Վիգեն.

Հարգելի հաշվապահներ, ՀԿ-ն ստացել է նվիրատվություններ, որոնք փոխանցվել են կազմակերպության դոլորային հաշվին։ ՀԿ-ների տարեկան հաշվետվության ժամանակ հաշվետու տարվա մուտքերը ինչպե՞ս նշել, եթե փոխարժեքը այլ է աղբյուրից ստացման և հետևաբար ինչպե՞ս փոխարժեքը հաշվել ու տարեկան մուտքով ներկայացնել ճիշտ։

Հռիփսիմե.

Բարև Ձեզ։ Եթե աշխատողը ազատվում է աշխատանքից և ինչ-ինչ պատճառներով ազատման դիմում չի գրում, ի՞նչ հոդվածով պետք է ազատել։

Անահիտ.

Բարև ձեզ։ Բանջարեղեն վաճառող Ա/Ձ-ն շեմը գերազանցել է և հայտնվել է ԱԱՀ դաշտում։ Կարո՞ղ ենք նվազեցումներ անել գյուղացուց ձեռքբերված ապրանքների գծով։

Թամարա.

Բարև Ձեզ, հարգելի հաշվապահներ: Կազմակերպության հաշվապահի նք-ով ստորագրվում են հաշվետվություններն ու հարկային հաշիվները, իսկ տնօրենի նք-ով միայն հարկային հաշիվները: Ասացեք խնդրեմ, եթե նրանցից մեկը գտնվում է արձակուրդում, կարելի՞ է նրա նք-ով ստորագրել: Եթե ոչ, ապա ի՞նչ տույժ է կիրառվում: Շնորհակալություն,

Արփինե.

Բարև Ձեզ։ Ո՞վ ունի Թաթուլ Մովսիսյանի «Հաշվապահական հաշվառում» գրքի 2020թ. pdf տարբերակը։

Գրիգոր.

Հարկման ընդհանուր դաշտում աշխատող կազմակերպությունը ծառայություն է մատուցել, որը համաձայն ՀՕ 64 հոդվածի ազատված է ԱԱՀ-ից: Ի՞նչ փաստաթուղթ է դուրս գրում (հարկային հաշիվ, հաշիվ վավերագիր…)։

Արմինե.

Բարև Ձեզ, հարգելի՛ ոլորտի մասնագետներ։ Կարո՞ղ եք ուղղորդել, թե որտե՞ղ կարելի է գտնել Աշխատանքի առողջ և անվտանգ կատարման պահանջներ սահմանող տեխնիկական կանոնակարգի ձև: Կանխավ շնորհակալություն։

Անուշ.

Բարև Ձեզ։

ԱԱՀ դաշտում աշխատելիս՝ գնված համակարգիչը կարո՞ղ է համարվել բիզնես ծախս, եթե առակա է հդմ և երաշխիքային կտրոն։

Շնորհակալություն։

Տաթև.

Բարև Ձեզ։ Խնդրում եմ պատասխանեք հարցիս։ Ես հղի եմ և շուտով գնալու եմ ֆիզ. արձակուրդ։ Աշխատում եմ միկրոձեռնարկությունում։ Իսկ հաշվապահը 99%-ով ասում է, որ միկրոն ֆիզ. արձակուրդի գումար չի տրամադրում։ Եվ եթե ստանալու եմ, դիմումը ձևը ինչպե՞ս իմանանք, և ո՞վ պետք է դա ճշտի։ Խնդրում եմ մանրամասնել։ Կանխավ շնորհակալ եմ։

Բարև բոլորին: Չրի արտադրությունը համարվու՞մ է գյուղատնտեսական արտադրանք։ Ու նման գործի հաշվապահ ունե՞նք՝ Ա/Ձ-ի հաշվապահ կա՞ էջում։

Հրանուշ.

Բարև Ձեզ։ Նոր բացվող ՍՊԸ-ն մատուցելու է մաքսային բրոքերային ծառայություններ։ Խնդրում եմ հուշել, թե ի՞նչ դասակարգչի է համապատասխանում այս գործունեությունը։

Անահիտ.

