Վարսենիկ․

Բարև Ձեզ, հարգելի հաշվապահներ։ Խնդրում եմ ասեք՝ միկրոյով աշխատող ԱՁ-ի վարձու աշխատողի հիվանդության նպաստը ո՞ր թվից է հաշվարկվում՝ նախորդ 12 ամիսների միջինից, թե՞ նվազագույն աշխատավարձի 50%-ից ։ Շնորհակալություն։

Լուսինե․

Հարգելի գործընկերներ, արդյո՞ք ճիշտ է, որ հուլիսի 1-ից շրջանառության հարկ վճարողները պետք է ՀԴՄ կտրոնի վրա տպեն ապրանքի/ծառայության անվանումն ըստ դասակարգչի։

Anjelika.

Բարև Ձեզ։ Amazon-ից ցանկանում եմ ականջակալներ պատվիրել, Globbing-ի միջոցով, կցանկանայի իմանալ՝ մաքսավճար կգոյանա՞ այդ դեպքում, թե՞ միայն առաքման գումարն է ենթակա վճարման:

Գայանե․

Բարև Ձեզ, կասե՞ք խնդրեմ. Եթե կազմակերպությունը աշխատում է շրջ. հարկով, ունի ֆիզ.անձից վարձակալություն, այս դեպքում, որպես հարկային գործակալ 10% պե՞տք է վճարել, և նույն հարցը՝ ֆիզ. անձից գնում կատարելիս եկամտային հարկ վճարվելու՞ է, թե՞ ոչ:

Լիլիթ․

Եթե կազմակերպությունը չունի հաշվապահ և գանձապահ, դրամարկղի մուտքի և ելքի օրդերները ստորագրում են միայն տնօրենը և գումարն ստացողը կամ մուտք անո՞ղը։ Եվ դրամարկղի գրքում տնօրե՞նն է ստորագրում։

Paloma.

Good evening,

I’d be grateful if you could answer to my below questions:

1. If my company is buying Armenian products with VAT from Armenian company and when my company exports those products, how is the procedure to ask the VAT back (which I have paid)?

2. How long it will take to get the VAT back?

Thanks.

Կարեն․

Բարև Ձեզ: Ընկերությունը իր ստացած շահույթից գումար է ցանկանում փոխանցել տնօրենին։ Կասե՞ք կարգը՝ դրա համար ի՞նչ պետք է անել, և օրենքի ո՞ր մասը կարդամ։

Հռիփսիմե․

Բարև ձեզ։ Հարգելի հաշվապահներ, հարցս կայանում է նրանում, թե արդյո՞ք հաշիվը չեղյալ համարելը ունի քանակական սահմանափակում կամ ժամկետը նշանակություն ունի, թե երբ է գրվել։

Գոհար․

Բարև Ձեզ։ Աշխատում եմ շրջ. հարկի 5 տոկոս դաշտում։ Հիմնական միջոցը նվիրատվություն եմ անում տղայիս, ճի՞շտ եմ հարկում – 10 տոկոս կադաստրային արժեքի և 10 տոկոս եկամտային հարկ։ Խնդրում եմ ասեք։

Խաչիկ․

Բարև Ձեզ, ես ունեմ ՍՊԸ, որը գործում է շրջանառության հարկով, և ցանկանում եմ Արաբական Էմիրությունից գնել մեքենա 2017-2018 թվականի և ներմուծել Հայաստան: Խնդրում եմ ասել, թե ի՞նչ ռիսկեր են առկա, ի՞նչ հարկման խնդիրներ կարող են ի հայտ գալ, գնումը պետք է ՍՊԸ-ի հաշվի՞ց կատարվի արդյոք, վաճառելուց ի՞նչ հարկ կգոյանա:

Անի․

Բարև Ձեզ, հնարավո՞ր է միջազգային փոխանցման պահումներն որպես ծախս ձևակերպել: Եթե այո, հոդվածին հղում կանե՞ք: ԱՁ-ն զբաղվում է freelance աշխատանքով ընդհանուր հարկման համակարգում, ծառայություններն արտահանում է` 0-ական ԱԱՀ:

Անի․

Բարև Ձեզ, ինձ կուղարկե՞ք Հաշվապահի որակավորման քննական հարցաշարի վերջին տարբերակը sachani84@mail.ru

Ռուբեն․

Բարև ձեզ, հարգելի հաշվապահներ։ ՀՀ ռեզինդենտ կազմակերպությունը Ղրղզստանի կազմակերպությունից ստացել է թույլտվություն ՝ օնլայն հարթակի մուտքի, որի դիմաց վճարվել է գումար։ Տվյալ օնլայն հարթակի մուտքի համար ՀՀ ռեզիդենտ կազմակերպությանը էլ․ փոստով ուղարկվել է կոդեր օնլայն հարթակի մուտքի համար։ ՀՀ ռեզիդենտ կազմակերպությունը տվյալ օնլայն հարթակի միջոցով այլ օտարերկրյա կազմակերպություններին պետք է մատուցի էլեկտրոնային ծառայություններ։ Թույլտվության ժամկետը սահմանված է մեկ տարի։ Խնդրում եմ պատասխանել հետևյալ հարցերի։

Հարց 1․ այս գործարքը կդիտվի՞ որպես ՀՀ-ում մշտական հաստատություն չունեցող ոչ ռեզիդնետ կազմակերպության կողմից ՀՀ կազմակերպությանը ծառայության մատուցում։ Եթե այո, ապա արդյո՞ք պետք է ՀՀ կազմակերպությունը դուրս գրի ինքնահաշիվ

Հարց 2․ Ռեզիդենտության տեղեկանքը պահանջել և ստացել է ՀՀ ռեզիդենտ կազմակերպությունը։ Այս փաստաթուղթը բավարա՞ր է որպես հարկային գործակալ ոչ ռեզիդնետի շահութահարկի վճարումից ազատվելու համար

Հարց 3․ Եթե ծառայության մատուցման ավարտը մեկ տարի հետո է, եթե ինքնահաշիվը գրվի հաջորդ տարի, արդյո՞ք շահութահարկի մասով ծախսագրման խնդիրներ կարող ենք ունենալ։ Նշեմ, որ ՊԵԿ պարզաբանմամբ տվյալ գործարքը շահութահարկի տեսանկյունից դիտվելու է որպես ոչ նյութական ակտիվ

Հարց 4․ ԱԱՀ-ի հաշվետվության մեջ ե՞րբ և ինչպե՞ս արտացոլել տվյալ գործարքը

Կարին․

Բարև Ձեզ, հարգելի գործընկերներ: Խնդրում եմ ասեք՝ արձակուրդի ընթացքում, ընտանիքի չափահաս անդամին խնամելու անաշխատունակության թերթիկի առկայության դեպքում (7օր), արդյո՞ք արձակուրդի ժամկետը երկարացվում է և ի՞նչ կարգով է իրականացվում վճարում: Շնորհակալություն:

Վահագն․

Բարև Ձեզ։ Եթե ԱՁ-ն ֆիզիկական անձին տրամադրում է փոխառություն անկանխիկ եղանակով, քանի որ գումարը գերազանցում է 300 000 դրամը, ապա ֆիզիկական անձը կարո՞ղ է փոխառության գումարը վերադարձնել ԱՁ-ին մաս-մաս կանխիկ եղանակով, եթե յուրաքանչյուր վերադարձված գումարը չի գերազանցելու 300.000 դրամը ամեն ամիս՝ օրինակ ամեն ամիս վերադարձնելու է 250 000 դրամ։

Անի․

Բարև Ձեզ։ Կազմակերպությունը ձեռք է բերել համակարգիչ EBAY կայքից և այն ստացել է փոստից, վճարումն էլ կատարել է Ընկերության բիզնես քարտով։ Այդ դեպքում պե՞տք է ինչ որ կերպ հայտարարագրել այդ համակարգիչը՝ հետագայում վաճառելիս ծախս ճանաչելու համար։

