Արամ.

Բարև ձեզ: Հարցս վերաբերվում է աշխատավարձի ուշացման դեպքում առաջացած տուժին: Հարց 1. Եթե սեպտեմբեր ամսվա աշխատավարձի վճարման վերջնաժամկետը, այսինքն՝ հոկտեմբերի 15-ը ոչ աշխատանքային օր է, արդյո՞ք կարելի է աշխատավարձ վճարել աշատանքային օրը, տվյալ դեպքում հոկտեմբերի 17-ին։ Արդյոք տույժ պետք է հաշվարկել, թե՞ ոչ։
Եվ հաջորդ հարցը. եթե աշխատավարձը փոխանցվել է հոկտեմբերի 6-ին, բայց գումարը աշխատողի հաշվին նստել է հոկտեմբերի 20-ին, տվյալ դեպքում որքա՞ն տույժ կառաջանա։

Բարև Ձեզ։ Կարո՞ղ եք ասել, եթե կազմակերպությունը ՀԿ է և բարեգործական, զոհվածների ընտանիքների համար ծառայություն է մատուցում, ի՞նչ հաշվետվություններ և գործառույթներ պիտի անի։ Բացի այդ տվյալ կազմակերպությունը վճարովի շահառուներ ունի՝ ատամների մասով, վերջինիս համար ի՞նչ հաշվեվություններ և գործառույթներ պիտի իրականացնի։

Բարև Ձեզ։ Եթե օգոստոս ամսին աշխատավարձը պատահական կրկնակի է գնացել՝ ողջ անձնակազմինը, ի՞նչ իրավական և հարկային գործողություններ պիտի արվի։ Կգրեք կարծիք։ 1․ Եկամտային հարկը ամբողջը գրվի օգոստոսում, թե՞ մասնատվի ըստ նախատեսվածի։

Գոհար.

Հարգելի գօրծընկերներ, կարո՞ղ ենք աշխատանքային պայմանագրում գրել, որ աշխատավարձը կազմում է օրինակ՝ զուտ 150 000, ներառյալ գիշերային աշխատանքի հարար 30 տոկոս հավելու՞մը։

Լիլիթ.

Շրջանառության հարկով աշխատելու պարագայում, ապրանքի ձեռքբերման արժեք պետք է նշել մաքսային հայտարարագրի 22 կետի, թե՞ 12 կետում նշված արժեքը։

Սոնա.

Բարև Ձեզ։ Խնդրում եմ օգնեք, եթե կազմակերպության աշխատակցին տարել են հավաքների, այդ դեպքում տվյալ աշխատակցի հետ կապված ի՞նչ գործողություններ պետք է կատարվի կազմակերպության կողմից։

Մարիաննա.

Բարև ձեզ, հարգելի հաշվապահներ։ Ա/Ձ բացել եմ 2022-ի սեպտեմբերի 30-ին և գործունեությունը դրսի հետ է՝ ՏՏ ոլորտ։ Այս ամիս աշխատավարձը հաշվին կնստի և եռամսյակային շրջհարկ հունվարին կտամ։ Կարո՞ղ եմ նոյեմբերի 1-ով Ա/Ձ-ի ժամանակավոր կասեցում տալ։ Եվ եթե այդպես անեմ, 2023-ին մինչև ապրիլ 240 և 244 ձևերը միայն հոկտեմբեր ամսվա համար կլինի տա՞մ։ Կանխավ շնորհակալություն։

Մարի.

Բարև Ձեզ։ Եթե Ա/Ձ վարձակալած տարածքում է գործունեություն իրականցնում, կարո՞ղ է այդ վարձակալած տարածքի համար վճարած գումարները շրջանառության հարկից նվազեցնել:

Դավիթ.

Կարո՞ղ է արդյոք գործատուն իր նախաձեռնությամբ լուծել աշխատանքային պայմանագիրը պարապուրդի ընթացքում։
2. Կարո՞ղ է արդյոք գործատուն աշխատանքից ազատման ԾԱՆՈՒՑՈՒՄ ուղարկել ժամանակավոր անաշխատունակության մեջ գտնվող աշխատակցին։

Գոհար.

Բարև ձեզ, հարգելի հաշվապահներ։ Խնդրումեմ օգնեք, եթե աշխատողը գնում է ֆիզ, ապա դրանից հետո եկամտային հարկի 0-ական պե՞տք է ներկայացնեմ միջև 140 օր լրանալը։ Նաև լրանալուց հետո պետք է գրանցման հայտով ներկայացնե՞մ՝ խնամքի արձակուրդը։

Գոհար.