Բարև Ձեզ: Հարգելիներ, ՍՊԸ ունի մսի մասնագիտացված խանութ: Միսը գնում է գյուղացուց, աշխատում է ԱԱՀ-ով: Ի՞նչ փասթաթղթեր են պետք գյուղացուց ձեռք բերելու համար և ինչքանո՞վ կհարկվի այդ գնումը:

Անուշ.

Բարև ձեզ։ 2 հարց ունեմ, եթե կարող եք օգնեք ։
Հարց 1. Հարկադիր պարապուրդը ամենամյա արձակուրդի հաշվարկի մեջ մտնու՞մ ա, թե՞ ոչ։
Հարց 2. Եթե աշխատողը 2021թ. նոյեմբերի 22-ից մինչև դեկտեմբերի 24-ը գտնվել ա ամենամյա արձակուրդում, ապա այս 2022թ. հոկտեմբերի 3-ից վերցրել ա իր այս տարվա ամենամյա 25 օր (մինչև նոյեմբերի 4-ը) արձակուրդը, ինչպե՞ս պետք այն հաշվել։ Աշխատավարձի չափը 110 000 կեղտոտը։ Որ 12 ամիս հետ ենք գնում, դա է ասածս, 2021թ. նոյեմբերը մտնու՞մ է հաշվարկի մեջ։

Աննա.

Հարգելի հաշվապահներ, ԱՎՏՈՏՐԱՆՍՊՈՐՏԱՅԻՆ ՄԻՋՈՑԻ ՎՐԱ ՏԵՂԱԴՐՎԱԾ ԳԱԶԱԲԱԼՈՆՆԵՐԻ ՎԿԱՅԱԳՐՄԱՆ ԵՎ ԳԱԶԱՎԱՌԵԼԻՔԱՅԻՆ ՍՆՄԱՆ ՀԱՄԱԿԱՐԳԻ ՃՆՇԱՓՈՐՁԱՐԿՄԱՆ գործընթացը համարվու՞մ է ծառայությունների մատուցում, թե՞ աշխատանքի կատարում: Կանխավ շնորհակալ եմ:

Մաշա․

Ողջույն, հարգելի հաշվապահներ։ Որևէ մեկը դեղատան լիցենզիաի գործողության դադարեցման հայտով դիմե՞լ է ԱՆ, եթե այո, հայտի կամ դիմումի ձև կխնդրեի։ Կանխավ շնորհակալ եմ։

Հ․ Դավթյան․

Ողջույն գործընկերներին, խնդրում եմ նշել. արդյո՞ք որևէ հարկատեսակի գործունեության դեպքում թույլատրելի է ՀԴՄ տպել միայն գումարի նշումով (առանց ապրանքի կամ ծառայության անվան՝ ԱՏԳ ԱԴԳՏ կոդերի և այլ պահանջվող տվյալների)։

Արփինե.

Բարև Ձեզ։ Ինձ անհրաժեշտ է հանրային հատվածի հաշվապահների որակավորման թեստերը, իր պատասխաններով։ Ո՞վ կարող է տրամադրել։ Նախապես շնորհակալություն։

Գրիգոր.

նկարագրեք արտարժույթի փոխանակումը ՀԾ-ով (քայլերը), ինչպես նաև հաշվապահական թղթակցությունները (արտարժույթի փոխարկում, հաշվի վերագնահատում): Արտարժույթի փոխարկման դեպքում (արտարժույթի փոխարկում) ԿԲ-ի և մեր բանկի տարբերությունը շահութահարկի հաշվարկի համար արդյո՞ք ծախս է համարվում, եթե այո, կխնդրեմ հոդվածը նշեք:

Հարգելի հաշվապահներ, խնդրում եմ նշել ինչպե՞ս պետք է գրանցել հարկերի միասնական հաշվին փոխանցումը։ Ո՞րն է հարկերի միասնական հաշվի հաշիվն ըստ հաշվային պլանի։

Անի.

Բարև Ձեզ։ Ինձ կասեք՝ աշխատանքային պարտականությունները չկատարելու հիմքով գրավոր նկատողություն տալու քայլերի հերթականությունը, բացատրություն աշխատողի կողմից – արձանագրություն նոր հրաման, թե՞ այլ բաներ էլ կան: Շնորհակալ եմ:

Քրիստինա.

