Անի․

Բարև Ձեզ, հարգելիներս։ Խնդրում եմ օգնել Wildberries-ում վաճառողի հաշվառման հարցերում։ ԱՁ–ն դեռ չի բացվել, պլանավորում է իրականացնել օնլայն վաճառք Wildberries–ում։

1) Այս դեպքում վաճառողը ԱԱՀ, թե՞ շրջհարկի հայտ պիտի տա (կարո՞ղ եք օրենսգրքից հղում տալ):

2) Ամեն վաճառքից հետո e-invoicing-ով մատակարարի անունից պիտի՞ հաշիվ գրենք ֆիզ անձի անունով

3) Եթե վաճառքները (օնլայն գնորդները) նաև ՌԴ–ում են լիելու, ապա դա դիտարկվելու՞ է որպես արտահանում

4) Իսկ ինչու՞ պետք է հաշիվ գրենք Wildberries–ին (ինչպես նշված էր բազմաթիվ մեկանաբանությունում)։

5) Wildberries-ից առանձին թղթային հաշիվներ ստանալու դեպքում պե՞տք է գրվի ինքնահաշիվներ

Այս հարցում փորձառու ընկերներ Խնդրում եմ օգնեք։

Լիան.

Հարգելի հաշվապահներ, խնդրում եմ օգնեք հասկանալ տվյալ իրավիճակի բացասական կողմերը։ Աշխատակիցը սեպտեմբեր ամսից անցել է այլ կազմակերպությունում աշխատանքի, բայց նախկին գործատուն կարծես չի դադարեցրել աշխատանքային պայմանագիրը։ Խնդրում եմ ասել՝ աշխատակցի վրա ի՞նչ բացասական ազդեցություն դա կարող է ունենալ։

Ավետիք.

Բարև ձեզ: Գլոբբինգով ներկրման դեպքում, ինչքա՞ն է կազմում ապրանքի առավելագույն արժեքը (Invoice-ում նշված), որը ենթակա չէ մաքսազերծման:

Արուս․

Վարձու աշխատողին երեխայի խնամքի արձակուրդ ուղարկելու գրանցման հայտը ե՞րբ պետք է ուղարկել, խնդրում եմ պատասխանել։

Հարութ.

Բարև Ձեզ: Խնդրեմ կասե՞ք՝ սոց. վճարում, եթե նշում են 1 020 000 ավել աշխատավարձի դեպքում պահվում է 74 500դրամ, ինչպե՞ս է ստացվում, որ 2 500 000 դրամ աշխատավարձի դեպքում պահում են 87 500 դրամ սոց. վճար։

Էլինա․

Բարև ձեզ։ ԱՁ եմ գրանցել։ Ասեցին՝ հարկային հայտ պետք է ներկայացնեմ հարկատեսակի հետ կապված, բայց ես ID չունեմ դեռ։ Ասեցին, որ կարող եմ լիազորել նրան ով ունի։ Կարո՞ղ եք օգնել, թե դա ինչպես է կատարվում։ Ու ո՞ր հարթակից պետք է ուղարկեմ հայտը։ Շնորհակալ եմ նախապես։

Ի՞նչ է իրենից ներկայացնում հաշվապահական քաղաքականությունը։

Կարդալ ավելին “10 խորհուրդ սկսնակ հաշվապահին” →

Աշոտ․

Ողջույն, հարգելի հաշվապահներ։ Ներմուծում և արտադրության գործունեություն իրականացնող, իրացման 5 մլրդ շրջանառություն ունեցող ֆիրմայի գլխավոր հաշվապահի աշխատավարձը ի՞նչ սահմաններում է տատանվում։

Լուսինե․

Բարև Ձեզ: Շինարարական կազմակերպությանը, որը զբաղվելու է ասֆալտապատման աշխատանքներով, լիցենզիա անհրաժե՞շտ է ,թե՞ ոչ։ Կանխավ շնորհակալ եմ:

Էլեն․

Բարև ձեզ։ Ինձ կարո՞ղ եք օգնել՝ պրակտիկայի հաշվետվության մեջ պետք է կատարեմ բանկի ակտիվների հաշվառում։ Օրինակ, բանկը վարկ է տրամադրել հաճախորդին դտ 16010 կտ 30202, հաշվարկել օրական % դրույքը, եկամուտը և մնացածը ըստ հաշվային պլանի հերթականությամբ։ Շատ շնորհակալ կլինեմ օգնության համար։

Գայանե․

Բարև Ձեզ, կօգնե՞ք խնդրեմ։

Կազմակերպությունը նոր է սկսել արտադրանք տալ, և որպես նոր արտադրանք նմուշներ է բաժանում հիվանդանոցներին (բժշկական ախտահանիչ նյութեր): Պահեստից ելք ինչպե՞ս անեմ, չեմ կարող հիվանդանոցներին հաշիվ գրեմ մեկ կամ երկու հատի համար: Կարո՞ղ եմ պահեստից ելք անել առաքիչի անունով, և որպես ծախս ճանաչել։

Գոհար․

Բարև Ձեզ։ ԵՏՄ-ից ներմուծվել են հիմնական միջոցներ, որոնց տեղափոխումը իրականացրել է բեռնափոխադրող ընկերությունը: Ներկայացված ներմուծման հարկային հայտարարագրի համաձայն կատարվել է ԱԱՀ-ի վճարում: Ի՞նչ հաշվապահական ձևակերպումներ են տրվելու հիմնական միջոցների ձեռք բերման, ԱԱՀ-ի հաշվարկման և վճարման, բեռնափոխադման ծառայության դիմաց վճարման համար: ՍՊԸ-ն ԱԱՀ վճարող է:

Ընկերություն՝ «Թի Ըքաունթ» ՍՊԸ
Հասցե՝ Փոքր կենտրոն, Իսրայելյան 37, 1/1։
Հեռախոս՝ 011408608
Էլ․ փոստ՝ nona.alikhanyan@taccount.am
Թափուր աշխատատեղ՝ Հաշվապահ
Աշխատանքի նկարագրություն՝ Եթե դու մոտիվացված ես նոր գիտելիքներ ստանալու, մասնագիտական աճ գրանցելու և լավագույն թիմում աշխատելու, ապա կարող ես միանալ մեր թիմին, մենք սպասում ենք քեզ։
«Թի Ըքաունթ» ՍՊԸ-ն աշխատանքի է հրավիրում փորձառու հաշվապահների, ինչպես նաև փորձառու հաշվապահների վերահսկողության տակ աշխատելու նպատակով՝ մասնագիտական գիտելիքներ ունեցող սկսնակ հաշվապահների։ Հաշվապահը պատասխանատու է հաշվապահական հաշվառման պարտականությունների ամբողջ շարքի համար:

Աշխատանքային պարտականություններ՝

• Հաշվապահական հաշվառման վարում
• Հաշվետվությունների կազմում՝ համաձայն ՀՀ հարկային օրենսդրության
• Հաշվապահական փաստաթղթերի կազմում և փաստաթղթաշրջանառության վարում
• Բանկային գործառնությունների ձևակերպում
• Հարկային հաշիվների էլեկտրոնային դուրս գրում
• Աշխատավարձի հաշվարկային և վճարային փաստաթղթերի կազմում և վճարում
• Դեբիտորական, կրեդիտորական պարտքերի հաշվառում
• Եկամուտների, ծախսերի հաշվառում
• Ծրագրային բազաներում ընթացիկ այլ գործարքների վերաբերյալ համապատասխան գործառնությունների մուտքագրում
• Առհաշիվ գործարքներին առնչվող առաջնային փաստաթղթերի գրանցում
• Աշխատանքային պարտականություններից բխող այլ անհրաժեշտ գործառույթների կատարում:

Անհրաժեշտ հմտություններ՝

• Բարձրագույն կրթություն տնտեսագիտության, ֆինանսների կամ հաշվապահության ոլորտում
• Համափատասխան մասնագիտական աշխատանքային փորձ
• Հաշվապահական հաշվառման ստանդարտների, ՀՀ հարկային օրենսդրության իմացություն
• ՀԾ հաշվապահական ծրագրի իմացություն
• MS Office փաթեթի, մասնավորապես Excel ծրագրի իմացություն
• Արագ կողմնորոշվելու, հաճախորդների հետ հաղորդակցվելու հմտություն
• Թիմում աշխատելու ունակություն
• Հայերեն լեզվի գերազանց իմացություն, անգլերեն և ռուսերենի լեզուների լավ իմացությունը կդիտվի որպես առավելություն