Բարև ձեզ, հարգելի հաշվապահներ։ Եթե աշխատողի աշխատաժամանակը լրիվ դրույքից դարձնենք կես, ինչպե՞ս կատարեմ այդ փոփոխությունը։

Կարինե.

Ողջույն, բոլոր մասնակիցներին։ Ես կուզենայի ճշտել. այսօրվա դրությամբ ինչպիսի՞ գրանցամատյաններ են օգտագործում հաշվապահության մեջ, եթե կազմակերպությունը նորաբաց է, զբաղվում է զբոսաշրջությամբ (ավիատոմսեր, տուր․ փաթեթներ, թարգմանություն, գրին քարտի խաղ․ գրանցում,)։ ՍՊԸ է, հանդիսանում է շրջ․հարկատու և ունենք միայն դրամարկղի գիրք։ Գիտեմ, որ բավականին գրանցամատյաններ այլևս չեն օգտագործում։ Խնդրում եմ արձագանքել։ Կանխավ շնորհակալություն։

Աննա.

Բարև Ձեզ։ Որ խնդրեմ կասեք՝ աշխատողի ազատվելուց ո՞ր դեպքում վերջնահաշվարկ չի կատարվում:

Արմեն.

Բարև Ձեզ: Վերջնահաշվարկի հետ կապված կարո՞ղ եք օգնել։ Աշխատողը 12.04.22թ ընդունվել է աշխատանքի, 30.09.22թ. ազատվել, 6-օրյա, ապրիլ-136 000, մայիս-200 000, հունիս-200 000, հուլիս-300 000, օգոստոս-80 000, վերջնահաշվարկ 80 608 և սեպտեմբերի աշխատավարձ 80 000։ ճի՞շտ եմ հաշվարկել։

Արմինե.

Բարև Ձեզ: Մեկ հարց ունեմ՝ հնարավո՞ր է որ նույն գործատուի մոտ աշխատողը լինի ձևակերպված և՛ որպես համատեղությամբ աշխատող, և՛ ՔԻՊ-ի հիմունքով՝ տարբեր ծրագրերով։ Կանխավ շնորհակալ եմ։

Ընկերություն՝ “Ծիրան մարկետ” ՍՊԸ
Հասցե՝ Կենտրոն, Խորենացի 47
Հեռախոս՝ +37433300561
Էլ․ փոստ՝ hr@tsiranmarket.am
Թափուր աշխատատեղ՝ Հաշվապահ
Աշխատանքի նկարագրություն՝ “Ծիրան Մարկետ” ՍՊԸ-ն աշխատանքի է հրավիրում Հաշվապահի:

Պարտականություններ՝
– Իրականացնել ընկերության կողմից հաշիվ-ապրանքագրերի դուրս գրում
– Կատարել բանկային փոխանցումների ծրագրային ձևակերպումներ
– Անհրաժեշտության դեպքում իրականացնել հաշվապահական պարտքերի ճշգրտում գործընկեր կազմակերպությունների հետ
– Ծրագրի միջոցով կատարել պահեստի մուտքերի ստուգում, դուրս գրված հաշիվների ստուգում
– Կատարել գլխավոր հաշվապահի կողից տրվող այլ հանձնարարությունների կատարում
Պահանջներ՝ – Բարձրագույն կրթությունը տնտեսագիտության, ֆինանսների և/կամ հաշվապահության ոլորտներում պարտադիր է:
– Առնվազն 1 տարվա աշխատանքային փորձ որպես հաշվապահ
– Գործող օրենքների իմացություն
– СуперМаг ծրագրի իմացությունը ցանկալի է
– Հաղորդակցման գերազանց հմտություններ, պատասխանատվության բարձր զգացում
Աշխատավարձ՝ 150 000 – 200 000 դր.
Այլ նշումներ՝ Աշխատանքային գրաֆիկը՝ Երկուշաբթի-Շաբաթ, 09:00-18:30