Բարև Ձեզ, հարգելի կոլեգաներ։ Կազմակերպությունը ձեռք է բերել անվադողեր ՍՊԸ-ի մեքենաների համար ու ստացել են հարկային հաշիվ, որտեղ բացի ԱԱՀ-ից կա նաև բնապահպանական հարկ 1-% չափով։ ՀԻմա դա պետք է վճարի՞ ՍՊԸ-ն։ Ավելացնեմ, որ ՍՊԸ-ն չի հանդիսանում բնապահպանական հարկ վճարող։

Լիլիթ.

Խնդրում եմ նշել կառուցապատող ընկերության հողամասի ձեռքբերումը ինչպե՞ս է ձևակերպվում: Կառուցվող շենքը համարվում է հիմնական միջոց, թե՞ արտադրություն, թե՞ ծառայության վաճառք։

Էլզա Թամրազյան.

Բարև Ձեզ։ Խնդրում եմ ասեք՝ ծանուցագիրը երկու օրինակից է գրվում, թե՞ ոչ։

Տաթև.

Բարև Ձեզ։ Դուստր ընկերության հաշվապահության հետ կապված մի երկու հարց ունեմ: Ո՞վ կարող է օգնել ինձ, կխնդրեմ արձագանքել:

Բարև Ձեզ, հարգելի հաշվապահներ։ Խնդրում եմ ասեք՝ 2 օր ուշացումով ազատման հայտի գրանցման համար վարչական տույժ սահմանվու՞մ է, կամ ինչպե՞ս ճիշտ գրանցել, եթե ազատման հրամանը տրված է 20.10.2022թ. և մինչև այսօր հայտն ուղարկված չէ։

Անի.

Հարգելի հաշվապահներ, աշխատողի դրույքի փոփոխության դեքում սոց. փաթեթի գումարը փոխվում է հաջորդող երկրորդ ամսվանից։ Սեպտեմբերին ըստ նոր տարֆիկացիայի պետք է փոխել և ֆիզում (140օր) գտնվող աշխատողի ժամերը փոխվել է։ Ըստ նոր կարգի մինչև խնամքի գնալը պետք է փոխանցել։ Սակայն հիմա ժամերը, որ փոխվել է, իրավունք ունե՞մ փոխել սոց. փաթեթի գումարի չափը։
Եվս մեկ հարց։ Պահակը գնացել է արձակուրդ և 20 աշխատանքային օր փոխարինող ենք ընդունել հոկտեմբերի 10-ից նոյեմբերի 4-ը ներառյալ։ Հիմա փոխարինողին ազատելիս պետք է վերջնահաշվարկ կատարե՞մ։ Որպես միջին ինչպե՞ս հաշվեմ և քանի՞ օր է հասնում վերջնահաշվարկ։

Աննա.

Հարգելի հաշվապհներ, եթե աշխատողի գրանցման հայտում նշվել է ոչ լրիվ աշխատաժամանակ, շաբաթական ժամը 12 ժամ, և նշվել համատեղությամբ աշխատանք, սա նորմա՞լ է։

Հասմիկ.

Բարև Ձեզ։ Աշխատողը կազմակերպությունում աշխատել է 8 ամիս, որից 3 ամիսը եղել է փորձաշրջանի մեջ։ Արդյո՞ք կարող է գնալ հերթական հասանելիք արձակուրդի։ Շնորհակալ եմ նախօրոք, խնդրում եմ արձագանքել հնարավորինս շուտ։

Գոհար.

Հաշվապահներ ջան, ձեր խորհրդի կարիքն ունեմ։ Երեխայի խնամքի արձակուրդից մայրը վերադարձել է աշխատանքի: Երեխայի 2 տարին լրացել է օգոստոսի 19-ին, աշխատանքի է անցել հոկտեմբերի 1-ից: Հոկտեմբեր ամսվա մեջ արդեն ունի 8 օրվա բյուլետեն: Ի՞նչ միջինով է հաշվարկվում բյուլետենը: Ամսական աշխատավարձը 60 000 դրամ է: Շնորհակալություն:

Նարեկ․

Հարգելի հաշվապահներ, հարցս հետևյալն է․ կազմակերպությունը նոր է գրանցվել, և զբաղվելու է համակարգչային դասընթացներով, դասակարգիչը՝ P85.59.3, taxservice-ում նշված գործունեության դասակարգիչը ցույց է տալիս որպես լիցենզավորվող ոլորտ, կխնդրեմ հուշել՝ արդյո՞ք անհրաժեշտ է ստանալ լիցենզիա, և եթե այո, ապա ո՞ր պետական մարմին դիմել։

Մարինե․

Բարև Ձեզ, սիրելի՛ հաշվապահներ: Կազմակերպությունը գնել է կլոր կնիք: Կխնդրեմ օգնեք ձևակերպումների հարցում:

Հրանուշ․

Բարև Ձեզ։ Եթե Ռումինիայում գտնվող ընկերությունը մատուցում է ՀՀ-ում գտնվող ընկերությանը (ԱԱՀ-ով աշխատող) խորհրդատվական ծառայություններ, հաշիվ-ապրանքագրերի հիման վրա կատարվում է վճարում տվյալ ընկերությանը։ Նման դեպքում ՀՀ-ում գտնվող ընկերությունը պե՞տք է դուրս գրի ինքնահաշիվ, և խնդրում եմ հուշել նման ծառայության տեսակը հարկվելու՞ է արդյոք ՀՀ-ում շահութահարկով, և եթե այո, ապա ի՞նչ դրույքաչափով։ Նախապես շնորհակալություն։

Արամ.

Բարև ձեզ։ Պետռեգիստրում գրանցվելուց հետո ՍՊԸ-ի տնօրենը պարտադի՞ր է պայմանագիր կնքել ՍՊԸ-ի սեփականատիրոջ հետ։

Ռուզաննա.

Բարև Ձեզ։ Խնդրում եմ պատասխանել` բուժաշխատողի պայմանագիրը կարո՞ղ է քաղիրավական պայմանագիր լինել, քանի որ կատարում է պատասխանատու գործ և եթե կարող ենք՝ ինչպե՞ս անցնել աշխատանքայինից քաղիրավական պայմանագրի։ Այսինքն՝ ծանուցում տրամադրելո՞վ, թե՞ այլ ինչ որ գործառույթներ կատարելով։
2. Քաղիրավական պայմանագրով աշխատակիցների թիվը որքա՞ն պետք է կազմի ընդհանուր աշխատակիցների թվից։ Որքան հասկանում եմ, ոչ ավել 1/3 ընդհանուր աշխատակիցների թվից։ Եվ իրավունք ունե՞նք արդյոք ուղիղ կես կամ կեսից ավելին քաղիրավական աշխատակիցներ ունենալու, այն էլ, եթե խոսքը գնում է բուժհիմնարկի մասին։
Կանխավ շնորհակալ եմ։

Նարեկ.

Բարև Ձեզ, հարգելի հաշվապահներ։ Արդյո՞ք ՀՀ ռեզիդենտ ֆիզ. անձի համար առաջանում են հարկային պարտավորություններ, եթե անձը բանկային ավանդի տոկոսներ է ստանում այնպիսի երկրից, որտեղ ավանդի տոկոսը համարվում է չհարկվող եկամուտ։ Իսկ եթե արտերկրից ստացվող եկամուտը արտերկրում հարկվել է 10 տոկոս, արդյո՞ք վճարված հարկերը նվազեցնում ենք եկամտից և մնացած գումարը հարկում 21 տոկոսով, թե՞ պետք է վճարված հարկերը նվազեցնել վճարվելիք հարկից։ Կանխավ շնորհակալություն։

Անի.

Բարև ձեզ։ ՓԲԸ-ին հարկայինը տուգանում է ժամանակին հաշվետվությունը չներկայացնելու համար, հաշվապահը արդարանում է, որ վերջին երկու շաբաթը եղել է բյուլետենում (ամբուլատոր) և իր մեղավորությունը չկա, սակայն հրամանով հաշվապահի պարտականությունները տվյալ ժ|հատվածի համար չեն վերցվել, քանի որ այլ հաշվապահ ընկերությունը չունի: Այս դեպքում գործատուն կարո՞ղ է կարգապահական տույժի ենթարկել հաշվապահին:

Անուշ.