Հավելյալ տեղեկություններ՝

Ի՞նչ առավելություններ է տալիս «Թի Ըքաունթ» ՍՊԸ-ն իր աշխատակիցներին՝
• Կայուն աշխատանք
• Մրցակցային աշխատավարձ
• Լրացուցիչ վճարովի արձակուրդային օրեր
• Անվճար LUNCH
• Կորպորատիվ միջոցառումներ
• Ուսանողներին ընձեռում է հնարավորություն համատեղելու աշխատանքն ու դասընթացները
• Աշխատակիցներին տրամադրում է օրենքով սահմանված բոլոր արտոնություններն ու իրավունքները
• Փորձառու թիմ ղեկավարներ, ովքեր մանրակրկիտ աշխատանք են տանում յուրաքանչյուր սկսնակ աշխատողի հետ
• Մշակվում է կորպորատիվ փոխհատուցման պլան։

Ընկերությունն աշխատում է հնգօրյա աշխատանքային ռեժիմով՝ երկուշաբթիից ուրբաթ, ժամը՝ 09։00 – 18։00։
Գրասենյակի հասցեն՝ Փոքր կենտրոն, Իսրայելյան 37, 1/1։
Այլ նշումներ՝ Դիմելու գործընթացը Հետաքրքրված թեկնածուները կարող են ուղարկել իրենց ինքնակենսագրականը nona.alikhanyan@taccount.am էլեկտրոնային հասցեին՝ նամակի թեմայի դաշտում նշելով պաշտոնի (Հաշվապահ) անվանումը:

Էլինա․

Հարգելի հաշվապահներ, խնդրում եմ հուշել՝ ԱԱՀ հետաձգում հասկացությունը ի՞նչ գործողություններ է պահանջում։ Խոսքը գնում է 2021թվականին ներմուծված որպես ՀՄ համակարգիչների մասին (8471 կոդով) ։ Ներմուծելու պահին ԱԱՀ չի վճարվել, պահանջ չի եղել։ Ենթադրել եմ, որ դա մեխանիկորեն է կատարվում։ Մաքսայինի թեժ գծի հետ խոսալուց, եթե ճիշտ հասկացա, պարզվում է, որ դիմում պիտի գրվեր, որպեսզի ԱԱՀ պարտավորությունը համարվեր հետաձգված։ Եվ հիմա, քանի որ դիմում չի գրվել, դա դուրս է գալիս, որ չկատարած հարկային պարտավորություն է, և պիտի գանձվի տույժերով ներառյալ, բայց միասնական հաշվում չունեմ ԱԱՀ մասով պարտավորություն։ Խնդրում եմ՝ ով ունեցել է ԱԱՀ-ի հետաձգման փորձ, արձագանքել, կանխավ շնորհակալ եմ։

Վահագն․

Բարև Ձեզ։ Կխնդրեի պատասխանել. Շրջհարկով աշխատող ԱՁ-ն ցանկանում է բանկից վերցնել բիզնես վարկ։ Ի՞նչ խնդիրներ կարող են առաջանալ այդ վարկի ամբողջությամբ կանխիկացման դեպքում։

Կարեն․

Բարև Ձեզ։ ԱԱՀ-ով աշխատող ԱՁ-ն լիզինգով ստացել է հիմնական միջոց։ Գույքի ձեռքբերման գինը՝ 57 600 000, կանխավճարի չափը՝ 5 760 000, պայմանագրի գումարը՝ 51 840 000։ Լիզինգային ընկերությունից ստացել ենք հարկային հաշիվ՝ վարձավճար 594 900 ներառյալ ԱԱՀ և տոկոսագումար 677 000 առանց ԱԱՀ։ Որ խնդրեմ՝ կասե՞ք, թե հաշվապահական ի՞նչ ձևակերպումներ պետք է տրվի։