Ընկերություն՝ «ԱՅԹԻԷՖ» ՍՊԸ (դրամական (փողային) փոխանցումներ իրականացնող) վճարահաշվարկային կազմակերպություն
Հասցե՝ ՀՀ, ք. Երևան, Արշակունյաց պող. 15
Հեռախոս՝ +374 10 54 05 17, +374 12 20 40 50
Էլ․ փոստ՝ info@itfllc.am
Թափուր աշխատատեղ՝ Գլխավոր հաշվապահ
Աշխատանքի նկարագրություն՝

• Գլխավոր հաշվապահը պատասխանատվություն է կրում հաշվապահական հաշվառման վարման, ֆինանսական հաշվետվությունները ժամանակին պատրաստման, դրա վիճակի և հավաստիության, տարեկան հաշվետվությունների, ֆինանսական և վիճակագրական հաշվետվությունների, ինչպես նաև տրամադրվող ֆինանսական տեղեկությունների հավաստիության համար, օրենքին,այլ իրավական ակտերին համապատասխան:

• Իրականացնում է հաշվապահական հաշվառման ընդհանուր վարումը և ֆինանսական հաշվետվությունների կազմումը, կազմակերպության ակտիվների ու պարտավորությունների գույքագրման ապահովումը, կազմակերպության գործունեության համար սահմանված տնտեսական նորմատիվների համապատասխանության նկատմամբ հսկողությունը։

• Համակարգում է հաշվապահական հաշվառման և հաշվետվությունների, ինչպես նաև հաճախորդների սպասարկման բաժինների աշխատանքները։ Իրականացնում է հաշվետվությունների կազմման համար ներկայացված տեղեկատվության արժանահավատության և ամբողջականության ստուգում։

• Ապահովում է կազմակերպության ֆինանսա-տնտեսական գործունեության հաշվապահական հաշվառման կառավարումը, հաշվապահական ձևակերպումների կատարումը, ֆինանսական հաշվետվությունների կազմումը և ներկայացումը՝ համաձայն հաշվապահական միջազգային ստանդարտների, ՀՀ օրենսդրության, ՀՀ կենտրոնական բանկի կողմից սահմանված նորմատիվ ակտերի պահանջների և կազմակերպության հաշվապահական հաշվառման քաղաքականության։

• Կատարում է հաշվեկշռի կառուցվածքի, այդ թվում՝ դեբիտորական պարտքերի և կրեդիտորական պարտավորությունների, դրամական հոսքերի, եկամուտների և ծախսերի վերլուծություն և տվյալների արժանահավատության ապահովում։

• Ապահովում է ֆինանսա-տնտեսական գործունեության փաստերի ժամանակային ամրագրումը, ինչպես նաև ձևավորում է կազմակերպության գործունեության տնտեսական գործառնությունների և ֆինանսական արդյունքների մասին ամբողջական և հավաստի տեղեկատվություն։

• Ապահովում է աշխատանքի և աշխատավարձի վճարման հետ կապված հաշվարկները, վճարումները, հարկերի հաշվեգրումները և փոխանցումների կատարումը սահմանված ժամկետներում։

• Մասնակցում է կազմակերպության հաշվապահական հաշվառման քաղաքականության մշակման գործընթացին։

• Կազմակերպության ներքին ակտերով և կազմակերպության ղեկավարության հանձնարարականներով հաշվետվություններ է ներկայացում ընդհանուր ժողովին և գործադիր տնօրենին։

Պահանջներ՝

• Մասնագիտական բարձրագույն կրթություն հաշվապահության, ֆինանսների ոլորտներում

• Ֆինանսական համակարգում 5 տարի աշխատանքային փորձ, որից առնվազն 2 տարին՝ ֆինանսական կազմակերպության գլխավոր հաշվապահի կամ գլխավոր հաշվապահի տեղակալի պաշտոնում

