Լիլիթ.

Եթե ԱԱՀ-ն ներառված է գնի մեջ, այդ դեպքում ի՞նչ տարբերակով ենք գրում հաշիվ։ 16.66% զեղչն ենք կիրառում, թե՞ գրում թիվ, որը վերջում կդառնա ներառված արժեքի հարկով վճարը։ Կանխավ շնորհակալ եմ։

Հովհաննես.

Ցանկանում եմ իմանալ՝ (5092 1941 8097 1619 ապրանքային կոդով ապրանքներ) արդյո՞ք այս կոդով ապրանքի համար վճարվելու է մաքսատուրք: Եթե կարելի է՝ նշեք նաև մաքսատուրքերի դրույքաչափերը։

Կարեն.

Բարև Ձեզ։ Սպը-ն ԵՏՄ-ից կատարել է ներմուծում, “транзитная декларация” փաստաթղթի մեջ վերևի աջ անկյունում գրված է 29․11.2022, բայց մաքսայինի կողմից կնիք է դրվել ինվոյսի վրա, որտեղ նշված է 01․12․2022։ ԵՏՄ հաշվետվություն ներկայացնելիս որպես ներմուծման ամսաթիվ ո՞ր ամսաթիվը պետք է նշեմ: Կասե՞ք՝ “транзитная декларация” փաստաթղթի մեջ վերևի աջ անկյունում գրված 29․11.2022 ի՞նչ ամսաթիվ է։

Ընկերություն՝ Անդակո
Հասցե՝ Իսակովի 10/12
Հեռախոս՝ 044419550
Էլ․ փոստ՝ job@andaco.am
Թափուր աշխատատեղ՝ Հաշվապահ

Աշխատանքի նկարագրություն՝

• Պաշարների հաշվառում,
• Դուրս գրված և ստացված հաշիվ/ապրանքագրերի ներմուծում հաշվապահական ծրագիր, ձևակերպում,
• Հաշվապահական ծրագիր մուտքագրված տվյալների ստուգում և ճշգրտում,
• ԵՏՄ երկրներից ներմուծման հարկային հայտարարագրերի և հայտարարությունների կազմում,
• Ներմուծումների հետ կապված գործառնությունների ծրագիր մուտքագրում և ձևակեպում,
• Գլխավոր հաշվապահի կողմից տրված այլ հանձնարարությունների կատարում։

Պահանջներ՝

• Բարձրագույն կրթություն,
• Աշխատանքային փորձը՝ առնվազն 1 տարի,
• Հարկային օրենսդրության լավ իմացություն,
• Համակարգչային գիտելիքները՝ ՀԾ, e-invoicing, MS Office (Excel) ծրագրերի իմացություն,
• Թիմում աշխատելու կարողություն,
Աշխատանքային ժամերը՝ 09։30-18։30։
Հանգստյան օրերը՝ շաբաթ և կիրակի։

Կարեն․

Հարգելի հաշվապահներ, եթե հոկտեմբեր ամսվա մեջ ԱԱՀ-ով հաշիվ եմ ստացել մեկ այլ ընկերությունից, որից հետո ներկայացրել եմ հեկտեմբերի համար ԱԱՀ հաշվետվություն, սակայն նոյեմբերի մեջ ծառայություն մատուցողը չեղարկել է իր դուրս գրած հաշիվը և նույն հոկտեմբերի մատակարարման ամսաթվով հաշիվը գրել է արդեն առանց ԱԱՀ-ի՝ հաշվարկային փաստաթուղթ։ Այս դեպքում ԱԱՀ հաշվետվության մեջ փոփոխությունը ինչպե՞ս եմ արտացոլում և ԱԱՀ հաշվարկի 20-րդ կետում ո՞ր հոդվածի համաձայն եմ նշում։

Արամ․

Բարև ձեզ, ես օգտվում եմ հիփոթեքի տոկոսների հետ վճարման օրենքից և աշխատանքից դուրս եմ գալիս դեկտեմբերի 30-ին սեփական դիմումիս համաձայն, կուզենայի իմանալ՝ վերջնահաշվարկիս եկամտային հարկը վճարվելու է դեկտեմբերի՞, թե՞ հունվարի համար, ու կարո՞ղ եմ հետ ստանալ մյուս տարվա առաջին եռամսյակի հիփոթեքիս տոկոսները։