Ընկերություն՝ Penotex LLC
Հասցե՝ ք.Երևան, Թևոսյան 115/14
Հեռախոս՝ 099662005
Էլ․ փոստ՝ hr.penotex@yandex.com
Թափուր աշխատատեղ՝ ՀԱՇՎԱՊԱՀ
Աշխատանքի նկարագրություն՝
• Վաճառքների (մեծածախ, մանրածախ) ձևակերպում,
• Ապրանքանյութական արժեքների մուտքագրում,
• Հիմնական միջոցների հաշվառում,
• Դրամական միջոցների հաշվառում,
• Դեբիտորական և կրեդիտորական պարտքերի հաշվառում,
• Ֆինանսական վերլուծությունների իրականացում,
• ԵՏՄ հայտարարագրերի կազմում:
Պահանջներ՝
• Բարձրագույն կրթություն՝ ցանկալի է տնտեսագիտական ոլորտի,
• Աշխատանքային փորձ՝ 3 տ. և ավելի,
• Հարկային օրենսդրության իմացություն,
• 1C ծրագրի, MS Excel-ի, E-invoicing իմացություն
• Ցանկալի հմտություններ՝ վերլուծական միտք, տվյալների բազայի հետ աշխատելու հմտություն, թիմային աշխատանքի կարողություն
Աշխատավարձ՝ սկսած 250 000դր-ից
Այլ նշումներ՝ Աշխատանքը 6-օրյա է, ժամերը՝ 09:00-18:00, շաբաթ օրը՝ հերթափոխային սկզբունքով

Հասմիկ․

Բարի երեկո, հարգելի կոլեգաներ։ Ա/Ձ, որը աշխատում է շրջանառության հարկով և J 62.01.0 դասակարգիչով: Աշխատում է ամերիկյան կազմակերպության հետ և ուղարկել է ինվոյսը, որ ստանա գումարը: Կարո՞ղ եք հուշել՝ ի՞նչ պետք է անել: Ծառայության մատուցման վայրը ՀՀ -ից դուրս է, գումարը ստանալու ենք դոլարով: Պե՞տք է ինքնահաշիվ գրել, որից կհաշվարկվի հարկը: Եթե ինչ որ բան թերի եմ գրել, խնդրում եմ ներողամիտ լինել: Ոլորտին ծանոթ չեմ: Կանխավ շնորհակալություն:

Մաշա․

Ողջույն, հարգելի հաշվապահներ։ Դեղատունը գտնվում է ժամանակավոր դադարի մեջ, դեղերի մեծ մասը վաճառել է այլ դեղատնային գործունեություն իրականացնող տնտեսվարողի, որի համար գրվել է հաշվարկային փաստաթուղթ, բայց կա նաև մոտ 20 մլն-ի ապրանքային մնացորդ։ Ի՞նչ խնդիր կա, եթե ապրանքը ուղղակի մնա և ոչինչ չարվի, կազմակերպությունը աշխատում է շրջ․ հարկով։ Կանխավ շնորհակալ եմ։

Անահիտ․

Բարև ձեզ հարգելի հաշվապահներ։ ԱԱՀ-ով աշխատող ընկերությունը դեպի Ռուսաստան ծրագիր է վաճառել (արտահանել) ֆիզ անձին, քանի որ այն իրականացվել է էլեկտրոնային եղանակով, հայտարարագիր չկա, միայն հաշիվ ապրանքագիր և պայմանագիր է կազմվել։
Հարցս հետևյալն է՝
1․ Արտահանման հայտարարգիրը կազմելու համար որպես արտահանման ամսաթիվ ո՞րը կարող եմ հիմք ընդունել
2․ արդյո՞ք այդ փաստաթղթերը բավարար են արտահանում ձևակերպելու համար
3․ և եթե այդ ֆիզ անձը հարկեր չի վճարելու, առանց իր հարկերի վճարման ծանուցումը մեզ ուղարկելու, ես կարո՞ղ եմ այն ամեն դեպքում ձևակերպել որպես 0% դրույքաչափով հարկվող գործարք

Եթե արտահանումը կատարվել է էլեկտրոնային եղանակով, ծրագրային ապահովում է, այդ դեպքում ինչպես պետք է ձևակերպել արտահանումը և լրացնել հայտարարագիրը արտահանման, եթե չկա ապրանքային հայտարարագիր կամ ավիաբեռնագիր։

Նարեկ․

Բարև Ձեզ։ ՀՀ ռեզիդենտ կազմակերպությունը ոչ ռեզիդենտ կազմակերպությունից ձեռք է բերել ծառայություն, որի մատուցման վայրը համարվում է ՀՀ-ն, որի դիմաց ոչ ռեզիդենտը ինվոյս է գրել։ Այս դեպքում պե՞տք է արդյոք ռեզիդենտ կազմակերպությունը ինքանահաշիվ գրի։

Աստղիկ․

Հարգելի մասնագետներ, խնդրում եմ օգնեք։ Հարցս հետևյալն է․ Ավագ հաշվապահի պաշտոնը պետք է բարձրանա՝ դառնա գլխավոր։ Ի՞նչ ենք անում՝ չեղյալ են համարում նախկին պայմանագիրը, կնքում նորը, թե՞ համաձայնագրով ավելացնում գործառույթներ, աշխատավարձ և այլն։ Շնորհակալություն կանխավ։

Lilia.

