունները վերապահելու մասին: Տեղակալը, եթե ստորագրում է փաստաթղթեր, նրա պաշտոնը ո՞նց ենք ձևակերպում՝ ստորագրեց տնօրենի տեղակալ, թե՞ ՊԺԿ (պարտականությունների ժամանակավոր կատարող)։

Նարեկ.

Բարև Ձեզ։ Կազմակերպությունը ոչ ռեզիդենտին բեռնափոխադրման համար վճարումներ է կատարել։ Բեռնափոխադրման համար ոչ ռեզիդենտի գրված ինվոյսում առանձնացված չէ ՀՀ սահմանի բեռնափոխադրումը։ Այս դեպքում պե՞տք է արդյոք ներկայացնել 209 համարի հաշվետվությունը (Հաշվարկ՝ ոչ ռեզիդենտին վճարված շահութահարկի գումարի մասին):

Արամ.

Բարև ձեզ: Հարցս վերաբերվում է աշխատավարձի ուշացման դեպքում առաջացած տուժին: Հարց 1. Եթե սեպտեմբեր ամսվա աշխատավարձի վճարման վերջնաժամկետը, այսինքն՝ հոկտեմբերի 15-ը ոչ աշխատանքային օր է, արդյո՞ք կարելի է աշխատավարձ վճարել աշատանքային օրը, տվյալ դեպքում հոկտեմբերի 17-ին։ Արդյոք տույժ պետք է հաշվարկել, թե՞ ոչ։
Եվ հաջորդ հարցը. եթե աշխատավարձը փոխանցվել է հոկտեմբերի 6-ին, բայց գումարը աշխատողի հաշվին նստել է հոկտեմբերի 20-ին, տվյալ դեպքում որքա՞ն տույժ կառաջանա։

Բարև Ձեզ։ Կարո՞ղ եք ասել, եթե կազմակերպությունը ՀԿ է և բարեգործական, զոհվածների ընտանիքների համար ծառայություն է մատուցում, ի՞նչ հաշվետվություններ և գործառույթներ պիտի անի։ Բացի այդ տվյալ կազմակերպությունը վճարովի շահառուներ ունի՝ ատամների մասով, վերջինիս համար ի՞նչ հաշվեվություններ և գործառույթներ պիտի իրականացնի։

Բարև Ձեզ։ Եթե օգոստոս ամսին աշխատավարձը պատահական կրկնակի է գնացել՝ ողջ անձնակազմինը, ի՞նչ իրավական և հարկային գործողություններ պիտի արվի։ Կգրեք կարծիք։ 1․ Եկամտային հարկը ամբողջը գրվի օգոստոսում, թե՞ մասնատվի ըստ նախատեսվածի։

Գոհար.

Հարգելի գօրծընկերներ, կարո՞ղ ենք աշխատանքային պայմանագրում գրել, որ աշխատավարձը կազմում է օրինակ՝ զուտ 150 000, ներառյալ գիշերային աշխատանքի հարար 30 տոկոս հավելու՞մը։

Լիլիթ.

Շրջանառության հարկով աշխատելու պարագայում, ապրանքի ձեռքբերման արժեք պետք է նշել մաքսային հայտարարագրի 22 կետի, թե՞ 12 կետում նշված արժեքը։

Սոնա.

Բարև Ձեզ։ Խնդրում եմ օգնեք, եթե կազմակերպության աշխատակցին տարել են հավաքների, այդ դեպքում տվյալ աշխատակցի հետ կապված ի՞նչ գործողություններ պետք է կատարվի կազմակերպության կողմից։

Մարիաննա.

Բարև ձեզ, հարգելի հաշվապահներ։ Ա/Ձ բացել եմ 2022-ի սեպտեմբերի 30-ին և գործունեությունը դրսի հետ է՝ ՏՏ ոլորտ։ Այս ամիս աշխատավարձը հաշվին կնստի և եռամսյակային շրջհարկ հունվարին կտամ։ Կարո՞ղ եմ նոյեմբերի 1-ով Ա/Ձ-ի ժամանակավոր կասեցում տալ։ Եվ եթե այդպես անեմ, 2023-ին մինչև ապրիլ 240 և 244 ձևերը միայն հոկտեմբեր ամսվա համար կլինի տա՞մ։ Կանխավ շնորհակալություն։

Մարի.