Բարև ձեզ։ Կօգնեք, եթե աշխատողը գործի է ընդունվել 2019թ. մայիսին ու հիմա հոկտեմբեր ամսին ցանկանում է վերցնել իր այս տարվա արձակուրդը և նոր ազատվել աշխատանքից, նա իրավունք ունի՞ վերցնել ամենամյա արձակուրդը 25 օր ու նոր ազատվել։

Վաղարշակ.

Ցանկանում եմ ուսումնական կենտրոն բացել պահնորդներին դասընթացներ տալու և վերջում ստուգարքներից հետո տալ համապատասխան որակավորման վկայական։ Այս գործընթացի համար ինձ որպետ Ա/Ձ որևէ մեկից լիցենզի՞ա պետք է ստանամ։

Հայարփի.

Բարև Ձեզ: Ես աշխատում եմ որպես օնլայն անգլերենի ուսուցիչ, դասավանդում եմ չինացի երեխաների: Նրանց ծնողները իմ վարձը փոխանցում են իմ Alipay-ին, որը ես այնուհետև անհատ անձանց միջոցով փոխում եմ յուանից դրամ և ուղարկում եմ ինձ, ես նրան վճարում եմ յուան, նրանք ինձ Հայաստանում տալիս են դրամ: Ես ինչպե՞ս կարող եմ լեգալացնել և հարկային դաշտ մտնել Հայաստանում այս աշխատանքով, կա՞ այդպիսի տարբերակ:

Սաթենիկ.

Բարև Ձեզ։ Խնդրում եմ ինձ էլ ուղարկեք 1C 8 ծրագրի ուսուցողական գիրքը և ցուցադրական տարբերակը, եթե հնարավոր է՝ նաև ծրագիրը, sathakobyan@mail.ru։

Հասմիկ.

Բարև ձեզ:
1. Ա/Ձ աշխատում է միկրո համակարգում, համակարգչային ծառայությունների մատուցում է իրականացնում, գրանցված է՝ այլ ծառայությունների մատուցում դասակարգիչի տակ։ Ցանկանում է բացել նաև ֆոտո նկարահանման ծառայություն՝ նույն վայրում։ Արդյո՞ք դա խնդիր չի առաջացնի։
2. Ա/Ձ, որն աշխատում է միկրո համակարգում, կարո՞ղ է նույն գործունեությամբ զբաղվել 2 տարբեր տարածքներում, ունենալ 2 ՀԴՄ, այսինքն՝ բացել երկրորդ մասնաճյուղ։ Կանխավ շնորհակալ եմ պատասխանի համար։

Արմինե.

Բարև Ձեզ։ Եթե աշխատակիցը 4 ամիս առաջ է քաղիրավականից դարձել աշխատանքային, ես կարո՞ղ եմ նրան արձակուրդ տալ և եթե մյուս աշխատողս ապրիլին է վերադարձել մայրության խնամքից, նրան ևս կարո՞ղ եմ տալ, թե՞ ոչ։ Խոսքս ամենամյա արձակուրդի մասին է։

Ընկերություն՝ Penotex LLC
Հասցե՝ ք.Երևան, Թևոսյան 115/14
Հեռախոս՝ 099662005
Էլ․ փոստ՝ hr.penotex@yandex.com
Թափուր աշխատատեղ՝ Գլխավոր հաշվապահ
Նկարագրություն՝
Աշխատանքի ենք հրավիրում փորձառու գլխավոր հաշվապահի:
Պարտականություններ՝

• Անմիջականորեն իրականացնել և/կամ վերահսկել հաշվապահական և ներքին ֆինանսական հաշվետվությունների ամբողջականությունն ու ճշգրտությունը,
• Ապահովել ձեռք բերված ապրանքանյութական արժեքների ընդունման, պահեստավորման, պահեստավորված միջոցների շարժի հաշվառման աշխատանքները:
• Ապահովել հիմնական միջոցների արագամաշ առարկաների հաշվառումը, իրականացնել ակտիվների մոնիթորինգ՝ ժամանակին և պատշաճ գույքագրման տեսակետից:
• Ապահովել առանձին ծախսային ծրագրերի գծով դեբիտորական և կրեդիտորական պարտքերի հաշվառումը:
• Հարկային և ֆինանսական հաշվետվությունների պատրաստում և ներկայացում ՀՀ հարկային տեսչություն, ինչպես նաև այլ պետական և տեղական ինքնակառավարման մարմիններ
• Հարկային և այլ պարտադիր վճարումների իրականացում ՀՀ օրենսդրությամբ նախատեսված ժամկետներում և կարգով:
• Ընկերության գործունեությանն առնչվող իր իրավասության մեջ մտնող այլ հանձնարարությունների կատարում:

Պահանջներ՝

• Բարձրագույն կրթություն՝ տնտեսագիտության և հաշվապահության ոլորտում,
• 1 C ծրագրի գերազանց տիրապետում,
• ՀՀ և միջազգային հաշվապահական հաշվառման ստանդարտների իմացություն,
• Առնվազն 5 տարվա աշխատանքային փորձ արտադրական ոլորտում
• Ռուսերեն լեզվի իմացությունը ցանկալի է
• Հարկային և մաքսային օրենսդրության գերազանց իմացություն, հաղորդակցման և կազմակերպչական հմտություններ
• Փորձագետ հաշվապահի որակավորման առկայությունը կդիտվի որպես առավելություն

Հավելյալ նշումներ՝
Աշխատանքը 5-օրյա գրաֆիկով է, 09:00-18:00 :
Աշխատավարձը բարձր, մրցունակ

Արսեն.

Բարև ձեզ: Ֆիզ. անձը ցանկանում է մոտ 100 զույգ կոշիկ ներկրել Չինաստանից՝ Ալիբաբա կայքի միջոցով, մոտ 3000$ արժեքով, ծովային առաքումով, օնլայն վաճառելու նպատակով: Կխնդրեմ օգնեք մոտավոր հաշվարկել ի՞նչ գումար կարժենա ընդհանուր մաքսազերծումը։

Լիլիթ.

Բարև ձեզ, հարգելի հաշվապահներ։ Ինձ կհուշե՞ք՝ արդյոք (Ա/Ձ ) ապահովագրական գործակալը կարո՞ղ է միկրոյով աշխատել, և եթե այո, ապա ի՞նչ հարկեր պետք է վճարի։

Կահույք արտադրողը պարտադիր պետք է ունենա՞ ՀԴՄ, եթե վաճառք է իրականացնում նաև ֆիզ. անձանց։

Սոնա.

Հարգելի գործընկերներ, ողջույն։ Եթե ունենք հերթափոխային շաբաթական 40 ժամ գրանցված աշխատակից, ով նաև ուզում է ներքին համատեղությամբ այլ հաստիք նույնպես զբաղեցնել, ինչպե՞ս կարող ենք իրականացնել գրանցման գործընթացը, կամ այն հնարավո՞ր է, թե՞ ոչ, քանի որ, ըստ աշխատանքային օրենսգրքի նույն կամ տարբեր գործատուների մոտ համատեղությամբ կարող է օրական 12 ժամ աշխատել։ Կանխավ շնորհակալ եմ։

Մարինե.

Հարգելի հաշվապահներ, եթե տնօրենը գնում է արձակուրդի, պարտականությունները վերապահվում է տնօրենի տեղակալին: Տրվում է հրաման տնօրենի պարտականությունները վերապահելու մասին: Տեղակալը, եթե ստորագրում է փաստաթղթեր, նրա պաշտոնը ո՞նց ենք ձևակերպում՝ ստորագրեց տնօրենի տեղակալ, թե՞ ՊԺԿ (պարտականությունների ժամանակավոր կատարող)։

Նարեկ.

Բարև Ձեզ։ Կազմակերպությունը ոչ ռեզիդենտին բեռնափոխադրման համար վճարումներ է կատարել։ Բեռնափոխադրման համար ոչ ռեզիդենտի գրված ինվոյսում առանձնացված չէ ՀՀ սահմանի բեռնափոխադրումը։ Այս դեպքում պե՞տք է արդյոք ներկայացնել 209 համարի հաշվետվությունը (Հաշվարկ՝ ոչ ռեզիդենտին վճարված շահութահարկի գումարի մասին):