Բարև ձեզ, ո՞վ կարող է ասել՝ արդյո՞ք պարտադիր է ունենալ ՀԴՄ, երբ ԱՁ-ն (միկրո) իրականացնում է ավտոմեքենայի սրահի վերանորոգման աշխատանք, թե՞ ֆիզ. անձին հաշվարկային փաստաթուղթ գրենք՝ նորմալ է։

Գոհար․

Աշխատակիցը մեկնել է Դուբայ 27.09.2022- 07.10.2022թ գործուղման (առկա է գործուղման վկայականը կնքված), վերադառնալով՝ ներկայացրել է միայն ինքնաթիռի տոմսը և հյուրանոցի ամրագրումը առանց գումարի կտրոնի։ Ինչպե՞ս հաշվարկեմ 11 օրվա ծախսերը։

Հ. Դավթյան․

Հարգելի գործընկերներ, խնդրում եմ Ձեր աջակցությունը՝ որտեղի՞ց կարող եմ ներբեռնել ԱԴԳՏ դասակարգիչների Էքսել(excel) տարբերակը։

Արմիդա․

Բարև ձեզ։ Եթե ՍՊԸ գիրք է տպագրում և վաճառում, Երևանում է գործում և միկրոյի դաշտում է, կարո՞ղ է ՀԴՄ-ով վաճառք անել։

Տաթև․

Բարև ձեզ: ՍՊԸ-ն գրանցվել է J62.09.0 դասակարգչով, բայց իրական գործունեությունը մարքետինգի դասընթացն է: 14.10.22-ին ծանուցում է ստացվել ictstat.am -ից առ այն մասին, որ պետք է գրանցվել և ՀՀ ԲՏԱ նախարարություն հաշվետվություն ներկայացնել նախորդ ամսվա գործունեության մասին:
Հարց 1 . Ի՞նչ հաշվետվություն ներկայացնել, եթե զուտ մարքետինգի դասընթաց է իրականացնում ՍՊԸ-ն:
Հարց 2. Հնարավո՞ր է դասակարգիչը փոխել ՀՀ ՊԵԿ -ում և ինչպե՞ս:
ՍՊԸ-ն գրանցվել է օգոստոսի 17-ին, իսկ գործել է սեպտեմբերի 12-ից:

Լիլիթ.

Բարև Ձեզ։ Նվիրատվության արդյունքում ձեռք բերված գույքը կարո՞ղ է գոյացած հարկային պարտավորությունների դիմաց բռնագանձվել։

Աննա.

Հարգելի հաշվապահներ, շրջհարկով աշխատող ՍՊԸ ֆիզ. անձից վարձակալել է տրանսպորտային միջոց, գործատուն պետք է ֆիզ. անձից պահի՞ 10% և վճարի եկամտային հարկ։ Կանխավ շնորհակալ եմ:

Շուշանիկ.

Բարև Ձեզ, հարգելի հաշվապահներ: Հարցս վերաբերվում է հիմնական միջոցի օտարման և ձեռք բերմանը: Եթե շրջ. հարկով աշխատող ՍՊԸ-ն վաճառում է տրանսպորտային միջոց, այնուհետև ձեռք է բերում այլ տրանսպորտային միջոց, ի՞նչ տեսակի հարկային պարտավորություններ են առաջանում ՍՊԸ-ի համար, և ի՞նչ հաշվետվություններ և հաշիվներ պետք է ներկայացնի ՍՊԸ-ն հարկային մարմին։ Նշեմ նաև, որ առք ու վաճառքը կատարվում է ֆիզիկական անձի հետ:

Նարեկ.