Բարև Ձեզ։ Եթե Ա/Ձ վարձակալած տարածքում է գործունեություն իրականցնում, կարո՞ղ է այդ վարձակալած տարածքի համար վճարած գումարները շրջանառության հարկից նվազեցնել:

Դավիթ.

Կարո՞ղ է արդյոք գործատուն իր նախաձեռնությամբ լուծել աշխատանքային պայմանագիրը պարապուրդի ընթացքում։
2. Կարո՞ղ է արդյոք գործատուն աշխատանքից ազատման ԾԱՆՈՒՑՈՒՄ ուղարկել ժամանակավոր անաշխատունակության մեջ գտնվող աշխատակցին։

Գոհար.

Բարև ձեզ, հարգելի հաշվապահներ։ Խնդրումեմ օգնեք, եթե աշխատողը գնում է ֆիզ, ապա դրանից հետո եկամտային հարկի 0-ական պե՞տք է ներկայացնեմ միջև 140 օր լրանալը։ Նաև լրանալուց հետո պետք է գրանցման հայտով ներկայացնե՞մ՝ խնամքի արձակուրդը։

Գոհար.

Բարև ձեզ, հարգելի հաշվապահներ։ Եթե աշխատողի աշխատաժամանակը լրիվ դրույքից դարձնենք կես, ինչպե՞ս կատարեմ այդ փոփոխությունը։

Կարինե.

Ողջույն, բոլոր մասնակիցներին։ Ես կուզենայի ճշտել. այսօրվա դրությամբ ինչպիսի՞ գրանցամատյաններ են օգտագործում հաշվապահության մեջ, եթե կազմակերպությունը նորաբաց է, զբաղվում է զբոսաշրջությամբ (ավիատոմսեր, տուր․ փաթեթներ, թարգմանություն, գրին քարտի խաղ․ գրանցում,)։ ՍՊԸ է, հանդիսանում է շրջ․հարկատու և ունենք միայն դրամարկղի գիրք։ Գիտեմ, որ բավականին գրանցամատյաններ այլևս չեն օգտագործում։ Խնդրում եմ արձագանքել։ Կանխավ շնորհակալություն։

Աննա.

Բարև Ձեզ։ Որ խնդրեմ կասեք՝ աշխատողի ազատվելուց ո՞ր դեպքում վերջնահաշվարկ չի կատարվում:

Արմեն.

Բարև Ձեզ: Վերջնահաշվարկի հետ կապված կարո՞ղ եք օգնել։ Աշխատողը 12.04.22թ ընդունվել է աշխատանքի, 30.09.22թ. ազատվել, 6-օրյա, ապրիլ-136 000, մայիս-200 000, հունիս-200 000, հուլիս-300 000, օգոստոս-80 000, վերջնահաշվարկ 80 608 և սեպտեմբերի աշխատավարձ 80 000։ ճի՞շտ եմ հաշվարկել։

Արմինե.

Բարև Ձեզ: Մեկ հարց ունեմ՝ հնարավո՞ր է որ նույն գործատուի մոտ աշխատողը լինի ձևակերպված և՛ որպես համատեղությամբ աշխատող, և՛ ՔԻՊ-ի հիմունքով՝ տարբեր ծրագրերով։ Կանխավ շնորհակալ եմ։

Ընկերություն՝ “Ծիրան մարկետ” ՍՊԸ
Հասցե՝ Կենտրոն, Խորենացի 47
Հեռախոս՝ +37433300561
Էլ․ փոստ՝ hr@tsiranmarket.am
Թափուր աշխատատեղ՝ Հաշվապահ
Աշխատանքի նկարագրություն՝ “Ծիրան Մարկետ” ՍՊԸ-ն աշխատանքի է հրավիրում Հաշվապահի:

Պարտականություններ՝
– Իրականացնել ընկերության կողմից հաշիվ-ապրանքագրերի դուրս գրում
– Կատարել բանկային փոխանցումների ծրագրային ձևակերպումներ
– Անհրաժեշտության դեպքում իրականացնել հաշվապահական պարտքերի ճշգրտում գործընկեր կազմակերպությունների հետ
– Ծրագրի միջոցով կատարել պահեստի մուտքերի ստուգում, դուրս գրված հաշիվների ստուգում
– Կատարել գլխավոր հաշվապահի կողից տրվող այլ հանձնարարությունների կատարում
Պահանջներ՝ – Բարձրագույն կրթությունը տնտեսագիտության, ֆինանսների և/կամ հաշվապահության ոլորտներում պարտադիր է:
– Առնվազն 1 տարվա աշխատանքային փորձ որպես հաշվապահ
– Գործող օրենքների իմացություն
– СуперМаг ծրագրի իմացությունը ցանկալի է
– Հաղորդակցման գերազանց հմտություններ, պատասխանատվության բարձր զգացում
Աշխատավարձ՝ 150 000 – 200 000 դր.
Այլ նշումներ՝ Աշխատանքային գրաֆիկը՝ Երկուշաբթի-Շաբաթ, 09:00-18:30

Ընկերություն՝ Penotex LLC
Հասցե՝ ք.Երևան, Թևոսյան 115/14
Հեռախոս՝ 099662005
Էլ․ փոստ՝ hr.penotex@yandex.com
Թափուր աշխատատեղ՝ ՀԱՇՎԱՊԱՀ
Աշխատանքի նկարագրություն՝
• Վաճառքների (մեծածախ, մանրածախ) ձևակերպում,
• Ապրանքանյութական արժեքների մուտքագրում,
• Հիմնական միջոցների հաշվառում,
• Դրամական միջոցների հաշվառում,
• Դեբիտորական և կրեդիտորական պարտքերի հաշվառում,
• Ֆինանսական վերլուծությունների իրականացում,
• ԵՏՄ հայտարարագրերի կազմում:
Պահանջներ՝
• Բարձրագույն կրթություն՝ ցանկալի է տնտեսագիտական ոլորտի,
• Աշխատանքային փորձ՝ 3 տ. և ավելի,
• Հարկային օրենսդրության իմացություն,
• 1C ծրագրի, MS Excel-ի, E-invoicing իմացություն
• Ցանկալի հմտություններ՝ վերլուծական միտք, տվյալների բազայի հետ աշխատելու հմտություն, թիմային աշխատանքի կարողություն
Աշխատավարձ՝ սկսած 250 000դր-ից
Այլ նշումներ՝ Աշխատանքը 6-օրյա է, ժամերը՝ 09:00-18:00, շաբաթ օրը՝ հերթափոխային սկզբունքով

Հասմիկ․

Բարի երեկո, հարգելի կոլեգաներ։ Ա/Ձ, որը աշխատում է շրջանառության հարկով և J 62.01.0 դասակարգիչով: Աշխատում է ամերիկյան կազմակերպության հետ և ուղարկել է ինվոյսը, որ ստանա գումարը: Կարո՞ղ եք հուշել՝ ի՞նչ պետք է անել: Ծառայության մատուցման վայրը ՀՀ -ից դուրս է, գումարը ստանալու ենք դոլարով: Պե՞տք է ինքնահաշիվ գրել, որից կհաշվարկվի հարկը: Եթե ինչ որ բան թերի եմ գրել, խնդրում եմ ներողամիտ լինել: Ոլորտին ծանոթ չեմ: Կանխավ շնորհակալություն:

Մաշա․

Ողջույն, հարգելի հաշվապահներ։ Դեղատունը գտնվում է ժամանակավոր դադարի մեջ, դեղերի մեծ մասը վաճառել է այլ դեղատնային գործունեություն իրականացնող տնտեսվարողի, որի համար գրվել է հաշվարկային փաստաթուղթ, բայց կա նաև մոտ 20 մլն-ի ապրանքային մնացորդ։ Ի՞նչ խնդիր կա, եթե ապրանքը ուղղակի մնա և ոչինչ չարվի, կազմակերպությունը աշխատում է շրջ․ հարկով։ Կանխավ շնորհակալ եմ։

Անահիտ․

Բարև ձեզ հարգելի հաշվապահներ։ ԱԱՀ-ով աշխատող ընկերությունը դեպի Ռուսաստան ծրագիր է վաճառել (արտահանել) ֆիզ անձին, քանի որ այն իրականացվել է էլեկտրոնային եղանակով, հայտարարագիր չկա, միայն հաշիվ ապրանքագիր և պայմանագիր է կազմվել։
Հարցս հետևյալն է՝
1․ Արտահանման հայտարարգիրը կազմելու համար որպես արտահանման ամսաթիվ ո՞րը կարող եմ հիմք ընդունել
2․ արդյո՞ք այդ փաստաթղթերը բավարար են արտահանում ձևակերպելու համար
3․ և եթե այդ ֆիզ անձը հարկեր չի վճարելու, առանց իր հարկերի վճարման ծանուցումը մեզ ուղարկելու, ես կարո՞ղ եմ այն ամեն դեպքում ձևակերպել որպես 0% դրույքաչափով հարկվող գործարք

Եթե արտահանումը կատարվել է էլեկտրոնային եղանակով, ծրագրային ապահովում է, այդ դեպքում ինչպես պետք է ձևակերպել արտահանումը և լրացնել հայտարարագիրը արտահանման, եթե չկա ապրանքային հայտարարագիր կամ ավիաբեռնագիր։

Նարեկ․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, որի մատուցման վայրը համարվում է ՀՀ-ն, որի դիմաց ոչ ռեզիդենտը ինվոյս է գրել։ Այս դեպքում պե՞տք է արդյոք ռեզիդենտ կազմակերպությունը ինքանահաշիվ գրի։

Աստղիկ․

Հարգելի մասնագետներ, խնդրում եմ օգնեք։ Հարցս հետևյալն է․ Ավագ հաշվապահի պաշտոնը պետք է բարձրանա՝ դառնա գլխավոր։ Ի՞նչ ենք անում՝ չեղյալ են համարում նախկին պայմանագիրը, կնքում նորը, թե՞ համաձայնագրով ավելացնում գործառույթներ, աշխատավարձ և այլն։ Շնորհակալություն կանխավ։

Lilia.

Բարև ձեզ, ո՞վ կարող է ասել՝ արդյո՞ք պարտադիր է ունենալ ՀԴՄ, երբ ԱՁ-ն (միկրո) իրականացնում է ավտոմեքենայի սրահի վերանորոգման աշխատանք, թե՞ ֆիզ. անձին հաշվարկային փաստաթուղթ գրենք՝ նորմալ է։

Գոհար․

Աշխատակիցը մեկնել է Դուբայ 27.09.2022- 07.10.2022թ գործուղման (առկա է գործուղման վկայականը կնքված), վերադառնալով՝ ներկայացրել է միայն ինքնաթիռի տոմսը և հյուրանոցի ամրագրումը առանց գումարի կտրոնի։ Ինչպե՞ս հաշվարկեմ 11 օրվա ծախսերը։

Հ. Դավթյան․

Հարգելի գործընկերներ, խնդրում եմ Ձեր աջակցությունը՝ որտեղի՞ց կարող եմ ներբեռնել ԱԴԳՏ դասակարգիչների Էքսել(excel) տարբերակը։

Արմիդա․

Բարև ձեզ։ Եթե ՍՊԸ գիրք է տպագրում և վաճառում, Երևանում է գործում և միկրոյի դաշտում է, կարո՞ղ է ՀԴՄ-ով վաճառք անել։