Քրիստինե․

Խնդրում եմ օգնել հետևյալ հարցում՝ կազմակերպությունը փետրվարի 7-ին կատարել է արտահանում, պատվիրատուն ապրանքը ընդունել է, հետո հայտնաբերել է թերություններ և մարտի 10-ին հետ է ուղարկել: Հարցս հետևյալն է՝ կատարոել է արտահանում և պետք է 0-ական հարկով թիվը լրացնել ԱԱՀ-ի փետրվարի հաշվետվության մե՞ջ, և հետ վերադարձը որպես ներմուծում մարտ ամսվա հաշվետվության մե՞ջ, թե՞ ուրիշ բան էլ պետք է արվի (ներմուծման ժամանակ մաքսային վճարներ չեն եղել):

Սյուզի․

Բարև Ձեզ։ Կամաիրավաբանական տեսանկյունից ո՞ր տեսակի ընկերությունն է (ԱՁ, ՓԲԸ, ՍՊԸ) ավելի հարմար գրանցման և լուծարման համար։

Արման․

Բարև Ձեզ, ինձ անհրաժեշտ են նյութեր հիմնական միջոցների ինքնարժեքի ձևավորման, ռեգիստրի, մաշվածության մասին, կամ հենց բուն հիմնական միջոցների մասին։ Շատ շնորհակալ կլինեմ, կից կուղարկեմ էլ․ փոստի հասցե՝ enokyanarman@mail.ru

Ելենա․

Բարև ձեզ։ Ֆիզ անձը մեկ տարվա ընթացքում գնել և վաճառել է մեքենա։ Հաշվետվություն տալու համար ՊԵԿ-ում ՀՎՀՀ չեն տրամադրել, քանի որ ֆիզ անձը ունի ԱՁ և համապատասխան ՀՎՀՀ։ Հարցս հետևյալն է՝ հաշվետվությունը ներկայացնելուց հետո ԱՁ-ի մոտ ոչ մի պարտավորություն չի՞ առաջանա։

Մելինե․

Բարև բոլորին։ Հարգելի մասնագետներ, երկու հարց ունեմ։ Եթե կազմակերպությունը նախորդ տարվա հունիսին երկարաժամկետ վարկ է ստացել, առանձնացնելու՞ եմ կարճաժամկետ մասը առաջին տարվա, վարկի համար դա հունիսից մինչև մյուս տարվա հունիսն է այո՞, իսկ տոկոսագումարմերը շահութահարկի հաշվարկում հունիսից մինչև դեկտեմբե՞ր եմ առանձնացնելու։

Կարեն․

Բարև Ձեզ։ ԱԱՀ-ի վերադարձի համար ցանկանում եմ լրացնել 261 ձևի հաշվետվությունը։ 2022 թվականին ներկայացված ԱԱՀ-ի հաշվետվություններից առաջացել է․

2022-Հունվար՝ 550 000 դեբետ

2022-Փետրվար 250 000 կրեդիտ

2022-Մարտ 300 000 դեբետ

2022-Ապրիլ 400 000 կրեդիտ

2022-Մայիս 600 000 դեբետ

Կասե՞ք՝ 261 ձևի հաշվետվության մեջ ամիսները ի՞նչ գումարներով լրացնեմ, որ 800 000 դեբետային գումարը վերադարձնեն։

Կարինե․

ՍՊԸ-ն ՌԴ-ից սարքավորումներ գնելու նպատակով 26.09.2022թ. ՌԴ մատակարարի ներկայացրած հաշիվ-ապրանքագրի համաձայն նրան է վճարել 1.462.000 ռուբլի: 13.10.2022թ. ներմուծվել են սարքավորումները, և ՍՊԸ-ի կողմից ներկայացվել է ներմուծման հարկային հայտարարագիր 9.298.320 դրամ հարկման բազայով , ԱԱՀ-ն՝ 1.859.664 դրամ: 25.20.2022թ. վճարվել է ԱԱՀ-ն: Սարքավորումները տեղափոխելու համար բեռնափոխադրողին 25.10.2022թ. վճարվել է 690.200 դրամ: 12.12.2022թ. ՊԵԿ-ի կողմից վերադարձվել է միասնական հաշվում եղած գերավճարի գումարը՝ 1.844.900 դրամ: Խնդրում եմ օգնել հաշվապահական ձևակերպումների հարցում: Կանխավ՝ շնորհակալություն:

Հասմիկ․

Բարև Ձեզ։ Ես աշխատում եմ հերթափոխով (8ժամյա)։ Բայց գործատուն ցերեկային է վարձատրում: Արդյո՞ք օրենքով է։ Եվ ի՞նչ պետք է անել այդ դեպքում։

Ընկերություն՝ Digitain
Էլ․ փոստ՝ career@digitain.com
Թափուր աշխատատեղ՝ Հաշվետար
Աշխատանքի նկարագրություն՝ Digitain ընկերությունը փնտրում է Հաշվետար իր թիմին միանալու համար։
Պահանջներ՝

• Բարձրագույն կրթություն
• Նվազագույնը 1 տարվա աշխատանքային փորձ
• Համակարգչային ծրագրերի կիրառական իմացություն` 1C 8.3 ERP, MS Office (Excel, Word)
• Հայերենի գերազանց իմացություն, անգլերեն և ռուսերեն լեզուների իմացությունը կդիտվի որպես առավելություն
• Պատասխանատվության բարձր զգացում
• Պարտաճանաչություն
• Թիմում աշխատելու կարողություն

Աշխատանքային պարտականություններ՝

Տեղեկատուների բազայի հավաքագրում և վարում
Ծախսային բոլոր փաստաթղթերի ձևակերպում (պահեստի մուտք, պահեստի ելք, ծառայությունների ձևակերպում)
Պատվերների ձևակերպում և ստուգում
Գույքերի հանձնման, ընդունման, տեղափոխության հաշվառում
Ընթացիկ հարկային հաշիվների ստուգում
Անմիջական ղեկավարի կողմից այլ հանձնարարությունների կատարում

Company: Digitain
E-mail: career@digitain.com
Vacancy: Accountant
Job description: Digitain is looking for a self-motivated and detail oriented professional accountant to fill the vacancy. In this role, you will demonstrate your accounting expertise, you must be highly accurate and efficient, utilizing your knowledge and ensuring accurate accounting services are provided.
Responsibilities:

• Preparation of tax invoices via E-invoicing program
• Accounting of accounts receivable and accounts payable
• Preparation of monthly and quarterly reports
• Preparation of registration form samples, provision of internal accounting report samples
• Documentation of banking transactions
• Performing and recording daily accounting and bookkeeping
• Cash Flow management
• VAT, CIT and other tax related matters

Requirements:

• Bachelor’s and a higher degree in Accounting or related field
• Working in accounting or finance experience (at least 2 years. Construction experience will be considered an advantage)
• Knowledge of Armenian Software, E-invoicing, and other related accounting software
• Excellent knowledge of Armenian, Russian and English languages
• Knowledge of tax code of RA
• Good knowledge of Microsoft Office
• Ability to interpret and analyze financial statements and periodicals
• Detail oriented, analytical and excellent communication skills
• Able to thrive in a deadline-driven environment
• Problem Solving and integrity

Կարեն․

Ռեզիդենտ առևտրային կազմակերպությունների համար շրջանառության հարկը փոխարինում է ԱԱՀ-ին և (կամ) շահութահարկին: Շրջանառության հարկի մեջ շահութահարկի հաշվարկային մեծությունն ընդունվում է 40 տոկոս, իսկ ԱԱՀ-ի հաշվարկային մեծությունը` 60 տոկոս:

Հարց․ կասե՞ք՝ ի՞նչ է նշանակում այս միտքը։ Եթե կարելի է՝ օրինակ կբերե՞ք։

Կիմա․

2022 թվականին շրջանառության հարկ վճարող համարվելու վերաբերյալ հայտարարություն է ներկայացվել, հիմա տեսնում եմ, որ հաշվապահը ԱԱՀ-ի հաշվետվություն է ներկայացրել, խնդրում եմ կասե՞ք՝ դա արդյոք ինչի հետևանքով կարող է լինել, հնարավո՞ր է արդյոք փոխել դա։