• Հայաստանի աուդիտորների և փորձագետ հաշվապահների պալատի կողմից տրված փորձագետ հաշվապահի որակավորման վկայականի պարտադիր առկայություն

• ՀՀ բանկային համակարգի գործունեությունը կարգավորող օրենսդրության և ԿԲ ներքին իրավական նորմատիվ ակտերի իմացություն

• ՀԾ, e-invoicing ծրագրերի և MS Office-ի իմացություն

• Հարկային օրենսդրության իմացություն

• Պապատասխանատվության բարձր զգացում

• Ռուսերեն և անգլերեն լեզուների տիրապետում

Աշխատավարձ՝ պայմանագրային
Այլ նշումներ՝ Դիմելու համար համապատասխան թեկնածուները կարող են իրենց ինքնակենսագրականները ուղարկել info@itfllc.am էլ հասցեին՝ թեմա դաշտում նշելով «Գլխավոր հաշվապահ»: Մանրամասների համար կարող եք զանգահարել՝ +374 10 54 05 17, +374 12 20 40 50 հեռախոսահամարներով։

Վիկտորյա․

Եթե մի կազմակերպությունը մյուս կազմակերպութունը գնում է՝ աշխատակիցներին շարունակելով պահել նույն հաստիքներին, նույն աշխատավարձով և էական պայմաններով, արձակման նպաստ պե՞տք է վճարի, թե՞ ոչ, և աշխատանքային պայմանագրերը ո՞ր հոդվածով են լուծվում։ Ինչպե՞ս ճիշտ ձևակերպել և փաստաթղթավորել այս գործընթացը։

Գարիկ․

Բարև ձեզ։ Կասե՞ք՝ 8503 կոդին պատկանող ապրանքները ինչպե՞ս են հաշվարկում մաքսատանը, եթե դա ձեռք է բերվել միկրոձեռնարկատիրության կողմից ու կազմում է մոտ 4000$։

Գտնել մաքսային բրոքեր

Իրինա․

Բարև ձեզ։ Ես ուզում եմ զբաղվել օնլայն կահույքի վաճառքով (Ֆեյսբուք և Ինստագրամ)։ Ի՞նչ հարկատեսակով է հարկվելու այդ գործունեությունը։

Տիգրան․

Բարև ձեզ: ԱՁ եմ, աշխատում եմ ՏՏ ոլորտում, մատուցում եմ ծրագրային ապահովում և մշակում ոչ Հայաստանում գտնվող կազմակերպությանը։ Մինչև 2023թ․ աշխատել եմ շրջանառության հարկով։ Չեմ իմացել, որ օրենքով սահմանված ժամկետներում պետք է ներկայացնեի հաշվետվություն, որպեսզի շարունակեմ շրջանառության հարկով հարկվելը։ Հիմա հարկվում եմ ԱԱՀ–ով։ Հարց․ իմ պարագայում ես ընկնու՞մ եմ ԱԱՀ-ի 0-ական դրույքաչափով հարկվող դաշտում, թե՞ ոչ՝ ըստ Օրենսգրքի 65-րդ հոդվածի 2 մասի 11-րդ կետի։ Շնորհակալություն։

Ալլա․

Բարև ձեզ, հարգելի հաշվապահներ։ Եթե ՍՊԸ-ն ունի դեբիտորական և կրեդիտորական պարտքեր, կարո՞ղ է գործունեության ժամանակավոր դարդարեցման հայտ ներկայացնել, և խնդրում եմ հուշեք դադարեցման դեպքում ինֆորմացիայի աղբյուր։ Կանխավ շնորհակալություն։

Կարեն․

Բարև Ձեզ: Playstation համակարգչային խաղերի կենտրոնը ի՞նչ հարկատեսակով պետք է աշխատի։ Եթե հնարավոր է՝ օրենքի հղում կտա՞ք։