Սուրեն․

Բարև Ձեզ։ Եթե Ա/Ձ -ն ցանկանում է փոխել գործունեության տեսակը կամ զբաղվել ևս մեկ գործունեությամբ, խնդրում եմ ասեք՝ ի՞նչ քայլեր պետք է կատարվեն գործունեության տեսակի ավելացման կամ փոփոխման նպատակով:

Գագիկ․

Բարև ձեզ, հարգելի հաշվապահներ։ ԱԱՀ վճարող ընկերությունը երրորդ երկրից ներմուծելու է ապրանք (էլեկտրոնային տեխնիկա` պայմանական 100 000 դրամի), ՀՀ-ում կատարելու է որոշակի ծախսեր (մաքսազերծում, բրոկեր, տեղափոխում, պահպանում, փաթեթավորում և այլն` պայմանական 30 000 դրամի), և գործընկերոջը վաճառելու նպատակով արտահանի ԵՏՄ երկիր (պայմանական 160 000 դրամի): Ո՞ր փուլում և ո՞ր մասով է առաջանում ԱԱՀ վճարելու պարտավորություն: Կանխավ շնորհակալ եմ:

Արթուր․

Բարև Ձեզ, ես ցանկանում եմ իմ ԱՁ-ն ժամանակավոր դադարեցնել, լրացրել եմ 207 ձևը, սակայն 9 ձևը չկա իմ հաշվետվությունների ցանկում: Ինչպե՞ս գտնել, որ կարողանամ ՀԴՄ-ն էլ դադարեցնեմ:

Ռոզա․

Բարև ձեզ, հարգելի գործընկերներ։ Կազմակերպությունը կարո՞ղ է դրամարկղի մնացորդից հիմնադրին շահաբաժին վճարել քարտային հաշվին փոխանցման միջոցով, և դա կհամարվի՞ արդյոք անկանխիկ գործարք: Գումարը գերազանցում է 300 000 դրամը: Կանխավ շնորհակալություն։

Վարդինե․

Բարև Ձեզ։ Խնդրում եմ, ինձ կարո՞ղ եք օգնել՝ գրանցված աշխատողը կարո՞ղ է իր դիմումի համաձայն աշխատավարձը ստանալ ոչ իր անվան քարտով։

Ռուբեն․

Բարև, հարգելի հաշվապահներ: Կազմակերպությունը ձեռք է բերում ոչ նյութական ակտիվ արտերկրից:

Հարց 1․ ինչպե՞ս հիմնավորել ոչ նյութական ակտիվի օգտագար ծառայության ժամկետը

Հարց 2․ հաշիվ ապրանքագրի մեջ նշված է ոչ նյութական ակտիվի գինը և առանձին տողով տվյալ ակտիվի սպասարկման գումար։ Այդ սպասարկման գումարը կարելի՞ է գումարել ոչ նյութական ակտիվի արժեքին և տվյալ թվով հաշվարկել ամորտիզացիա

Ռուբեն․

Բարեւ ձեզ։ Եթե ընդհանուր հարկման դաշտում աշխատող կազմակերպությունը ֆիզիկական անձից վարձակալությունով վերցրել է տարածք անհատույց հիմունքներով, կա՞ որևիցե հարկ, որ կարող է առաջանալ տվյալ դեպքում։

Մելանյա․

Բարև Ձեզ: ԱՁ-ն աշխատում է շրջհարկով և իրականացնում է օնլայն վաճառք մարքեթփլեյսում: Վաճառքի դեպքում գործակալի կողմից պրինցիպալի (այս դեպքում իմ ԱՁ-ն) անունից ապրանք ձեռք բերող անձին դուրս է գրվում հաշիվ վավերագիր: Միաժամանակ ես ապրանքը ձեռք եմ բերում այլ կազմակերպությունից (փաստացի իրականացնում եմ վերավաճառք), որը նույնպես իմ անունից հաշիվ վավերագիր է ուղարկում: Ստացվում է, որ մի ապրանքի վաճառքի դեպքում 2 հաշիվ վավերագիր են ուղարկում, մեկը մարքեթփլեյսը, մեկը այն վաճառողը , որից ես ապրանքը ձեռք եմ բերում: Արդյո՞ք ես այս դեպքում կրկնակի չեմ հարկվում, և երբ շրջանառության հարկի եռամսյակային հաշվետվությունը լրացնեմ, ինչպե՞ս պետք է վարվեմ։ Կանխավ շնորհակալություն։