Աննա․

Բարև Ձեզ: Հարցս հետևյալն է՝ կանաչապատման ծրագրով կազմակերպությունը ապրիլից մինչև սեպտեմբեր ամիսը ներառյալ ընդունում է աշխատանքի աշխատողներ ծառայություններ մատուցելու համար: Ո՞նց է ճիշտ նրանց ընդունել՝ քաղաքացիաիրավական պայմանագրով որպես ծառայություն մատուցող, թե՞ գնումների փաթեթով, քանի որ նրանք վարձատրվելու են ոչ թե աշխատավարձի հոդվածով, այլ ծառայության:

Շուշանիկ․

Բարև ձեզ, հարգելի գործընկերներ: Եթե հիվանդության նպաստի հաշվարկած միջին աշատարվարձը 80 տոկոսն էլ հաշվարկած կազմում է 47 970, դա դիտարկվու՞մ է նվազագույն աշխատավարձից ցածր։ Եթե հաշվի առնենք, որ նվազագույն աշխատավարձը 01․01․23-ից հարկերը ներառյալ 104 000 է: Եթե հնարավոր է՝ ուղղորդեք հաշվարկման կագի մեջ: Կանխավ շնորհակալ եմ։

Արթուր․

Բարև Ձեզ։ Դիպլոմայինի աշխատանքիս թեման “Անուղղակի արտադրական ծախսումների վերլուծությունն”-է, որ խնդրեմ կնշե՞ք՝ արդյո՞ք 2003թ․ գրքից վերցված այս մեկնաբանությունները հիմա արդիական են տվյալ թեմայի համար։

Ելնելով կատարված ծախսումների նպատակից հաշվեգրվում են համապատասխան անուղղակի ծախսումներ հաշվառող հաշիվները։

Դտ 813 «Անուղղակի արտադրական ծախսումներ»

Կտ 527 «Պարտքեր աշխատավարձի և աշխատակիցների այլ կարճաժամկետ հատուցումների գծով»

Կտ 112 «Հիմնական միջոցների մաշվածություն»

Կտ 211 «Նյութեր»

Կտ 252 «հաշվարկային հաշիվ»

Այնուհետև հաշվետու ժամանակաշրջանի վերջում 813 «Անուղղակի արտադրական ծախսումներ» հաշվի դեբետում կուտակված ծախսումները պետք է բաշխվեն ըստ կալկուլյացիայի կամ հաշվառման օբյեկտների և ներառվեն դրանց ինքնարժեքում։

Թամարա․

Հարգելի հաշվապահներ, ունեմ 1 հարց. ԱՁ -ը (ռեստորան) աշխատել է շրջ. հարկով: 2022թ․ նոյեմբերի 30 ից անցել է 115 մլն. շեմը և համարվել է ԱԱՀ վճարող։ Նոյեմբերի 1 օրվա համար ուղարկել ենք ԱԱՀ հաշվետվություն: Ասացեք խնդրեմ՝ շահութահարկի հաշվարկում պետք է ներառվի ամբո՞ղջ նոյեմբերի տվյալները, թե միայն նոյեմբեր 30 -ի տվյալները՝ դեկտեմբերի հետ միասին, և այդ ամիսներին ձեռք բերված ՀԴՄ կտրոնները (Սիթի) կարո՞ղ են համարվել ծախս՝ շահութահարկի հաշվարկում: Շնորհակալություն:

Давид.

Здравствуйте! Пишу на русском, но можно отвечать на армянском:

1. Какие сертификаты нужны для экспорта мебельной продукции из Армении в Германию?

2. Есть ли компании, которые занимаются помощью в сборе документов и подаче заявлений на получение таких лицензий? Если да – то прошу обозначить какие. Спасибо!