Հարգելի հաշվապահներ, հարցս հետևյալն է. կազմակերպությունը օտարերկրյա ԱՄՆ կազմակերպությունից գնել է ծառայություն, որի դիմաց վճարել է 1000 ԱՄՆ դոլար և ստացել է հաշիվ սեպտեմբեր ամսում։ Ոչ ռեզիդենտից ծառայություն գնելուց ինչքան որ տեղյակ եմ, պետք է հաշվարկել և վճարել ոչ ռեզիդենտի շահութահարկ։ Կխնդրեմ մեկնաբանել, ինչքա՞ն գումարի նկատմամբ հաշվարկել շահութահարկը, ինչպե՞ս դուրս գրել ինքնահաշիվ և ինչքա՞ն գումարով։

Մարի.

Բարև Ձեզ։ Եթե սեպտեմբերի 1-ից աշպատողի աշխատաժամը 1 ժամով կրճատել ենք, կարո՞ղ եմ արդյոք հայտը ուղարկել մինչև հոկտեմբերի 20-ը:
2. Եթե գրանցվել եմ Ա/Ձ՝ շրջանառության հարկով աշխատող, և դեռ օգոստոսից ոչ մի գործունեություն չեմ իրականացրել, պե՞տք է արդյոք 5 000 եկամտայինն ու սոցը ամսական վճարել, թե՞ տարեկան էլ կարող եմ վճարել։ Պարզապես գործունեություն չիրականացրած ամիսների համար չվճարեմ: Եվ պե՞տք է արդյոք նոյեմբերի 20-ին ուղարկեմ զրոյական հաշվետվություն:
Կանխավ շնորհակալություն

Մանե.

Բարև բոլորին։ Գեոդեզիա և չափագրում գործունեությամբ զբաղվող Ա/Ձ-ն չի կարո՞ղ չէ միկրո լինել, ու մե հարց՝ արդյո՞ք լիցենզիա պետք է ունենա։

Գրիգոր.

Բարև Ձեզ: Խնդրում եմ գրեք բուհի դասախոսների աշխատավարձի (ծախսի հաշիվն է պետք) հաշվարկի հաշվապահական հաշիվների թղթակցությունը և քաղիրավական պայմանագրի դեպքում հաշվապահական հաշիվների թղթակցությունը:

Արտյոմ.

Հարգելի հաշվապահներ, կազմակերպությունը զբաղվում է գյուղ տեխնիկայի ներմուծմամբ և վաճառքով: Գործունեության հասցեն ՀՀ մարզում է: Քաղիրավական պայմանագրի շրջանակներում ունի կնքած 2 պայմանագիր ֆիզ. անձի հետ՝ բեռների դատարկման աշխատանքներ կատարելու: Հարց՝ արդյո՞ք կազմակերպությունը պարտավոր է աշխատանքների կատարման վարձատրությունը կատարել անկանխիկ։

Լիան.

Սեպտեմբեր ամսվա մեջ ձևակերպել են արձակուրդ 10 օր, բայց չի վճարվել գումարը։ Այժմ աշխատած օրերի հետ միասին վարձատրելու են հոկտեմբերին։ Ըստ իրենց տրամադրած հաշվարկի ենթակա է վճարման 211 250 դրամ, սակայն ես չեմ կարողանում հասկանալ, թե ինչպե՞ս է ստացվում այդ թիվը։ Սեպտեմբերն ունի 21 աշխատանաքյին օր, միջին աշխատավարձս 2 500 000 դրամ է։ ՏՏ ոլորտի հավաստագրով աշխատող կազմակերպություն է, աշխատանքը՝ 5-օրյա գրաֆիկով է։ Խնդրում եմ օգնեք հասկանալ, ճի՞շտ է հաշված, թե՞ ոչ, և ինչպե՞ս են ստացել այդ թիվը։

Գոհար.

Հարգելի կոլեգաներ, ֆեյսբուքից, գուգլից, մայքրոսոֆթից տեղեկանք կարողանու՞մ ենք պահանջել, թե՞ հարկելու ենք։

Վաղինակ.