Աննա․

Բարև Ձեզ, հարգելի հաշվապահներ։ Շրջանառության հարկով հարկման օբյեկտ են համարվում ապրանքների մատակարարումը, աշխատանքների կատարումը և (կամ) ծառայությունների մատուցումը, բացառությամբ «Պետական տուրքի մասին» Հայաստանի Հանրապետության օրենքի 19.7-րդ և 19.8-րդ հոդվածներով սահմանված գործունեության տեսակների շրջանակներում ապրանքների մատակարարումը, աշխատանքների կատարումը և (կամ) ծառայությունների մատուցումը։ Այստեղ պետական տուրքի մասով բացառությու՞ն է անում, քանի որ այն հարկվում է պետ տուրքի վճարով։

Արման․

Հարգելի գործընկերներ, փաստորեն ճի՞շտ եմ հասկանում, որ 2023թ-ի հունվարի 1-ից միկրոձեռնարկատիրության սուբյեկտները խնդիր են ունենալու իրենց հաճախորդների հետ՝ կապված միկրոյի կողմից դուրս գրված հաշիվները որպես ծախս ճանաչելու սահմանափակման հետ։

Եվ փոփոխությունների հետ կապված, նաև՝ միկրոձեռնարկատիրության սուբյեկտի աշխատակիցների աշխատավարձը հաշվարկվելու է նու՞յն կարգով, ինչ մնացած հարկային դաշտերում աշխատողներինը, այսինքն՝ եկամտային հարկը լինելու է 20 տոկո՞ս, ոչ թե 5 000 դրամ։

Իսկ էլ ի՞նչ փոփոխություններ կան միկրոձեռնարկատիրության համար։

Ընկերություն՝ Babayans Accounting Center
Աշխատավայրը՝ ք. Երևան, Արաբկիր
Էլ․ փոստ՝ hashvapahutyun@internet.ru
Թափուր աշխատատեղ՝ Հաշվապահ (իգական սեռի)
Աշխատանքի նկարագրություն՝ Հաշվապահական գրասենյակին անհրաժեշտ է հաշվապահ (իգական սեռի)

Աշխատանքային գրաֆիկ՝ երկուշաբթիից ուրբաթ ժամը 10:00-18:00
Աշխատավայրը՝ ք. Երևան, Արաբկիր

Պարտականություններ՝
• Հաշվետվությունների կազմում
• Աշխատանք ՀԾ-Հաշվապահ ծրագրով
• Հարկերի հաշվարկ
• Հաշվապահի հաստիքից բխող այլ աշխատանքներ

Պահանջներ՝

• Հարկային օրենսդրության իմացություն
• E-invoicing, taxservice և ՀԾ-Հաշվապահ ծրագրի իմացություն
• Պատասխանատվություն և պարտաճանաչություն

Հետաքրքրված անձանց խնդրում ենք ինքնակենսագրականները ուղարկել hashvapahutyun@internet.ru էլեկտրոնային փոստին։

Աննա.

Ուսումնասիրում եմ որպես ֆրիլանս աշխատելու հնարավորությունները և այսպիսի հարցեր են առաջացել։

– Ինչպես հասկանում եմ՝ նման դեպքում հնարավոր է գրանցվել որպես Ա/Ձ և ավելի քիչ հարկ վճարել, քան ֆիզ. անձի դեպքում։ Ապա ի՞նչ արտոնություն կա որպես ֆիզ. անձ գրանցվելու մեջ։

– Արդյո՞ք այս պահի դրությամբ ֆրիլանս աշխատելը ու հարկ չվճարելը համարվում է որևէ կանոնի խախտում։

Շնորհակալ եմ պատասխանի համար 🙂

Շուշան.

Հարգելի հաշվապահեր, խնդրում եմ պատասխանել հետևյալ հարցին. X քաղաքում /մարզկենտրոն չէ, սակայն խոշորացված համայնք է/, գրանցված Ա/Ձ-ն, որը զբաղվում է ատամնաբուժական գործունեությամբ, իրավունք ունի՞ աշխատողին կանխիկով վճարել աշխատավարձ: Օրենքում նշված է, որ 2024թ.-ից սկսած է անկանխիկ գործարքներն իրականացվելու: Շնորհակալություն:

Արտյոմ.