Արթուր․

ԱԱՀ-ով աշխատող ԱՁ-ն Լիզինգով մեքենա է ձեռք բերել սերվիսից, և Լիզինգը դուրս է գրում հաշիվ, արդյո՞ք կարող ենք ԱԱՀ-ն հաշվանցել։

Լուսինե․

Բարև ձեզ։ ԱՁ-ն տեխնիկի ծառայություն է մատուցում ատամնաբուժարանին, պատրաստում է օրինակ պրոթեզներ, կարո՞ղ է աշխատել միկրոձեռնարկատիրության հարկման դաշտում։

Ալինա․

Բարև Ձեզ։ Երբ կազմակերպությունը իր հաշվարկային հաշվում եղած ազատ գումարները դնում է բանկում որպես ավանդ, արդյունքում ստացված տոկոսները շրջանառության հակի հաշվարկի մեջ պե՞տք է ներառվի, թե՞ ոչ։ Եթե այո՝ խնդրում եմ ասեք օրենքի ո՞ր հոդվածով և հաշվարկի ո՞ր տողում։ Ասեմ նաև, որ բանկը եկամտային հարկը պահել է։ Կանխավ շնորհակալություն։

Աննա․

Ողջույն, հարգելի հաշվապահներ։ Ա/Ձ-ն աշխատում է ընդհանուր հարկման դաշտում, ծառայություններն արտահանում է (0-ական ԱԱՀ) և պետք է դուրս գրի հաշիվ վավերագիր: Եթե ճիշտ եմ հասկանում՝ հաշիվ վավերագիրն դուրս է գրվում ծառայության մատուցումն ավարտելուց, իսկ հարկերն պետք է հաշվել վավերագիրն դուրս գրելու ԿԲ օրվա փոխարժեքով:

Հարցերս հետևյալն են․

1) Կարելի՞ է հաշիվ վավերագիր դուրս գրել նախորդ ամիսների ծառայությունների համար, եթե վարձատրությունն խմբավորված են փոխանցելու

2) Պե՞տք է մանրամասնել հենց որ ամիսների աշխատանքի համար է, թե՞ բավար է պարզապես նշել ծառայության տեսակն ու գումարի չափն

3) ԱԱՀ հաշվետվությունը ներկայացնելուց փաստաթուղթն դուրս է գրելու՞ օրն է էական, թե՞ գումարն հաշվին նստելու: Օրինակ, եթե հաշիվ վավերագիրն դուրս գրվի ամսվա վերջում, սակայն գումարն հաշվին նստի հաջորդ ամիս:

Բարև ձեզ։ ՍՊԸ-ի փոխտնօրենին տնօրեն նշանակելու դեպքում ի՞նչ փաստաթղթեր են անհրաժեշտ պետռեգիստր ներկայացնելու համար:

Նելլի.

Հարգելի հաշվապահներ,
խնդրում եմ կասե՞ք, եթե կազմակերպությունը զբաղվում է ապրանքների առաքմամբ (օրինակ՝ դեղատնից վերցնում է ապրանքը, առաքում է հաճախորդին) ո՞ր հարկման դաշտում կարող է աշխատել։

Կանխավ շնորհակալ եմ

Վահան․

Արդյոք իրավունք կա՞ կազմակերպության փոխտնօրենի անունով հարկային հաշիվ դուրս գրելու, և ի՞նչ է դրա համար անհրաժեշտ։

Արմինե․

Բարև Ձեզ։ Գյուղատնտեսական կոոպերատիվները հարկային ո՞ր դաշտով պետք է աշխատեն։

Թինա․

Բարև Ձեզ, հարգելի հաշվապահներ։ Հարցս հետևյալն է․ եթե աշխատղն ընդունվել է աշխատանքի որևէ ամսվա կեսից, ապա այդ կիսատ ամսվա աշխատավարձը մտնու՞մ է արդյոք արձակուրդայինի հաշվարկի մեջ, թե՞ ոչ։ Ըստ ԱՕ 195 հոդվածի այն պատճառները, որոնց համար աշխատանքը համարվում է ոչ լրիվ, չի ներառում ամսվա կեսից աշխատանքի ընդունվելու պայմանը։ Խնդրում եմ հիմնավորել Ձեր պատասխանը։ Շնորհակալ եմ։