Բարև Ձեզ: Եթե հիմնական աշխատողը վերադառնում է աշխատանքի մինչև 3 տարեկան երեխայի խնամքի արձակուրդից և նրան փոխարինող աշխատողը նրա վերադարձից 10 օր առաջ գնացել է հղիության և ծննդաբերության արձակուրդ, ի՞նչ է տեղի ունենում փոխարինող աշխատողի հետ հիմնական աշխատողի վերադառնալուց հետո: Արդյո՞ք նա ետ է կանչվում արձակուրդից և ազատվում աշխատանքից հիմնական աշխատողի վերադառնալու օրը, թե՞ նրա ազատումը հետաձգվում է մինչև հղիության և ծննդաբերության արձակուրդի ավարտը:

Ընկերություն՝ ԷՅ ՋԻ ՌՈՅԱԼ ՔՈՆՍԱԼԹԻՆԳ ՍՊԸ
Հասցե՝ ք․ Երևան, Թբիլիսյան խճուղի 20
Հեռախոս՝ +37494222127
Էլ․ փոստ՝ ani.grigoryan@agrconsulting.am
Թափուր աշխատատեղ՝ Հաշվապահ, Ավագ հաշվապահ, Գլխավոր հաշվապահ
Աշխատանքի նկարագրություն՝
-Աշխատանքի ենք հրավիրում փորձառու հաշվապահի, ընկերության հետ համագործակցող ընկերությունների հաշվապահական բաժնի գործունեության համար, ով կապահովի ընկերության անխափան աշխատանքը և ռեսուրսների արդյունավետ կառավարումը.
-Կատարել հաշվապահական հաշվառման վարման աշխատանքներ` կապված տնտեսական գործառնությունների հետ` ամբողջությամբ կամ մասնակի ուղղություններով հիմնական միջոցների, ապրանքանյութական արժեքների, դրամական միջոցների, ֆինատնտեսական գործունեության արդյունքների հաշվարկների, ապրանքների արտադրության և իրացման հետ կապված ծախսերը, ինչպես նաև մատուցվող ծառայությունների և այլ հաշվառումների:
-Իրականացնել հաշվառման կոնկրետ ուղղություններին համապատասխան սկզբնական փաստաթղթերի ընդունումն ու հսկողությունը, ինչպես նաև դրանց հերթական հաշվառումը:
-Կազմել ապրանքների ինքնարժեքի հաշվարկաման հաշվետվություն, բացահայտել ծախսերի և կորուստների ձևավորման աղբյուրները, առաջարկություն պատրաստել դրանց կանխման համար:
-Հաշվապահական հաշվառման և հաշվետվության տվյալների հիման վրա մասնակցել կազմակերպության ֆինանսատնտեսական գործունեության տնտեսական վերլուծության անցկացմանը` ներտնտեսական պաշարների բացահայտման, փաստաթղթաշրջանառության կատարելագործման հետ կապված միջոցառումներին
-Հաշվապահական հաշիվներում արտացոլել հիմնական միջոցների, ապրանքանյութական արժեքների և դրամական միջոցների շարժի հետ կապված բոլոր գործարքները
-Հաշվապահական հաշվետվություններ կազմելու համար պատրաստել հաշվապահական փաստաթղթեր, ապահովել դրանց պահպանումը, ձևակերպել սահմանված կարգին համապատասխան արխիվացնելու համար:
-Իրականացնել հաշվապահական տեղեկատվության տվյալների բազային ձևավորման, անցկացման և պահպանման հետ կապված աշխատանքներ.
Պահանջներ՝
-Բարձրագույն տնտեսագիտական կրթություն
-Նվազագույնը 2 տարվա աշխատանքային փորձ
-Հաշվապահական ծրագրերի իմացություն (ՀԾ համակարգ, 1C),
-Համակարգչային գրագիտություն, ցանկալի է հավելյալ ծրագրի իմացություն word, exell
-Ազնվություն, արագաշարժություն, ճկունություն
-Թիմում աշխատելու և լարված իրավիճակներում շուտ կողմնորոշվելու հմտություն:
-Տարբեր լեզուների իմացությունը ազատ հաղորդակցվելու և գրագիտության մակարդակով և փորձագետ հաշվապահի որակավորումը կդիտվի որպես առավելությունառավելություն կդիտվի առավելություն
-Մանրամասներին մեծ ուշադրություն դարձնելու կարողություն։
-Ճշտապահություն, ազնվություն, մարդկային բարձր որակներ։
Աշխատավարձ` Աշխատավարձի չափը կախված է աշխատանքային փորձից և մասնագիտական հմտություններից
Այլ նշումներ` Աշխատանքային ժամերը՝ երկուշաբթի-ուրբաթ 09:00-18:00

Նարեկ.