Բարև ձեզ, հարգելի հաշվապահներ։ Խնդրում եմ օգնել հետևյալ հարցում: ՀՀ կազմակերպությունը Ղազախստանից ձեռք է բերում համակարգչային ծրագիր՝ ոչ նյութական ակտիվ: Տվյալ ծրագրի միջոցով ծառայություն է մատուցում Բելառուսի կազմակերպությանը: Հարցս 1. Տվյալ ծրագրի ձեռքբերման մասով ի՞նչ հարկեր կառաջանան։ Հարց 2. Բելառուսին ծառայություն մատուցելու համար պետք է հարկվեմ ԱԱՀ-ով և շահութահարկով, թե՞ միայն շահութահարկով: Կանխավ շնորհակալ եմ։

Արտյոմ.

Բարև ձեզ, հարգելի հաշվապահներ: Հարցս վերաբերվում է բնապահպանական հարկին: Կազմակերպությունը աշխատում է շրջանառության հարկով, ներմուծում և վաճառում է մեքենայի շարժիչային յուղեր: Հաշիվ դուրս է գրվել հետևյալ կերպ՝ 1 հատ յուղ, ամբողջ արժեքը 10000 դրամ, այդ թվում բնապ. դաշտում գրվել է 196.07 դրամ: Այսինքն՝ ապրանքի վաճառքի գնին գումարվել է 2 տոկոս բնապահպանականը և ստացվել 10 000 դրամ: Հարցս հետևյալն է՝ շրջանառության հարկի հաշվետվության մեջ որպես եկամուտներ պետք է ներառել 10000 դրամը, թե՞ 10000-196.07=9803,93։

Քրիստինա.

Բարև ձեզ։ Խնդրում եմ ասեք՝ նոր բացված ԱՁ-ի համար գարեջրի վաճառքի լիցենզիա է պետք՝ ո՞նց ստանամ արագ։ Իրենց կայքով 2 օր ա փորձում եմ չի ստացվում, dimum.yervan.am կայքով եմ դիմում, չի ստացվում։

Լիլիթ.

Հարցս հետևյալն է՝ տնօրենը գործուղման մեջ է 3 օր, նրան աշխատավարձ տրվու՞մ է, թե ոչ այդ երեք օրվա համար, իսկ փոխարինողին տնօրենի դրույքաչափո՞վ։

Արա․

Բարև ձեզ, հարգելի հաշվապահներ։ Երբ շինարարական գործունեությամբ զբաղվող ընկերությունը ֆիզիկական անձից ձեռք է բերում հիմնական միջոց, որի համար կողմերի միջև կնքվում է պայմանագիր, գնման ակտ և կատարվում է հանձնում ընդունում, ապա ինչպիսի՞ ձևակերպումներ պետք է տրվեն, և արդյո՞ք առաջացած 10 % եկամտային հարկը (քանի որ ընկերությունը աշխատում է ԱԱՀ դաշտում ) ենթակա է հիմնական միջոցի արժեքի ավելացմանը և հետագա ամորտիզացմանը, թե՞ ոչ։ Կանխավ շնորհակալություն։

Արտակ․

Բարև ձեզ։ Ինչպե՞ս կարող է նույն ՍՊԸ-ն զբաղվել իրարից տարբեր մի քանի գործունեությամբ, օրինակ՝ ներմուծում, արտադրություն, հյուրանոցայիին գործունեություն ու IT : Այս դեպքում ինչպե՞ս կարելի է բոլորը օրնականացնել ու հավաքել մեկ ՍՊԸ-ի ներքո։

Աննա․

Հարգելի հաշվապահներ, գազաբալոնների ստուգաչափման հասույթը շրջանառության հարկի հաշվարկում ո՞ր տողում է լրացվում: Կանխավ շնորհակալ եմ:

Անի Աբրահամյան․

Բարև։ Կազմակերպությունը հայտարարել է ակցիա, որին մասնակցելու ու պայմաններին համապատասխանելու դեպքում դրամական պարգև է տալիս ֆիզիկական անձանց։ Բացի եկամտային հարկից ի՞նչ հարկ է պահվում։ Դու՞րս է գրվում արդյոք ինքնահաշիվ ։ Ու նման ակցիայի դեպքում բավակա՞ն է բաց օֆերտան, թե՞ անհրաժեշտ է պայմանագիր մասնակիցների հետ։