Կարեն․

Բարև Ձեզ: Ի՞նչ հաշվապահական խնդիրների համար նախատեսված գրքեր կառաջարկեք։

Բաբկեն․

Ողջույն, ունեմ հետևյալ հարցը, կխնդրեմ` օգնեք, նախօրոք շնորհակալ եմ: Չինաստանից պատվիրել եմ ականջակալներ 8 հատ քանակությամբ 29,5 յուան (1650 դրամ) արժողությամբ որպես նվեր մոտ բարեկամներիս համար, ոչ վաճառքի` որպես ամանորյա նվեր. ապրանքը ուշ է տեղ հասնում ու պահվում մաքսայինում: Այնինչ` միևնույն ժամանակ դրանից թանկ արժողությամբ ապրանքներս գալիս, հասնում են ինձ: Մաքսայինում պարտավորեցնում են հարկ վճարել` պատճառաբանելով` քանակն է շատ: Ի պատասխան նրան, որ ասում եմ` ընդհանուր ապրանքիս համար վճարել եմ ~13.200 դրամ, պլյուս 8000 դրամ Գլոբբինգին բերելու համար, եթե վաճառելու լինեի գոնե 50 հատ կպատվիրեի, ասում են` եթե 6-7 հատ լիներ, չէիր վճարի: Իրենց բրոկերները պարտավորեցնում են ինձ վճարել 30,000 դրամ ապրանքը հանելու համար, այն դեպքում, երբ այդ ականջակալների գին-որակը չարժեն այդ գինը: Կխնդրեմ` տրամադրել հստակ օրենք, ըստ որի կկարողանամ հասկանալ` ինչքան պետք է վճարվի, քանի որ ապրանքիս գինը չի անցնում 200€ և մեծ քանակություն չի վաճառքի համար: Չինական ծրագրում վճարածս գումարի կտրոնն ունեմ, տպել եմ, ասում են` «մենք չենք հասկանում` ինչ է գրված», էն դեպքում, երբ գինը 1 հատի ու ընդհանուրի պարզ երևում են: Նախօրոք շնորհակալ եմ:

Տաթև․

Հարգելի հաշվապահներ հարցս հետևյալն է՝

Կազմակերպությունը աշխատում է ԱԱՀ-ով , և ցանկանում է մի երկրից ապրանք գնել և վաճառել մեկ այլ երկրի, ապրանքը ՀՀ սահման չի հատելու և ՀՀ-ի կազմակերպությունը հանդիսանում է միջնորդ, որի արդյունքում կունենա եկամուտ։ Խնդրում եմ ասել՝ այս ամենը օրենքին հակասու՞մ է, եթե ոչ, կասե՞ք՝ ինչպե՞ս է փաստաթղթավորվում այս ամենը։ Կանխավ շնորհակալ եմ

Նարե․

Բարև Ձեզ։ Հարգելի հաշվապահներ, շրջ․ հարկով աշխատող կազմակերպությունը լիզինգով ձեռք է բերել հիմնական միջոց։ Գումարը 15 500 000դրամ է, որից 3 100 000դրամը տրվել է որպես կանխավճար և ձևակերպվել դտ-152 կտ-252։ Բոլոր տարիների տոկոսագումարը կազմում է 4 119 412 դրամ։ Վարկային կազմակերպությունը դուրս գրել հաշիվ-վավերագիր, որտեղ որպես նյութ․ արժեք ներառված են՝ վարձավճար 181 559,20դր, տոկոս 93 764,40դր, մեկնարկային վարձավճար (կանխավճար) 3 100 000դր։ Դեռ ոչ մի ձևակերպում չենք տվել, բացի կանխավճարի ձևակերպումից։ Խնդրում եմ օգնել մյուս ձևակերպումների հարցում։

Գոհար․

Բարև ձեզ։ Հարգելի հաշվապահներ, ինձ ո՞վ կասի օնլայն ծաղիկների վաճառքի դասակարգիչը։

Մանե․

Բարի օր, որևէ մեկը կարո՞ղ է տեղեկատվություն տրամադրել օդային ուղևորափոխադրումներ իրականացնող ընկերությունների պարտադիր վճարների, հարկային օրենսդրության դրույթների վերաբերյալ կամ հղումներ փոխանցել։