Բարև Ձեզ։ Շրջանառության հարկի դաշտում գործող Ա/Ձ-ն ավտոմեքենա է ներմուծել, որը խոտանված է և մաքսային թղթերի մեջ նշված է խոտանված: Արդյո՞ք պետք է շրջանառության հարկից որպես ծախս նվազեցվի դա։ Կխնդրեի նաև, դրա հետ կապված, ասեք ո՞ր հոդվածը կարդամ։

Արամ.

Բարև ձեզ: Ա/Ձ աշխատում է շրջանառության հարկով: Հանրային սննդի գործունեություն է իրականացնում: Ունի 3 գրանցված աշխատող, որոնց աշխատավարձերը կազմում են 100 000-ական դրամ, ներառյալ՝ հարկերը: Հարց 1. արդյո՞ք ծախսերի մեջ կարող է ներառվել ամբողջ 300 000 դրամ աշխատավարձը, որի մեջ ներառված է նաև դրոշմանիշային վճարը: Հարց 2. Ա/Ձ շահութահարկը և սոցի 5 000 դրամները կարո՞ղ է ներառվել, թե՞ ոչ։ Խնդրում եմ հստակ պատասխանել հարցին, հոդվածը copy paste չանել))
Կանխավ շնորհակալ եմ)))

Անահիտ.

Բարև Ձեզ: Կազմակերպությունը վարձակալած շենքում, որում պիտի գործունեություն իրականացնի, կատարել է էլեկտրականության մոնտաժում, ապահովիչների գեներատորների լեդ լույսերի տեղադրում, մալուխային լարերի ձեռքբերում։ Այս թվարկածներս պետք է ձևակերպե՞լ որպես հիմնական միջոց, թե՞ շենքի վերակառուցում։

Նելլի.

Բարև ձեզ, հարգելի հաշվապաներ։ Խնդրում եմ օգնեք, օնլայն ebay-ից ապրանք ենք գնել, վճարումը եղել է ebay-ին, հետո առանձին ինվոյս ա եկել առաքման, առաքողը եղել է ապրանքի տերը։ Արդյո՞ք առաջանում է ոչ ռեզիդենտի շահութահարկ։ Շնոհակալություն։

Լուսինե.

Բարև Ձեզ։ Tax free հաշվի մեջ սխալ է լրացվել քաղաքացու անձնագրի սերիան և ԱԱՀ-ն, չի վերադարձվել: Ուղղելու տարբերակ կա՞, թե՞ ոչ։

Մարիաննա.

Բարև Ձեզ։ Համատեղությամբ աշխատելու դեպքում, ո՞ր դեպքում է հասնում արձակուրդային և վերջնահաշվարկ։

Ֆլորա.

Բարև Ձեզ։
Կարո՞ղ է արդյոք աշխատողը անհարգելի պատճառով հրաժարվել գործուղման մեկնելուց։ Հրաժարվելու դեպքում գործատուն ի՞նչ պետք է անի:

Բարև Ձեզ։ Համատիրությունը ձեռք է բերել Ճաղավանդակ` գծամետրով։ Արդյո՞ք պետք է ճանաչել հիմնական միջոց, թե՞ որպես նյութ։

Արմի․

Բարև բոլորին։ Եթե կարող եք՝ հարցին պատասխանեք օրենքի հղումով։ Շրջանառության հարկի դաշտում աշխատող ընկերությունը գնման ակտով ֆիզ. անձից ապրանք ձեռք բերելու դեպքում ի՞նչ պարտավորություններ են առաջանում իր համար (հասկանալի է՝ չի կարող պակասեցնել 4%-ով, քանի որ չհիմնավորված է, իսկ եկամտային հարկով ունի՞ պարտավորություն։

Gegham Bagrazyan․

Ստացվում է, որ Հայաստանի տարածքում ձեռք բերումների համար վճարման պահը կապ չունի ԱԱՀ-ի հաշվանցման հետ, արդյո՞ք ճիշտ եմ հասկացել՝ եթե հաշիվը ստացել եմ սեպտեմբերին, վավերացրել եմ հոկտեմբերին և վճարը կատարել հոկտեմբերին, կարո՞ղ եմ սեպտեմբերին հաշվանցել։ Նախօրոք շնորհակալ եմ։

Սերգեյ․

Կազմակերպությունն իր սեփական միջոցներով կառուցել է շենք և հանձնել շահագործման 5 մլն դրամ արժեքով, հետագայում ստացել է պետության կողմից փոխհատուցում ծախսված գումարի կեսի չափով՝ 2,5 մլն դրամ: Տալ հաշվապահական ձեվակերպումները։