Արթուր․

Բարև Ձեզ, խնդրում եմ պատասխանել հետևյալ հարցիս: ՍՊԸ-ն զբաղվում է ձկնաբուծությամբ, և աշխատում է ԱԱՀ-ով հարկման դաշտում, խնդրում եմ ասեք

1) Ի՞նչ հաշվետվություններ պետք է ներկայացնել

2) Արդյո՞ք պետք է պահեստի հաշվառում կատարել

3. Ո՞նց են հաշվարկում արտադրողականությունը, և արդյո՞ք պետք չէ իմանալ՝ ինքնարժեքը ինչքան է

4. Եթե կա ձկնաբուծության հաշվապահության վերաբերվող օրենքներ կամ գիրք, խնդրում եմ հուշել՝ որտեղից կարդամ կամ ձեռք բերեմ

Աննա․

Խնդրում եմ ասեք՝ ԱԱՀ-ով աշխատող Ա/Ձ տարեկան ի՞նչ հեշվետվություն պետք է ներկայացնի: Եվ տարեկան հաշվետվության մեջ ՀՄ-ի (արտասահմանից ներմուծված մեքենա) ձեռքբերման արժեքը ո՞ր հոդվածով պետք է ցույց տալ: Շնորհակալ եմ կանխավ:

Մանե․

Բարև ձեզ: Շրջհարկով աշխատող միջնորդ կազմակերպության համար ռուսաստանյան ոչ ռեզիդենտ կազմակերպությունը մատուցել է ծառայություն՝ բեռը հասցնելով ՀՀ սահման: Առկա է թղթային հաշիվ ոչ ռեզիդենտի կողմից: Ինչպե՞ս պետք է ներկայացվի թղթային հաշիվը հարկայինում, որպեսզի հիմնավորում լինի շրջհարկով ծախս ճանաչելու համար։

Ալվարդ․

Բարև ձեզ։ Ինչպե՞ս կարող եմ հարկային տեսուչին ապացուցել, որ միայն ստուգման պահին չգրանցված աշխատող հայտնաբերելու դեպքում կարող է խախտում արձանագրել։

Մարգարիտա․

Բարև Ձեզ։ Գործատուն կարո՞ղ է դրոշմանիշային վճարը վճարել իր հաշվին, եթե աշխատողի աշխատավարձը նվազագույնից բարձր է։

Անա․

Բարև Ձեզ, սիրելիներս, կխնդրեյի պատասխանել հետևյալ հարցին․

ՏՏ ոլորտում ՝ շրջհարկով աշխատող ԱՁ-ն, որը չունի աշխատող, կասե՞ք՝ ի՞նչ վճարներ պետք է կատարի։ Որքանով որ ես եմ տեղյակ, դրանք են․ 5 տոկոս շրջանառության հարկ, 5 000 սոցիալական վճար և տարեկան հասույթից գոյացած դրոշմանիշային վճար։ Վճարները այսքա՞ն են, թե՞ կա հարկատեսակ, որը բաց եմ թողել։

Շնորհակալություն։

Արինա․

1) Եթե վաճառված ապրանքների ինքնարժեքը կազմում է 50 000 դրամ, գնումները` 40 000 դրամ, իսկ ապրանքների վերջնական մնացորդը 7 000 դրամ, ապա որքա՞ն կկազմի սկզբնական մնացորդը։

2) տարվա ընթացքում կազմակերպության վաճառքները կազմել են 600 000 դրամ, գնումները` 400 000 դրամ։ Տարվա վերջի դրությամբ պաշարների մնացորդը կազմել է 80 000 դրամ, իսկ վաճառքի գինը սահմանվել է ինքնարժեքի վրա ավելացնելով 25% հավելագին։ Որքա՞ն կկազմի տարվա սկզբի դրությամբ պաշարների մնացորդը։

Նախապես շնորհակալություն։

Դիտել այլ հաշվապահական խնդիրներ

Արինա․

Բարև ձեզ։ Խնդրում եմ օգնեք։

Որքա՞ն է կազմում համախառն շահույթի տոկոսը վաճառքի նկատմամբ։ Անհատ ձեռնարկատերը պաշարների տարեկան հաշիվը փակում է հաջորդ տարվա առաջին ամսվա 6-ին։ Այդ ամսաթվի դրությամբ պաշարների հաշվի մնացորդը կազմել է $44 600: 31.12.2016թ.-06.01.2017թ. ժամանակահատվածում վաճառքը կազմել է $4 875 , իսկ գնումները` $5600։ 31.12.2016թ. դրությամբ պաշարների արժեքը կազմել է $42 900։