Աննա․

Բարև Ձեզ։ ԲՏԱ նախարարությունից ստացել եմ նամակ, որ պետք է իրենց հաշվետվություն ներկայացնեմ: Կասե՞ք՝ 0-ական շարժի դեպքում ԲՏԱ նախարարություն հաշվետվություն ներկայացնելու անհրաժեշտություն կա՞: ԱՁ-ն ԱԱՀ դաշտում է, գործունեության ոլորտն է 62.01.0: Սակայն գործունեություն դեռ չեմ իրականացրել և բոլոր հաշվետվությունները հանձնել եմ այս կոդի տակ զրոյական:

Կարեն․

Բարև Ձեզ։ ԱՁ-ն 2022 թվականի 1-ին եռամսյակին աշխատել է շրջ հարկով, այնուհետև ապրիլ ամսին անցել է ԱԱՀ, 2023 թվականին կրկին սկսել է աշխատել շրջ հարկի դաշտում։

Հարց․ 2023 թվականին առաջին եռամսյակի հաշվարկում 2022 թվականին 1-ին եռամսյակի հաշվարկով առաջացած փոխհատուցվող գումարը կներառվի՞, թե՞ ոչ։ Կասե՞ք, թե որ հոդվածով է կարգավորվում այս հարցը։

Նունե․

Բարև ձեզ։ Ես միկրոբիզնես եմ, օնլայն կուրսեր եմ վաճառելու առցանց։ Կայքի համար օգտագործելու եմ հայկական համակարգ՝ ucraft կամ uteach։ Իրենք ուղիղ ինտեգրվում են մեր բանկերի հետ, բայց էլեկտրոնային ՀԴՄ չունեն ավտոմատիզացված։ Իմ տպավորությամբ, իրենցից օգտվողներն այդ էլեկտրոնային ՀԴՄ-ները չեն ուղարկում։ Հիմա կասե՞ք խնդրում եմ՝ դա պարտադիր պայման է։

Աննա․

Կազմակերպութունը աշխատում է ԱԱՀ-ի դաշտում, փետրվար ամսին Պարսկաստանից ներմուծում է իրականացրել, մատուցվել է բեռնափոխադրման ծառայություն ոչ ռեզիդենտի կողմից 1500 դոլլար արժողությամբ, դա ՀՀ տարածքում, ուղարկվել է 209 ձևը, 5 տոկոս հարկվել է դրամային համարժեքը։ Խնդրում եմ ասել՝ ինչպե՞ս ՀԾ-ում ձևակերպել ոչ ռեզիդենտի շահութահարկը: Կանխավ շնորհակալություն։

Հայկ․

Բարև ձեզ, հարգելի մասնագետներ: Մարտ ամսվա համար ներկայացրել եմ ԱԱՀ հաշվարկ, և հաշվանցել եմ մարտ ամսվա ձեռքբերումների ԱԱՀ-ն, սակայն ինվոյսինգում այդ հաշիվները մի քանի օր անց եմ հաստատել: Օրենքի խախտում կա՞, և ինչպե՞ս կարելի է շտկել: Շնորհակալություն։

Ռուզաննա․

2023թ. Facebook-ի կրկնակի հարկումը բացառող համաձայնագիր ունե՞նք։

Աննա․

Բարև Ձեզ, կօգնե՞ք գործունեության տեսակի դասակարգիչն որոշել: ԱՁ-ն զբաղվում է freelance աշխատանքուվ` ՏՏ ոլորտի թեմաներով ուսուցողական հոդվածներ գրելով և կայքերի թեստավորմամբ (quality assurance):