Տաթև․

Բարև ձեզ: ՍՊԸ-ն գրանցվել է J62.09.0 դասակարգչով, բայց իրական գործունեությունը մարքետինգի դասընթացն է: 14.10.22-ին ծանուցում է ստացվել ictstat.am -ից առ այն մասին, որ պետք է գրանցվել և ՀՀ ԲՏԱ նախարարություն հաշվետվություն ներկայացնել նախորդ ամսվա գործունեության մասին:
Հարց 1 . Ի՞նչ հաշվետվություն ներկայացնել, եթե զուտ մարքետինգի դասընթաց է իրականացնում ՍՊԸ-ն:
Հարց 2. Հնարավո՞ր է դասակարգիչը փոխել ՀՀ ՊԵԿ -ում և ինչպե՞ս:
ՍՊԸ-ն գրանցվել է օգոստոսի 17-ին, իսկ գործել է սեպտեմբերի 12-ից:

Լիլիթ.

Բարև Ձեզ։ Նվիրատվության արդյունքում ձեռք բերված գույքը կարո՞ղ է գոյացած հարկային պարտավորությունների դիմաց բռնագանձվել։

Աննա.

Հարգելի հաշվապահներ, շրջհարկով աշխատող ՍՊԸ ֆիզ. անձից վարձակալել է տրանսպորտային միջոց, գործատուն պետք է ֆիզ. անձից պահի՞ 10% և վճարի եկամտային հարկ։ Կանխավ շնորհակալ եմ:

Շուշանիկ.

Բարև Ձեզ, հարգելի հաշվապահներ: Հարցս վերաբերվում է հիմնական միջոցի օտարման և ձեռք բերմանը: Եթե շրջ. հարկով աշխատող ՍՊԸ-ն վաճառում է տրանսպորտային միջոց, այնուհետև ձեռք է բերում այլ տրանսպորտային միջոց, ի՞նչ տեսակի հարկային պարտավորություններ են առաջանում ՍՊԸ-ի համար, և ի՞նչ հաշվետվություններ և հաշիվներ պետք է ներկայացնի ՍՊԸ-ն հարկային մարմին։ Նշեմ նաև, որ առք ու վաճառքը կատարվում է ֆիզիկական անձի հետ:

Նարեկ.

Հարգելի հաշվապահներ, հարցս հետևյալն է. կազմակերպությունը օտարերկրյա ԱՄՆ կազմակերպությունից գնել է ծառայություն, որի դիմաց վճարել է 1000 ԱՄՆ դոլար և ստացել է հաշիվ սեպտեմբեր ամսում։ Ոչ ռեզիդենտից ծառայություն գնելուց ինչքան որ տեղյակ եմ, պետք է հաշվարկել և վճարել ոչ ռեզիդենտի շահութահարկ։ Կխնդրեմ մեկնաբանել, ինչքա՞ն գումարի նկատմամբ հաշվարկել շահութահարկը, ինչպե՞ս դուրս գրել ինքնահաշիվ և ինչքա՞ն գումարով։

Մարի.

Բարև Ձեզ։ Եթե սեպտեմբերի 1-ից աշպատողի աշխատաժամը 1 ժամով կրճատել ենք, կարո՞ղ եմ արդյոք հայտը ուղարկել մինչև հոկտեմբերի 20-ը:
2. Եթե գրանցվել եմ Ա/Ձ՝ շրջանառության հարկով աշխատող, և դեռ օգոստոսից ոչ մի գործունեություն չեմ իրականացրել, պե՞տք է արդյոք 5 000 եկամտայինն ու սոցը ամսական վճարել, թե՞ տարեկան էլ կարող եմ վճարել։ Պարզապես գործունեություն չիրականացրած ամիսների համար չվճարեմ: Եվ պե՞տք է արդյոք նոյեմբերի 20-ին ուղարկեմ զրոյական հաշվետվություն:
Կանխավ շնորհակալություն