Նախապես շնորհակալություն։

Դիտել այլ հաշվապահական խնդիրներ

Քրիստինե․

Բարև Ձեզ, հարգելի հաշվապահներ, ո՞վ կարող է ասել, եթե օրինակ կառուցապատող ընկերությունը (պատվիրատուն) 1.000.000 վճարում է շինարարներին շենքի կառուցման համար, այնուհետև շենքը 1.500.000-ով վաճառում է, հարկվում է 1.500.000-ից, թե՞ 500.000-ից։ Որքա՞ն է կազմում հարկման տոկոսադրույքը։ Եվ եթե 500.000-ից է հարկվում, ապա հաջորդ տարի հարկեր պետք է՞ տա այդ գումարից և, եթե այո, ապա քանի՞ տոկոս։

Արուս․

Բարև Ձեզ։ Շրջ․ հարկով աշխատող ՍՊԸ-ն ցանկանում է ներմուծել ավտոմեքենա իր օգտագործման համար, հնարավոր է մի տարի ժամկետով, այնուհետև վաճառի։ Ի՞նչ նրբություններ կան ավտոմեքենա ձեռք բերելիս, և արդյո՞ք պարտադիր է վարել ուղեթերթը։

Շնորհակալություն։

Ընկերություն՝ Բրենդոն ՍՊԸ
Հասցե՝ Ազատության 24/15
Հեռախոս՝ 077870090
Էլ․ փոստ՝ hr@brandon.am
Թափուր աշխատատեղ՝ հաշվապահ ֆինանսիստ
Պարտականություններ՝

• Ձևակերպել և ՀԾ մուտքագրել կազմակերպությանն առնչվող բանկային քաղվածքները
• Իրականացնել կազմակերպության ապրանքաշրջանառության և դեբիտոր-կրեդիտորների հաշվառման գործընթացները
• Կազմակերպել և վարել հաշվապահական և ֆինանսական փաստաթղթերի շրջանառությունը
• Համակարգել ներքին և արտաքին գործարքները, ծրագրային տվյալների ստուգումը և ճշգրտումը
• Պարբերաբար պատրաստել անհրաժեշտ ֆինանսական հաշվետվություններ և իրականացնել ֆինանսական վերլուծություններ
• Մասնակցել Ընկերությունում գույքագրման աշխատանքներին
• Կատարված աշխատանքների վերաբերյալ կազմել համապատասխան հաշվետվություններ

Պահանջներ՝

• աշխատանքային փորձ հաշվապահության, ֆինանսների ոլորտում, սեփական աշխատանքը պլանավորելու ցանկություն
• աշխատանքը սիրով անելու ձգտում

Աշխատավարձ՝ կքննարկենք թեկնածուների հետ
Այլ նշումներ՝ ուղարկել ինքնակենսագրականները hr@brandon.am էլհասցեին

Նելլի․

Բարև ձեզ, հարգելի հաշվապահներ։ Կազմակերպությունը գնել է ծրագիր՝ պայմանագրի մեջ գրված է ռոյալթի 12 ամիս օգտագործելու իրավունքով, սա ընթացի՞կ ծախս է համարվում։

Գոհար․

Բարև ձեզ, հարգելի հաշվապահներ։ Խնդրում եմ օգնեք։ ՍՊԸ-ն բացվել է անցած տարի, որսորդական խանութ է, գործում է շրջհարկով և ունի 1 աշխատող։ Այս խանութի համար գրանցել են դրամարկղային գիրք, և մինչև հիմա գրանցում չկա արած։ Կասե՞ք՝ ինչի՞ց սկսեմ, և արդյո՞ք հնարավոր է չվարել։

Gegham Bagrazyan.