Պավել․

Բարև ձեզ: ՍՊԸ-ն գրանցվել է 2023թ. մարտին, աշխատելու է ԱԱՀ-ի դաշտում, բայց գործունեություն դեռ չի իրականացնում: Գրանցված է միայն տնօրենը, որը հանդիսանում է ՌԴ քաղաքացի: Խնդրում եմ պարզաբանեք. 2023թ. I եռամսյակի և 2023թ. մարտ ամսվա համար ի՞նչ հաշվետվություններ են պետք ներկայացնել հարկային մարմին: ԱԱՀ-ի մասով ներկայացվել է 264. Հայտարարություն` ԱԱՀ վճարող համարվելու և որպես ԱԱՀ վճարող հաշվառվելու վերաբերյալ, 260. Ավելացված արժեքի հարկի և ակցիզային հարկի միասնական հաշվարկ (2020 թ․-ից) (զրոյական): Իսկ ին՞չ հաշվետվություն պետք է ներկայացվի տնօրենի համար: Կանխավ շնորհակալություն:

Լուսինե․

ԱԱՀ-ով աշխատող ԱՁ-ն ներմուծում է ապրանք ՌԴ-ից։ Բեռնափոխադրումը կատարում է Ռուսական ընկերություն։ Այս դեպքում ոչ ռեզիդենտի շահութահարկ վճարվու՞մ է։

Նունե.

Ծառայությունների վճարովի պայմանագրի  ժամկետը ավարտելուց հետո, եթե չի  երկարացվում, դադարեցման հիմք ո՞ր հոդվածը պետք է նշել հրամանի մեջ։

 Կանխավ շնորհակալ եմ

Նարե.

Բարև Ձեզ։ Հարգելի հաշվապահներ, ԵՏՄ անդամ պետությունից կազմակերպությունը անցած տարի հուլիսին ձեռք է բերել համակարգչային ծրագիր, որի ԱԱՀ- 0 է եղել։ ԱԱՀ-ի հաշվետվությունում պե՞տք է արդյոք ձեռք բերումը երևա, և եթե այո, ապա ի՞նչ պետք է անել, ինչպե՞ս ճշգրտել հաշվետվությունը։

Մելինե.

Տան վարձակալության պայմանագիր է կնքվել, ՀՎՀՀ է ստացել տան տերը և այդ կոդով կատարվել են եկամտային հարկի վճարումները, սակայն հաշվետվություն չի ներկայացվել։ Որևէ խնդիր կառաջանա՞։ Անցյալ տարվանը այդպես է վճարվել, այժմ այս տարվանն ենք պատրաստվում վճարել։ Խնդրում եմ հուշել՝ խնդիր կառաջանա, թե՞ ոչ։

Անահիտ․

Բարև ձեզ, հարգելի հաշվապահներ։ Կբացատրեք խնդրում եմ ՀՕ հոդված 114-ի 1-ին մասի 1-ին կետի կիրառությունը, շահութահարկ վճարողի հարկման բազան որոշելիս ինչպե՞ս է հաշվարկվում համախառն եկամտից չնվազեցվող վարկերի և փոխառությունների գծով հաշվարկվող տոկոսների գումարները: Կանխավ շնորհակալ եմ:

Լիլիթ․

Բարի օր, հարգելի հաշվապահներ։ ԱԱՀ վճարող ՍՊԸ-ն մերմուծում է էլեկտրոմոբիլներ, վաճառքի նպատակով, վաճառելու է ֆիզ․ անձի։ Քանի որ էլեկտրոմոբիլները ազատված են ԱԱՀ-ից, այժմ պետք է հաշիվ վավերագիր դուրս գրել։ Հարցս․ ֆիզ անձը փոխանցում է մեքենայի գումարը, տեղափոխման գումարը և ընկերության շահույթը։ Հաշիվ վավերագրում դուրս է գրվում ամբողջը, թե՞ միայն էլեկտրոմոբիլի գումարը։ Շնորհակալություն։

Գտնել բեռնափոխադրող ընկերություն

Eliza.

Բարև Ձեզ, հարգելի հաշվապահներ։ Խնդրում եմ պատասխանել մի քանի հարցի.