Կարո՞ղ եք ասել՝ գնման ակտերով ձեռք բերումները, երբ նրանք եկամտային հարկով հարկվել են, կարելի՞ է շահութահարկից նվազեցնել ինչպես մայր գումարը, այնպես էլ եկամտային հարկը։

Շուշան․

2023թ-ից ստացվում է, որ սոցվճար վճարողների համար, որոնց նվազագույն աշխատավարձը կազմում է 104 000 դրամ, դրոշմանիշային վճարի սանդղակը սկսվում է 3 000 դրամի՞ց։

Նարեկ․

Բարև Ձեզ։ ԱԱՀ-ով աշխատող ընկերությունը ապրանք է ներմուծել, “транзитная декларация”-ի մեջ ընդհանուր 1 000 000 ռուբլի արժեք է ֆիքսվել։ Ապրանքը տանելով պահեստ՝ որոշ ժամանակ հետո պարզվել է, որ մեծ մասը խոտան է։ Մատակարարը համաձայնվել է ինվոյսը ճշգրտի, որից հետո կդառնա 450 000 ռուբլի ընդհանուր արժեքը։ Ինվոյսը ստանալուց հետո կարո՞ղ եմ արդյոք ԵՏՄ հայտարագիրը և հայտարարությունը ճշգրտեմ և ԱԱՀ հարկման բազա ընդունեմ 450 000 ռուբլիին համարժեք ՀՀ դրամ։ “Транзитная декларация” – ն պե՞տք է փոփոխվի մաքսայինի կողմից և ի՞նչ ընթացակարգով։

Սուսաննա․

Բարև ձեզ, հարգելի հաշվապահներ: Կասե՞ք, խնդրում եմ, 87.90.0-այլ սոցիալական սպասարկում կացության ապահովմամբ, տնտեսական գործունեություն ծավալող ԱՁ-ն ի՞նչ հարկման դաշտում կարող է աշխատել։

Բարև Ձեզ։

Խնդրում եմ ինձ ասել․ հարկադիր պարապուրդի ընթացքում տնօրենը իրավունք ունի՞ աշխատողին պարտադրել ներկայանալ աշխատանքի և մնալ աշխատավայրում 8 ժամ աշխատանքային գրաֆիկով։

Գայանե․

Բարև Ձեզ, որ խնդրեմ՝ կասե՞ք, կա այնպիսի գործակից, որ տվյալ կազմակերպությունը աշխատավարձ վճարի այդ գործակցին համապատասխան, իր եկամտի համաձայն կամ նմանատիպ գրաֆիկով:

Հարցը միգուցե այդքան էլ հաշվապահական չէ, բայց շնորհակալ կլինեմ լսել կարծիքներ, միգուցե դա վերաբերվի բիզնեսի մասին ավելի խորը գիտելիքների տիրապետման :

Շնորհակալություն։

Լիլիթ․

Հարգելի հաշվապահներ, նվազագույն աշխատավարձը հարկերը ներառյալ 93 500 դրամն է, սոցիալական վճար վճարողի համար մաքուրը կազմում է 68 157 դրամ, իսկ սոց. վճար չկատարողի համար՝ 72 365 դրամ։

Հարց՝ ո՞րն է համարվում նվազագույն աշխատավարձ սրանցից: Եվ 2023թ. հունվարից պետք է 75 000 դրամից ցածր ստացող աշխատակից չունենա՞նք։

Աննա․

Հարգելի հաշվապահներ, ՍՊԸ իր հիմնական միջոցը, որտ տրանսպորտային միջոց է, ցանկանում է խոտանել։ Կասե՞ք խնդրեմ՝ ի՞նչ կարգով պետք իրականացվի գործընթացը:

Աննա․

Բարև Ձեզ, այսպիսի հարց ունեմ։ Արտադրության աշխատակիցներին տեղեկացվել է, որ իրենց բացակայության դեպքում գումար է պահվելու աշխատավարձից, քանի որ յուրաքանչյուրի բացակայությունը խափանում է հոսքագծի աշխատանքը։ Արդյո՞ք այս դեպքը վերաբերվում է ԱՕ 213 հոդվածի 2֊րդ մասի 4֊րդ կետին, այն է` 213.2 Գործատուին ունեցած աշխատողի պարտքերը մարելու համար աշխատավարձից պահվում կամ գանձվում են 4) Աշխատողի մեղքով գործատուին պատճառված վնասի հատուցման գումարը։

Շուշան․

Հարգելի գործընկերներ, խնդրում եմ պարզաբանեք՝ ինչպե՞ս է հաշվարկվում և ո՞վ է վճարում (գործատուն թե՞ աշխատողը) դրոշմանիշային վճարը սոցվճար վճարող և նվազագույն 75 000 դրամ աշխատավարձ ստացողի համար։