ՀՀ Ընկերությունը ոչ ռեզիդենտ կազմակերպություններից ձեռք է բերում համակարգչային ծրագիր և լիցենզիա: Երկու ձեռքբերումների ընթացքում էլ ոչ ռեզիդենտ կազմակերպությունների կողմից որևէ ծառայություն կամ աշխատանք չի մատուցվում:

1.Տվյալ երկու դեպքերում արդյո՞ք առաջանալու է ոչ ռեզիդենտի շահութահարկի պարտավորություն, թե՞ ոչ

2.Ծրագիր ձեռք բերելու դեպքում ինքնահաշիվ դուրս չի գրվելու, չէ՞։

Ընկերություն՝ ԻՄԷՔՍ ԳՐՈՒՊ
Հասցե՝ Երևան, Թբիլիսյան խճ․25
Հեռախոս՝ 055506270
Էլ․ փոստ՝ hr@imexgroup.am
Թափուր աշխատատեղ՝ Աշխատավարձի հաշվառման գծով հաշվապահ

Աշխատանքի նկարագրություն՝

• Իրականացնել աշխատակիցների աշխատավարձի հաշվառում ըստ հարկային օրենսդրության
• Իրականացնել քաղաքացիաիրավական պայմանագրով կնքված աշխատավարձի հաշվում և փոխանցումների կազմակերպում
• Իրականացնել ընկերության հաշվապահական հաշվառման վարումը, հարկայինն հաշվետվությունների ժամանակին կազմումը և ներկայացումը
• Մշակել հաշվապահական հաշվառման քաղաքականությունը համաձայն ՀՀ աշխատանքային և հարկային օրենսդրությանը
• Հաշվապահական փաստաթղթերի շրջանառության կազմակերպում և վարում

Պահանջներ՝

• Աշխատանքը պահանջում է ունենալ բարձրագույն հաշվապահական կրթություն
• Առնվազն 1 տարվա աշխատանքային փորձ տվյալ ոլորտում
• MS Office լավ իմացություն
• Հարկային և աշխատանքային օրենսգրքի իմացություն
• ՀԾ աշխատավարձի լավ իմացություն

Բոլոր որակավորված և հետաքրքրված անձանց խնդրում ենք ուղարկել իրենց ինքնակենսագրականները hr@imexgroup.am էլ.հասցեին՝ առարկա դաշտում նշելով հաստիքը, որի համար դիմում եք (Աշխատավարձի հաշվառման գծով հաշվապահ )։

Ընկերություն՝ Թի Էմ ԷԼ Քոնսալթինգ ՍՊԸ
Հասցե՝ Տերյան 1/1
Հեռախոս՝ 095771272
Էլ․ փոստ՝ info@tmlconsultant.com
Թափուր աշխատատեղ՝ Ավագ հաշվապահ
Աշխատանքի նկարագրություն՝

• Իրականացնել հաշվապահական հաշվառման ձևակերպումների ՀՀ օրենսդրության և հաշվապահական հաշվառման ստանդարտների համապատասխանության ստուգում
• Պատրաստել հարկային հաշվետվություններ
• Կատարել ընկերությունների եկամուտների և ծախսերի ճշգրիտ վերլուծություն և ամփոփ տեղեկավության պատրաստում
• Իրականացնել կառավարչական հաշվառման տեղեկատվության վերլուծություն և ամփոփ տեղեկատվության պատրաստում

Պահանջներ՝

• Բարձրագույն կրթություն
• ՀՀ հարկային օրենսդրության իմացություն
• ՀՀ աշխատանքային օրենսդրության իմացություն
• 1C 8/1C ERP և Microsoft Office ծրագրերի իմացություն
• Առնվազն 2 տարվա աշխատանքային փորձ
• Վերլուծական հմտություններ
• Սահմանված վերջնաժամկետներում արդյունավետ գործելու ունակություն

Դիմելու համար անհրաժեշտ է CV-ն ուղարկել info@tmlconsultant.com էլեկտորնային հասցեին:

Քրիստինա․

Բարև ձեզ։ Եթե շրջ․ հարկից անցում ենք կատարում ԱԱՀ-ի դաշտ ու եթե պահեստում ունենք ապրանքներ, որ ձեռք են բերվել ԱԱՀ-ով և ներառված են ինքնարժեքում (շրջ․ հարկի ժամանակ), կարո՞ղ եմ ԱԱՀ-ն վերականգնեմ վաճառքի ժամանակ։

Լիանա․

Բարև Ձեզ։ Եթե խանութում նաև վաճառվում է տեղում պատրաստվող սուրճ և ֆրեշ (խանութը չունի սպասարկման տարածք), այդ դեպքում համարվու՞մ է հանրային սնունդ, թե՞ ոչ, և թաղապետարան պետ․ տուրք անհրաժե՞շտ է վճարել։

Շուշանիկ․

Բարև ձեզ, հարգելի գործընկերնոր։ Եթե խնդրեմ կասե՞ք, թե որ որոշումով է կարգավորվում խոտան ապրանքների դուրսգրումը: Ինչպես նաև շահութահարկի գծով ծախսի ճանաչումը: Կանխավ շնորհակալ եմ։

Գայանե․

Բարև Ձեզ: Ասացեք խնդրեմ՝ ռուսական կազմակերպությունը իրավունք ունի՞ Հայաստանյան որևիցե բանկում բացել հաշիվ: Շնորհակալ եմ։

Լուսինե․

Բարև ձեզ։

ՍՊԸ-ն, որը աշխատում է շրջանառության հարկով, ցանկանում է ներմուծել էլեկտրական մեքենա։ Այս դեպքում կարո՞ղ է օգտվել արտոնությունից, և ի՞նչ հարկեր կառաջանան, եթե ձեռք բերի ոչ ռեզիդենտ ֆիզիկական անձից։

Գտնել բեռնափոխադրող ընկերություն

Մետաքսե․

Բարի օր։ ԱՁ-ն բացվել է անցած տարի նոյեմբերին, և ոչ մի գործողություն չի արվել դրանից հետո (ոչ դիմում, ոչ հաշվետվություն): Հիմա ցանկանում եմ դադարեցնել գործունեությունը։ Խնդրում եմ կօգնե՞ք հասկանալ՝ ի՞նչ տույժեր պետք է վճարեմ, և եթե ID քարտ չունեմ, ի՞նչ տարբերակով է հնարավոր ներկայացնել դադարեցման դիմում։

Հասմիկ․

Բարև Ձեզ։ Ընկերությունը 2023 -ից ԱԱՀ-ի դաշտից անցել է շրջանառության հարկի դաշտ: Պետությոն կարիքների համար կնքել ենք պայմանագիր, որտեղ նշված է, որ մենք ծառայություն ենք մատուցում տրակտորների վերանորոգման համար՝ դուրս է գրվում ծառ. մատուցման հաշիվ ըստ նրաց պահանջի, որտեղ պահանջում են ծառայությունների կատարումը նշել մի տողով, իսկ օգտագործած պահեստամասերի և նյութերի ցանկը առանձին: Խնդրում եմ պատասխանել՝ ինչպե՞ս լրացնեմ շրջհարկի հաշվետվությունը։

Քրիստինա․

Բարև Ձեզ, հարգելի կոլեգաներ, էսպիսի հարց՝ եթե ձեռք է բերվել ապրանք, որը չի վաճառվելու, այլ օգտագործվելու է օֆիսում, ապա ձեռքբերումից առաջացած ԱԱՀ-ի դեբետը չե՞մ կարող հաշվանցել, ինչպե՞ս վարվել։

Անի․

Բարի օր: Հարգելի՛ հաշվապահներ, կարո՞ղ եք օգնել. հանրային սննդի ոլորտում շրջհարկի հաշվետվության մեջ ներառվու՞մ են կոմունալ ծախսերը, աշխատավարձը՝ տնօրենին և աշխատակիցներին, տարածքի վարձավճարը ֆիզ անձից (պայմանագիր կա): Շնորհակալ եմ։